ജില്ലാ പ്രസിഡന്റ് ടോമി പാലയ്ക്കന്റെ അധ്യക്ഷതയിൽ ചേർന്ന ധർണ അഡ്വ. സേനാപതി വേണു ഉദ്ഘാടനം ചെയ്തു. ഇടുക്കി ജില്ലയിലെ ഇ.എസ്.എ. വിഷയമുൾപ്പെടെയുള്ള ഭൂമിപ്രശ്നങ്ങൾക്ക് ആറുമാസത്തിനകം പരിഹാരം കാണുമെന്നും ജില്ലയിലെ ഒരു കർഷകന്റെയും ഭൂമി ഇ.എസ്.എ. പരിധിയിൽ ഉൾപ്പെടാൻ അനുവദിക്കില്ലെന്നും അദ്ദേഹം പറഞ്ഞു.

അഡ്വ. ഇ.എം. ആഗസ്തി, കെ.പി.സി.സി. സെക്രട്ടറി തോമസ് രാജൻ, കർഷക കോൺഗ്രസ് സംസ്ഥാന ജനറൽ സെക്രട്ടറി ജോസ് മുത്തനാട്ട്, സംസ്ഥാന ഭാരവാഹികളായ വർക്കി പൊടിപാറ, ബെന്നി കുന്നേൽ, കെ.ആർ. രാമചന്ദ്രൻ, ഡി.സി.സി. സെക്രട്ടറിമാരായ പി.ആർ. അയ്യപ്പൻ, മനോജ് മുരളി, കെ.ജെ. ബെന്നി എന്നിവർ പ്രസംഗിച്ചു.

കോൺഗ്രസ് ബ്ലോക്ക് പ്രസിഡന്റുമാരായ തോമസ് മൈക്കിൾ, ജോർജ് കുറുമ്പുറം, സിജു ചക്കുംമൂട്ടിൽ, ജോയി ഈഴക്കുന്നേൽ, ജോസ് ആനക്കല്ലിൽ എന്നിവരും സംസാരിച്ചു.

ജോയി വർഗീസ്, മേരിദാസൻ, ജോസഫ് കുര്യൻ, അബ്ദുൾ അസീസ്, ബാബു അത്തിമൂട്ടിൽ, സൂട്ടർ പാലയ്ക്കൻ, തങ്കച്ചൻ കാരക്കാവയലിൽ, റോയി ജോൺ, ബിജോയി ജോൺ, ശ്യാം മനോജ്, റോബിൻ ആൽപാറ, ബേബി പുളിക്കക്കുന്നേൽ, ബെന്നി പാറേക്കാട്ടിൽ, ജയൻ കുരുവിള, രാജീവ് എസ്.വി., ടോമി തെങ്ങുംപള്ളി, എം.പി. ഫിലിപ്പ് എന്നിവർ പ്രതിഷേധ മാർച്ചിന് നേതൃത്വം നൽകി.

മധ്യകേരളത്തിന്റെ ആരോഗ്യരംഗത്ത് സമഗ്രമായ സംഭാവന നൽകാൻ മാർ സ്ലീവാ മെഡിസിറ്റിക്ക് സാധിച്ചിട്ടുണ്ടെന്ന് മന്ത്രി പറഞ്ഞു. എല്ലാ മേഖലകളിലുമുള്ളവരുടെ സഹകരണത്തോടെ കേരളത്തെ ആരോഗ്യമുള്ള സംസ്ഥാനമാക്കി മാറ്റുകയാണ് ലക്ഷ്യമെന്നും അദ്ദേഹം പറഞ്ഞു. ആരോഗ്യപരിപാലന രംഗത്ത് കേരളത്തിലെ ക്രൈസ്തവ സമൂഹം നൽകുന്ന സേവനം മഹത്തരമാണെന്നും മന്ത്രി കൂട്ടിച്ചേർത്തു.

പാലാ രൂപത ബിഷപ് മാർ ജോസഫ് കല്ലറങ്ങാട്ട് അധ്യക്ഷത വഹിച്ചു. ചുരുങ്ങിയ കാലയളവിനുള്ളിൽ മാർ സ്ലീവാ മെഡിസിറ്റി ലോകോത്തര നിലവാരത്തിലുള്ള ചികിത്സാകേന്ദ്രമായി വളർന്നതായി ബിഷപ് പറഞ്ഞു.

ഫ്രാൻസിസ് ജോർജ് എം.പി. മുഖ്യപ്രഭാഷണം നടത്തി. ആശുപത്രി മാനേജിംഗ് ഡയറക്ടർ റവ. ഫാ. മാത്യു തെക്കേൽ, എം.ജെ. സെബാസ്റ്റ്യൻ എം.എൽ.എ, പ്രഫ. റോണി കെ. ബേബി എം.എൽ.എ, കൊഴുവനാൽ പഞ്ചായത്ത് പ്രസിഡന്റ് ജോസി ജോസഫ് പൊയ്കയിൽ, ചീഫ് ഓഫ് മെഡിക്കൽ സർവീസസ് എയർ കോമഡോർ ഡോ. പോളിൻ ബാബു, ഗ്യാസ്ട്രോഎൻട്രോളജി വിഭാഗം മേധാവി ഡോ. രമേശ് എം., നെഫ്രോളജി വിഭാഗം മേധാവി ഡോ. മഞ്ജുള രാമചന്ദ്രൻ എന്നിവർ പ്രസംഗിച്ചു. ഡോ. ടി.സി. തങ്കച്ചൻ ചികിത്സാനുഭവം പങ്കുവെച്ചു.

150 വൃക്കമാറ്റിവയ്ക്കൽ ശസ്ത്രക്രിയകൾ പൂർത്തിയാക്കിയ മെഡിക്കൽ സംഘത്തെയും ദേശീയ ട്രാൻസ്പ്ലാന്റ് ഗെയിംസിൽ ജേതാവായ, മാർ സ്ലീവാ മെഡിസിറ്റിയിൽ വൃക്കമാറ്റിവയ്ക്കലിന് വിധേയനായ സിബി വർഗീസിനെയും അടിയന്തര സാഹചര്യത്തിൽ ഗർഭിണിയെ ആശുപത്രിയിലെത്തിച്ച് സുരക്ഷിത ചികിത്സ ഉറപ്പാക്കാൻ സഹായിച്ച നഴ്സ് ലിറ്റി ജോയിയെയും ചടങ്ങിൽ ആദരിച്ചു.

30,000 ചതുരശ്ര അടി വിസ്തീർണമുള്ള പുതിയ ബ്ലോക്കിലാണ് ഗ്യാസ്ട്രോസയൻസസ് വിഭാഗത്തിന്റെ വിപുലമായ ചികിത്സാസൗകര്യങ്ങൾ ഒരുക്കിയിരിക്കുന്നത്. മെഡിക്കൽ ഗ്യാസ്ട്രോഎൻട്രോളജി, ഹെപ്പറ്റോളജി, ജി.ഐ.–എച്ച്.പി.ബി. ശസ്ത്രക്രിയ, ഇന്റർവെൻഷണൽ റേഡിയോളജി, നൂതന ഇ.ആർ.സി.പി., എൻഡോസ്കോപിക് അൾട്രാസോണോഗ്രഫി, ലാപ്രോസ്കോപിക് കരൾ ശസ്ത്രക്രിയ, സങ്കീർണമായ ഉദരരോഗ കാൻസറുകൾക്കുള്ള ചികിത്സ തുടങ്ങിയ സേവനങ്ങൾ ഇവിടെ ലഭ്യമാണ്.

നാല് എൻഡോസ്കോപ്പി സ്യൂട്ടുകൾ, ക്യാപ്സൂൾ എൻഡോസ്കോപ്പി, മാനോമെട്രി, ഡെഡിക്കേറ്റഡ് സി–ആം, ഫൈബ്രോസ്കാൻ, ബ്രത്ത് അനലൈസർ തുടങ്ങിയ ആധുനിക സംവിധാനങ്ങളും കേന്ദ്രത്തിന്റെ പ്രത്യേകതകളാണ്.മാർ ഫെലിസിറ്റാസ്–2026 വിജയികൾക്കുള്ള സമ്മാനദാനവും മാർ സ്ലീവൻസ് അവതരിപ്പിച്ച ‘റിഥം–2026’ സാംസ്കാരിക പരിപാടിയും ചടങ്ങിന്റെ ഭാഗമായി നടന്നു.

എൻസിസി എയർ വിങ് കേഡറ്റുകൾക്ക് ചെറുവിമാനങ്ങൾ പറത്തുന്നതിനുള്ള പരിശീലനം നൽകുന്നതിനായാണ് സത്രത്തിൽ എയർസ്ട്രിപ്പ് ഒരുക്കുന്നത്. 800 മീറ്റർ റൺവേ, വിമാനങ്ങൾ പാർക്ക് ചെയ്യുന്നതിനുള്ള ഹാംഗർ, വാച്ച് ടവർ തുടങ്ങിയവയുടെ നിർമാണം ഇതിനകം പൂർത്തിയായിട്ടുണ്ട്. 2022 ഡിസംബർ ഒന്നിന് വ്യോമസേനയുടെ ചെറുവിമാനവും ഹെലികോപ്റ്ററും ഇവിടെ പരീക്ഷണ ലാൻഡിംഗ് നടത്തിയിരുന്നു.

കനത്ത മഴയിൽ റൺവേയുടെ ഷോൾഡറിന്റെ ഒരു ഭാഗം ഇടിഞ്ഞതും സംരക്ഷണഭിത്തി നിർമിക്കുന്നതിനും എയർസ്ട്രിപ്പിലേക്കുള്ള റോഡിൽ 400 മീറ്റർ ടാറിങ് നടത്തുന്നതിനും വനംവകുപ്പ് അനുമതി നൽകാതിരുന്നതുമാണ് നിർമാണം തടസപ്പെടാൻ കാരണമായത്. വിമാനമിറക്കുന്നതിന് തടസമായി നിൽക്കുന്ന മൺതിട്ട നീക്കം ചെയ്യുന്നതിനും ആവശ്യമായ ഭൂമി വിട്ടുനൽകേണ്ടതുണ്ട്.

പുതിയ സർക്കാർ അധികാരത്തിലെത്തിയതിന് പിന്നാലെ പീരുമേട് എംഎൽഎ സിറിയക് തോമസിന്റെ അധ്യക്ഷതയിൽ വിവിധ വകുപ്പുകളിലെ ഉദ്യോഗസ്ഥരുടെ യോഗം ചേർന്നിരുന്നു. നിർമാണ പ്രവർത്തനങ്ങൾക്കായി എൻസിസി സർക്കാരിന് 24 കോടി രൂപ കൈമാറിയിട്ടുണ്ട്. ഇതിൽ 14 കോടി രൂപ ഇതിനകം ചെലവഴിച്ചു. ഇടിഞ്ഞ ഭാഗത്ത് സംരക്ഷണഭിത്തി നിർമിക്കുന്നതിനായി മണ്ണ് പരിശോധന നടത്താൻ ജില്ലാ കളക്ടർ പൊതുമരാമത്ത് വകുപ്പിന് നിർദേശം നൽകിയിട്ടുണ്ട്.

എയർസ്ട്രിപ്പിനോടനുബന്ധിച്ച് കുട്ടികൾക്കായി ഡ്രോൺ സ്റ്റേഷനും റിമോട്ട് പൈലറ്റ് ട്രെയിനിങ് സെന്ററും ആരംഭിക്കാനും എൻസിസി പദ്ധതിയിടുന്നുണ്ട്.

രാവിലെ 9 മുതൽ വൈകിട്ട് 7 വരെയാണ് പ്രദർശനം നടക്കുന്നത്. പൊതുജനങ്ങൾക്ക് പ്രവേശനം സൗജന്യമാണ്. ഈ മാസം 20 വരെയാണ് ഹരിതോത്സവം.

ഒരു സ്കൂളിൽ നിന്ന് ഹൈസ്കൂൾ വിഭാഗത്തിൽ നിന്നും ഹയർ സെക്കൻഡറി വിഭാഗത്തിൽ നിന്നും രണ്ട് കുട്ടികൾ വീതം അടങ്ങുന്ന രണ്ട് ടീമുകൾക്ക് മത്സരത്തിൽ പങ്കെടുക്കാം. സ്കൂൾ അധികാരികളുടെ സാക്ഷ്യപത്രം സഹിതമുള്ള അപേക്ഷ സെപ്റ്റംബർ 22ന് ഉച്ചയ്ക്ക് 2 മണിക്ക് മുമ്പായി സമർപ്പിക്കണം.ഫോൺ: 04862 222344

ഐ.ടി.ഐ പ്രവേശനത്തിന് താൽപര്യമുള്ളവർ എസ്.എസ്.എൽ.സി, ആധാർ കാർഡ്, ജാതി സർട്ടിഫിക്കറ്റ്, ടി.സി. എന്നിവയുടെ അസ്സൽ സർട്ടിഫിക്കറ്റുകളും പകർപ്പുകളും സഹിതം ഐ.ടി.ഐ ഓഫീസിൽ നേരിട്ടെത്തി അപേക്ഷ സമർപ്പിക്കണം. അപേക്ഷാ ഫീസ് ₹100. അപേക്ഷാ ഫോമുകൾ ഐ.ടി.ഐ ഓഫീസിൽ നിന്ന് ലഭിക്കും.

അപേക്ഷിക്കാനുള്ള അവസാന തീയതി: ഒക്ടോബർ 19.ഫോൺ: 9946010769, 9605504469

​തുടർന്ന് നഗരസഭാ സെക്രട്ടറിയുടെ നിർദ്ദേശപ്രകാരം ഈ സ്ഥാപനങ്ങൾ നിരീക്ഷണത്തിലാക്കുകയും സാഗര ജംഗ്ഷനിലെ കേന്ദ്രത്തിൽ നേരിട്ടെത്തി റെയ്ഡ് നടത്തുകയുമായിരുന്നു.

​നടപടി കടുപ്പിച്ച് നഗരസഭ

​വരും ദിവസങ്ങളിലും പരിശോധന ശക്തമാക്കാനാണ് അധികൃതരുടെ തീരുമാനം:

​നിരോധിത പ്ലാസ്റ്റിക് ഉൽപ്പന്നങ്ങൾ സൂക്ഷിക്കുകയോ വിൽക്കുകയോ ചെയ്യുന്നവർക്ക് വൻതുക പിഴ ചുമത്തും.​മുമ്പ് പിഴ അടച്ചിട്ടും വീണ്ടും നിയമലംഘനം തുടരുന്ന കടകളുടെ ലൈസൻസ് റദ്ദാക്കും.​ആവർത്തിച്ച് കുറ്റം ചെയ്യുന്ന വ്യാപാരികൾക്കെതിരെ പ്രോസിക്യൂഷൻ അടക്കമുള്ള കർശന ക്രിമിനൽ നടപടികൾ സ്വീകരിക്കാൻ ജില്ലാതലത്തിൽ നിന്നും നിർദ്ദേശം നൽകിയിട്ടുണ്ട്.

‘ആത്മഹത്യയെക്കുറിച്ചുള്ള കാഴ്ചപ്പാടുകള്‍ മാറ്റാം’ എന്നതാണ് ഈ വര്‍ഷത്തെ ദിനാചരണ സന്ദേശം. ശാന്തിഗിരി കോളജ് ഓഡിറ്റോറിയത്തില്‍ നടന്ന ചടങ്ങില്‍ തൊടുപുഴ ബ്ലോക്ക് പഞ്ചായത്ത് പ്രസിഡന്റ് മുഹമ്മദ് അന്‍ഷാദ് അധ്യക്ഷത വഹിച്ചു. ജില്ലാ മെഡിക്കല്‍ ഓഫീസര്‍ ഡോ. ഐപ് ജോസഫ് മുഖ്യപ്രഭാഷണം നടത്തി. ഡോ. ബബിന്‍ ജെ. തുറയ്ക്കല്‍ ‘ആത്മഹത്യാ പ്രതിരോധം’ എന്ന വിഷയത്തില്‍ ക്ലാസ് നയിച്ചു.

ഒരു വർഷത്തിലേറെയായി തകർന്നുകിടക്കുന്ന ദേശീയപാതയിൽ നിന്ന് ബസ് സ്റ്റാൻഡിലേക്കുള്ള പുത്തനങ്ങാടി റോഡ് കോൺക്രീറ്റ് ചെയ്ത് നവീകരിക്കുന്നതിനാണ് കവാടം അടയ്ക്കുന്നത്. പദ്ധതിക്കായി പഞ്ചായത്ത് പ്രാഥമികമായി ആറുലക്ഷം രൂപ വകയിരുത്തിയിട്ടുണ്ട്. മുണ്ടക്കയം, എരുമേലി ഭാഗങ്ങളിലേക്കുള്ള ബസുകൾ സിവിൽ സ്റ്റേഷന് മുന്നിലും കോട്ടയം, ചങ്ങനാശേരി ഭാഗങ്ങളിലേക്കുള്ള ബസുകൾ എസ്.എം. ടെക്സ്റ്റൈൽസിന് സമീപവും നിർത്തി യാത്രക്കാരെ കയറ്റിയിറക്കും.

ഈരാറ്റുപേട്ട, ഇടക്കുന്നം, ചേനപ്പാടി, മണിമല, തമ്പലക്കാട് തുടങ്ങിയ സ്ഥലങ്ങളിലേക്കുള്ള ബസുകൾക്ക് സ്റ്റാൻഡിൽ പ്രവേശിക്കാം. ഇവ സ്റ്റാൻഡിൽ നിന്ന് പുറത്തേക്ക് പോകുന്ന അതേ വഴിയിലൂടെ പ്രവേശിക്കുകയും വേണം. റോഡ് നവീകരണവുമായി ബന്ധപ്പെട്ട ഗതാഗത ക്രമീകരണങ്ങളോട് യാത്രക്കാരും പൊതുജനങ്ങളും ബസ് ജീവനക്കാരും സഹകരിക്കണമെന്ന് പഞ്ചായത്ത് പ്രസിഡന്റ് സുനി ജോസഫ് പത്യാല അഭ്യർഥിച്ചു. റോഡിന്റെ ശോച്യാവസ്ഥയ്ക്ക് ശാശ്വത പരിഹാരമായി കോൺക്രീറ്റിങ് അനിവാര്യമാണെന്നും പഞ്ചായത്ത് അധികൃതർ വ്യക്തമാക്കി.

ചങ്ങനാശ്ശേരി ആസ്ഥാനമായി പ്രവർത്തിക്കുന്ന എബിഎൽഎസ് ഹ്യൂമൻ റിസോഴ്‌സസ് പ്രൈവറ്റ് ലിമിറ്റഡിൽ വിദേശ ജോലിക്കായി രജിസ്റ്റർ ചെയ്ത ഉദ്യോഗാർഥികൾക്ക് വിസയും ജോലിയും ശരിയാക്കി നൽകാമെന്ന് വിശ്വസിപ്പിച്ചാണ് പണം കൈപ്പറ്റിയതെന്ന് പൊലീസ് പറഞ്ഞു. 2025 നവംബർ 4 മുതൽ 2026 മാർച്ച് 7 വരെ വിവിധ ഘട്ടങ്ങളിലായി ഒന്നാം പ്രതി നേരിട്ടും മറ്റ് പ്രതികളുടെ ബാങ്ക് അക്കൗണ്ടുകളിലേക്കും ഏജൻസി അക്കൗണ്ടിലേക്കും 1,00,73,300 രൂപ കൈപ്പറ്റിയെന്നാണ് കേസ്. പണം വാങ്ങിയ ശേഷം ജോലി നൽകുകയോ തുക തിരികെ നൽകുകയോ ചെയ്യാതെ വഞ്ചിച്ചെന്നാണ് പരാതി.

കേസിൽ പ്രതിക്കെതിരെ ലുക്ക് ഔട്ട് സർക്കുലർ പുറപ്പെടുവിച്ചിരുന്നു. കേരളത്തിൽ അവധിക്കെത്തിയ ജെൻസൺ അഹമ്മദാബാദ് വിമാനത്താവളം വഴി അർമേനിയയിലേക്ക് പോകാൻ ശ്രമിക്കുന്നതിനിടെയാണ് എൽഒസി പ്രകാരം പിടിയിലായത്. തുടർന്ന് ചങ്ങനാശ്ശേരി പൊലീസ് ഇയാളെ അഹമ്മദാബാദിൽ നിന്ന് കസ്റ്റഡിയിലെടുത്ത് നിയമനടപടികൾ പൂർത്തിയാക്കി റിമാൻഡ് ചെയ്തു.

ചങ്ങനാശ്ശേരി ഡിവൈഎസ്പി ആഷാദ് എസ്., എസ്എച്ച്ഒ അനിൽ ജോർജ് എന്നിവരുടെ നേതൃത്വത്തിൽ എസ്‌ഐമാരായ അഖിൽ വിജയകുമാർ, ബിനിൽ വിജയൻ, എസ്സിപിഒ നിതിൻ ജോൺ, എഎസ്ഐ സൈനി സെബാസ്റ്റ്യൻ എന്നിവർ ഉൾപ്പെട്ട സംഘമാണ് പ്രതിയെ പിടികൂടിയത്.

2019 നവംബർ രണ്ടിന് മലങ്കര ടൂറിസം പദ്ധതി ഉദ്ഘാടനം ചെയ്തെങ്കിലും കുട്ടികളുടെ പാർക്ക് മാത്രമാണ് പ്രവർത്തനസജ്ജമായത്. വർഷങ്ങൾ പിന്നിട്ടിട്ടും മറ്റ് വികസന പ്രവർത്തനങ്ങൾ കാര്യമായി മുന്നോട്ടുപോയില്ല. ജലവിഭവ വകുപ്പിന്റെ ഉടമസ്ഥതയിലുള്ള ഭൂമിയായതിനാൽ വകുപ്പിന്റെ അനുമതി ലഭിക്കാത്തതാണ് വിവിധ പദ്ധതികൾക്ക് തടസ്സമാകുന്നതെന്നാണ് ആക്ഷേപം. നിരവധി വികസന പദ്ധതികളുടെ റിപ്പോർട്ടുകൾ സമർപ്പിച്ചെങ്കിലും അനുമതി ലഭിച്ചില്ലെന്നും ചൂണ്ടിക്കാട്ടുന്നു.

സോളാർ ബോട്ട്, കുട്ടവഞ്ചി, ഹെറിറ്റേജ് ഹോട്ടൽ, ബഗ്ഗി കാർ, കുതിരസവാരി, റോപ് വേ തുടങ്ങിയ പദ്ധതികൾ മലങ്കരയിൽ ആരംഭിക്കാനാകുമെന്നാണ് നിർദേശം. ബോട്ട് സർവീസിനായി വർഷങ്ങൾക്ക് മുമ്പ് നിർമിച്ച ബോട്ടുജെട്ടിയും ഇപ്പോൾ ഉപയോഗശൂന്യമായി കിടക്കുകയാണ്. ഫുഡ് ക്രാഫ്റ്റ് സ്ഥാപനവും മലങ്കര ഹബ്ബിൽ വികസന പദ്ധതികൾക്കായി നൽകിയ നിർദേശങ്ങൾ നടപ്പായില്ലെന്നും ആരോപണമുണ്ട്.

116 കോടിയുടെ മലങ്കര ടൂറിസം വികസന പദ്ധതിയും, കേന്ദ്ര സർക്കാരിന്റെ സ്വദേശി ദർശൻ പദ്ധതിയിൽ ഉൾപ്പെടുത്തി പ്രഖ്യാപിച്ച 102 കോടിയുടെ വികസന പദ്ധതിയും ഉൾപ്പെടെ നിരവധി പ്രഖ്യാപനങ്ങൾ പിന്നീട് യാഥാർഥ്യമാകാതെ പോയി. ആദ്യഘട്ടത്തിൽ അനുവദിച്ച നാല് കോടിക്ക് പിന്നാലെ 26 കോടിയുടെ പദ്ധതി നടപ്പാക്കുമെന്ന പ്രഖ്യാപനവും ഉണ്ടായിരുന്നെങ്കിലും പുരോഗതിയുണ്ടായില്ല.

വാഗമൺ, ഇടുക്കി തുടങ്ങിയ പ്രധാന വിനോദസഞ്ചാര കേന്ദ്രങ്ങളിലേക്കുള്ള യാത്രാമധ്യേ സഞ്ചാരികൾക്ക് ഇടത്താവളമാക്കാൻ മലങ്കരയ്ക്ക് കഴിയുമെന്നാണ് നാട്ടുകാരുടെ വിലയിരുത്തൽ. മലങ്കര ടൂറിസം പദ്ധതിയുടെ ജനറൽ കൗൺസിൽ യോഗം വർഷങ്ങളായി ചേർന്നിട്ടില്ലെന്നും യോഗം അടിയന്തരമായി വിളിച്ചുചേർത്ത് വികസന പ്രവർത്തനങ്ങൾക്ക് വഴിയൊരുക്കണമെന്നും ആവശ്യമുണ്ട്. എം.എ. ഷബീർ, സുജി പുളിക്കൽ, അജയൻ താന്നിക്കാമറ്റം എന്നിവർ പിപിപി പദ്ധതിക്ക് അനുമതി നൽകണമെന്നും അടിസ്ഥാനസൗകര്യങ്ങൾ വികസിപ്പിക്കണമെന്നും ആവശ്യപ്പെട്ടു.

ആൾ കേരള ബാങ്ക് റിട്ടയേറീസ് ഫെഡറേഷൻ സംസ്ഥാന ജനറൽ സെക്രട്ടറി കെ.എസ്. കൃഷ്ണ സമ്മേളനം ഉദ്ഘാടനം ചെയ്തു. കെ.എം. മുഹമ്മദ് റഷീദ് അധ്യക്ഷനായി. സംസ്ഥാന ജോയിന്റ് ജനറൽ സെക്രട്ടറി മാത്യു ജോർജ്, വിൽസൺ ജോൺ, എ.ഐ.ബി.ഇ.എ ജില്ലാ സെക്രട്ടറി നഹാസ് പി. സലിം, സെൽവിൻ ജോൺ, കെ. ഹരിദാസ് എന്നിവർ സംസാരിച്ചു.

തുടർന്ന് നടന്ന തെരഞ്ഞെടുപ്പിൽ കെ.എം. മുഹമ്മദ് റഷീദ് പ്രസിഡന്റായും സെൽവിൻ ജോൺ സെക്രട്ടറിയായും എബ്രഹാം ഡേവിഡ് ട്രഷററായും തെരഞ്ഞെടുക്കപ്പെട്ടു. പി.വി.പി. പിള്ള, വിൽസൺ ജോൺ, പി.ഡി. ജോസഫ് എന്നിവർ വൈസ് പ്രസിഡന്റുമാരായി. കെ. ഹരിദാസ് ജോയിന്റ് സെക്രട്ടറിയും ടി.ജെ. പോൾ, എസ്. ബിന്ദു എന്നിവർ അസിസ്റ്റന്റ് സെക്രട്ടറിമാരുമായി. വനിതാ വിഭാഗം കൺവീനറായി ക്ലാരമ്മ ജോണിനെയും ജോയിന്റ് കൺവീനർമാരായി എ. ഇന്ദിര, പി.എം. തങ്കമ്മ എന്നിവരെയും തെരഞ്ഞെടുത്തു.

നഴ്സ്, നഴ്സിങ് അസിസ്റ്റന്റ്, ഫാർമസിസ്റ്റ്, അറ്റൻഡർ, ശുചീകരണ വിഭാഗങ്ങളിലും ജീവനക്കാരുടെ കുറവുണ്ട്. തൊഴിലാളികളും ആദിവാസികളും ഉൾപ്പെടെ പ്രതിദിനം 500-ലേറെ രോഗികളാണ് ആശുപത്രിയിലെത്തുന്നത്. രണ്ട് വാർഡുകളിലായി 70 കിടക്കകളുണ്ടെങ്കിലും ഒരു മാസമായി കിടത്തിച്ചികിത്സ നിലച്ചിരിക്കുകയാണ്.

മെഡിക്കൽ കോളേജുകളിൽ നിന്ന് അടിയന്തര ചികിത്സ നിർദേശിച്ചവരെ മാത്രമാണ് നിലവിൽ അഡ്മിറ്റ് ചെയ്യുന്നത്. മെഡിക്കൽ സൂപ്രണ്ടും സർജനും സ്ഥലം മാറിയിട്ടും പകരം നിയമനം നടത്തിയിട്ടില്ല. ശിശുരോഗ വിഭാഗവും പ്രവർത്തനരഹിതമാണ്. 2023ൽ വിവിധ വിഭാഗങ്ങളിലായി 1500-ലേറെ ശസ്ത്രക്രിയകൾ നടന്ന ആശുപത്രിയിൽ നിലവിൽ ഓർത്തോ വിഭാഗത്തിൽ മാത്രമാണ് ശസ്ത്രക്രിയ നടക്കുന്നത്. അടുത്തിടെ നിയമിച്ച നാല് ഡോക്ടർമാർ രണ്ടുവർഷത്തെ പി.ജി പഠനാവധിയിൽ പ്രവേശിച്ചതും പ്രതിസന്ധി രൂക്ഷമാക്കി.

ഇടുക്കി ജില്ലയിലെ തൊടുപുഴ സ്വദേശിയായ സുബ്രഹ്മണ്യൻ കേരളത്തിലും കേന്ദ്രസർക്കാർ തലത്തിലും വിവിധ പ്രധാന ചുമതലകൾ വഹിച്ചിട്ടുണ്ട്. കേരള ഗവർണറുടെ പ്രസ് റിലേഷൻസ് ഓഫീസർ, തിരുവനന്തപുരം ദൂരദർശൻ വാർത്താവിഭാഗം ഡയറക്ടർ, കേരള സാംസ്കാരിക വകുപ്പ് ഡയറക്ടർ, മണ്ണ് പര്യവേക്ഷണ-മണ്ണുസംരക്ഷണ വകുപ്പ് ഡയറക്ടർ, പ്രതിരോധ മന്ത്രാലയത്തിലെ ഡയറക്ടർ പബ്ലിക് റിലേഷൻസ് തുടങ്ങിയ നിലകളിൽ പ്രവർത്തിച്ച അനുഭവസമ്പത്തുമായാണ് പുതിയ ചുമതലയിലെത്തുന്നത്. തിരുവനന്തപുരം കോളേജ് ഓഫ് എൻജിനിയറിങ്ങിൽ നിന്ന് ബി.ടെക്കും എം.ബി.എയും നേടിയിട്ടുണ്ട്.

തൊടുപുഴയിൽ നിന്ന് ദേശീയ പ്രക്ഷേപണ രംഗത്തെ ഉന്നത പദവിയിലേക്ക് സുബ്രഹ്മണ്യൻ എത്തിയതും ഇടുക്കിക്ക് അഭിമാനനേട്ടമായി.

കോളേജിലെ കൊമേഴ്സ് ഡിപ്പാർട്ട്മെൻ്റ് സ്പോർട്സ് ക്ലബ് ,വിമുക്തി ക്ലബ്, IQAC സെൽ എന്നിവർ സംയുക്തമായാണ് മത്സരം സംഘടിപ്പിച്ചത്. അണക്കര ആറാം മൈലിലെ J&J ഇൻഡോർ ടർഫിൽ നടന്ന മത്സരം കട്ടപ്പന ബ്ലോക്ക് പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജോബൻ പാനോസ് ഉദ്ഘാടനം ചെയ്തു.

വിദ്യാർത്ഥികളിൽ കായികശേഷി വളർത്തുന്നതിനൊപ്പം ലഹരിക്കെതിരായ സന്ദേശം യുവതലമുറയിൽ ശക്തമാക്കുക എന്ന ലക്ഷ്യത്തോടെയാണ് മത്സരം സംഘടിപ്പിച്ചത്.വിജയികൾക്ക് കേരള കാറ്ററിംഗ് സ്പോൺസർ ചെയ്ത 1,501 രൂപയും രണ്ടാം സ്ഥാനക്കാർക്ക് J&J ഇൻഡോർ ടർഫ് നൽകിയ 1,001 രൂപയും സമ്മാനമായി നൽകി.

അധ്യാപകരായ വിനീത കെ.എസ്., ബിബിൻ കെ. രാജു, ജിനിമോൾ മാത്യു, അശ്വതി പി.എസ്., വിന്ദുജ എൻ.വി., മേരി ജോൺ എന്നിവരും വിദ്യാർത്ഥി പ്രതിനിധികളായ മോബിൻ മോഹൻ, അഭിജിത്ത് ജിജി എന്നിവരും പരിപാടികൾക്ക് നേതൃത്വം നൽകി.

മൽസര വിജയികൾക്ക് കോളേജ് പ്രിൻസിപ്പൽ ഷാജി ആർ. കെ,വൈസ് പ്രിൻസിപ്പൽ മെൽവിൻ എൻ വി എന്നിവർ സമ്മാനം നൽകി

മണിക്കൂറുകളായി വൈദ്യുതി ലഭിക്കാത്തതിനെ തുടർന്ന് ഹോട്ടലുകൾ, കോഫി ഷോപ്പുകൾ, ബേക്കറികൾ തുടങ്ങി വൈദ്യുതിയെ ആശ്രയിച്ച് പ്രവർത്തിക്കുന്ന നിരവധി സ്ഥാപനങ്ങളുടെ പ്രവർത്തനം താറുമാറായി. ഭക്ഷണസാധനങ്ങൾ കേടാകുന്നതും ഫ്രിഡ്ജ്, ഫ്രീസർ തുടങ്ങിയ ഉപകരണങ്ങൾ പ്രവർത്തിക്കാത്തതും ഉൾപ്പെടെ വ്യാപാരികൾക്ക് വലിയ സാമ്പത്തിക നഷ്ടമാണ് സംഭവിച്ചിരിക്കുന്നതെന്ന് വ്യാപാരികൾ പറയുന്നു.

അറ്റകുറ്റപ്പണികളോ വൈദ്യുതി പോസ്റ്റുകൾ മാറ്റുന്ന ജോലികളോ നടത്തേണ്ട സാഹചര്യമുണ്ടെങ്കിൽ, ബന്ധപ്പെട്ട പ്രദേശത്തെ ഉപഭോക്താക്കളെയും വ്യാപാര സ്ഥാപനങ്ങളെയും മുൻകൂട്ടി അറിയിക്കേണ്ടത് അനിവാര്യമാണെന്നാണ് വ്യാപാരികളുടെ നിലപാട്. എന്നാൽ ഇത്തരത്തിൽ യാതൊരു മുന്നറിയിപ്പുമില്ലാതെ വൈദ്യുതി ബന്ധം വിച്ഛേദിച്ചത് വ്യാപാര മേഖലയെ നേരിട്ട് ബാധിച്ചിരിക്കുകയാണെന്നും അവർ ആരോപിക്കുന്നു.

വൈദ്യുതി മുടക്കത്തിന്റെ കൃത്യമായ കാരണം, വൈദ്യുതി പുനഃസ്ഥാപിക്കുന്ന സമയം എന്നിവ സംബന്ധിച്ച് വ്യക്തമായ വിവരം ലഭിക്കാത്തതും വ്യാപാരികളിൽ ആശങ്ക വർധിപ്പിക്കുന്നുണ്ട്.

മുന്നറിയിപ്പില്ലാതെ വൈദ്യുതി മുടക്കിയ കെഎസ്ഇബിയുടെ നടപടിക്കെതിരെ വ്യാപാരികൾക്കിടയിൽ ശക്തമായ പ്രതിഷേധമാണ് ഉയരുന്നത്. ഭാവിയിൽ ഇത്തരം വൈദ്യുതി തടസ്സങ്ങൾ ഉണ്ടാകുന്നതിന് മുമ്പ് മതിയായ അറിയിപ്പ് നൽകണമെന്നും, നിലവിലെ വൈദ്യുതി മുടക്കം അടിയന്തരമായി പരിഹരിച്ച് വ്യാപാര സ്ഥാപനങ്ങളുടെ പ്രവർത്തനം സാധാരണ നിലയിലാക്കണമെന്നും വ്യാപാരികൾ ആവശ്യപ്പെട്ടു.

റോഡിലൂടെ നടന്നെത്തിയ കടുവ വാഹനത്തിന്റെ ശബ്ദം കേട്ടതോടെ സമീപത്തെ തേയിലത്തോട്ടത്തിലേക്ക് ഇറങ്ങിപ്പോയി. യാത്രാസംഘം കടുവയുടെ ദൃശ്യങ്ങൾ പകർത്തുകയും ചെയ്തു.

കഴിഞ്ഞ ആഴ്ച സൈലന്റ് വാലി ഡിവിഷനിൽ കടുവ മേയാൻ വിട്ടിരുന്ന പശുവിനെ ആക്രമിച്ച് പരുക്കേൽപ്പിച്ചിരുന്നു. തുടർച്ചയായി കടുവയുടെ സാന്നിധ്യം സ്ഥിരീകരിക്കുന്ന സാഹചര്യത്തിൽ നാട്ടുകാരും തോട്ടം തൊഴിലാളികളും കടുത്ത ആശങ്കയിലാണ്. വനമേഖലയോട് ചേർന്ന പ്രദേശങ്ങളിൽ ജാഗ്രത ശക്തമാക്കണമെന്ന ആവശ്യവും ഉയർന്നിട്ടുണ്ട്.

വയോജനങ്ങളുടെ ആരോഗ്യ, സാമൂഹിക, സാമ്പത്തിക സ്ഥിതിഗതികൾ, ദൈനംദിന ജീവിതസാഹചര്യങ്ങൾ എന്നിവ വിലയിരുത്തുന്നതിനൊപ്പം സാമൂഹ്യസുരക്ഷാ പദ്ധതികളുടെയും വിവിധ സേവനങ്ങളുടെയും ലഭ്യതയിൽ നിലനിൽക്കുന്ന കുറവുകൾ കണ്ടെത്തുകയാണ് വിവരശേഖരണത്തിന്റെ പ്രധാന ലക്ഷ്യം.

സംസ്ഥാന സർക്കാരിന്റെ 100 ദിന പരിപാടിയിൽ ഉൾപ്പെടുത്തി വയോജന ക്ഷേമ വകുപ്പും സെന്റർ ഫോർ മാനേജ്‌മെന്റ് ഡെവലപ്‌മെന്റും (സി.എം.ഡി) ചേർന്നാണ് വിവരശേഖരണം നടത്തുന്നത്.

വയോജന ക്ഷേമ വകുപ്പ് സെക്രട്ടറി ഡോ. രത്തൻ യു. ഖേൽക്കർ ഐ.എ.എസ്., മുഖ്യമന്ത്രിയുടെ ഓഫീസ് ഓൺ ഡ്യൂട്ടി സെക്രട്ടറി എൻ.എസ്.കെ. ഉമേഷ് ഐ.എ.എസ്., സാമൂഹ്യനീതി വകുപ്പ് ഡയറക്ടർ ഡോ. അരുൺ എസ്. നായർ ഐ.എ.എസ്., സി.എം.ഡി ഡയറക്ടർ ഡോ. ജയശങ്കർ പ്രസാദ് എന്നിവർ ചടങ്ങിൽ പങ്കെടുത്തു.

വടക്കൻ ബംഗാൾ ഉൾക്കടലിനും സമീപ ബംഗ്ലാദേശ് തീരപ്രദേശത്തിനും മുകളിലായി ചക്രവാതച്ചുഴി നിലനിൽക്കുന്നുണ്ട്. ഇതിന്റെ സ്വാധീനഫലമായി വടക്കൻ ബംഗാൾ ഉൾക്കടലിനും സമീപ പ്രദേശങ്ങൾക്കും മുകളിലായി ന്യൂനമർദം രൂപപ്പെടാൻ സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.

ഇന്ന് മുതൽ 12 വരെ സംസ്ഥാനത്ത് ഒറ്റപ്പെട്ടയിടങ്ങളിൽ ശക്തമായ മഴയ്ക്ക് സാധ്യതയുണ്ട്. മഴ ലഭിക്കുന്നതോടെ ഉയർന്ന ചൂടിന് ആശ്വാസമാകുമെന്നാണ് പ്രതീക്ഷ.

അതേസമയം, മഴയെത്തുന്നതോടെ വൈദ്യുതി ഉപഭോഗത്തിൽ കുറവുണ്ടാകുമെന്ന പ്രതീക്ഷയിലാണ് കെ.എസ്.ഇ.ബി. സംസ്ഥാനത്ത് വൈദ്യുതി ലഭ്യതയിലെ കുറവ് തുടരുകയാണ്. നിലവിൽ ഏകദേശം 800 മെഗാവാട്ടിന്റെ കുറവാണ് അനുഭവപ്പെടുന്നത്. കഴിഞ്ഞ ദിവസങ്ങളിലും വിവിധയിടങ്ങളിൽ മുന്നറിയിപ്പില്ലാതെ വൈദ്യുതി മുടങ്ങിയിരുന്നു.

ക്ലബ് പ്രസിഡന്റ് ലാൽ എബ്രാഹത്തിന്റെ അധ്യക്ഷതയിൽ ചേർന്ന ചടങ്ങിൽ ലയൺസ് റീജണൽ ചെയർമാൻ അമൽ മാത്യുവും സോൺ ചെയർമാൻ സജിൻ സ്കറിയയും ചേർന്ന് തറക്കല്ലിടൽ നിർവഹിച്ചു. ജോർജ് തോമസ്, റെജി ജോസഫ് വരകുകാല, ജോസ് മാത്യു എന്നിവർ സംസാരിച്ചു.

കഴിഞ്ഞ രണ്ട് വർഷത്തിനിടെ ഏറ്റെടുത്ത 11 വീടുകളുടെയും നിർമാണം പൂർത്തിയാക്കി ഗുണഭോക്താക്കൾക്ക് കൈമാറിയ ശേഷമാണ് ഉപ്പുതറ ലയൺസ് ക്ലബ് ഈ വർഷത്തെ നന്മഭവന പദ്ധതിയിലേക്ക് കടന്നത്.

സാമ്പത്തികമായി പിന്നാക്കം നിൽക്കുന്ന കുടുംബങ്ങൾക്ക് വിവിധ പ്രദേശങ്ങളിലായി ഈ വർഷവും വീടുകൾ നിർമിച്ച് നൽകുന്നതിനാണ് ക്ലബ് ലക്ഷ്യമിടുന്നത്.

ക്ലബ് ഭാരവാഹികളായ ജോയി സേവ്യർ, റെജികുമാർ പി.ജി., രതീഷ് പി.ആർ., സോജൻ ജോസഫ്, തോമസ് വി.ജെ., എം.എ. സുനിൽ, സണ്ണി പാറയിൽ, ബിജുമോൻ മാത്യു തുടങ്ങിയവർ പരിപാടികൾക്ക് നേതൃത്വം നൽകി.

ഹെൻറി ബേക്കർ കോളേജ് പ്രിൻസിപ്പൽ പ്രൊഫ. ഡോ. ഗിരീഷ് കുമാർ ജി.എസ് അധ്യക്ഷത വഹിച്ച ചടങ്ങ് പൂഞ്ഞാർ എം.എൽ.എ അഡ്വ. സെബാസ്റ്റ്യൻ എം.ജെ ഉദ്ഘാടനം ചെയ്തു. കോളേജ് അലുമിനി അസോസിയേഷൻ പ്രസിഡന്റും ലയൺസ് ജില്ലാ ചീഫ് പ്രോഗ്രാം കോർഡിനേറ്ററുമായ സിബി മാത്യു പ്ലാത്തോട്ടം മുഖ്യപ്രഭാഷണം നടത്തി. ഡോ. സ്റ്റാലിൻ കെ. തോമസ് മുഖ്യാതിഥിയായി.

എം.ജി. സർവകലാശാല സെനറ്റ് അംഗമായി തിരഞ്ഞെടുക്കപ്പെട്ട പ്രിൻസിപ്പൽ പ്രൊഫ. ഡോ. ഗിരീഷ് കുമാർ ജി.എസ്, പൂഞ്ഞാർ എം.എൽ.എ സെബാസ്റ്റ്യൻ എം.ജെ എന്നിവരെ ചടങ്ങിൽ പൊന്നാട അണിയിച്ച് ആദരിച്ചു.

പാലാ ബ്ലഡ് ഫോറം ജനറൽ കൺവീനർ ഷിബു തെക്കേമറ്റം, അലുമിനി അസോസിയേഷൻ വൈസ് പ്രസിഡന്റ് വിൽസൺ മാത്യു, ഡോ. ഉമാറാണി, ജസ്റ്റിൻ ജോസഫ്, ദേവിക, ദേവദാസ് എന്നിവർ സംസാരിച്ചു. കോളേജ് പൂർവ്വ വിദ്യാർത്ഥികളും എൻ.എസ്.എസ് വളണ്ടിയർമാരും പരിപാടികൾക്ക് നേതൃത്വം നൽകി.

രണ്ടുതവണ സംസ്ഥാന സർക്കാരിന്റെ മികച്ച നാടക രചനയ്ക്കുള്ള പുരസ്കാരം നേടിയ കെ.സി. ജോർജ് 2024 സെപ്റ്റംബർ 23നാണ് അന്തരിച്ചത്. നാടക-സീരിയൽ രംഗത്ത് സജീവമായി പ്രവർത്തിച്ചുവരുന്നതിനിടെയായിരുന്നു ആകസ്മിക വേർപാട്.

ഇത്തവണ ഇടുക്കിയിലെ മുതിർന്ന നാടക-സിനിമ നടൻ ജോസഫ് ചിലമ്പനാണ് കെ.സി. പുരസ്കാരത്തിന് അർഹനായത്. 10,001 രൂപയും ഉപഹാരവും അടങ്ങുന്നതാണ് പുരസ്കാരം. പ്രഥമ കെ.സി. പുരസ്കാരം മുതിർന്ന നാടകകൃത്ത് എം.ജെ. ആന്റണിക്കായിരുന്നു.

സെപ്റ്റംബർ 23ന് സി.എസ്.ഐ ഗാർഡനിൽ നടക്കുന്ന ചടങ്ങിൽ പ്രശസ്ത നാടക-സിനിമ നടൻ രാജേഷ് ശർമ പുരസ്കാരം സമർപ്പിക്കും. മികച്ച നാടകകൃത്തിനുള്ള സംസ്ഥാന സർക്കാർ പുരസ്കാരം നേടിയ ഹേമന്തകുമാർ കെ.സി. അനുസ്മരണ പ്രഭാഷണം നടത്തും.

കേന്ദ്ര സാഹിത്യ അക്കാദമി യുവപുരസ്കാര ജേതാവ് മോബിൻ മോഹന്റെ പുതിയ കഥാസമാഹാരം ‘അമർഷ നഗരം’ ചടങ്ങിൽ പ്രകാശനം ചെയ്യും.

തുടർന്ന് സംസ്ഥാന സർക്കാരിന്റെ ആറ് പുരസ്കാരങ്ങൾ നേടിയ വള്ളുവനാട് ബ്രഹ്മയുടെ ‘പകലിൽ മറഞ്ഞിരുന്നൊരാൾ’ എന്ന നാടകം അരങ്ങിലെത്തും.

വാർത്താസമ്മേളനത്തിൽ സംഘാടക സമിതി ചെയർമാൻ ഇ.ജെ. ജോസഫ്, ജനറൽ കൺവീനർ എം.സി. ബോബൻ, ഭാരവാഹികളായ മോബിൻ മോഹൻ, സിജു ചക്കുംമൂട്ടിൽ, റോയി വർഗീസ്, നന്ദൻ മേനോൻ, ജയ്ബി ജോസഫ്, പി.ബി. സുരേഷ് എന്നിവർ പങ്കെടുത്തു.

ജേണലിസത്തിൽ പോസ്റ്റ് ഗ്രാജുവേഷൻ, ഡിഗ്രി, ഡിപ്ലോമ എന്നിവയിൽ ഏതെങ്കിലും യോഗ്യതയുള്ളവർക്ക് അപേക്ഷിക്കാം. കൂടാതെ പബ്ലിക് റിലേഷൻസ് ആൻഡ് അഡ്വർടൈസിംഗിൽ ഡിപ്ലോമ, ന്യൂ മീഡിയ, സോഷ്യൽ മീഡിയ സ്റ്റഡീസ് എന്നിവയിൽ ഡിപ്ലോമയുള്ളവർക്കും അപേക്ഷിക്കാം. വീഡിയോ നിർമ്മാണത്തിലും എഡിറ്റിംഗിലും പ്രവൃത്തിപരിചയം അഭികാമ്യമാണ്.

പ്രായപരിധി: 2026 സെപ്റ്റംബർ ഒന്നിന് 30 വയസ് കവിയരുത്.

അപേക്ഷകൾ ഓൺലൈനായി PRISM അപേക്ഷാ പോർട്ടൽ വഴി സമർപ്പിക്കാം. അപേക്ഷ സംബന്ധിച്ച വിശദമായ നിർദേശങ്ങൾ PRD വെബ്സൈറ്റ് , C-DIT വെബ്സൈറ്റ്എന്നിവയിൽ ലഭ്യമാണ്.

ഇ-മെയിൽ വിലാസവും ഫോൺ നമ്പറും ഉപയോഗിച്ച് ഓൺലൈനായി രജിസ്റ്റർ ചെയ്ത് വിദ്യാഭ്യാസ യോഗ്യത, പ്രായം എന്നിവ തെളിയിക്കുന്ന രേഖകളും സമർപ്പിക്കണം.അപേക്ഷ സമർപ്പിക്കാനുള്ള അവസാന തീയതി: സെപ്റ്റംബർ 15, 2026.

ഓൺലൈൻ സാമ്പത്തിക തട്ടിപ്പുകൾ, സോഷ്യൽ മീഡിയയിലൂടെ നടക്കുന്ന കുറ്റകൃത്യങ്ങൾ, സൈബർ കുറ്റകൃത്യങ്ങൾ തുടങ്ങിയ വിഷയങ്ങളിലാണ് പരിശീലനം നൽകിയത്. ഇടുക്കി ജില്ലാ പോലീസ് മേധാവി ഡോ. എ. നസീം ഐ.പി.എസ്., സൈബർ പോലീസ് ഇൻസ്പെക്ടർ സന്തോഷ് സജീവ് എന്നിവർ ക്ലാസുകൾ നയിച്ചു.

ജില്ലയിലെ 33 പോലീസ് സ്റ്റേഷനുകളിൽ നിന്നുള്ള പരിശീലകരാണ് പരിപാടിയിൽ പങ്കെടുത്തത്. ഡെപ്യൂട്ടി പോലീസ് സൂപ്രണ്ട് സാം ജോസ് (ഡി.സി.ആർ.ബി.) സന്നിഹിതനായിരുന്നു.

മലയാള സിനിമയിൽ ശ്രദ്ധേയമായ സഹനടനായി സാന്നിധ്യമറിയിച്ചിട്ടുള്ള ജോസഫ് ചിലമ്പൻ, സ്വതന്ത്ര സിനിമകൾ, മുഖ്യധാരാ ചിത്രങ്ങൾ, ഡിജിറ്റൽ ഷോർട്ട് ഫിലിമുകൾ എന്നിവയിൽ വ്യത്യസ്തമായ കഥാപാത്രങ്ങളെ അവതരിപ്പിച്ചിട്ടുണ്ട്. 1956, സെൻട്രൽ ട്രാവൻകൂർ, സാജൻ ബേക്കറി സിൻസ് 1962, മറിയം, ചട്ടമ്പി, Symptoms of Love തുടങ്ങിയ ചിത്രങ്ങളിലെ പ്രകടനങ്ങൾ ശ്രദ്ധേയമാണ്.

നാടക രംഗത്തും അഭിനയ മേഖലയിലും നൽകിയ സംഭാവനകൾ പരിഗണിച്ചാണ് പുരസ്‌കാരം നൽകുന്നതെന്ന് കെ.സി. സൗഹൃദ കൂട്ടായ്മ അറിയിച്ചു.

നാടക പ്രതിഭ കെ സി ജോർജിന്റെ രണ്ടാമത് ചരമവാർഷിക ദിനാചരണവും കെ സി നാടക പ്രതിഭ പുരസ്കാര സമർപ്പണവും സെപ്റ്റംബർ 23ന് കട്ടപ്പന സി എസ് ഐ ഗാർഡനിൽ നടക്കും

ബുധനാഴ്ച രാവിലെ 11 മണിയോടെയായിരുന്നു സംഭവം. കുടുംബപ്രശ്നങ്ങളാണ് കൊലപാതകത്തിലേക്ക് നയിച്ചതെന്നാണ് പ്രാഥമിക വിവരം. കൊല്ലപ്പെട്ട ജസ്റ്റിൻ ലഹരിക്കടിമയായിരുന്നുവെന്ന് പോലീസ് അറിയിച്ചു.

ജസ്റ്റിൻ പതിവായി വീട്ടിലെത്തി വഴക്കുണ്ടാക്കാറുണ്ടായിരുന്നതിനാൽ മാതാപിതാക്കൾ ഭയന്ന് ബന്ധുവീട്ടിലായിരുന്നു താമസിച്ചിരുന്നത്. ബുധനാഴ്ച രാവിലെ ഇരുവരും തമ്മിൽ തർക്കമുണ്ടാകുകയും തുടർന്ന് വീടിനോട് ചേർന്നുള്ള ചായ്പ്പിൽ സൂക്ഷിച്ചിരുന്ന ഇരുമ്പുവടി ഉപയോഗിച്ച് ജോയ് ജസ്റ്റിന്റെ തലയ്ക്ക് അടിക്കുകയുമായിരുന്നു.

ഗുരുതരമായി പരിക്കേറ്റ ജസ്റ്റിൻ സംഭവസ്ഥലത്തുതന്നെ മരിച്ചതായാണ് വിവരം.

സംഭവത്തിനുശേഷം ജോയ് ജോസഫ് വിഷം കഴിക്കുകയായിരുന്നു. ഇയാളെ അടിമാലി താലൂക്ക് ആശുപത്രിയിൽ പ്രവേശിപ്പിച്ചു. സംഭവത്തിൽ പോലീസ് അന്വേഷണം ആരംഭിച്ച് തുടർനടപടികൾ സ്വീകരിച്ചുവരികയാണ്.

കേരള പ്രസ് അക്കാദമിയിൽ നിന്നു ജേണലിസം പഠനം പൂർത്തിയാക്കിയ ജിജോ അതിനു പിന്നാലെ മനോരമയിൽ ചേരുകയായിരുന്നു. പറവൂർ ഗോതുരുത്ത് പുത്തേഴത്ത് കുടുംബാംഗമാണ്. കൊച്ചിയിൽ ‘സർവശിക്ഷ കേരള’ത്തിൽ അധ്യാപികയായ രമ്യ ജോസഫാണു ഭാര്യ. മക്കൾ: അനന്യ ജിജോ, ജൊഹാൻ ജോസഫ് ജോൺ.

പീരുമേട് താലൂക്ക് ആശുപത്രി പരിസരത്ത് നടന്ന ചടങ്ങ് മനുഷ്യാവകാശ പ്രവർത്തകൻ ഡോ. ഗിന്നസ് മാടസാമി സെൽവരാജിന് മൊമെന്റോ കൈമാറി ഉദ്ഘാടനം ചെയ്തു. ആശുപത്രി മെഡിക്കൽ സൂപ്രണ്ട് ഡോ. എബി സൂസൻ സെൽവരാജിനെ പൊന്നാട അണിയിച്ച് ആദരിച്ചു.

സൊസൈറ്റി യൂണിറ്റ് പ്രസിഡന്റ് ജോസ് ചെറുവിള അധ്യക്ഷത വഹിച്ചു. യൂണിറ്റ് സെക്രട്ടറി മനുമോൻ സ്വാഗതം പറഞ്ഞു. ഭാരവാഹികളായ സോണി ജോർജ്, ബിനു ജയ്പാൽ, എസ്. വിൻസെന്റ് എന്നിവർ സംസാരിച്ചു.

സൊസൈറ്റി യൂണിറ്റിലെ മുഴുവൻ അംഗങ്ങളും ചടങ്ങിൽ പങ്കെടുത്തു. കിടപ്പുരോഗികൾക്ക് സൗജന്യ പ്രഭാതഭക്ഷണം വിതരണം ചെയ്താണ് പരിപാടി സമാപിച്ചത്.

പീരുമേട് MLA സിറിയക് തോമസ് ക്യാമ്പ് ഉദ്ഘാടനം ചെയ്യും. കേരള ചിത്രകലാ പരിഷത്ത് ഇടുക്കി ജില്ലാ പ്രസിഡന്റ് സജിദാസ് മോഹൻ അധ്യക്ഷത വഹിക്കും. ജില്ലാ പഞ്ചായത്തംഗം ടോണി തോമസ് മുഖ്യാതിഥിയാകും.

ജില്ലാ സെക്രട്ടറി മോൻസി മാമൂട്ടിൽ, ട്രഷറർ ഷിജു EM, ജോയിന്റ് സെക്രട്ടറി ശ്രീകാന്ത് NS, ജില്ലാ പ്രോഗ്രാം കോർഡിനേറ്റർ മനോജ് മൂന്നാർ, വനിതാ വിങ്ങ് സംസ്ഥാന കമ്മിറ്റിയംഗം ലേഖാ മനോജ്, സർഗ്ഗാരാം ഡയറക്ടർ ഫാ. സാബു മന്നാടാ തുടങ്ങിയവർ ചടങ്ങിൽ സംസാരിക്കും.

പ്രമുഖ ചിത്രകാരൻ ജോസ് എബ്രഹാം ക്യാമ്പ് ക്യൂറേറ്റ് ചെയ്യും. ഇടുക്കി ജില്ലയിലെ വിവിധ പ്രദേശങ്ങളിൽ നിന്നുള്ള പ്രമുഖ ചിത്രകാരന്മാർ, ചിത്രകലാ വിദ്യാർത്ഥികൾ, കലാപ്രവർത്തകർ തുടങ്ങിയവർ ക്യാമ്പിൽ പങ്കെടുക്കും.

കലയും പ്രകൃതിയും ഒരുമിക്കുന്ന വേദി

ഇടുക്കിയുടെ പ്രകൃതി സൗന്ദര്യവും ഗ്രാമീണ ജീവിതവും സാംസ്കാരിക വൈവിധ്യവും ചിത്രകലയിലൂടെ അടയാളപ്പെടുത്തുന്നതിനും പുതിയ തലമുറയിലെ കലാകാരന്മാർക്ക് മുതിർന്ന ചിത്രകാരന്മാരുമായി ആശയവിനിമയം നടത്തുന്നതിനുമുള്ള അവസരമൊരുക്കുകയാണ് ക്യാമ്പിന്റെ പ്രധാന ലക്ഷ്യങ്ങളിലൊന്ന്.

ക്യാമ്പിന്റെ ഭാഗമായി കലാകാരന്മാർക്ക് തങ്ങളുടെ സൃഷ്ടികൾ അവതരിപ്പിക്കാനും വിവിധ ചിത്രകലാ സങ്കേതങ്ങൾ പരസ്പരം പങ്കുവയ്ക്കാനും ആശയവിനിമയം നടത്താനും അവസരം ലഭിക്കും. ചിത്രകലാ വിദ്യാർത്ഥികൾക്ക് പരിചയസമ്പന്നരായ കലാകാരന്മാരുടെ പ്രവർത്തനങ്ങൾ നേരിട്ട് മനസ്സിലാക്കാനും സംവദിക്കാനും ക്യാമ്പ് സഹായകരമാകും.

കേരള ചിത്രകലാ പരിഷത്ത് ചിത്രകാരന്മാരെയും കലാപ്രവർത്തകരെയും ഒരുമിപ്പിച്ച് ചിത്രകലാ ക്യാമ്പുകൾ, പ്രദർശനങ്ങൾ, പഠനപരിപാടികൾ തുടങ്ങിയവ സംഘടിപ്പിക്കുന്ന കൂട്ടായ്മയാണ്. സംസ്ഥാനത്തിന്റെ വിവിധ ഭാഗങ്ങളിൽ പരിഷത്തിന്റെ നേതൃത്വത്തിൽ ചിത്രകലാ ക്യാമ്പുകൾ നടന്നിട്ടുള്ളതായി റിപ്പോർട്ടുകളുണ്ട്.

ചിന്നാറിന്റെ പ്രകൃതി പശ്ചാത്തലത്തിൽ നടക്കുന്ന ‘സർഗ്ഗവർണങ്ങൾ’ ഇടുക്കിയുടെ ചിത്രകലാ പ്രവർത്തനങ്ങൾക്ക് പുതിയ നിറവും ദിശയും നൽകുന്ന കലാസംഗമമായി മാറുമെന്നാണ് സംഘാടകരുടെ പ്രതീക്ഷ.

നവീകരണത്തിന്റെ ഭാഗമായി റോഡിന്റെ വിവിധ ഭാഗങ്ങളിലെ നിലവിലെ ടാറിങ് ഇളക്കി വീതി കൂട്ടുന്നതിനും കലുങ്കുകൾ പുനർനിർമിക്കുന്നതിനുമുള്ള പ്രവർത്തനങ്ങളാണ് ആരംഭിച്ചത്. എന്നാൽ നിർമാണം തുടങ്ങി ഏതാനും മാസങ്ങൾക്കുള്ളിൽ തന്നെ പദ്ധതി പ്രതിസന്ധിയിലാവുകയായിരുന്നു.

നിലവിൽ റോഡരികിൽ ഇറക്കിയിട്ടിരിക്കുന്ന മെറ്റലുകൾ ഉൾപ്പെടെ റോഡിലേക്ക് വീണുകിടക്കുന്നത് ഇരുചക്രവാഹന യാത്രക്കാർക്ക് വലിയ ബുദ്ധിമുട്ടാണ്. റോഡിന്റെ വിവിധ ഭാഗങ്ങളിൽ കുഴികൾ രൂപപ്പെട്ടിട്ടുണ്ട്. വീടുകളിലേക്കുള്ള റോഡുകളുടെ പ്രവേശന ഭാഗങ്ങളിലും കട്ടിങ് നടത്തിയ നിലയിലാണ്.

പൊടിശല്യം രൂക്ഷമായതോടെ പ്രദേശവാസികളുടെ ദുരിതവും ഇരട്ടിയായി. നിർമാണം അനിശ്ചിതമായി നീളുന്നത് വ്യാപാരികളെയും പ്രദേശവാസികളെയും ഒരുപോലെ ബാധിക്കുന്നുണ്ട്.

റോഡിന്റെ ശോചനീയാവസ്ഥ മൂലം വാഹനങ്ങൾക്ക് അടിക്കടി തകരാർ സംഭവിക്കുന്നതായി ഓട്ടോറിക്ഷാ ഡ്രൈവർമാർ പറയുന്നു. നിലവിലെ സാഹചര്യത്തിൽ ഓട്ടം നടത്തിയാൽ ലഭിക്കുന്ന വരുമാനം പോലും വാഹനങ്ങളുടെ അറ്റകുറ്റപ്പണിക്ക് തികയാത്ത സ്ഥിതിയാണെന്നും ഡ്രൈവർമാർ പരാതിപ്പെടുന്നു.

എട്ടുകോടിയുടെ വികസനപദ്ധതി യാത്രാദുരിതമായി മാറിയ സാഹചര്യത്തിൽ നിർമാണ പ്രവർത്തനങ്ങൾ അടിയന്തരമായി പുനരാരംഭിച്ച് സമയബന്ധിതമായി പൂർത്തിയാക്കണമെന്നാണ് നാട്ടുകാരുടെ ആവശ്യം.

ചിന്നക്കനാൽ ഹൈറേഞ്ച് റിസർവിൽ നിന്ന് അനധികൃതമായി മരംമുറിച്ച കേസിൽ ദിവസങ്ങൾക്കുമുമ്പാണ് രണ്ട് മണ്ണുമാന്തി യന്ത്രങ്ങൾ വനംവകുപ്പ് പിടികൂടിയത്. തുടർന്ന് യന്ത്രങ്ങൾ സീൽ ചെയ്ത് കസ്റ്റഡിയിൽ സൂക്ഷിച്ചുവരികയായിരുന്നു.

പട്രോളിങ്ങിനിടെ റേഞ്ച് ഓഫീസറും സംഘവും സ്ഥലത്തെത്തിയപ്പോഴാണ് സീൽ ചെയ്ത നിലയിൽ സൂക്ഷിച്ചിരുന്ന യന്ത്രങ്ങൾ കാണാനില്ലെന്ന് ശ്രദ്ധയിൽപ്പെട്ടത്. തുടർന്ന് നടത്തിയ അന്വേഷണത്തിലാണ് യന്ത്രങ്ങൾ ലോറിയിൽ കയറ്റി കടത്തിക്കൊണ്ടുപോകുന്നതായി കണ്ടെത്തിയത്.

വനംവകുപ്പ് സംഘം പിന്തുടർന്ന് ഒരു മണ്ണുമാന്തി യന്ത്രം ലോറിയിൽ നിന്ന് പിടികൂടി. രണ്ടാമത്തെ യന്ത്രവും തിരികെ എത്തിക്കാൻ ലോറി ഡ്രൈവറോട് നിർദേശം നൽകി.

സംഭവവുമായി ബന്ധപ്പെട്ട് ഉടുമ്പൻചോല പൊലീസ് കേസെടുത്ത് അന്വേഷണം ആരംഭിച്ചതായാണ് വിവരം. വനംവകുപ്പിന്റെ കസ്റ്റഡിയിലായിരുന്ന യന്ത്രങ്ങൾ എങ്ങനെ സീൽ പൊളിച്ച് പുറത്തേക്ക് കൊണ്ടുപോയി, പിന്നിൽ ആരൊക്കെയാണുള്ളത് തുടങ്ങിയ കാര്യങ്ങളിൽ അന്വേഷണം പുരോഗമിക്കുകയാണ്.

ക്യാമ്പയിന്റെ ഉദ്ഘാടനം അഡ്വ. സിറിയക് തോമസ് എം.എൽ.എ. നിർവഹിച്ചു. ഇതോടനുബന്ധിച്ച് കുമളി കുടുംബശ്രീ നെസ്റ്റ് നോവ പൗൾട്രി പി.ജി. ഗ്രൂപ്പിന്റെ പോസ്റ്റർ പ്രകാശനവും നടന്നു. പോസ്റ്റർ പ്രകാശനം കുമളി ഗ്രാമപഞ്ചായത്ത് പ്രസിഡന്റ് എം.എം. വർഗീസ് നിർവഹിച്ചു.

ചടങ്ങിൽ കുടുംബശ്രീ ജില്ലാ മിഷൻ കോർഡിനേറ്റർ എ. മണികണ്ഠൻ സ്വാഗതം പറഞ്ഞു. കുടുംബശ്രീ സി.ഡി.എസ്. ചെയർപേഴ്സൺ ജയമോൾ മനോജ് നന്ദി പറഞ്ഞു. കുമളി വെറ്ററിനറി സർജൻ ഡോ. അനുരാജ് മുഖ്യപ്രഭാഷണം നടത്തി. കുടുംബശ്രീ എ.ഡി.എം.സി. ഷിബു ജി. പദ്ധതി വിശദീകരിച്ചു.

ജില്ലാ പഞ്ചായത്തംഗം ആൻസി ജെയിംസ്, ഗ്രാമപഞ്ചായത്ത് വൈസ് പ്രസിഡന്റ് സെയ്ദ് ഷക്കീല, ബ്ലോക്ക് പഞ്ചായത്തംഗം ഷെമിന കെ.ബി., ഗ്രാമപഞ്ചായത്ത് സ്റ്റാൻഡിങ് കമ്മിറ്റി ചെയർമാൻമാരായ റോബിൻ കാരക്കാട്ട്, പ്രസാദ് മാണി, ഷൈലജ ഹെബ്രോസ് എന്നിവരും ഗ്രാമപഞ്ചായത്ത് അംഗങ്ങളും ചടങ്ങിൽ പങ്കെടുത്തു.

ഗ്രാമപഞ്ചായത്ത് അംഗങ്ങളായ തിലകരാജ് എം., ബിജു ദാനിയേൽ, അന്നമ്മ ടീച്ചർ, ലീന മനോജ് പാലക്കാട്ടിൽ, വിനീത ആർ., അനസ് മുമ്പുഴയിൽ, മഞ്ജു മനോഹരൻ, ജെസ്സി റോയി, കൊച്ചുറാണി, വിക്ടോറിയ, ഗ്രാമപഞ്ചായത്ത് സെക്രട്ടറി എ.എം. രാജ, എ.എച്ച്.ഡി.പി.എം. ആര്യ മുരളി, അഴുത ബ്ലോക്ക് കോർഡിനേറ്റർ ശ്രീകല പി.എം. തുടങ്ങിയവർ പങ്കെടുത്തു.

ഓഗസ്റ്റ് 30നാണ് കേസിനാസ്പദമായ സംഭവം. കഞ്ഞിക്കുഴി പഴയ ബസ് സ്റ്റാൻഡിലെ വെയ്റ്റിംഗ് ഏരിയയിൽ കിടന്നുറങ്ങുകയായിരുന്ന വയോധികനെ, അദ്ദേഹം നടക്കാൻ ഉപയോഗിക്കുന്ന വടി ഉപയോഗിച്ച് പ്രതി ക്രൂരമായി തലയ്ക്കടിച്ച് പരിക്കേൽപ്പിക്കുകയായിരുന്നു.

അക്രമത്തിന് ശേഷം ഒളിവിൽ പോയ പ്രതിയെ കട്ടപ്പന കോഴിമലയിലുള്ള ഭാര്യവീട്ടിൽനിന്നാണ് പൊലീസ് പിടികൂടിയത്. പ്രദേശത്തെ നിരവധി സി.സി.ടി.വി. ദൃശ്യങ്ങളും മൊബൈൽ ടവർ ലൊക്കേഷനുകളും കേന്ദ്രീകരിച്ച് നടത്തിയ അന്വേഷണത്തിനൊടുവിലാണ് പ്രതിയെ കണ്ടെത്തിയത്.

കഞ്ഞിക്കുഴി പൊലീസ് സബ് ഇൻസ്പെക്ടർമാരായ ശ്യാം എം.കെ., സജീവ് മാത്യു, സിവിൽ പൊലീസ് ഓഫീസർമാരായ മാത്യു സ്റ്റീഫൻ, താജുദ്ദീൻ എന്നിവരടങ്ങിയ സംഘമാണ് പ്രതിയെ പിടികൂടിയത്.

പ്രതിക്കെതിരെ നേരത്തെ മൂന്ന് അബ്കാരി കേസുകൾ നിലവിലുണ്ടെന്ന് പൊലീസ് അറിയിച്ചു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

‘ഡി.പി.സി. ടോക്സ് വിത്ത് കോപ്സ്’ (DPC Talks with Cops) എന്ന പേരിലുള്ള അദാലത്ത് സെപ്റ്റംബർ 29ന് നടക്കും. അദാലത്തിൽ ജില്ലാ പോലീസ് മേധാവി ഉദ്യോഗസ്ഥരുടെ പരാതികൾ നേരിട്ട് കേൾക്കുകയും ആവശ്യമായ പരിഹാരനടപടികൾ നിർദേശിക്കുകയും ചെയ്യും.

പോലീസ് ഉദ്യോഗസ്ഥർക്ക് മേലുദ്യോഗസ്ഥർ മുഖേനയല്ലാതെ ജില്ലാ പോലീസ് മേധാവിക്ക് നേരിട്ട് പരാതി സമർപ്പിക്കാമെന്നതാണ് അദാലത്തിന്റെ പ്രധാന പ്രത്യേകത.

പരാതികൾ spidk.pol@kerala.gov.in എന്ന ഇ-മെയിൽ വിലാസത്തിൽ സെപ്റ്റംബർ 18ന് മുമ്പായി അയയ്ക്കണം. പരാതിക്കൊപ്പം പരാതിക്കാരന്റെ മൊബൈൽ നമ്പർ നിർബന്ധമായും ഉൾപ്പെടുത്തണം.

കൂടുതൽ വിവരങ്ങൾക്കും സംശയങ്ങൾക്കും ഇടുക്കി ജില്ലാ പോലീസ് ഓഫീസിലെ 9497981290 എന്ന ഹെൽപ്പ് ലൈൻ നമ്പറിൽ ബന്ധപ്പെടാവുന്നതാണ്.

ഇന്ന് പുലർച്ചെ മൂന്നുമണിയോടെയാണ് പ്രത്യേക അന്വേഷണസംഘം ഗോഡ്സണെ കസ്റ്റഡിയിലെടുത്തത്.

കഴിഞ്ഞ ഓഗസ്റ്റ് 9നാണ് 16കാരിയെ വീട്ടിനുള്ളിൽ മരിച്ച നിലയിൽ കണ്ടെത്തിയത്. തുടർന്ന് നടത്തിയ വിശദമായ അന്വേഷണത്തിലും പെൺകുട്ടിയുടെ മൊബൈൽ ഫോൺ കേന്ദ്രീകരിച്ചുള്ള പരിശോധനയിലുമാണ് പീഡനവുമായി ബന്ധപ്പെട്ട വിവരങ്ങൾ പൊലീസിന് ലഭിച്ചത്.

പിതാവുമായി വേർപിരിഞ്ഞ് കഴിയുന്ന പെൺകുട്ടിയുടെ അമ്മ സുഹൃത്തായ ഗോഡ്സണൊപ്പമായിരുന്നു താമസിച്ചിരുന്നത്. വീട്ടിൽ നേരിട്ടതായി കണ്ടെത്തിയ കടുത്ത മാനസികവും ശാരീരികവുമായ പീഡനവും ഗോഡ്സന്റെ മോശം പെരുമാറ്റവുമാണ് പെൺകുട്ടിയെ ആത്മഹത്യയിലേക്ക് നയിച്ചതെന്നാണ് പൊലീസിന്റെ കണ്ടെത്തൽ.

അതേസമയം, പെൺകുട്ടിയെ ലൈംഗികമായി പീഡിപ്പിച്ചെന്ന കണ്ടെത്തലിന്റെ അടിസ്ഥാനത്തിൽ പെൺകുട്ടിയുടെ ആൺസുഹൃത്തായ കുമളി സ്വദേശി അഭിരാജിനെ കഴിഞ്ഞ ഓഗസ്റ്റ് 15ന് പോക്സോ നിയമപ്രകാരം പൊലീസ് അറസ്റ്റ് ചെയ്തിരുന്നു.

കേസിൽ ഗോഡ്സണെയും പ്രതിചേർത്തതോടെ ഇയാൾ ഒളിവിൽ പോകുകയായിരുന്നു. സംഭവം നടന്ന് ഒരു മാസം പിന്നിട്ടിട്ടും പ്രധാന പ്രതിയെ പിടികൂടാത്തതിൽ സമൂഹമാധ്യമങ്ങളിലും നാട്ടുകാർക്കിടയിലും ശക്തമായ പ്രതിഷേധം ഉയർന്നിരുന്നു. പെൺകുട്ടിക്ക് നീതി ആവശ്യപ്പെട്ട് സുഹൃത്തുക്കളും നാട്ടുകാരും ജനപ്രതിനിധികളും രംഗത്തെത്തുകയും ചെയ്തു.

തുടർന്ന് ഇടുക്കി എസ്.പി. ഡോ. എ. നസീമിന്റെയും പീരുമേട് ഡി.വൈ.എസ്.പി. ഷിജു പി.എസിന്റെയും നിർദേശപ്രകാരം പ്രത്യേക അന്വേഷണസംഘം രൂപീകരിച്ചു. മൊബൈൽ ടവർ ലൊക്കേഷനുകളും സൈബർ സെല്ലിന്റെ സഹായവും ഉപയോഗിച്ച് നടത്തിയ അന്വേഷണത്തിലാണ് ഗോഡ്സൺ കൊച്ചിയിൽ ഒളിവിൽ കഴിയുന്നതായി കണ്ടെത്തിയത്.

തുടർന്ന് പൊലീസ് നടത്തിയ നീക്കത്തിലാണ് പുലർച്ചെ കൊച്ചിയിൽ നിന്ന് പ്രതിയെ പിടികൂടിയത്. കുമളിയിൽ എത്തിച്ച് വിശദമായി ചോദ്യം ചെയ്ത ശേഷം ഗോഡ്സണെ പീരുമേട് കോടതിയിൽ ഹാജരാക്കി റിമാൻഡ് ചെയ്തു.

പൊലീസ് സ്റ്റേഷൻ ഹൗസ് ഓഫീസർ ജെയൻ പി., എസ്.ഐമാരായ അനൂപ് എം.ജി., സുബൈർ, ജൂനിയർ എസ്.ഐ ജോഫി ജോൺ, സി.പി.ഒമാരായ ഷിജുമോൻ, സലീൽ രവി എന്നിവരടങ്ങിയ അന്വേഷണസംഘമാണ് പ്രതിയെ പിടികൂടിയത്.

വൈകിട്ട് 3ന് ഓർക്കിഡ് റെസിഡൻസി ഓഡിറ്റോറിയത്തിൽ മുൻകാല യൂത്ത് ലീഗ് ജില്ലാ നേതാക്കളെ ആദരിക്കുന്ന ‘തലമുറസംഗമം’ നടക്കും. യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങൾ സംഗമം ഉദ്ഘാടനം ചെയ്യും.

മാർച്ച്, ഏപ്രിൽ മാസങ്ങളിൽ പകൽച്ചൂട് ശക്തമാകുന്ന സമയത്ത് സാധാരണയായി പരമാവധി 8 വരെ എത്താറുള്ള യു.വി. ഇൻഡക്‌സാണ് സെപ്റ്റംബർ തുടക്കത്തിൽ തന്നെ 10ലെത്തിയത്. സംസ്ഥാനത്ത് ആലപ്പുഴയ്ക്കും ഇടുക്കിയിലെ മൂന്നാറിനുമൊപ്പം ചങ്ങനാശേരിയിലും യു.വി. ഇൻഡക്സ് 10 രേഖപ്പെടുത്തി.

അൾട്രാവയലറ്റ് റേഡിയോമീറ്ററുകളിൽ നിന്നുള്ള വിവരങ്ങളുടെ അടിസ്ഥാനത്തിലാണ് യു.വി. ഇൻഡക്സ് കണക്കാക്കുന്നത്. സംസ്ഥാനത്തെ എല്ലാ ജില്ലകളിലും അൾട്രാവയലറ്റ് റേഡിയോമീറ്ററുകൾ സ്ഥാപിച്ചിട്ടുണ്ട്. കോട്ടയം ജില്ലയിൽ ചങ്ങനാശേരിയിലാണ് മീറ്റർ സ്ഥാപിച്ചിട്ടുള്ളത്.

🚨 11 എത്തിയാൽ റെഡ് അലർട്ട്

നിലവിൽ യു.വി. ഇൻഡക്സ് ഓറഞ്ച് അലർട്ട് നിലയിലാണ്. 11ൽ എത്തിയാൽ റെഡ് അലർട്ടാകും.

0–5: മനുഷ്യർക്ക് കാര്യമായ ഹാനികരമല്ലാത്ത തോത്

6–7: മഞ്ഞ അലർട്ട്

8–10: ഓറഞ്ച് അലർട്ട്

11 മുതൽ: റെഡ് അലർട്ട്

അമിതമായി അൾട്രാവയലറ്റ് വികിരണം ഏൽക്കുന്നത് സൂര്യാഘാതം, ചർമരോഗങ്ങൾ, നേത്രരോഗങ്ങൾ എന്നിവയ്ക്ക് കാരണമാകാം.

🛡️ ജാഗ്രത പാലിക്കാം

പകൽ സമയത്ത് നേരിട്ട് സൂര്യപ്രകാശം ഏൽക്കുന്നത് പരമാവധി ഒഴിവാക്കണം. ശുദ്ധജലം ധാരാളമായി കുടിക്കുകയും മദ്യം, കാപ്പി, ചായ, സോഫ്റ്റ് ഡ്രിങ്കുകൾ എന്നിവ ഒഴിവാക്കുകയും വേണം.

പുറത്തിറങ്ങുമ്പോൾ അയഞ്ഞതും ഇളം നിറത്തിലുള്ളതുമായ കോട്ടൺ വസ്ത്രങ്ങൾ, ചെരുപ്പ്, കുട, തൊപ്പി എന്നിവ ഉപയോഗിക്കുന്നത് നല്ലതാണ്. പഴങ്ങളും പച്ചക്കറികളും ധാരാളമായി കഴിക്കണം.

ചെമ്പ്, തലയാഴം, വെച്ചൂർ ഗ്രാമപഞ്ചായത്തുകളിലെ ജനപ്രതിനിധികൾക്കായുള്ള പരിശീലനമാണ് ഇന്ന് പൂർത്തിയായത്. 2026-ൽ നടപ്പിലാക്കിയ ഖരമാലിന്യ സംസ്കരണ ചട്ടങ്ങൾ ഫലപ്രദമായി നടപ്പാക്കുന്നതിനാവശ്യമായ അറിവും പ്രായോഗിക പരിജ്ഞാനവും പഞ്ചായത്ത് അംഗങ്ങൾക്ക് നൽകുക എന്ന ലക്ഷ്യത്തോടെയാണ് പരിശീലനം സംഘടിപ്പിക്കുന്നത്.

കില ജില്ലാ ഫെസിലിറ്റേറ്റർ ടി.വി. ഉദയഭാനു, മോഹൻ ഡിബാബു, പരിശീലകരായ എം. ഗോപാലകൃഷ്ണൻ, എം. രഘു, തോമസ് തോമസ്, ജോൺസൺ പി., ജി.ഇ.ഒ. മനോജ്, ആർ.ജി.എസ്.എ. കോർഡിനേറ്റർ അശ്വതി ടി.എം., അനിലമോൾ ആന്റണി എന്നിവർ പരിശീലനത്തിന് നേതൃത്വം നൽകി.

അസോസിയേഷന്റെ സംസ്ഥാന സമ്മേളനത്തോടനുബന്ധിച്ച് ജില്ലാ കമ്മിറ്റിയുടെ നേതൃത്വത്തിൽ പാലാ ബ്ലഡ് ഫോറത്തിന്റെയും എച്ച്.ഡി.എഫ്.സി. ബാങ്കിന്റെയും സഹകരണത്തോടെ കടുത്തുരുത്തി ഗൗരിശങ്കർ ഓഡിറ്റോറിയത്തിൽ സംഘടിപ്പിച്ച രക്തദാന ക്യാമ്പ് ഉദ്ഘാടനം ചെയ്യുകയായിരുന്നു മന്ത്രി.

രക്തദാനം മാനവികതയുടെ ഉത്തമ മാതൃകയാണെന്നും നിരവധി ജീവനുകൾ രക്ഷിക്കുന്നതിൽ രക്തദാതാക്കളുടെ നിസ്വാർത്ഥ സേവനം നിർണായകമാണെന്നും മന്ത്രി പറഞ്ഞു. യുവതലമുറയുൾപ്പെടെ കൂടുതൽ പേരെ സന്നദ്ധ രക്തദാനത്തിലേക്ക് ആകർഷിക്കുന്നതിന് ഇത്തരം ക്യാമ്പുകൾക്ക് വലിയ പങ്കുണ്ടെന്നും അദ്ദേഹം കൂട്ടിച്ചേർത്തു.

ജില്ലാ പ്രസിഡന്റ് സജി ജേക്കബിന്റെ അധ്യക്ഷതയിൽ നടന്ന സമ്മേളനത്തിൽ സംസ്ഥാന പ്രസിഡന്റ് ഏലിയാസ് സഖറിയ മുഖ്യപ്രഭാഷണം നടത്തി. ജില്ലാ സെക്രട്ടറി ബിജു തോമസ്, സംസ്ഥാന കമ്മിറ്റി അംഗം ജോസ് ഫിലിപ്പ്, മേഖലാ സെക്രട്ടറി ജോർജ് സി.ഡി., സന്തോഷ് മാത്യു, കെ. വിജയകുമാർ, ബിനോയി അബ്രാഹം, ദീപു വി. നായർ, സണ്ണി ഡൊമിനിക് എന്നിവർ സംസാരിച്ചു.

രക്തദാന രംഗത്ത് 38 വർഷമായി സജീവമായി പ്രവർത്തിക്കുകയും 135 തവണ രക്തദാനം നടത്തുകയും ചെയ്ത പാലാ ബ്ലഡ് ഫോറം ജനറൽ കൺവീനർ ഷിബു തെക്കേമറ്റത്തെയും രക്തദാന രംഗത്ത് പ്രവർത്തിക്കുന്ന ബിജു കണ്ണന്തറയെയും ചടങ്ങിൽ ആദരിച്ചു.

ലയൺസ് എസ്.എച്ച്. മെഡിക്കൽ സെന്റർ ബ്ലഡ് ബാങ്കിന്റെ നേതൃത്വത്തിൽ നടന്ന ക്യാമ്പിൽ അറുപതോളം പേർ രക്തദാനം നടത്തി. ഡോ. എവിൻ, സിസ്റ്റർ അനിലിറ്റ് എസ്.എച്ച്., എച്ച്.ഡി.എഫ്.സി. ബാങ്ക് സീനിയർ ഹെഡ് പ്രവീൺ ജി. നാഥ് എന്നിവർ ക്യാമ്പിന് നേതൃത്വം നൽകി.

കൊടുങ്ങല്ലൂർ പ്രദേശത്തെ ആളൊഴിഞ്ഞ വീട്ടിൽ മോഷണശ്രമം നടത്തുന്നതിനിടെയാണ് ഇയാൾ പോലീസിന്റെ പിടിയിലായത്. സംഭവത്തിൽ പോലീസ് കൂടുതൽ അന്വേഷണം ആരംഭിച്ചു.

തോട്ടം തൊഴിലാളികളുടെ വിവിധ പ്രശ്നങ്ങൾക്കും മേഖലയിലെ അടിസ്ഥാന വികസന ആവശ്യങ്ങൾക്കും പരിഹാരം കാണണമെന്നാവശ്യപ്പെട്ടായിരുന്നു സമരം.

ബിജെപി സംസ്ഥാന സെക്രട്ടറി രേണു സുരേഷ് സമരം ഉദ്ഘാടനം ചെയ്തു.

ഫോട്ടോ എടുക്കാനായി വിദ്യാർഥികൾ സമീപിച്ചിരുന്നതിലൂടെയും കോളജ് പരിപാടികളിൽനിന്നും ലഭിച്ച ചിത്രങ്ങളാണ് ഇയാൾ ഡിജിറ്റലായി മാറ്റം വരുത്തിയതെന്നാണ് പൊലീസിന്റെ പ്രാഥമിക കണ്ടെത്തൽ.

അജ്മലിന്റെ ലാപ്ടോപ്പിൽ മോർഫ് ചെയ്ത ചിത്രങ്ങൾ മറ്റൊരു വിദ്യാർഥിയുടെ ശ്രദ്ധയിൽപ്പെട്ടതോടെയാണ് സംഭവം പുറത്തറിയുന്നത്. തുടർന്ന് വിദ്യാർഥികൾ അധ്യാപകരെയും രക്ഷിതാക്കളെയും വിവരമറിയിച്ച് പൊലീസിൽ പരാതി നൽകി.

പരാതിയെ തുടർന്ന് പൊലീസ് അജ്മലിന്റെ മൊബൈൽ ഫോണും ലാപ്ടോപ്പും പിടിച്ചെടുത്ത് പരിശോധിച്ചപ്പോൾ മോർഫ് ചെയ്ത ചിത്രങ്ങൾ കണ്ടെത്തി. ചിത്രങ്ങൾ മറ്റുള്ളവർക്ക് കൈമാറിയതിന്റെ തെളിവുകൾ നിലവിൽ ലഭിച്ചിട്ടില്ലെന്നാണ് പൊലീസ് പറയുന്നത്. ചിത്രങ്ങൾ സമൂഹമാധ്യമങ്ങളിലൂടെ പ്രചരിപ്പിച്ചിട്ടുണ്ടോയെന്നത് ഉൾപ്പെടെ അന്വേഷണം തുടരുകയാണ്.

ചങ്ങനാശേരി ഓട്ടിസം സെന്റർ മാടപ്പള്ളിയിലേക്ക് മാറ്റുന്നതിനെതിരായ പരാതിയിൽ നഗരസഭാ പരിധിയിൽ സബ് സെന്ററിന് സ്ഥലം കണ്ടെത്താൻ നിർദേശം നൽകി. സ്കൂളുകൾ ദുരിതാശ്വാസ ക്യാമ്പുകളാക്കുമ്പോൾ കുട്ടികളുടെ വിദ്യാഭ്യാസ അവകാശം ഉറപ്പാക്കണമെന്നും നിർദേശിച്ചു.

തെരുവുനായ ആക്രമണത്തിൽ പരിക്കേറ്റ കുട്ടിക്ക് ചികിത്സ നൽകുന്നതിൽ വീഴ്ചയുണ്ടായെന്ന പരാതിയിൽ രാമപുരം ഗവ. ആശുപത്രിക്ക് ജാഗ്രതാനിർദേശം നൽകി. കുട്ടികളോട് മോശമായി പെരുമാറിയെന്ന പരാതികളിൽ പോലീസ് നടപടി സ്വീകരിക്കാനും സ്കൂൾ അധികൃതർക്ക് താക്കീത് നൽകാനും കമ്മിഷൻ നിർദേശിച്ചു.

47-ാമത് കേരള പോലീസ് സ്പോർട്സ് മീറ്റ് 2026ന്റെ ഭാഗമായി ‘Yes to Sports, No to Drugs’ എന്ന സന്ദേശമുയർത്തി കൊച്ചി സിറ്റി പോലീസിന്റെ ആഭിമുഖ്യത്തിലായിരുന്നു പരിപാടി.

കാസർഗോഡ് മുതൽ തിരുവനന്തപുരം വരെയുള്ള വിവിധ ജില്ലകളിലൂടെ ദീപശിഖയുമായി സഞ്ചരിക്കുന്ന മാരത്തോൺ സെപ്റ്റംബർ ആറിന് വൈകിട്ട് ഏഴോടെ കളമശേരി ഡെക്കാത്തലോൺ ഭാഗത്തെത്തി. തുടർന്ന് കൊച്ചി സിറ്റിക്ക് വേണ്ടി തൃക്കാക്കര എസിപി ബിജോയ് ചന്ദ്രൻ ദീപശിഖ ഏറ്റുവാങ്ങി. സൈക്കിൾ റാലിയുടെ അകമ്പടിയോടെ ദീപശിഖ കലൂർ സ്റ്റേഡിയത്തിന് മുന്നിലെത്തി.

ഇതിനോടനുബന്ധിച്ച് വൈകിട്ട് ആറോടെ എഡിജിപി & എൽ ആൻഡ് ഒ പി. വിജയൻ ഐപിഎസിന്റെയും കൊച്ചി സിറ്റി പോലീസ് കമ്മീഷണർ കാളിരാജ് മഹേഷ് കുമാർ ഐപിഎസിന്റെയും നേതൃത്വത്തിൽ കലൂർ സ്റ്റേഡിയത്തിന് ചുറ്റും മെഗാ ലഹരിവിരുദ്ധ മാരത്തോണും നടന്നു.

തുടർന്ന് ലഹരിക്കെതിരെ വിവിധ കലാ-കായിക ബോധവൽക്കരണ പരിപാടികളും സംഘടിപ്പിച്ചു. ജനപ്രതിനിധികളും സാംസ്കാരിക പ്രവർത്തകരും പങ്കെടുത്ത പൊതുസമ്മേളനം ഉന്നത വിദ്യാഭ്യാസ മന്ത്രി റോഷി എം. ജോൺ ഉദ്ഘാടനം ചെയ്തു. സിനിമാതാരം ശങ്കർ മുഖ്യാതിഥിയായി.

എംഎൽഎമാരായ ടി.ജെ. വിനോദ്, ഉമ തോമസ്, കൊച്ചി മേയർ വി.കെ. മിനിമോൾ, എഡിജിപി & എൽ ആൻഡ് ഒ പി. വിജയൻ ഐപിഎസ്, കൊച്ചി സിറ്റി പോലീസ് കമ്മീഷണർ കാളിരാജ് മഹേഷ് കുമാർ ഐപിഎസ്, ഡെപ്യൂട്ടി പോലീസ് കമ്മീഷണർമാരായ അരുൺ കെ. പവിത്രൻ ഐപിഎസ്, മോഹിത് റാവത്ത് ഐപിഎസ്, ചന്ദ്രൻ എ.പി. തുടങ്ങിയവർ പങ്കെടുത്തു.

സമൂഹത്തിലെ എല്ലാ വിഭാഗം ജനങ്ങളെയും കായികരംഗത്തേക്ക് ആകർഷിച്ച് കായികത്തെ ജീവിതത്തിന്റെ ഭാഗമാക്കാനും ലഹരിയിൽനിന്ന് അകന്നുനിൽക്കാനും ആഹ്വാനം ചെയ്യുന്നതായിരുന്നു പരിപാടി.

വിരമിച്ച വൈദികർ താമസിക്കുന്ന പഴയ കെട്ടിടത്തിന്റെ നവീകരണ/പൊളിക്കൽ ജോലികൾ നടക്കുന്നതിനിടെയാണ് അപകടം. അപ്രതീക്ഷിതമായി സൺഷെയ്ഡും കോൺക്രീറ്റ് സ്ലാബും ബീമുകളും തകർന്നുവീഴുകയായിരുന്നു.

അപകടത്തിൽ രണ്ട് ഇതരസംസ്ഥാന തൊഴിലാളികൾക്കും ഗുരുതരമായി പരിക്കേറ്റു. പശ്ചിമ ബംഗാൾ സ്വദേശി നിഥിൻ മണ്ഡൽ, തമിഴ്നാട് സ്വദേശി ഗോവിന്ദ് രാജ് എന്നിവരെ മുതലക്കോടം ഹോളി ഫാമിലി ആശുപത്രിയിൽ പ്രവേശിപ്പിച്ചു.

കോൺക്രീറ്റ് അവശിഷ്ടങ്ങൾക്കിടയിൽ കുടുങ്ങിയ തൊഴിലാളികളെ അഗ്നിരക്ഷാസേനയും നാട്ടുകാരും ചേർന്ന് ഏകദേശം അരമണിക്കൂറോളം നീണ്ട രക്ഷാപ്രവർത്തനത്തിനൊടുവിലാണ് പുറത്തെടുത്തത്.

സംഭവത്തിൽ ഇടുക്കി ജില്ലാ കളക്ടർ റിപ്പോർട്ട് തേടി. അപകടത്തിന്റെ സാഹചര്യങ്ങളും കെട്ടിടത്തിന്റെ നിർമാണ സുരക്ഷാ മാനദണ്ഡങ്ങളും സംബന്ധിച്ച് അധികൃതർ പരിശോധന നടത്തും.

യുഡിഎഫ് സർക്കാർ അധികാരമേറ്റിട്ട് 100 ദിവസം പിന്നിട്ടിട്ടും സഹകരണ സംഘങ്ങളിലെ നിക്ഷേപകർ നേരിടുന്ന സാമ്പത്തിക പ്രതിസന്ധിക്ക് പരിഹാരം കാണാൻ ഫലപ്രദമായ നടപടികൾ ആരംഭിച്ചിട്ടില്ലെന്നാണ് ഫോറത്തിന്റെ ആരോപണം. വായ്പാ കുടിശ്ശിക വരുത്തിയവർക്ക് വിവിധ ആനുകൂല്യങ്ങൾ നൽകുകയും തിരിച്ചടവ് കാലാവധി നീട്ടിനൽകുകയും ചെയ്യുന്നത് സംഘങ്ങളുടെ പണലഭ്യതയെ പ്രതികൂലമായി ബാധിക്കുന്നതായും ഭാരവാഹികൾ പറഞ്ഞു.

കാലാവധി പൂർത്തിയായ നിക്ഷേപങ്ങൾ അടിയന്തരമായി തിരിച്ചുനൽകുക, നിക്ഷേപങ്ങളുടെ പലിശ മുടക്കമില്ലാതെ പ്രതിമാസം ലഭ്യമാക്കുക, നിക്ഷേപ തട്ടിപ്പുകളിൽ ഉൾപ്പെട്ടവരുടെ സ്വത്തുക്കൾ കണ്ടുകെട്ടുക തുടങ്ങിയ ആവശ്യങ്ങളാണ് ഫോറം ഉന്നയിക്കുന്നത്.

മുൻ സംസ്ഥാന സഹകരണ വകുപ്പ് മന്ത്രി ജി. സുധാകരൻ എംഎൽഎ മാർച്ച് ഉദ്ഘാടനം ചെയ്യും. ഡെപ്പോസിറ്റേഴ്‌സ് ഫോറം സംസ്ഥാന ഭാരവാഹികളായ പി.എ. തോമസ് അങ്കമാലി, ഡോ. ജോർജ് എം.ജെ., എ.സി. ബേബിച്ചൻ കോട്ടയം, റോയി വെള്ളരിങ്ങാട്ട് പാലാ, പ്രൊഫ. നെടുങ്കുന്നം രഘുദേവ് എന്നിവരും തിരുവനന്തപുരം ജില്ലാ ഭാരവാഹികളും മാർച്ചിന് നേതൃത്വം നൽകും.

വാർത്താസമ്മേളനത്തിൽ കോ-ഓപ്പറേറ്റീവ് ഡെപ്പോസിറ്റേഴ്‌സ് ഫോറം സംസ്ഥാന സെക്രട്ടറി എ.സി. ബേബിച്ചൻ, വൈസ് പ്രസിഡന്റ് റോയി വെള്ളരിങ്ങാട്ട് പാലാ, ജില്ലാ പ്രസിഡന്റ് സാബു മാത്യു കുറവിലങ്ങാട്, സെക്രട്ടറി ബിനു മാത്യുസ്, ട്രഷറർ ജൂലിയസ് രാമപുരം എന്നിവർ പങ്കെടുത്തു.

‘സഹകരണ നിക്ഷേപകർക്ക് നീതി വേണം’ എന്ന മുദ്രാവാക്യമുയർത്തിയാണ് മാർച്ച് സംഘടിപ്പിക്കുന്നത്.

പുതിയ തീരുമാനത്തോടെ നഗര-ഗ്രാമ വ്യത്യാസമില്ലാതെ എല്ലാ ഗാർഹിക ഉപഭോക്താക്കൾക്കും 25 ദിവസത്തെ ഇടവേളയിൽ സിലിണ്ടർ ബുക്ക് ചെയ്യാനുള്ള സൗകര്യം ലഭിക്കും.

പശ്ചിമേഷ്യൻ സംഘർഷങ്ങളുടെ പശ്ചാത്തലത്തിൽ എൽപിജി വിതരണത്തിലുണ്ടായ സമ്മർദ്ദത്തെ തുടർന്നാണ് ഗ്രാമീണ മേഖലകളിൽ 45 ദിവസത്തെ നിയന്ത്രണം ഏർപ്പെടുത്തിയിരുന്നത്. രാജ്യത്തെ എൽപിജി വിതരണ സാഹചര്യം മെച്ചപ്പെടുകയും സിലിണ്ടർ ലഭിക്കുന്നതിനുള്ള ബാക്ക്‌ലോഗ് ഗണ്യമായി കുറയുകയും ചെയ്ത സാഹചര്യത്തിലാണ് നിയന്ത്രണത്തിൽ ഇളവ് വരുത്തിയത്.

എണ്ണക്കമ്പനികൾക്ക് മന്ത്രാലയം നൽകിയ കത്തിന്റെ പകർപ്പ് പങ്കുവെച്ച് കേന്ദ്ര പെട്രോളിയം-പ്രകൃതിവാതക സഹമന്ത്രി സുരേഷ് ഗോപി സമൂഹമാധ്യമത്തിലൂടെയാണ് ഇക്കാര്യം വ്യക്തമാക്കിയത്.

അറിവ് പകർന്നുനൽകുന്നതിനൊപ്പം പുതുതലമുറയിൽ മൂല്യബോധവും സാമൂഹിക പ്രതിബദ്ധതയും വളർത്തിയെടുക്കുന്നതിൽ അധ്യാപകർ വഹിക്കുന്ന മഹത്തായ പങ്ക് ചടങ്ങിൽ അനുസ്മരിച്ചു. സമൂഹത്തിന്റെ ഭാവിയെ രൂപപ്പെടുത്തുന്ന ശിൽപ്പികളാണ് അധ്യാപകരെന്നും അവരുടെ സേവനവും സമർപ്പണവും എന്നും ആദരിക്കപ്പെടേണ്ടതാണെന്നും റെജി കൂനാനി അധ്യാപകദിന സന്ദേശത്തിൽ പറഞ്ഞു.

ലൈബ്രറി പ്രസിഡന്റ് ബേബിച്ചൻ കിഴക്കേമുറി അധ്യക്ഷത വഹിച്ചു. പഞ്ചായത്ത് അംഗം ഷീബ റെൻസോ, മനോജ് എം.വി., പ്രിൻസ് മറ്റപ്പള്ളി എന്നിവർ ആശംസകൾ നേർന്നു.

സജി കുമാർ പി.ടി., സണ്ണി കക്കുഴി, കെ.കെ. മാണി, സെബാസ്റ്റ്യൻ തോമസ്, വിൽസൺ തോമസ്, സിറിൽ തോമസ്, പാലോസ് തുടങ്ങിയവർ പരിപാടിയിൽ പങ്കെടുത്തു.

തങ്ങളുടെ ഔദ്യോഗിക ജീവിതത്തിലൂടെ നിരവധി തലമുറകൾക്ക് അറിവും ജീവിതമൂല്യങ്ങളും പകർന്നുനൽകിയ അധ്യാപകരോടുള്ള നന്ദിയും ആദരവും പ്രകടിപ്പിക്കുന്ന വേദിയായി അധ്യാപകദിനാചരണം മാറി.

വണ്ടൻമേട് പോലീസ് സ്റ്റേഷൻ എസ്.എച്ച്.ഒ ബെർട്ടിൻ ജോസ്, അസിസ്റ്റന്റ് പി.ആർ.ഒ അരുൺ പ്രസാദ് എന്നിവർ ക്ലാസുകൾക്ക് നേതൃത്വം നൽകി.

ലഹരി ഉപയോഗത്തിന്റെ സാമൂഹികവും ആരോഗ്യപരവുമായ പ്രത്യാഘാതങ്ങൾ, യുവാക്കൾ ലഹരിയിലേക്ക് ആകർഷിക്കപ്പെടുന്ന സാഹചര്യങ്ങൾ, ലഹരിക്കെതിരായ നിയമനടപടികൾ എന്നിവ സംബന്ധിച്ച് ക്ലാസിൽ വിശദീകരിച്ചു. വിദ്യാർത്ഥികളിൽ ലഹരിവിരുദ്ധ മനോഭാവവും സാമൂഹിക ഉത്തരവാദിത്വവും വളർത്തേണ്ടതിന്റെ പ്രാധാന്യവും ചർച്ച ചെയ്തു.

കോളേജ് പ്രിൻസിപ്പൽ പ്രൊഫ. ഷാജി ആർ. കെ. സ്വാഗതം ആശംസിച്ചു.കോളേജ് വിമുക്തി  കോർഡിനേറ്റർ അസി. പ്രൊഫ. ബിബിൻ കെ. രാജു കൃതജ്ഞത രേഖപ്പെടുത്തി.

ഇടുക്കി മേഖലയിലെ കോൺഗ്രസ് രാഷ്ട്രീയത്തിൽ ദീർഘകാലം സജീവ സാന്നിധ്യമായിരുന്ന ജോസ് കുറ്റ്യാനി വിവിധ പാർട്ടി ചുമതലകളും വഹിച്ചിട്ടുണ്ട്.

പ്രധാന മദ്ബഹായിലെ ത്രോണോസിൽ സ്ഥാപിച്ചിരിക്കുന്ന വിശുദ്ധ ദൈവമാതാവിന്റെയും ഉണ്ണിയേശുവിന്റെയും ഛായാചിത്രം വർഷത്തിൽ ഒരിക്കൽ മാത്രമാണ് ഭക്തജനങ്ങൾക്കായി തുറക്കുന്നത്. ഇതോടനുബന്ധിച്ച് കത്തീഡ്രലിൽ വൻ ഭക്തജനത്തിരക്ക് പ്രതീക്ഷിക്കുന്നു.

രാവിലെ 8.30ന് നടക്കുന്ന മൂന്നിന്മേൽ കുർബാനയ്ക്ക് ശ്രേഷ്ഠ കാതോലിക്കാ ബാവ പ്രധാന കാർമികത്വം വഹിക്കും. എം.എസ്.ഒ.ടി. റെസിഡന്റ് മെത്രാപ്പോലീത്ത കുറിയാക്കോസ് മോർ തെയോഫിലോസ് സഹകാർമികത്വം വഹിക്കും.

സെപ്റ്റംബർ 5ന് വൈകിട്ട് ഇരുവരും തമ്മിലുണ്ടായ വാക്കുതർക്കത്തിനിടെ തങ്കച്ചൻ വീട്ടിനുള്ളിലെ കട്ടിലിനടിയിൽ സൂക്ഷിച്ചിരുന്ന കമ്പിവടി ഉപയോഗിച്ച് ബിനുവിന്റെ തലയ്ക്ക് പിന്നിൽ അടിക്കുകയും കുത്തുകയും ചെയ്തതിനെ തുടർന്ന് ഗുരുതരമായി പരിക്കേറ്റാണ് മരണം സംഭവിച്ചതെന്നാണ് പോലീസ് പറയുന്നത്.

ബിനു മരിച്ചതായി അറിയാതെയാണ് പ്രതി ഫയർഫോഴ്സിനെയും പോലീസിനെയും ആംബുലൻസിനായി ഫോണിൽ ബന്ധപ്പെട്ടത്. സ്ഥലത്തെത്തിയ ഫയർഫോഴ്സ് ഉദ്യോഗസ്ഥരാണ് ബിനു മരിച്ചുകിടക്കുകയാണെന്ന വിവരം പോലീസിനെ അറിയിച്ചത്. തുടർന്ന് നടത്തിയ അന്വേഷണത്തിലാണ് പ്രതിയെ അറസ്റ്റ് ചെയ്തത്.

ചാർട്ട് പേപ്പറിൽ പെൻസിൽ മാത്രം ഉപയോഗിച്ചാണ് പോസ്റ്റർ തയ്യാറാക്കേണ്ടത്. പോസ്റ്ററിന്റെ വ്യക്തമായ ചിത്രവും കോളേജ് ഐഡി കാർഡിന്റെ പകർപ്പും ഹ്രസ്വ വിവരണവും സെപ്റ്റംബർ 11ന് വൈകിട്ട് 5ന് മുമ്പായി വാട്സ്ആപ്പ് വഴി അയയ്ക്കണം. പരിശോധനയ്ക്കായി ഒറിജിനൽ പോസ്റ്റർ സൂക്ഷിക്കണം.

സർഗാത്മകത, വിഷയ പ്രസക്തി, മൗലികത എന്നിവയുടെ അടിസ്ഥാനത്തിലായിരിക്കും വിധിനിർണയം. ഒന്നും രണ്ടും സ്ഥാനക്കാർക്ക് മെറിറ്റ് സർട്ടിഫിക്കറ്റും ക്യാഷ് അവാർഡും ലഭിക്കും.

എൻട്രികൾ അയയ്ക്കേണ്ട നമ്പർ: 9400234145 (Joseph Cyriac).

സെപ്റ്റംബർ 6 മുതൽ 8 വരെ സംസ്ഥാനത്ത് ഉയർന്ന താപനിലയും ആർദ്രതയേറിയ കാലാവസ്ഥയും അനുഭവപ്പെടാൻ സാധ്യതയുണ്ട്. അതേസമയം, സെപ്റ്റംബർ 7, 8 തീയതികളിൽ കേരളത്തിലെ ഒറ്റപ്പെട്ട പ്രദേശങ്ങളിൽ മഴയ്ക്കും ഇടിയോടുകൂടിയ മഴയ്ക്കും സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.

ചൂട് വർധിക്കുന്ന സാഹചര്യത്തിൽ പകൽ 11 മുതൽ വൈകിട്ട് 3 വരെ നേരിട്ട് സൂര്യപ്രകാശം ഏൽക്കുന്നത് ഒഴിവാക്കണമെന്ന് സംസ്ഥാന ദുരന്ത നിവാരണ അതോറിറ്റി നിർദേശിച്ചു. ദാഹമില്ലെങ്കിലും ഇടയ്ക്കിടെ വെള്ളം കുടിക്കണം. അയഞ്ഞതും ഇളം നിറത്തിലുള്ളതുമായ കോട്ടൺ വസ്ത്രങ്ങൾ ധരിക്കാനും കുടയോ തൊപ്പിയോ ഉപയോഗിക്കാനും നിർദേശമുണ്ട്.

കുട്ടികൾ, പ്രായമായവർ, കിടപ്പുരോഗികൾ, ഗർഭിണികൾ, പുറംജോലികളിൽ ഏർപ്പെടുന്നവർ തുടങ്ങിയവർ പ്രത്യേക ജാഗ്രത പാലിക്കണം. നിർമാണത്തൊഴിലാളികൾ, കർഷകത്തൊഴിലാളികൾ, വഴിയോരക്കച്ചവടക്കാർ തുടങ്ങിയവർ ജോലി സമയം ക്രമീകരിക്കുകയും ആവശ്യമായ ഇടവേളകളിൽ വിശ്രമിക്കുകയും വേണം.

ചൂട് വർധിക്കുന്ന സാഹചര്യത്തിൽ കാട്ടുതീയ്ക്കും തീപിടിത്തങ്ങൾക്കും സാധ്യതയുള്ളതിനാൽ വനമേഖലകളോട് ചേർന്ന് താമസിക്കുന്നവരും വിനോദസഞ്ചാരികളും സ്ഥാപന ഉടമകളും ജാഗ്രത പാലിക്കണമെന്നും അധികൃതർ നിർദേശിച്ചു.

പൂഞ്ഞാർ എം.എൽ.എ അഡ്വ. സെബാസ്റ്റ്യൻ എം.ജെ. ഉപഹാരം കൈമാറി. ടീം റെസ്ക്യൂ ഫോഴ്സ് കേരളയ്ക്കുവേണ്ടി പ്രസിഡന്റ് നൗഷാദ് വെള്ളൂപറമ്പിൽ, ജനറൽ സെക്രട്ടറി ആരിഫ് വാഴയിൽ, എക്സിക്യൂട്ടീവ് അംഗം മുജീബ് കരിമരുത്കുന്നേൽ എന്നിവർ ചേർന്ന് ഉപഹാരം ഏറ്റുവാങ്ങി.

പ്രളയബാധിത മേഖലകളിൽ നടത്തിയ രക്ഷാപ്രവർത്തനങ്ങളും ദുരന്തനിവാരണ രംഗത്തെ സന്നദ്ധ ഇടപെടലുകളും പരിഗണിച്ചാണ് ആദരം നൽകിയത്.

പ്രധാനമന്ത്രിയുടെ ഓഫീസിനും കേന്ദ്ര വനം, പരിസ്ഥിതി, കാലാവസ്ഥാ വ്യതിയാന മന്ത്രാലയത്തിനും നൽകാനുള്ള നിവേദനം ബി.ഡി.ജെ.എസ്. സംസ്ഥാന വൈസ് പ്രസിഡന്റും സ്പൈസസ് ബോർഡ് ചെയർപേഴ്സണുമായ അഡ്വ. സംഗീത വിശ്വനാഥന് മണ്ഡലം പ്രസിഡന്റ് പ്രസാദ് വിലങ്ങുപാറ കൈമാറി.

ജനവാസ മേഖലകൾ, പട്ടയഭൂമി, റവന്യൂ ഭൂമി, പരമ്പരാഗത കൃഷിയിടങ്ങൾ എന്നിവ ESA പരിധിയിൽ ഉൾപ്പെടുത്തുന്നത് പുനഃപരിശോധിക്കണമെന്നും ഏലം, കാപ്പി, കുരുമുളക്, റബർ, തേയില തുടങ്ങിയ വിളകളെ ആശ്രയിക്കുന്ന കർഷകരുടെ ഉപജീവനത്തിന് നിയന്ത്രണങ്ങൾ ഉണ്ടാകരുതെന്നും നിവേദനത്തിൽ ആവശ്യപ്പെട്ടു.

ESA അതിർത്തി നിർണയിക്കുന്നതിന് മുമ്പ് ഭൂവിനിയോഗവും ജനവാസവും കൃഷിയിടങ്ങളും കൃത്യമായി പരിശോധിക്കണമെന്നും അടിസ്ഥാന സൗകര്യ വികസനത്തിന് തടസ്സമുണ്ടാകരുതെന്നും ആവശ്യപ്പെട്ടു. കർഷകരുമായും ജനപ്രതിനിധികളുമായും കർഷക സംഘടനകളുമായും ചർച്ച നടത്തിയ ശേഷമേ അന്തിമ തീരുമാനം എടുക്കാവൂവെന്നും ബി.ഡി.ജെ.എസ്. ആവശ്യപ്പെട്ടു.

ജില്ലാ പ്രസിഡന്റ് അഡ്വ. പ്രതീഷ് പ്രഭ, നേതാക്കളായ പാർഥേശൻ, ശശികുമാർ, സന്ദീപ് ഇ.യു., അജി മുട്ടുകാട് എന്നിവരും നിവേദക സംഘത്തിലുണ്ടായിരുന്നു.

2026 സെപ്റ്റംബർ 3ന് ഉച്ചയ്ക്ക് 12.30നും സെപ്റ്റംബർ 4ന് പുലർച്ചെ 5.30നും ഇടയിലാണ് ക്ഷേത്രത്തിൽ മോഷണം നടന്നത്. വിവരം ലഭിച്ച ഉടൻ തൊടുപുഴ പോലീസ് അന്വേഷണം ആരംഭിച്ചിരുന്നു. ഓടിന്റെ 60 നിലവിളക്കുകളും രണ്ട് വീതം ഉരുളികളും തൂക്കുവിളക്കുകളും ഉൾപ്പെടെ ഏകദേശം 70,000 രൂപ വിലവരുന്ന സാധനങ്ങളാണ് മോഷണം പോയത്.

2026 മേയ് 31ന് വൈകിട്ട് 6.30നും ജൂൺ 1ന് പുലർച്ചെ 5.45നും ഇടയിൽ ക്ഷേത്രത്തിലെ മൂന്ന് ഭണ്ഡാരക്കുറ്റികൾ താഴ് തല്ലിപ്പൊട്ടിച്ച് ഏകദേശം 15,000 രൂപയും മോഷണം നടത്തിയിരുന്നു. ഈ കേസിന്റെ അന്വേഷണം നടക്കുന്നതിനിടെയാണ് വീണ്ടും മോഷണം നടന്നത്.

ജില്ലാ പോലീസ് മേധാവി ഡോ. എ. നസീം ഐ.പി.എസിന്റെ നിർദ്ദേശപ്രകാരം തൊടുപുഴ ഡെപ്യൂട്ടി പോലീസ് സൂപ്രണ്ട് സജി മാർക്കോസിന്റെ നേതൃത്വത്തിലായിരുന്നു അന്വേഷണം. തൊടുപുഴ പോലീസ് ഇൻസ്പെക്ടർ മനേഷ് കെ.പി., സബ് ഇൻസ്പെക്ടർമാരായ ജിബിൻ തോമസ്, അരുൺ ചന്ദ്രൻ, അനന്തു ശേഖർ, ഷംസ്, സീനിയർ സിവിൽ പോലീസ് ഓഫീസർ ബിജു, സിവിൽ പോലീസ് ഓഫീസർമാരായ ജോയ് തോമസ്, അജീഷ് തങ്കപ്പൻ, ബാബുക്കുട്ടൻ, അജിമോൻ എന്നിവർ അന്വേഷണ സംഘത്തിലുണ്ടായിരുന്നു.

തീപിടിത്തത്തിൽ കാർ പൂർണമായും കത്തിനശിച്ചതായാണ് വിവരം. തീപിടിത്തത്തിന്റെ കാരണം വ്യക്തമല്ല

ഞായറാഴ്ചകളിൽ കട്ടപ്പന ടൗണിൽ അതിഥി തൊഴിലാളികളുടെ വലിയ സാന്നിധ്യമുണ്ടാകുന്ന സാഹചര്യത്തിലാണ് നഗരസഭയുടെ നടപടി. അതിഥി തൊഴിലാളികൾ തമ്മിലുണ്ടാകുന്ന തർക്കങ്ങളും സംഘർഷങ്ങളും പലപ്പോഴും പ്രദേശത്തെ ജനങ്ങളുടെ സ്വൈര്യജീവിതത്തെ ബാധിക്കുന്നതായി പരാതികൾ ഉയർന്നിരുന്നു.

ഒരു മാസം മുമ്പ് നഗരസഭ, പൊലീസ്, എക്സൈസ് വകുപ്പുകൾ സംയുക്തമായി നടത്തിയ പരിശോധനയിൽ കണ്ടെത്തി നീക്കം ചെയ്ത നിരോധിത പുകയില ഉത്പന്ന വിതരണ കേന്ദ്രങ്ങൾ വീണ്ടും പ്രവർത്തനം ആരംഭിച്ചതായി ശ്രദ്ധയിൽപ്പെട്ടതിനെ തുടർന്നാണ് നടപടി. പൊതുവഴി കൈയേറി പ്രവർത്തിച്ചിരുന്ന ഇത്തരം കേന്ദ്രങ്ങളാണ് ഇപ്പോൾ ഒഴിപ്പിച്ചത്.

നഗരസഭ ക്ലീൻ സിറ്റി മാനേജർ ആറ്റ്ലി പി. ജോണിന്റെ നേതൃത്വത്തിൽ ജീവനക്കാരായ ബിബിൻ തോമസ്, ബിജു മാത്യു, മനു ബാബു എന്നിവർ പരിശോധനാ സംഘത്തിലുണ്ടായിരുന്നു.

ഇടുക്കി രൂപത മെത്രാൻ മാർ ജോൺ നെല്ലിക്കുന്നേലിന്റെ നേതൃത്വത്തിലായിരുന്നു തീർത്ഥാടനം. രാജാക്കാട് ക്രിസ്തുരാജ ഫെറോന പള്ളിയിൽനിന്ന് ആരംഭിച്ച കാൽനട യാത്ര ഒൻപത് കിലോമീറ്റർ പിന്നിട്ട് നാല് മണിക്കൂറിനുശേഷമാണ് രാജകുമാരിയിലെത്തിയത്.

മഴയിലും പതറാതെ; ജപമാലയുമായി ഒൻപത് കിലോമീറ്റർ

പ്രതികൂല കാലാവസ്ഥയിലും ജപമാല പ്രാർഥനകളുമായി ഭക്തർ യാത്ര തുടർന്നു. വിവിധ ഇടവകകളിൽനിന്നുള്ള തീർത്ഥാടക സംഘങ്ങളും യാത്രയിൽ പങ്കുചേർന്നു. വഴിയിലുടനീളം നാട്ടുകാരും വ്യാപാരികളും സന്നദ്ധ സംഘടനകളും തീർത്ഥാടകർക്ക് കുടിവെള്ളവും മറ്റ് സൗകര്യങ്ങളും ഒരുക്കി.

2019ൽ ആരംഭിച്ച മരിയൻ തീർത്ഥാടനത്തിന് വർഷംതോറും ഭക്തജന പങ്കാളിത്തം വർധിച്ചുവരികയാണ്. കോവിഡ് സാഹചര്യത്തിൽ ഒരു വർഷം തീർത്ഥാടനം മുടങ്ങിയിരുന്നു.

വിശുദ്ധരുടെ വേഷത്തിൽ കുരുന്നുകൾ; വഴിനീളെ സ്വീകരണം

തീർത്ഥാടന പാതയിൽ ഭക്തർക്കും മെത്രാനും വിവിധ കേന്ദ്രങ്ങളിൽ സ്വീകരണം നൽകി. വിശുദ്ധരുടെ വേഷമണിഞ്ഞ നൂറിലേറെ കുരുന്നുകൾ തീർത്ഥാടകരെ സ്വീകരിക്കാൻ അണിനിരന്നത് ശ്രദ്ധേയമായി. സമീപ ഇടവകകളിൽനിന്നുള്ള കാൽനട തീർത്ഥാടക സംഘങ്ങളും രാജകുമാരി ദൈവമാതാ പള്ളിയിലെത്തി.

നേർച്ചസദ്യയ്ക്കുശേഷം പൊന്തിഫിക്കൽ കുർബാന

രാജകുമാരി ദൈവമാതാ പള്ളിയിലെത്തിയ ഭക്തർക്കായി വിപുലമായ നേർച്ചസദ്യ ഒരുക്കി. തുടർന്ന് തൃശൂർ അതിരൂപത മെത്രാൻ മാർ ആൻഡ്രൂസ് താഴത്തിന്റെ മുഖ്യകാർമികത്വത്തിൽ ആഘോഷമായ പൊന്തിഫിക്കൽ കുർബാന നടന്നു.

മോൺ. അബ്രഹാം പുറയാറ്റ്, രാജകുമാരി പള്ളി വികാരി മോൺ. ജോസ് നരിതൂക്കിൽ, സഹവികാരിമാരായ ഫാ. ജോബി മാതാളികുന്നേൽ, ഫാ. ജെയ്ൻ മാട്ടേൽ, ഇടുക്കി എം.പി. അഡ്വ. ഡീൻ കുര്യാക്കോസ്, കൈക്കാരന്മാരായ ജോസ് ശൗര്യാംമാക്കൽ, ജോഷി തറപ്പേൽ, സുനിൽ തകരപ്പിള്ളിയിൽ, ഷാജു മുണ്ടക്കൽ തുടങ്ങിയവർ ചടങ്ങുകൾക്ക് നേതൃത്വം നൽകി.

ജില്ലാ പോലീസ് മേധാവി ഡോ. എ. നസീം സമർപ്പിച്ച റിപ്പോർട്ടിന്റെ അടിസ്ഥാനത്തിൽ എറണാകുളം റേഞ്ച് ഡിഐജിയാണ് കേരള സാമൂഹ്യവിരുദ്ധ പ്രവർത്തനങ്ങൾ തടയൽ നിയമം (കാപ്പ) പ്രകാരം നടപടി സ്വീകരിച്ചത്. ആറുമാസത്തേക്ക് ഇടുക്കി ജില്ലയിൽ പ്രവേശിക്കുന്നത് വിലക്കിയാണ് ഉത്തരവ്.

നെടുങ്കണ്ടം, കട്ടപ്പന പോലീസ് സ്റ്റേഷൻ പരിധികളിലായി ജോസിനെതിരെ നിരവധി കേസുകളുണ്ടെന്ന് പോലീസ് അറിയിച്ചു. ജില്ലയിൽ സാമൂഹ്യവിരുദ്ധ പ്രവർത്തനങ്ങൾ നടത്തുന്നവർക്കെതിരെ കർശന നടപടി തുടരുന്നതിന്റെ ഭാഗമായാണ് കാപ്പ ചുമത്തിയത്.

സെപ്റ്റംബർ മൂന്നിന് രാത്രി 12.45ഓടെ മൂന്നാർ ടൗണിൽ നിന്നാണ് മോഹൻരാജിനെ പിടികൂടിയത്. തമിഴ്നാട്ടിലെ തേനിയിൽ നിന്ന് കെഎസ്ആർടിസി ബസിലോ സ്വകാര്യ ബസിലോ മൂന്നാറിലെത്തിച്ച പോപ്പി സ്‌ട്രോ പ്ലാസ്റ്റിക് കവറുകളിൽ പൊതിഞ്ഞ് മറ്റൊരു ബിഗ് ഷോപ്പറിനുള്ളിലാക്കി കടത്താൻ ശ്രമിക്കുന്നതിനിടെയാണ് ഇയാൾ പിടിയിലായതെന്ന് എക്സൈസ് അറിയിച്ചു.

ലഹരിവസ്തുക്കൾ കടത്തുന്നതായി ലഭിച്ച രഹസ്യവിവരത്തെ തുടർന്ന് കഴിഞ്ഞ രണ്ട് മാസമായി എക്സൈസ് സംഘം ഇയാളെ നിരീക്ഷിച്ചുവരികയായിരുന്നു. ഇടുക്കി അസിസ്റ്റന്റ് എക്സൈസ് കമ്മിഷണറുടെ നിർദേശപ്രകാരം എൻഫോഴ്സ്മെന്റ്–ഇന്റലിജൻസ് ബ്യൂറോ നടത്തിയ അന്വേഷണത്തിനൊടുവിലാണ് പ്രതിയിലേക്ക് എത്തിയത്.

ഇടമലക്കുടിയിലേക്ക് കടത്ത്

തേനിയിൽ നിന്ന് ബസിൽ മൂന്നാറിലെത്തിക്കുന്ന പോപ്പി സ്‌ട്രോ പിന്നീട് ഇടവഴികളിലൂടെ വിദൂര മേഖലയായ ഇടമലക്കുടിയിലേക്ക് എത്തിക്കുന്നതാണ് സംഘത്തിന്റെ രീതിയെന്നാണ് എക്സൈസ് കണ്ടെത്തിയിരിക്കുന്നത്. പോപ്പി സ്‌ട്രോ മൂന്നാറിലെത്തിക്കാൻ തുടങ്ങിയിട്ട് എത്രകാലമായെന്നും മറ്റേതൊക്കെ പ്രദേശങ്ങളിലേക്ക് വിതരണം വ്യാപിച്ചിട്ടുണ്ടെന്നും എക്സൈസ് അന്വേഷിച്ചുവരികയാണ്.

പ്രതിയുടെ സാമ്പത്തിക ഇടപാടുകളും പരിശോധിക്കും. സംസ്ഥാനത്ത് ആദ്യമായി പോപ്പി സ്‌ട്രോ പിടികൂടിയ കേസായതിനാൽ ലഹരിവസ്തുവിന്റെ ഉറവിടം, കടത്തുശൃംഖല, വിതരണ മേഖലകൾ എന്നിവ കേന്ദ്രീകരിച്ച് വിശദമായ അന്വേഷണം നടത്താനാണ് എക്സൈസിന്റെ തീരുമാനം.

കറുപ്പ് വേർതിരിച്ചശേഷം അവശേഷിക്കുന്ന കറുപ്പ് കായയുടെ തൊണ്ടാണ് പോപ്പി സ്‌ട്രോ അഥവാ ‘വൈക്കോൽ കറുപ്പ്’ എന്നറിയപ്പെടുന്നത്.

മൂന്നാർ എക്സൈസ് സർക്കിൾ ഇൻസ്പെക്ടർ എസ്. ഹരികൃഷ്ണൻ, ദേവികുളം എക്സൈസ് ഇൻസ്പെക്ടർ വിഷ്ണു, അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) നെബു, പ്രിവന്റീവ് ഓഫീസർ (ഗ്രേഡ്) അനീഷ്, സിവിൽ എക്സൈസ് ഓഫീസർമാരായ അജേഷ്, സുജിൻ, പ്രവീൺകുമാർ, വനിതാ സിവിൽ എക്സൈസ് ഓഫീസർ സൗമ്യ എന്നിവരടങ്ങിയ സംഘമാണ് പരിശോധനയ്ക്ക് നേതൃത്വം നൽകിയത്.

വെള്ളയാംകുടി കൊണ്ടാട്ടുപറമ്പിൽ ജിൽബിൻ–ലിബിയ ദമ്പതികളുടെ മകനാണ് അയാൻ. മത്സരത്തിലെ മികച്ച പ്രകടനത്തിലൂടെയാണ് അയാൻ സ്വർണനേട്ടം സ്വന്തമാക്കിയത്.

രാജാക്കാട് സേനാപതി വേണു എം.എൽ.എ, പഞ്ചായത്ത് പ്രസിഡന്റ് കിങ്ങിണി രാജേന്ദ്രൻ, വൈ.എം.സി.എ ഭാരവാഹികൾ എന്നിവർ രാജാക്കാട്ടും എൻ.ആർ. സിറ്റിയിൽ എസ്.എൻ.ഡി.പി യോഗം, സെന്റ് മേരീസ് ക്നാനായ പള്ളി, മർച്ചന്റ്സ് അസോസിയേഷൻ ഭാരവാഹികളും തീർത്ഥാടകരെ സ്വീകരിച്ചു.

രാജകുമാരിയിൽ ഗ്രാമപഞ്ചായത്ത് അംഗങ്ങൾ, മർച്ചന്റ്സ് അസോസിയേഷൻ ഭാരവാഹികൾ, രാജകുമാരി ഗലീലക്കുന്ന് യാക്കോബായ പള്ളി ഭാരവാഹികൾ, വ്യാപാരി സമൂഹം എന്നിവരുടെ നേതൃത്വത്തിലും സ്വീകരണം ഒരുക്കി.

രാജാക്കാട് മതസൗഹാർദ്ദ കൂട്ടായ്മ ചെയർമാൻ എം.ബി. ശ്രീകുമാർ, കൺവീനർ ഫാ. മാത്യു കരോട്ടുകൊച്ചറയ്ക്കൽ, കോ-ഓർഡിനേറ്റർ വി.എസ്. ബിജു, ഇമാം മൻസൂർ ബാഖവി, കെ.എം. സുധീർ, പി.ബി. മുരളീധരൻ നായർ, എം.ആർ. അനിൽകുമാർ, ജമാൽ ഇടശ്ശേരിക്കുടി, സജിമോൻ കോട്ടയ്ക്കൽ, വി.സി. ജോൺസൺ, അബ്ദുൽ കലാം, സിബി കൊച്ചുവള്ളാട്ട്, കെ.ജി. മഹേഷ്, വി.വി. ബാബു, ജോഷി കന്യാക്കുഴി, ടൈറ്റസ് ജേക്കബ് എന്നിവർ ചേർന്ന് മരിയൻ തീർത്ഥാടന ക്യാപ്റ്റൻ മാർ ജോൺ നെല്ലിക്കുന്നേലിന് സ്വീകരണം നൽകി.

മതസൗഹാർദ്ദത്തിന്റെയും സഹോദര്യത്തിന്റെയും സന്ദേശം ഉയർത്തിപ്പിടിച്ചായിരുന്നു വിവിധ കേന്ദ്രങ്ങളിലെ സ്വീകരണ പരിപാടികൾ.

എട്ട് മിനിറ്റിനുള്ളിൽ 100 ചോദ്യങ്ങൾക്ക് കൃത്യമായി ഉത്തരം നൽകിയാണ് ദുആ ദേശീയതലത്തിൽ ശ്രദ്ധേയ നേട്ടം സ്വന്തമാക്കിയത്. പഞ്ചായത്ത് തലത്തിൽ വണ്ണപ്പുറം സെന്ററിലും ജില്ലാതലത്തിൽ കട്ടപ്പനയിലും സംസ്ഥാനതലത്തിൽ തൃശൂരിലും നടന്ന മത്സരങ്ങളിൽ മികച്ച പ്രകടനം കാഴ്ചവച്ച ശേഷമാണ് ദേശീയ മത്സരത്തിന് യോഗ്യത നേടിയത്.

വണ്ണപ്പുറം തൊട്ടിയിൽ വീട്ടിൽ നിഷാദ് കരീം–അനീസ നിഷാദ് ദമ്പതികളുടെ മകളാണ്

നീലക്കുറിഞ്ഞി പൂക്കുന്ന മേഖലകളിൽ സന്ദർശകർ പാലിക്കേണ്ട നിയന്ത്രണങ്ങൾ സംബന്ധിച്ച് വനംവകുപ്പ് നേരത്തെ കർശന നിർദേശങ്ങൾ നൽകിയിരുന്നു. നിയന്ത്രണങ്ങളോടെയാണ് സഞ്ചാരികൾക്ക് ഇത്തരം മേഖലകളിലേക്ക് പ്രവേശനം അനുവദിക്കുന്നത്.

ഇതിനിടെയാണ് യുവാക്കൾ നീലക്കുറിഞ്ഞി പൂക്കൾ പറിച്ച് ഫോട്ടോഷൂട്ട് നടത്തുകയും ചിത്രങ്ങൾ സമൂഹമാധ്യമങ്ങളിൽ പങ്കുവയ്ക്കുകയും ചെയ്തത്. ചിത്രങ്ങൾ ശ്രദ്ധയിൽപ്പെട്ടതോടെ മൂന്നാർ ഡിഎഫ്‌ഒയുടെ നിർദേശപ്രകാരം വനംവകുപ്പ് അന്വേഷണം ആരംഭിക്കുകയും തുടർന്ന് കേസെടുക്കുകയുമായിരുന്നു.

യുവാക്കളിൽ ഒരാൾ ഫോട്ടോകൾ പകർത്തിയത് ചിന്നക്കനാലിൽ നിന്നാണെന്ന് വനംവകുപ്പ് കണ്ടെത്തിയിട്ടുണ്ട്. സംഭവത്തിൽ കൂടുതൽ അന്വേഷണം തുടരുകയാണ്.

ചൊക്രമുടിയിലും ചിന്നക്കനാലിലുമാണ് നിലവിൽ നീലക്കുറിഞ്ഞി പൂത്തിരിക്കുന്നത്. അപൂർവമായി പൂക്കുന്ന നീലക്കുറിഞ്ഞി സംരക്ഷിക്കേണ്ടതിന്റെ ഭാഗമായി പൂക്കൾ പറിക്കുകയോ ചെടികൾക്ക് കേടുപാടുകൾ വരുത്തുകയോ ചെയ്യരുതെന്ന് വനംവകുപ്പ് സന്ദർശകർക്ക് നിർദേശം നൽകിയിട്ടുണ്ട്.

അയർക്കുന്നം → കോട്ടയം ഭാഗത്തേക്ക്

അയർക്കുന്നത്ത് നിന്ന് കോട്ടയം, പാമ്പാടി, കുമളി ഭാഗങ്ങളിലേക്ക് വരുന്ന വാഹനങ്ങൾ മാലം പാലത്തിൽ നിന്ന് തിരിച്ചുവിടും.

പാമ്പാടി/കുമളി ഭാഗത്തേക്ക്:

ടവർ ജംഗ്ഷൻ → മൗണ്ട് മേരി പബ്ലിക് സ്കൂൾ → ഗ്രാമറ്റം → അങ്ങാടിവയൽ വഴി → കെ.കെ. റോഡിലേക്ക് ഇടത്തോട്ട്.

കോട്ടയം ഭാഗത്തേക്ക്:

ഇല്ലിവളവിൽ വലത്തോട്ട് → എരുമപ്പെട്ടി ജംഗ്ഷനിൽ ഇടത്തോട്ട് → കീച്ചാൽ → കാഞ്ഞിരത്തുംമൂട് → പുതുപ്പള്ളി വഴി കോട്ടയം.

മണർകാട് → അയർക്കുന്നം

മണർകാട് നിന്ന് അയർക്കുന്നം ഭാഗത്തേക്ക് വരുന്ന വാഹനങ്ങൾ ആര്യ സൽക്കാര (6-ാം മൈൽ) ജംഗ്ഷനിൽ നിന്ന് തിരിച്ചുവിടും.

പഴയ കെ.കെ. റോഡ് → കുറ്റിയേക്കുന്ന് → പണിക്കമറ്റം → കിഴക്കേടത്തുപടി → ടവർ ജംഗ്ഷൻ → മാലം പാലം വഴി അയർക്കുന്നത്തേക്ക് പോകാം.

പുതുപ്പള്ളി → കോട്ടയം (മണർകാട് വഴി)

പുതുപ്പള്ളിയിൽ നിന്ന് കോട്ടയത്തേക്ക് വരുന്ന വാഹനങ്ങൾ തലപ്പാടിയിൽ നിന്ന് തിരിച്ചുവിടും.

കുറ്റിക്കാട്ടുപടി → കല്ലുകാട് → മാധവൻപടി വഴി കോട്ടയത്തേക്ക് പോകണം.

ഏറ്റുമാനൂർ → കോട്ടയം (മണർകാട് വഴി)

ഏറ്റുമാനൂരിൽ നിന്ന് കോട്ടയത്തേക്ക് വരുന്ന വാഹനങ്ങൾ തിരുവഞ്ചൂർ കുരിശുപള്ളി ജംഗ്ഷനിൽ (ബേക്കർജി ഓവൻ ബേക്കറി) നിന്ന് തിരിച്ചുവിടും.

ഇറഞ്ഞാൽ → കഞ്ഞിക്കുഴി വഴി കോട്ടയത്തേക്ക് പോകാം.

കോട്ടയം → ഏറ്റുമാനൂർ/അയർക്കുന്നം

മണർകാട് വഴി ഏറ്റുമാനൂർ, അയർക്കുന്നം ഭാഗങ്ങളിലേക്ക് പോകേണ്ട വാഹനങ്ങൾ വടവാതൂർ മിൽമ ജംഗ്ഷനിൽ നിന്ന് ഇടത്തോട്ട് തിരിഞ്ഞ് തെമ്പ്രവൽ കടവ് → മോസ്കോ ജംഗ്ഷൻ → വലത്തോട്ട് തിരിഞ്ഞ് തിരുവഞ്ചൂർ കവല → ഏറ്റുമാനൂർ/അയർക്കുന്നം ഭാഗത്തേക്ക് പോകണം.

മെഡിക്കൽ കോളജ് ആശുപത്രിയിലെ എൻഐസിയുവിൽ ചികിത്സയിൽ കഴിയുന്നതിനിടെ കുഞ്ഞിന്റെ ശരീരത്തിൽ സൂചി തറച്ചുകയറിയെന്നും ഇതേത്തുടർന്ന് ഗുരുതരമായ ആരോഗ്യപ്രശ്നങ്ങൾ ഉണ്ടായെന്നും കുടുംബം ആരോപിച്ചിരുന്നു. ശരീരത്തിൽ തടിപ്പ് ശ്രദ്ധയിൽപ്പെട്ടതിനെ തുടർന്ന് മാതാവ് ആശുപത്രി അധികൃതരെ വിവരം അറിയിച്ചിരുന്നു. തുടർന്ന് കുഞ്ഞിനെ സ്കാനിംഗിന് വിധേയമാക്കിയെങ്കിലും അസ്വാഭാവികമായി ഒന്നും കണ്ടെത്താനായില്ലെന്നാണ് ആശുപത്രി അധികൃതരുടെ വിശദീകരണം.

ഒരു വർഷത്തിന് ശേഷമാണ് കുഞ്ഞിന്റെ ശരീരത്തിൽ തറച്ചുകിടന്ന സൂചി കണ്ടെത്തി ശസ്ത്രക്രിയയിലൂടെ പുറത്തെടുത്തത്. ഇതിനിടെ കുഞ്ഞിന് മറ്റ് ആശുപത്രികളിൽ ചികിത്സ ലഭിച്ചിട്ടുണ്ടോയെന്നും പരിശോധിക്കേണ്ടതുണ്ടെന്ന് ഡെപ്യൂട്ടി സൂപ്രണ്ട് പറഞ്ഞു.

കോട്ടയം മെഡിക്കൽ കോളജിൽ ചികിത്സയ്ക്കിടെ സംഭവിച്ചതാണ് സൂചി കയറിയതെന്ന കുടുംബത്തിന്റെ ആരോപണത്തിന് വിരുദ്ധമായാണ് ആശുപത്രി അധികൃതരുടെ വിശദീകരണം. സംഭവത്തിൽ കൂടുതൽ പരിശോധനകൾ ആവശ്യമായേക്കും.

കേരള നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ സമ്മേളനം ഉദ്ഘാടനം ചെയ്തു. പ്രോഗ്രാം കോഡിനേറ്റർ ഫാ. ലിറ്റു ജേക്കബ് തണ്ടാശ്ശേരിൽ സ്വാഗതം ആശംസിച്ചു. കോട്ടയം ഭദ്രാസന മെത്രാപ്പോലീത്ത തോമസ് മോർ തീമോത്തിയോസ് അധ്യക്ഷത വഹിച്ചു.

മെത്രാഭിഷേകത്തിന്റെ രജതജൂബിലി ആഘോഷിക്കുന്ന സീറോ മലങ്കര കത്തോലിക്കാ സഭാ മേജർ ആർച്ച് ബിഷപ്പ് കർദിനാൾ ക്ലീമിസ് ബാവയെ ഇടവകയുടെ നേതൃത്വത്തിൽ ആദരിച്ചു. തുടർന്ന് അദ്ദേഹം മുഖ്യപ്രഭാഷണം നടത്തി.

യാക്കോബായ സുറിയാനി സഭ കോഴിക്കോട് ഭദ്രാസന മെത്രാപ്പോലീത്ത പൗലോസ് മോർ ഐറേനിയോസ് സൺഡേ സ്കൂൾ ശതാബ്ദി സുവനീർ പ്രകാശനം ചെയ്തു.

യൂത്ത് അസോസിയേഷൻ അഖില മലങ്കര വൈസ് പ്രസിഡന്റായി തിരഞ്ഞെടുക്കപ്പെട്ട ഫാ. കുര്യൻ മാത്യു വടക്കേപറമ്പിലിനെയും എം.ജെ.എസ്.എസ്.എ അഖില മലങ്കര സെക്രട്ടറിയായി തിരഞ്ഞെടുക്കപ്പെട്ട അവിനേഷ് എബ്രഹാം തണ്ടാശ്ശേരിലിനെയും ആദരിച്ചു.

ഇടവകയിലെ 80 വയസ്സ് പൂർത്തിയായ മാതാപിതാക്കളെ മൂവാറ്റുപുഴ എം.എൽ.എ മാത്യു കുഴൽനാടൻ ആദരിച്ചു. ഉന്നത വിജയം നേടിയ വിദ്യാർഥികൾക്ക് കോട്ടയം ആർ.ഡി.ഒ നിജു കുര്യൻ ഉപഹാരങ്ങളും ക്യാഷ് അവാർഡുകളും വിതരണം ചെയ്തു.

മണർകാട് ഗ്രാമപഞ്ചായത്ത് വൈസ് പ്രസിഡന്റ് കെ.കെ. തോമസ് കുന്നേൽ, ജില്ലാ പഞ്ചായത്ത് അംഗം ഗ്രേസി കരിമ്പന്നൂർ എന്നിവർ ആശംസകൾ അർപ്പിച്ചു. കത്തീഡ്രൽ ട്രസ്റ്റി സക്കറിയാച്ചൻ പള്ളത്ത് നന്ദി രേഖപ്പെടുത്തി.

ബാങ്ക് തെരഞ്ഞെടുപ്പുമായി ബന്ധപ്പെട്ട വിഷയങ്ങളാണ് തർക്കത്തിന് തുടക്കമിട്ടതെന്നാണ് രമ്യ ഹരിദാസ് പറയുന്നത്. ഒരു വീട്ടിൽ നടന്ന യോഗത്തിനിടെയാണ് സംഘർഷമുണ്ടായത്. എംഎൽഎയുടെ പി.എ യോഗത്തിൽ പങ്കെടുത്തതിനെ ചോദ്യം ചെയ്താണ് തർക്കം ആരംഭിച്ചതെന്നാണ് റിപ്പോർട്ടുകൾ.

തന്നെ ജില്ലാ പഞ്ചായത്ത് അംഗം സജാദ് മുട്ടപ്പലവും സുഹൃത്തുക്കളും ചേർന്ന് ആക്രമിച്ചെന്നാണ് രമ്യ ഹരിദാസിന്റെ ആരോപണം. സംഭവത്തെ തുടർന്ന് രമ്യ ഹരിദാസ് ചിറയിൻകീഴ് താലൂക്ക് ആശുപത്രിയിൽ ചികിത്സ തേടുകയും പൊലീസ് മൊഴി രേഖപ്പെടുത്തുകയും ചെയ്തു.

അതേസമയം, രമ്യ ഹരിദാസിനും അവരുടെ പി.എയ്ക്കുമെതിരെ പ്രാദേശിക കോൺഗ്രസ് നേതാവ് സജാദ് മുട്ടപ്പലം പൊലീസിൽ പരാതി നൽകിയിട്ടുണ്ട്. വീട് കയറി ആക്രമിച്ചെന്നാണ് അദ്ദേഹത്തിന്റെ ആരോപണം. സംഭവത്തിൽ പൊലീസ് സംരക്ഷണവും ആവശ്യപ്പെട്ടിട്ടുണ്ട്.

സംഭവത്തിന്റെ ദൃശ്യങ്ങൾ പുറത്തുവന്നതോടെ ചിറയിൻകീഴിലെ കോൺഗ്രസ് നേതൃത്വത്തിനുള്ളിലെ തർക്കം കൂടുതൽ ചർച്ചയായിരിക്കുകയാണ്. ഇരു വിഭാഗങ്ങളുടെയും പരാതികളിൽ പൊലീസ് അന്വേഷണം തുടരുകയാണ്.

ദേശീയപാതയിലെ ഡൈവേർഷൻ ഭാഗത്ത് നിർത്തിയിട്ടിരുന്ന തമിഴ്നാട് രജിസ്ട്രേഷൻ കാറാണ് ലോറിയുടെ പിന്നിലേക്ക് ഇടിച്ചുകയറിയത്. ഇടിയുടെ ആഘാതത്തിൽ കാർ പൂർണമായും തകർന്നു. വാഹനം വെട്ടിപ്പൊളിച്ചാണ് കാറിനുള്ളിലുണ്ടായിരുന്നവരെ പുറത്തെടുത്തത്. എട്ടുപേരും സംഭവസ്ഥലത്തുതന്നെ മരിച്ചതായാണ് പ്രാഥമിക വിവരം.

മരിച്ചവരെ തിരിച്ചറിഞ്ഞിട്ടില്ല. ദിണ്ടിഗലിലെ എൻജിനീയറിങ് കോളജ് വിദ്യാർഥികളാണ് കാറിലുണ്ടായിരുന്നതെന്നാണ് പ്രാഥമിക വിവരം. കയ്പമംഗലം പൊലീസ് സ്ഥലത്തെത്തി തുടർനടപടികൾ സ്വീകരിച്ചു. അപകടത്തിന്റെ കാരണം ഉൾപ്പെടെയുള്ള കൂടുതൽ വിവരങ്ങൾ പൊലീസ് ശേഖരിച്ചുവരികയാണ്.

മയിൽപ്പീലി ചൂടിയ കിരീടവും ഓടക്കുഴലുമായി അണിനിരന്ന കുരുന്നുകൾ ശോഭയാത്രയുടെ മുഖ്യ ആകർഷണമായി. താലപ്പൊലിയുമായി അമ്മമാരും വിവിധ കലാരൂപങ്ങളും അകമ്പടിയായി. വഴിനീളെ കൃഷ്ണനാമം മുഴങ്ങിയപ്പോൾ പാതയോരങ്ങളിൽ കാത്തുനിന്ന് നൂറുകണക്കിന് പേർ ശോഭയാത്രയെ വരവേറ്റു.

കൃഷ്ണന്റെ ബാലലീലകൾ പുനരാവിഷ്കരിച്ച നിശ്ചലദൃശ്യങ്ങളും ഉറിയടിയും ആഘോഷത്തിന് മിഴിവേകി. ഭക്തിയും ബാലസൗന്ദര്യവും ഉത്സവത്താളവും ചേർന്ന മഹാശോഭയാത്ര കട്ടപ്പന നഗരത്തിന് വേറിട്ട കാഴ്ചയായി. ഇടുക്കി എംപി ഡീൻ കുര്യാക്കോസും പങ്കാളികളായി.കട്ടപ്പന നഗരത്തിൽ നടന്ന മഹാ ശോഭയാത്രയിൽ നൂറുകണക്കിന് ആളുകളാണ് പങ്കെടുത്തത്.

മുൻ രാഷ്ട്രപതിയും പ്രമുഖ തത്ത്വചിന്തകനുമായ ഡോ. സർവേപ്പള്ളി രാധാകൃഷ്ണന്റെ ജന്മദിനമായ സെപ്റ്റംബർ 5 ആണ് ഇന്ത്യയിൽ അധ്യാപക ദിനമായി ആചരിക്കുന്നത്. 1888 സെപ്റ്റംബർ 5നായിരുന്നു അദ്ദേഹത്തിന്റെ ജനനം.

1962ൽ രാധാകൃഷ്ണൻ രാഷ്ട്രപതിയായിരിക്കെ, അദ്ദേഹത്തിന്റെ ജന്മദിനം ആഘോഷിക്കാൻ സുഹൃത്തുക്കളും ശിഷ്യന്മാരും അനുമതി തേടി. എന്നാൽ വ്യക്തിപരമായ ആഘോഷത്തിനു പകരം ആ ദിവസം അധ്യാപകരെ ആദരിക്കുന്നതിനായി മാറ്റിവയ്ക്കണമെന്നായിരുന്നു അദ്ദേഹത്തിന്റെ നിർദേശം. ഇതോടെയാണ് സെപ്റ്റംബർ 5 അധ്യാപക ദിനമായി ആചരിക്കാൻ തുടങ്ങിയത്.

അറിവ് പകർന്നുനൽകുന്നതിനൊപ്പം വിദ്യാർഥികളിലെ കഴിവുകൾ കണ്ടെത്തി വളർത്താനും ഉത്തരവാദിത്തബോധവും സാമൂഹിക മൂല്യങ്ങളും രൂപപ്പെടുത്താനും അധ്യാപകർ നിർണായക പങ്കുവഹിക്കുന്നു. അതുകൊണ്ടുതന്നെ വിദ്യാഭ്യാസത്തിന്റെ ഗുണനിലവാരത്തോടൊപ്പം ഒരു സമൂഹത്തിന്റെ പുരോഗതിയിലും അധ്യാപകരുടെ ഇടപെടൽ നിർണായകമാണ്.

രാജ്യത്തെ വിദ്യാലയങ്ങളിലും കോളജുകളിലും അധ്യാപക ദിനത്തോടനുബന്ധിച്ച് വിവിധ പരിപാടികൾ സംഘടിപ്പിക്കും. അധ്യാപകരെ ആദരിക്കൽ, വിദ്യാർഥികളുടെ കലാപരിപാടികൾ, അനുസ്മരണ സമ്മേളനങ്ങൾ തുടങ്ങിയവയും നടക്കും.

അറിവും അനുഭവവും പകർന്നുനൽകി തലമുറകളെ വഴിനടത്തുന്ന അധ്യാപക സമൂഹത്തോടുള്ള നന്ദിയും ആദരവും പ്രകടിപ്പിക്കുന്ന അവസരമായി അധ്യാപക ദിനം മാറുന്നു.

ഇടുക്കി ഉൾപ്പെടെയുള്ള മലയോര ജില്ലകളിൽ ഇ.എസ്.എ. കരട് വിജ്ഞാപനം കടുത്ത ആശങ്കയും പ്രതിസന്ധിയും സൃഷ്ടിച്ചിരിക്കുകയാണെന്ന് സമിതി ചൂണ്ടിക്കാട്ടി. കരട് വിജ്ഞാപനപ്രകാരം 9,993.7 ചതുരശ്ര കിലോമീറ്റർ പ്രദേശം ഇ.എസ്.എ. പരിധിയിൽ ഉൾപ്പെടുന്നതായാണ് കണക്കാക്കുന്നത്. ഇടുക്കി ജില്ലയിൽ 4,511 ചതുരശ്ര കിലോമീറ്റർ പ്രദേശം ജനവാസ മേഖലകൾ ഉൾപ്പെടെ ഇ.എസ്.എ. പരിധിയിൽ ഉൾപ്പെട്ടിട്ടുണ്ടെന്നും സമിതി വ്യക്തമാക്കി.

ഉടുമ്പൻചോല താലൂക്കിലെ 17 വില്ലേജുകളും ഇ.എസ്.എ. പരിധിയിൽ ഉൾപ്പെടുന്നതായി സമിതി ആരോപിച്ചു. ജനവാസ മേഖലകളെയും വ്യാപാര കേന്ദ്രങ്ങളെയും ഇ.എസ്.എ. പരിധിയിൽനിന്ന് ഒഴിവാക്കണമെന്ന ആവശ്യമുന്നയിച്ചാണ് വ്യാപാരി വ്യവസായി സമിതി നെടുങ്കണ്ടം യൂണിറ്റിന്റെ നേതൃത്വത്തിൽ കത്തയക്കൽ സംഘടിപ്പിച്ചത്.

മേഖലയിലെ നൂറുകണക്കിന് വ്യാപാരികളും സമാന ആവശ്യമുന്നയിച്ച് കേന്ദ്രസർക്കാരിനും ബന്ധപ്പെട്ട വകുപ്പ് മേധാവികൾക്കും കത്തുകളയയ്ക്കുമെന്ന് പരിപാടി ഉദ്ഘാടനം ചെയ്ത വ്യാപാരി വ്യവസായി സമിതി ഇടുക്കി ജില്ലാ ട്രഷറർ നൗഷാദ് ആലുംമൂട്ടിൽ പറഞ്ഞു.

യൂണിറ്റ് ഭാരവാഹികളായ ഷിജു ഉള്ളിരിപ്പിൽ, കെ.കെ. സജു, അയ്യൂബ് പായിപ്പാടൻ എന്നിവർ നേതൃത്വം നൽകി.

ശ്രീകൃഷ്ണന്റെയും രാധയുടെയും ഗോപികമാരുടെയും വേഷമണിഞ്ഞ് നൂറുകണക്കിന് കുരുന്നുകൾ ശോഭായാത്രയിൽ അണിനിരന്നു. കുരുന്നുകളുടെ വർണാഭമായ വേഷങ്ങളും വിവിധ കലാരൂപങ്ങളും ശോഭായാത്രയ്ക്ക് മിഴിവേകി.

വണ്ടിപ്പെരിയാറിന്റെ പ്രധാന വീഥികളിലൂടെ സഞ്ചരിച്ച ശോഭായാത്രയിൽ നിരവധി ഭക്തജനങ്ങളും പങ്കെടുത്തു. ആഘോഷത്തിന്റെ ഭാഗമായി വിവിധ പരിപാടികളും സംഘടിപ്പിച്ചു.

വാഹന പാർക്കിങ് ക്രമീകരണങ്ങൾ

കല്ലാർകുട്ടി, പന്നിയാർകൂട്ടി ഭാഗങ്ങളിൽനിന്ന് പൊന്മുടി റോഡ് വഴി എത്തുന്ന ചെറുവാഹനങ്ങൾ രാജാക്കാട് ഇന്ത്യൻ ഓയിൽ പെട്രോൾ പമ്പിന് മുമ്പുള്ള ജങ്ഷനിൽനിന്ന് ഇടത്തേക്ക് തിരിഞ്ഞ് പഞ്ചായത്ത് ഓഫീസ് റോഡ് വഴി ഗവ. സ്കൂൾ ഗ്രൗണ്ടിലെത്തി തീർഥാടകരെ ഇറക്കണം. തുടർന്ന് വാഹനങ്ങൾ അവിടെ പാർക്ക് ചെയ്യണം.

മുല്ലക്കാനം ഭാഗത്തുനിന്നുള്ള ചെറുവാഹനങ്ങൾ രാജാക്കാട് എൻ.എസ്.എസ്. ബിൽഡിങ്ങിന് സമീപം തീർഥാടകരെ ഇറക്കിയ ശേഷം വലത്തേക്ക് തിരിഞ്ഞ് ക്ഷേത്രം റോഡ് വഴി സ്കൂൾ ഗ്രൗണ്ടിൽ പാർക്ക് ചെയ്യണം.

തിങ്കൾക്കാട്, സ്ലീവാമല, കുത്തുങ്കൽ, പഴയവിടുതി ഭാഗങ്ങളിൽനിന്നുള്ള ചെറുവാഹനങ്ങൾ ബസ് സ്റ്റാൻഡിൽ തീർഥാടകരെ ഇറക്കിയ ശേഷം അവിടെ പാർക്ക് ചെയ്യണം.

ബസുകൾ രാജാക്കാട് ഗവ. ഹയർ സെക്കൻഡറി സ്കൂൾ ഗ്രൗണ്ടിൽ പാർക്ക് ചെയ്യണം.

രാജാക്കാട്ടെത്തുന്ന വൈദികരുടെ വാഹനങ്ങൾ പാരീഷ് ഹാളിന് സമീപമുള്ള ഗ്രൗണ്ടിൽ പാർക്ക് ചെയ്യണം.

രാജകുമാരിയിലെത്തുന്ന വൈദികരുടെ വാഹനങ്ങൾക്ക് രാജകുമാരി പള്ളി ഗ്രൗണ്ടിൽ പാർക്കിങ് സൗകര്യമുണ്ടാകും.

ഭാരവാഹനങ്ങൾക്ക് നിയന്ത്രണം

രാവിലെ 9 മുതൽ തീർഥാടനം സമാപിക്കുന്നതുവരെ പൂപ്പാറ ഭാഗത്തുനിന്ന് രാജാക്കാട് ഭാഗത്തേക്ക് പോകുന്ന ഭാരവാഹനങ്ങൾ കുരുവിളാസിറ്റിയിൽനിന്ന് കടുക്കാസിറ്റി–ഖജനാപ്പാറ–കുംഭപ്പാറ–പുന്നസിറ്റി–വലിയകണ്ടം റോഡ് വഴി പോകണം.

രാവിലെ 10ന് തീർഥാടന റാലി ആരംഭിച്ച ശേഷം രാജകുമാരി ഭാഗത്തേക്ക് പോകുന്ന വാഹനങ്ങൾ അടിവാരം–വാക്കാസിറ്റി–മാങ്ങാത്തൊട്ടി–ആവണക്കുംചാൽ വഴിയും ശാന്തൻപാറ ഭാഗത്തേക്കുള്ള വാഹനങ്ങൾ ആവണക്കുംചാലിൽനിന്ന് വലത്തേക്ക് തിരിഞ്ഞ് സേനാപതി വഴിയും പോകണം.

രാജകുമാരിയിൽനിന്ന് രാജാക്കാട് ഭാഗത്തേക്ക് പോകുന്ന വാഹനങ്ങൾ ഇടതുവശം ചേർന്ന് ഒറ്റവരിയായി സഞ്ചരിക്കണം.

രാജകുമാരി ടൗണിൽ ഗതാഗത നിയന്ത്രണം

തീർഥാടനം രാജകുമാരി ടൗണിലെത്തുന്ന ഉച്ചയ്ക്ക് 12 മുതൽ തീർഥാടനം പള്ളിയിലെത്തുന്നതുവരെ പൂപ്പാറ ഭാഗത്തുനിന്ന് രാജാക്കാട് ഭാഗത്തേക്ക് പോകുന്ന വാഹനങ്ങൾ കുരുവിളാസിറ്റി–കടുക്കാസിറ്റി വഴി തിരിച്ചുവിടും.

ബൈസൺവാലി, ഖജനാപ്പാറ ഭാഗങ്ങളിൽനിന്നുള്ള വാഹനങ്ങൾ രാജകുമാരി ടൗണിൽ പ്രവേശിക്കാതെ രാജാക്കാട് ഭാഗത്തേക്ക് പോകേണ്ടവ കുംഭപ്പാറ–പുന്നസിറ്റി വഴിയും പൂപ്പാറ ഭാഗത്തേക്ക് പോകേണ്ടവ കടുക്കാസിറ്റി വഴിയും സഞ്ചരിക്കണം.

ചെമ്മണ്ണാർ, കാന്തിപ്പാറ, നടുമറ്റം ഭാഗങ്ങളിൽനിന്നുള്ള വാഹനങ്ങൾ രാജകുമാരി ഹരിത ജങ്ഷനിൽനിന്ന് തിരിഞ്ഞ് പന്നിയാർ ജങ്ഷൻ വഴി പോകണം.

തീർഥാടകരുമായി എത്തുന്ന വലിയ വാഹനങ്ങൾക്ക് നിർദേശം

രാവിലെ 10ന് മുമ്പായി തീർഥാടകരുമായി രാജാക്കാട്ടെത്തുന്ന വലിയ വാഹനങ്ങൾ രാജാക്കാട്ട് തീർഥാടകരെ ഇറക്കിയ ശേഷം ക്രിസ്തുജ്യോതി സ്കൂൾ ഗ്രൗണ്ടിലോ രാജകുമാരിയിലെ നിർദിഷ്ട പാർക്കിങ് ഗ്രൗണ്ടുകളിലോ പാർക്ക് ചെയ്യണം. അധികൃതരുടെ നിർദേശം ലഭിക്കുന്നതിനനുസരിച്ച് മാത്രമേ ഇവ രാജകുമാരി പള്ളിയിലേക്ക് എത്തി തീർഥാടകരെ തിരികെ കൊണ്ടുപോകാവൂ.

തീർഥാടന റാലി ആരംഭിച്ചതിന് ശേഷം എത്തുന്ന വലിയ വാഹനങ്ങൾ റാലിക്ക് പിന്നിലായി മാത്രം രാജകുമാരിയിലേക്ക് പ്രവേശിക്കണം. തീർഥാടനത്തിനെത്തുന്ന ചെറുവാഹനങ്ങൾ രാജാക്കാട്ടെ നിർദിഷ്ട പാർക്കിങ് ഗ്രൗണ്ടുകളിൽ പാർക്ക് ചെയ്യണം.

രാജകുമാരിയിൽനിന്ന് തീർഥാടകരെ ബസുകളിൽ രാജാക്കാട്ടേക്ക് തിരികെ എത്തിക്കുന്നതിനായി 15 ബസുകൾ ക്രമീകരിച്ചിട്ടുണ്ട്.

പ്രധാന പാർക്കിങ് കേന്ദ്രങ്ങൾ

രാജാക്കാട് മേഖല

രാജാക്കാട് ഗവ. ഹയർ സെക്കൻഡറി സ്കൂൾ ഗ്രൗണ്ട്

ക്രിസ്തുജ്യോതി സ്കൂൾ ഗ്രൗണ്ട്

ബസ് സ്റ്റാൻഡ് ഗ്രൗണ്ട്

രാജകുമാരി മേഖല

രാജകുമാരി സെന്റ് മേരീസ് സെൻട്രൽ സ്കൂൾ ഗ്രൗണ്ട്

രാജകുമാരി നോർത്ത് ഗവ. വി.എച്ച്.എസ്.എസ്. ഗ്രൗണ്ട്

കുരുവിളാസിറ്റി സെന്റ് ജോർജ് പബ്ലിക് സ്കൂൾ ഗ്രൗണ്ട്

മുരിക്കുംതൊട്ടി മാർ. മാത്യൂസ് പബ്ലിക് സ്കൂൾ ഗ്രൗണ്ട്

മുരിക്കുംതൊട്ടി മോണ്ട്ഫോർട്ട് വാലി സ്കൂൾ ഗ്രൗണ്ട്

ഗതാഗത ക്രമീകരണങ്ങളുമായി ബന്ധപ്പെട്ട് ദേവികുളം സി.ഐ. പി.കെ. കവിരാജൻ, രാജാക്കാട് എസ്.എച്ച്.ഒ. എം.എസ്. ഉണ്ണികൃഷ്ണൻ, തീർഥാടന കൺവീനർമാരായ മോൺ. ജോസ് നരിതൂക്കിൽ, ഫാ. മാത്യു കരോട്ടുകൊച്ചറക്കൽ, ട്രാഫിക് കമ്മിറ്റി ചെയർമാൻ ഫാ. ജോബി മാതാളികുന്നേൽ, കൺവീനർ റോയി ചാത്തനാട്ട്, ഡാർച്ചമിൻ റാത്തപ്പിള്ളിൽ, ജോസ് മുറിയിൽ എന്നിവർ അറിയിച്ചു.

സഞ്ചാരികളുടെ പ്രധാന കേന്ദ്രമായ മൂന്നാർ മേഖലയിൽ രാസലഹരി ഉൾപ്പെടെയുള്ള മയക്കുമരുന്നുകളുടെ ഉപയോഗം തടയുകയാണ് പദ്ധതിയുടെ പ്രധാന ലക്ഷ്യം. ഇതിന്റെ ഭാഗമായി മൂന്നാർ ഡെസ്റ്റിനേഷൻ മേക്കേഴ്സ് സംഘടനയുടെ നേതൃത്വത്തിൽ ആനച്ചാൽ, മൂന്നാർ മേഖലകളിലെ റിസോർട്ടുകളിൽ ലഹരി ഉപയോഗം ശ്രദ്ധയിൽപ്പെട്ടാൽ ഉടൻ അധികൃതരെ വിവരമറിയിക്കുന്നതിനുള്ള സംവിധാനവും ഒരുക്കും.

സംസ്ഥാനത്തെ മയക്കുമരുന്നിന്റെ പിടിയിൽനിന്ന് മോചിപ്പിക്കുക എന്ന ലക്ഷ്യത്തോടെ ‘ഓപ്പറേഷൻ തൂഫാൻ’ പ്രഖ്യാപിച്ച ആഭ്യന്തരമന്ത്രി രമേശ് ചെന്നിത്തലയെ ചടങ്ങിൽ ബി.എൽ.എം. ഫൗണ്ടർ ആർ. പ്രേംകുമാർ, വൈബ് ആൻഡ് ഫോഗ് ചെയർമാൻ ഡോ. ജോളി ആന്റണി, മാനേജിംഗ് ഡയറക്ടർ ഷോജൻ കൊക്കാടൻ എന്നിവർ ചേർന്ന് പൊന്നാടയണിയിച്ച് ആദരിച്ചു.

റോയ് കെ. പൗലോസ് എം.എൽ.എ. ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. ബി.എൽ.എം. ഫൗണ്ടർ ആർ. പ്രേംകുമാർ, വൈബ് ആൻഡ് ഫോഗ് റിസോർട്ട് ചെയർമാൻ ഡോ. ജോളി ആന്റണി, മാനേജിംഗ് ഡയറക്ടർ ഷോജൻ കൊക്കാടൻ, ചീഫ് ഓപ്പറേറ്റിംഗ് ഓഫീസർ ജെറിൻ ഫിലിപ്പ് എന്നിവർ സംസാരിച്ചു.

അമരാവതി നൂലാംപാറ മഹാദേവ ക്ഷേത്രം, ഒട്ടകത്തലമേട് ധർമശാസ്താ ദേവസ്ഥാനം, ഒന്നാംമൈൽ ശ്രീമുരുക ദേവസ്ഥാനം, അട്ടപ്പള്ളം, തേക്കടി ദേവീക്ഷേത്രം, മന്നാക്കുടി വനദേവി-വനദേവൻ ക്ഷേത്രം എന്നിവിടങ്ങളിൽനിന്നാണ് ശോഭായാത്രകൾ ആരംഭിച്ചത് 

കുമളി ശ്രീ ദുർഗാ ഗണപതി ഭദ്രകാളി ക്ഷേത്രത്തിൽ സംഗമിച്ച ശോഭായാത്രകളെ തുടർന്ന് നടന്ന മഹാ ശോഭായാത്ര മഹാലക്ഷ്മി ജി ഉദ്ഘാടനം ചെയ്തു. ഗോപിക നൃത്തവും ശ്രീകൃഷ്ണ വേഷധാരികളായ നൂറുകണക്കിന് ഉണ്ണിക്കണ്ണന്മാരും ശോഭായാത്രയിൽ അണിനിരന്നു. വിവിധ കലാരൂപങ്ങളുടെയും ഭക്തിഗാനങ്ങളുടെയും അകമ്പടിയോടെ നടന്ന ശോഭായാത്ര പടിഞ്ഞാറ് ശ്രീധർമശാസ്താ ക്ഷേത്രാങ്കണത്തിൽ സമാപിച്ചു.

തുടർന്ന് ക്ഷേത്രാങ്കണത്തിൽ ഉറിയടി ഉൾപ്പെടെയുള്ള ആഘോഷ പരിപാടികളും നടന്നു.

ആഘോഷ സമിതി ഭാരവാഹികളായ വി.എൻ. ബാബു, സതീഷ് പുല്ലാട്ട്, സജി വെമ്പള്ളി, കെ.എസ്. സാബു, ലിബിൻ കെ.എസ്., ജിഷ്ണു, സുബി സുഭാഷ് എന്നിവർ പരിപാടികൾക്ക് നേതൃത്വം നൽകി.

നെടിയശാല മുണ്ടൻമലയിൽ ബ്ലോക്ക് പഞ്ചായത്ത് ഫണ്ട് ഉപയോഗിച്ച് നിലവിലുള്ള മൂന്നുനില ടൂറിസം പവലിയന് മുകളിൽ നാലാം നില നിർമിച്ച് വിപുലീകരിച്ച വാച്ച് ടവറിന്റെ ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം.

തൊടുപുഴയിൽ അതിവേഗം വളർന്നുവരുന്ന ഗ്രാമീണ ടൂറിസത്തിന്റെ പ്രധാന കേന്ദ്രമായി മുണ്ടൻമല ടൂറിസം പവലിയനെ മാറ്റുകയാണ് ലക്ഷ്യമെന്ന് അദ്ദേഹം പറഞ്ഞു. പ്രകൃതിരമണീയമായ മുണ്ടൻമലയുടെ മുകളിൽ നാലുനിലകളിലായി ഒരുക്കിയ പവലിയനിൽനിന്ന് വിശാലമായ ദൂരക്കാഴ്ചകൾ ആസ്വദിക്കാനാകും.

തൊടുപുഴ, മൂവാറ്റുപുഴ താലൂക്കുകളിലെ വിശാലമായ താഴ്വാര പ്രദേശങ്ങളുടെ പ്രകൃതിഭംഗിയാണ് മുണ്ടൻമലയിലെത്തുന്ന സഞ്ചാരികളെ പ്രധാനമായും ആകർഷിക്കുന്നത്. രാമക്കൽമേടിനെ അനുസ്മരിപ്പിക്കുന്ന തണുത്ത കാറ്റും കോടമഞ്ഞും ഇവിടത്തെ ടൂറിസം സാധ്യതകൾക്ക് കൂടുതൽ ആകർഷണീയത നൽകുന്നു.

മണക്കാട് പഞ്ചായത്ത് പ്രസിഡന്റ് വത്സ ജോൺ അധ്യക്ഷത വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് ടിസി ജോബ്, സ്ഥിരം സമിതി അധ്യക്ഷ ഷൈനി ഷാജി, പുറപ്പുഴ പഞ്ചായത്ത് പ്രസിഡന്റ് ബബിത അനൂപ്, വൈസ് പ്രസിഡന്റ് മാർട്ടിൻ ജോസഫ്, മണക്കാട് പഞ്ചായത്ത് വൈസ് പ്രസിഡന്റ് റെജി കുന്നംകോട്ട്, ബ്ലോക്ക്-ഗ്രാമപഞ്ചായത്ത് അംഗങ്ങൾ, ബി.ഡി.ഒ സിയാദ് ടി.ഇ., അസിസ്റ്റന്റ് എക്സിക്യൂട്ടീവ് എൻജിനീയർ ദീപ ടി.ആർ. എന്നിവർ സംസാരിച്ചു.

തേയിലത്തോട്ടത്തിലേക്ക് രണ്ട് കാട്ടാനകൾ ഇറങ്ങിയതോടെയാണ് പ്രദേശത്ത് ഭീതിയുണ്ടായത്. തൊഴിലാളികൾ താമസിക്കുന്ന ലയത്തിന് സമീപം നിൽക്കുകയായിരുന്ന പാണ്ടിരാജിന്റെ നേർക്കാണ് ഒരു കാട്ടാന അപ്രതീക്ഷിതമായി പാഞ്ഞടുത്തത്.

കാട്ടാന അടുത്തെത്തിയതോടെ ജീവൻ രക്ഷിക്കാനായി പാണ്ടിരാജ് ഓടി. പിന്നാലെ കാട്ടാനയും കുറച്ചുദൂരം പിന്തുടർന്നെങ്കിലും സമയോചിതമായി ഓടിമാറിയതോടെ പാണ്ടിരാജ് പരിക്കേൽക്കാതെ രക്ഷപ്പെട്ടു.

കാട്ടാന പാണ്ടിരാജിനെ പിന്തുടരുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്.

ജനവാസമേഖലകളോടും എസ്റ്റേറ്റ് ലയങ്ങളോടും ചേർന്ന് കാട്ടാനകൾ തുടർച്ചയായി എത്തുന്നത് തോട്ടം തൊഴിലാളികൾക്കിടയിൽ ആശങ്ക വർധിപ്പിക്കുകയാണ്. തൊഴിലാളികളുടെ സുരക്ഷ ഉറപ്പാക്കുന്നതിനായി വനംവകുപ്പിന്റെ ആർ.ആർ.ടി. സംഘം പ്രദേശത്ത് നിരീക്ഷണം ശക്തമാക്കണമെന്ന ആവശ്യം ഉയരുന്നുണ്ട്.

​കഴിഞ്ഞ എൽ.ഡി.എഫ് സർക്കാരുകളുടെ കാലത്ത് പേഴ്സണൽ സ്റ്റാഫുകളുടെ എണ്ണത്തിലും സാമ്പത്തിക ബാധ്യത വരുത്തുന്ന പെൻഷൻ ആനുകൂല്യങ്ങളിലും പ്രതിപക്ഷം വലിയ വിമർശനം ഉന്നയിച്ചിരുന്നു. അധികാരത്തിലെത്തിയാൽ ഇത്തരം അനാവശ്യ നിയമനങ്ങൾ ഉണ്ടാകില്ലെന്നും പെൻഷൻ ലഭിക്കാനുള്ള കുറഞ്ഞ സർവീസ് കാലാവധി നാല് വർഷമാക്കുമെന്നും വി.ഡി. സതീശൻ വ്യക്തമാക്കിയിരുന്നു. എന്നാൽ മുൻ സർക്കാരിലെ നാനൂറിനടുത്ത് എന്ന കണക്കിനെയും മറികടന്നാണ് നിലവിലെ നിയമനങ്ങൾ.​മുഖ്യമന്ത്രിയുടെ സ്റ്റാഫ്: 31 പേർ.മന്ത്രിമാരുടെ സ്റ്റാഫ്: മന്ത്രിമാരായ എൻ. ഷംസുദ്ദീൻ, കെ. മുരളീധരൻ എന്നിവരുടെ ഓഫീസുകളിലും വൻ നിയമന പട്ടിക ​ചീഫ് വിപ്പ്: ഭരണപരമായ ചുമതലകളൊന്നുമില്ലാത്ത ചീഫ് വിപ്പിന് അനുവദിച്ചിരിക്കുന്നത് 16 സ്റ്റാഫുകളെ.

​പെൻഷൻ ആനുകൂല്യങ്ങളിലും മാറ്റമില്ല

രണ്ട് വർഷവും ഒരു ദിവസവും പൂർത്തിയാക്കിയാൽ മൂന്ന് വർഷത്തെ കാലാവധി കണക്കാക്കി 7% ക്ഷാമാശ്വാസത്തോടെ പെൻഷനും, വിരമിക്കുമ്പോൾ രണ്ട് മാസത്തെ ശമ്പളവും മറ്റ് ആനുകൂല്യങ്ങളും നൽകുന്ന 2021-ലെ മുൻ സർക്കാരിന്റെ വിവാദ ഉത്തരവ് ഇപ്പോഴും അതേപടി തുടരുകയാണ്. നിയമനങ്ങൾ ഇപ്പോഴും പൂർണ്ണമായി അവസാനിച്ചിട്ടില്ലെന്നിരിക്കെ വരും ദിവസങ്ങളിൽ പട്ടിക ഇനിയും നീളുമെന്നാണ് സൂചന.

കഴിഞ്ഞ വർഷം ജൂണിലാണ് കോട്ടയം മെഡിക്കൽ കോളേജ് ആശുപത്രിയിൽ കുഞ്ഞ് ജനിച്ചത്. പ്രസവശേഷം പനിയും മഞ്ഞപ്പിത്തവും ബാധിച്ചതിനെ തുടർന്ന് കുഞ്ഞിനെ എൻ.ഐ.സി.യുവിൽ പ്രവേശിപ്പിച്ചിരുന്നു. ഇവിടെ ചികിത്സയ്ക്കിടെ സൂചി ശരീരത്തിൽ തറച്ചുകയറിയതായാണ് മാതാപിതാക്കളുടെ പരാതി.

തുടർന്ന് കുഞ്ഞിന് ശരീരത്തിൽ തടിപ്പും കടുത്ത വേദനയും വയറുവേദനയും അനുഭവപ്പെട്ടിരുന്നതായി കുടുംബം പറയുന്നു. ഇതേതുടർന്ന് കോട്ടയം മെഡിക്കൽ കോളേജിൽ തന്നെ പരിശോധന നടത്തിയെങ്കിലും സ്കാനിങ്ങിൽ പ്രശ്നങ്ങളൊന്നും കണ്ടെത്താനായില്ലെന്നും അധികൃതർ വീട്ടിലേക്ക് തിരിച്ചയച്ചെന്നും കുടുംബം ആരോപിക്കുന്നു.

കഴിഞ്ഞ ദിവസം തടിപ്പ് കൂടുതൽ വലുതായതിനെ തുടർന്ന് കുഞ്ഞിനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇവിടെ നടത്തിയ വിശദമായ പരിശോധനയിലാണ് വാരിയെല്ലിന്റെ ഭാഗത്ത് ഇഞ്ചക്ഷൻ സൂചി കുടുങ്ങിക്കിടക്കുന്നതായി കണ്ടെത്തിയത്. തുടർന്ന് അടിയന്തര ശസ്ത്രക്രിയ നടത്തി സൂചി പുറത്തെടുത്തു.

സംഭവത്തിൽ ഉത്തരവാദികളായവർക്കെതിരെ നടപടി ആവശ്യപ്പെട്ട് കുടുംബം ആരോഗ്യമന്ത്രിക്കും ഗാന്ധിനഗർ പൊലീസിനും കോട്ടയം മെഡിക്കൽ കോളേജ് സൂപ്രണ്ടിനും പരാതി നൽകി. പരാതിയുടെ അടിസ്ഥാനത്തിൽ കോട്ടയം മെഡിക്കൽ കോളേജ് ഡെപ്യൂട്ടി സൂപ്രണ്ടിന്റെ നേതൃത്വത്തിൽ അന്വേഷണം ആരംഭിച്ചതായി ആശുപത്രി അധികൃതർ അറിയിച്ചു.

സ്കാനിങ്ങിൽ സൂചി കണ്ടെത്താതെ പോയത് എങ്ങനെയെന്നും ചികിത്സയ്ക്കിടെ സൂചി ശരീരത്തിൽ കുടുങ്ങിയതാണോ എന്നതടക്കമുള്ള കാര്യങ്ങളും അന്വേഷണത്തിൽ പരിശോധിക്കും. ആരോപണത്തിൽ വസ്തുതയുണ്ടോ എന്ന് അന്വേഷണ റിപ്പോർട്ടിന് ശേഷമേ വ്യക്തമാകൂ.

വെള്ളിയാഴ്ച വൈകിട്ട് ആറിന് നടക്കുന്ന ചടങ്ങിൽ കോട്ടയം ഭദ്രാസന മെത്രാപ്പോലീത്തയും പരിശുദ്ധ എപ്പിസ്കോപ്പൽ സുന്നഹദോസ് സെക്രട്ടറിയുമായ ഡോ. തോമസ് മോർ തീമോത്തിയോസ് മെത്രാപ്പോലീത്ത അധ്യക്ഷത വഹിക്കും. കേരള നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ ഉദ്ഘാടനം ചെയ്യും.

സീറോ മലങ്കര കത്തോലിക്ക സഭയുടെ കർദിനാൾ ബസ്സേലിയോസ് ക്ലീമീസ് കാതോലിക്ക ബാവാ മുഖ്യപ്രഭാഷണം നടത്തും. 80 വയസ്സ് പൂർത്തിയായ മാതാപിതാക്കളെ മാത്യു കുഴൽനാടൻ എംഎൽഎ ആദരിക്കും.

ഉന്നത വിജയം നേടിയ വിദ്യാർഥികളെ ആദരിക്കുകയും അവാർഡുകൾ വിതരണം ചെയ്യുകയും കോട്ടയം ജില്ലാ കളക്ടർ ചേതൻ കുമാർ മീണ ഐഎഎസ് നിർവഹിക്കും. കോഴിക്കോട് ഭദ്രാസന മെത്രാപ്പോലീത്ത പൗലോസ് മോർ ഐറേനിയോസ് മെത്രാപ്പോലീത്ത സൺഡേസ്‌കൂൾ ശതാബ്ദി സുവനീർ പ്രകാശനം ചെയ്യും.

മണർകാട് ഗ്രാമപഞ്ചായത്ത് വൈസ് പ്രസിഡന്റ് കെ. കെ. തോമസ് കുന്നേൽ, ജില്ലാ പഞ്ചായത്ത് അംഗം ഗ്രേസി കരിമ്പന്നൂർ എന്നിവർ ആശംസകൾ അർപ്പിക്കും. പ്രോഗ്രാം കോ-ഓർഡിനേറ്റർ റവ. ഫാ. ലിറ്റു ജേക്കബ് തണ്ടാശ്ശേരിൽ സ്വാഗതവും ട്രസ്റ്റി പി. എ. സ്‌കറിയാച്ചൻ പള്ളത്ത് കൃതജ്ഞതയും അർപ്പിക്കും.

കൃഷ്ണപക്ഷ അഷ്ടമി തിഥിയും രോഹിണി നക്ഷത്രവുമായി ബന്ധപ്പെട്ടാണ് ശ്രീകൃഷ്ണ ജയന്തി ആചരിക്കുന്നത്. ഇത്തവണ സെപ്റ്റംബർ നാലിനാണ് പ്രധാന ആഘോഷം. അർധരാത്രിയിലെ കൃഷ്ണജന്മസ്മരണയാണ് ആഘോഷത്തിന്റെ പ്രധാന ആകർഷണം.

മഥുരയിലെ കാരാഗൃഹത്തിൽനിന്ന് ഗോകുലത്തിലേക്ക്

പുരാണകഥകളനുസരിച്ച് മഥുരയിലെ രാജാവായ കംസന്റെ തടവറയിലാണ് ദേവകിയുടെയും വസുദേവന്റെയും പുത്രനായി കൃഷ്ണൻ ജനിച്ചത്. ദേവകിയുടെ എട്ടാമത്തെ പുത്രൻ കംസന്റെ അന്തകനാകുമെന്ന ആകാശവാണിയെ തുടർന്ന് ദേവകിയെയും വസുദേവനെയും കംസൻ തടവിലാക്കുകയായിരുന്നു.

അർധരാത്രിയിൽ ജനിച്ച കൃഷ്ണനെ വസുദേവൻ ഗോകുലത്തിലെ നന്ദഗോപരുടെ ഭവനത്തിലെത്തിച്ചുവെന്നാണ് ഐതിഹ്യം. യമുന കടന്ന് കുഞ്ഞിനെ ഗോകുലത്തിലെത്തിച്ച വസുദേവൻ, യശോദ പ്രസവിച്ച പെൺകുഞ്ഞിനെ മഥുരയിലെ കാരാഗൃഹത്തിലേക്ക് കൊണ്ടുവന്നതായും പുരാണങ്ങളിൽ പറയുന്നു.

ഗോകുലത്തിൽ യശോദയുടെയും നന്ദഗോപന്റെയും സംരക്ഷണയിൽ വളർന്ന കൃഷ്ണന്റെ ബാല്യകാല ലീലകളാണ് പിന്നീട് ഭാരതീയ ഭക്തിപാരമ്പര്യത്തിന്റെ അവിഭാജ്യഘടകമായത്.

വെണ്ണക്കള്ളന്റെ ബാലലീലകൾ; ഉറിയടിയും കൃഷ്ണവേഷങ്ങളും

വെണ്ണയോടുള്ള കൃഷ്ണന്റെ ഇഷ്ടവും ഗോപികമാരുടെ വീടുകളിൽനിന്നുള്ള വെണ്ണക്കവർച്ചയും ബാല്യകാല ഐതിഹ്യങ്ങളിൽ ഏറെ പ്രസിദ്ധമാണ്. മൺകുടങ്ങൾ പൊട്ടിച്ച് വെണ്ണയെടുക്കുന്ന ഉണ്ണിക്കണ്ണന്റെ ബാലലീലയുടെ ഓർമ പുതുക്കിയാണ് വിവിധയിടങ്ങളിൽ ഉറിയടി സംഘടിപ്പിക്കുന്നത്.

കൃഷ്ണവേഷമണിഞ്ഞ കുട്ടികൾ, രാധാകൃഷ്ണ വേഷധാരികൾ, ഗോപികാനൃത്തം, നിശ്ചലദൃശ്യങ്ങൾ, വാദ്യമേളങ്ങൾ എന്നിവ ശോഭയാത്രകൾക്ക് വർണപ്പകിട്ടേകും. ബാലഗോകുലങ്ങളുടെയും ക്ഷേത്രങ്ങളുടെയും വിവിധ സംഘടനകളുടെയും നേതൃത്വത്തിലാണ് പല പ്രദേശങ്ങളിലും ആഘോഷങ്ങൾ നടക്കുന്നത്.

കേരളത്തിൽ ശ്രീകൃഷ്ണ ജയന്തി ബാലദിനമായും ബാലഗോകുലം ആചരിക്കുന്നുണ്ട്. കുട്ടികളെ കേന്ദ്രീകരിച്ചുള്ള വിവിധ പരിപാടികളും ഇതിന്റെ ഭാഗമായി നടക്കും.

വൈകിട്ട് ശോഭയാത്രകൾ

വൈകുന്നേരത്തോടെ സംസ്ഥാനത്തിന്റെ വിവിധ ഭാഗങ്ങളിൽനിന്ന് ശോഭയാത്രകൾ പുറപ്പെടും. നൂറുകണക്കിന് ഉണ്ണിക്കണ്ണന്മാരും രാധമാരും അണിനിരക്കുന്ന ശോഭയാത്രകൾ പല കേന്ദ്രങ്ങളിലും പ്രധാന വീഥികളിലൂടെ കടന്നുപോകും.

ക്ഷേത്രങ്ങളിലേക്കും പ്രധാന ആഘോഷകേന്ദ്രങ്ങളിലേക്കുമാണ് പല ശോഭയാത്രകളും എത്തിച്ചേരുന്നത്. ഭക്തിഗാനങ്ങൾ, വാദ്യമേളങ്ങൾ, നിശ്ചലദൃശ്യങ്ങൾ, കലാപരിപാടികൾ എന്നിവയും ശോഭയാത്രകളുടെ ഭാഗമാകും. സംസ്ഥാനത്തിന്റെ വിവിധ ഭാഗങ്ങളിൽ ഇന്നത്തെ ആഘോഷങ്ങളുടെ ഭാഗമായി വിപുലമായ പരിപാടികൾ സംഘടിപ്പിച്ചിട്ടുണ്ട്.

ഗുരുവായൂരിലും അമ്പലപ്പുഴയിലും പ്രത്യേക പൂജകൾ

പ്രശസ്ത ശ്രീകൃഷ്ണ ക്ഷേത്രങ്ങളായ ഗുരുവായൂർ, അമ്പലപ്പുഴ ഉൾപ്പെടെയുള്ള ക്ഷേത്രങ്ങളിൽ അഷ്ടമിരോഹിണിയോടനുബന്ധിച്ച് പ്രത്യേക പൂജകളും നിവേദ്യങ്ങളും നടക്കും. ക്ഷേത്രങ്ങളിൽ പുലർച്ചെ മുതൽ ഭക്തജനത്തിരക്ക് പ്രതീക്ഷിക്കുന്നുണ്ട്.

കൃഷ്ണഭക്തിയുടെ പ്രധാന കേന്ദ്രങ്ങളിലൊന്നായ അമ്പലപ്പുഴയിൽ പാൽപ്പായസം ഉൾപ്പെടെയുള്ള നിവേദ്യങ്ങൾക്കും പ്രത്യേക പ്രാധാന്യമുണ്ട്. ഗുരുവായൂരിലും പതിവ് ക്ഷേത്രചടങ്ങുകൾക്കൊപ്പം ശ്രീകൃഷ്ണ ജയന്തിയോടനുബന്ധിച്ചുള്ള ഭക്തിപരിപാടികൾ നടക്കും.

അർധരാത്രിയിൽ ജന്മസ്മരണ

കൃഷ്ണന്റെ ജനനം അർധരാത്രിയിലായിരുന്നുവെന്ന വിശ്വാസം കാരണം ഇന്നത്തെ രാത്രിയിലെ നിശീതകാല പൂജയ്ക്കാണ് ആഘോഷത്തിൽ പ്രത്യേക പ്രാധാന്യം. വിവിധ പഞ്ചാംഗ കണക്കുകൾ പ്രകാരം പൂജാ സമയത്തിൽ ചെറിയ വ്യത്യാസങ്ങൾ ഉണ്ടാകാം. 2026-ലെ കണക്കുപ്രകാരം സെപ്റ്റംബർ നാലിന് രാത്രി ആരംഭിക്കുന്ന ജന്മാഷ്ടമി പൂജ സെപ്റ്റംബർ അഞ്ചിന്റെ പുലർച്ചെയിലേക്കും നീളും.

പല ഭക്തരും പകൽ വ്രതമനുഷ്ഠിച്ച് രാത്രി ജന്മമുഹൂർത്തത്തിലെ പൂജയിൽ പങ്കെടുക്കും. പഴവർഗങ്ങൾ മാത്രം കഴിച്ചുള്ള വ്രതം, കൃഷ്ണനാമജപം, ഭജന, ഭാഗവതപാരായണം തുടങ്ങിയവയും വീടുകളിലും ക്ഷേത്രങ്ങളിലും നടക്കും.

ഗീതാസന്ദേശം ഓർമിപ്പിച്ച് കൃഷ്ണജയന്തി

ശ്രീകൃഷ്ണ ജയന്തി ഒരു ജന്മദിനാഘോഷം മാത്രമല്ല; ധർമം, കർമം, സ്നേഹം, ഭക്തി, നീതി എന്നീ മൂല്യങ്ങളുടെ ഓർമപ്പെടുത്തൽ കൂടിയാണ്. മഹാഭാരത യുദ്ധഭൂമിയിൽ അർജുനന് കൃഷ്ണൻ നൽകിയ ഉപദേശങ്ങളാണ് പിന്നീട് ഭഗവദ്ഗീതയായി അറിയപ്പെട്ടത്.

ധർമസംരക്ഷണത്തിന്റെയും അധർമത്തിനെതിരായ പോരാട്ടത്തിന്റെയും പ്രതീകമായാണ് കൃഷ്ണനെ ഭക്തിപാരമ്പര്യം കാണുന്നത്. അതുകൊണ്ടുതന്നെ ഉണ്ണിക്കണ്ണന്റെ ബാലലീലകൾ മുതൽ ഭഗവദ്ഗീതയുടെ ദാർശനിക സന്ദേശം വരെ ഉൾക്കൊള്ളുന്ന വിശാലമായ സാംസ്കാരിക പാരമ്പര്യത്തിന്റെ ആഘോഷമായി അഷ്ടമിരോഹിണി ഇന്നും കേരളീയ ജീവിതത്തിൽ നിറഞ്ഞുനിൽക്കുന്നു.

കുടുംബകലഹത്തെ തുടർന്ന് വീടിനുള്ളിൽ കയറി വാതിലടച്ച് കഴുത്തിൽ കുരുക്കിട്ട് നിന്ന വയോധികനെയാണ് എസ്.ഐ. ടി.ബി. ബിബിൻ സമാധാനിപ്പിച്ച് ആത്മഹത്യയിൽ നിന്ന് പിന്തിരിപ്പിച്ചത്. “എന്നെ മകനായി കണ്ട് 10 മിനിറ്റ് സംസാരിക്കാൻ അവസരം നൽകണം” എന്ന് പറഞ്ഞ് വയോധികനുമായി സംസാരിച്ചാണ് പൊലീസ് ഉദ്യോഗസ്ഥൻ അദ്ദേഹത്തെ ആത്മഹത്യാ മുനമ്പിൽ നിന്ന് കരകയറ്റിയത്.

കഴിഞ്ഞ മാസം അവസാനവാരത്തിൽ വാഴത്തോപ്പ് പഞ്ചായത്തിലെ തടിയമ്പാടിക്ക് സമീപമാണ് സംഭവം നടന്നത്. എസ്.ഐയുടെ സമയോചിതമായ ഇടപെടലിന് നാടിന്റെ വിവിധ ഭാഗങ്ങളിൽ നിന്ന് നിരവധി പേരുടെ അഭിനന്ദനം ലഭിച്ചിരുന്നു.മുരിക്കാശേരിയിൽ നടന്ന ജില്ലാതല തൂഫാൻ പ്രചാരണ പരിപാടിയിൽ മന്ത്രി രമേശ് ചെന്നിത്തല ഉപഹാരം നൽകി ടി.ബി. ബിബിനെ ആദരിച്ചു.

പുതിയ കാലത്ത് നൂതന അന്വേഷണ രീതികളിലൂടെ ലഹരി ശൃംഖലയുടെ വേരറുക്കാനാണ് പൊലീസ് ശ്രമിക്കുന്നതെന്ന് മന്ത്രി പറഞ്ഞു. രാസലഹരിയാണ് ഇന്ന് ലോകം ഭരിക്കുന്നത്. ലഹരി വിതരണക്കാർക്ക് കുട്ടികളുടെ ഭാഷയും സൗഹൃദവലയങ്ങളും താൽപര്യങ്ങളും പുതിയ സാങ്കേതികവിദ്യകളും പരിചിതമാണ്. അതിനാൽ പൊലീസിന്റെ അന്വേഷണ രീതികളും മാറേണ്ടിവരുന്നു.

ലഹരി ശൃംഖലയുടെ ഉറവിടം കണ്ടെത്തുന്നതിനുള്ള സമഗ്രമായ അന്വേഷണമാണ് പൊലീസ് നടത്തുന്നത്. ലഹരിവസ്തുക്കൾ കണ്ടെത്തുന്നതിനായി പൊലീസ് ഡോഗ് സ്ക്വാഡിന് പ്രത്യേക പരിശീലനം നൽകിവരികയാണെന്നും മന്ത്രി പറഞ്ഞു.

662 കേസുകൾ; 717 പേർ പ്രതികൾ

തൂഫാന്റെ മറ്റൊരു മുഖമായ തൂഫാൻ ജാഗരൺ പരിപാടിയാണ് ഇപ്പോൾ നടക്കുന്നത്. ലഹരി സൃഷ്ടിക്കുന്ന ദുസ്സഹമായ സാമൂഹിക പ്രശ്നങ്ങൾ ഓരോ വ്യക്തിയുടെയും മനസിലേക്ക് എത്തിച്ച് അവരെ ലഹരിയിൽനിന്ന് മോചിപ്പിക്കുകയാണ് തൂഫാൻ ജാഗരണിന്റെ ലക്ഷ്യമെന്നും മന്ത്രി പറഞ്ഞു.

ഓപ്പറേഷൻ തൂഫാന്റെ ഭാഗമായി ഇടുക്കി ജില്ലയിൽ 662 കേസുകൾ രജിസ്റ്റർ ചെയ്യുകയും 717 പേരെ പ്രതികളാക്കുകയും ചെയ്തു. 39.28 കിലോഗ്രാം കഞ്ചാവ്, 30.912 ഗ്രാം എംഡിഎംഎ, 113.21 ഗ്രാം ഹാഷിഷ് ഓയിൽ, 135 കഞ്ചാവ് ചെടികൾ എന്നിവ പിടിച്ചെടുത്തു.

സംസ്ഥാനത്താകെ 10,748 പേരെ അറസ്റ്റ് ചെയ്യുകയും 9,000 കേസുകൾ രജിസ്റ്റർ ചെയ്യുകയും ചെയ്തു. ഏകദേശം 170 കോടി രൂപ വിലമതിക്കുന്ന മയക്കുമരുന്നും പിടികൂടിയതായി മന്ത്രി അറിയിച്ചു.

ജില്ലയിലെ ഭൂമി സംബന്ധമായ പ്രശ്നങ്ങൾ പരിഹരിക്കുന്നതിനുള്ള നടപടികൾ സ്വീകരിക്കുമെന്നും മന്ത്രി പറഞ്ഞു.

🤝 ഇടുക്കി രൂപത പൂർണ പിന്തുണ നൽകും

ഓപ്പറേഷൻ തൂഫാനുമായി ഇടുക്കി രൂപത പൂർണമായി സഹകരിക്കുമെന്ന് ബിഷപ് മാർ ജോൺ നെല്ലിക്കുന്നേൽ പറഞ്ഞു. തുടർന്ന് അദ്ദേഹം ലഹരിവിരുദ്ധ പ്രതിജ്ഞ ചൊല്ലിക്കൊടുത്തു.

മാർ ജോൺ നെല്ലിക്കുന്നേൽ, രാമൻ രാജ മന്നാൻ തുടങ്ങി വിവിധ മേഖലകളിൽ പ്രവർത്തിക്കുന്നവർക്ക് മന്ത്രി തൂഫാൻ വാരിയേഴ്സ് ബാഡ്ജ് ധരിപ്പിച്ചു. ആത്മഹത്യയ്ക്ക് ശ്രമിച്ച ഗൃഹനാഥനെ രക്ഷിച്ച എസ്.ഐ ടി.ബി. ബിബിനെയും ചടങ്ങിൽ ആദരിച്ചു.

ചടങ്ങിൽ ചീഫ് വിപ്പ് അഡ്വ. അപു ജോൺ ജോസഫ്, ഡീൻ കുര്യാക്കോസ് എം.പി., എം.എൽ.എമാരായ സിറിയക് തോമസ്, സേനാപതി വേണു, എറണാകുളം റേഞ്ച് ഡി.ഐ.ജി ജി.എച്ച്. യതീഷ് ചന്ദ്ര, ജില്ലാ കളക്ടർ ഡോ. ദിനേശൻ ചെറുവാട്ട്, ജില്ലാ പൊലീസ് മേധാവി ഡോ. എ. നസീം, കട്ടപ്പന നഗരസഭാ ചെയർമാൻ ജോയി വെട്ടിക്കുഴി, ബ്ലോക്ക് പഞ്ചായത്ത് പ്രസിഡന്റ് സാന്ദ്രമോൾ ജിന്നി, പാവനാത്മാ കോളജ് പ്രിൻസിപ്പൽ പ്രഫ. സിജോ പി. ജോർജ്, പഞ്ചായത്ത് പ്രസിഡന്റ് വിനോദ് ജോസഫ്, ഇ.എം. ആഗസ്തി തുടങ്ങിയവർ സംസാരിച്ചു.

രാജാംഗന്റെ പുരയിടത്തിൽ നടത്തിയ പരിശോധനയിൽ 14 കഞ്ചാവ് ചെടികളും രണ്ട് കിലോഗ്രാം ഉണക്ക കഞ്ചാവും പൊലീസ് പിടികൂടി.

പച്ചക്കറി കൃഷിയുടെ മറവിലാണ് ഇയാൾ കഞ്ചാവ് കൃഷി നടത്തിയിരുന്നതെന്ന് പൊലീസ് അറിയിച്ചു. കഞ്ചാവ് കൃഷിക്ക് പേരുകേട്ടിരുന്ന കമ്പക്കല്ല്, കടവരിമലനിരകളുടെ ഭാഗമായ പ്രദേശത്താണ് അരുവിക്കാടും ഉൾപ്പെടുന്നത്.

സംഭവത്തിൽ ദേവികുളം പൊലീസ് തുടർനടപടികൾ സ്വീകരിച്ചു.

സർക്കാരിന്റെ നൂറുദിന കർമ്മപരിപാടിയുടെ ഭാഗമായി കോട്ടയം ഫോറസ്റ്റ് ഡിവിഷൻ സംഘടിപ്പിച്ച അദാലത്തിൽ പീരുമേട് എംഎൽഎ, ഹൈറേഞ്ച് സർക്കിൾ സിസിഎഫ്, കോട്ടയം ഡിഎഫ്ഒ എന്നിവർ നൽകിയ നിർദേശത്തെ തുടർന്നാണ് താൽക്കാലിക ഫെൻസിങ് സ്ഥാപിക്കാൻ തീരുമാനിച്ചത്.

എരമേലി റേഞ്ച് ഫോറസ്റ്റ് ഓഫീസർ കെ.വി. രതീഷിന്റെ നേതൃത്വത്തിൽ മുറിഞ്ഞപുഴ ഫോറസ്റ്റേഷനിലെ ഉദ്യോഗസ്ഥരും വാച്ചർമാരും പീരുമേട് പഞ്ചായത്ത് പ്രസിഡന്റ്, പഞ്ചായത്ത് അംഗങ്ങൾ, മറ്റ് ജനപ്രതിനിധികൾ, നാട്ടുകാർ എന്നിവർ സംയുക്തമായാണ് ഏകദേശം ഒന്നര കിലോമീറ്റർ ദൂരത്തിൽ ഫെൻസിങ് നിർമ്മിച്ചത്.

 പഴയ ഉപകരണങ്ങൾ പുനരുപയോഗിച്ചു; 7.5 ലക്ഷം രൂപയുടെ പദ്ധതി 50,000 രൂപയ്ക്ക്

എരമേലി, മുറിഞ്ഞപുഴ ഫോറസ്റ്റ് സ്റ്റേഷനുകളിൽ സൂക്ഷിച്ചിരുന്ന പഴയതും ഉപയോഗശൂന്യവുമായ ഉപകരണങ്ങൾ പുനരുപയോഗിച്ചാണ് ഭൂരിഭാഗം ഫെൻസിങ് നിർമ്മാണവും നടത്തിയത്. പുതിയതായി സൗരോർജ പാനലും ബാറ്ററിയും മാത്രമാണ് വാങ്ങിയത്.

സാധാരണ നിലയിൽ ഇത്രയും ദൈർഘ്യമുള്ള ഫെൻസിങ് നിർമ്മിക്കാൻ ഏകദേശം 7.5 ലക്ഷം രൂപ ചെലവ് വരുമായിരുന്നെങ്കിലും, ജനകീയ പങ്കാളിത്തവും പഴയ ഉപകരണങ്ങളുടെ പുനരുപയോഗവും വഴി വെറും 50,000 രൂപ ചെലവിലാണ് പദ്ധതി പൂർത്തിയാക്കിയത്.

കാട്ടാനകൾ ജനവാസ മേഖലകളിലേക്ക് ഇറങ്ങി മനുഷ്യർക്ക് ഭീഷണിയാകുന്ന പ്രദേശങ്ങൾ കണ്ടെത്തിയാണ് ഫെൻസിങ് സ്ഥാപിച്ചത്

ഫെൻസിങ് നിർമ്മാണത്തിന് നേതൃത്വം നൽകിയ എരമേലി ഫോറസ്റ്റ് റേഞ്ച് ഓഫീസർ കെ.വി. രതീഷ്, ഫോറസ്റ്റ് ഉദ്യോഗസ്ഥർ, വാച്ചർമാർ, പഞ്ചായത്ത് അംഗങ്ങൾ, ജനപ്രതിനിധികൾ, നാട്ടുകാർ എന്നിവരുടെ കൂട്ടായ പ്രവർത്തനത്തെ അഭിനന്ദിച്ചു.

പൂർത്തീകരിച്ച ഫെൻസിങ്ങിന്റെ ഉദ്ഘാടനം പീരുമേട് പഞ്ചായത്ത് പ്രസിഡന്റ് ശാന്തി രമേഷ് നിർവഹിച്ചു. പഞ്ചായത്ത് അംഗങ്ങൾ, ഫോറസ്റ്റ് ഉദ്യോഗസ്ഥർ, നാട്ടുകാർ തുടങ്ങിയവർ ചടങ്ങിൽ പങ്കെടുത്തു.

ഗ്രാമപഞ്ചായത്ത് പ്രസിഡന്റ് സി.കെ. പ്രസാദ്, പഞ്ചായത്തംഗം കെ.പി. ശ്രീനിവാസൻ ഉൾപ്പെടെ രാഷ്ട്രീയ-സാമൂഹിക രംഗത്തെ പ്രമുഖർ നിർമ്മാണ പ്രവർത്തനങ്ങളുടെ തുടക്കത്തിൽ പങ്കെടുത്തു.

ഇടതുമുന്നണി സർക്കാരിന്റെ ഭരണകാലത്ത് 5 കോടി രൂപ അനുവദിച്ച് ടെൻഡർ നടപടികൾ പൂർത്തീകരിച്ച റോഡാണിത്. ഏകദേശം മൂന്ന് കിലോമീറ്റർ ദൈർഘ്യമുള്ള റോഡിൽ 4.750 മീറ്റർ വീതിയിൽ ടാറിങ് നടത്തും. റോഡിന്റെ ഇരുവശങ്ങളിലും ഐറിഷ് ഓടകളും നിർമിക്കും.

കൊന്നത്തടിക്ക് സമീപം തോടിന് കുറുകെയുള്ള നിലവിലെ കലുങ്ക് പൊളിച്ചുമാറ്റി പുനർനിർമിക്കുന്നതിനൊപ്പം രണ്ട് സ്ഥലങ്ങളിലെ അപകടകരമായ വളവുകളും നിവർത്തും. നിർമ്മാണം പൂർത്തിയാകുന്നതോടെ പഞ്ചായത്ത് ആസ്ഥാനത്തേക്കുള്ള യാത്രാദുരിതത്തിന് വലിയൊരളവിൽ പരിഹാരമാകും.

പഞ്ചായത്ത്, വില്ലേജ് ഓഫീസുകൾ, രണ്ട് സ്കൂളുകൾ, ഹോമിയോ ആശുപത്രി, സർവീസ് സഹകരണ ബാങ്ക്, പോസ്റ്റ് ഓഫീസ്, ക്ഷീര സഹകരണ സംഘം തുടങ്ങിയ നിരവധി സ്ഥാപനങ്ങൾ പഞ്ചായത്ത് ആസ്ഥാനത്ത് പ്രവർത്തിക്കുന്നുണ്ട്. ദിവസേന നൂറുകണക്കിന് ആളുകളാണ് ഈ റോഡിലൂടെ യാത്ര ചെയ്യുന്നത്.

ടൂറിസം മേഖലയ്ക്കും പുത്തൻ പ്രതീക്ഷ

റോഡ് യാഥാർഥ്യമാകുന്നതോടെ കൊന്നത്തടിയുടെ മുഖഛായ തന്നെ മാറുമെന്നാണ് വിലയിരുത്തൽ. ഹോംസ്റ്റേകളും റിസോർട്ടുകളും വർധിച്ചതോടെ വിനോദസഞ്ചാരികളുടെ വരവും മേഖലയിൽ വർധിച്ചിട്ടുണ്ട്. മികച്ച റോഡ് സൗകര്യം ലഭിക്കുന്നതോടെ ടൂറിസം മേഖലയ്ക്ക് കൂടുതൽ ഉണർവുണ്ടാകുമെന്നാണ് പ്രതീക്ഷ.

കൊന്നത്തടി ടൗണിലെ വെള്ളക്കെട്ടിനും ശാശ്വത പരിഹാരമാകുമെന്ന പ്രതീക്ഷയിലാണ് നാട്ടുകാർ. റോഡ് നിർമ്മാണം പൂർത്തിയാകുന്നതോടെ പഞ്ചായത്തിന്റെ വികസന രംഗത്തും പ്രത്യേകിച്ച് ടൂറിസം മേഖലയിലും വലിയ കുതിച്ചുചാട്ടമുണ്ടാകുമെന്നാണ് വിലയിരുത്തൽ.

🔹 തൊടുപുഴ പ്രൈവറ്റ് ബസ് സ്റ്റാൻഡ് → മൂവാറ്റുപുഴ ഭാഗം

പ്രൈവറ്റ് ബസ് ഉൾപ്പെടെയുള്ള വാഹനങ്ങൾ സീമാസ് ജംഗ്ഷനിൽ നിന്ന് തിരിഞ്ഞ് മുല്ലക്കൽ ജംഗ്ഷൻ – വെങ്ങല്ലൂർ – കോലാനി ബൈപാസ് വഴി പോകണം.

🔹 തൊടുപുഴ പ്രൈവറ്റ് ബസ് സ്റ്റാൻഡ് → മൂലമറ്റം, മങ്ങാട്ടുകവല ഉൾപ്പെടെയുള്ള കിഴക്കൻ മേഖലകൾ

കോതായിക്കുന്ന് ബൈപാസ് – കെ.എസ്.ആർ.ടി.സി ജംഗ്ഷൻ – ഇന്ത്യൻ ഹാർഡ്‌വെയർ ജംഗ്ഷൻ വഴി എത്തി വലത്തോട്ട് തിരിഞ്ഞ് യാത്ര തുടരേണ്ടതാണ്.

🔹 മൂവാറ്റുപുഴ ഭാഗത്ത് നിന്ന് വരുന്ന വാഹനങ്ങൾ

ഷാപ്പുംപടി ജംഗ്ഷനിൽ നിന്ന് ഇടത്തോട്ട് തിരിഞ്ഞ് ഷാപ്പുംപടി – മങ്ങാട്ടുകവല നാലുവരിപ്പാത വഴി പോകണം.

🔹 മുതലക്കോടം – കാരിക്കോട് ഭാഗത്ത് നിന്ന് വരുന്ന വാഹനങ്ങൾ

എംപീസ് ജംഗ്ഷനിൽ നിന്ന് മങ്ങാട്ടുകവല – ഇന്ത്യൻ ഹാർഡ്‌വെയർ ജംഗ്ഷൻ ബൈപാസ് വഴി യാത്ര തുടരേണ്ടതാണ്.

ശ്രീകൃഷ്ണ ജയന്തി ഘോഷയാത്രയോടനുബന്ധിച്ചാണ് ഗതാഗത നിയന്ത്രണം ഏർപ്പെടുത്തുന്നത്. യാത്രക്കാർ നിയന്ത്രണങ്ങളോട് സഹകരിക്കണമെന്ന് അധികൃതർ അറിയിച്ചു.

ഹോട്ടലിനുള്ളിൽ തൂങ്ങിനിൽക്കുന്ന നിലയിൽ കണ്ടെത്തിയ സ്റ്റിഗോയെ ഉടൻ കെട്ടഴിച്ച് കാഞ്ഞിരപ്പള്ളി ജനറൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

സംഭവത്തിൽ കാഞ്ഞിരപ്പള്ളി പോലീസ് തുടർനടപടികൾ സ്വീകരിച്ചു. മരണകാരണം ഉൾപ്പെടെയുള്ള കാര്യങ്ങളിൽ അന്വേഷണം പുരോഗമിക്കുകയാണ്.

കടയിൽ അടുത്തിടെ നടത്തിയ സ്റ്റോക്ക് പരിശോധനയിലാണ് വൻ മോഷണം കണ്ടെത്തിയത്. 71 ലാപ്‌ടോപ്പുകൾ, മൂന്ന് ഐഫോണുകൾ, നാല് ഐപാഡുകൾ എന്നിവയാണ് ഇരുവരും ചേർന്ന് മോഷ്ടിച്ച് മറിച്ചുവിറ്റതെന്നാണ് പൊലീസിന്റെ കണ്ടെത്തൽ.

കഴിഞ്ഞ മൂന്ന് വർഷമായി ഇരുവരും തുടർച്ചയായി ഉപകരണങ്ങൾ മോഷ്ടിച്ചിരുന്നതായും പൊലീസ് കണ്ടെത്തി. മോഷ്ടിച്ച ഉപകരണങ്ങൾ എറണാകുളത്തെത്തിച്ച് മറിച്ചുവിൽക്കുകയായിരുന്നു. ഏറെക്കാലം പിടിക്കപ്പെടാതിരുന്നത് പ്രതികളുടെ ആത്മവിശ്വാസം വർധിപ്പിച്ചതായും പൊലീസ് പറയുന്നു.

സ്ഥാപനത്തിന്റെ പരാതിയിൽ കേസെടുത്ത പൊലീസ് പ്രതികളെ കസ്റ്റഡിയിലെടുത്ത് വിശദമായി ചോദ്യം ചെയ്തുവരികയാണ്. മോഷ്ടിച്ച ഉപകരണങ്ങൾ സംബന്ധിച്ചും ഇവയുടെ വിൽപ്പനയുമായി ബന്ധപ്പെട്ടവരെക്കുറിച്ചും അന്വേഷണം തുടരുകയാണ്.

അപകടത്തിൽ ഗുരുതരമായി പരിക്കേറ്റ നിഖിൽ ചേർപ്പുങ്കൽ മാർ സ്ലീവാ മെഡിസിറ്റിയിൽ ചികിത്സയിലായിരുന്നു. ചികിത്സയ്ക്കിടെ ഇന്ന് മരണം സംഭവിക്കുകയായിരുന്നു.സംസ്കാരം പിന്നീട് 

രാസലഹരിയാണ് ഇന്ന് ലോകം നേരിടുന്ന പ്രധാന വെല്ലുവിളികളിലൊന്ന്. ലഹരി വിതരണക്കാർ കുട്ടികളുടെ ഭാഷയും സൗഹൃദവലയങ്ങളും താൽപര്യങ്ങളും പുതിയ സാങ്കേതികവിദ്യകളും മനസ്സിലാക്കിയാണ് പ്രവർത്തിക്കുന്നത്. അതിനാൽ പോലീസിന്റെ അന്വേഷണ രീതികളിലും കാലാനുസൃതമായ മാറ്റങ്ങൾ വരുത്തുകയാണ്. ലഹരി ശൃംഖലയുടെ ഉറവിടം കണ്ടെത്തുന്നതിനുള്ള സമഗ്രമായ അന്വേഷണമാണ് നടക്കുന്നതെന്നും മന്ത്രി പറഞ്ഞു.

ലഹരി വസ്തുക്കൾ കണ്ടെത്തുന്നതിനായി പോലീസ് ഡോഗ് സ്ക്വാഡിന് പ്രത്യേക പരിശീലനം നൽകുന്നുണ്ട്. ലഹരി വ്യാപനത്തിന്റെ നൂതന വഴികൾ തടയുന്നതിനുള്ള സംവിധാനങ്ങളും ആവിഷ്കരിച്ചുവരികയാണ്. ചരിത്രത്തിലെ ഏറ്റവും വലിയ ലഹരി വിരുദ്ധ പോരാട്ടമായി ഓപ്പറേഷൻ തൂഫാൻ മാറിയെന്നും അദ്ദേഹം പറഞ്ഞു.

ലഹരി ഉപയോഗം ഒരു വ്യക്തിയുടെ മാത്രം പ്രശ്നമോ നിയമപ്രശ്നമോ അല്ലെന്നും സമൂഹം നേരിടുന്ന വലിയ വെല്ലുവിളിയാണെന്നും മന്ത്രി പറഞ്ഞു. ലഹരിക്കെതിരായ പോരാട്ടത്തിൽ പോലീസിനൊപ്പം ഓരോ കുടുംബവും വ്യക്തിയും പങ്കാളികളാകണം.

തൂഫാൻ ജാഗരണം വഴി ലഹരി സൃഷ്ടിക്കുന്ന ഗുരുതരമായ സാമൂഹിക പ്രശ്നങ്ങളെ ഓരോ വ്യക്തിയുടെയും മനസ്സിലെത്തിച്ച് അവരെ ലഹരിയിൽ നിന്ന് മോചിപ്പിക്കുകയാണ് ലക്ഷ്യം. കുടുംബങ്ങളിലും സ്കൂളുകളിലും കോളജുകളിലും ജാഗ്രത ശക്തമാക്കണമെന്നും മന്ത്രി പറഞ്ഞു.

അയൽ സംസ്ഥാനങ്ങളിൽ നിന്നുള്ള ലഹരിയുടെ ഒഴുക്ക് തടയുന്നതിനായി അയൽ സംസ്ഥാനങ്ങളിലെ ഡി.ജി.പി.മാരുടെ യോഗം വിളിച്ചതായും മന്ത്രിമാരുമായും മുഖ്യമന്ത്രിമാരുമായും ചർച്ച നടത്തിയതായും അദ്ദേഹം വ്യക്തമാക്കി. കർണാടക, തമിഴ്നാട് മുഖ്യമന്ത്രിമാരെ നേരിട്ട് കണ്ടു. ആന്ധ്രപ്രദേശ്, തെലങ്കാന, പുതുച്ചേരി മുഖ്യമന്ത്രിമാരുമായും ഉടൻ കൂടിക്കാഴ്ച നടത്തും. അയൽ സംസ്ഥാനങ്ങളുടെ സഹകരണത്തോടെ കൂടുതൽ ലഹരി കേസുകളിലെ പ്രതികളെ പിടികൂടാൻ സാധിക്കുന്നുണ്ടെന്നും മന്ത്രി പറഞ്ഞു.

പാലക്കാട്, കോഴിക്കോട് ഉൾപ്പെടെയുള്ള സ്ഥലങ്ങളിൽ ലഹരിമരുന്ന് കച്ചവടവുമായി ബന്ധപ്പെട്ട കള്ളപ്പണ ഇടപാടുകൾ കണ്ടെത്താൻ എൻഫോഴ്സ്മെന്റ് ഡയറക്ടറേറ്റ് റെയ്ഡ് നടത്തുന്നതായും അദ്ദേഹം പറഞ്ഞു.

ഇടുക്കിയിൽ 662 കേസുകൾ

ഓപ്പറേഷൻ തൂഫാനുമായി ബന്ധപ്പെട്ട് ഇടുക്കി ജില്ലയിൽ 662 കേസുകൾ രജിസ്റ്റർ ചെയ്തു. 717 പേരെ പ്രതികളാക്കി. 39.28 കിലോഗ്രാം കഞ്ചാവ്, 30.912 ഗ്രാം എം.ഡി.എം.എ, 113.21 ഗ്രാം ഹാഷിഷ് ഓയിൽ, 135 കഞ്ചാവ് ചെടികൾ എന്നിവ പിടിച്ചെടുത്തു.

സംസ്ഥാനത്താകെ ഓപ്പറേഷൻ തൂഫാനുമായി ബന്ധപ്പെട്ട് 10,748 പേരെ അറസ്റ്റ് ചെയ്തിട്ടുണ്ട്. 9,000-ത്തിലധികം കേസുകൾ രജിസ്റ്റർ ചെയ്യുകയും ഏകദേശം 170 കോടി രൂപ വിലമതിക്കുന്ന മയക്കുമരുന്ന് പിടികൂടുകയും ചെയ്തു. പദ്ധതിയുടെ ഭാഗമായി ലഹരിക്ക് അടിമയായ 170-ഓളം പേരെ പോലീസ് ചികിത്സയ്ക്ക് വിധേയരാക്കുന്നുണ്ടെന്നും മന്ത്രി പറഞ്ഞു.

ഇടുക്കിയിലെ ഭൂമി പ്രശ്നങ്ങൾ പരിഹരിക്കും

ഇടുക്കിയിലെ ഭൂമി സംബന്ധമായ പ്രശ്നങ്ങൾ പരിഹരിക്കാൻ നടപടിയെടുക്കുമെന്നും മന്ത്രി വ്യക്തമാക്കി. പരിസ്ഥിതി ലോല പ്രദേശമായി നിശ്ചയിച്ചിട്ടുള്ള 51 വില്ലേജുകൾ 28 വില്ലേജുകളായി കുറയ്ക്കാനാണ് ശ്രമിക്കുന്നത്. വനമേഖലയിൽ മാത്രമായി ഇ.എസ്.എ പരിമിതപ്പെടുത്തും. ഭൂപതിവ് ചട്ടങ്ങളുമായി ബന്ധപ്പെട്ട പ്രശ്നങ്ങളും നിർമ്മാണ നിരോധന പ്രശ്നങ്ങളും പരിഹരിക്കുന്നതിനായി മുഖ്യമന്ത്രിയും റവന്യൂ മന്ത്രിയും ഇടുക്കി സന്ദർശിക്കും. ഇടുക്കിയുടെ അതിജീവനത്തിന് ആവശ്യമായ നടപടികൾ സ്വീകരിക്കുമെന്നും മന്ത്രി പറഞ്ഞു.

സമയോചിതമായ ഇടപെടലിലൂടെ വയോധികനെ ആത്മഹത്യയിൽ നിന്ന് തടഞ്ഞ ഇടുക്കി സ്റ്റേഷനിലെ എസ്.എച്ച്.ഒ ബിബിൻ ടി.ബിയെ മന്ത്രി ആദരിച്ചു.

ചടങ്ങിൽ അധ്യക്ഷത വഹിച്ച റോയ് കെ. പൗലോസ് എം.എൽ.എ, ജനങ്ങൾ നെഞ്ചിലേറ്റിയ പദ്ധതിയാണ് ഓപ്പറേഷൻ തൂഫാനെന്ന് പറഞ്ഞു. ലഹരിയുടെ ഉറവിടം തേടിയാണ് ആഭ്യന്തര വകുപ്പ് പ്രവർത്തിക്കുന്നതെന്നും ലഹരിക്കെതിരായ കൊടുങ്കാറ്റായി ഓപ്പറേഷൻ തൂഫാൻ മാറിയെന്നും അദ്ദേഹം പറഞ്ഞു.

ഇടുക്കി രൂപതാ ബിഷപ്പ് മാർ ജോൺ നെല്ലിക്കുന്നേൽ മുഖ്യപ്രഭാഷണം നടത്തി. സംസ്ഥാന സർക്കാരിന്റെ ശക്തമായ കർമപരിപാടിയാണ് ഓപ്പറേഷൻ തൂഫാനെന്ന് അദ്ദേഹം പറഞ്ഞു. അന്താരാഷ്ട്ര തലത്തിലുള്ള ലഹരി മാഫിയകളിലേക്കും അന്വേഷണം എത്തുന്നത് പദ്ധതിയുടെ ശക്തി വ്യക്തമാക്കുന്നതാണെന്ന് ഡീൻ കുര്യാക്കോസ് എം.പി. പറഞ്ഞു.

സർക്കാർ ചീഫ് വിപ് അപു ജോൺ ജോസഫ്, എം.എൽ.എമാരായ അഡ്വ. സിറിയക് തോമസ്, സേനാപതി വേണു, എറണാകുളം റേഞ്ച് ഡി.ഐ.ജി ജി.എച്ച്. യതീഷ് ചന്ദ്ര, ജില്ലാ കളക്ടർ ഡോ. ദിനേശൻ ചെറുവാട്ട്, ജില്ലാ പോലീസ് മേധാവി ഡോ. എ. നാസിം, കട്ടപ്പന നഗരസഭാ ചെയർമാൻ ജോയി വെട്ടിക്കുഴി, ഇടുക്കി ബ്ലോക്ക് പഞ്ചായത്ത് പ്രസിഡന്റ് സാന്ദ്രാ മോൾ ജിന്നി, വാത്തിക്കുടി ഗ്രാമപഞ്ചായത്ത് പ്രസിഡന്റ് വിനോദ് ജോസഫ്, കോവിൽമല രാജാവ് രാമൻ രാജമന്നാൻ, മുൻ എം.എൽ.എ ഇ.എം. അഗസ്തി, കോളജ് പ്രിൻസിപ്പൽ പ്രൊഫ. സിജോ പി. ജോർജ് തുടങ്ങിയവർ പങ്കെടുത്തു.

വിവിധ മേഖലകളിൽനിന്ന് തിരഞ്ഞെടുക്കപ്പെട്ട വ്യക്തികൾക്ക് മന്ത്രി തൂഫാൻ വാരിയർ ബാഡ്ജ് വിതരണം ചെയ്തു. ചടങ്ങിനു മുന്നോടിയായി മന്ത്രി ഓപ്പറേഷൻ തൂഫാൻ പതാക ഉയർത്തി. രാജകുമാരി സെൻട്രൽ സ്കൂൾ വിദ്യാർഥികൾ അവതരിപ്പിച്ച പ്രയർ ഡാൻസും അരങ്ങേറി.

കെഎസ്ആർടിസിയിൽ നടപ്പാക്കിയതിനു സമാനമായി സ്ത്രീകൾക്ക് സൗജന്യ യാത്രാ പദ്ധതി സ്വകാര്യ ബസുകളിലും നടപ്പാക്കണമെന്നും ഇതിനായി കെഎസ്ആർടിസിക്ക് നൽകുന്നതുപോലെ സർക്കാർ സാമ്പത്തിക സഹായം അനുവദിക്കണമെന്നും ബസുടമകൾ വിദഗ്ധ സമിതിക്ക് മുമ്പാകെ ആവശ്യപ്പെട്ടിരുന്നു. എന്നാൽ ഈ ആവശ്യം സമിതി അംഗീകരിച്ചില്ല. പകരം സ്വകാര്യ ബസുകൾ കെഎസ്ആർടിസിക്ക് വാടകയ്ക്ക് നൽകണമെന്നാണ് സമിതിയുടെ ശുപാർശ.

2022ലാണ് സംസ്ഥാനത്ത് സ്വകാര്യ ബസ് നിരക്ക് അവസാനമായി വർധിപ്പിച്ചത്. അതിനുശേഷം നിരക്ക് വർധിപ്പിക്കണമെന്ന ആവശ്യം ഉന്നയിച്ചിരുന്നുവെന്നാണ് ബസുടമകളുടെ വാദം. എന്നാൽ ഇത്തരമൊരു ആവശ്യം സർക്കാരിന് ലഭിച്ചിട്ടില്ലെന്നാണ് ഗതാഗത മന്ത്രിയുടെ മറുപടി.

വിദ്യാർഥി കൺസെഷൻ വർധിപ്പിക്കുന്നതുമായി ബന്ധപ്പെട്ട് രണ്ട് കമ്മീഷനുകൾ റിപ്പോർട്ട് സമർപ്പിച്ചിട്ടുണ്ട്. വിദ്യാർഥികളുടെ കുറഞ്ഞ കൺസെഷൻ നിരക്ക് 5 രൂപയാക്കണമെന്നാണ് ബസുടമകളുടെ പ്രധാന ആവശ്യം.

അതേസമയം, വിദഗ്ധ സമിതി നിർദേശിക്കുന്നതുപോലെ യാത്രാ ഫ്യൂവൽസ് പമ്പുകളിൽ നിന്ന് ഡീസൽ നിറയ്ക്കുന്നത് അപ്രായോഗികമാണെന്നും ബസുടമകൾ ചൂണ്ടിക്കാട്ടുന്നു. സ്റ്റേജ് കാര്യേജ് ബസുകൾക്ക് മാത്രമായി ഡീസലിന്റെ വാറ്റ് നികുതി കുറയ്ക്കണമെന്ന ആവശ്യവും അവർ ഉന്നയിച്ചിട്ടുണ്ട്.

തടത്തിൽ ഗിഫ്റ്റ് ഹൗസ് ഉടമ രാജീവിന്റെ മാതാവാണ് . ഗുരുമന്ദിരത്തിന് സമീപം പ്രവർത്തിച്ചിരുന്ന കട നിലവിൽ ചേനട്ടുമറ്റം ജംഗ്ഷനിൽ പുതിയ കടയായി പ്രവർത്തിച്ചുവരികയാണ്.

തേക്കടിയിൽ ചേർന്ന യോഗത്തിൽ കേരളത്തിലെ ഉദ്യോഗസ്ഥർ ശക്തമായി ആവശ്യം ഉന്നയിച്ചതിനെ തുടർന്നാണ് സമിതി അനുകൂല നിലപാട് വ്യക്തമാക്കിയത്. അണക്കെട്ടിന്റെ ഭൂകമ്പ, പ്രളയ സുരക്ഷ ഉൾപ്പെടെയുള്ള കാര്യങ്ങൾ പരിശോധിക്കുന്നതിന് അത്യാധുനിക സാങ്കേതിക സംവിധാനങ്ങൾ ഉപയോഗിക്കണമെന്നാണ് കേരളം ആവശ്യപ്പെട്ടത്. ആവശ്യം അംഗീകരിക്കാത്ത പക്ഷം സുപ്രീം കോടതിയെ സമീപിക്കുമെന്നും കേരളം സമിതിയെ അറിയിച്ചിരുന്നു.

എൻഎച്ച്പിസി മുൻ സി.എം.ഡി ബൽരാജ് ജോഷി അധ്യക്ഷനായ അഞ്ചംഗ സമിതിയാണ് സുരക്ഷാപരിശോധന നടത്തുന്നത്. ഒഡീഷ ജലവിഭവ വകുപ്പ് മുൻ മെമ്പർ സെക്രട്ടറി അശുതോഷ് ദാസ് ആണ് സമിതിയിലെ കേരളത്തിന്റെ പ്രതിനിധി.

സമിതി ആദ്യഘട്ട പരിശോധന പൂർത്തിയാക്കിയിട്ടുണ്ട്. സെപ്റ്റംബർ മൂന്നിന് തയ്യാറാക്കുന്ന പ്രാഥമിക റിപ്പോർട്ടിൽ കേരളം ഉന്നയിച്ച ആവശ്യങ്ങളും ഉൾപ്പെടുത്തുമെന്നാണ് പ്രതീക്ഷ. വിശദമായ റിപ്പോർട്ട് 15 ദിവസത്തിനകം ദേശീയ ഡാം സുരക്ഷാ അതോറിറ്റിക്ക് സമർപ്പിക്കുമെന്ന് സമിതി ചെയർമാൻ ബൽരാജ് ജോഷി അറിയിച്ചു. ഡൽഹിയിൽ ചേരുന്ന ഉന്നതതല യോഗത്തിന് ശേഷമായിരിക്കും അന്തിമ റിപ്പോർട്ട് തയ്യാറാക്കുക.

കോതമംഗലം സ്വദേശി ജോ ജോസഫ് നൽകിയ ഹർജിയിൽ 2022ൽ സുപ്രീം കോടതി പുറപ്പെടുവിച്ച ഉത്തരവിന്റെ അടിസ്ഥാനത്തിലാണ് മുല്ലപ്പെരിയാർ അണക്കെട്ടിൽ നിലവിലെ സമഗ്ര സുരക്ഷാപരിശോധന നടക്കുന്നത്.

കോതമംഗലം കുട്ടമ്പുഴ വടാട്ടുപാറ സ്വദേശിനി ഡയാന ബിജു (39) ആണ് അറസ്റ്റിലായത്. അടിമാലി ഐക്കരക്കുന്ന് സ്വദേശി ശരവണന്റെ ഉടമസ്ഥതയിലുള്ള വാടകവീട്ടിലായിരുന്നു യുവതി താമസിച്ചിരുന്നത്.

ആന്ധ്രാപ്രദേശിൽനിന്ന് ട്രെയിൻ മാർഗം കഞ്ചാവ് കേരളത്തിലെത്തിച്ചിരുന്നതായാണ് എക്സൈസ് ഉദ്യോഗസ്ഥരുടെ പ്രാഥമിക കണ്ടെത്തൽ. ഇടുക്കി ജില്ലയിലെ വിവിധ കേന്ദ്രങ്ങളിൽ വിതരണം ചെയ്യുന്നതിനായാണ് കഞ്ചാവ് എത്തിച്ചതെന്നും ഉദ്യോഗസ്ഥർ പറഞ്ഞു.

കഞ്ചാവ് കടത്തിന് സാമ്പത്തിക സഹായം നൽകിയ വ്യക്തിയെക്കുറിച്ച് അന്വേഷണ സംഘത്തിന് വ്യക്തമായ സൂചന ലഭിച്ചതായും ഇയാളെ ഉടൻ പിടികൂടുമെന്നും എക്സൈസ് അധികൃതർ അറിയിച്ചു.

അസിസ്റ്റന്റ് എക്സൈസ് ഇൻസ്പെക്ടർമാരായ അസീസ് കെ. എസ്., ബിനോയി കെ. ജെ., പ്രിവന്റീവ് ഓഫീസർമാരായ ജലീൽ പി. എം., സിജുമോൻ കെ. എൻ., സിവിൽ എക്സൈസ് ഓഫീസർ മുകേഷ് ആർ., വനിതാ സിവിൽ എക്സൈസ് ഓഫീസർ ഗ്രീഷ്മ ഉണ്ണികൃഷ്ണൻ, ഡ്രൈവർ അനീഷ് മോൻ ടി. എസ്. എന്നിവരടങ്ങിയ സംഘമാണ് റെയ്ഡിൽ പങ്കെടുത്തത്.

റോയി കെ. പൗലോസ് എം.എൽ.എയുടെ അധ്യക്ഷതയിൽ ചേരുന്ന ചടങ്ങിൽ ഇടുക്കി രൂപതാ ബിഷപ്പ് മാർ ജോൺ നെല്ലിക്കുന്നേൽ മുഖ്യപ്രഭാഷണം നടത്തും.

സർക്കാർ ചീഫ് വിപ് അപു ജോൺ ജോസഫ്, ഡീൻ കുര്യാക്കോസ് എം.പി, എം.എൽ.എമാരായ അഡ്വ. സിറിയക് തോമസ്, സേനാപതി വേണു, എഫ്. രാജ, ജില്ലാ പഞ്ചായത്ത് പ്രസിഡന്റ് പ്രൊഫ. ഷീലാ സ്റ്റീഫൻ, ജില്ലാ കളക്ടർ ഡോ. ദിനേശൻ ചെറുവാട്ട്, ജില്ലാ പോലീസ് മേധാവി ഡോ. എ. നാസിം തുടങ്ങിയവർ പങ്കെടുക്കും.

വിവിധ മേഖലകളിൽനിന്ന് തെരഞ്ഞെടുത്തവർക്ക് മന്ത്രി ‘തൂഫാൻ വാരിയർ’ ബാഡ്ജ് സമ്മാനിക്കും. ചടങ്ങിന് മുന്നോടിയായി ഓപ്പറേഷൻ തൂഫാൻ പതാക ഉയർത്തലും മന്ത്രി നിർവഹിക്കും.

എസ്റ്റേറ്റ് അടച്ചുകിടക്കുന്നതിനാൽ തൊഴിലാളികൾക്ക് ശമ്പളം ലഭിക്കാത്ത സാഹചര്യമുണ്ടായിരുന്നു. തൊഴിലാളികളുടെ വേതന കുടിശ്ശിക ഘട്ടംഘട്ടമായി നൽകാനും യോഗത്തിൽ ധാരണയായി. തൊഴിലാളികളുടെയും മാനേജ്‌മെന്റിന്റെയും സഹകരണത്തോടെ എസ്റ്റേറ്റ് തുറന്ന് പ്രവർത്തിപ്പിക്കുന്നതിനുള്ള നടപടികൾ അടിയന്തരമായി പൂർത്തിയാക്കണമെന്ന് മന്ത്രി നിർദേശിച്ചു.

തൊഴിലാളികളുടെ പ്രോവിഡന്റ് ഫണ്ട് (പി.എഫ്.) വിഹിതം അടയ്ക്കാത്തതുമായി ബന്ധപ്പെട്ട പ്രശ്‌നങ്ങളും പരിഹരിക്കും. കുടിശ്ശിക തീർപ്പാക്കുന്നതിനുള്ള സമയക്രമവും വ്യവസ്ഥകളും നിശ്ചയിക്കുന്നതിനായി യോഗം വിളിച്ചുചേർക്കാൻ ലേബർ കമ്മീഷണറെ ചുമതലപ്പെടുത്തി.

പീരുമേട് എം.എൽ.എ സിറിയക് തോമസ്, ലേബർ കമ്മീഷണർ സഫ്‌ന നസറുദ്ദീൻ, അഡീഷണൽ ലേബർ കമ്മീഷണർ ബീന മോൾ വർഗീസ്, എറണാകുളം റീജിയണൽ ജോയിന്റ് ലേബർ കമ്മീഷണർ ഡി. സുരേഷ് കുമാർ, ചീഫ് ഇൻസ്‌പെക്ടർ ഓഫ് പ്ലാന്റേഷൻസ് ശങ്കർ പി.ആർ. എന്നിവർ യോഗത്തിൽ പങ്കെടുത്തു.

യൂണിയൻ പ്രതിനിധികളായ ആർ. തിലകൻ, പി.കെ. രാജൻ, ഷാജി പൈനാടത്ത്, പി.ആർ. അയ്യപ്പൻ, അഡ്വ. സോബിൻ സോമൻ എന്നിവരും മാനേജ്‌മെന്റ് പ്രതിനിധികളായ തോമസ് ജേക്കബ്, പ്രദീപ് കുമാർ എ.കെ., സുരേഷ് പി. വർഗീസ്, ഷോൺ എബ്രഹാം എന്നിവരും ചർച്ചയിൽ പങ്കെടുത്തു.

കോളേജ് മാനേജർ വെരി. റവ. ഫാ. മാത്യു ചന്ദ്രൻകുന്നേൽ അധ്യക്ഷത വഹിച്ചു. പ്രിൻസിപ്പൽ പ്രൊഫ. ഡോ. സിബി ജോസഫ്, ബർസാർ റവ. ഫാ. ബിജു കുന്നയ്ക്കാട്ട്, വൈസ് പ്രിൻസിപ്പൽ ഡോ. ജിലു ആനി ജോൺ, കായിക വിഭാഗം മേധാവി ഡോ. വിയ്യാനി ചാർലി എന്നിവർ സംസാരിച്ചു.

ഉദ്ഘാടന മത്സരത്തിൽ പത്തനാപുരം സെന്റ് സ്റ്റീഫൻസ് കോളേജ്, ആതിഥേയരായ അരുവിത്തുറ സെന്റ് ജോർജസ് കോളേജ് എ ടീമിനെ നേരിട്ടു. ഒന്നിനെതിരെ മൂന്ന് സെറ്റുകൾക്ക് അരുവിത്തുറ കോളേജ് വിജയിച്ചു. സ്കോർ: 22–25, 25–12, 25–15, 25–19.

ക്രൈസ്റ്റ് കോളേജ് ഇരിങ്ങാലക്കുട, സെന്റ് ജോസഫ് കോളേജ് ദേവഗിരി കോഴിക്കോട്, എസ്.എൻ.ജി. കോളേജ് ചേളന്നൂർ കോഴിക്കോട്, ഡിസ്റ്റ് കോളേജ് അങ്കമാലി, സെന്റ് തോമസ് കോളേജ് പാലാ, സെന്റ് സ്റ്റീഫൻസ് കോളേജ് പത്തനാപുരം, ഹോളി ഗ്രേസ് അക്കാദമി ഓഫ് ആർട്സ് ആൻഡ് സയൻസ് മാള, എസ്.എച്ച്. കോളേജ് തേവര, സി.എം.എസ്. കോളേജ് കോട്ടയം എന്നിവയ്ക്കൊപ്പം സെന്റ് ജോർജസ് കോളേജിന്റെ എ, ബി ടീമുകളും പുരുഷ വിഭാഗത്തിൽ മാറ്റുരയ്ക്കും.

വനിതാ വിഭാഗത്തിൽ ചങ്ങനാശ്ശേരി അസംപ്ഷൻ കോളേജ്, പത്തനംതിട്ട കാതോലിക്കേറ്റ് കോളേജ്, പാലാ അൽഫോൻസാ കോളേജ് എന്നിവയാണ് പങ്കെടുക്കുന്നത്.

പ്രതിയിൽ നിന്ന് മോഷ്ടിച്ച സ്വർണം, പണം, ഷൂ എന്നിവ പൊലീസ് കണ്ടെടുത്തു. യൂബർ ടാക്സി ഡ്രൈവറായ ഇസ്മായിൽ, ചങ്ങനാശേരിയിൽ നിന്ന് മോഷ്ടിച്ച ബൈക്കും സ്വർണവുമായാണ് സംഭവദിവസം രാത്രിയിൽ തൊടുപുഴയിലെത്തിയത്.

കെ.എസ്.ആർ.ടി.സി. ജീവനക്കാരനായ തോപ്പിൽ ഷാനവാസ് ഖാന്റെ സാൻട്രോ കാർ മോഷ്ടിച്ചതിന് പുറമെ പുതുച്ചിറ ഭാഗത്തെ അഭിഭാഷകന്റെ വീട്ടിൽ നിന്ന് 50,000 രൂപയും മറ്റൊരു വീട്ടിൽ നിന്ന് ഷൂവും കവർന്നതായി പൊലീസ് പറഞ്ഞു. തിരിച്ചറിയാതിരിക്കാൻ മുഖം മറച്ചാണ് മോഷണം നടത്തിയത്. മോഷണം നടന്നതറിഞ്ഞ് നാട്ടുകാർ എത്തിയതോടെ ബൈക്ക് ഉപേക്ഷിച്ച് പ്രതി ഓടി രക്ഷപ്പെടുന്ന ദൃശ്യങ്ങളും കാമറയിൽ പതിഞ്ഞിരുന്നു.

തുടർന്ന് ഷാനവാസിന്റെ കാറുമായി പ്രതി തിരുവനന്തപുരത്തേക്ക് കടന്നു. മോഷണം നടത്തുന്നതിനിടെ മൊബൈൽ ഫോൺ ഉപയോഗിക്കാത്തതാണ് ഇയാളുടെ പ്രത്യേകതയെന്ന് പൊലീസ് പറഞ്ഞു. മോഷണം നടത്തുന്ന വീടുകളിൽ നിന്ന് ഷൂ മോഷ്ടിക്കുന്ന ശീലവും പ്രതിക്കുണ്ടെന്നും പൊലീസ് വ്യക്തമാക്കി.

കേരളത്തിലെ വിവിധ പൊലീസ് സ്റ്റേഷനുകളിലായി ഇസ്മായിലിനെതിരെ അമ്പതോളം കേസുകളുണ്ടെന്ന് തൊടുപുഴ ഡിവൈ.എസ്.പി. സജി മാർക്കോസ് അറിയിച്ചു. സംഭവത്തിൽ കൂടുതൽ പേർക്ക് പങ്കുള്ളതായും സൂചനയുണ്ട്.

തൊടുപുഴ സി.ഐ. മനേഷ് കെ. പൗലോസിന്റെ നിർദേശപ്രകാരം എസ്.ഐമാരായ ടി.എം. ഷംസുദ്ദീൻ, ജിബിൻ ജോസഫ്, അനീഷ് ജോസ്, അരുൺചന്ദ്രൻ, അനന്ദുശേഖർ, സി.പി.ഒമാരായ അജിമോൻ, ബാബു സുരേഷ്, അമൽ, റെനീഷ്, അതുൽ എന്നിവരടങ്ങിയ സംഘമാണ് പ്രതിയെ പിടികൂടിയത്.

ഇടുക്കി, കട്ടപ്പന ഡിപ്പോകളിലായി 18 വർഷം സേവനമനുഷ്ഠിച്ച പോൾ കുര്യൻ പടിയിറങ്ങുമ്പോൾ സഹപ്രവർത്തകരുടെയും കണ്ണുകൾ ഈറനണിഞ്ഞു. തൊഴിലിനോടും വാഹനത്തോടുമുള്ള ഡ്രൈവറുടെ ആത്മാർഥമായ ആദരവിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലായതോടെ നിരവധി പേരാണ് പോളിന്റെ സ്നേഹപ്രകടനത്തെ അഭിനന്ദിച്ച് രംഗത്തെത്തിയത്. “തൊഴിലിനെ ഹൃദയത്തിൽ കൊണ്ടുനടക്കുന്ന യഥാർഥ ഡ്രൈവറുടെ സ്നേഹമാണിത്” എന്നായിരുന്നു പലരുടെയും പ്രതികരണം.

കട്ടപ്പന കൈരളി തെക്കേക്കരോട്ട് പോൾ കുര്യൻ (56) കഴിഞ്ഞ എട്ട് വർഷമായി കുമളി ഡിപ്പോയിലാണ് സേവനമനുഷ്ഠിച്ചത്. കുമളി–കമ്പം റൂട്ടിൽ ഒരേ ബസ് തന്നെയാണ് അദ്ദേഹം തുടർച്ചയായി ഓടിച്ചിരുന്നത്. അപകടമോ ബ്രേക്ക് ഡൗണോ സംഭവിക്കാത്ത ഈ ബസിനോട് പോളിന് പ്രത്യേക അടുപ്പമുണ്ടായിരുന്നു. ഔദ്യോഗിക ജീവിതത്തിന്റെ അവസാന ട്രിപ്പിലും ആ സ്നേഹം അദ്ദേഹം പ്രകടിപ്പിക്കുകയായിരുന്നു.

കുമളി ഡിപ്പോയിലെ വാട്സ്ആപ്പ് ഗ്രൂപ്പിൽ പങ്കുവയ്ക്കുന്നതിനായി കെ.എസ്.ആർ.ടി.സി വർക്ക്‌ഷോപ്പ് ജീവനക്കാരനായ ജോസ് ഫിലിപ്പാണ് ദൃശ്യങ്ങൾ പകർത്തിയത്. ഡ്രൈവർ അനന്തു മോഹൻദാസ് ഫേസ്ബുക്കിൽ പങ്കുവച്ചതോടെയാണ് വീഡിയോ വ്യാപകമായി പ്രചരിച്ചത്.

കർണാടകയിൽ ഏറെക്കാലം സ്വകാര്യ ബസ് ഡ്രൈവറായും പോൾ ജോലി ചെയ്തിട്ടുണ്ട്. ഭാര്യ സൂസമ്മ. മക്കൾ: അന്ന സൂസൻ പോൾ, എബിൻ പോൾ.

“എട്ട് വർഷത്തോളം ഓടിച്ച ബസിനോട് പ്രത്യേക അടുപ്പമുണ്ട്. ഇതുവരെ അപകടമൊന്നും ഉണ്ടായിട്ടില്ല. ബ്രേക്ക് ഡൗണായിട്ടുമില്ല. ഈ ബസും റൂട്ടും തന്നെ ലഭിക്കുകയാണെങ്കിൽ എംപാനൽ ഡ്രൈവറായി തുടരാൻ ആഗ്രഹമുണ്ട്.”

— പോൾ കുര്യൻ

ജംഗ്ഷനിലെ അശാസ്ത്രീയമായി സ്ഥാപിച്ചിട്ടുള്ള ട്രാഫിക് ഐലൻഡുകൾ പുനഃക്രമീകരിച്ച് ഗതാഗതം സുഗമമാക്കുക, ഫ്രീ ലെഫ്റ്റിന് ആവശ്യമായ സ്ഥലം ഏറ്റെടുത്ത് സൗകര്യമൊരുക്കുക, പഴയ സിഗ്നൽ സംവിധാനം പുനരാരംഭിക്കുക തുടങ്ങിയ ആവശ്യങ്ങളാണ് നിവേദനത്തിൽ ഉന്നയിച്ചത്.

സെന്റ് മേരീസ് ആശുപത്രിക്ക് സമീപത്തെ ബസ് സ്റ്റോപ്പ് ആശുപത്രിക്ക് മുൻവശത്തെ വീതിയുള്ള ഭാഗത്തേക്ക് മാറ്റി ജംഗ്ഷനിലെ ഗതാഗത തടസം ഒഴിവാക്കണമെന്നും ആവശ്യപ്പെട്ടു. കോതായിക്കുന്ന് റോഡിലേക്ക് പ്രവേശിക്കുന്ന ഭാഗത്തെയും മൂപ്പിൽക്കടവ് ഭാഗത്തേക്കുമുള്ള ബസ് സ്റ്റോപ്പുകൾ ജംഗ്ഷനിൽനിന്ന് കുറച്ചുകൂടി മുന്നിലേക്ക് മാറ്റണമെന്നും നിവേദനത്തിൽ ചൂണ്ടിക്കാട്ടി.

നിലവിൽ ഗതാഗതക്കുരുക്ക് പരിഹരിക്കുന്നതിനുള്ള നടപടികൾ ആരംഭിച്ചതായി ചീഫ് വിപ്പ് അപു ജോൺ ജോസഫ് അറിയിച്ചു.

ട്രാക്ക് പ്രസിഡന്റ് സണ്ണി തെക്കേക്കര, സെക്രട്ടറി അബി പി.എൻ, കമ്മിറ്റിയംഗങ്ങളായ ബൈജു വി.കെ, റഷീദ് എ.സി എന്നിവരുടെ നേതൃത്വത്തിലാണ് നിവേദനം സമർപ്പിച്ചത്.

നിലവിലുള്ള പ്ലാറ്റ്ഫോമിന്റെ അതേ നീളത്തിലും ഉയരത്തിലുമാണ് പുതിയ പ്ലാറ്റ്ഫോം നിർമിക്കുന്നത്. ഒരു കോടി 75 ലക്ഷം രൂപയാണ് നിർമാണച്ചെലവ്. പുതിയ പ്ലാറ്റ്ഫോം യാഥാർഥ്യമാകുന്നതോടെ പ്രായമായവർ, സ്ത്രീകൾ, കുട്ടികൾ, ഭിന്നശേഷിക്കാർ എന്നിവർക്ക് ട്രെയിനിൽ കയറാനും ഇറങ്ങാനും കൂടുതൽ സൗകര്യമാകും.

സ്റ്റേഷനിലെ ലൈറ്റിങ് സംവിധാനത്തിലും ആവശ്യമായ മാറ്റങ്ങൾ വരുത്തുമെന്ന് ഫ്രാൻസിസ് ജോർജ് എംപി പറഞ്ഞു. പുതിയ പ്ലാറ്റ്ഫോമിന്റെ നിർമാണം പൂർത്തിയാകുന്നതോടെ കാൽനടയാത്രയ്ക്ക് തടസമുണ്ടാകുന്ന സമീപപ്രദേശത്തെ കുടുംബങ്ങൾക്ക് മൂന്ന് അടി വീതിയിൽ വഴിയൊരുക്കുന്നതിനുള്ള നടപടി റെയിൽവേ അധികൃതർ സ്വീകരിക്കുമെന്നും അദ്ദേഹം വ്യക്തമാക്കി.

ചിങ്ങവനം മുതൽ ചോറ്റാനിക്കര വരെയുള്ള റെയിൽവേ ക്രോസുകളുടെ സമീപനപാതകളുടെ ടാറിങ് ജോലികളും ഉടൻ പൂർത്തിയാക്കുമെന്ന് എംപി അറിയിച്ചു.

സാബു മാത്യു, ടി.സി. റോയി, രാജേഷ്, വിമല കുമാരി, ഡെയ്സി ജോർജ്, അൻസാരി, കെ.ബി. രാജൻ എന്നിവർ എംപിയോടൊപ്പം ഉണ്ടായിരുന്നു.

അഞ്ചുദിവസ ബാങ്കിങ് ആഴ്ച നടപ്പാക്കുക, പ്രകടനാധിഷ്ഠിത ഇൻസെന്റീവ് പദ്ധതിയായ PLIയിലെ വിവേചനങ്ങൾ പരിഹരിക്കുക, പെൻഷൻ ആനുകൂല്യങ്ങൾ പരിഷ്കരിക്കുക തുടങ്ങിയ ആവശ്യങ്ങളാണ് പ്രധാനമായും ഉന്നയിക്കുന്നത്.

2024 മാർച്ച് 8ന് ഇന്ത്യൻ ബാങ്ക്സ് അസോസിയേഷനും (IBA) ബാങ്ക് ജീവനക്കാരുടെ സംഘടനകളും തമ്മിലുണ്ടാക്കിയ ധാരണപ്രകാരം ദിവസേന 40 മിനിറ്റ് പ്രവൃത്തിസമയം വർധിപ്പിച്ച് ആഴ്ചയിൽ അഞ്ച് പ്രവൃത്തിദിനങ്ങൾ നടപ്പാക്കാൻ ധാരണയായിരുന്നു. എന്നാൽ രണ്ട് വർഷം പിന്നിട്ടിട്ടും ഇതിൽ അന്തിമ തീരുമാനം ഉണ്ടാകാത്തതാണ് ജീവനക്കാരുടെ സംഘടനകളെ പ്രതിഷേധത്തിലേക്ക് നയിച്ചതെന്നാണ് വിശദീകരണം.

സെപ്റ്റംബർ 11ലെ പണിമുടക്കിന് പിന്നാലെ ശനി, ഞായർ ദിവസങ്ങളിലെ അവധിയും വരുന്നതിനാൽ രാജ്യത്തെ ബാങ്കിങ് സേവനങ്ങളെ തുടർച്ചയായ ദിവസങ്ങളിൽ സമരം ബാധിച്ചേക്കും. ആവശ്യങ്ങളിൽ അനുകൂല തീരുമാനം ഉണ്ടായില്ലെങ്കിൽ സമരം കൂടുതൽ ശക്തമാക്കാനാണ് UFBU തീരുമാനം.

ജില്ലാ പഞ്ചായത്ത് 17-ാം വാർഡായ തൃക്കൊടിത്താനം, മീനടം പഞ്ചായത്ത് ഒന്നാം വാർഡായ ചീരംകുളം, പാമ്പാടി പഞ്ചായത്ത് 10-ാം വാർഡായ കുമ്പന്താനം എന്നിവിടങ്ങളിലാണ് ഉപതെരഞ്ഞെടുപ്പ് നടക്കുന്നത്.

ഓഗസ്റ്റ് 19ന് പ്രസിദ്ധീകരിച്ച പുതുക്കിയ വോട്ടർപട്ടിക അടിസ്ഥാനമാക്കിയാണ് തെരഞ്ഞെടുപ്പ്. ഇന്ന് തെരഞ്ഞെടുപ്പ് വിജ്ഞാപനം പുറപ്പെടുവിക്കും. 10 വരെ നാമനിർദേശ പത്രിക സമർപ്പിക്കാം. 11ന് സൂക്ഷ്മപരിശോധന നടക്കും. 14നാണ് പത്രിക പിൻവലിക്കാനുള്ള അവസാന തീയതി.

സെപ്റ്റംബർ 28ന് രാവിലെ ഏഴ് മുതൽ വൈകിട്ട് ആറുവരെയാണ് വോട്ടെടുപ്പ്. സെപ്റ്റംബർ 29ന് രാവിലെ 10ന് വോട്ടെണ്ണൽ ആരംഭിക്കും.

ഉപതെരഞ്ഞെടുപ്പിന്റെ ഭാഗമായി മാതൃകാ പെരുമാറ്റച്ചട്ടം നിലവിൽ വന്നു. തെരഞ്ഞെടുപ്പ് നടക്കുന്ന പഞ്ചായത്ത് വാർഡുകൾക്ക് പുറമെ ബന്ധപ്പെട്ട ജില്ലാ പഞ്ചായത്ത് ഡിവിഷനിൽ ഉൾപ്പെടുന്ന പഞ്ചായത്ത് വാർഡുകളിലും പെരുമാറ്റച്ചട്ടം ബാധകമായിരിക്കും.

ജില്ലാ പഞ്ചായത്ത് അംഗമായിരുന്ന വിനു ജോബ് നിയമസഭാംഗമായതിനെ തുടർന്നാണ് തൃക്കൊടിത്താനം ഡിവിഷനിൽ ഉപതെരഞ്ഞെടുപ്പ് വേണ്ടിവന്നത്. മീനടം പഞ്ചായത്തിലെ ചീരംകുളത്ത് യുഡിഎഫ് അംഗമായിരുന്ന പ്രസാദ് നാരായണന്റെയും പാമ്പാടി പഞ്ചായത്തിലെ കുമ്പന്താനം വാർഡിൽ യുഡിഎഫ് അംഗമായിരുന്ന ബാബു മാത്യു ഡാണാവുങ്കലിന്റെയും അകാല നിര്യാണത്തെ തുടർന്നാണ് മറ്റ് രണ്ട് വാർഡുകളിലും ഉപതെരഞ്ഞെടുപ്പ് നടക്കുന്നത്.

പഞ്ചായത്ത് പ്രസിഡന്റ് എസ്. ബിജു സ്കൂൾ അങ്കണത്തിൽ തെങ്ങിൻതൈ നട്ട് പരിപാടി ഉദ്ഘാടനം ചെയ്തു. പി.ടി.എ. പ്രസിഡന്റ് ടി.എം. മജീഷ് അധ്യക്ഷത വഹിച്ചു. കൃഷി ഓഫീസർ ആർ.എം. ചൈതന്യ നാളികേര ദിന സന്ദേശം നൽകി.

പഞ്ചായത്ത് വൈസ് പ്രസിഡന്റ് അനിയമ്മ അശോകൻ, വാർഡ് മെമ്പർ ദീപ ബിജു, പ്രധാനാധ്യാപകൻ അനിൽകുമാർ എന്നിവർ സംസാരിച്ചു. തുടർന്ന് നാളികേര ദിന സന്ദേശങ്ങൾ ഉൾപ്പെടുത്തിയുള്ള ചിത്രപ്രദർശനവും സംഘടിപ്പിച്ചു

അജൈവ പാഴ്‌വസ്തുക്കളും റീസൈക്കിൾഡ് വസ്തുക്കളും മാത്രം ഉപയോഗിച്ചാണ് മത്സരത്തിനായി പൂക്കളങ്ങൾ ഒരുക്കിയത്. "വരവായി വൃത്തിയുടെ ചക്രവർത്തി, ഈ ഓണം ഹരിത ഓണം" എന്ന സന്ദേശം ഉൾക്കൊള്ളിക്കുന്നതിനൊപ്പം പൂക്കളത്തിന്റെ രൂപകൽപ്പനയിലെ വ്യത്യസ്തതയും മനോഹാരിതയും പരിഗണിച്ചായിരുന്നു മൂല്യനിർണയം.

പേപ്പർ, പ്ലാസ്റ്റിക്, കുപ്പികൾ, കുപ്പിയടപ്പുകൾ, പഴയ തുണി, മുത്തുകൾ, തെർമോകോൾ തുടങ്ങിയ ഹരിത കർമ്മ സേനയുടെ എം.സി.എഫുകളിൽ ശേഖരിച്ചിരുന്ന വിവിധ അജൈവ പാഴ്‌വസ്തുക്കൾ ഉപയോഗിച്ചാണ് ടീമുകൾ പൂക്കളങ്ങൾ ഒരുക്കിയത്. മണിക്കൂറുകൾ നീണ്ട പരിശ്രമത്തിലൂടെ തീർത്ത ഓരോ പൂക്കളവും മാലിന്യത്തിൽ നിന്ന് കലാസൃഷ്ടി എന്ന ആശയത്തിന്റെ മികച്ച മാതൃകയായി.

മാവേലി, Reduce-Reuse-Recycle ആശയം, ശുചിത്വ മിഷന്റെ കാക്കയും ചൂലും ഉൾപ്പെട്ട ലോഗോ, ഹരിത കർമ്മ സേന, ഖരമാലിന്യ പരിപാലന ചട്ടപ്രകാരമുള്ള നാല് തരം ബിന്നുകൾ തുടങ്ങിയവയും വിവിധ പൂക്കളങ്ങളുടെ ഭാഗമായി.

ചക്കുപള്ളം ഒന്നാമത്

മത്സരത്തിൽ ചക്കുപള്ളം ഗ്രാമപഞ്ചായത്തിലെ ഹരിത കർമ്മ സേന ടീം ഒന്നാം സ്ഥാനം നേടി. 10,000 രൂപയും ഫലകവുമാണ് സമ്മാനം. കുമളി ഗ്രാമപഞ്ചായത്തിലെ ഹരിത കർമ്മ സേന ടീം രണ്ടാം സ്ഥാനവും 7,000 രൂപയും ഫലകവും നേടി.

കട്ടപ്പന നഗരസഭയിലെ ഹരിത കർമ്മ സേന ടീം മൂന്നാം സ്ഥാനത്തിന് അർഹരായി. 5,000 രൂപയും ഫലകവുമാണ് സമ്മാനം. അറക്കുളം, ഏലപ്പാറ, നെടുങ്കണ്ടം ഗ്രാമപഞ്ചായത്തുകളിലെ ഹരിത കർമ്മ സേന ടീമുകൾക്ക് പ്രോത്സാഹന സമ്മാനവും ലഭിച്ചു.

സർവീസിനായി നൽകിയ വാഹനം ഇത്രയും കാലമായിട്ടും തിരികെ ലഭിക്കാത്തതിലുള്ള പ്രതിഷേധമാണ് പുരോഹിതന്റെ വ്യത്യസ്തമായ നടപടിക്ക് പിന്നിലെന്നാണ് വിവരം. 

വാഹനം സർവീസിന് നൽകിയിട്ട് രണ്ടര മാസം പിന്നിട്ടിട്ടും തിരികെ ലഭിക്കാത്തതിൽ പലതവണ ബന്ധപ്പെട്ടിരുന്നെങ്കിലും പരിഹാരം ഉണ്ടായില്ലെന്നാണ് ആരോപണം. തുടർന്ന് പ്രതിഷേധത്തിന്റെ ഭാഗമായാണ് പകരം വാഹനം എടുത്തുകൊണ്ടുപോയത്.

സംഭവത്തിന്റെ വീഡിയോ പുറത്തുവന്നതോടെ നിരവധി പേരാണ് വിഷയത്തിൽ പ്രതികരണവുമായി രംഗത്തെത്തിയത്.

ജില്ലാതല ഉദ്ഘാടനം ഇടുക്കി എം.എൽ.എ. റോയി കെ. പൗലോസ് നിർവഹിച്ചു. സിസ്റ്റർ ആനിപ്പോൾ സി.എം.സി. അധ്യക്ഷത വഹിച്ചു. മര്യാപുരം വാർഡ് മെമ്പർ ശ്രീലാൽ എസ്., പി.ടി.എ. പ്രസിഡന്റ് ബിജു വാഴക്കൻ, സ്കൂൾ ഹെഡ്മിസ്ട്രസ് സിസ്റ്റർ ജിജി തോമസ് എന്നിവർ ആശംസകൾ നേർന്നു.

സ്കൂളിലെ കുട്ടികൾക്ക് സ്വന്തം അമ്മയെപ്പോലെ സ്നേഹവും കരുതലും പകർന്നുനൽകുന്ന പാചകത്തൊഴിലാളി സെലിൻ വർഗീസിനെ ചടങ്ങിൽ ഓണപ്പുടവ നൽകി ആദരിച്ചു.

അടുക്കളയിലെ ചൂടിലും തിരക്കിലും കുഞ്ഞുമനസ്സുകൾക്കായി സ്നേഹം പാകം ചെയ്ത് വിളമ്പുന്ന “സ്കൂൾ അമ്മയ്ക്ക്” ഓണക്കോടി സമ്മാനിച്ച ചടങ്ങ് സ്നേഹത്തിന്റെയും നന്ദിയുടെയും മനോഹരമായ സന്ദേശമായി. ആഘോഷങ്ങൾക്കപ്പുറം കരുതലിന്റെയും ആദരവിന്റെയും സന്ദേശം പകർന്ന പരിപാടി കുട്ടികൾക്കും അധ്യാപകർക്കും ഒരുപോലെ ഹൃദ്യമായി.

ഹരിത കർമ്മസേന വീടുകളിൽ നിന്നും വ്യാപാര സ്ഥാപനങ്ങളിൽ നിന്നും ശേഖരിക്കുന്ന അജൈവ മാലിന്യങ്ങൾ താൽക്കാലികമായി സൂക്ഷിക്കുന്ന മിനി എം.സി.എഫുകൾക്ക് സമീപം മാലിന്യം നിക്ഷേപിച്ചവർക്കെതിരെയും നടപടി സ്വീകരിച്ചു. പൊതു ഇടങ്ങളിൽ മാലിന്യം വലിച്ചെറിയുന്നത് കണ്ടെത്തിയവർക്കും പിഴ ചുമത്തിയിട്ടുണ്ട്.

നഗരസഭാ പരിധിയിൽ മാലിന്യം തള്ളുന്നവർക്കെതിരെയുള്ള നിയമനടപടികൾ വരും ദിവസങ്ങളിലും കർശനമായി തുടരുമെന്ന് ക്ലീൻ സിറ്റി മാനേജർ ആറ്റ്ലി പി. ജോൺ അറിയിച്ചു.

എൻഫോഴ്സ്മെന്റ് പ്രവർത്തനങ്ങൾക്ക് സീനിയർ പബ്ലിക് ഹെൽത്ത് ഇൻസ്പെക്ടർ പ്രദീപ് രാജ് ഡി., പബ്ലിക് ഹെൽത്ത് ഇൻസ്പെക്ടർമാരായ അനുപ്രിയ കെ.എസ്., രജിത ഐ., അമ്പിളി ബി.എം., ജീവനക്കാരായ ബിബിൻ തോമസ്, മനു ബാബു, ബിജു മാത്യു എന്നിവർ നേതൃത്വം നൽകി.

പ്രകൃതിഭംഗിയാൽ അനുഗ്രഹീതമായ പ്രദേശത്തെ ആമ്പൽക്കാഴ്ച സഞ്ചാരികളുടെ ശ്രദ്ധ നേടുകയാണ്. വിനോദസഞ്ചാരികൾക്ക് ആവശ്യമായ അടിസ്ഥാന സൗകര്യങ്ങൾ ഒരുക്കുന്നതിനുള്ള നടപടികൾ പഞ്ചായത്ത് അധികൃതരുടെ നേതൃത്വത്തിൽ പുരോഗമിക്കുകയാണ്. സഞ്ചാരികൾക്കായി ആവശ്യത്തിന് വള്ളങ്ങളും ഏർപ്പെടുത്തിയിട്ടുണ്ട്.

രാവിലെ പത്തുമണി വരെയാണ് ആമ്പൽപ്പൂക്കൾ പൂർണമായി വിരിഞ്ഞുനിൽക്കുന്നത്. അതിനുശേഷം പൂക്കൾ കൂമ്പിപ്പോകുന്നതിനാൽ പുലർച്ചെയും രാവിലെയുമാണ് കാഴ്ച ആസ്വദിക്കാൻ കൂടുതൽ സഞ്ചാരികൾ എത്തുന്നത്.

സഞ്ചാരികളെ സ്വീകരിക്കുന്നതിനും ആവശ്യമായ സൗകര്യങ്ങൾ ഒരുക്കുന്നതിനുമായി പഞ്ചായത്ത് പ്രസിഡന്റ് കെ.ജി. രാജു, വൈസ് പ്രസിഡന്റ് ബിന്ദു അനിൽകുമാർ, സെക്രട്ടറി വിനോദ് കുമാർ എന്നിവരുടെ നേതൃത്വത്തിൽ ജനപ്രതിനിധികളും ഉദ്യോഗസ്ഥരും സ്ഥലത്ത് സജീവമായി പ്രവർത്തിക്കുന്നുണ്ട്.

ഓഗസ്റ്റ് ആദ്യവാരത്തിലാണ് തെങ്ങനത്തെ സുഭാഷ് എൻ ഫ്യൂവൽസ് (ഇന്ത്യൻ ഓയിൽ) പെട്രോൾ പമ്പിൽ നിന്ന് മഴവെള്ളം കലർന്ന ഇന്ധനം പുറത്തേക്ക് ഒഴുക്കിയത്. ഇതോടെ പ്രദേശത്തെ കിണറുകളും ഭൂമിയും മലിനമായെന്നാണ് നാട്ടുകാരുടെ ആരോപണം.

സംഭവം നടന്ന് ഒരു മാസം പിന്നിട്ടിട്ടും പ്രദേശം ശാസ്ത്രീയമായി ശുചീകരിക്കുന്നതിനുള്ള നടപടികൾ ഉണ്ടായിട്ടില്ലെന്നും നാട്ടുകാർ പറയുന്നു. ഗുരുതര സുരക്ഷാ വീഴ്ച കണ്ടെത്തിയിട്ടും പെട്രോൾ പമ്പിനും ഉടമയ്ക്കുമെതിരെ നടപടി സ്വീകരിച്ചിട്ടില്ലെന്നും ആരോപണമുണ്ട്.

പ്രശ്നപരിഹാരം ആവശ്യപ്പെട്ട് മടപ്പള്ളി പഞ്ചായത്ത് സെക്രട്ടറി, മലിനീകരണ നിയന്ത്രണ ബോർഡ്, ജില്ലാ കളക്ടർ, മുഖ്യമന്ത്രി എന്നിവർക്ക് പരാതി നൽകിയെങ്കിലും ഇതുവരെ പരിഹാരമുണ്ടായിട്ടില്ലെന്നാണ് കുടുംബങ്ങളുടെ പരാതി.

മലിനമായ കിണർവെള്ളത്തിൽ കുളിച്ചവർക്ക് ദേഹത്ത് ചൊറിച്ചിലും വെള്ളം കുടിച്ചവർക്ക് ശാരീരിക അസ്വസ്ഥതകളും ഉണ്ടായതായും നാട്ടുകാർ പറയുന്നു.

സംഭവത്തിൽ ഗുരുതര സുരക്ഷാ വീഴ്ചയുണ്ടായതായി സംസ്ഥാന മലിനീകരണ നിയന്ത്രണ ബോർഡ് നടത്തിയ പരിശോധനയിൽ കണ്ടെത്തിയിട്ടുണ്ട്. ഇതുസംബന്ധിച്ച പരിശോധനാ റിപ്പോർട്ട് സീനിയർ എൻവയോൺമെന്റൽ എൻജിനീയർ കോട്ടയം ജില്ലാ കളക്ടർക്ക് കൈമാറിയതായും അറിയുന്നു.

നടപടി വൈകുന്നതിൽ പ്രതിഷേധിച്ച് നാട്ടുകാർ രംഗത്തെത്തിയിരിക്കുകയാണ്. മലിനീകരണത്തിന്റെ ശാസ്ത്രീയ പരിശോധനയും പ്രദേശത്തെ അടിയന്തര ശുചീകരണവും ദുരിതബാധിത കുടുംബങ്ങൾക്ക് ആവശ്യമായ സഹായവും ഉറപ്പാക്കണമെന്നാണ് നാട്ടുകാരുടെ ആവശ്യം.

മികച്ച വിദ്യാലയങ്ങൾക്കുള്ള ശ്രേഷ്ഠ വിദ്യാലയ പുരസ്‌കാരങ്ങളും പ്രഖ്യാപിച്ചു. ഒന്നാം സ്ഥാനക്കാർക്ക് അഞ്ച് ലക്ഷം രൂപയും രണ്ടാം സ്ഥാനക്കാർക്ക് മൂന്ന് ലക്ഷം രൂപയും മൂന്നാം സ്ഥാനക്കാർക്ക് ഒരു ലക്ഷം രൂപ വീതവുമാണ് സമ്മാനം.

അധ്യാപക പുരസ്‌കാര ജേതാക്കൾ

എൽപി വിഭാഗം:

ഐ. അബ്ദുൽ അസീസ്, എം.ജി. ഗീതമ്മ, ജോഷി ഡി. കൊള്ളന്നൂർ, സൂസൻ കുരുവിള, എസ്. കണ്ണൻ.

യുപി വിഭാഗം:

ജനിൽ ജോൺ, എം.സി. അബ്ദുൽ അലി, വി.ജെ. ജോൺസൺ, എ. സിദ്ദിഖ് ഹസൻ, വി. ജയിംസ്.

ഹൈസ്കൂൾ വിഭാഗം:

കെ.പി. സുനിൽ കുമാർ, വി.പി. അലി അക്ബർ, കെ. വിനോദ് കുമാർ, പി.ടി. സിറാജുദ്ദീൻ, എം. രാജേഷ്.

ഹയർ സെക്കൻഡറി വിഭാഗം:

ഡോ. ബിന്ദു പി. സുഭാഷ്, പി. ഭാസ്കരൻ, ബാബു മാത്യു, ഡോ. കെ. ശ്രീജ, കെ. സുനിൽ കുമാർ.

വൊക്കേഷണൽ ഹയർ സെക്കൻഡറി വിഭാഗം:

എ. ജിനേഷ്, പി. സമീർ സിദ്ദിഖി, ടി.വി. സതീഷ്.

ശ്രേഷ്ഠ വിദ്യാലയ പുരസ്‌കാരം

പ്രൈമറി വിഭാഗം:

🥇 തിരുവനന്തപുരം ബീമാപ്പള്ളി ജിയുപിഎസ്

🥈 സെന്റ് ഫിലോമിനാസ് യുപി സ്കൂൾ, മല്ലപ്പള്ളി, പത്തനംതിട്ട

🥉 നാഷണൽ എൽപി സ്കൂൾ, എടവക, വയനാട്

സെക്കൻഡറി വിഭാഗം:

🥇 മലപ്പുറം മഞ്ചേരി ഗവ. ബോയ്സ് എച്ച്എസ്എസ്

🥈 കോട്ടയം മൗണ്ട് കാർമൽ എച്ച്എസ്എസ്

🥉 കണ്ണൂർ ഇരിട്ടി ചാവശേരി ജിഎച്ച്എസ്എസ്

ഹയർ സെക്കൻഡറി വിഭാഗം:

🥇 കോഴിക്കോട് മടവൂർ ചക്കാലക്കൽ എച്ച്എസ്എസ്

🥈 കാസർഗോഡ് കമ്പല്ലൂർ ജിഎച്ച്എസ്എസ്

🥉 ഇടുക്കി വാഴത്തോപ്പ് സെന്റ് ജോർജ് എച്ച്എസ്എസ്

കോഴിക്കോട് കണ്ടംകുളം ജൂബിലി ഹാളിൽ ശനിയാഴ്ച നടക്കുന്ന അധ്യാപക ദിനാഘോഷ പരിപാടിയിൽ പുരസ്‌കാരങ്ങൾ വിതരണം ചെയ്യും. പൊതുവിദ്യാഭ്യാസ മന്ത്രി എൻ. ഷംസുദീൻ ആണ് പ്രഖ്യാപനം നടത്തിയത്.

ഉച്ചകഴിഞ്ഞ് 3ന് നടക്കുന്ന ചടങ്ങിൽ റോട്ടറി ക്ലബ് ഓഫ് കട്ടപ്പന ഹെറിറ്റേജ് പ്രസിഡന്റ് ഷിബു പോൾ അധ്യക്ഷത വഹിക്കും. സക്കറിയ മാർ സേവേറിയോസ് മെത്രാപ്പോലീത്ത മെഡിക്കൽ ബെഡുകളുടെ കൈമാറ്റം നിർവഹിക്കും.

വണ്ടൻമേട് ഗ്രാമപഞ്ചായത്ത് പ്രസിഡന്റ് സുസൻ ജേക്കബ്, വൈസ് പ്രസിഡന്റ് ബിജു ആക്കാട്ടുമുണ്ട, ഗ്രാമപഞ്ചായത്ത് അംഗം ടോണി മാക്കോറ, ഓർത്തഡോക്സ് സഭ മാനേജിങ് കമ്മിറ്റി അംഗം ജെം കൊരസൺ, ഹോസ്പിറ്റൽ ഗവേണിംഗ് കൗൺസിൽ അംഗം പ്രിൻസ് ചെറിയാൻ തുടങ്ങിയവർ പങ്കെടുക്കും. റോട്ടറി ക്ലബ് ഭാരവാഹികൾ, ഇടുക്കി ഓർത്തഡോക്സ് മെഡിക്കൽ മിഷൻ ഹോസ്പിറ്റൽ പ്രതിനിധികൾ, സ്നേഹമന്ദിരം ഭാരവാഹികൾ, റോട്ടറി അംഗങ്ങൾ, സാമൂഹിക-സാംസ്കാരിക രംഗത്തെ പ്രമുഖർ എന്നിവരും ചടങ്ങിൽ പങ്കെടുക്കും.

രോഗികൾക്കും വയോജനങ്ങൾക്കും പ്രത്യേക പരിചരണവും സംരക്ഷണവും നൽകിവരുന്ന സ്നേഹമന്ദിരത്തിന്റെ സേവന പ്രവർത്തനങ്ങൾക്ക് കൂടുതൽ പിന്തുണ നൽകുന്നതിനാണ് 50 മെഡിക്കൽ ബെഡുകൾ കൈമാറുന്നത്. ആരോഗ്യപരിപാലന രംഗത്തെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിനൊപ്പം സഹായം ആവശ്യമുള്ളവരിലേക്ക് കൂടുതൽ ഫലപ്രദമായ സേവനം എത്തിക്കുക എന്ന ലക്ഷ്യത്തിന്റെ ഭാഗമായാണ് പദ്ധതി നടപ്പാക്കുന്നതെന്ന് റോട്ടറി ഭാരവാഹികൾ അറിയിച്ചു.

വാർത്താസമ്മേളനത്തിൽ പ്രസിഡന്റ് ഷിബു പോൾ, പ്രോഗ്രാം കോ-ഓർഡിനേറ്റർ പ്രിൻസ് ചെറിയാൻ, ജി.ജി.ആർ അഖിൽ വിശ്വനാഥൻ, സെക്രട്ടറി ബിനോയ് അഗസ്റ്റിൻ, ട്രഷറർ ജിത്ത് ജോസഫ്, മുൻ പ്രസിഡന്റുമാരായ പി. എം. ജെയിംസ്, സന്തോഷ് ദേവസ്യ, ജിതിൻ കൊല്ലംകുടി, ജോസ് കുര്യാക്കോസ്, സുധീപ് കെ.കെ, സാജൻ കുര്യാക്കോസ്, വിജി ജോസഫ് എന്നിവർ പങ്കെടുത്തു.

ആഭരണങ്ങൾ ലഭിച്ച ഉടൻ കാഡ്സിന്റെ വിത്ത് ബാങ്കിൽ ജോലി ചെയ്യുന്ന അമ്മ പ്രിയയെ അഞ്ജന വിവരമറിയിച്ചു. തുടർന്ന് ഇരുവരും ആഭരണങ്ങൾ പൊലീസ് സ്റ്റേഷനിലെത്തി ഏൽപ്പിക്കുകയായിരുന്നു.

അന്വേഷണത്തിനിടെ ഏതാനും മണിക്കൂറുകൾക്കകം ഉടമ സ്റ്റേഷനിലെത്തിയതായി പൊലീസ് അറിയിച്ചു. തുടർന്ന് എസ്‌എച്ച്‌ഒ മനേഷ് പൗലോസിന്റെയും മറ്റ് പൊലീസ് ഉദ്യോഗസ്ഥരുടെയും സാന്നിധ്യത്തിൽ ഏകദേശം രണ്ട് ലക്ഷം രൂപ വിലമതിക്കുന്ന ആഭരണങ്ങൾ മുതലക്കോടം സ്വദേശി അനിലിന് അഞ്ജന കൈമാറി.

കളഞ്ഞുകിട്ടിയ വിലപിടിപ്പുള്ള വസ്തു ഉടമയെ കണ്ടെത്തി തിരിച്ചേൽപ്പിച്ച അഞ്ജനയുടെയും അമ്മ പ്രിയയുടെയും സത്യസന്ധതയ്ക്ക് പൊലീസ് അഭിനന്ദനം അറിയിച്ചു.

ഹോളിഡേ ഹോമിലേക്കുള്ള റോഡ് ടാറിങ് ജോലികൾക്കായി നിർമാണസാമഗ്രികളുമായി എത്തിയതായിരുന്നു ലോറി. സാധനങ്ങൾ ഇറക്കിയശേഷം റോഡിലൂടെ തിരികെ ഇറങ്ങുന്നതിനിടെ നിയന്ത്രണം നഷ്ടപ്പെട്ട ലോറി ആർച്ച് ഇടിച്ചുതകർക്കുകയായിരുന്നു.

അപകടത്തിൽ ആർച്ച് പൂർണമായും തകർന്നു. ലോറിയും കേടുപാടുകൾ സംഭവിച്ചു.

പുതിയ ജില്ല രൂപീകരിക്കുന്നതിൽ അന്തിമ തീരുമാനം എടുക്കേണ്ടത് സർക്കാരാണ്. ഡീലിമിറ്റേഷൻ കമ്മിഷന്റെ ശുപാർശകൾ ഉൾപ്പെടെയുള്ള ഭരണപരമായ വശങ്ങൾ സർക്കാർ വിശദമായി പരിശോധിക്കേണ്ടതുണ്ട്. തൊടുപുഴയുടെ ആവശ്യങ്ങൾ കൂടി പരിഗണിച്ച് അനുകൂലമായ തീരുമാനം ഉണ്ടാകുമെന്നാണ് പ്രതീക്ഷയെന്നും എംപി പറഞ്ഞു.

മൂവാറ്റുപുഴ, കോതമംഗലം താലൂക്കുകൾ ഉൾപ്പെടുന്ന ഇടുക്കി ലോക്സഭാ മണ്ഡലത്തെ പ്രതിനിധീകരിക്കുന്ന ജനപ്രതിനിധിയെന്ന നിലയിൽ പ്രദേശത്തെ ജനങ്ങളുടെ ആവശ്യങ്ങൾക്കൊപ്പമാണ് താനെന്നും ഡീൻ കുര്യാക്കോസ് വ്യക്തമാക്കി.

ഭരണസൗകര്യം, ജനസംഖ്യ, ഭൂപ്രദേശം തുടങ്ങിയ ഘടകങ്ങൾ പരിഗണിച്ചായിരിക്കണം പുതിയ ജില്ലകൾ രൂപീകരിക്കേണ്ടത്. നിലവിൽ എറണാകുളം ജില്ലയുടെ കിഴക്കൻ മേഖലയിൽ വികസനകാര്യങ്ങളിൽ വേണ്ടത്ര പ്രാതിനിധ്യം ലഭിക്കുന്നില്ലെന്നത് ജനപ്രതിനിധികൾ ഉൾപ്പെടെ ഉന്നയിക്കുന്ന വസ്തുതയാണ്. നിലവിലുള്ള മാനദണ്ഡങ്ങൾ പരിശോധിക്കുമ്പോൾ മൂവാറ്റുപുഴയ്ക്ക് പുതിയ ജില്ലയാകാനുള്ള എല്ലാ അർഹതയുമുണ്ടെന്നും അദ്ദേഹം പറഞ്ഞു.

അതേസമയം, തൊടുപുഴയെ സംബന്ധിച്ച് അനാവശ്യമായ ചർച്ചകളും വിവാദങ്ങളും ഉയർത്തേണ്ട സാഹചര്യമില്ലെന്നും എംപി കൂട്ടിച്ചേർത്തു.

കണ്ണൂർ വിമാനത്താവളത്തിലെ ഓഹരി പങ്കാളിത്തം വാഗ്ദാനം ചെയ്ത് മുംബൈ സ്വദേശിയായ പ്രവാസി വ്യവസായിയിൽ നിന്ന് പണം വാങ്ങിയതുമായി ബന്ധപ്പെട്ട നാല് ചെക്ക് കേസുകളിലാണ് കോടതി നടപടി.

ഒരു വർഷം മാത്രമാണ് തടവ് ശിക്ഷ ലഭിച്ചതെന്നതിനാൽ നിലവിലെ നിയമപ്രകാരം എംഎൽഎ സ്ഥാനത്തിന് അയോഗ്യത ഉണ്ടാകില്ല. ജനപ്രതിനിധിക്ക് രണ്ട് വർഷമോ അതിലധികമോ തടവ് ശിക്ഷ ലഭിച്ചാൽ മാത്രമാണ് ജനപ്രാതിനിധ്യ നിയമപ്രകാരം അയോഗ്യത വരുന്നത്.

പരിക്കേറ്റവരെ കട്ടപ്പന സെന്റ് ജോൺസ് ആശുപത്രിയിൽ പ്രവേശിപ്പിച്ചു. പരിക്കുകൾ ഗുരുതരമല്ലെന്നാണ് പ്രാഥമിക വിവരം

തൊടുപുഴ കേന്ദ്രീകരിച്ച് പുതിയ ജില്ല വേണമെന്ന ആവശ്യത്തിന് പിന്നിലെ തമിഴ് ന്യൂനപക്ഷ വാദം നിലനിൽക്കുന്നതല്ലെന്നും അദ്ദേഹം പറഞ്ഞു.

നിലവിൽ നിരവധി ജില്ലാതല ഓഫീസുകൾ തൊടുപുഴയിൽ പ്രവർത്തിക്കുന്നുണ്ട്. ഇവ ഇടുക്കി ജില്ലാ ആസ്ഥാനത്തേക്കോ ഹൈറേഞ്ചിലെ വിവിധ താലൂക്ക് ആസ്ഥാനങ്ങളിലേക്കോ മാറ്റണമെന്നും സേനാപതി വേണു അഭിപ്രായപ്പെട്ടു.

വനിതാ വിഭാഗം മത്സരങ്ങളുടെ ഉദ്ഘാടനം പാലാ നഗരസഭാ ചെയർപേഴ്സൺ മായ രാഹുൽ നിർവഹിക്കും. കോളേജ് മാനേജർ ഫാ. മാത്യു ചന്ദ്രൻകുന്നേൽ അധ്യക്ഷത വഹിക്കും. പ്രിൻസിപ്പൽ പ്രൊഫ. ഡോ. സിബി ജോസഫ്, ബർസാർ ഫാ. ബിജു കുന്നയ്ക്കാട്ട്, വൈസ് പ്രിൻസിപ്പൽ ഡോ. ജിലു ആനി ജോൺ, കായിക വിഭാഗം മേധാവി ഡോ. വിയ്യാനി ചാർലി തുടങ്ങിയവർ പങ്കെടുക്കും.

സെപ്റ്റംബർ അഞ്ചിനാണ് ചാമ്പ്യൻഷിപ്പ് സമാപിക്കുക. സമാപന സമ്മേളനം ഗവൺമെന്റ് ചീഫ് വിപ്പ് അപ്പു ജോൺ ജോസഫ് ഉദ്ഘാടനം ചെയ്യും. പൂഞ്ഞാർ എംഎൽഎ അഡ്വ. സെബാസ്റ്റ്യൻ എം.ജെ., പാലാ എംഎൽഎ മാണി സി. കാപ്പൻ, ഈരാറ്റുപേട്ട നഗരസഭാ ചെയർപേഴ്സൺ അഡ്വ. വി.പി. നാസർ തുടങ്ങിയവർ വിശിഷ്ടാതിഥികളാകും.

പുരുഷ വിഭാഗത്തിൽ ക്രൈസ്റ്റ് കോളേജ് ഇരിങ്ങാലക്കുട, സെന്റ് ജോസഫ് കോളേജ് ദേവഗിരി കോഴിക്കോട്, എസ്.എൻ.ജി കോളേജ് ചേളന്നൂർ, ഡിസ്റ്റ് കോളേജ് അങ്കമാലി, സെന്റ് തോമസ് കോളേജ് പാലാ, സെന്റ് സ്റ്റീഫൻസ് കോളേജ് പത്തനാപുരം, ഹോളി ഗ്രേസ് അക്കാദമി ഓഫ് ആർട്സ് ആൻഡ് സയൻസ് മാള, എസ്.എച്ച്. കോളേജ് തേവര, സി.എം.എസ്. കോളേജ് കോട്ടയം എന്നിവയ്ക്കൊപ്പം അരുവിത്തുറ സെന്റ് ജോർജസ് കോളേജിന്റെ എ, ബി ടീമുകളും മത്സരിക്കും.

വനിതാ വിഭാഗത്തിൽ ചങ്ങനാശ്ശേരി അസംപ്ഷൻ കോളേജ്, പത്തനംതിട്ട കത്തോലിക്കേറ്റ് കോളേജ്, പാലാ അൽഫോൻസാ കോളേജ് എന്നീ ടീമുകളാണ് പങ്കെടുക്കുന്നത്.

ഇന്ന് ഉച്ചയ്ക്ക് 12 മണിയോടെയാണ് ഷെറിനെ കാണാതായതായി ബന്ധുക്കളുടെ ശ്രദ്ധയിൽപ്പെട്ടത്. തുടർന്ന് വീടിനും പരിസരത്തും നടത്തിയ തിരച്ചിലിനിടെ കിണറിന് സമീപം ഷെറിന്റെ ചെരുപ്പും ഷാളും കണ്ടെത്തി. ഇതോടെ സംശയം തോന്നിയ ബന്ധുക്കൾ കോട്ടയം അഗ്നിരക്ഷാ നിലയത്തിൽ വിവരം അറിയിക്കുകയായിരുന്നു.

തുടർന്ന് സീനിയർ ഫയർ ആൻഡ് റെസ്ക്യൂ ഓഫീസർ രാജുമോന്റെ നേതൃത്വത്തിൽ അഗ്നിരക്ഷാ സേന സ്ഥലത്തെത്തി തിരച്ചിൽ ആരംഭിച്ചു. ഏകദേശം 75 അടി ആഴമുള്ള കിണറ്റിൽ പ്രത്യേക സംവിധാനങ്ങൾ ഉപയോഗിച്ചായിരുന്നു പരിശോധന.

ആദ്യം പാതാളക്കരണ്ടി ഉപയോഗിച്ച് നടത്തിയ തിരച്ചിലിലാണ് കിണറ്റിനുള്ളിൽ ഷെറിന്റെ സാന്നിധ്യം കണ്ടെത്തിയത്. തുടർന്ന് അഗ്നിരക്ഷാ സേന തുടർ രക്ഷാപ്രവർത്തനം നടത്തി. മൃതദേഹം പുറത്തെടുത്ത് തുടർനടപടികൾക്കായി മാറ്റി.

സോൺ പ്രസിഡന്റ് ജെയ്സൺ അറക്കൽ, സോൺ വൈസ് പ്രസിഡന്റ് ജോജോ കുമ്പളതാനം, സോൺ ഡയറക്ടർമാരായ ആദർശ് കുര്യൻ, അബിൻ ബോസ്, സെക്രട്ടറി ഡെന്നീസ് സെബാസ്റ്റ്യൻ, ട്രഷറർ അമൽ ജോളി എന്നിവർ ചടങ്ങിൽ പങ്കെടുത്തു.

വിവിധ സാമൂഹിക, സേവന, യുവജനക്ഷേമ പ്രവർത്തനങ്ങൾക്ക് നേതൃത്വം നൽകുന്നതിനൊപ്പം സമൂഹത്തിന്റെ വിവിധ മേഖലകളിൽ സജീവമായി ഇടപെടുന്നതിനുള്ള പ്രവർത്തനങ്ങൾക്ക് പുതിയ ഭാരവാഹികൾ നേതൃത്വം നൽകുമെന്ന് ഭാരവാഹികൾ അറിയിച്ചു.

കോതമംഗലം സ്വദേശി ജോ ജോസഫ് നൽകിയ കേസിലാണ് 2022ൽ മുല്ലപ്പെരിയാറിൽ പുതിയ സമഗ്ര സുരക്ഷാ പരിശോധന നടത്താൻ സുപ്രീം കോടതി നിർദേശിച്ചത്. അണക്കെട്ടിന്റെ ഘടനാപരമായ സുരക്ഷ, ഭൂകമ്പ പ്രതിരോധ ശേഷി, ചോർച്ചയുടെ അളവ്, സ്പിൽവേ ഷട്ടറുകളുടെ പ്രവർത്തനക്ഷമത തുടങ്ങിയവയാണ് പ്രധാനമായും പരിശോധിക്കുക.

വർഷങ്ങൾ പഴക്കമുള്ള അണക്കെട്ടിന്റെ സുരക്ഷ ഉറപ്പാക്കാൻ സമഗ്ര പരിശോധന അടിയന്തരമായി പൂർത്തിയാക്കണമെന്ന ആവശ്യം കേരളം നേരത്തെ ഉന്നയിച്ചിരുന്നു.

പദ്ധതിയുടെ ഭാഗമായി സംസ്ഥാനത്തെ 5,183 സ്കൂളുകളുടെ പട്ടിക കൈറ്റ് വെബ്സൈറ്റിൽ പ്രസിദ്ധീകരിച്ചു. ഓരോ സ്കൂളിലും കുറഞ്ഞത് രണ്ട് കമ്പ്യൂട്ടറുകൾ സജ്ജീകരിച്ച്, ഒരു അധ്യാപകനെ പദ്ധതിയുടെ ചുമതല ഏൽപ്പിച്ചാണ് ഡിജിറ്റൽ സ്ക്വയർ നടപ്പാക്കുന്നത്.

ഡിജിറ്റൽ വിഭവങ്ങൾ ഫലപ്രദമായി ഉപയോഗിച്ച് കുട്ടികളുടെ പഠനാനുഭവം മെച്ചപ്പെടുത്തുകയാണ് പദ്ധതിയുടെ ലക്ഷ്യം. സർക്കാരിന്റെ നൂറുദിന കർമ്മപരിപാടിയുടെ ഭാഗമായാണ് ഡിജിറ്റൽ സ്ക്വയർ പദ്ധതിക്ക് തുടക്കം കുറിക്കുന്നത്.

മൂവാറ്റുപുഴ ജില്ല വേണമെന്ന കോൺഗ്രസ് എംഎൽഎ മാത്യു കുഴൽനാടന്റെ ആവശ്യത്തിലും വിഷയം സർക്കാർ പരിഗണനയിലാണെന്ന മുഖ്യമന്ത്രി വി.ഡി. സതീശന്റെ പരാമർശത്തിലും പ്രതികരിക്കുകയായിരുന്നു അപു ജോൺ ജോസഫ്.

താൻ ജനിച്ചുവളർന്ന ഇടുക്കി ജില്ലയുടെ ഭാഗമായി അറിയപ്പെടാനാണ് ആഗ്രഹിക്കുന്നതെന്ന് അദ്ദേഹം വ്യക്തമാക്കി. ഇടുക്കിയുടെ ഭൂമിശാസ്ത്രപരവും സാമ്പത്തികവുമായ പ്രത്യേകതകൾ പരിഗണിക്കണമെന്നും അദ്ദേഹം പറഞ്ഞു. വികസനപരമായി പിന്നാക്കം നിൽക്കുന്ന ജില്ലയായ ഇടുക്കിയുടെ 50 ശതമാനത്തിലധികം പ്രദേശം വനഭൂമിയാണ്. തൊടുപുഴ നഗരസഭയും അറക്കുളം, ഉടുമ്പന്നൂർ തുടങ്ങിയ ലോ റേഞ്ച് പ്രദേശങ്ങളും ഒഴിവാക്കിയാൽ വനവിസ്തൃതി 70 ശതമാനത്തിലധികമാകുമെന്നും അദ്ദേഹം ചൂണ്ടിക്കാട്ടി.

ഹൈറേഞ്ചിലെ നിർമ്മാണ പ്രവർത്തനങ്ങൾക്ക് വലിയ പരിമിതികളുണ്ട്. ഇടുക്കിയുടെ പ്രധാന വരുമാന സ്രോതസ്സും വാണിജ്യകേന്ദ്രവും തൊടുപുഴയും പരിസര പ്രദേശങ്ങളുമാണ്. അതിനാൽ ജില്ല വിഭജനം സംബന്ധിച്ച് സാമ്പത്തിക, ജനസംഖ്യാ, ഭൂമിശാസ്ത്രപരമായ പ്രത്യാഘാതങ്ങൾ വിശദമായി പഠിച്ച ശേഷമേ തീരുമാനമെടുക്കാവൂവെന്നും അദ്ദേഹം പറഞ്ഞു.

പുതിയ ജില്ല പ്രഖ്യാപിച്ച് പിറ്റേന്ന് തന്നെ നടപ്പാക്കാവുന്ന ലളിതമായ നടപടിയല്ല ഇതെന്നും അപു ജോൺ ജോസഫ് വ്യക്തമാക്കി. കളക്ടറേറ്റ്, എസ്.പി ഓഫീസ് തുടങ്ങിയ ഭരണസംവിധാനങ്ങൾക്കായി ഭൂമി ഏറ്റെടുക്കൽ, ജീവനക്കാരുടെ നിയമനം, അടിസ്ഥാന സൗകര്യ വികസനം തുടങ്ങിയവയ്ക്ക് സർക്കാരിന് വലിയ സാമ്പത്തിക ബാധ്യതയുണ്ടാകും.

മൂവാറ്റുപുഴ ജില്ല രൂപീകരണവുമായി ബന്ധപ്പെട്ട് നേരത്തെ പഠനം നടത്തിയ ബാബു പോൾ കമ്മീഷന്റെ കണ്ടെത്തലുകളും സംസ്ഥാനത്തിന്റെ സാമ്പത്തിക പ്രതിസന്ധിയും കണക്കിലെടുത്താണ് മുൻ സർക്കാരുകൾ പദ്ധതിയിൽ നിന്ന് പിന്മാറിയതെന്നും അദ്ദേഹം പറഞ്ഞു.

14 ജില്ലകളുമായി ഒത്തൊരുമയോടെ മുന്നോട്ടുപോകുന്ന സംസ്ഥാനത്ത് സമഗ്രമായ പഠനം നടത്തുന്നതിന് മുമ്പ് വിഷയത്തിൽ വാക്പോരിലേക്ക് കടക്കുന്നത് ശരിയായ പ്രവണതയല്ലെന്നും ചീഫ് വിപ്പ് കൂട്ടിച്ചേർത്തു.

യു.ഡി.എഫ് സർക്കാരിന്റെ കാലത്ത് ഉമ്മൻ വി. ഉമ്മൻ കമ്മിഷൻ ശുപാർശയുടെ അടിസ്ഥാനത്തിൽ 9,993.7 ചതുരശ്ര കിലോമീറ്റർ ഇ.എസ്.എയായി നിർദേശിച്ചപ്പോൾ ജനവാസ കേന്ദ്രങ്ങളും കൃഷിസ്ഥലങ്ങളും തോട്ടങ്ങളും പൂർണമായി ഒഴിവാക്കിയിരുന്നു. പിന്നീട് അഞ്ച് കരട് വിജ്ഞാപനങ്ങൾ വന്നിട്ടും ആവശ്യമായ ഭേദഗതികളും അനുബന്ധ രേഖകളും സമർപ്പിക്കാൻ എൽ.ഡി.എഫ് സർക്കാരിന് കഴിഞ്ഞില്ലെന്നും എം.പി ആരോപിച്ചു.

എല്ലാ സംസ്ഥാനങ്ങൾക്കും പ്രത്യേക അന്തിമ വിജ്ഞാപനം പുറപ്പെടുവിക്കാമെന്നതാണ് കേന്ദ്രസർക്കാരിന്റെ നിലവിലെ നയം. കേരളത്തിനായുള്ള അന്തിമ വിജ്ഞാപനം പുറപ്പെടുവിക്കാവുന്ന സാഹചര്യം സൃഷ്ടിക്കപ്പെടാതെ പോയത് കഴിഞ്ഞ സർക്കാരിന്റെ വീഴ്ചയാണെന്നും അദ്ദേഹം പറഞ്ഞു.

ഇടുക്കി ജില്ലയിൽ നേരത്തെ ഇ.എസ്.എ പരിധിയിലുണ്ടായിരുന്ന 23 വില്ലേജുകൾ പൂർണമായി ഒഴിവാക്കിയിട്ടുണ്ട്. കേന്ദ്രസംഘവുമായി ജൂലൈ 15ന് മുഖ്യമന്ത്രിതലത്തിൽ ചർച്ച നടത്തിയതായും കേന്ദ്രം ഉന്നയിച്ച ചോദ്യങ്ങൾക്ക് സംസ്ഥാന പരിസ്ഥിതി മന്ത്രാലയം മറുപടി തയാറാക്കിവരികയാണെന്നും എം.പി വ്യക്തമാക്കി. ജനവാസ കേന്ദ്രങ്ങളും കൃഷിസ്ഥലങ്ങളും തോട്ടങ്ങളും ഇ.എസ്.എ പരിധിയിൽ ഉൾപ്പെടുത്തരുതെന്നതാണ് യു.ഡി.എഫ് നിലപാടെന്നും അദ്ദേഹം പറഞ്ഞു.

മുല്ലപ്പെരിയാറിൽ ഇന്ന് സമഗ്ര സുരക്ഷാ പരിശോധന നടക്കുമെന്നും സാങ്കേതിക പരിശോധനകളുടെ അടിസ്ഥാനത്തിൽ പ്രശ്നപരിഹാരം ഉണ്ടാകണമെന്നും ഡീൻ കുര്യാക്കോസ് ആവശ്യപ്പെട്ടു. നേര്യമംഗലം–അടിമാലി ദേശീയപാത വികസനവുമായി ബന്ധപ്പെട്ട സംസ്ഥാന പരിശോധനാ റിപ്പോർട്ട് കോടതിയിൽ സമർപ്പിച്ചിട്ടുണ്ടെന്നും ഉത്തരവ് ലഭിക്കുന്ന മുറയ്ക്ക് നിർമാണം ആരംഭിക്കുമെന്നും അദ്ദേഹം അറിയിച്ചു.

ഗുണമേൻമയുള്ള ഭക്ഷ്യവസ്തുക്കൾ ജനങ്ങൾക്ക് കുറഞ്ഞ വിലയിൽ ലഭ്യമാക്കുക എന്നതാണ് സർക്കാരിന്റെ നയവും നിലപാടുമെന്നും മന്ത്രി പറഞ്ഞു. ഇത്തവണത്തെ ഓണവിപണിയിലും ഈ നയം ഫലപ്രദമായി നടപ്പാക്കാൻ കഴിഞ്ഞു.

ഓണക്കാലത്ത് ഏത് ബിവറേജസ് ഔട്ട്‌ലെറ്റിലാണ് കൂടുതൽ കച്ചവടം നടന്നതെന്ന കൗതുകവാർത്തകൾക്കപ്പുറം, ഏത് സപ്ലൈകോ ഔട്ട്‌ലെറ്റിലാണ് കൂടുതൽ കച്ചവടം നടന്നത് എന്ന ഗൗരവമായ അന്വേഷണമാണ് ഇത്തവണ ഉണ്ടായതെന്നും മന്ത്രി പറഞ്ഞു. ജനങ്ങൾക്ക് ആശ്വാസകരമായ വിലയിൽ അവശ്യസാധനങ്ങൾ ലഭ്യമാക്കുന്നതിൽ സർക്കാർ സംവിധാനങ്ങൾ നിർണായക ഇടപെടലാണ് നടത്തിയതെന്നും അദ്ദേഹം വ്യക്തമാക്കി.

റോയ് കെ. പൗലോസ് എം.എൽ.എ അധ്യക്ഷത വഹിച്ചു. ജില്ലാ കളക്ടർ ഡോ. ദിനേശൻ ചെറുവാട്ട്, ഇടുക്കി ബ്ലോക്ക് പഞ്ചായത്ത് പ്രസിഡന്റ് സാന്ദ്രമോൾ ജിന്നി, വാഴത്തോപ്പ് ഗ്രാമപഞ്ചായത്ത് പ്രസിഡന്റ് ആൻസി തോമസ്, കാമാക്ഷി പഞ്ചായത്ത് പ്രസിഡന്റ് ബിജു നെടുംചേരി, വാത്തിക്കുടി പഞ്ചായത്ത് പ്രസിഡന്റ് വിനോദ് ജോസഫ്, കഞ്ഞിക്കുഴി പഞ്ചായത്ത് പ്രസിഡന്റ് കോമളം മോഹൻദാസ്, മരിയാപുരം പഞ്ചായത്ത് പ്രസിഡന്റ് ജിപ്സി ജിമ്മി എന്നിവർ പങ്കെടുത്തു.

ഇടുക്കി ബ്ലോക്ക് പഞ്ചായത്ത് വൈസ് പ്രസിഡന്റ് എ.പി. ഉസ്മാൻ, ജില്ലാ പഞ്ചായത്ത് ആസൂത്രണസമിതി ഉപാധ്യക്ഷൻ എം.ഡി. അർജുനൻ, ജില്ലാ പഞ്ചായത്ത് പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാൻ ഫ്രാൻസിസ് അറക്കപ്പറമ്പിൽ, വാഴത്തോപ്പ് പഞ്ചായത്ത് വൈസ് പ്രസിഡന്റ് സെലിൻ വിൽസൺ, എ.ഡി.എം മിനി കെ. ജോൺ, വിവിധ തദ്ദേശ സ്വയംഭരണ സ്ഥാപനങ്ങളിലെ അംഗങ്ങൾ, രാഷ്ട്രീയപാർട്ടി പ്രതിനിധികൾ, വ്യാപാരി-വ്യവസായി സംഘടനാ പ്രതിനിധികൾ, സംഘാടകസമിതി ഭാരവാഹികൾ തുടങ്ങിയവരും ചടങ്ങിൽ പങ്കെടുത്തു.

തൊടുപുഴ ബ്ലോക്ക് പഞ്ചായത്ത് പ്രസിഡന്റ് മുഹമ്മദ് അൻഷാദ് ചാമ്പ്യൻഷിപ്പ് ഫ്ലാഗ് ഓഫ് ചെയ്തു. കരിങ്കുന്നം ഗ്രാമപഞ്ചായത്ത് പ്രസിഡന്റ് ഷൈനി ജോമോൻ അധ്യക്ഷത വഹിച്ചു. സ്പോർട്സ് കൗൺസിൽ സെക്രട്ടറി ഇൻചാർജ് ദീപ്തി മരിയ ജോസ് കായികദിനാചരണ പ്രതിജ്ഞയ്ക്ക് നേതൃത്വം നൽകി.

ജില്ലാ സൈക്ലിംഗ് അസോസിയേഷൻ പ്രസിഡന്റ് അഡ്വ. ജോർലി കുര്യൻ, ദേശീയ കായികവേദി ജില്ലാ പ്രസിഡന്റ് എൻ. രവീന്ദ്രൻ, സ്പോർട്സ് കൗൺസിൽ അംഗം പി.കെ. രാജേന്ദ്രൻ എന്നിവർ ആശംസകൾ നേർന്നു.

ഡോ. അരുണ്‍ രാജേന്ദ്രൻ (ആയുർവേദം) നേതൃത്വം നൽകിയ മെഡിക്കൽ ടീമിന്റെ സേവനവും മത്സരത്തിൽ ലഭ്യമായിരുന്നു.ജില്ലാ സെക്രട്ടറി എ.പി. മുഹമ്മദ് ബഷീർ സ്വാഗതവും കെ.എം. അസീസ് നന്ദിയും പറഞ്ഞു.

ഇന്ന് മുതൽ അഞ്ചാം തീയതി വരെയും ഏഴാം തീയതിയും വൈകിട്ട് 4.45ന് ജപമാലയും തുടർന്ന് വിശുദ്ധ കുർബാനയും നടക്കും. ആറിന് വൈകിട്ട് 4.30ന് ജപമാലയും വിശുദ്ധ കുർബാനയും ഉണ്ടായിരിക്കും.

വിവിധ ദിവസങ്ങളിലെ തിരുക്കർമങ്ങൾക്ക് ഫാ. ജോസഫ് പള്ളിക്കൽ, ഫാ. സിറിയക്ക് കാഞ്ഞിരത്തുംമൂട്ടിൽ, ഫാ. യോഹന്നാൻ കട്ടത്തറ, ഫാ. ജോൺ പടിഞ്ഞാറേവീട് സി.എം.ഐ, ഫാ. സിറിൽ കളരിക്കൽ, ഫാ. വിൽസൺ ചാവറ സി.എം.ഐ, ഫാ. ആന്റണി മണക്കുന്നേൽ എന്നിവർ കാർമികത്വം വഹിക്കും.

ഏഴിന് വിശുദ്ധ കുർബാനയ്ക്കുശേഷം സ്കൂൾ ഗ്രോട്ടോയിലേക്ക് ആഘോഷമായ ജപമാല പ്രദക്ഷിണം നടക്കും.

പ്രധാന തിരുനാൾ ദിനമായ എട്ടിന് വൈകിട്ട് അഞ്ചിന് വിശുദ്ധ കുർബാനയും പ്രസംഗവും നടക്കും. ഫാ. മാത്യു കാവനാട്ട് പ്രസംഗിക്കും. തുടർന്ന് പള്ളി ചുറ്റി പ്രദക്ഷിണവും കൊടിയിറക്കവും നടക്കും.

കത്തീഡ്രലിൽ രാവിലെ 7.30ന് പ്രഭാത പ്രാർഥനയും 8.30ന് വിശുദ്ധ മൂന്നിന്മേൽ കുർബാനയും നടക്കും. കുർബാനയ്ക്ക് കോട്ടയം ഭദ്രാസനാധിപൻ ഡോ. തോമസ് മോർ തീമോത്തിയോസ് മുഖ്യകാർമികത്വം വഹിക്കും. കാലം ചെയ്ത ബസേലിയോസ് പൗലോസ് ദ്വിതീയൻ ബാവായുടെ ദുഃഖറോനോ പെരുന്നാൾ കുർബാന മധ്യേ ആചരിക്കും.

രാവിലെ 11ന് തോമസ് മോർ അലക്സന്ത്രയോസ് പ്രസംഗിക്കും. ഉച്ചയ്ക്ക് 12ന് മധ്യാഹ്ന പ്രാർഥന നടക്കും. ഉച്ചകഴിഞ്ഞ് രണ്ടിന് കൊടിമരഘോഷയാത്രയും 2.30ന് ഫാ. സഖറിയാ വിനു വാക്യത്തറയുടെ പ്രസംഗവും നടക്കും. വൈകിട്ട് 4.30ന് കൊടിമരം ഉയർത്തും. അഞ്ചിന് സന്ധ്യാപ്രാർഥനയും 6.30ന് ധ്യാനവും നടക്കും. കോട്ടയം ഭദ്രാസന വൈദിക ഗോസ്പൽ ടീം ധ്യാനത്തിന് നേതൃത്വം നൽകും.

തീർഥാടകർക്ക് മെഡിക്കൽ സഹായവുമായി അഭയം ഹെൽപ്പ് ഡെസ്ക്

എട്ടുനോമ്പ് പെരുന്നാളിനെത്തുന്ന തീർഥാടകർക്ക് മെഡിക്കൽ സഹായം ഉറപ്പാക്കുന്നതിനായി അഭയം ഹെൽപ്പ് ഡെസ്ക് പ്രവർത്തനം ആരംഭിച്ചു. ജില്ലാ ഉപദേശക സമിതി ചെയർമാൻ വി.എൻ. വാസവൻ ഉദ്ഘാടനം ചെയ്തു. ആംബുലൻസ് ഉൾപ്പെടെയുള്ള സൗകര്യങ്ങൾ ഹെൽപ്പ് ഡെസ്കിൽ ലഭ്യമാണ്.

അഭയം സെക്രട്ടറി എബ്രഹാം തോമസ്, ഗവേണിംഗ് ബോഡി അംഗം ആർ.എ.എൻ. റെഡ്യാർ, ഫാ. ലിറ്റു മാത്യു തണ്ടാശേരിൽ, ഡോ. സി.എസ്. കേശവൻ, എം.കെ. പ്രസന്നൻ, കെ.സി. ബിജു, എൻ. അനിൽകുമാർ, എം.എൻ. ഗോപകുമാർ, അനീഷ് അന്ത്രയോസ്, സി.എം. മനോജ്, അജയ് മോഹൻ എന്നിവർ പങ്കെടുത്തു.

ലഹരിവിരുദ്ധ പരിശോധനയുടെ ഭാഗമായി ലഭിച്ച രഹസ്യവിവരത്തെ തുടർന്ന് കോട്ടയം നാർക്കോട്ടിക് സെല്ലും കടുത്തുരുത്തി പൊലീസും സംയുക്തമായി നടത്തിയ പരിശോധനയിലാണ് ലഹരി വസ്തുക്കൾ പിടികൂടിയത്.

ഞീഴൂർ വിശ്വഭാരതി സ്കൂൾ ജംഗ്ഷന് സമീപത്തെ അഖിൽദാസിന്റെ വീട്ടിൽ നടത്തിയ പരിശോധനയിൽ 15 ഗ്രാം കഞ്ചാവ്, 6 ഗ്രാം ഹഷീഷ്, 7 ഗ്രാം എംഡിഎംഎ എന്നിവ കണ്ടെത്തി. ഇന്നലെ വൈകിട്ട് ആറോടെ വീട് വളഞ്ഞാണ് പൊലീസ് അഖിൽദാസിനെ ലഹരി വസ്തുക്കൾ ഉൾപ്പെടെ പിടികൂടിയത്.

അഖിൽദാസിനെ മുമ്പും ലഹരി വസ്തുക്കളുമായി പിടികൂടിയിട്ടുണ്ടെന്ന് പൊലീസ് അറിയിച്ചു. സംഭവത്തിൽ കൂടുതൽ അന്വേഷണം തുടരുകയാണ്.

2005ൽ അർജന്റീന കുപ്പായത്തിൽ അരങ്ങേറ്റം കുറിച്ച മെസ്സി, 21 വർഷത്തെ യാത്രയ്ക്കൊടുവിലാണ് ദേശീയ ടീമിനോട് വിടപറയുന്നത്. അർജന്റീനയ്ക്കായി ഏറ്റവും കൂടുതൽ മത്സരങ്ങൾ കളിച്ച താരവും ഏറ്റവും കൂടുതൽ ഗോളുകൾ നേടിയ താരവുമായാണ് 39-കാരനായ മെസ്സി പടിയിറങ്ങുന്നത്. 207 മത്സരങ്ങളിൽ നിന്ന് 125 ഗോളുകളാണ് താരത്തിന്റെ അന്താരാഷ്ട്ര സമ്പാദ്യം.

ലോകകപ്പ് ഫൈനലിൽ അവസാന അധ്യായം

മെസ്സിയുടെ അർജന്റീന കുപ്പായത്തിലെ അവസാന മത്സരം 2026 ഫിഫ ലോകകപ്പ് ഫൈനലായിരുന്നു. ന്യൂയോർക്ക്–ന്യൂജേഴ്സിയിൽ നടന്ന കലാശപ്പോരാട്ടത്തിൽ നിലവിലെ ചാമ്പ്യന്മാരായ അർജന്റീനയെ സ്പെയിൻ അധികസമയത്ത് 1-0ന് കീഴടക്കി ലോകകിരീടം സ്വന്തമാക്കി.

90 മിനിറ്റിലും ഗോൾരഹിതമായിരുന്ന മത്സരത്തിൽ 106-ാം മിനിറ്റിൽ ഫെറാൻ ടോറസ് നേടിയ ഗോളാണ് സ്പെയിന് കിരീടം സമ്മാനിച്ചത്.

ലോകകപ്പ് ഫൈനലിലെ തോൽവിയോടെ കണ്ണീരിലായ അർജന്റീനയ്ക്കൊപ്പം മെസ്സിയുടെ ദേശീയ ടീം യാത്രയും അവസാനിക്കുകയായിരുന്നു. എന്നാൽ, ആ മത്സരത്തോടെ മറ്റൊരു ചരിത്ര നേട്ടവും മെസ്സിയുടെ പേരിലായി. ആറാം ലോകകപ്പിൽ കളിച്ച അദ്ദേഹം ലോകകപ്പ് മത്സരങ്ങളുടെ എണ്ണം 34 ആയി ഉയർത്തി. 39 വയസും 25 ദിവസവും പ്രായമുള്ളപ്പോൾ ലോകകപ്പ് ഫൈനലിൽ കളിച്ച മെസ്സി, ഫൈനലിൽ കളിച്ച ഏറ്റവും പ്രായം കൂടിയ ഫീൽഡ് താരമെന്ന റെക്കോർഡും സ്വന്തമാക്കി.

വിമർശനങ്ങളിൽ നിന്ന് ലോകകിരീടത്തിലേക്ക്

അർജന്റീന കുപ്പായത്തിൽ മെസ്സിയുടെ യാത്ര എല്ലായ്പ്പോഴും എളുപ്പമായിരുന്നില്ല. 2007 കോപ്പ അമേരിക്ക ഫൈനലിലെ തോൽവി മുതൽ 2014 ലോകകപ്പ് ഫൈനലിലെ പരാജയം, 2015, 2016 കോപ്പ അമേരിക്ക ഫൈനലുകളിലെ നിരാശ—തുടർച്ചയായ പരാജയങ്ങൾ മെസ്സിയെ കടുത്ത വിമർശനങ്ങൾക്ക് വിധേയനാക്കിയിരുന്നു.

എന്നാൽ 2021 കോപ്പ അമേരിക്ക കിരീടത്തിലൂടെ മെസ്സി അർജന്റീനയ്ക്കായി ആദ്യ പ്രധാന സീനിയർ അന്താരാഷ്ട്ര കിരീടം സ്വന്തമാക്കി. പിന്നാലെ 2022ൽ ഫൈനലിസീമയും, അതേ വർഷം ഖത്തർ ലോകകപ്പിൽ അർജന്റീനയെ ലോകചാമ്പ്യന്മാരാക്കിയും മെസ്സി തന്റെ വിമർശകർക്ക് മറുപടി നൽകി.

2024ൽ വീണ്ടും കോപ്പ അമേരിക്ക കിരീടം നേടിയതോടെ അർജന്റീനയുടെ സുവർണ തലമുറയുടെ നായകനെന്ന നിലയിൽ മെസ്സിയുടെ സ്ഥാനം കൂടുതൽ ഉറപ്പിച്ചു.

മെസ്സിയുടെ അന്താരാഷ്ട്ര റെക്കോർഡുകൾ

അർജന്റീനയ്ക്കായി:

• മത്സരങ്ങൾ – 207

• ഗോളുകൾ – 125

• ലോകകപ്പ് മത്സരങ്ങൾ – 34

• ലോകകപ്പ് പങ്കാളിത്തം – 6

• ലോകകപ്പ് കിരീടം – 2022

• കോപ്പ അമേരിക്ക – 2021, 2024

• ഫൈനലിസീമ – 2022

• ഒളിമ്പിക്സ് സ്വർണം – 2008

അർജന്റീനയുടെ ചരിത്രത്തിലെ ഏറ്റവും കൂടുതൽ മത്സരങ്ങൾ കളിച്ച താരവും ഏറ്റവും കൂടുതൽ ഗോളുകൾ നേടിയ താരവും മെസ്സിയാണ്. ആറ് ലോകകപ്പുകളിൽ പങ്കെടുത്ത അദ്ദേഹം ലോകകപ്പ് ചരിത്രത്തിലും നിരവധി റെക്കോർഡുകൾ സ്വന്തമാക്കി.

ഇനി മെസ്സി ഇന്റർ മയാമിയിൽ

അർജന്റീനയുടെ നീലയും വെള്ളയും ജേഴ്സിയിൽ ഇനി മെസ്സിയെ കാണാനാകില്ലെങ്കിലും ഫുട്ബോളിനോട് താരം പൂർണമായി വിടപറയുന്നില്ല. ക്ലബ്ബ് ഫുട്ബോളിൽ അമേരിക്കൻ മേജർ ലീഗ് സോക്കർ ക്ലബ്ബായ ഇന്റർ മയാമിക്ക് വേണ്ടി മെസ്സി തുടർന്നും കളിക്കും.

39-ാം വയസ്സിലും MLS-ൽ മികച്ച പ്രകടനം തുടരുന്ന മെസ്സി ഓഗസ്റ്റ് 30-ന് CF മോൺട്രിയലിനെതിരെ ഇന്റർ മയാമിയുടെ 7-1 വിജയത്തിൽ നാല് ഗോളുകളും ഒരു അസിസ്റ്റും നേടി ശ്രദ്ധേയ പ്രകടനം നടത്തിയിരുന്നു. ഈ സീസണിൽ MLS-ൽ 18 ഗോളുകളുമായി താരം മുന്നിലാണ്.

ഒരു യുഗത്തിന്റെ അവസാനം

അർജന്റീന ദേശീയ ടീമിനൊപ്പം കിരീടങ്ങളും കണ്ണീരും വിമർശനങ്ങളും ചരിത്രനേട്ടങ്ങളും പിന്നിട്ട് മെസ്സി പടിയിറങ്ങുമ്പോൾ അവസാനിക്കുന്നത് ഒരു കളിക്കാരന്റെ മാത്രം യാത്രയല്ല; ഫുട്ബോൾ ചരിത്രത്തിലെ ഒരു മഹത്തായ അധ്യായമാണ്.

ലോകകപ്പ് കിരീടം, കോപ്പ അമേരിക്ക കിരീടങ്ങൾ, ഫൈനലിസീമ, ഒളിമ്പിക്സ് സ്വർണം—ദേശീയ ടീമിനൊപ്പം സ്വന്തമാക്കാനാകുന്ന പ്രധാന നേട്ടങ്ങളിലേറെയും സ്വന്തമാക്കിയ ശേഷമാണ് മെസ്സി അർജന്റീന ജേഴ്സി അഴിച്ചുവയ്ക്കുന്നത്.

അർജന്റീനയ്ക്കായി 207 മത്സരങ്ങൾ, 125 ഗോളുകൾ, ആറ് ലോകകപ്പുകൾ, അനവധി റെക്കോർഡുകൾ...

മെസ്സി പടിയിറങ്ങുന്നു. പക്ഷേ, അർജന്റീനയുടെ നീലയും വെള്ളയും ജേഴ്സിയിൽ അദ്ദേഹം കുറിച്ച ചരിത്രം ഇനി മായാത്ത ഓർമ്മയായി തുടരും.

പരിസ്ഥിതി സൗഹൃദ പ്രവർത്തനങ്ങൾക്ക് കഴിഞ്ഞ ഒന്നര പതിറ്റാണ്ടായി നേതൃത്വം നൽകിവരുന്ന എൻജിഒയാണ് ഇല നേച്ചർ ഫൗണ്ടേഷൻ. ഇലയുടെ ജില്ലാ കമ്മിറ്റിയുടെ നേതൃത്വത്തിലായിരുന്നു ഓണാഘോഷ പരിപാടികൾ സംഘടിപ്പിച്ചത്.

ഇല ജില്ലാ പ്രസിഡന്റ് ദീപാമോൾ പി.ഡി. അധ്യക്ഷത വഹിച്ച യോഗം ഇല എക്സിക്യൂട്ടീവ് കമ്മിറ്റി അംഗം ജയേഷ് ബാലചന്ദ്രൻ ഉദ്ഘാടനം ചെയ്തു. ഇല സംസ്ഥാന ചെയർമാൻ സജിദാസ് മോഹൻ മുഖ്യാതിഥിയായി.

ഓണം നറുക്കെടുപ്പ് സംസ്ഥാന വൈസ് ചെയർമാൻ അജിത്ത് കെ.സി. നിർവഹിച്ചു. സംസ്ഥാന കമ്മിറ്റി അംഗം അഡ്വ. സീമ പ്രമോദ് ഓണസന്ദേശം നൽകി.

ജില്ലാ സെക്രട്ടറി ഷിജു ഇ.എം. പ്രവർത്തന റിപ്പോർട്ട് അവതരിപ്പിച്ചു. ജില്ലാ ട്രഷറർ അജീഷ്  കണക്ക് അവതരിപ്പിച്ചു.

 പരിപാടിയുടെ ഭാഗമായി,അംഗങ്ങൾക്കായി നിരവധി മത്സരങ്ങളും അരങ്ങേറി.

സംസ്ഥാന കോർഡിനേറ്റർ പ്രിൻസ് മറ്റപ്പള്ളി, ജില്ലാ വൈസ് പ്രസിഡന്റ് ശ്രീകാന്ത് എൻ.എസ്., ജോയിന്റ് സെക്രട്ടറിമാരായ സെബാസ്റ്റ്യൻ, ബേസിൽ ജോയ്, സംസ്ഥാന കമ്മിറ്റി അംഗങ്ങളായ , ബെൻസി ജോൺ, സതീഷ് ചന്ദ്രൻ, ബിജു മറ്റപ്പള്ളി തുടങ്ങിയവർ സംസാരിച്ചു. പരിപാടികൾക്ക്, ഷീനാമോൾ, ആനന്തൻ, മോൻസി മാമൂട്ടിൽ, ലക്ഷ്മി പ്രമോദ്, തുടങ്ങിയവർ  നേതൃതം നൽകി.

പരിസ്ഥിതി സംരക്ഷണം, പ്രകൃതി സൗഹൃദ ജീവിതരീതി, സാമൂഹിക പ്രതിബദ്ധത എന്നിവ മുൻനിർത്തിയുള്ള വിവിധ പ്രവർത്തനങ്ങൾ കൂടുതൽ ശക്തമാക്കുന്നതിനുള്ള പദ്ധതികളും ചടങ്ങിൽ അവതരിപ്പിച്ചു.

പുതിയ ഭരണസമിതിയിലേക്ക് പയസ് കുട്ടി ജോൺ, ജിജോ മാത്യു, എം.എൻ. മധു, ജോജി ജോസഫ്, കെ.ടി. ബിജോ മോൻ, മാത്യു കെ.ജെ., റെജി ചാക്കോ, സി.എം. മത്തായി, ടോമിച്ചൻ കെ.എം., ബെന്നി സി.പി. എന്നിവരെയും കമ്മിറ്റി അംഗങ്ങളായി തെരഞ്ഞെടുത്തു.

സംഘടനയുടെ പ്രവർത്തനങ്ങൾക്ക് കൂടുതൽ ഊർജവും ഏകോപനവും നൽകുന്നതിനൊപ്പം അംഗങ്ങളുടെ ക്ഷേമത്തിനും സംഘടനയുടെ വളർച്ചയ്ക്കും മുൻഗണന നൽകി പ്രവർത്തിക്കുമെന്ന് പുതിയ നേതൃത്വം വ്യക്തമാക്കി.കെ.വൈ. മാത്യുവിന്റെ നേതൃത്വത്തിൽ HMTA പുതിയ മുന്നേറ്റങ്ങളിലേക്ക് എന്ന പ്രതീക്ഷയിലാണ് അംഗങ്ങൾ.

പാലാ നഗരത്തിലെ വിവിധ വ്യാപാര സ്ഥാപനങ്ങളിലും മോഷണം നടന്നതായി റിപ്പോർട്ടുണ്ട്. കിടങ്ങൂർ റോഡിലെ ഒരു വ്യാപാര സ്ഥാപനത്തിലും റിവർവ്യൂ റോഡിലെ രണ്ട് വസ്ത്ര വ്യാപാരശാലകളിലുമാണ് മോഷണം നടന്നത്. വിവിധ സ്ഥാപനങ്ങളിൽ നിന്നായി ഏകദേശം അഞ്ച് ലക്ഷത്തോളം രൂപയുടെ നഷ്ടമുണ്ടായതായാണ് പ്രാഥമിക വിവരം.

തിങ്കളാഴ്ച രാവിലെ കടകൾ തുറക്കാനെത്തിയ ജീവനക്കാരാണ് ഷട്ടറുകളുടെയും പൂട്ടുകളുടെയും കേടുപാടുകൾ ശ്രദ്ധയിൽപ്പെട്ടത്. തുടർന്ന് നടത്തിയ പരിശോധനയിലാണ് മോഷണം നടന്ന വിവരം പുറത്തറിയുന്നത്. പണം ഉൾപ്പെടെയുള്ള വിലപിടിപ്പുള്ള വസ്തുക്കൾ നഷ്ടപ്പെട്ടിട്ടുണ്ടെന്നാണ് പ്രാഥമിക വിലയിരുത്തൽ. കൃത്യമായ നഷ്ടം കണക്കാക്കുന്നതിനുള്ള പരിശോധന തുടരുകയാണ്.

സംഭവമറിഞ്ഞ് പാലാ പൊലീസ് സ്ഥലത്തെത്തി തെളിവുകൾ ശേഖരിച്ചു. സമീപത്തെ സ്ഥാപനങ്ങളിലെയും റോഡുകളിലെയും സിസിടിവി ദൃശ്യങ്ങൾ പരിശോധിച്ച് പ്രതികളെ കണ്ടെത്താനുള്ള ശ്രമം ആരംഭിച്ചിട്ടുണ്ട്. വിവിധ മോഷണ സംഭവങ്ങൾ തമ്മിൽ ബന്ധമുണ്ടോയെന്നും പൊലീസ് പരിശോധിച്ചുവരികയാണ്.മുത്തോലിയിലെ വീട്ടിൽ നിന്ന് 23 പവൻ സ്വർണം കവർന്ന സംഭവവും നഗരത്തിലെ വ്യാപാര സ്ഥാപനങ്ങളിലെ മോഷണങ്ങളും ഒരേ സംഘത്തിന്റെ പ്രവർത്തനമാണോയെന്നതടക്കമുള്ള കാര്യങ്ങളും അന്വേഷണത്തിന്റെ ഭാഗമായി പരിശോധിക്കുന്നുണ്ട്.

‘ക്ലീൻ ഏലപ്പാറ’ പദ്ധതിയുടെ ആദ്യഘട്ടം പീരുമേട് എംഎൽഎ സിറിയക് തോമസ് ഉദ്ഘാടനം ചെയ്തു. മാലിന്യങ്ങൾ ശേഖരിച്ച് വിവിധ വിഭാഗങ്ങളായി തരംതിരിക്കുന്ന പ്രവർത്തനങ്ങൾ പഞ്ചായത്തിന്റെ നേതൃത്വത്തിൽ പുരോഗമിക്കുകയാണ്.

തരംതിരിച്ച മാലിന്യങ്ങൾ പഞ്ചായത്തുമായി കരാറിലേർപ്പെട്ട വാസ്‌കോ കമ്പനി കയറ്റിക്കൊണ്ടുപോകും. നിലവിൽ ശേഖരിച്ചിട്ടുള്ള മാലിന്യങ്ങൾ 15 ദിവസത്തിനകം ഇവിടെനിന്ന് പൂർണമായും നീക്കം ചെയ്യാനാണ് തീരുമാനം.

വിനോദസഞ്ചാരികളുടെ പ്രധാന ആകർഷണകേന്ദ്രമായ വാഗമൺ ഉൾപ്പെടുന്ന പഞ്ചായത്താണ് ഏലപ്പാറ. ദിവസേന വലിയ തോതിൽ മാലിന്യം കുമിഞ്ഞുകൂടുന്ന സാഹചര്യത്തിൽ പദ്ധതി പൂർണതോതിൽ നടപ്പാകുന്നതോടെ വാഗമണിന്റെയും ഏലപ്പാറയുടെയും മുഖച്ഛായ മാറുമെന്നാണ് പ്രതീക്ഷ

പൊതുഅവധി അല്ലാത്ത തിങ്കൾ, ബുധൻ, വെള്ളി ദിവസങ്ങളിൽ വൈകിട്ട് 3 മുതൽ 5.30 വരെ സന്ദർശകർക്ക് മുഖ്യമന്ത്രിയെ കാണാം. ഈ ദിവസങ്ങളിൽ പ്രായമായവർ, ഭിന്നശേഷിക്കാർ, ശാരീരിക അവശതകളുള്ളവർ എന്നിവരെ സെക്രട്ടേറിയറ്റ് വളപ്പിലെ പരാതി പരിഹാര സെല്ലിൽ മുഖ്യമന്ത്രി നേരിട്ട് കാണും. ഇതിന് ശേഷമായിരിക്കും മുഖ്യമന്ത്രി ഓഫീസിൽ സന്ദർശകരെ കാണുക.

മുൻകൂട്ടി അപ്പോയിന്റ്മെന്റ് എടുത്തിട്ടുള്ളവർക്കും ഈ സമയത്ത് ഓഫീസിലെത്തി മുഖ്യമന്ത്രിയെ കാണാൻ സൗകര്യമുണ്ടാകും. മറ്റു ജില്ലകളിൽ നിന്ന് എത്തുന്നവർക്ക് വേഗത്തിൽ മുഖ്യമന്ത്രിയെ കണ്ട് പരാതി നൽകുന്നതിനും തിരക്ക് ഒഴിവാക്കുന്നതിനുമാണ് പുതിയ ക്രമീകരണമെന്ന് മുഖ്യമന്ത്രിയുടെ ഓഫീസ് അറിയിച്ചു.

മുഖ്യമന്ത്രി സെക്രട്ടേറിയറ്റിൽ ഇല്ലാത്ത ദിവസങ്ങളിലും പരാതി പരിഹാര സെല്ലിൽ പൊതുജനങ്ങൾക്ക് നേരിട്ട് പരാതികൾ നൽകാം. ഇതിനായി വൈകിട്ട് 3 മുതൽ 5 വരെ പ്രത്യേകം നിയോഗിക്കപ്പെട്ട ഉദ്യോഗസ്ഥർ പരാതികൾ സ്വീകരിക്കും.

തൊടുപുഴ ഡിവൈഎസ്‌പിയുടെ നേതൃത്വത്തിൽ നടത്തിയ പ്രത്യേക പരിശോധനയിലാണ് ഡ്രൈവർമാർ മദ്യപിച്ച് വാഹനമോടിച്ചതായി കണ്ടെത്തിയത്.

യാത്രക്കാരുടെ സുരക്ഷ മുൻനിർത്തി മദ്യപിച്ച് വാഹനമോടിക്കുന്നവർക്കെതിരെ പരിശോധനയും നടപടികളും ശക്തമാക്കുന്നതിന്റെ ഭാഗമായാണ് പ്രത്യേക ഡ്രൈവ് നടത്തിയത്.

തിരുവനന്തപുരം കോളേജ് ഓഫ് എൻജിനീയറിങ്ങിൽ നിന്ന് ബിരുദം നേടിയ ശേഷമാണ് ഷെഫിൻ അഹമ്മദ് സിവിൽ സർവീസിൽ പ്രവേശിച്ചത്. ഐപിഎസ് നേടി ഒഡീഷ കേഡറിൽ സേവനം ആരംഭിച്ച അദ്ദേഹം കരിയറിന്റെ തുടക്കം മുതൽ സൈബർ സുരക്ഷ ഉൾപ്പെടെയുള്ള മേഖലകളിൽ ശ്രദ്ധേയമായ പ്രവർത്തനങ്ങൾ നടത്തി. വിവിധ പുരസ്കാരങ്ങളും അംഗീകാരങ്ങളും അദ്ദേഹത്തെ തേടിയെത്തി.

ഡെപ്യൂട്ടേഷൻ വ്യവസ്ഥയിൽ കേരളത്തിൽ പ്രവർത്തിച്ച കാലയളവിലാണ് ഷെഫിൻ അഹമ്മദിലെ ജനകീയനായ ഭരണാധികാരിയെ കേരളം അടുത്തറിഞ്ഞത്. യുഡിഎഫ് ഭരണകാലത്ത് തിരുവനന്തപുരം റൂറൽ എസ്‌പിയായിരിക്കെ ക്രമസമാധാന പാലനത്തിലും ഭരണനിർവഹണത്തിലും അദ്ദേഹം നടത്തിയ ഇടപെടലുകൾ ഏറെ ശ്രദ്ധിക്കപ്പെട്ടു. ഭരണപക്ഷത്തോടും പ്രതിപക്ഷത്തോടും ഒരുപോലെ സൗഹൃദപരമായ ബന്ധം പുലർത്തിയിരുന്ന ഉദ്യോഗസ്ഥനെന്ന നിലയിലും അദ്ദേഹം ശ്രദ്ധേയനായിരുന്നു.

പോലീസ് ആസ്ഥാനത്ത് എഐജിയായും ആംഡ് പൊലീസ് വിഭാഗത്തിന്റെ ഡിഐജിയായും ഉൾപ്പെടെ വിവിധ ചുമതലകൾ കേരളത്തിൽ അദ്ദേഹം വഹിച്ചു. കേരള പൊലീസിന്റെ ആധുനികവൽക്കരണവുമായി ബന്ധപ്പെട്ട നിരവധി പ്രവർത്തനങ്ങളിലും അദ്ദേഹം നിർണായക പങ്കുവഹിച്ചു.

ഉന്നത പദവികളിൽ എത്തിയപ്പോഴും ഔദ്യോഗിക പ്രൗഢിയിൽ നിന്ന് അകന്ന് സാധാരണക്കാരനായി ജീവിച്ചിരുന്ന അദ്ദേഹത്തിന്റെ ലാളിത്യം സഹപ്രവർത്തകർക്കിടയിലും ഏറെ പ്രശംസിക്കപ്പെട്ടിരുന്നു. കീഴുദ്യോഗസ്ഥരോട് കാണിച്ചിരുന്ന വിനയവും കരുതലും വ്യക്തമാക്കുന്ന നിരവധി സംഭവങ്ങളും അദ്ദേഹത്തിന്റെ ഔദ്യോഗിക ജീവിതത്തിലുണ്ടായിരുന്നു.

പൊലീസുകാരുടെ കടമയ്ക്ക് കൈയടി

ഡിഐജി ആയിരിക്കെ തിരുവനന്തപുരം തകരപ്പറമ്പിൽ നടന്ന സംഭവമാണ് ഷെഫിൻ അഹമ്മദിന്റെ വ്യക്തിത്വത്തിന്റെ മറ്റൊരു ഉദാഹരണമായി ചൂണ്ടിക്കാണിക്കപ്പെടുന്നത്. അർധരാത്രി പട്രോളിങ് നടത്തുകയായിരുന്ന പൊലീസ് സംഘം അദ്ദേഹത്തിന്റെ സ്വകാര്യ വാഹനം തടഞ്ഞുനിർത്തി പരിശോധന നടത്തി.

വാഹനത്തിനുള്ളിൽ പരിശോധിച്ച ശേഷം മദ്യപിച്ചിട്ടുണ്ടോയെന്ന് ഉറപ്പാക്കാൻ ബ്രീത്ത് അനലൈസറിൽ ഊതാനും പൊലീസുകാർ ആവശ്യപ്പെട്ടു. മുന്നിൽ നിൽക്കുന്നത് ഡിഐജിയാണെന്ന് അറിയാതെയായിരുന്നു പൊലീസുകാരുടെ പരിശോധന. പരിശോധന പൂർത്തിയാക്കി വാഹനം വിട്ടയച്ചതിന് പിന്നാലെയാണ് ഉദ്യോഗസ്ഥർക്ക് തങ്ങൾ പരിശോധിച്ചത് ഒരു ഉന്നത പൊലീസ് ഉദ്യോഗസ്ഥന്റെ വാഹനമാണെന്ന് മനസ്സിലായത്.

കടമ നിർവഹിക്കുന്നതിൽ പൊലീസുകാർ പുലർത്തിയ ആത്മാർഥതയും വിനയവും ശ്രദ്ധിച്ച ഷെഫിൻ അഹമ്മദ് അവരെ അഭിനന്ദിക്കുകയും ക്യാഷ് അവാർഡ് നൽകുകയും ചെയ്തു. വഞ്ചിയൂർ പൊലീസ് സ്റ്റേഷനിലെ ഉദ്യോഗസ്ഥരായ ജയകുമാർ, അജിത് കുമാർ, അനിൽ കുമാർ എന്നിവർക്ക് 500 രൂപ വീതമാണ് ക്യാഷ് അവാർഡ് പ്രഖ്യാപിച്ചത്. സംഭവത്തോടെ ഷെഫിൻ അഹമ്മദിന്റെ ലാളിത്യവും കീഴുദ്യോഗസ്ഥരോടുള്ള സമീപനവും വീണ്ടും പൊതുചർച്ചയായി.

കേരളത്തിൽ തുടരാൻ ശ്രമം

ഡെപ്യൂട്ടേഷൻ കാലാവധി പൂർത്തിയായതിന് ശേഷം കേരളത്തിൽ തുടരുന്നതിനായി കേഡർ മാറ്റത്തിന് ഷെഫിൻ അഹമ്മദ് ശ്രമിച്ചിരുന്നതായും റിപ്പോർട്ടുകളുണ്ടായിരുന്നു. കേരളത്തിൽ അദ്ദേഹത്തിന്റെ സേവനം തുടരേണ്ടതിന്റെ ആവശ്യകത ചൂണ്ടിക്കാട്ടി സംസ്ഥാന ആഭ്യന്തര പ്രിൻസിപ്പൽ സെക്രട്ടറി ശുപാർശ ചെയ്തതായും ചീഫ് സെക്രട്ടറി വഴി കേന്ദ്ര സർക്കാരിന് കത്ത് നൽകിയതായും വിവരങ്ങളുണ്ട്.എന്നാൽ കേന്ദ്രത്തിന്റെ അനുമതി ലഭിക്കാതിരുന്നതോടെ ഒടുവിൽ ഒഡീഷ കേഡറിലേക്ക് മടങ്ങേണ്ടിവന്നു. കേരളത്തിൽ തന്നെ തുടരാൻ അദ്ദേഹത്തിന് രാഷ്ട്രീയ സ്വാധീനം ലഭിച്ചിരുന്നുവെന്ന തരത്തിലുള്ള ആരോപണങ്ങളും അന്ന് ഉയർന്നിരുന്നു. ഷെഫിൻ അഹമ്മദിന്റെ പിതാവ് കെ.ഒ. ഹബീബ് പ്രമുഖ ട്രേഡ് യൂണിയൻ നേതാവും കെഎസ്ഇബി വർക്കേഴ്‌സ് അസോസിയേഷൻ മുൻ സംസ്ഥാന പ്രസിഡന്റുമായിരുന്നു. എന്നാൽ ഔദ്യോഗിക ജീവിതത്തിൽ സ്വന്തം കഴിവും അധ്വാനവും കൊണ്ടാണ് ഷെഫിൻ അഹമ്മദ് ശ്രദ്ധേയനായതെന്നാണ് അദ്ദേഹത്തെ അടുത്തറിഞ്ഞവർ പറയുന്നത്.

വാർത്തകളിൽ നിന്ന് അകന്ന്, പദവിയുടെ പ്രൗഢിയേക്കാൾ ഉത്തരവാദിത്തത്തിന് പ്രാധാന്യം നൽകി പ്രവർത്തിച്ച ഉദ്യോഗസ്ഥനായിരുന്നു ഷെഫിൻ അഹമ്മദ്. ജനങ്ങളോടും സഹപ്രവർത്തകരോടും ഒരുപോലെ സൗഹൃദപരമായ സമീപനം പുലർത്തിയ അദ്ദേഹത്തിന്റെ അകാല വിയോഗം കേരള പൊലീസ് സേനയ്ക്കും സുഹൃത്തുക്കൾക്കും സഹപ്രവർത്തകർക്കും തീരാനഷ്ടമായി.

വെങ്ങാനൂരിലെ അയ്യങ്കാളി പ്രതിമയ്ക്ക് സമീപം ഓടിക്കൊണ്ടിരുന്ന റെനോ ക്വിഡ് കാർ (KL 05 AV 3686) പെട്ടെന്ന് തീപിടിക്കുകയായിരുന്നു. തീയും പുകയും ഉയരുന്നതും വാഹനത്തിനുള്ളിൽ നിന്ന്  നിലവിളി കേട്ടതായും സമീപവാസികൾ പൊലീസിനോട് പറഞ്ഞു.

തീപിടിത്തം ശ്രദ്ധയിൽപ്പെട്ടതോടെ നാട്ടുകാർ രക്ഷാപ്രവർത്തനത്തിന് ശ്രമിച്ചെങ്കിലും തീ അതിവേഗം പടർന്ന് കാർ പൂർണമായും കത്തിനശിച്ചു. ഫയർഫോഴ്സ് സ്ഥലത്തെത്തി തീയണച്ചെങ്കിലും വാഹനത്തിനുള്ളിലുണ്ടായിരുന്നയാളെ രക്ഷിക്കാനായില്ല.

കാർ രജിസ്റ്റർ ചെയ്തിരിക്കുന്നത് ഏറ്റുമാനൂർ സ്വദേശിയുടെ പേരിലാണെന്ന് കണ്ടെത്തിയതിനെ തുടർന്ന് പൊലീസ് ബന്ധുക്കളുമായി ബന്ധപ്പെട്ടപ്പോഴാണ് ടൈറ്റസ് കുര്യൻ വീട്ടിൽനിന്ന് കാറുമായി ഇറങ്ങിയതായി വിവരം ലഭിച്ചത്. കുടുംബപ്രശ്നത്തെ തുടർന്ന് വീട്ടിൽനിന്ന് പിണങ്ങി ഇറങ്ങിയതായാണ് ബന്ധുക്കൾ നൽകിയ വിവരം.

കാർ ഓടുന്നതിനിടെ തീപിടിച്ചതാണോ, മറ്റേതെങ്കിലും കാരണമാണോ മരണത്തിന് പിന്നിലെന്നത് സംബന്ധിച്ച് പൊലീസ് അന്വേഷണം തുടരുകയാണ്. വെങ്ങാനൂർ പൊലീസ് മേൽനടപടികൾ സ്വീകരിച്ചു.

കൊലപാതകങ്ങൾക്ക് പിന്നിൽ ഇവരുടെ സുഹൃത്തായ അനില എന്ന മലയാളി യുവതിയാണെന്നാണ് പ്രാഥമിക വിവരം. സംഭവവുമായി ബന്ധപ്പെട്ട് അനിലയെ പൊലീസ് കസ്റ്റഡിയിലെടുത്തിട്ടുണ്ട്.

ആദ്യം ചിങ്ങവനം സ്വദേശിനിയായ ആനെ ഫ്ലാറ്റിലെ മുറിയിൽ കുത്തേറ്റ നിലയിൽ കണ്ടെത്തുകയായിരുന്നു. തുടർന്ന് അഞ്ജനയെ ഫ്ലാറ്റിന് താഴേക്ക് വിളിച്ചുവരുത്തി കാർ ഇടിച്ച് കൊലപ്പെടുത്തിയെന്നാണ് ബന്ധുക്കൾക്ക് ലഭിച്ച വിവരം. സംഭവത്തിന് ശേഷം കാർ നിർത്താതെ അനില കടന്നുപോയതായും പറയുന്നു.

സംഭവമറിഞ്ഞ അഞ്ജനയുടെ ഭർത്താവ് വിജീഷ്, ആന്റെ ഭർത്താവ് ജേക്കബിനെ വിവരം അറിയിക്കുകയായിരുന്നു. തുടർന്ന് ജേക്കബ് ഫ്ലാറ്റിലെത്തി മുറി തുറന്ന് പരിശോധിച്ചപ്പോഴാണ് ആനെ മരിച്ച നിലയിൽ കണ്ടെത്തിയത്.

മൂന്ന് കുടുംബങ്ങളും ഒരേ ഫ്ലാറ്റ് സമുച്ചയത്തിലാണ് താമസിച്ചിരുന്നതെന്നാണ് വിവരം. അഞ്ജനയുടെ ഭർത്താവ് വിലങ്ങല്ലൂർ സ്വദേശി വിജീഷാണ്. അദ്ദേഹം ജോലിക്കായി പുറത്തുപോയ സമയത്താണ് കൊലപാതകം നടന്നതെന്നാണ് ബന്ധുക്കൾ പറയുന്നത്.

മൂവരും അടുത്ത സുഹൃത്തുക്കളായിരുന്നുവെന്നാണ് ബന്ധുക്കൾ പറയുന്നത്. കൊലപാതകത്തിന് പിന്നിലെ കാരണം വ്യക്തമല്ല. സംഭവത്തിൽ പൊലീസ് അന്വേഷണം തുടരുകയാണ്. കൂടുതൽ വിവരങ്ങൾ പൊലീസ് പുറത്തുവിട്ടിട്ടില്ല.

മുൻ പ്രിൻസിപ്പൽ ഡോ. ജലജ എം.ജെ. സംഗമം ഉദ്ഘാടനം ചെയ്ത് ജൂബിലി സന്ദേശം നൽകി. പ്രൊഫ. പ്രിൻസ് വി. ജോസും ബോണിയ അച്ചാമ്മ മാണിയും ചേർന്ന് നടത്തിയ അവതരണത്തോടെയാണ് പരിപാടികൾ ആരംഭിച്ചത്. തുടർന്ന് ദേവപ്രിയ ആർ. പ്രാർഥന അവതരിപ്പിച്ചു.

അലുമ്നി & ഇന്റർനാഷണൽ അഫയേഴ്‌സ് ഡീൻ ഡോ. മഞ്ജു മാനുവൽ സ്വാഗതം പറഞ്ഞു. കോളേജ് പ്രിൻസിപ്പൽ ഡോ. ബൈജു ശശിധരൻ അധ്യക്ഷത വഹിച്ചു.

ആദ്യ അഡ്മിഷൻ ബാച്ചുകളിലെ അധ്യാപകരെയും വിദ്യാർഥികളെയും ആദരിക്കുന്ന ഗുരുവന്ദനം ചടങ്ങും നടന്നു. സിൽവർ ജൂബിലി ഇന്നവേഷൻ അവാർഡുകളും അക്കാദമിക് ടോപ്പേഴ്സ് അവാർഡുകളും വിതരണം ചെയ്തു. അലുമ്നി പ്രതിനിധി വിജീഷ് എൻ.വി., വിവിധ വകുപ്പ് മേധാവികൾ, ഡീനുമാർ എന്നിവർ ആശംസകൾ നേർന്നു.

കാസെറ്റ് ക്ലബ്ബിന്റെ നേതൃത്വത്തിൽ സാംസ്കാരിക പരിപാടികളും സംഗീതാവിഷ്‌കാരവും അരങ്ങേറി. അലുമ്നി സ്പോൺസർ ചെയ്ത ടോപ്പേഴ്സ് അവാർഡുകളും വോളണ്ടിയർ സർട്ടിഫിക്കറ്റുകളും വിതരണം ചെയ്തു.

അലുമ്നി അസോസിയേഷൻ പാനൽ രൂപീകരണവും തിരഞ്ഞെടുപ്പും സംഗമത്തിന്റെ ഭാഗമായി നടന്നു. മുൻ വിദ്യാർഥികൾ തങ്ങളുടെ അനുഭവങ്ങളും കോളേജ് ജീവിതത്തിലെ ഓർമകളും പങ്കുവെച്ച ഓപ്പൺ ഫോറവും ശ്രദ്ധേയമായി.

അലുമ്നി അസോസിയേഷൻ സെക്രട്ടറി പ്രൊഫ. റജിൻ ആർ. നന്ദി രേഖപ്പെടുത്തി. തുടർന്ന് നടന്ന സംഗീത പരിപാടിയോടെ സംഗമം സമാപിച്ചു

ഇടുക്കി ജില്ലാ പോലീസിന്റെ നേതൃത്വത്തിൽ ഓഗസ്റ്റ് 30 ഞായറാഴ്ച വൈകിട്ട് 4 മണിക്ക് തൊടുപുഴ ജയ്റാണി ഇംഗ്ലീഷ് മീഡിയം ഹൈസ്‌കൂൾ ഓഡിറ്റോറിയത്തിലാണ് മത്സരം സംഘടിപ്പിച്ചത്. വിവിധ വിഭാഗങ്ങളിലായി നടന്ന മത്സരത്തിലെ മികച്ച പ്രകടനത്തിനാണ് ശ്രീജിത്ത് ബി.ടി. കിരീടം സ്വന്തമാക്കിയത്.

ഗവ. ചീഫ് വിപ് അപു ജോൺ ജോസഫ് വിജയികൾക്കുള്ള സമ്മാനങ്ങൾ വിതരണം ചെയ്തു. ചടങ്ങിൽ ഇടുക്കി ജില്ലാ പോലീസ് മേധാവി ഡോ. എ. നസീം ഐ.പി.എസ്. അധ്യക്ഷത വഹിച്ചു. അഡീഷണൽ പോലീസ് സൂപ്രണ്ട് സിനോജ് ടി.എസ്. സ്വാഗതം പറഞ്ഞു. അഡ്വ. ഡീൻ കുര്യാക്കോസ് എം.പി. ബോഡി ബിൽഡിംഗ് മത്സരത്തിന്റെ ഉദ്ഘാടനം നിർവഹിച്ചു.

തൊടുപുഴ മുനിസിപ്പൽ ചെയർപേഴ്‌സൺ സാബിറ ജലീൽ, മുനിസിപ്പൽ കൗൺസിലർ ആതിര ജോഷി, ജയ്റാണി സ്‌കൂൾ പ്രിൻസിപ്പൽ സിസ്റ്റർ സെലിൻ നെല്ലംകുഴി എന്നിവർ ആശംസകൾ അറിയിച്ചു. തൊടുപുഴ ഡെപ്യൂട്ടി പോലീസ് സൂപ്രണ്ട് സജി മർക്കോസ് കൃതജ്ഞത അർപ്പിച്ചു.

മത്സരത്തിന് ശേഷം നടന്ന സമാപന സമ്മേളനം ഗവ. ചീഫ് വിപ് അപു ജോൺ ജോസഫ് ഉദ്ഘാടനം ചെയ്തു. ഇടുക്കി എം.എൽ.എ റോയി കെ. പൗലോസ് സന്നിഹിതനായിരുന്നു. തൊടുപുഴ മുനിസിപ്പൽ വൈസ് ചെയർമാൻ കെ. ദീപക്, നാർക്കോട്ടിക് സെൽ ഡെപ്യൂട്ടി പോലീസ് സൂപ്രണ്ട് കൃഷ്ണൻകുട്ടി വി., മർച്ചന്റ് അസോസിയേഷൻ പ്രസിഡന്റ് പി.എ. സലിംകുട്ടി എന്നിവർ ആശംസകൾ നേർന്നു.

പോലീസ് ഉദ്യോഗസ്ഥരുടെ ശാരീരികക്ഷമതയും ആരോഗ്യബോധവും പ്രോത്സാഹിപ്പിക്കുന്നതിനും കായികരംഗത്തെ മികവ് വളർത്തുന്നതിനുമാണ് ചാമ്പ്യൻഷിപ്പ് സംഘടിപ്പിച്ചത്.

നിയന്ത്രണം വിട്ട ലോറി പാലത്തിന്റെ കൈവരിയിൽ ഇടിച്ച ശേഷം മറിഞ്ഞു. ക്രെയിൻ ഉപയോഗിച്ച് ലോറി ഉയർത്താൻ ഉള്ള ശ്രമം തുടങ്ങിയിട്ടുണ്ട്.നാഗപട്ടണത് നിന്നും മീനും ആയി വന്ന ലോറിയാണ് അപകടത്തിൽ പെട്ടത്

ആഗസ്റ്റ് 21ന് നടത്താൻ നിശ്ചയിച്ചിരുന്ന എട്ടാം ക്ലാസ് പരീക്ഷയാണ് മാറ്റിവെച്ചിരുന്നത്. പുതുക്കിയ സമയക്രമം പ്രകാരം ഈ പരീക്ഷ സെപ്റ്റംബർ ഒന്നിന് നടത്തും.

ആഗസ്റ്റ് 14 മുതൽ 20 വരെയായിരുന്നു ഈ വർഷത്തെ ഓണപ്പരീക്ഷകൾ. ആദ്യം ആഗസ്റ്റ് 21ന് സ്കൂളുകളിൽ ഓണാഘോഷ പരിപാടികൾ നടക്കുന്ന ദിവസവും പരീക്ഷ നടത്താനായിരുന്നു വിദ്യാഭ്യാസ വകുപ്പിന്റെ തീരുമാനം.

ഇതിനെതിരെ വിദ്യാർഥികളും അധ്യാപകരും രംഗത്തെത്തിയിരുന്നു. കുട്ടികൾക്ക് ഓണാഘോഷത്തിൽ പങ്കെടുക്കാൻ അവസരം നൽകണമെന്നാവശ്യപ്പെട്ട് കേരള സ്കൂൾ ടീച്ചേഴ്സ് അസോസിയേഷൻ (കെഎസ്ടിഎ) വിദ്യാഭ്യാസ മന്ത്രിക്ക് നിവേദനം നൽകി. തുടർന്നാണ് പരീക്ഷാ തീയതി മാറ്റിയത്.

ആഗസ്റ്റ് 21ന് സ്കൂളുകളിൽ ഓണാഘോഷ പരിപാടികൾ നടത്തിയശേഷം സ്കൂളുകൾ അടച്ചിരുന്നു. ആഗസ്റ്റ് 22 മുതലാണ് ഓണാവധി ആരംഭിച്ചത്. ഈ വർഷം വിദ്യാർഥികൾക്ക് ഒൻപത് ദിവസത്തെ അവധിയാണ് ലഭിച്ചത്.

വില ഇനിയും ഉയരുമെന്ന പ്രതീക്ഷയിൽ മഴക്കാലത്തിന് മുമ്പുതന്നെ പല കർഷകരും റെയിൻ ഗാർഡിംഗും റബർ ടാപ്പിംഗും ആരംഭിച്ചിരുന്നു. എന്നാൽ വില പെട്ടെന്ന് താഴ്ന്നതോടെ കർഷകരുടെ പ്രതീക്ഷകൾക്ക് തിരിച്ചടിയായി. റബർവില 250 രൂപയ്ക്ക് താഴെയെത്തിയാൽ മാത്രമേ സംസ്ഥാന സർക്കാർ പ്രഖ്യാപിച്ച 250 രൂപ താങ്ങുവില പദ്ധതിയുടെ പ്രയോജനം കർഷകർക്ക് ലഭിക്കുകയുള്ളൂ.

വിലയിടിവിന് പിന്നിൽ ടയർ കമ്പനികളുടെ തന്ത്രമെന്ന് വ്യാപാരികൾ

ടയർ കമ്പനികളുടെ ഇടപെടലാണ് പെട്ടെന്നുണ്ടായ വിലയിടിവിന് പിന്നിലെന്നാണ് വ്യാപാരികളുടെ വിലയിരുത്തൽ. അന്താരാഷ്ട്ര വിപണിയിൽ റബറിന് വില ഉയർന്നുനിൽക്കുന്നതിനാൽ ടയർ കമ്പനികൾക്ക് സ്വാഭാവിക റബറിനെ കൂടുതലായി ആശ്രയിക്കേണ്ടിവരുന്നുണ്ട്.

ഇറക്കുമതി നികുതി, കപ്പൽക്കൂലി തുടങ്ങിയ ചെലവുകൾ ഉൾപ്പെടെ ഒരു കിലോ സ്വാഭാവിക റബർ ഇറക്കുമതി ചെയ്യാൻ കുറഞ്ഞത് 290 രൂപയെങ്കിലും ചെലവാകുമെന്നാണ് വ്യാപാരികൾ പറയുന്നത്. ഇന്ത്യയിലെ ആഭ്യന്തര വിലയും ഈ നിലവാരത്തിലെത്തിയാൽ കമ്പനികളുടെ ലാഭം കുറയുമെന്ന കണക്കുകൂട്ടലിലാണ് വിപണിയിൽ നിന്ന് താൽക്കാലികമായി വിട്ടുനിന്ന് വില കുറയ്ക്കാനുള്ള നീക്കം ഉണ്ടായതെന്നാണ് വ്യാപാരികളുടെ ആരോപണം.

ടാപ്പിംഗിന് തൊഴിലാളികളെ കിട്ടാനില്ല

റബർവില ഉയർന്നതോടെ ടാപ്പിംഗ് തൊഴിലാളികളുടെ ആവശ്യകതയും വർധിച്ചു. വലിയ തോട്ടങ്ങളിൽ സ്ഥിരം തൊഴിലാളികളുള്ളതിനാൽ വിലയിടിവും തൊഴിലാളിക്ഷാമവും വലിയ തോതിൽ ബാധിക്കുന്നില്ല. എന്നാൽ ചെറുകിട, ഇടത്തരം തോട്ടമുടമകളാണ് പ്രതിസന്ധിയിലായത്.

സ്ഥിരമായി ടാപ്പിംഗ് ജോലിക്ക് പോയിരുന്ന തൊഴിലാളികളിൽ പലരും ഇപ്പോൾ വലിയ തോട്ടങ്ങളിലാണ് ജോലി ചെയ്യുന്നത്. മുമ്പുണ്ടായിരുന്ന ദിവസക്കൂലി രീതിക്ക് പകരം വരുമാനം പങ്കിട്ടെടുക്കുന്ന രീതിയും വ്യാപകമാകുകയാണ്.

തൊഴിലാളികളെ ലഭിക്കാത്തതിനാൽ പല ചെറുകിട തോട്ടങ്ങളിലും ടാപ്പിംഗ് മുടങ്ങുന്ന സാഹചര്യമാണ്. നിലവിൽ ഉടമകൾ തന്നെ നേരിട്ട് ടാപ്പിംഗ് നടത്തുന്ന ചെറുകിട തോട്ടങ്ങളാണ് കൂടുതലായി സജീവമായിട്ടുള്ളത്.

എല്ലാവർക്കും വ്യക്തമായ ജീവിതലക്ഷ്യം ഉണ്ടായിരിക്കണമെന്നും അത് നേടിയെടുക്കുന്നതിനായി അച്ചടക്കം, കഠിനാധ്വാനം, നിശ്ചയദാർഢ്യം എന്നിവയോടെ നിരന്തരം പരിശ്രമിക്കണമെന്നും സാബു മാത്യു പറഞ്ഞു.

കോതമംഗലം രൂപതാധ്യക്ഷൻ മാർ ജോർജ് മഠത്തിക്കണ്ടത്തിൽ ആശീർവാദ പ്രസംഗം നടത്തി. രൂപതാ വികാരി ജനറാൾ മോൺ. ഡോ. പയസ് മലേക്കണ്ടത്തിൽ അധ്യക്ഷനായി.

വിവിധ മത്സര പരീക്ഷകളിൽ ഉന്നത വിജയം നേടിയ വിദ്യാർഥികളെ ചടങ്ങിൽ ആദരിച്ചു. തുടർന്ന് നിർമല കോളജിലെ ത്രിപുരയിൽ നിന്നുള്ള വിദ്യാർഥികളുടെ നേതൃത്വത്തിൽ കലാപരിപാടികളും അരങ്ങേറി.

നിർമല കോളജ് ഓട്ടോണമസ് പ്രിൻസിപ്പൽ ഫാ. ഡോ. ജെസ്റ്റിൻ കണ്ണാടൻ, കോളജ് ബർസാറും സിവിൽ സർവീസ് അക്കാദമി അഡ്മിനിസ്ട്രേറ്ററുമായ ഫാ. പോൾ കളത്തൂർ, നിർമല സിവിൽ സർവീസ് അക്കാദമി ബോർഡ് അംഗം ഡോ. കെ.വി. തോമസ്, വിദ്യാർഥി പ്രതിനിധികളായ ലോയ്ഡ് ഫെബിൻ, ആൻ മരിയ ബെന്നി, രക്ഷാകർതൃ പ്രതിനിധി പ്രസീത ഷിബു എന്നിവർ പ്രസംഗിച്ചു.

ഉടുമ്പൻചോല താലൂക്കിലെ വിവിധ വികസന പദ്ധതികൾക്കായി അനുവദിച്ച കോടിക്കണക്കിന് രൂപയുടെ ഫണ്ടുകൾ പൊതുജനങ്ങൾക്ക് പ്രയോജനപ്പെടാതെ പോകുന്നതിന്റെ ഉദാഹരണമായി റോഡ് നിർമാണം മാറുകയാണെന്ന് നാട്ടുകാർ ആരോപിക്കുന്നു.

മുല്ലക്കാനം മുതൽ എല്ലക്കൽ വരെയുള്ള റോഡിൽ കൊടുംവളവുകളും കയറ്റിറക്കങ്ങളും ഏറെയുണ്ടായിരുന്നതിനാൽ മേഖല നേരത്തെ തന്നെ അപകടഭീഷണിയിലായിരുന്നു. നിരവധി അപകടങ്ങളും മരണങ്ങളും ഇവിടെ ഉണ്ടായിട്ടുണ്ട്. അപകടസാധ്യത കുറച്ച് റോഡ് സുരക്ഷിതമാക്കുക എന്ന ലക്ഷ്യത്തോടെയാണ് പുനർനിർമാണ നടപടികൾക്ക് രണ്ട് വർഷം മുമ്പ് തുടക്കമിട്ടത്.

റോഡ് പുനർനിർമാണത്തോടൊപ്പം എല്ലക്കലിലെ ഇടുങ്ങിയ പഴയ പാലത്തിന് സമീപം കൂടുതൽ വീതിയുള്ള പുതിയ പാലം നിർമിക്കാനും പദ്ധതിയിട്ടിരുന്നു. ഇതിനായി സംസ്ഥാന പൊതുമരാമത്ത് വകുപ്പ് 39 കോടി രൂപയുടെ പദ്ധതിക്ക് അംഗീകാരം നൽകിയതായാണ് അറിയുന്നത്.

കാസർകോട് ആസ്ഥാനമായ ബി.ആർ.കെ. എന്ന കമ്പനിയാണ് കരാർ ഏറ്റെടുത്ത് നിർമാണം ആരംഭിച്ചത്. പദ്ധതിയുടെ ഭാഗമായി വലിയ പാറമല ഇടിച്ചുനിരത്തുകയും പാറകൾ പൊട്ടിച്ചുനീക്കുകയും ചെയ്തു. റോഡിന്റെ പല ഭാഗങ്ങളും കുത്തിപ്പൊളിച്ചതിന് പിന്നാലെ ഇതുവഴിയുള്ള ഗതാഗതം മറ്റൊരു റോഡിലൂടെ തിരിച്ചുവിടുകയും ചെയ്തു.

എന്നാൽ പിന്നീട് നിർമാണം പാതിവഴിയിൽ നിലച്ചതോടെ പ്രദേശവാസികൾ വലിയ പ്രതിസന്ധിയിലാണ്. ഒരു കോളജ്, സർക്കാർ ഐ.ടി.ഐ., അങ്കണവാടികൾ തുടങ്ങി നിരവധി സ്ഥാപനങ്ങൾ പ്രവർത്തിക്കുന്ന മേഖലയിലെ പ്രധാന റോഡാണിത്. നിർമാണം പുനരാരംഭിക്കാത്തതും റോഡ് പൂർണമായി ഗതാഗതയോഗ്യമാക്കാത്തതും വിദ്യാർഥികൾ ഉൾപ്പെടെയുള്ള യാത്രക്കാരെയാണ് ഏറെ ബുദ്ധിമുട്ടിലാക്കുന്നത്.

നിർമാണം നിലച്ചതിനെതിരെ മുൻ സർക്കാരിന്റെ കാലത്തുതന്നെ നിരവധി പ്രതിഷേധങ്ങളും സമരങ്ങളും നടന്നിരുന്നെങ്കിലും പ്രശ്നത്തിന് ശാശ്വത പരിഹാരമായിട്ടില്ലെന്നാണ് നാട്ടുകാരുടെ പരാതി.

കരാർ കമ്പനി നിർമാണം ഉപേക്ഷിച്ചിട്ടുണ്ടെങ്കിൽ നിയമനടപടി സ്വീകരിച്ച് കമ്പനിയെ കരിമ്പട്ടികയിൽ ഉൾപ്പെടുത്തണമെന്നും പുതിയ ടെൻഡർ നടപടികളിലൂടെ റോഡ് നിർമാണം അടിയന്തരമായി പൂർത്തിയാക്കണമെന്നും ആവശ്യം ശക്തമാണ്.

റോഡ് പുനർനിർമാണം നീണ്ടുപോകുന്നത് ജനങ്ങളുടെ യാത്രയ്ക്കും പ്രദേശത്തെ വിദ്യാഭ്യാസ സ്ഥാപനങ്ങളുടെയും മറ്റ് പൊതുസേവനങ്ങളുടെയും പ്രവർത്തനങ്ങൾക്കും തിരിച്ചടിയായ സാഹചര്യത്തിൽ പുതിയ സർക്കാർ അടിയന്തരമായി ഇടപെട്ട് പ്രശ്നത്തിന് പരിഹാരം കാണണമെന്നാണ് നാട്ടുകാരുടെ ആവശ്യം.

2018 ജൂലൈ 23ന് രാജാക്കാട് ടൗൺ ഭാഗത്ത് വിൽപ്പനയ്ക്കായി 2.750 കിലോഗ്രാം കഞ്ചാവ് കൈവശം വച്ച് കടത്തിക്കൊണ്ടുവന്നതിനാണ് കേസ്.

തൊടുപുഴ എൻ.ഡി.പി.എസ് കോടതി ജഡ്ജി പി.കെ. ജയകൃഷ്ണനാണ് ശിക്ഷ വിധിച്ചത്. പിഴ അടച്ചില്ലെങ്കിൽ മൂന്ന് മാസം കൂടി കഠിന തടവ് അനുഭവിക്കണമെന്നും കോടതി ഉത്തരവിട്ടു.

അന്നത്തെ രാജാക്കാട് പോലീസ് സബ് ഇൻസ്‌പെക്ടർ അനൂപ് മോൻ പി.ഡിയുടെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്. രാജാക്കാട് പോലീസ് ഇൻസ്‌പെക്ടറായിരുന്ന ഹണി എച്ച്.എൽ. അന്വേഷണം പൂർത്തിയാക്കി കുറ്റപത്രം കോടതിയിൽ സമർപ്പിച്ചു.

പ്രോസിക്യൂഷന് വേണ്ടി എൻ.ഡി.പി.എസ് കോടതി സ്പെഷ്യൽ പബ്ലിക് പ്രോസിക്യൂട്ടർ അഡ്വ. ബി. രാജേഷ് ഹാജരായി.

കുഞ്ചിത്തണ്ണിയിലെ മെറിലാൻഡ് ഭാഗത്തുള്ള റിസോർട്ടിൽ കുടുംബത്തോടൊപ്പം താമസിച്ചിരുന്ന തിരുവനന്തപുരം സ്വദേശിയാണ് പരാതിക്കാരൻ. ഓഗസ്റ്റ് 16ന് ഇരവികുളം സന്ദർശിക്കുന്നതിനായി പോകുന്നതിന് മുമ്പ് കുട്ടിയുടെ കൈയിലുണ്ടായിരുന്ന 26 ഗ്രാം തൂക്കം വരുന്ന രണ്ട് സ്വർണ്ണ വളകൾ ഊരി ബാഗിൽ സൂക്ഷിച്ച ശേഷം മുറി പൂട്ടി താക്കോൽ റിസപ്ഷനിൽ ഏൽപ്പിക്കുകയായിരുന്നു.

ഇരവികുളം സന്ദർശനം കഴിഞ്ഞ് തിരിച്ചെത്തിയപ്പോൾ ബാഗിൽ സൂക്ഷിച്ചിരുന്ന സ്വർണ്ണ വളകൾ കാണാതായതിനെ തുടർന്ന് വെള്ളത്തൂവൽ പോലീസിൽ പരാതി നൽകി.

തുടർന്ന് വെള്ളത്തൂവൽ എസ്.എച്ച്.ഒ ആൽബിൻ സണ്ണിയുടെ നേതൃത്വത്തിൽ നടത്തിയ അന്വേഷണത്തിലാണ് പാലക്കാട് നിന്ന് പ്രതിയെ പിടികൂടിയത്. സബ് ഇൻസ്‌പെക്ടർ കെ.എം. ഷാജി, സീനിയർ സിവിൽ പോലീസ് ഓഫീസർ എൽദോസ് മത്തായി, സിവിൽ പോലീസ് ഓഫീസർ സജീവ് ചന്ദ്രൻ എന്നിവരടങ്ങിയ സംഘമാണ് അന്വേഷണത്തിന് നേതൃത്വം നൽകിയത്.

കടുവാപ്പാറ, അമലഗിരി തുടങ്ങിയ ഭാഗങ്ങളില്‍ ഉരുള്‍പൊട്ടലില്‍ ഒലിച്ചെത്തിയ മണ്ണും കല്ലുകളും ഇപ്പോഴും റോഡരികില്‍ കൂട്ടിയിട്ടിരിക്കുകയാണ്. കൂറ്റന്‍ പാറകള്‍ റോഡില്‍ തന്നെ കിടക്കുന്നതിനാല്‍ പാതയുടെ വീതിയും കുറഞ്ഞിട്ടുണ്ട്. വാഹനങ്ങള്‍ നിരതെറ്റിച്ച് കടന്നുപോകാന്‍ ശ്രമിക്കുന്നതോടെ ഗതാഗതക്കുരുക്ക് കൂടുതല്‍ രൂക്ഷമാകുകയാണ്.

കൂറ്റന്‍ പാറകള്‍ പൊട്ടിച്ചുമാറ്റേണ്ട സാഹചര്യമാണുള്ളത്. ഓണം അവധി ദിവസങ്ങളില്‍ കുട്ടിക്കാനം മുതല്‍ കൊടുക്കുത്തി വരെ കിലോമീറ്ററുകളോളം വാഹനങ്ങളുടെ നീണ്ട നിരയാണ് അനുഭവപ്പെട്ടത്.

ആംബുലന്‍സുകള്‍ ഉള്‍പ്പെടെയുള്ള അടിയന്തര സേവന വാഹനങ്ങളും രോഗികളുമായി പോകുന്ന വാഹനങ്ങളും മണിക്കൂറുകളോളം ഗതാഗതക്കുരുക്കില്‍ കുടുങ്ങുന്നത് പതിവായിരിക്കുകയാണ്. റോഡിലെ മണ്ണും കല്ലും നീക്കം ചെയ്യുന്നതില്‍ അധികൃതരുടെ ഭാഗത്തുനിന്നുണ്ടാകുന്ന കാലതാമസത്തിനെതിരെ പ്രതിഷേധവും ശക്തമാകുന്നു.

റോഡരികിലും റോഡിലുമായി കിടക്കുന്ന ഉരുള്‍പൊട്ടല്‍ അവശിഷ്ടങ്ങള്‍ അടിയന്തരമായി നീക്കം ചെയ്ത് ഗതാഗതം സുഗമമാക്കണമെന്നാണ് നാട്ടുകാരുടെയും യാത്രക്കാരുടെയും ആവശ്യം.

1938 നവംബർ 30ന് ചാക്കാലയിൽ സി.എം. എബ്രഹാമിന്റെയും മേരിക്കുട്ടിയുടെയും മകനായി ജനിച്ച എബ്രഹാം ഇട്ടിച്ചെറിയ, കോട്ടയം സി.എം.എസ്. കോളേജിൽ ചരിത്രത്തിൽ ബിരുദവും മദ്രാസ് ക്രിസ്ത്യൻ കോളേജിൽ ബിരുദാനന്തര ബിരുദവും നേടി. അധ്യാപന രംഗത്തും അദ്ദേഹം പ്രവർത്തിച്ചിട്ടുണ്ട്.

1977ൽ കോട്ടയം പബ്ലിക് ലൈബ്രറി സെക്രട്ടറി, 1982 മുതൽ പ്രസിഡന്റായും പ്രവർത്തിച്ചു. ലൈബ്രറിയുടെ പ്രവർത്തനങ്ങൾ വിപുലീകരിക്കുന്നതിലും സാംസ്‌കാരിക പ്രവർത്തനങ്ങൾക്ക് നേതൃത്വം നൽകുന്നതിലും അദ്ദേഹം നിർണായക പങ്കുവഹിച്ചു. 2000 മുതൽ 2008 വരെ കോട്ടയം ആർട്സ് സൊസൈറ്റി പ്രസിഡന്റായും പ്രവർത്തിച്ചു.

തിരുവല്ല മാർത്തോമ്മാ കോളേജ്, സി.എം.എസ്. കോളേജ് എന്നിവിടങ്ങളിലെ വിവിധ അക്കാദമിക്-സാംസ്‌കാരിക പ്രവർത്തനങ്ങളുമായും അദ്ദേഹം ബന്ധപ്പെട്ടിരുന്നു. കോട്ടയം നഗരത്തിലെ വിവിധ സാംസ്‌കാരിക കൂട്ടായ്മകളിലും അദ്ദേഹത്തിന്റെ സാന്നിധ്യം ശ്രദ്ധേയമായിരുന്നു.

കോട്ടയം പബ്ലിക് ലൈബ്രറിയുടെ 144-ാം വാർഷികാഘോഷ പരിപാടികളിലും അദ്ദേഹം സജീവമായി പങ്കെടുത്തിരുന്നു. സാഹിത്യം, കല, വിദ്യാഭ്യാസം, സാംസ്‌കാരിക പ്രവർത്തനം തുടങ്ങിയ മേഖലകളിൽ വ്യക്തമായ സംഭാവന നൽകിയ വ്യക്തിത്വമായിരുന്നു എബ്രഹാം ഇട്ടിച്ചെറിയ.

സംസ്കാരം പിന്നീട് നടക്കും.

യുവസമൂഹം സേവനാത്മക പ്രവർത്തനങ്ങൾക്ക് മുൻഗണന നൽകുന്നത് അഭിമാനകരമാണെന്നും മാർ സേവേറിയോസ് അഭിപ്രായപ്പെട്ടു. ഓർത്തഡോക്സ് ക്രൈസ്തവ യുവജനപ്രസ്ഥാനത്തിന്റെ (OCYM) യുവജനവാരാഘോഷത്തിന്റെ കേന്ദ്രതല സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

കുങ്കിരിപ്പെട്ടി സെന്റ് തോമസ് ഓർത്തഡോക്സ് കത്തീഡ്രലിൽ നടന്ന ചടങ്ങിൽ ഇടുക്കി ഭദ്രാസന വൈസ് പ്രസിഡന്റ് ഫാ. ജോസ് സാമുവൽ അധ്യക്ഷത വഹിച്ചു. യുവജനപ്രസ്ഥാനം കേന്ദ്ര ട്രഷറർ രെഞ്ചു എം. ജോയ് മുഖ്യസന്ദേശം നൽകി.

എസ്.ഐ. ഡെജി വർഗീസ്, ഫാ. ജെസ്വിൻ ചാക്കോ, ഭദ്രാസന യുവജനപ്രസ്ഥാനം സെക്രട്ടറി അജു ജേക്കബ്, അനീഷ് ജേക്കബ്, നിഖിൽ കെ. യോഹന്നാൻ, തോമസ് ഫിലിപ്പ്, ജെൻസൺ എന്നിവർ സംസാരിച്ചു.

ഒരാഴ്ച നീണ്ടുനിന്ന യുവജനവാരാഘോഷത്തിന്റെ ഭാഗമായി OCYM-ന്റെ നേതൃത്വത്തിൽ വിവിധ ഭദ്രാസനങ്ങളിലും യൂണിറ്റുകളിലും നിരവധി സേവന പ്രവർത്തനങ്ങൾ സംഘടിപ്പിച്ചു. ആതുരാലയങ്ങളിൽ ഭക്ഷണ വിതരണം, രക്തദാന ക്യാമ്പുകൾ, പരിസര ശുചീകരണം, ഓണക്കോടി വിതരണം, ഭക്ഷ്യകിറ്റ് വിതരണം തുടങ്ങിയ പ്രവർത്തനങ്ങൾ ഇതിന്റെ ഭാഗമായി നടന്നു.

പുതുപ്പള്ളിയിലെത്തിയ ഗെയ്ലിനെ എംഎൽഎ ചാണ്ടി ഉമ്മൻ, മറിയ ഉമ്മൻ, പഞ്ചായത്ത് പ്രതിനിധികൾ എന്നിവർ ചേർന്ന് ആവേശപൂർവം സ്വീകരിച്ചു. തുടർന്ന് ചാണ്ടി ഉമ്മൻ ഓടിച്ച വാഹനത്തിൽ സഞ്ചരിച്ച ഗെയ്ല്‍ പുതുപ്പള്ളി പള്ളിയിലെത്തി മുൻ മുഖ്യമന്ത്രി ഉമ്മൻ ചാണ്ടിയുടെ കല്ലറയിൽ പുഷ്പാർച്ചന നടത്തി.

തുടർന്ന് പുതുപ്പള്ളി നഗരത്തിലെ സ്വീകരണ വേദിയിലേക്ക് മടങ്ങിയ ഗെയ്ല്‍, പ്രദേശത്ത് നിർമിക്കാൻ ഉദ്ദേശിക്കുന്ന അന്താരാഷ്ട്ര ക്രിക്കറ്റ് സ്റ്റേഡിയത്തിന്റെ മൈതാനവും സന്ദർശിക്കും.

കേരള ക്രിക്കറ്റ് ലീഗിലെ (KCL) കൊച്ചി ബ്ലൂ ടൈഗേഴ്സ് ടീമിന്റെ സഹ ഉടമയും മെന്ററുമാണ് ക്രിസ് ഗെയ്ല്‍. ടീമിന്റെ മത്സരം കാണുന്നതിനായാണ് അദ്ദേഹം ശനിയാഴ്ച തിരുവനന്തപുരത്ത് എത്തിയത്.

ഓട്ടോറിക്ഷയിൽ ഇടിച്ച ശേഷം നിയന്ത്രണം വിട്ട ട്രാവലർ ഇലക്ട്രിക്കൽ പോസ്റ്റിൽ ഇടിക്കുകയും തുടർന്ന് സമീപത്തെ കുഴിയിലേക്ക് മറിഞ്ഞു.

അപകടത്തിൽ ഓട്ടോറിക്ഷയിൽ ഉണ്ടായിരുന്ന രണ്ടുപേർക്ക് പരിക്കേറ്റു. ഇവരെ ഉടൻ തന്നെ സ്വകാര്യ ആശുപത്രിയിൽ പ്രവേശിപ്പിച്ചു.

കള്ളുഷാപ്പുകളിലെ അനധികൃതവും വൃത്തിഹീനവുമായ ഭക്ഷണവിൽപ്പന തടയുന്നതിന്റെ ഭാഗമായാണ് നടപടി. എക്സൈസ് വകുപ്പ് നടത്തുന്ന ‘ഓപ്പറേഷൻ ശുദ്ധി’ പരിശോധനയുടെ ഭാഗമായാണ് പുതിയ നിയന്ത്രണം ഏർപ്പെടുത്തിയത്.

കഴിഞ്ഞ ജൂണിൽ കോട്ടയത്തെ കള്ളുഷാപ്പിൽനിന്ന് മീൻകറി കഴിച്ച കുമരകം സ്വദേശി ഭക്ഷ്യവിഷബാധയേറ്റ് മരിച്ചതിന് പിന്നാലെ ഷാപ്പുകളിലെ ഭക്ഷണത്തിന്റെ ഗുണനിലവാരവും ശുചിത്വവും സംബന്ധിച്ച് വ്യാപക പരാതികൾ ഉയർന്നിരുന്നു. ഇതിന്റെ പശ്ചാത്തലത്തിലാണ് പരിശോധനയും നിയന്ത്രണങ്ങളും ശക്തമാക്കുന്നത്.

നിയമലംഘനം നടത്തുന്ന ഷാപ്പുകൾക്കെതിരെ അബ്കാരി നിയമപ്രകാരം കർശന നടപടി സ്വീകരിക്കും. അനധികൃത ഭക്ഷണവിൽപ്പനയ്ക്ക് ഒത്താശ ചെയ്യുകയോ നിയമലംഘനങ്ങൾക്കെതിരെ നടപടി സ്വീകരിക്കാതിരിക്കുകയോ ചെയ്യുന്ന എക്സൈസ് ഉദ്യോഗസ്ഥർക്കെതിരെയും വകുപ്പുതല നടപടിയുണ്ടാകുമെന്ന് ഉത്തരവിൽ വ്യക്തമാക്കുന്നു.

പള്ളുരുത്തി ചോയ്സ് റോഡ് മേക്കാറപറമ്പിൽ നഹാസ് (28), സഹോദരൻ നസറുദ്ദീൻ (38), കുമ്പളങ്ങി പുളിക്കൽ വീട്ടിൽ ബ്രിസ്റ്റോ മാത്യു (30) എന്നിവരാണ് അറസ്റ്റിലായത്.

ഓഗസ്റ്റ് 28ന് രാത്രി 7.45ഓടെയായിരുന്നു സംഭവം. കോന്തുരുത്തി സ്വദേശിയായ ഓട്ടോ ഡ്രൈവർ ഹാഷിം (54) ഓടിച്ചിരുന്ന ഓട്ടോറിക്ഷയിലേക്ക് KL-43-L-6677 നമ്പർ ‘സജിമോൻ’ സ്വകാര്യ ബസ് അപകടകരമായ രീതിയിൽ ഇടിച്ചുകയറാൻ ശ്രമിച്ചത് ചോദ്യം ചെയ്തതിലുള്ള വിരോധമാണ് മർദനത്തിന് കാരണമെന്ന് പൊലീസ് പറഞ്ഞു.

ബസ് ജീവനക്കാർ ഓട്ടോ ഡ്രൈവറെ മർദിക്കുന്ന ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെയാണ് സംഭവം പുറത്തറിഞ്ഞത്. വീഡിയോ ശ്രദ്ധയിൽപ്പെട്ട സെൻട്രൽ പൊലീസ് സ്വമേധയാ കേസെടുത്ത് അന്വേഷണം ആരംഭിക്കുകയായിരുന്നു.

സെൻട്രൽ സബ് ഡിവിഷൻ അസിസ്റ്റന്റ് കമ്മീഷണർ സിബി ടോമിന്റെ നിർദേശപ്രകാരം സെൻട്രൽ സി.ഐ അനീഷ് ജോയിയുടെ മേൽനോട്ടത്തിലായിരുന്നു അന്വേഷണം. എസ്.ഐമാരായ സർജ്ജു, രാജേഷ് ചെല്ലപ്പൻ, സി.പി.ഒമാരായ മനീഷ് പി.എം, വിപിൻദാസ് സി.എസ് എന്നിവരടങ്ങിയ അന്വേഷണ സംഘമാണ് പ്രതികളെ കണ്ടെത്തി അറസ്റ്റ് ചെയ്തത്.

അറസ്റ്റിലായ പ്രതികൾക്കെതിരെ നിയമനടപടികൾ സ്വീകരിച്ചു.

ഉത്രാടദിനത്തിൽ മാത്രം 21.45 ലക്ഷം യാത്രക്കാരാണ് കെ.എസ്.ആർ.ടി.സി ബസുകളിൽ യാത്ര ചെയ്തത്. ഇതിൽ 9.34 ലക്ഷം പേർ സ്ത്രീകളായിരുന്നു. പ്രിയദർശിനി സൗജന്യ/ആനുകൂല്യ യാത്രാ പദ്ധതിയും നിരവധി വനിതാ യാത്രക്കാർ പ്രയോജനപ്പെടുത്തി.

തിരക്കേറിയ ദിവസങ്ങൾ മുൻകൂട്ടി കണക്കാക്കി അധിക സർവീസുകൾ ക്രമീകരിച്ചതും കൃത്യമായ സർവീസ് പ്ലാനിങ്ങുമാണ് വരുമാന വർധനയ്ക്ക് പ്രധാന കാരണമായത്. ടൂറിസം കേന്ദ്രങ്ങൾ കേന്ദ്രീകരിച്ച് ബജറ്റ് ടൂറിസം സർവീസുകൾ സജീവമാക്കിയതും കെ.എസ്.ആർ.ടി.സിക്ക് നേട്ടമായി.

ഓണക്കാലത്തെ യാത്രാ ആവശ്യകത കൃത്യമായി തിരിച്ചറിഞ്ഞ് സർവീസുകൾ ക്രമീകരിച്ചതിലൂടെ യാത്രക്കാരുടെ എണ്ണത്തിലും വരുമാനത്തിലും മുൻവർഷങ്ങളെ അപേക്ഷിച്ച് ശ്രദ്ധേയമായ വർധനയാണ് ഇത്തവണ ഉണ്ടായത്.

കോട്ടയം ജില്ലയിലെ ബാറുകളുടെ പ്രവർത്തനവുമായി ബന്ധപ്പെട്ട് നേരത്തെ ലഭിച്ച പരാതികളാണ് അന്വേഷണത്തിന് തുടക്കമായത്. തുടർന്ന് എക്സൈസ് കമ്മീഷണറുടെ നേതൃത്വത്തിലുള്ള സംഘം വിവിധ ബാറുകളിൽ മിന്നൽ പരിശോധന നടത്തി.

പരിശോധനയിൽ ബാറുടമകളിൽ നിന്ന് പണം കൈപ്പറ്റിയതുമായി ബന്ധപ്പെട്ട ഡിജിറ്റൽ രേഖകൾ ഉൾപ്പെടെയുള്ള തെളിവുകൾ അന്വേഷണ സംഘത്തിന് ലഭിച്ചതായാണ് വിവരം. പണ ഇടപാടുകളുടെ വിവരങ്ങൾ അടങ്ങിയ രേഖകളും അന്വേഷണത്തിന്റെ ഭാഗമായി പരിശോധിച്ചു.

കഴിഞ്ഞ ദിവസം എക്സൈസ് കമ്മീഷണറുടെ നേതൃത്വത്തിലുള്ള സംഘം അശോക് കുമാറിന്റെ വീട്ടിലും പരിശോധന നടത്തിയിരുന്നു. മൊബൈൽ ഫോൺ ഉൾപ്പെടെയുള്ള ഡിജിറ്റൽ തെളിവുകൾ അന്വേഷണ സംഘം ശേഖരിച്ചു. തുടർന്ന് അശോക് കുമാറിനെ തിരുവനന്തപുരത്തേക്ക് വിളിച്ചുവരുത്തി മൊഴി രേഖപ്പെടുത്തി.

അന്വേഷണത്തിൽ ലഭിച്ച തെളിവുകളുടെ അടിസ്ഥാനത്തിലാണ് ഉദ്യോഗസ്ഥനെതിരെ വകുപ്പുതല നടപടി സ്വീകരിക്കാൻ ശുപാർശ ചെയ്തിരിക്കുന്നത്. ആരോപണങ്ങളിൽ കൂടുതൽ നടപടികൾ അന്വേഷണത്തിന്റെ തുടർഘട്ടത്തിൽ ഉണ്ടാകുമെന്നാണ് സൂചന.

ഓപ്പറേഷൻ തണ്ടർയുടെ ഭാഗമായി തങ്കമണി എക്‌സൈസ് റേഞ്ച് ഇൻസ്‌പെക്ടർ രാഹുൽ ജോണിന്റെ നേതൃത്വത്തിൽ നടത്തിയ പരിശോധനയിലാണ് മദ്യം പിടികൂടിയത്. ഷാജി വർഗീസിന്റെ വീട്ടിൽ 200 കുപ്പികളിലായി വിൽപ്പനയ്ക്കായി സൂക്ഷിച്ചിരുന്ന മദ്യമാണ് കണ്ടെത്തിയത്.

പ്രിവന്റീവ് ഓഫീസർ ഗ്രേഡ് ഉദ്യോഗസ്ഥരായ സി.എൻ. ജിൻസൺ, ബിനു ജോസഫ്, ഷീന തോമസ്, സിവിൽ എക്‌സൈസ് ഓഫീസർമാരായ അനന്ദ് വിജയൻ, മുഹമ്മദ് ഷിബിൽ എന്നിവർ പരിശോധനയിൽ പങ്കെടുത്തു.

മുൻകൂർ അനുമതിയില്ലാത്ത വിനോദസഞ്ചാരികൾക്കും സ്വകാര്യ, ഓഫ്-റോഡ് വാഹനങ്ങൾക്കും റവന്യൂ ഭൂമിയിലേക്ക് പ്രവേശനം നിരോധിച്ചു. പാസ് ഉൾപ്പെടെയുള്ള ആവശ്യമായ അനുമതികളോടെയാണ് ഇനി പ്രവേശനം അനുവദിക്കുക.

നീലക്കുറിഞ്ഞി പൂത്തതിനെ തുടർന്ന് ഓഗസ്റ്റ് 24നാണ് വനംവകുപ്പ് ചൊക്രമുടി മലനിരകൾ സന്ദർശകർക്കായി തുറന്നത്. എന്നാൽ തുടർന്ന് നിരവധി ഓഫ്-റോഡ് വാഹനങ്ങൾ റവന്യൂ ഭൂമിയിലേക്ക് പ്രവേശിക്കുകയും പാസ് എടുക്കാതെയും സഞ്ചാരികൾ എത്തുകയും ചെയ്തതോടെയാണ് നിയന്ത്രണം ശക്തമാക്കിയത്.

1957ലെ കേരള ഭൂസംരക്ഷണ നിയമത്തിലെ സെക്ഷൻ 7, 12 പ്രകാരം അനധികൃത പ്രവേശനം ശിക്ഷാർഹമായ കുറ്റമാണെന്ന് ബൈസൺവാലി വില്ലേജ് ഓഫീസറുടെ ഉത്തരവിൽ വ്യക്തമാക്കി. റവന്യൂ ഭൂമിയിലൂടെയുള്ള എല്ലാ അനധികൃത പ്രവേശനവും ഇതോടെ നിരോധിച്ചിട്ടുണ്ട്.

വാഹനങ്ങളുടെ സഞ്ചാരവും ഓഫ്-റോഡ് പ്രവർത്തനങ്ങളും മലനിരകളിലെ നീലക്കുറിഞ്ഞി ചെടികൾക്ക് ഗുരുതരമായ നാശം വരുത്താൻ സാധ്യതയുണ്ടെന്ന് അധികൃതർ മുന്നറിയിപ്പ് നൽകി. സർവേ നമ്പർ 36ൽ ഉൾപ്പെടുന്ന പ്രദേശം 2025ൽ കൈയേറ്റക്കാരിൽ നിന്ന് തിരിച്ചുപിടിച്ച് സർക്കാർ ഭൂമിയാക്കിയിരുന്നു. ഈ പ്രദേശത്തും സമീപ മലനിരകളിലുമാണ് ഇപ്പോൾ നീലക്കുറിഞ്ഞി വ്യാപകമായി പൂത്തിരിക്കുന്നത്.

സമുദ്രനിരപ്പിൽനിന്ന് 2,195 മീറ്റർ ഉയരത്തിൽ, ഇടുക്കി ദേവികുളം ഫോറസ്റ്റ് റേഞ്ചിനുള്ളിലെ ബൈസൺവാലി പഞ്ചായത്ത് അതിർത്തിയിലാണ് ചൊക്രമുടി സ്ഥിതി ചെയ്യുന്നത്. മൂന്നാർ ഡിവിഷണൽ ഫോറസ്റ്റ് ഓഫീസർ അഭയ് യാദവ് ഓഗസ്റ്റ് 24ന് നീലക്കുറിഞ്ഞി പൂത്ത ചൊക്രമുടി ഔദ്യോഗികമായി സന്ദർശകർക്കായി തുറന്നുനൽകുകയായിരുന്നു.

🎟️ പ്രവേശന ഫീസ്

മുതിർന്നവർ: ₹200

കുട്ടികൾ: ₹100

വിദേശ പൗരന്മാർ: ₹400

വനംവകുപ്പിന്റെ ഔദ്യോഗിക വെബ്സൈറ്റ് വഴി ടിക്കറ്റുകൾ മുൻകൂട്ടി ബുക്ക് ചെയ്യാം.

നീലക്കുറിഞ്ഞിയുടെ സംരക്ഷണം ഉറപ്പാക്കുന്നതിനൊപ്പം സഞ്ചാരികൾക്ക് പ്രകൃതിസൗഹൃദമായ സന്ദർശനം സാധ്യമാക്കുകയാണ് നിയന്ത്രണങ്ങളുടെ ലക്ഷ്യം.

നിലവിലുള്ള പേപ്പറുകളും ഫയലുകളും ലെറ്റർഹെഡുകളും കവറുകളും ഫോമുകളും രജിസ്റ്ററുകളും പ്രസിദ്ധീകരണങ്ങളും മറ്റ് അച്ചടിച്ച സ്റ്റേഷനറി സാമഗ്രികളും പേരുമാറ്റത്തിന്റെ പേരിൽ ഉപേക്ഷിക്കരുതെന്ന് സർക്കുലറിൽ നിർദേശിക്കുന്നു. സ്റ്റോക്ക് പൂർണമായും തീരുന്നതുവരെ ആവശ്യമായ തിരുത്തലുകൾ മഷി ഉപയോഗിച്ച് വരുത്തി ഉപയോഗിക്കണം.

ഇംഗ്ലീഷിൽ “M” എന്നും മലയാളത്തിൽ ആവശ്യമായ അക്ഷരവും മഷി ഉപയോഗിച്ച് ചേർത്ത് നിലവിലുള്ള രേഖകൾ ഉപയോഗിക്കാമെന്നും നിർദേശിച്ചിട്ടുണ്ട്. സംസ്ഥാനത്തിന്റെ പേര് മാറിയതിന്റെ പേരിൽ മാത്രം പുതിയ രേഖകൾ അച്ചടിക്കേണ്ടതില്ലെന്നും സർക്കുലറിൽ വ്യക്തമാക്കി.

ഓഫീസ് നെയിം ബോർഡുകളും ഫലകങ്ങളും ഉടൻ മാറ്റി സ്ഥാപിക്കേണ്ടതില്ല. നിലവിലുള്ളവ സാധാരണ നിലയിൽ മാറ്റേണ്ട സാഹചര്യം ഉണ്ടാകുന്നതുവരെ ഉപയോഗിക്കാം. പേരുമാറ്റത്തിനായി മാത്രം സർക്കാർ പണം ചെലവഴിക്കുന്നത് ഒഴിവാക്കണമെന്നും ചീഫ് സെക്രട്ടറി നിർദേശിച്ചു.

കേരള എന്ന് രേഖപ്പെടുത്തിയിട്ടുള്ള ഔദ്യോഗിക മുദ്രകൾ, റബർ സ്റ്റാമ്പുകൾ, സമാന ഉപകരണങ്ങൾ എന്നിവയും സാധാരണ നിലയിൽ മാറ്റേണ്ട സാഹചര്യം ഉണ്ടാകുന്നതുവരെ ഉപയോഗിക്കാം. അടിയന്തരമായി പുതിയ മുദ്രകൾ തയ്യാറാക്കുന്നതിന് പകരം, ആവശ്യമായതും പ്രായോഗികവുമായ സാഹചര്യങ്ങളിൽ മഷി ഉപയോഗിച്ച് തിരുത്തൽ വരുത്തി ഉപയോഗിക്കാമെന്നും സർക്കുലറിൽ വ്യക്തമാക്കിയിട്ടുണ്ട്.

ഇന്ന് രാവിലെ മുതൽ വെള്ളയാംകുടിയിൽ നടക്കുന്ന പരിപാടികളുടെ ഭാഗമായി വിവിധ കലാ-സാംസ്കാരിക പരിപാടികളും മത്സരങ്ങളും  ഒരുക്കിയിട്ടുണ്ട്

രാവിലെ 9.30ന് രജിസ്ട്രേഷൻ ആരംഭിക്കും.സമ്മേളനത്തിൽ ജില്ലാ പ്രസിഡന്റ് ദീപാ മോൾ അധ്യക്ഷത വഹിക്കും.ഇല ചെയർമാൻ സജിദാസ് മുഖ്യാതിഥിയാകും.

കേരളത്തിലെ വിവിധ പൊലീസ് ജില്ലകളെ പ്രതിനിധീകരിച്ച് നൂറിലധികം മത്സരാർഥികൾ വിവിധ വിഭാഗങ്ങളിലായി മാറ്റുരയ്ക്കും. ചാമ്പ്യൻഷിപ്പിലെ ഏറ്റവും മികച്ച ബോഡി ബിൽഡർക്ക് ‘മിസ്റ്റർ കേരള പൊലീസ്–2026’ ചാമ്പ്യൻ പട്ടം സമ്മാനിക്കും.

ഡീൻ കുര്യാക്കോസ് എം.പി ചാമ്പ്യൻഷിപ്പ് ഉദ്ഘാടനം ചെയ്യും. എറണാകുളം റേഞ്ച് ഡി.ഐ.ജി യതീഷ് ചന്ദ്ര മുഖ്യാതിഥിയാകും. ജില്ലാ പൊലീസ് മേധാവി ഡോ. എ. നസീം അധ്യക്ഷത വഹിക്കും.

വൈകിട്ട് നടക്കുന്ന സമാപന സമ്മേളനം ഗവ. ചീഫ് വിപ്പ് അപു ജോൺ ജോസഫ് ഉദ്ഘാടനം ചെയ്യും. റോയ് കെ. പൗലോസ് എം.എൽ.എ മുഖ്യാതിഥിയാകും. മുനിസിപ്പൽ ചെയർപേഴ്സൺ സാബിറ ജലീൽ, വൈസ് ചെയർമാൻ കെ. ദീപക്, ഇടുക്കി അഡീഷണൽ എസ്.പി ടി.എസ്. സിനോജ്, തൊടുപുഴ ഡിവൈ.എസ്.പി സജി മാർക്കോസ്, നാർക്കോട്ടിക് സെൽ ഡിവൈ.എസ്.പി വി. കൃഷ്ണൻകുട്ടി എന്നിവർ പങ്കെടുക്കും.

തൊടുപുഴ നിയോജകമണ്ഡലത്തെ മറ്റൊരു ജില്ലയിലേക്ക് മാറ്റുന്നത് ഇടുക്കിയുടെ ഹൃദയവും ആത്മാവും പറിച്ചുമാറ്റുന്നതിന് തുല്യമാണെന്ന് മന്ത്രി പറഞ്ഞു. പാർട്ടി ചെയർമാൻ പി.ജെ. ജോസഫ് ഇക്കാര്യത്തിലുള്ള വിയോജിപ്പ് നേരത്തെ തന്നെ വ്യക്തമാക്കിയിട്ടുണ്ടെന്നും അദ്ദേഹം പറഞ്ഞു.

മൂവാറ്റുപുഴ ജില്ല രൂപീകരിക്കണമെന്ന ആവശ്യം മുൻ എംഎൽഎ ജോസഫ് വാഴയ്ക്കൻ നിയമസഭയിൽ ഉന്നയിച്ചപ്പോൾ അത് തള്ളിക്കളഞ്ഞതാണ്. പുതിയ ജില്ല രൂപീകരണം സംബന്ധിച്ച് പരിശോധിക്കുന്നതിൽ വിയോജിപ്പില്ല. എന്നാൽ, ഇത്തരം വിഷയങ്ങളിൽ തീരുമാനമെടുക്കേണ്ടത് യുഡിഎഫ് നേതൃത്വമാണ്.

മൂവാറ്റുപുഴ എംഎൽഎയ്ക്ക് അഭിപ്രായം പറയാനും ഇക്കാര്യത്തിൽ പ്രതികരിക്കാനും മുഖ്യമന്ത്രിക്കും സ്വാതന്ത്ര്യമുണ്ട്. എന്നാൽ, വിഷയത്തിൽ യുഡിഎഫിൽ ചർച്ച നടക്കുമ്പോൾ കേരള കോൺഗ്രസ് തങ്ങളുടെ നിലപാട് വ്യക്തമാക്കും. നിലവിൽ ഇത്തരമൊരു ചർച്ചയ്ക്ക് പ്രസക്തിയില്ലെന്നും മന്ത്രി മോൻസ് ജോസഫ് പറഞ്ഞു.

മത്സരം എന്നതിലുപരി തികഞ്ഞ ഭക്തിനിർഭരമായ ചടങ്ങുകളോടെയാണ് വള്ളംകളി നടക്കുന്നത്. രാവിലെ ദേവീചൈതന്യം സിംഹവാഹനത്തിൽ ആവാഹിച്ച് ക്ഷേത്രനടയിൽ നിന്ന് അകമ്പടിയോടെ ആറാട്ടുകടവായ പുത്തൻകടവിലെത്തിക്കും. തുടർന്ന് ചുരുളൻ വള്ളത്തിലാണ് ഊരുചുറ്റൽ ആരംഭിക്കുന്നത്.

ക്ഷേത്രത്തിന്റെ ആറാട്ടുകടവിൽ നിന്ന് ആരംഭിച്ച് ക്ഷേത്രത്തെ ചുറ്റിയൊഴുകുന്ന മീനച്ചിലാറിന്റെ കൈവഴികളിലൂടെ സഞ്ചരിക്കുന്ന ഘോഷയാത്ര രാത്രിയോടെ ക്ഷേത്രക്കടവിൽ തിരിച്ചെത്തും. ഘോഷയാത്ര കടന്നുപോകുന്ന വിവിധ സ്ഥലങ്ങളിൽ കരക്കാർ പറകളൊരുക്കി സ്വീകരണം നൽകും. ഓടിവള്ളങ്ങളും ചുണ്ടൻ വള്ളങ്ങളും ഊരുചുറ്റലിന് അകമ്പടിയേകും.

കുമാരനല്ലൂർ, നടുഭാഗം, കിഴക്കുംഭാഗം, ഗാന്ധിനഗർ, നട്ടാശേരി എന്നീ എൻഎസ്എസ് കരയോഗങ്ങളുടെ നേതൃത്വത്തിലാണ് അകമ്പടി സേവനം. നീലിമംഗലം, ചവിട്ടുവരി, ചൂട്ടുവേലി, തെക്കേ നട്ടാശേരി വഴി സൂര്യകാലടിമനയിലെത്തുന്ന ഘോഷയാത്ര തുടർന്ന് ഇടത്തിൽ മണപ്പുറം, നാഗമ്പടം, പനയക്കഴിപ്പ്, ചുങ്കം, ഗോവിന്ദപുരം, തിരുവാറ്റ, കല്ലുമട, പുലിക്കുട്ടിശേരി, കുടമാളൂർ, പനമ്പാലം, കുമാരനല്ലൂർ വടക്കേനട വഴി സഞ്ചരിച്ച് വൈകുന്നേരത്തോടെ ആറാട്ടുകടവിൽ തിരിച്ചെത്തും.

തുടർന്ന് കരവഞ്ചിയോടെ ക്ഷേത്രസന്നിധിയിലെത്തിച്ച് സിംഹവാഹനം തിരികെ ഏൽപ്പിക്കുന്നതോടെ ചടങ്ങുകൾക്ക് സമാപനമാകും.

നേതൃത്വ പാടവം, ഫലപ്രദമായ ക്രമസമാധാന പരിപാലനം, കുറ്റകൃത്യങ്ങൾ നിയന്ത്രിക്കുന്നതിനും അന്വേഷണങ്ങൾ കാര്യക്ഷമമാക്കുന്നതിനുമുള്ള ഇടപെടലുകൾ, അധികാരപരിധിയിൽ പൊതുജന വിശ്വാസം ശക്തിപ്പെടുത്തുന്നതിനുള്ള പ്രവർത്തനങ്ങൾ തുടങ്ങിയ മാനദണ്ഡങ്ങളാണ് പഠനത്തിൽ പ്രധാനമായും പരിഗണിച്ചത്.

കേരളത്തിൽ നിന്ന് പട്ടികയിൽ ഇടം നേടിയ മൂന്ന് പോലീസ് ഉദ്യോഗസ്ഥരിൽ ഒരാളാണ് കെ.എം. സാബു മാത്യു IPS. നിലവിൽ കോട്ടയം ജില്ലാ പോലീസ് മേധാവിയായി സേവനമനുഷ്ഠിക്കുന്ന അദ്ദേഹം മുമ്പ് കൊല്ലം റൂറൽ, ഇടുക്കി ജില്ലകളിലും ജില്ലാ പോലീസ് മേധാവിയായി പ്രവർത്തിച്ചിട്ടുണ്ട്.

തിരുവനന്തപുരം അമ്പൂരി സ്വദേശിയായ കെ.എം. സാബു മാത്യു കേരള പോലീസിൽ സബ് ഇൻസ്പെക്ടറായി തൊടുപുഴയിലാണ് ഔദ്യോഗിക ജീവിതം ആരംഭിച്ചത്. കാളിയാർ, അടിമാലി സ്റ്റേഷനുകളിൽ സർക്കിൾ ഇൻസ്പെക്ടറായും തൊടുപുഴ ഡിവൈഎസ്പിയായും ക്രൈംബ്രാഞ്ച് എസ്പിയായും സേവനമനുഷ്ഠിച്ചു. മികച്ച സേവനത്തിന് 2017-ൽ മുഖ്യമന്ത്രിയുടെ പോലീസ് മെഡലും ലഭിച്ചിട്ടുണ്ട്.

ലഹരിമരുന്ന് മാഫിയക്കെതിരായ ശക്തമായ നടപടികൾ, സ്ത്രീകൾക്കും കുട്ടികൾക്കുമെതിരായ അതിക്രമങ്ങളിൽ സമയബന്ധിതമായ ഇടപെടൽ, ജനസൗഹൃദ പോലീസ് സംവിധാനത്തിന് പ്രാധാന്യം നൽകുന്ന പ്രവർത്തനങ്ങൾ എന്നിവയിലൂടെ ശ്രദ്ധ നേടിയ ഉദ്യോഗസ്ഥനാണ് കെ.എം. സാബു മാത്യു.

മിഡിൽ ഈസ്റ്റിലെ ഷാർജ പ്രൊവിൻസിനെ പ്രതിനിധീകരിക്കുന്ന ജോൺ മത്തായി ഗ്ലോബൽ ചെയർമാനായും യൂറോപ്പ് റീജിയനിലെ ജർമനിയിൽ നിന്നുള്ള ജോളി തടത്തിൽ ഗ്ലോബൽ പ്രസിഡന്റായും ഇന്ത്യ റീജിയനിലെ ബാംഗ്ലൂർ പ്രൊവിൻസിൽ നിന്നുള്ള ക്രിസ്റ്റഫർ വർഗീസ് ഗ്ലോബൽ ജനറൽ സെക്രട്ടറിയായും അമേരിക്ക റീജിയനിലെ നോർത്ത് ടെക്സാസ് പ്രൊവിൻസിൽ നിന്നുള്ള ജോൺസൺ തലച്ചെല്ലൂർ ട്രഷററായും സത്യപ്രതിജ്ഞ ചെയ്ത് ചുമതലയേറ്റു.

എൻഇസി ഫിലിപ് തോമസ് പുതിയ ഭാരവാഹികളെ ഔദ്യോഗികമായി പ്രഖ്യാപിച്ചതിന് പിന്നാലെ വേൾഡ് മലയാളി കൗൺസിൽ ഗ്ലോബൽ അഡ്വൈസറി ബോർഡ് ചെയർമാൻ ഗോപാല പിള്ള സത്യവാചകം ചൊല്ലിക്കൊടുത്തു.

യുകെയിൽ നിന്നുള്ള ഓർത്തോപീഡിക് സർജൻ ഡോ. ജിമ്മി ലോനപ്പൻ മോയലനും മിഡിൽ ഈസ്റ്റിൽ നിന്നുള്ള ഡോ. ജെറോ വർഗീസും വൈസ് ചെയർമാൻമാരായി സത്യപ്രതിജ്ഞ ചെയ്ത് ചുമതലയേറ്റു. പ്രൊഫ. ലളിത മാത്യു വൈസ് ചെയർപേഴ്സണായി തിരഞ്ഞെടുക്കപ്പെട്ടു.

ഗ്രിഗറി മേടയിൽ (യൂറോപ്പ്) വൈസ് പ്രസിഡന്റ്–അഡ്മിൻ, രാജേഷ് പിള്ള (മിഡിൽ ഈസ്റ്റ്) വൈസ് പ്രസിഡന്റ്–ഓർഗ്., ഡോ. പി.ബി. ബോസ് വൈസ് പ്രസിഡന്റ്–ഓർഗ്., സ്മിത സോണി (ഒർലാണ്ടോ, ഫ്‌ളോറിഡ) അസോസിയേറ്റ് സെക്രട്ടറി, പ്രൊഫ. സാം മണ്ണിക്കരോട്ട് (ന്യൂയോർക്ക്) അസോസിയേറ്റ് ട്രഷറർ, കൃഷ്ണകിരൺ കിഷൻ (ഷാർജ) യൂത്ത് ഫോറം പ്രസിഡന്റ് എന്നീ നിലകളിലും പുതിയ ഗ്ലോബൽ എക്സിക്യൂട്ടീവ് ടീമിന്റെ ഭാഗമായി സ്ഥാനമേറ്റെടുത്തു.

വേൾഡ് മലയാളി കൗൺസിലിന്റെ സ്ഥാപക നേതാവായ ആൻഡ്രൂ പാപ്പച്ചൻ ഗുഡ്വിൽ അംബാസഡറായും തിരഞ്ഞെടുക്കപ്പെട്ടു.

ശശികുമാർ നായർ ഓഡിറ്ററായും സിന്ധു ഹരികൃഷ്ണൻ വിമൻസ് ഫോറം പ്രസിഡന്റായും സൂരാജ് ലാൽ ആർട്ട് & കൾച്ചറൽ ഫോറം പ്രസിഡന്റായും ജെയിംസ് ജോൺ ചീഫ് എൻഇസിയായും പുതിയ നേതൃനിരയിലേക്ക് തിരഞ്ഞെടുക്കപ്പെട്ടു.

ലോകത്തിന്റെ വിവിധ ഭാഗങ്ങളിലുള്ള മലയാളി സമൂഹത്തെ ഏകോപിപ്പിക്കുന്നതിനും പ്രവാസി മലയാളികളുടെ സാമൂഹിക, സാംസ്കാരിക, വിദ്യാഭ്യാസ, ജീവകാരുണ്യ മേഖലകളിലെ പ്രവർത്തനങ്ങൾ കൂടുതൽ ശക്തിപ്പെടുത്തുന്നതിനുമുള്ള പ്രവർത്തനങ്ങൾക്ക് പുതിയ നേതൃത്വം നേതൃത്വം നൽകും.

കുടുംബവഴക്കിനെ തുടർന്ന് മുറിയിൽ കയറി ജീവനൊടുക്കാൻ ശ്രമിച്ച വർഗീസ് എന്നയാളെയാണ് എസ്.ഐ ബിബിന്റെ ഇടപെടലിലൂടെ രക്ഷപ്പെടുത്തിയത്. ഏറെ നേരം അനുനയിപ്പിച്ച ശേഷമാണ് “ഞാൻ നിങ്ങളുടെ മകനാണെന്ന് വിചാരിച്ച് ആ കയറൂരി താഴെയിറങ്ങൂ ചേട്ടാ” എന്ന സ്നേഹത്തോടെയുള്ള വാക്കുകളിലൂടെ ബിബിൻ വർഗീസിനെ ആത്മഹത്യാ ശ്രമത്തിൽ നിന്ന് പിന്തിരിപ്പിച്ചത്.

സംഭവത്തിന്റെ ദൃശ്യങ്ങൾ സാമൂഹ്യമാധ്യമങ്ങളിൽ വ്യാപകമായി പ്രചരിച്ചതോടെ എസ്.ഐ ബിബിന്റെ ഇടപെടൽ ഏറെ ശ്രദ്ധ നേടിയിരുന്നു.

ബിബിന്റെയും സംഘത്തിന്റെയും പ്രവർത്തനം മാതൃകാപരമാണെന്നും കേരള പൊലീസിന്റെ മാനുഷിക മുഖം പൊതുസമൂഹത്തിന് മുന്നിൽ വ്യക്തമാക്കുന്നതാണെന്നും ആഭ്യന്തര മന്ത്രി രമേശ് ചെന്നിത്തല ഫോണിൽ അഭിനന്ദിച്ചു.

സെപ്റ്റംബർ 3ന് ഇടുക്കിയിൽ നടക്കുന്ന ‘ഓപ്പറേഷൻ തൂഫാൻ’ ലഹരിവിരുദ്ധ പ്രചാരണ റാലിയിൽ എസ്.ഐ ബിബിനെ ആഭ്യന്തര മന്ത്രി നേരിട്ട് ആദരിക്കും

അയൽവാസിയുടെ വീടിനു മുകളിലേക്ക് ചാഞ്ഞുനിൽക്കുന്ന മരങ്ങളുടെ ശിഖരങ്ങൾ മുറിക്കുന്നതിന് ജില്ലാ കളക്ടർ നൽകിയ അനുമതിയുടെ മറവിലാണ് തേക്ക്, ആഞ്ഞിലി, വട്ട തുടങ്ങിയ വിലപിടിപ്പുള്ള മരങ്ങൾ മുറിച്ചു കടത്തിയതെന്നാണ് ആരോപണം. ഒന്നരലക്ഷത്തിലധികം രൂപയുടെ മരങ്ങളാണ് ഇത്തരത്തിൽ മുറിച്ചുകടത്തിയതെന്നാണ് പ്രാഥമിക വിവരം.

സംഭവത്തിൽ നാട്ടുകാർ പരാതി നൽകിയതിനെ തുടർന്ന് ശബരിമല സ്പെഷ്യൽ കമ്മീഷണർ ഉൾപ്പെടെയുള്ളവർ ഇടപെട്ടു. സംഭവവുമായി ബന്ധപ്പെട്ട വിവരങ്ങൾ ഹൈക്കോടതിയെയും ധരിപ്പിച്ചതിനു പിന്നാലെയാണ് ദേവസ്വം ബോർഡ് നടപടി സ്വീകരിച്ചത്.

മരങ്ങൾ മുറിച്ചു കടത്തിയ സംഭവത്തിൽ പോലീസ് അന്വേഷണവും ശക്തമാക്കും. പ്രതികൾക്കെതിരെ അറസ്റ്റ് ഉൾപ്പെടെയുള്ള നിയമനടപടികൾ ഉണ്ടാകുമെന്നാണ് സൂചന. സംഭവത്തിൽ കൂടുതൽ അന്വേഷണം തുടരുകയാണ്.

ഇൻസ്റ്റഗ്രാമിലൂടെയാണ് പ്രതി പെൺകുട്ടിയുമായി പരിചയത്തിലായത്. തുടർന്ന് താൻ IPS ട്രെയിനിയാണെന്ന് വിശ്വസിപ്പിക്കുകയും വിവാഹ വാഗ്ദാനം നൽകുകയും ചെയ്ത ശേഷം പെൺകുട്ടിയെ പീഡിപ്പിച്ചെന്നാണ് പരാതി. പിന്നീട് തട്ടിപ്പ് മനസ്സിലാക്കിയ പെൺകുട്ടി കോട്ടയം വെസ്റ്റ് പൊലീസ് സ്റ്റേഷനിലെത്തി പരാതി നൽകുകയായിരുന്നു.

കോട്ടയം ഡിവൈഎസ്പി കെ.ജി. അനീഷിന്റെ നേതൃത്വത്തിൽ, വെസ്റ്റ് സർക്കിൾ ഇൻസ്പെക്ടർ അനൂപ് ജോസിന്റെ മേൽനോട്ടത്തിൽ പ്രത്യേക അന്വേഷണസംഘം രൂപീകരിച്ചാണ് അന്വേഷണം നടത്തിയത്. അന്വേഷണത്തിനൊടുവിലാണ് പ്രതിയെ പിടികൂടിയത്.

IPS ട്രെയിനിയാണെന്ന് ചമഞ്ഞ് പ്രതി സമാന രീതിയിൽ മറ്റ് തട്ടിപ്പുകളും നടത്തിയിട്ടുണ്ടോയെന്നതടക്കം പൊലീസ് അന്വേഷിച്ചുവരികയാണ്.

രാവിലെ ആരംഭിച്ച പരിപാടിയിൽ മിഠായി പെറുക്ക്, കസേരകളി, വാലുപറിയ്ക്കൽ, റൊട്ടികടി, സുന്ദരിക്ക് പൊട്ടുതൊടീൽ, നാരങ്ങാ സ്പൂൺ തുടങ്ങിയ വിവിധ വിനോദ മത്സരങ്ങൾ അരങ്ങേറി. ഉച്ചയ്ക്കുശേഷം നടന്ന മുള കയറ്റം, ചാക്കിലോട്ടം, വടംവലി തുടങ്ങിയ മത്സരങ്ങളിൽ കുട്ടികളും യുവാക്കളും മുതിർന്നവരും ആവേശത്തോടെ പങ്കെടുത്തു.

വൈകിട്ട് ആറിന് നടന്ന സമാപന സമ്മേളനം ഇരട്ടയാർ ഗ്രാമപഞ്ചായത്ത് എട്ടാം വാർഡ് മെമ്പർ കിരൺ ജോർജ്ജ് തോമസ് ഉദ്ഘാടനം ചെയ്തു. ശശികുമാർ താന്നിക്കുളം സ്വാഗതം ആശംസിച്ച ചടങ്ങിൽ പി. എൻ. സുരേന്ദ്രൻ അധ്യക്ഷത വഹിച്ചു.

പാമ്പാടുംപാറ ഗ്രാമപഞ്ചായത്ത് 16-ാം വാർഡ് മെമ്പർ രജനി രഞ്ജിത്ത്, 13-ാം വാർഡ് മെമ്പർ ഷാജി മരുതോലി, ചക്കക്കാനം പൂവേഴ്‌സ് മൗണ്ട് ഗ്രാമവികസന സമിതി സെക്രട്ടറി തങ്കപ്പൻ താന്നിക്കുളം എന്നിവർ ആശംസകൾ നേർന്നു.

തുടർന്ന് വിവിധ മത്സരങ്ങളിൽ വിജയികളായവർക്ക് സമ്മാനങ്ങൾ വിതരണം ചെയ്തു. ഓണത്തിന്റെ സന്തോഷവും കൂട്ടായ്മയും പങ്കുവെച്ച് പ്രദേശവാസികൾ ഒന്നിച്ചുകൂടിയ ആഘോഷം നാടിന്റെ സൗഹൃദത്തിന്റെയും ഒത്തൊരുമയുടെയും വേദിയായി.

ഹിൽടോപ്പ് ആർട്സ് & സ്പോർട്സ് ക്ലബ് പ്രസിഡന്റ് ഷിജോ ശങ്കരൻകുട്ടി, സെക്രട്ടറി പ്രകാശ് ദാസ് താന്നിക്കുളം, ട്രഷറർ പീറ്റർ ടോമി എന്നിവർ പരിപാടികൾക്ക് നേതൃത്വം നൽകി. സമാപനത്തിൽ പ്രകാശ് ദാസ് താന്നിക്കുളം കൃതജ്ഞത രേഖപ്പെടുത്തി.

സംസ്കാരം ഇന്ന് (29/08/2026, ശനിയാഴ്ച) വൈകിട്ട് 3 മണിക്ക് അതിരമ്പുഴയിലെ വീട്ടുവളപ്പിൽ നടക്കും.

ഭർത്താവ്: സുരേഷ് ബാബു — മുൻസിഫ് കോടതി, പാലാ.മകൻ: അഭിജിത്ത് ബാബു — VIT അമരാവതി.വൈക്കം ടി.വി. പുരം ഓണാട്ട് വിശ്വംഭരൻ നായരുടെയും ഇന്ദിരാദേവിയുടെയും മകളാണ്.

കെ.ആർ. നാരായണൻ സ്മാരക എസ്.എൻ.ഡി.പി യൂണിയനിലെ മുളന്തുരുത്തി ഗുരുധർമ്മ ഗ്രാമം ശാഖയിൽ നടന്ന 172-ാമത് ഗുരുജയന്തി ആഘോഷങ്ങൾ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. ഗുരുദേവ സന്ദേശങ്ങൾ ഇന്നത്തെ ലോകസമൂഹത്തിന് മാതൃകയാണെന്നും അദ്ദേഹം പറഞ്ഞു.

ആഘോഷങ്ങളുടെ ഭാഗമായി വർണാഭമായ ജയന്തി ഘോഷയാത്രയും നടന്നു. യൂണിയൻ പ്രസിഡന്റ് ഇ.ഡി. പ്രകാശൻ അധ്യക്ഷത വഹിച്ചു. യൂണിയൻ സെക്രട്ടറി എസ്.ഡി. സുരേഷ് ബാബു ജയന്തി സന്ദേശം നൽകുകയും വിജയികൾക്ക് സമ്മാനങ്ങൾ വിതരണം ചെയ്യുകയും ചെയ്തു. യൂണിയൻ വൈസ് പ്രസിഡന്റ് രഞ്ജിത്ത് രാജപ്പൻ സ്വാഗതം പറഞ്ഞു.

അഭിലാഷ് രാമൻകുട്ടി, എ.എം. സജീവ്, ഡി.എസ്. താരേഷ്, അരുണ്‍ ദേവ്, രഞ്ജിത്ത് രാജു, അമ്പിളി അശ്വിൻ, വത്സല രാജൻ, മഞ്ജു രാജേഷ്, വിലാസിനി കൃഷ്ണൻകുട്ടി, ശ്രീനിധി ശിവൻ തുടങ്ങിയവർ നേതൃത്വം നൽകി.

സമൂഹത്തെ ലഹരിയിൽനിന്ന് മുക്തമാക്കേണ്ടത് കാലഘട്ടത്തിന്റെ ആവശ്യമാണ്. യുവതലമുറയെ രാസലഹരിയുടെ പിടിയിൽനിന്ന് മോചിപ്പിക്കുന്നതിനായാണ് ‘തൂഫാൻ’ പദ്ധതി ആരംഭിച്ചത്. ലഹരിവിരുദ്ധ പ്രവർത്തനങ്ങൾക്ക് സമൂഹത്തിലെ എല്ലാ വിഭാഗം ജനങ്ങളുടെയും പിന്തുണയും സഹകരണവും അനിവാര്യമാണെന്നും അദ്ദേഹം പറഞ്ഞു.

ആശ്രമം സ്കൂൾ അങ്കണത്തിൽ യൂണിയൻ പ്രസിഡന്റ് പി.വി. ബിനേഷിന്റെ അധ്യക്ഷതയിൽ നടന്ന സമ്മേളനത്തിൽ ജലവിഭവ–ഭവനനിർമാണ വകുപ്പ് മന്ത്രി അഡ്വ. മോൻസ് ജോസഫ് ചതയദിന സന്ദേശം നൽകി. മുൻമന്ത്രി വി.എൻ. വാസവൻ പ്രതിഭകളെ ആദരിച്ചു. കെ. ബിനുമോൻ എം.എൽ.എ വിജയികൾക്ക് സമ്മാനങ്ങൾ വിതരണം ചെയ്തു. നഗരസഭാ ചെയർമാൻ അബ്ദുൾ സലാം റാവുത്തർ ആശംസകൾ നേർന്നു.

ഗുരുജയന്തി ആഘോഷങ്ങൾക്ക് തുടക്കം കുറിച്ച് ഗായിക ഫിത ഫാത്തിമ ഗുരുവന്ദനം ആലപിച്ചു. യൂണിയൻ സെക്രട്ടറി എം.പി. സെൻ സ്വാഗതവും കെ.വി. പ്രസന്നൻ നന്ദിയും പറഞ്ഞു.

രണ്ടു മേഖലകളിൽ നിന്നായി പുറപ്പെട്ട ഘോഷയാത്രകൾ വഞ്ചിക്കവലയിൽ സംഗമിച്ചതിന് ശേഷം പീതപതാകകളും ഗുരുദേവ സന്ദേശങ്ങളും ഉയർത്തിപ്പിടിച്ച് വാദ്യമേളങ്ങളുടെ അകമ്പടിയോടെ ചെറുതോണിയിലേക്ക് നീങ്ങി.

ഗുരുദേവ ജയന്തിയുടെ ആവേശം നിറച്ച ഘോഷയാത്രയിൽ നിരവധി പേർ അണിനിരന്നു. പീതവർണത്തിന്റെ ശോഭയും വാദ്യമേളങ്ങളുടെ താളവും ഗുരുദേവസ്മരണകളും നിറഞ്ഞ ഘോഷയാത്ര ചെറുതോണി ടൗണിൽ ശ്രദ്ധേയമായി.

ഘോഷയാത്രയ്ക്ക് മോഹനൻ ടി.കെ., വിജയൻ പുത്തൻപുരയ്ക്കൽ, ഡോ. ഷീല കമലാദരൻ, എസ്. അജിത് കുമാർ, പി.എൻ. സതീശൻ, അർച്ചന അനി, ശ്രീദേവി ശ്രീനിവാസൻ, ബിന്ദു സരസൻ എന്നിവർ നേതൃത്വം നൽകി.

തൊടുപുഴയിൽ ഗുരുദേവ ജയന്തി ആഘോഷം

തൊടുപുഴ: ശ്രീനാരായണ ഗുരുദേവന്റെ 172-ാമത് ജയന്തി ആഘോഷം 4101 തൊടുപുഴ ടൗൺ ശാഖയുടെ നേതൃത്വത്തിൽ നടന്നു. യൂണിയൻ വൈസ് ചെയർമാൻ എം.എൻ. ബാബു ഉദ്ഘാടനം നിർവഹിച്ചു. ശാഖ പ്രസിഡന്റ് ഡി. മനോഹരൻ അധ്യക്ഷത വഹിച്ചു.

മുൻ യോഗ നേതാക്കളുടെ ഫോട്ടോ അനാച്ഛാദന കർമ്മം ശാഖ യൂണിയൻ കമ്മിറ്റി അംഗം കെ.വി. ഷാജു നിർവഹിച്ചു. യൂണിയൻ വൈസ് ചെയർമാനായി തെരഞ്ഞെടുക്കപ്പെട്ട എം.എൻ. ബാബുവിന് ചടങ്ങിൽ സ്വീകരണവും നൽകി.

പ്രസാദ ഊട്ട്, മംഗല്യ സഹായനിധി, ചികിത്സാ സഹായം, വിദ്യാഭ്യാസ എൻഡോവ്മെന്റ്, ഓണക്കോടി എന്നിവയുടെ വിതരണവും നടന്നു.

വനിതാ സംഘം സംസ്ഥാന സമിതി അംഗം സ്മിത ഉല്ലാസ് ഗുരുദേവ ജയന്തി സന്ദേശം നൽകി. ശാഖ സെക്രട്ടറി എം.വി. വിജയൻ, വനിതാ സംഘം വൈസ് പ്രസിഡന്റ് സരിത രാജേഷ് എന്നിവർ പ്രസംഗിച്ചു.

കട്ടപ്പന, കട്ടപ്പന നോർത്ത്, വെള്ളയാംകുടി, പുളിയൻമല, കൊച്ചുതോവാള ശാഖകളുടെ ആഭിമുഖ്യത്തിൽ സംഘടിപ്പിച്ച സംയുക്ത ഗുരുദേവ ജയന്തി ദിനാഘോഷ സമ്മേളനത്തിൽ അധ്യക്ഷത വഹിക്കുകയായിരുന്നു അദ്ദേഹം.

ഏകലോകം, മനുഷ്യസ്നേഹം, സാഹോദര്യം എന്നിവയ്ക്ക് പ്രാധാന്യം നൽകിയ ഗുരുദേവൻ മതാതീതമായ വളർച്ചയാണ് മനുഷ്യരാശിക്ക് ഉണ്ടാകേണ്ടതെന്ന് ഉദ്‌ബോധിപ്പിച്ചുവെന്ന് ചടങ്ങ് ഉദ്ഘാടനം ചെയ്ത റോയി കെ. പൗലോസ് പറഞ്ഞു. ലോകത്തുള്ള എല്ലാവർക്കും നന്മയുണ്ടാകണമെന്ന ഗുരുദേവ സന്ദേശം ജീവിതവ്രതമായി ഏറ്റെടുത്ത് അതിനായുള്ള പ്രവർത്തനങ്ങളിൽ ഏവരും പങ്കാളികളാകണമെന്നും അദ്ദേഹം കൂട്ടിച്ചേർത്തു.

സ്കോളർഷിപ്പ് വിതരണം കട്ടപ്പന മുനിസിപ്പൽ ചെയർമാൻ ജോയി വെട്ടിക്കുഴി നിർവഹിച്ചു. യൂണിയൻ സെക്രട്ടറി വിനോദ് ഉത്തമൻ മുഖ്യപ്രഭാഷണം നടത്തി. യൂണിയൻ വൈസ് പ്രസിഡന്റ് വിധു എ. സോമൻ, യോഗം ഇൻസ്പെക്ടിംഗ് ഓഫീസർ അഡ്വ. പി.ആർ. മുരളീധരൻ, ഡയറക്ടർ ബോർഡ് അംഗം ഷാജി പുള്ളോലിൽ എന്നിവർ സംസാരിച്ചു.

എ. കുഞ്ഞൻ സ്മാരക സ്കോളർഷിപ്പ് മുൻ യൂണിയൻ സെക്രട്ടറി കെ. ശശിധരൻ വിതരണം ചെയ്തു.

കൗൺസിലർമാരായ പി.കെ. രാജൻ, യൂണിയൻ വൈദികയോഗം പ്രസിഡന്റ് സോജു ശാന്തി, യൂണിയൻ വനിതാസംഘം പ്രസിഡന്റ് സി.കെ. വത്സ, യൂണിയൻ യൂത്ത് മൂവ്മെന്റ് പ്രസിഡന്റ് സുബീഷ് ശാന്തി, യൂണിയൻ കുമാരിസംഘം പ്രസിഡന്റ് രേഷ്മ കെ.ബി., യൂണിയൻ സൈബർസേന ചെയർമാൻ ഷിജോ കൊഴിഞ്ഞുത്താഴെ എന്നിവർ പങ്കെടുത്തു.

ശാഖായോഗം നേതാക്കളായ മനോജ് പതാലിൽ സ്വാഗതം പറഞ്ഞു. സജീന്ദ്രൻ പൂവാങ്കൽ, സന്തോഷ്കുമാർ പാതയിൽ, സുരേഷ് ബാബു, പി.ഡി. ബിനു പാറയിൽ, അഖിൽ കൃഷ്ണൻകുട്ടി, ഒ.എൻ. സന്തോഷ്, എം.ആർ. ജയൻ, അജേഷ് സി.എസ്. എന്നിവർ ആശംസകൾ നേർന്നു. പ്രവീൺ വട്ടമല നന്ദി രേഖപ്പെടുത്തി.

സംഭവത്തിൽ മൂന്നാർ ഡിവൈ.എസ്.പിയെ അന്വേഷണ ചുമതല ഏൽപ്പിച്ചു. എത്രയും വേഗം അന്വേഷണ റിപ്പോർട്ട് സമർപ്പിക്കാൻ നിർദേശം നൽകിയിട്ടുണ്ടെന്നും റിപ്പോർട്ടിന്റെ അടിസ്ഥാനത്തിൽ വകുപ്പുതല നടപടി ഉൾപ്പെടെയുള്ള തുടർനടപടികൾ സ്വീകരിക്കുമെന്നും ജില്ലാ പോലീസ് മേധാവി ഡോ. എ. നസീം അറിയിച്ചു.

പാലാരിവട്ടത്ത് തട്ടമിട്ട യുവതി പൂക്കളം തട്ടിത്തെറിപ്പിക്കുന്നുവെന്ന പേരിൽ അടുത്തിടെ സമൂഹമാധ്യമങ്ങളിൽ പ്രചരിച്ച ചിത്രവുമായി ബന്ധപ്പെട്ട പോസ്റ്റാണ് വിവാദമായത്. ഈ ചിത്രം ഉപയോഗിച്ച് നടന്നുവന്ന സംഘപരിവാർ പ്രചാരണം എസ്.ഐ പങ്കുവച്ചുവെന്നാണ് യൂത്ത് ലീഗിന്റെ പരാതി.

എന്നാൽ പാലാരിവട്ടത്ത് ഇത്തരമൊരു സംഭവം നടന്നതായി സ്ഥിരീകരിച്ചിട്ടില്ലെന്നും, 2024-ൽ ബെംഗളൂരുവിൽ നടന്ന മറ്റൊരു സംഭവത്തിന്റെ ചിത്രമാണ് പാലാരിവട്ടം എന്ന പേരിൽ പ്രചരിക്കുന്നതെന്നുമുള്ള പ്രതികരണങ്ങളും സമൂഹമാധ്യമങ്ങളിൽ ഉയർന്നിരുന്നു.

വിവാദം ശക്തമായതിനെ തുടർന്ന് എസ്.ഐ പോസ്റ്റ് പിൻവലിച്ചിരുന്നു. യൂത്ത് ലീഗ് തൊടുപുഴ നിയോജക മണ്ഡലം കമ്മിറ്റി പ്രസിഡന്റ് കെ.എം. നിഷാദ്, പി.എം. നിസാമുദ്ദീൻ, ഷമൽ അസീസ്, ബാദുഷ അബ്ബാസ്, വി.എൻ. അൻസാരി, നെജീബ് തുടങ്ങിയവരാണ് പരാതി നൽകിയത്.

സമൂഹമാധ്യമങ്ങളിലെ പോലീസ് ഉദ്യോഗസ്ഥരുടെ ഇടപെടലുകൾ സംബന്ധിച്ച് വകുപ്പുതലത്തിൽ കർശന പരിശോധനകൾ നടക്കുന്നതിനിടെയാണ് നടപടി.

തിരഞ്ഞെടുക്കപ്പെട്ട നിയുക്ത മെത്രാപ്പോലീത്താമാർക്ക് സുന്നഹദോസ് ആശംസകൾ നേർന്നു. നിയുക്ത മെത്രാപ്പോലീത്താമാരായ ഫാ. തോമസ് പോൾ റമ്പാൻ, ഫാ. എൽദോസ് എ. എ., ഫാ. സാംജി ടി. ജോർജ്, ഫാ. ഷിബു വേണാട് മത്തായി എന്നിവർ ദേവലോകത്ത് എത്തി പരിശുദ്ധ കാതോലിക്കാ ബാവായെ സന്ദർശിച്ച് അനുഗ്രഹം തേടി.

ദൈവാശ്രയബോധത്തോടെ അജപാലന ശുശ്രൂഷ നിർവഹിക്കാൻ കഴിയട്ടെ എന്ന് പരിശുദ്ധ കാതോലിക്കാ ബാവാ നിയുക്ത മെത്രാപ്പോലീത്താമാരെ ആശംസിച്ചു.തുടർന്ന് ദേവലോകം അരമന ചാപ്പലിലും മുൻ സഭാധ്യക്ഷന്മാരുടെ കബറിടങ്ങളിലും നിയുക്ത മെത്രാപ്പോലീത്താമാർ പ്രാർത്ഥന നടത്തി.

മീൻപിടിച്ചുകൊണ്ടിരുന്ന ബംഗാളി തൊഴിലാളികൾ സംഭവം കണ്ടതായി പറയുന്നു. ഒരാൾ വെള്ളത്തിലേക്ക് ചാടുന്നതും തുടർന്ന് രണ്ട് കൈകളും ഉയർത്തി ജലനിരപ്പിന് മുകളിൽ വരുന്നതും കണ്ടതായാണ് ഇവരുടെ മൊഴി.

വിവരമറിഞ്ഞ് ഫയർ ഫോഴ്സ് ആൻഡ് റെസ്ക്യൂ സർവീസും പോലീസും സ്ഥലത്തെത്തി. ഫയർഫോഴ്സ് സംഘം സ്ഥലത്ത് തിരച്ചിലിനുള്ള തയ്യാറെടുപ്പുകൾ ആരംഭിച്ചു. നിലവിൽ തിരച്ചിൽ ആരംഭിക്കാനിരിക്കുകയാണ്.

സി.പി.ഐ പൂഞ്ഞാർ മണ്ഡലം കമ്മിറ്റിയുടെ നേതൃത്വത്തിൽ സംഘടിപ്പിച്ച ‘ഡൽഹി ചലോ’ കാൽനട പ്രചാരണ ജാഥയുടെ സമാപന സമ്മേളന വേദിയിൽ മുൻ കൃഷിമന്ത്രി അഡ്വ. വി.എസ്. സുനിൽ കുമാറിൽ നിന്ന് ടീം റെസ്ക്യൂ ഫോഴ്സ് ഭാരവാഹികൾ സ്നേഹാദരവ് ഏറ്റുവാങ്ങി.

ടീം റെസ്ക്യൂ ഫോഴ്സ് കേരള പ്രസിഡന്റ് നൗഷാദ് വെള്ളുപ്പറമ്പിൽ, ജനറൽ സെക്രട്ടറി ആരിഫ് വാഴയിൽ, ട്രഷറർ മുഹമ്മദ് യാസിർ എന്നിവരും മറ്റ് എക്സിക്യൂട്ടീവ് അംഗങ്ങളും ചേർന്നാണ് ഉപഹാരം സ്വീകരിച്ചത്.

പ്രളയം ഉൾപ്പെടെയുള്ള വിവിധ ദുരന്തഘട്ടങ്ങളിൽ ജീവൻ പണയംവെച്ച് രക്ഷാപ്രവർത്തനങ്ങളിൽ ഏർപ്പെടുകയും ദുരിതബാധിതർക്ക് കൈത്താങ്ങാകുകയും ചെയ്ത സംഘടനയുടെ നിസ്വാർത്ഥ സേവനങ്ങളെ ചടങ്ങിൽ പ്രത്യേകം പ്രകീർത്തിച്ചു.

മുണ്ടക്കയം ചാച്ചിക്കവല പല്ലാപ്പിൽ ബിജുവിന്റെ മകൻ ജിബിൻ (26) ആണ് മരിച്ചത്.

വ്യാഴാഴ്ച വൈകിട്ട് ഏഴരയോടെയാണ് കരിനിലം ഭാഗത്ത് അപകടമുണ്ടായത്. ജിബിൻ സഞ്ചരിച്ചിരുന്ന ബൈക്കും ഓട്ടോറിക്ഷയും തമ്മിൽ കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ ഗുരുതരമായി പരിക്കേറ്റ ജിബിനെ ഉടൻ തന്നെ 26-ാം മൈലിലെ മേരി ക്വീൻസ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയിൽ എത്തിച്ചപ്പോഴേക്കും മരണം സംഭവിച്ചിരുന്നു.

സഞ്ചാരികളുടെ പ്രകോപനപരമായ പെരുമാറ്റത്തെ തുടർന്ന് കാട്ടാനകൾ അപ്രതീക്ഷിതമായി ഇവർക്ക് നേരെ പാഞ്ഞടുക്കുകയായിരുന്നു. കാട്ടാനയുടെ ആക്രമണത്തിൽ നിന്ന് തലനാരിഴയ്ക്കാണ് വിനോദസഞ്ചാരികൾ രക്ഷപ്പെട്ടത്.

സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. വന്യമൃഗങ്ങളുടെ സാന്നിധ്യമുള്ള മേഖലകളിൽ സുരക്ഷാ നിർദേശങ്ങൾ പാലിക്കാതെയും അടുത്തെത്തിയും പെരുമാറുന്നത് ഗുരുതരമായ അപകടങ്ങൾക്ക് ഇടയാക്കുമെന്ന് അധികൃതർ മുന്നറിയിപ്പ് നൽകുന്നു.

തിരുവോണ ദിനമായ ബുധനാഴ്ച രാവിലെയാണ് സംഭവം. കോട്ടയത്ത് നിന്ന് എറണാകുളത്തേക്ക് ഒരു കൗൺസലിംഗ് പരിപാടിയിൽ പങ്കെടുക്കാൻ സ്കൂട്ടറിൽ പോകുന്നതിനിടെ കടുത്തുരുത്തി ബൈപ്പാസിന് സമീപം റോഡരികിൽ കിടന്ന നിലയിലാണ് ഐശ്വര്യയ്ക്ക് സ്വർണമാല ലഭിച്ചത്.

മാല ലഭിച്ചതിന് പിന്നാലെ അത് കൈവശം സൂക്ഷിക്കാതെ യാത്ര തുടർന്ന ഐശ്വര്യ സമീപത്തുള്ള തലയോലപ്പറമ്പ് പോലീസ് സ്റ്റേഷനിലെത്തി മാല കൈമാറുകയായിരുന്നു.

ഇതിനിടെ മാല നഷ്ടപ്പെട്ട വിവരം അറിയാതെ ഉടമയായ ബിസിനസുകാരൻ പെരുവ ശാന്തിപുരം ഐക്കരവേലിൽ അമലേക്ക് രാജേഷ് കടുത്തുരുത്തി പോലീസ് സ്റ്റേഷനിലെത്തി പരാതി നൽകി. കടുത്തുരുത്തി ബൈപ്പാസിന് സമീപത്തെ ഹോട്ടലിൽ ഭക്ഷണം കഴിച്ച ശേഷം കാറിൽ കയറുന്നതിനിടെയാണ് കഴുത്തിലുണ്ടായിരുന്ന മാല നഷ്ടപ്പെട്ടതെന്നാണ് പരാതി.

തലയോലപ്പറമ്പ് പോലീസ് സ്റ്റേഷനിൽ സ്വർണമാല ലഭിച്ചതായി വിവരം ലഭിച്ചതോടെ ഉടമയെ കണ്ടെത്താനുള്ള നടപടികൾ ആരംഭിച്ചു. തുടർന്ന് ഐശ്വര്യ കോട്ടയത്തേക്ക് മടങ്ങുന്നതിനിടെ ബുധനാഴ്ച വൈകിട്ട് 6.30ഓടെ തലയോലപ്പറമ്പ് പോലീസ് സ്റ്റേഷനിലെത്തി.

പോലീസ് ഉദ്യോഗസ്ഥരുടെ സാന്നിധ്യത്തിൽ സ്വർണമാല യഥാർഥ ഉടമയായ അമലേക്ക് രാജേഷിന് കൈമാറി.

ലക്ഷങ്ങൾ വിലമതിക്കുന്ന സ്വർണം കൈയിൽ കിട്ടിയിട്ടും ഒരു നിമിഷം പോലും സ്വന്തമാക്കാനുള്ള ചിന്തയില്ലാതെ അത് ഉടമയ്ക്ക് തിരികെ ലഭിക്കാനുള്ള വഴിയൊരുക്കിയ ഐശ്വര്യയുടെ സത്യസന്ധതയ്ക്ക് കൈയടി നൽകുകയാണ് നാട്ടുകാർ.

രോഗിയുമായി അതിവേഗം ആശുപത്രിയിലേക്ക് പോകുകയായിരുന്ന ആംബുലൻസിന്റെ മുന്നിൽ യുവാവ് റോഡിൽ അഭ്യാസപ്രകടനം നടത്തുകയായിരുന്നു. അപ്രതീക്ഷിതമായി യുവാവ് ആംബുലൻസിന് മുന്നിലെത്തിയതോടെ ഡ്രൈവർക്ക് അടിയന്തരമായി വാഹനം നിയന്ത്രിക്കേണ്ടിവന്നു.

ഡ്രൈവറുടെ സമയോചിതമായ ഇടപെടൽ മൂലം മാത്രമാണ് വൻ ദുരന്തം ഒഴിവായത്. രോഗിയുടെ ജീവൻ രക്ഷിക്കാനുള്ള നിർണായക സമയത്താണ് ആംബുലൻസിന്റെ യാത്രയ്ക്ക് യുവാവിന്റെ അപകടകരമായ പ്രകടനം തടസ്സമായത്.

സംഭവത്തിന്റെ ദൃശ്യങ്ങൾ പുറത്തുവന്നതോടെ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്. റോഡിൽ ഇത്തരം അപകടകരമായ അഭ്യാസങ്ങൾ നടത്തുന്നവർക്കെതിരെ ശക്തമായ നടപടി വേണമെന്ന ആവശ്യവും ഉയരുന്നുണ്ട്.

1856 ഓഗസ്റ്റ് 28-ന് തിരുവനന്തപുരം ചെമ്പഴന്തിയിൽ മാടൻ ആശാന്റെയും കുട്ടിയമ്മയുടെയും മകനായി ജനിച്ച ശ്രീനാരായണ ഗുരു, ജാതിവിവേചനത്തിനും അനാചാരങ്ങൾക്കുമെതിരെ ശക്തമായ സാമൂഹിക ഇടപെടലുകൾ നടത്തിയ മഹാനായ ആത്മീയ ഗുരുവും സാമൂഹിക പരിഷ്കർത്താവുമായിരുന്നു.

“ഒരു ജാതി, ഒരു മതം, ഒരു ദൈവം മനുഷ്യന്” എന്ന ഗുരുദേവ സന്ദേശം ഇന്നും സമൂഹത്തിന് വഴികാട്ടിയായി നിലകൊള്ളുന്നു. വിദ്യാഭ്യാസത്തിലൂടെയും സംഘടനയിലൂടെയും സാമൂഹിക പുരോഗതി കൈവരിക്കണമെന്ന ആശയവും ഗുരുദേവൻ മുന്നോട്ടുവച്ചു.

1888-ലെ അരുവിപ്പുറം പ്രതിഷ്ഠ കേരളത്തിന്റെ നവോത്ഥാന ചരിത്രത്തിലെ നിർണായക സംഭവങ്ങളിലൊന്നായി മാറി. ജാതിയുടെ പേരിലുള്ള സാമൂഹിക അസമത്വങ്ങൾക്കെതിരെ മാനവികതയുടെയും സമത്വത്തിന്റെയും സന്ദേശമാണ് ഗുരുദേവൻ ഉയർത്തിപ്പിടിച്ചത്.

ചതയ ദിനത്തോടനുബന്ധിച്ച് ശ്രീനാരായണീയ സംഘടനകളുടെയും ഗുരുദേവ ഭക്തരുടെയും നേതൃത്വത്തിൽ പ്രാർത്ഥനകൾ, പുഷ്പാർച്ചന, ജയന്തി സമ്മേളനങ്ങൾ, ഘോഷയാത്രകൾ, സമൂഹവിരുന്നുകൾ, ജീവകാരുണ്യ പ്രവർത്തനങ്ങൾ തുടങ്ങിയ വിവിധ പരിപാടികൾ സംഘടിപ്പിച്ചിട്ടുണ്ട്.

ഗുരുദേവന്റെ ജന്മസ്ഥലമായ ചെമ്പഴന്തിയിലും ശിവഗിരിയിലും വിപുലമായ ജയന്തി ആഘോഷങ്ങളാണ് നടക്കുന്നത്. വിവിധ ശ്രീനാരായണ ഗുരുക്ഷേത്രങ്ങളിലും എസ്.എൻ.ഡി.പി. യോഗം ശാഖകളിലും പ്രത്യേക പ്രാർത്ഥനകളും ജയന്തി ആഘോഷങ്ങളും സംഘടിപ്പിച്ചിട്ടുണ്ട്.

ജാതിയുടെയും മതത്തിന്റെയും വേർതിരിവുകൾക്കപ്പുറം മനുഷ്യനെ മനുഷ്യനായി കാണണമെന്ന ഗുരുദേവന്റെ സന്ദേശം ഓർമിപ്പിച്ചുകൊണ്ട് മറ്റൊരു ചതയം കൂടി.

“വിദ്യകൊണ്ട് പ്രബുദ്ധരാകുക, സംഘടനകൊണ്ട് ശക്തരാകുക” — ഗുരുദേവ സന്ദേശം ഇന്നും സമൂഹത്തിന്റെ മുന്നോട്ടുള്ള യാത്രയ്ക്ക് വെളിച്ചമാകുന്നു.

ക്രൈംബ്രാഞ്ച് മേധാവി എച്ച്. വെങ്കിടേഷിനാണ് അന്വേഷണത്തിന്റെ പൂർണ്ണ ചുമതല നൽകിയിരിക്കുന്നത്. ബ്രൂണൈയിൽ ഇൻഡോ–മലേഷ്യൻ വംശജനെന്ന വ്യാജേന സുകുമാരക്കുറുപ്പ് നിർമാണമേഖലയിൽ ജോലി ചെയ്യുകയാണെന്ന് മുൻ പോലീസ് ഉദ്യോഗസ്ഥൻ അലി അക്ബർ വെളിപ്പെടുത്തിയിരുന്നു.

ബ്രൂണൈയിലുള്ള സംശയിക്കപ്പെടുന്ന വ്യക്തിയെക്കുറിച്ച് അന്വേഷിക്കാൻ ആവശ്യമെങ്കിൽ കേരള പോലീസ് ഇന്റർപോളിന്റെ സഹായം തേടും. വിഷയത്തിൽ കൃത്യമായ അന്വേഷണം നടത്തി എത്രയും വേഗം റിപ്പോർട്ട് സമർപ്പിക്കാനാണ് ആഭ്യന്തരമന്ത്രിയുടെ നിർദേശം.

ബ്രൂണൈയിൽ നിന്നുള്ള വ്യക്തിയുടെ ചിത്രങ്ങളോ ലഭിച്ച വിവരങ്ങളോ സുകുമാരക്കുറുപ്പുമായി ബന്ധപ്പെട്ടതാണെന്ന് പോലീസ് ഇതുവരെ സ്ഥിരീകരിച്ചിട്ടില്ല. അന്വേഷണം പൂർത്തിയായ ശേഷമേ ഇക്കാര്യത്തിൽ വ്യക്തത ലഭിക്കൂ.

വ്യാഴാഴ്ച പുലർച്ചെ മാവേലിപുരം ഭാഗത്താണ് അപകടം. സ്വകാര്യ സ്ഥാപനത്തിലെ ജീവനക്കാരായ ഇരുവരും ജോലി കഴിഞ്ഞ് വീട്ടിലേക്ക് മടങ്ങുന്നതിനിടെയാണ് ഇവർ സഞ്ചരിച്ചിരുന്ന ഇരുചക്രവാഹനം കണ്ടെയ്നർ ലോറിയുമായി കൂട്ടിയിടിച്ചത്.

അപകടത്തിൽ ഗുരുതരമായി പരിക്കേറ്റ ഇരുവരെയും ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ലെന്നാണ് വിവരം.മാത്യു ജോമോന്റെ മാതാവ് ഷീജ. സഹോദരങ്ങൾ മാഗി, മഹിമ.മാത്യുവിന്റെയും ഡിനിൽരാജിന്റെയും മൃതദേഹങ്ങൾ കാക്കനാട്ടെ സ്വകാര്യ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. പോസ്റ്റ്മോർട്ടം നടപടികൾക്ക് ശേഷം മൃതദേഹങ്ങൾ ബന്ധുക്കൾക്ക് വിട്ടുനൽകും. സംസ്കാരം പിന്നീട്.അപകടവുമായി ബന്ധപ്പെട്ട് പോലീസ് നടപടികൾ ആരംഭിച്ചിട്ടുണ്ട്.

തോപ്പിൽ ഷാനവാസ് ഖാന്റെ കെ.എൽ. 7 എ.എം. 8462 നമ്പർ സാൻട്രോ കാറാണ് ബുധനാഴ്ച രാത്രി വീട്ടുമുറ്റത്ത് നിന്ന് മോഷണം പോയത്. കെ.എസ്.ആർ.ടി.സി. ഡ്യൂട്ടിക്ക് പോകുന്നതിനായി വ്യാഴാഴ്ച രാവിലെ എഴുന്നേറ്റ് പുറത്തിറങ്ങിയപ്പോഴാണ് കാർ കാണാനില്ലെന്ന് ഷാനവാസ് മനസ്സിലാക്കിയത്.

ഇതിനിടെ പുതുച്ചിറ ഭാഗത്തെ ഒരു അഭിഭാഷകന്റെ വീട്ടിൽ നിന്ന് 19,000 രൂപയും മോഷണം പോയി. രാത്രി പത്തോടെയാണ് ഇവിടെ മോഷണം നടന്നതെന്നാണ് വിവരം. വീട്ടുകാർ ഔട്ട് ഹൗസിലിരുന്ന് ടി.വി. കണ്ടുകൊണ്ടിരിക്കുമ്പോൾ മോഷ്ടാവ് വീടിനുള്ളിൽ കടന്ന് അലമാരയിൽ സൂക്ഷിച്ചിരുന്ന പണം അപഹരിക്കുകയായിരുന്നു.

മുഖംമൂടിയെത്തിയ മോഷ്ടാവ്; ബൈക്ക് ഉപേക്ഷിച്ച് രക്ഷപ്പെട്ടു

മോഷ്ടാവ് സഞ്ചരിച്ച ബൈക്ക് പുതുച്ചിറ ഭാഗത്ത് നിന്ന് പോലീസ് കണ്ടെത്തി. ചങ്ങനാശേരി ഭാഗത്ത് നിന്ന് മോഷണം പോയ ബൈക്കാണിതെന്ന് പോലീസ് വ്യക്തമാക്കി.

മുഖംമൂടി ധരിച്ച നിലയിൽ അപരിചിതനെ അസമയത്ത് കണ്ടതിനെ തുടർന്ന് നാട്ടുകാർ ഒത്തുകൂടിയതോടെ മോഷ്ടാവ് ബൈക്ക് ഉപേക്ഷിച്ച് ഓടി രക്ഷപ്പെടുകയായിരുന്നു. ഈ ദൃശ്യങ്ങൾ സമീപത്തെ സി.സി.ടി.വി. ക്യാമറയിൽ പതിഞ്ഞിട്ടുണ്ട്.

മറ്റ് മൂന്ന് വീടുകളിലും മോഷണശ്രമം നടന്നെങ്കിലും വീട്ടുകാർ ഉണർന്നതോടെ ശ്രമം പരാജയപ്പെട്ടു. ഇതോടെ ഒരേ രാത്രിയിൽ പ്രദേശത്ത് തുടർച്ചയായി മോഷണശ്രമങ്ങൾ നടന്നതായാണ് പോലീസിന്റെ പ്രാഥമിക നിഗമനം.

കാർ മോഷണം നടന്ന വീട്ടിൽ ഇടുക്കിയിൽ നിന്ന് പോലീസ് നായയെയും വിരലടയാള വിദഗ്ധരെയും എത്തിച്ച് പരിശോധന നടത്തി. വിരലടയാളങ്ങളും മറ്റ് ശാസ്ത്രീയ തെളിവുകളും ശേഖരിച്ചാണ് അന്വേഷണം പുരോഗമിക്കുന്നത്.

തൊടുപുഴ ഡിവൈ.എസ്.പി. സജി മർക്കോസിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി അന്വേഷണം ഊർജിതമാക്കി. സി.സി.ടി.വി. ദൃശ്യങ്ങൾ കേന്ദ്രീകരിച്ചും മോഷ്ടാവ് ഉപേക്ഷിച്ച ബൈക്കിനെക്കുറിച്ചുള്ള വിവരങ്ങൾ ശേഖരിച്ചുമാണ് അന്വേഷണം.

ഒരേ രാത്രിയിൽ പ്രദേശത്തെ വിവിധ വീടുകളിലും മോഷണശ്രമം നടന്ന സാഹചര്യത്തിൽ സംഭവത്തിന് പിന്നിൽ ഒരേ സംഘമാണോയെന്നതും പോലീസ് പരിശോധിച്ചുവരികയാണ്.

കഴിഞ്ഞ ദിവസം രാത്രി കോട്ടയം സി.എം.എസ്. കോളേജിന് സമീപത്തായിരുന്നു അപകടം. യാത്രക്കാരുമായി ഓട്ടം പോകുന്നതിനിടെ ഷിജുവിന് ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് ഓട്ടോറിക്ഷയുടെ നിയന്ത്രണം നഷ്ടപ്പെടുകയായിരുന്നു. തുടർന്ന് ഓട്ടോറിക്ഷ മതിലിൽ ഇടിച്ച് മറിയുകയായിരുന്നു.

അപകടത്തിൽ യാത്രക്കാർക്കും പരിക്കേറ്റു. പരിക്കേറ്റവരെ ഉടൻ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഗുരുതരമായി പരിക്കേറ്റ ഷിജുവിനെയും കോട്ടയം മെഡിക്കൽ കോളേജ് ആശുപത്രിയിൽ എത്തിച്ച് ചികിത്സ നൽകിയെങ്കിലും ഇന്നലെ ഉച്ചയോടെ മരണം സംഭവിക്കുകയായിരുന്നു.

അയ്യപ്പഭക്തർക്ക് വിരിവയ്ക്കുന്നതിനും ടോയ്‌ലറ്റ് സൗകര്യം ഒരുക്കുന്നതിനുമായി നഗരസഭ നിർമിച്ച കെട്ടിടമാണ് വർഷങ്ങളായി പാതിവഴിയിൽ ഉപേക്ഷിക്കപ്പെട്ട നിലയിൽ കിടക്കുന്നത്. കെട്ടിടത്തിലെ ടോയ്‌ലറ്റുകൾക്കുള്ളിൽ നിന്നാണ് ഏലത്തിന്റെ ശരങ്ങൾ കണ്ടെത്തിയത്.

ഏലക്കായകൾ പൂർണമായും പിഴുതെടുത്ത് മാറ്റിയശേഷം ശരങ്ങൾ മാത്രം ഇവിടെ കൂട്ടിയിട്ട നിലയിലായിരുന്നു. സംഭവത്തിൽ സംശയം തോന്നിയ പുളിയന്മലയിലെ വ്യാപാരികൾ നടത്തിയ പരിശോധനയിലാണ് ഏലശരങ്ങൾ കണ്ടെത്തിയത്.

ഏലശരങ്ങൾക്ക് സമീപത്തായി പായയും തലയിണയും ഉൾപ്പെടെയുള്ള സാധനങ്ങളും കണ്ടെത്തിയിട്ടുണ്ട്. ഇതോടെ രാത്രികാലങ്ങളിൽ ആരെങ്കിലും കെട്ടിടത്തിനുള്ളിൽ തങ്ങുകയും മോഷ്ടിച്ച ഏലം ഇവിടെ എത്തിച്ച് സൂക്ഷിക്കുകയും ചെയ്തിരുന്നോ എന്ന സംശയവും ഉയർന്നിട്ടുണ്ട്.

അതേസമയം, കെട്ടിടത്തിലേക്ക് പ്രവേശിക്കുന്ന പ്രധാന ഗേറ്റ് നഗരസഭ പൂട്ടിയിട്ടിരിക്കുകയാണ്. പൂട്ടിയിട്ട കെട്ടിടത്തിനുള്ളിൽ മോഷ്ടാക്കൾ എങ്ങനെ പ്രവേശിച്ചു എന്നതും അന്വേഷണത്തിലെ പ്രധാന ചോദ്യമായി തുടരുകയാണ്.

വ്യാപാരികൾ വിവരം അറിയിച്ചതിനെ തുടർന്ന് വണ്ടൻമേട് പോലീസ് എസ്.എച്ച്.ഒ ബിനോയ് എബ്രഹാമിന്റെ നേതൃത്വത്തിലുള്ള സംഘം സ്ഥലത്തെത്തി പരിശോധന നടത്തി. സംഭവവുമായി ബന്ധപ്പെട്ട് പ്രദേശത്തെ സി.സി.ടി.വി ദൃശ്യങ്ങൾ ഉൾപ്പെടെ കേന്ദ്രീകരിച്ചാണ് പോലീസ് അന്വേഷണം പുരോഗമിക്കുന്നത്.

കെട്ടിടത്തിനുള്ളിൽ കണ്ടെത്തിയ ഏലശരങ്ങളുടെ ഉറവിടം കണ്ടെത്തുന്നതിനും സമീപപ്രദേശങ്ങളിലെ ഏലത്തോട്ടങ്ങളിൽ മോഷണം നടന്നിട്ടുണ്ടോ എന്ന് പരിശോധിക്കുന്നതിനും പോലീസ് അന്വേഷണം വ്യാപിപ്പിച്ചിട്ടുണ്ട്.

പ്രദേശത്ത് ഏറെ നാളായി കാട്ടാനശല്യം രൂക്ഷമായി തുടരുന്നതിനിടെയാണ് വീണ്ടും മനുഷ്യജീവൻ നഷ്ടമായത്. സംഭവദിവസം രാവിലെ മുതൽ എസ്റ്റേറ്റ് പ്രദേശത്ത് കാട്ടാനക്കൂട്ടം തമ്പടിച്ചിരുന്നതായാണ് ലഭിക്കുന്ന വിവരം.

കാട്ടാനക്കൂട്ടത്തിന്റെ സാന്നിധ്യം തൊഴിലാളികളിൽ ആശങ്ക സൃഷ്ടിച്ചിരുന്ന സാഹചര്യത്തിലാണ് ദാരുണ സംഭവം. ജനവാസ മേഖലകളിലും തോട്ടം മേഖലകളിലും തുടർച്ചയായി കാട്ടാനകളുടെ സാന്നിധ്യം റിപ്പോർട്ട് ചെയ്യപ്പെടുന്നത് പ്രദേശവാസികളിലും തൊഴിലാളികളിലും കടുത്ത ഭീതിയുണ്ടാക്കിയിട്ടുണ്ട്.

സെന്റ് തോമസ് എച്ച്.എസ്.എസ്. ഇരട്ടിയാറിലെ SSLC 2000–2001 ബാച്ചിന്റെ ‘നിനവ് 2026 – ഓർമ്മകളിൽ ഒരിക്കൽ കൂടി’ എന്ന പൂർവ്വവിദ്യാർത്ഥി സംഗമമാണ് കാൽനൂറ്റാണ്ടിന്റെ ഇടവേളയ്ക്ക് ശേഷം പഴയ സൗഹൃദങ്ങളെ വീണ്ടും ഒരുമിപ്പിച്ചത്.

ഉദ്ഘാടന സമ്മേളനത്തിൽ പ്രോഗ്രാം കോ-ഓർഡിനേറ്റർ ജോയ്‌സൺ പി. ജോസ് സ്വാഗതം പറഞ്ഞു. പ്രോഗ്രാം ചീഫ് കോ-ഓർഡിനേറ്റർ അഡ്വ. അഭിലാഷ് വി.എസ്. അധ്യക്ഷത വഹിച്ച സംഗമം സ്കൂൾ മാനേജർ റവ. ഫാ. സഖറിയാസ് കുമ്മണ്ണുപറമ്പിൽ  ഉദ്ഘാടനം ചെയ്തു.

പ്രോഗ്രാം ട്രഷറർ ആനന്ദ് ജോസ് റിപ്പോർട്ട് അവതരിപ്പിച്ചു. സ്കൂൾ ഹെഡ്മിസ്ട്രസ് ജിജിമോൾ മുഖ്യപ്രഭാഷണം നടത്തി. മുൻ സ്കൂൾ പ്രിൻസിപ്പൽ സെബാസ്റ്റ്യൻ പതിപ്പള്ളിൽ, പൂർവ്വവിദ്യാർത്ഥി ഫാ. ലിജോ പുളിക്കൽ, പ്രോഗ്രാം കൺവീനർ വിബിൻ സെബാസ്റ്റ്യൻ, പ്രോഗ്രാം കമ്മിറ്റി അംഗം സീമാ കുര്യൻ ,സജേഷ് തന്ത്രി,ഫാ.സിനു മാക്കൽ, ഫാ.ജെയിംസ് വല്യപറമ്പിൽ എന്നിവർ ആശംസകൾ നേർന്നു സംസാരിച്ചു.

ക്ലാസ് മുറികളിൽ നിന്ന് ജീവിതത്തിന്റെ വഴികളിലേക്ക്...

ഒരിക്കൽ ബെല്ലടിച്ചാൽ ക്ലാസ് മുറികളിലേക്ക് ഓടിയെത്തിയ ആ കുട്ടികൾ ഇന്ന് ജീവിതത്തിന്റെ വ്യത്യസ്ത മേഖലകളിലാണ്. ചിലർ കുടുംബജീവിതത്തിന്റെ തിരക്കുകളിൽ, ചിലർ വിവിധ ജോലികളിൽ, ചിലർ നാടിന്റെ വിവിധ ഭാഗങ്ങളിൽ.

എന്നാൽ പഴയ സ്കൂൾമുറ്റത്ത് വീണ്ടും ഒന്നിച്ചപ്പോൾ പദവികളും പ്രായവും ജീവിതത്തിന്റെ തിരക്കുകളും എല്ലാം അൽപ്പനേരത്തേക്ക് പിന്നിലേക്ക് മാറി. അവിടെ വീണ്ടും അവർ പഴയ കൂട്ടുകാർ മാത്രമായി.

പഴയ അധ്യാപകരെ കണ്ടപ്പോൾ ഓർമ്മകൾക്ക് വീണ്ടും നിറം പകർന്നു. പഴയ സംഭവങ്ങൾ ഓർത്തെടുത്തും തമാശകൾ പങ്കുവെച്ചും സൗഹൃദം പുതുക്കിയും നടന്ന സംഗമം പലരുടെയും മനസ്സിൽ ഗൃഹാതുരതയുടെ നനവുണർത്തി.

ചില കണ്ടുമുട്ടലുകൾ വെറും കൂടിക്കാഴ്ചകളല്ല... കാലത്തെ തിരികെ കൊണ്ടുവരുന്ന അനുഭവങ്ങളാണ്. ‘നിനവ് 2026’ അത്തരമൊരു അനുഭവമായി.

പഠിച്ച വിദ്യാലയത്തിന് സ്നേഹസമ്മാനം

സൗഹൃദത്തിന്റെ ഓർമ്മകൾ പങ്കുവെച്ചതിനൊപ്പം പഠിച്ചിറങ്ങിയ വിദ്യാലയത്തോടുള്ള കടപ്പാടും ബാച്ച് മറന്നില്ല. സംഗമത്തിന്റെ ഭാഗമായി സ്കൂളിന് ഒരു സ്നേഹോപകാരവും സമ്മാനിച്ചു. 

മുൻ അധ്യാപകരെ ആദരിക്കുന്ന ചടങ്ങും സംഗമത്തിന്റെ ഭാഗമായി നടന്നു. പ്രോഗ്രാം ജോയിന്റ് കൺവീനർ അജീഷ് ജോസഫ് കൃതജ്ഞത രേഖപ്പെടുത്തി.പരിപാടിയുടെ ഏകോപനത്തിനും വിവിധ പ്രവർത്തനങ്ങൾക്കും ജിൻസ് ജോർജ് വാതലൂർ നേതൃത്വം നൽകി.

സീറോ മലബാർ സഭയുടെ മേജർ ആർച്ച് ബിഷപ്പ് മാർ റാഫേൽ തട്ടിൽ നിയമനം പ്രഖ്യാപിച്ചു.

1962 ജനുവരി 13ന് കണ്ണൂർ ജില്ലയിലെ പയ്യാവൂരിലാണ് ഫാ. തോമസ് ആനിമൂട്ടിലിന്റെ ജനനം. കോട്ടയം അതിരൂപതയുടെ വിവിധ അജപാലന, ഭരണ മേഖലകളിൽ ശ്രദ്ധേയമായ സേവനം അനുഷ്ഠിച്ചിട്ടുള്ള അദ്ദേഹം നിലവിൽ അതിരൂപതയുടെ പ്രോട്ടോസിഞ്ചേലൂസ് എന്ന നിലയിൽ പ്രവർത്തിച്ചുവരികയായിരുന്നു.

പുതിയ നിയമനത്തോടെ കോട്ടയം അതിരൂപതയുടെ അജപാലന പ്രവർത്തനങ്ങൾക്ക് കൂടുതൽ നേതൃത്വം നൽകാൻ ഫാ. തോമസ് ആനിമൂട്ടിലിന് അവസരം ലഭിക്കും.

ഇരു സ്ഥാപനങ്ങളുടെയും പൂട്ട് തകർത്താണ് മോഷ്ടാവ് അകത്ത് കടന്നത്. രാവിലെ കട തുറക്കാനെത്തിയ ഉടമകളാണ് മോഷണം നടന്നതായി കണ്ടെത്തിയത്. രണ്ട് സ്ഥാപനങ്ങളും ഒരേ കെട്ടിടത്തിലാണ് പ്രവർത്തിക്കുന്നത്.

വിവരമറിഞ്ഞ് പാമ്പാടി പോലീസ് സ്ഥലത്തെത്തി പരിശോധന നടത്തി. മോഷണം സംബന്ധിച്ച കൂടുതൽ വിവരങ്ങൾ ശേഖരിച്ചുവരികയാണ്. പ്രതിയെ കണ്ടെത്തുന്നതിനായി പോലീസ് അന്വേഷണം ആരംഭിച്ചു.

കൊച്ചുതോവാള വലിയപാറ ഭാഗത്തെ തകിടിയേൽ വീട്ടിൽ സുധീഷ് മോൻ സുരേന്ദ്രൻ (32), തൈയ്യിൽ വീട്ടിൽ പ്രമോദ് ശശി (38), സാഗരാജംഗ്ഷൻ കോളനി ഭാഗത്തെ പുതുപ്പറമ്പിൽ വീട്ടിൽ ഹരി പി.എസ്. (32), പാമ്പാടുംപാറ വില്ലേജിലെ വലിയതോവാള കര മന്നാക്കുടി ഭാഗത്തെ ഇട്ടിക്കുന്നേൽ വീട്ടിൽ സുധീഷ് സുധാകരൻ (35) എന്നിവരാണ് അറസ്റ്റിലായത്.

ആഗസ്റ്റ് 23ന് കട്ടപ്പന ബിവറേജിന് സമീപത്തെ ഇടവഴിയിൽ വച്ചാണ് രണ്ട് ജാർഖണ്ഡ് സ്വദേശികളായ അതിഥി തൊഴിലാളികളിൽ നിന്ന് പ്രതികൾ 11,000 രൂപയും പഴ്സും കവർന്നതെന്നാണ് പോലീസ് പറയുന്നത്.

കേസിൽ അന്വേഷണം നടത്തിയ കട്ടപ്പന പോലീസ് പ്രതികളെ പിടികൂടുകയായിരുന്നു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

സമാപന സമ്മേളനം ഓക്സ്ഫോർഡ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് മാനേജിംഗ് ഡയറക്ടർ അഡ്വ. ജോളി കുര്യൻ നെയ്വേലിക്കുന്നേൽ ഉദ്ഘാടനം ചെയ്തു. ലൈബ്രറി പ്രസിഡന്റ് ടോമി ആനിക്കാമുണ്ടയിൽ അധ്യക്ഷത വഹിച്ചു. ലൈബ്രറി സെക്രട്ടറി ജോണി ഇല്ലിമൂട്ടിൽ നന്ദി രേഖപ്പെടുത്തി.

ഒരാഴ്ചയിലേറെ നീണ്ട ആഘോഷപരിപാടികളിൽ കലാ-സാംസ്കാരിക പരിപാടികളും വിവിധ വിനോദപരിപാടികളും ഉൾപ്പെടുത്തിയിരുന്നു. നാട്ടുകാരുടെ സജീവ പങ്കാളിത്തത്തോടെയാണ് ഓരോ പരിപാടിയും നടന്നത്. ഓണാഘോഷത്തിന്റെ ഭാഗമായി സംഘടിപ്പിച്ച സമാപന സംഗീതനിശയിലും മികച്ച ജനപങ്കാളിത്തം ഉണ്ടായി.

കോട്ടയം, ഇടുക്കി ജില്ലാ കളക്ടറായി സേവനമനുഷ്ഠിച്ച പി.എച്ച്. കുര്യൻ വ്യവസായം, റവന്യൂ, ഐ.ടി. വകുപ്പുകളിൽ പ്രിൻസിപ്പൽ സെക്രട്ടറിയായും പ്രവർത്തിച്ചു. കേന്ദ്ര സർക്കാരിന് കീഴിൽ പേറ്റന്റ്സ്, ട്രേഡ്മാർക്ക്സ് ആൻഡ് ഡിസൈൻസ് കൺട്രോളർ ജനറൽ പദവിയും വഹിച്ചിട്ടുണ്ട്. ശാസ്ത്ര സാങ്കേതിക വകുപ്പിൽ എക്സിക്യൂട്ടീവ് വൈസ് പ്രസിഡന്റായും സേവനമനുഷ്ഠിച്ചു.

മൃതശരീരം വെള്ളിയാഴ്ച രാവിലെ തിരുവനന്തപുരം മുട്ടടയിലെ വസതിയിൽ പൊതുദർശനത്തിന് വെക്കും. തുടർന്ന് വൈകിട്ടോടെ കോട്ടയം സൗത്ത് പാമ്പാടിയിലെ വീട്ടിലെത്തിക്കും. സംസ്കാരം ശനിയാഴ്ച രാവിലെ സൗത്ത് പാമ്പാടി സെന്റ് തോമസ് ഓർത്തഡോക്സ് വലിയ പള്ളിയിൽ നടക്കും.

ഭാര്യ: ഉഷ. മക്കൾ: ഗോഡ്ലി ഹേബൽ കുര്യൻ (സീനിയർ പ്ലാനിങ് മാനേജർ, അൽ-ഫുത്തൈം ഓട്ടോമോട്ടീവ്), ഡോ. ഹെന്റി കുര്യൻ (ഓർത്തോപീഡിഷ്യൻ, ശ്രീ ഗോകുലം മെഡിക്കൽ കോളജ്).

ഇടുക്കി തടിയമ്പാട് കാർത്യായനി കവലയിലാണ് നാടിനെ മുൾമുനയിൽ നിർത്തിയ സംഭവം അരങ്ങേറിയത്. മദ്യപിച്ചെത്തിയ ഗൃഹനാഥൻ വർഗീസ് ഭാര്യയെയും മകളെയും വാക്കത്തി കാട്ടി ആക്രമിക്കാൻ ശ്രമിക്കുകയായിരുന്നു. ഭയന്ന ഭാര്യ ഉടൻ പോലീസ് എമർജൻസി നമ്പറായ 112-ൽ വിളിച്ച് വിവരം അറിയിച്ചു.

വിവരം ലഭിച്ചതിന് പിന്നാലെ എസ്.ഐ ബിബിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി. എന്നാൽ പോലീസിനെ കണ്ടതോടെ വർഗീസ് മുറിക്കുള്ളിൽ കയറി കതകടച്ച് ആത്മഹത്യയ്ക്ക് ശ്രമിക്കുകയായിരുന്നു.

പോലീസ് പലതവണ അനുനയിപ്പിക്കാൻ ശ്രമിച്ചെങ്കിലും ഇയാൾ വഴങ്ങിയില്ല. തുടർന്ന് കതക് ചവിട്ടിപ്പൊളിച്ച് ബലപ്രയോഗം നടത്തുന്നതിന് പകരം, ഏറെ ക്ഷമയോടെയും തന്മയത്വത്തോടെയും എസ്.ഐ ബിബിൻ വർഗീസിനോട് സംസാരിച്ചു.

“വർഗീസ് ചേട്ടാ, നിങ്ങളുടെ മകനാണ് ഞാൻ എന്ന് കരുതി ഞാൻ പറയുന്നു… നിങ്ങൾ താഴെയിറങ്ങൂ…”

എസ്.ഐയുടെ സ്നേഹനിർഭരമായ വാക്കുകൾ ഒടുവിൽ ഫലം കണ്ടു. മനസ്സലിഞ്ഞ വർഗീസ് ആത്മഹത്യാശ്രമത്തിൽ നിന്ന് പിന്തിരിഞ്ഞ് വാതിൽ തുറന്ന് പുറത്തിറങ്ങി പോലീസിനോട് സഹകരിച്ചു.

തുടർന്ന് പോലീസ് ഗൃഹനാഥനെ ആശ്വസിപ്പിക്കുകയും കുടുംബത്തിലെ പ്രശ്നങ്ങൾ വിശദമായി ചോദിച്ചറിയുകയും ചെയ്തു. വീട്ടുകാരുമായി സംസാരിച്ച് തർക്കങ്ങൾ രമ്യമായി പരിഹരിക്കുകയും ആവശ്യമായ കൗൺസിലിംഗ് നൽകുകയും ചെയ്ത ശേഷമാണ് പോലീസ് സംഘം മടങ്ങിയത്.

ബലപ്രയോഗത്തിനുപകരം സ്നേഹവും ക്ഷമയും കൈമുതലാക്കിയ ഇടുക്കി എസ്.ഐ ബിബിന്റെ ഇടപെടൽ ഒരു ജീവൻ രക്ഷിക്കുക മാത്രമല്ല, ഒരു കുടുംബത്തെക്കൂടി ചേർത്തുനിർത്തുകയായിരുന്നു.

ഇന്നത്തെ കാലാവസ്ഥാ മുന്നറിയിപ്പിൽ പത്തനംതിട്ട, കോട്ടയം, ഇടുക്കി, എറണാകുളം, കണ്ണൂർ, കാസർഗോഡ് ജില്ലകളിലാണ് യെല്ലോ അലർട്ട് പ്രഖ്യാപിച്ചിരിക്കുന്നത്. ഈ ജില്ലകളിൽ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ട്. 24 മണിക്കൂറിൽ 64.5 മുതൽ 115.5 മില്ലിമീറ്റർ വരെ മഴ ലഭിക്കാനുള്ള സാധ്യതയാണ് യെല്ലോ അലർട്ടിലൂടെ സൂചിപ്പിക്കുന്നത്.

മഴയ്ക്കൊപ്പം ഇടിമിന്നലും കാറ്റും

തിരുവോണ ദിവസം മഴയ്ക്കൊപ്പം ഇടിമിന്നലിനും ശക്തമായ കാറ്റിനും സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. മഴ ശക്തമാകുന്ന സമയങ്ങളിൽ തുറസ്സായ സ്ഥലങ്ങളിലും മരങ്ങൾക്കും വൈദ്യുതി ലൈനുകൾക്കും സമീപവും നിൽക്കുന്നത് ഒഴിവാക്കണമെന്ന് അധികൃതർ നിർദേശിക്കുന്നു.

കഴിഞ്ഞ ദിവസങ്ങളിൽ സംസ്ഥാനത്തിന്റെ വിവിധ ഭാഗങ്ങളിൽ ശക്തമായ മഴ ലഭിച്ച സാഹചര്യത്തിൽ മലയോര മേഖലകളിലും ജാഗ്രത അനിവാര്യമാണ്. ഉരുൾപൊട്ടൽ, മണ്ണിടിച്ചിൽ, മലവെള്ളപ്പാച്ചിൽ സാധ്യതയുള്ള പ്രദേശങ്ങളിലുള്ളവർ പ്രത്യേക ശ്രദ്ധ പുലർത്തണമെന്ന് സംസ്ഥാന ദുരന്ത നിവാരണ അതോറിറ്റി മുന്നറിയിപ്പ് നൽകി.

ഓണം മഴയിൽ മുങ്ങുമോ?

മഴയുടെ പശ്ചാത്തലത്തിൽ ഇത്തവണത്തെ തിരുവോണാഘോഷങ്ങൾ തടസ്സപ്പെടുമോ എന്ന ആശങ്കയിലാണ് പലരും. എന്നാൽ സംസ്ഥാനമൊട്ടാകെ തുടർച്ചയായ അതിശക്തമായ മഴയായിരിക്കണമെന്നില്ലെന്നാണ് നിലവിലെ പ്രവചനം. പലയിടങ്ങളിലും മഴ ഇടവിട്ടായിരിക്കും ലഭിക്കുക.

അതേസമയം, ഓണാഘോഷങ്ങളുടെ ഭാഗമായി നടത്തുന്ന പൊതുപരിപാടികൾ, കലാപരിപാടികൾ, യാത്രകൾ എന്നിവയുടെ കാര്യത്തിൽ പ്രാദേശിക കാലാവസ്ഥ കൂടി കണക്കിലെടുക്കേണ്ടി വരും. പ്രത്യേകിച്ച് മലയോര വിനോദസഞ്ചാര കേന്ദ്രങ്ങളിലേക്കുള്ള യാത്രകൾ മഴ ശക്തമായാൽ ഒഴിവാക്കുന്നതാണ് സുരക്ഷിതം.

തിരുവോണത്തിന് ശേഷം മഴയുടെ കാര്യത്തിൽ ആശ്വാസസൂചനയാണ് നിലവിലെ കാലാവസ്ഥാ പ്രവചനത്തിലുള്ളത്. ഓഗസ്റ്റ് 27 മുതൽ കേരളത്തിന് പ്രത്യേക മഴ മുന്നറിയിപ്പില്ലെന്നാണ് IMDയുടെ നിലവിലെ പ്രവചനം. ഓഗസ്റ്റ് 28, 29, 30 തീയതികളിലും പ്രത്യേക മുന്നറിയിപ്പ് രേഖപ്പെടുത്തിയിട്ടില്ല.

അതേസമയം, മഴയുടെ സ്വഭാവത്തിൽ പെട്ടെന്നുള്ള മാറ്റം ഉണ്ടാകാൻ സാധ്യതയുള്ളതിനാൽ ഏറ്റവും പുതിയ ഔദ്യോഗിക മുന്നറിയിപ്പുകൾ പരിശോധിച്ച ശേഷമാകണം യാത്രകളും മറ്റ് പരിപാടികളും ആസൂത്രണം ചെയ്യേണ്ടത്.

ഇടുക്കിയിലും ജാഗ്രത

യെല്ലോ അലർട്ട് നിലനിൽക്കുന്ന ഇടുക്കിയിൽ കഴിഞ്ഞ ദിവസങ്ങളിലെ മഴയുടെ പശ്ചാത്തലത്തിൽ പ്രത്യേക ജാഗ്രത ആവശ്യമാണ്. മലയോര റോഡുകളിലൂടെയുള്ള യാത്രയിലും വെള്ളച്ചാട്ടങ്ങൾ, നദികൾ, ജലാശയങ്ങൾ എന്നിവിടങ്ങളിലേക്കുള്ള സന്ദർശനത്തിലും മുൻകരുതൽ വേണം. ശക്തമായ മഴയുള്ള സമയത്ത് അനാവശ്യ യാത്രകൾ ഒഴിവാക്കണമെന്ന് ദുരന്ത നിവാരണ അതോറിറ്റി നിർദേശിച്ചിട്ടുണ്ട്.

മഴയിലും മങ്ങാതെ ഓണം

പൂക്കളത്തിൽ മഴത്തുള്ളികൾ വീണാലും, ഓണസദ്യയുടെ ഒരുക്കങ്ങൾക്ക് മഴ ചെറിയ തടസ്സമായാലും, മലയാളിയുടെ ആഘോഷ മനസിന് അതിരുകളില്ല. മഴയ്ക്കിടയിലും തിരുവോണത്തിന്റെ സന്തോഷം പങ്കിടാനുള്ള ഒരുക്കത്തിലാണ് കേരളം.

ഓണം ഒരു ആഘോഷം മാത്രമല്ല; മലയാളിയുടെ സാംസ്കാരിക സ്വത്വത്തോടും കാർഷിക പാരമ്പര്യത്തോടും ചേർന്നുനിൽക്കുന്ന മഹോത്സവമാണ്. ഐതിഹ്യവും വിശ്വാസവും കാർഷിക സംസ്കാരവും കുടുംബബന്ധങ്ങളും സാമൂഹിക ഐക്യവും ഒരേ വേദിയിൽ സംഗമിക്കുന്നതാണ് തിരുവോണത്തിന്റെ പ്രത്യേകത.

മാവേലിയുടെ വരവിന്റെ ഓർമ്മ

തിരുവോണത്തിന്റെ ഏറ്റവും പ്രസിദ്ധമായ ഐതിഹ്യം മഹാബലി ചക്രവർത്തിയുമായി ബന്ധപ്പെട്ടതാണ്. പ്രജകളെ ഒരുപോലെ പരിഗണിച്ച, ദാനശീലനും നീതിമാനുമായ ഭരണാധികാരിയായാണ് മാവേലിയെ കേരളത്തിന്റെ ജനകീയ ഓർമ്മയിൽ അവതരിപ്പിക്കുന്നത്. അദ്ദേഹത്തിന്റെ ഭരണകാലത്ത് സമൃദ്ധിയും സന്തോഷവും നിറഞ്ഞിരുന്നുവെന്നാണ് ഐതിഹ്യം.

മഹാബലിയുടെ പ്രശസ്തി വർധിച്ചതോടെ ദേവന്മാർ ആശങ്കപ്പെട്ടെന്നും മഹാവിഷ്ണു വാമനാവതാരത്തിൽ മഹാബലിയുടെ മുന്നിലെത്തിയെന്നുമാണ് പുരാണകഥ. യാഗം നടത്തിയിരുന്ന മഹാബലിയോട് വാമനൻ മൂന്ന് അടി മണ്ണ് ആവശ്യപ്പെട്ടു. ദാനം അനുവദിച്ചതോടെ വാമനൻ വിശ്വരൂപം പ്രാപിച്ച് രണ്ട് ചുവടുകളിൽ ഭൂമിയും ആകാശവും അളന്നു.

മൂന്നാമത്തെ ചുവടിന് ഇടമില്ലാതായപ്പോൾ മഹാബലി സ്വന്തം ശിരസ് സമർപ്പിച്ചു. മഹാബലിയുടെ വാക്കുപാലനത്തിലും ഭക്തിയിലും പ്രസാദിച്ച വാമനൻ അദ്ദേഹത്തിന് വർഷത്തിലൊരിക്കൽ പ്രജകളെ സന്ദർശിക്കാൻ അനുമതി നൽകിയെന്നാണ് ഐതിഹ്യം. മഹാബലി തന്റെ പ്രജകളെ കാണാനെത്തുന്ന ദിവസമായാണ് തിരുവോണത്തെ മലയാളി സങ്കൽപ്പിക്കുന്നത്.

പത്ത് നാളുകളുടെ ആഘോഷം

അത്തം മുതൽ തിരുവോണം വരെയുള്ള പത്ത് ദിവസങ്ങൾ ഓരോന്നും തനതായ ആചാരങ്ങളോടെയാണ് കടന്നുപോകുന്നത്. അത്തം നാളിൽ ചെറിയ പൂക്കളത്തോടെ ആരംഭിക്കുന്ന അത്തപ്പൂക്കളം ദിവസങ്ങൾ പിന്നിടുമ്പോൾ വലുതും വർണാഭവുമാകുന്നു. ഉത്രാടത്തോടെ മാവേലിയുടെ വരവിനായുള്ള ഒരുക്കങ്ങൾ പൂർത്തിയാക്കി തിരുവോണത്തിൽ ആഘോഷം പൂർണതയിലെത്തുന്നു.

പൂക്കളം, ഓണക്കോടി, ഓണസദ്യ, ഊഞ്ഞാൽ, ഓണക്കളികൾ എന്നിവയ്ക്കൊപ്പം വള്ളംകളി, പുലിക്കളി, കൈക്കോട്ടിക്കളി, തുമ്പിത്തുള്ളൽ തുടങ്ങിയ കലാ-വിനോദ പരിപാടികളും ഓണക്കാലത്തിന്റെ സാംസ്കാരിക ഭംഗി വർധിപ്പിക്കുന്നു. മലബാറിൽ മഹാബലിയുടെ വരവിനെ പ്രതിനിധീകരിക്കുന്ന ഓണപ്പൊട്ടൻ പോലുള്ള പാരമ്പര്യ കലാരൂപങ്ങൾക്കും പ്രത്യേക സ്ഥാനമുണ്ട്.

തൂശനിലയിലെ സമൃദ്ധി

തിരുവോണത്തിന്റെ ഏറ്റവും പ്രധാനപ്പെട്ട ആചാരങ്ങളിലൊന്നാണ് ഓണസദ്യ. വിവിധ നാടൻ വിഭവങ്ങളും കറികളും കൂട്ടുകളും പായസവും ഉൾപ്പെടുന്ന സദ്യ കുടുംബാംഗങ്ങൾ ഒന്നിച്ചിരുന്ന് കഴിക്കുന്നത് ഓണത്തിന്റെ കൂട്ടായ്മയുടെ മനോഹരമായ പ്രതീകമാണ്. കേരള ടൂറിസവും തിരുവോണത്തെ പൂക്കളത്തിന്റെയും പാരമ്പര്യ കലാരൂപങ്ങളുടെയും ഗംഭീര ഓണസദ്യയുടെയും സംഗമമായി വിശേഷിപ്പിക്കുന്നു.

തൂശനിലയിൽ വിളമ്പുന്ന ഓരോ വിഭവത്തിനും പിന്നിൽ കേരളത്തിന്റെ രുചിയും കാർഷിക പാരമ്പര്യവും കുടുംബ ഓർമ്മകളും കൂടിയുണ്ട്.

വിളവിന്റെ ഉത്സവം

ഓണത്തിന് ഐതിഹ്യപരമായൊരു മുഖം മാത്രമല്ല, കാർഷിക പ്രാധാന്യവും ഏറെ വലുതാണ്. കർക്കിടകത്തിന്റെ മഴക്കാലത്തിനു പിന്നാലെ എത്തുന്ന ചിങ്ങം കർഷകർക്ക് പുതിയ പ്രതീക്ഷയുടെയും സമൃദ്ധിയുടെയും കാലമായാണ് പരമ്പരാഗതമായി കണക്കാക്കപ്പെട്ടത്. അതുകൊണ്ടുതന്നെ ഓണം വിളവിന്റെയും സമൃദ്ധിയുടെയും ആഘോഷം കൂടിയാണ്.

മതങ്ങൾക്കപ്പുറം മലയാളിയുടെ ആഘോഷം

ഓണത്തിന്റെ ഏറ്റവും വലിയ പ്രത്യേകത അതിന്റെ ഒരുമയുടെ സ്വഭാവമാണ്. മതത്തിന്റെയും ജാതിയുടെയും സാമൂഹിക വ്യത്യാസങ്ങളുടെയും അതിരുകൾ മറികടന്ന് മലയാളികൾ ഒന്നിച്ചുചേരുന്ന ആഘോഷമാണ് തിരുവോണം. നാട്ടിലും വിദേശത്തുമായി കഴിയുന്ന മലയാളികൾ ഒരേ ഓർമ്മയിലും ഒരേ ആഘോഷ മനോഭാവത്തിലും ഒത്തുചേരുന്നു.

മാവേലിയുടെ കാലത്തെക്കുറിച്ചുള്ള ജനകീയ സങ്കൽപ്പം ഇന്നും മലയാളിയുടെ മനസ്സിൽ പ്രസക്തമാണ് — വിവേചനങ്ങളില്ലാത്ത, പട്ടിണിയില്ലാത്ത, എല്ലാവർക്കും നീതിയും സമത്വവും ഉറപ്പുള്ള ഒരു സമൂഹം.

പ്രവാസത്തിലും മങ്ങാത്ത പൊന്നോണം

കാലം മാറി. ആഘോഷരീതികൾ മാറി. സാങ്കേതികവിദ്യ ഓണത്തിന്റെ ഭാഗമായെങ്കിലും തിരുവോണത്തിന്റെ ആത്മാവ് മാറിയിട്ടില്ല. കേരളത്തിന് പുറത്തും ലോകത്തിന്റെ വിവിധ ഭാഗങ്ങളിലുമുള്ള മലയാളികൾ പൂക്കളമൊരുക്കിയും ഓണസദ്യ ഒരുക്കിയും കുടുംബാംഗങ്ങളെയും സുഹൃത്തുക്കളെയും ചേർത്തുപിടിച്ചും സ്വന്തം നാടിന്റെ ഓർമ്മകൾ പുതുക്കുകയാണ്.

ഒടുവിൽ, തിരുവോണം നമ്മോട് പറയുന്നത് ഒരു പഴയ ഐതിഹ്യത്തിന്റെ കഥ മാത്രമല്ല.

മനുഷ്യർക്കിടയിൽ വേർതിരിവുകളില്ലാത്ത ഒരു നല്ല സമൂഹത്തിന്റെ സ്വപ്നമാണ് മാവേലി നാട്.

ആ സ്വപ്നത്തെ ഓരോ വർഷവും ഓർമ്മിപ്പിക്കുന്ന ദിനമാണ് തിരുവോണം.

പൂക്കളത്തിൽ നിറങ്ങൾ കൂടുമ്പോഴും, സദ്യയിൽ വിഭവങ്ങൾ നിറയുമ്പോഴും, കുടുംബങ്ങൾ ഒരുമിച്ചിരിക്കുമ്പോഴും ആഘോഷിക്കപ്പെടുന്നത് മലയാളിയുടെ ഏറ്റവും വലിയ മൂല്യങ്ങളായ സ്നേഹവും സമത്വവും സാഹോദര്യവും ഒരുമയും തന്നെയാണ്.

ലോകമെമ്പാടുമുള്ള എല്ലാ മലയാളികൾക്കും സമൃദ്ധിയും സമാധാനവും സന്തോഷവും നിറഞ്ഞ ഹൃദയം നിറഞ്ഞ തിരുവോണാശംസകൾ.

ജില്ലാ സെക്രട്ടറി സാലി എസ്. മുഹമ്മദിന്റെ അധ്യക്ഷതയിൽ ചേർന്ന യോഗത്തിൽ ചിത്രകാരി സ്വപ്ന അഗസ്റ്റിൻ കാലുകൾ കൊണ്ട് ചിത്രം വരച്ച് ചിത്രരചനാ മത്സരം ഉദ്ഘാടനം ചെയ്തു. ചെസ് മത്സരങ്ങളുടെ ഉദ്ഘാടനം മർച്ചന്റ്സ് അസോസിയേഷൻ പ്രസിഡന്റ് പി. എ. സലിംകുട്ടി നിർവഹിച്ചു.

തൊടുപുഴ മുനിസിപ്പൽ കൗൺസിലർ കെ. കെ. ഷിംനാസ് ഓണസന്ദേശം നൽകി. ജില്ലാ കമ്മിറ്റി അംഗം സജി പോൾ, യൂണിറ്റ് ജനറൽ സെക്രട്ടറി ജിമ്മി കുര്യൻ, ജനറൽ കൺവീനർ പ്രജീഷ് രവി, ട്രഷറർ ഇ. എ. അഭിലാഷ്, താജു എം. പി. എന്നിവർ സംസാരിച്ചു.

ഇടുക്കി മൂന്നാം അഡീഷണൽ ജില്ലാ സെഷൻസ് കോടതി ജഡ്ജി എസ്. എസ്. സീനയാണ് ശിക്ഷ വിധിച്ചത്. പിഴത്തുക അടയ്ക്കാത്ത പക്ഷം അധിക തടവും അനുഭവിക്കണം.

2013 ഏപ്രിലിലാണ് കേസിനാസ്പദമായ സംഭവം. പുലർച്ചെ രണ്ടുമണിയോടെ കുഞ്ചിത്തണ്ണി വില്ലേജിലെ വെള്ളത്തൂവൽ പൈപ്പ്‌ലൈൻ ഭാഗത്തുള്ള വീട്ടിൽ അതിക്രമിച്ച് കയറിയ പ്രതികൾ കട്ടിലിൽ കിടന്നിരുന്ന സ്ത്രീയെ മർദിച്ച് കൊലപ്പെടുത്താൻ ശ്രമിക്കുകയായിരുന്നു.

അടിമാലി പൊലീസ് ഇൻസ്‌പെക്ടറായിരുന്ന കെ. ജിനദേവന്റെ നേതൃത്വത്തിലാണ് കേസിൽ അന്വേഷണം നടത്തിയത്. തുടർന്ന് കുറ്റപത്രം സമർപ്പിക്കുകയും കോടതി വിചാരണയ്ക്ക് ശേഷം പ്രതികളെ കുറ്റക്കാരെന്ന് കണ്ടെത്തി ശിക്ഷ വിധിക്കുകയുമായിരുന്നു.

അന്നേദിവസം ഒ.പി സേവനങ്ങൾ ലഭ്യമാകില്ലെന്നും, രോഗികൾ ഇക്കാര്യം ശ്രദ്ധിക്കണമെന്നും മാനേജ്മെന്റ് അറിയിച്ചു.

മാർത്തോമ്മാ യുവജനസഖ്യം പ്രസിഡന്റ് റവ. സജു ശാമുവേൽ സി.യുടെയും ഭാരവാഹികളുടെയും നേതൃത്വത്തിലാണ് മാരത്തോൺ സംഘടിപ്പിച്ചത്. നദീസംരക്ഷണത്തിന്റെ ആവശ്യകത പൊതുജനങ്ങളിലേക്കും അധികാരികളിലേക്കും എത്തിക്കുക എന്ന ലക്ഷ്യത്തോടെ സംഘടിപ്പിച്ച മാരത്തോൺ ശ്രീ പോരുരുട്ടിക്കാവ് ഭഗവതി ക്ഷേത്രാങ്കണത്തിൽ നിന്നാണ് ആരംഭിച്ചത്.

പരിസ്ഥിതി സൗഹൃദ പരിപാടിക്ക് ശ്രീ പോരുരുട്ടിക്കാവ് ദേവീക്ഷേത്ര ഭരണസമിതിയുടെ പൂർണ പിന്തുണയും സഹകരണവും ലഭിച്ചു. ക്ഷേത്ര ഭരണസമിതി പ്രസിഡന്റ് അജേഷ് മാരത്തോൺ ഫ്ലാഗ് ഓഫ് ചെയ്തു. നാടിന്റെ പൊതുനന്മയ്ക്കായി മതഭേദങ്ങൾ മറന്ന് ഒരുമിക്കാമെന്ന സന്ദേശമാണ് കൂട്ടായ്മ മുന്നോട്ടുവച്ചത്.

പരിപാടിയുടെ സ്മരണ നിലനിർത്തുന്നതിനായി ക്ഷേത്രാങ്കണത്തിൽ റവ. സജു ശാമുവേൽ സി., ക്ഷേത്ര ഭരണസമിതി പ്രസിഡന്റ് അജേഷ്, ഗ്രാമപഞ്ചായത്ത് അംഗം ഗിരികുമാർ, തുരുത്തിക്കാട് പ്രദേശത്തെ മുതിർന്ന വൈദികൻ റവ. എം.സി. ജോൺ മരുതുക്കുന്നേൽ എന്നിവർ ചേർന്ന് ഫലവൃക്ഷത്തൈ നട്ടു.

സമൂഹത്തിന്റെ വിവിധ മേഖലകളിൽ നിന്നുള്ളവരുടെ സജീവ പങ്കാളിത്തവും മാരത്തോണിനെ ശ്രദ്ധേയമാക്കി. യുവജനസഖ്യം പ്രവർത്തകർക്കൊപ്പം ശ്രീ പോരുരുട്ടിക്കാവ് ദേവീക്ഷേത്ര ഭരണസമിതി അംഗങ്ങൾ, തുരുത്തിക്കാട് ബി.എ.എം. കോളേജ് നാഷണൽ സർവീസ് സ്കീം (NSS) വോളണ്ടിയർമാർ, തുരുത്തിക്കാട് പബ്ലിക് ലൈബ്രറി അംഗങ്ങൾ, നാട്ടുകാർ തുടങ്ങിയവരും മാരത്തോണിൽ അണിചേർന്നു.

നദീസംരക്ഷണ സന്ദേശത്തോടൊപ്പം നാടിന്റെ പൊതുനന്മയ്ക്കായി ജാതി-മത ഭേദങ്ങൾ തടസ്സമല്ലെന്ന ശക്തമായ സന്ദേശവും പകർന്നാണ് തുരുത്തിക്കാട് ഗ്രാമത്തിലെ പ്രഭാതം ശ്രദ്ധേയമായത്.

1980-കളിൽ കെ. കരുണാകരൻ മുഖ്യമന്ത്രിയായിരുന്ന കാലത്താണ് മൂവാറ്റുപുഴ ജില്ലയെന്ന ആവശ്യം ശക്തമായി ഉയർന്നത്. എന്നാൽ പിന്നീട് വന്ന സർക്കാരുകളുടെ കാലത്ത് കാര്യമായ തുടർനടപടികളുണ്ടാകാതെ ആവശ്യം നീണ്ടുപോകുകയായിരുന്നു. 1984-ൽ കാസർഗോഡ് ജില്ല രൂപീകരിച്ചതോടെ മൂവാറ്റുപുഴ ജില്ലാവാദത്തിന്റെ രാഷ്ട്രീയ പ്രസക്തിക്ക് മങ്ങലേറ്റെങ്കിലും ആവശ്യം പൂർണമായി അവസാനിച്ചിരുന്നില്ല.

സർക്കാർ നീക്കം നിർണായകം

ജില്ലാ പുനർവിഭജനത്തിനായി ഡീലിമിറ്റേഷൻ കമ്മീഷനെ നിയോഗിക്കുമെന്നും മൂവാറ്റുപുഴ ജില്ലയെന്ന ആവശ്യം സജീവമായി പരിഗണിക്കുമെന്നും മുഖ്യമന്ത്രി വി.ഡി. സതീശൻ വ്യക്തമാക്കിയതോടെയാണ് വിഷയം വീണ്ടും ശ്രദ്ധ നേടിയത്.

എറണാകുളം ജില്ലയുടെ കിഴക്കൻ മേഖലയിൽ സ്ഥിതി ചെയ്യുന്ന മൂവാറ്റുപുഴയ്ക്ക് ഭരണപരമായും സാമ്പത്തികമായും വലിയ പ്രാധാന്യമുണ്ടെന്നാണ് ജില്ല രൂപീകരണത്തെ അനുകൂലിക്കുന്നവരുടെ വാദം. നിലവിൽ വിവിധ സർക്കാർ സേവനങ്ങൾക്കും ജില്ലാ തലത്തിലുള്ള ആവശ്യങ്ങൾക്കുമായി എറണാകുളം നഗരത്തിലേക്ക് മണിക്കൂറുകൾ യാത്ര ചെയ്യേണ്ട സാഹചര്യം കിഴക്കൻ മേഖലയിലെ ജനങ്ങൾക്കുണ്ട്.

പുതിയ ജില്ല നിലവിൽ വന്നാൽ ഭരണസൗകര്യം മെച്ചപ്പെടുന്നതിനൊപ്പം കാർഷിക മേഖലകൾക്കും ഉൾനാടൻ പ്രദേശങ്ങൾക്കും കൂടുതൽ വികസന സാധ്യത ലഭിക്കുമെന്നാണ് പ്രതീക്ഷ. മൂവാറ്റുപുഴയെ കേന്ദ്രീകരിച്ച് ഒരു പ്രധാന സാറ്റലൈറ്റ് നഗരമായി മേഖല വളരാനുള്ള സാധ്യതയും ജില്ലാവാദികൾ ചൂണ്ടിക്കാട്ടുന്നു.

തൊടുപുഴയെ ഉൾപ്പെടുത്തണമോ?

മൂവാറ്റുപുഴ ജില്ല രൂപീകരണവുമായി ബന്ധപ്പെട്ട് തൊടുപുഴ താലൂക്കിനെ കൂടി പുതിയ ജില്ലയിൽ ഉൾപ്പെടുത്തണമെന്ന നിർദേശവും നേരത്തെ ഉയർന്നിരുന്നു. എന്നാൽ ഇതിനെതിരെ കേരള കോൺഗ്രസ് ജോസഫ് വിഭാഗം ഉൾപ്പെടെയുള്ളവർ രംഗത്തുണ്ട്.

തൊടുപുഴ താലൂക്ക് ഇടുക്കിയിൽ നിന്ന് വേർപെടുത്തിയാൽ ജില്ലയുടെ സാമൂഹിക-ഭാഷാ ഘടനയിൽ മാറ്റമുണ്ടാകുമെന്ന ആശങ്കയും ചില വിഭാഗങ്ങൾ ഉന്നയിക്കുന്നുണ്ട്. പ്രത്യേകിച്ച് ഇടുക്കിയിൽ തമിഴ് ഭാഷാ സ്വാധീനം വർധിക്കുകയും മലയാളം സംസാരിക്കുന്ന വിഭാഗം ന്യൂനപക്ഷമാകുകയും ചെയ്യുമെന്ന വാദവും ഇതുമായി ബന്ധപ്പെട്ട് ഉയരുന്നു.

പ്രാദേശിക രാഷ്ട്രീയത്തിൽ നിർണായക ഘട്ടം

ഡീലിമിറ്റേഷൻ കമ്മീഷൻ നിലവിൽ വരുന്നതോടെ മൂവാറ്റുപുഴ ജില്ല എന്ന ആവശ്യം വീണ്ടും ഔദ്യോഗിക നടപടിക്രമങ്ങളുടെ ഘട്ടത്തിലേക്ക് കടക്കും. പ്രാദേശിക ജനപ്രതിനിധികൾ, നഗരസഭകൾ, പഞ്ചായത്തുകൾ, രാഷ്ട്രീയ പാർട്ടികൾ, വിവിധ സംഘടനകൾ എന്നിവർക്കെല്ലാം തങ്ങളുടെ നിലപാടുകൾ വ്യക്തമാക്കേണ്ട സാഹചര്യമുണ്ടാകും.

മൂവാറ്റുപുഴ ജില്ല രൂപീകരിക്കണമെന്നാവശ്യപ്പെട്ട് വിവിധ നഗരസഭകളും പഞ്ചായത്തുകളും നേരത്തെ തന്നെ പ്രമേയങ്ങൾ പാസാക്കിയിട്ടുണ്ട്. എന്നാൽ പുതിയ ജില്ല യാഥാർത്ഥ്യമാകണമെങ്കിൽ ഭരണപരമായ പഠനം, അതിർത്തി നിർണയം, രാഷ്ട്രീയ സമവായം തുടങ്ങി നിരവധി നടപടിക്രമങ്ങൾ പൂർത്തിയാക്കേണ്ടതുണ്ട്.

നാലു പതിറ്റാണ്ടിലേറെയായി ഇടയ്ക്കിടെ ഉയർന്നുവന്ന മൂവാറ്റുപുഴ ജില്ല എന്ന ആവശ്യം ഇനി വെറും രാഷ്ട്രീയ ആവശ്യമാകുമോ, അതോ പുതിയ ഭരണപരമായ യാഥാർത്ഥ്യത്തിലേക്ക് കടക്കുമോ എന്നതാണ് കേരളം ഉറ്റുനോക്കുന്നത്.

മൃഗങ്ങളുടെ ആക്രമണം, വാഹനാപകടം തുടങ്ങി വിവിധ തരത്തിലുള്ള അപകടങ്ങൾക്ക് ഇൻഷുറൻസ് പരിരക്ഷ ലഭിക്കുന്നതാണ് പദ്ധതിയുടെ പ്രധാന പ്രത്യേകത. കാർഷിക മേഖലയുമായി ബന്ധപ്പെട്ട് പ്രവർത്തിക്കുന്നവരുടെ അപ്രതീക്ഷിത അപകടങ്ങളിൽ കുടുംബങ്ങൾക്ക് സാമ്പത്തിക പിന്തുണ ഉറപ്പാക്കുകയാണ് പദ്ധതിയുടെ ലക്ഷ്യം.

വെറും 300 രൂപ പ്രീമിയത്തിൽ അഞ്ച് ലക്ഷം രൂപ വരെ ധനസഹായം ലഭിക്കും. അപകടത്തെ തുടർന്ന് ചികിത്സ ആവശ്യമായി വരുന്ന സാഹചര്യത്തിൽ രണ്ട് ലക്ഷം രൂപ വരെ ചികിത്സാ സഹായവും ലഭ്യമാകും. അപകടം മൂലം ജോലി ചെയ്യാൻ കഴിയാത്ത സാഹചര്യമുണ്ടായാൽ ആഴ്ചയിൽ 5,000 രൂപ വരെ 100 ആഴ്ച വരെ സാമ്പത്തിക സഹായം ലഭിക്കുന്ന വ്യവസ്ഥയും പദ്ധതിയിലുണ്ട്.

കിസാൻ സർവീസ് സൊസൈറ്റി വാഴത്തോപ്പ് യൂണിറ്റിന്റെ വാർഷിക പൊതുയോഗത്തോടനുബന്ധിച്ചായിരുന്നു പദ്ധതിയുടെ ജില്ലാതല ഉദ്ഘാടനം. ഇടുക്കി എഡിഎം മിനി കെ. ജോൺ ഉദ്ഘാടനം നിർവഹിച്ചു. കിസാൻ സർവീസ് സൊസൈറ്റി ജില്ലാ പ്രസിഡന്റ് പി.എ. ജോൺ വാർഷിക പൊതുയോഗം ഉദ്ഘാടനം ചെയ്തു.

യൂണിറ്റ് പ്രസിഡന്റ് ടിന്റു സുബാഷ് അധ്യക്ഷത വഹിച്ചു. വാഴത്തോപ്പ് പഞ്ചായത്ത് പരിധിയിലെ മികച്ച കർഷകരായി തെരഞ്ഞെടുക്കപ്പെട്ട സൊസൈറ്റി അംഗങ്ങളെ പഞ്ചായത്ത് പ്രസിഡന്റ് ചടങ്ങിൽ ആദരിച്ചു.

കിസാൻ സർവീസ് സൊസൈറ്റി ജില്ലാ സെക്രട്ടറി പി. പ്രശാന്ത്, യൂണിറ്റ് ജനറൽ സെക്രട്ടറി സെലിൻ വിൽസൺ, ബാബു ചേറ്റാനിയിൽ, പി.ഡി. ജോസഫ്, കുര്യൻ കളപ്പുരക്കൽ, ബിജു കലയത്തിനാൽ തുടങ്ങിയവർ സംസാരിച്ചു.

കാർഷിക മേഖലയിലെത്തുന്ന അപകടങ്ങളുടെ സാമ്പത്തിക ആഘാതത്തിൽ നിന്ന് കർഷക കുടുംബങ്ങൾക്ക് ആശ്വാസമാകുന്ന സുരക്ഷാകവചമായി പദ്ധതി മാറുമെന്ന പ്രതീക്ഷയിലാണ് സംഘാടകർ.

ഓണക്കോടിയും സദ്യയ്ക്കുള്ള സാധനങ്ങളും വാങ്ങുന്നതിനായി രാവിലെ മുതൽ തന്നെ പ്രധാന നഗരങ്ങളിലെ വ്യാപാരകേന്ദ്രങ്ങളിൽ വലിയ തിരക്കാണ് അനുഭവപ്പെടുന്നത്. വസ്ത്രശാലകൾ, പച്ചക്കറി മാർക്കറ്റുകൾ, പഴം-പച്ചക്കറി കടകൾ, പലചരക്ക് കടകൾ, വഴിയോര കച്ചവടകേന്ദ്രങ്ങൾ എന്നിവിടങ്ങളിൽ ഉത്രാടത്തിരക്ക് ശക്തമാണ്.

ഓണക്കോടിയും സദ്യസാധനങ്ങളും വാങ്ങാൻ തിരക്ക്

തിരുവോണ സദ്യയ്ക്കാവശ്യമായ പച്ചക്കറികൾ, പഴവർഗങ്ങൾ, പലചരക്ക് സാധനങ്ങൾ, പായസം ചേരുവകൾ തുടങ്ങിയവ വാങ്ങാനാണ് ഭൂരിഭാഗം പേരും ഇന്ന് വിപണിയിലെത്തുന്നത്. കുടുംബാംഗങ്ങൾക്കുള്ള ഓണക്കോടി വാങ്ങുന്നതും ഉത്രാടദിനത്തിലെ പ്രധാന ഒരുക്കങ്ങളിലൊന്നാണ്.

തിരക്ക് വർധിച്ചതോടെ നഗരങ്ങളിലും പ്രധാന വ്യാപാരകേന്ദ്രങ്ങളോട് ചേർന്ന റോഡുകളിലും ഗതാഗതത്തിരക്കും അനുഭവപ്പെടുന്നുണ്ട്. അവസാന നിമിഷം വാങ്ങലുകൾക്കായി എത്തുന്നവരുടെ എണ്ണം വൈകുന്നേരത്തോടെ ഇനിയും ഉയരാനാണ് സാധ്യത.

പൂക്കളത്തിന് ഇന്ന് കൂടുതൽ ഭംഗി

ഉത്രാടത്തോടെ വീടുകളിലെ പൂക്കളങ്ങൾക്കും കൂടുതൽ വലുപ്പവും ഭംഗിയും കൈവരിക്കും. ദിവസങ്ങൾ പിന്നിടുന്നതിനനുസരിച്ച് പൂക്കളത്തിന്റെ വലുപ്പം കൂട്ടുന്ന പതിവുള്ളതിനാൽ ഇന്ന് പല വീടുകളിലും വിപുലമായ പൂക്കളങ്ങളാണ് ഒരുങ്ങുന്നത്.

പൂക്കളുടെ ലഭ്യതയും ആവശ്യകതയും വർധിച്ചതോടെ പൂവിപണിയിലും വലിയ തിരക്കാണ്. നാടൻ പൂക്കൾക്കൊപ്പം വിവിധ നിറങ്ങളിലുള്ള ഇതര സംസ്ഥാന പൂക്കൾക്കും ആവശ്യക്കാർ ഏറെയാണ്.

നാടും നഗരവും ഓണലഹരിയിൽ

ഓണക്കോടിയണിഞ്ഞ് ബന്ധുവീടുകളിലേക്കും നാട്ടിൻപുറങ്ങളിലെ ആഘോഷങ്ങളിലേക്കും യാത്ര ചെയ്യുന്നവരുടെ തിരക്കും ഉത്രാടദിനത്തിന്റെ പ്രത്യേകതയാണ്. പ്രവാസികളും മറ്റ് ജില്ലകളിൽ ജോലി ചെയ്യുന്നവരും നാട്ടിലെത്തുന്നതോടെ പല കുടുംബങ്ങളിലും ഓണാഘോഷത്തിന് പൂർണത കൈവരുന്നു.

കുട്ടികൾക്കും മുതിർന്നവർക്കും ഒരുപോലെ ആവേശം പകരുന്ന ദിനമാണ് ഉത്രാടം. വീടുകളിൽ സദ്യയ്ക്കുള്ള ഒരുക്കങ്ങൾ പൂർത്തിയാക്കുന്നതിനൊപ്പം ബന്ധുക്കളെയും സുഹൃത്തുക്കളെയും സ്വീകരിക്കാനുള്ള തയ്യാറെടുപ്പുകളും സജീവമാണ്.

ഇനി ഒരു പകൽ കൂടി… തിരുവോണത്തിന്റെ വരവായി.

ഓണക്കോടിയും പൂക്കളവും സദ്യയുടെ ചേരുവകളും ഒരുക്കി കേരളം തിരുവോണത്തെ വരവേൽക്കുകയാണ്. ഉത്രാടപ്പാച്ചിലിന്റെ തിരക്കിനിടയിലും കുടുംബത്തോടും പ്രിയപ്പെട്ടവരോടുമൊപ്പം ഓണത്തിന്റെ സന്തോഷം പങ്കിടാനുള്ള ഒരുക്കത്തിലാണ് നാട്.

തെരുവുനായ ശല്യം നിയന്ത്രിക്കുന്നതിന്റെ ഭാഗമായി തദ്ദേശ സ്ഥാപനങ്ങൾക്ക് അടിയന്തരമായി നടപ്പാക്കേണ്ട വിവിധ നടപടികളും സർക്കുലറിൽ നിർദേശിച്ചിട്ടുണ്ട്. തെരുവുനായ്ക്കളെ പിടികൂടി ഷെൽട്ടർ ഹോമുകളിലേക്ക് മാറ്റുക, ദത്തെടുക്കാൻ താൽപര്യമുള്ളവർക്ക് നായ്ക്കളെ കൈമാറുക, തെരുവുനായ്ക്കൾക്ക് വാക്സിനേഷൻ ഉൾപ്പെടെയുള്ള നിയന്ത്രണ നടപടികൾ ശക്തമാക്കുക എന്നിവയും ഇതിൽ ഉൾപ്പെടുന്നു.

അപകടകാരികളായ നായ്ക്കളെ മാത്രമാണ് നിശ്ചിത നടപടിക്രമങ്ങൾ പാലിച്ച് ദയാവധത്തിന് വിധേയമാക്കുക. ഇതിനായി ബന്ധപ്പെട്ട നിയമങ്ങളും ചട്ടങ്ങളും പാലിക്കണമെന്നാണ് നിർദേശം. നേരത്തെ രോഗബാധിതരായ തെരുവുനായ്ക്കളെ ദയാവധം ചെയ്യുന്നതിന് വെറ്ററിനറി വിദഗ്ധന്റെ സാക്ഷ്യപത്രം ഉൾപ്പെടെയുള്ള നടപടിക്രമങ്ങൾ സർക്കാർ വ്യക്തമാക്കിയിരുന്നു.

തെരുവിൽ നായ്ക്കൾക്ക് ഭക്ഷണം നൽകുന്നതുമായി ബന്ധപ്പെട്ടും നിയന്ത്രണങ്ങൾ ഏർപ്പെടുത്തിയിട്ടുണ്ട്. ഓരോ വാർഡിലും ഇതിനായി പ്രത്യേക സ്ഥലം കണ്ടെത്താനും നിർദേശമുണ്ട്. സർക്കാർ-സ്വകാര്യ സ്ഥാപനങ്ങളിലേക്ക് തെരുവുനായ്ക്കൾ പ്രവേശിക്കുന്നത് തടയാൻ മതിൽ, വേലി തുടങ്ങിയ സുരക്ഷാ സംവിധാനങ്ങൾ ഉറപ്പാക്കണമെന്നും നിർദേശിച്ചിട്ടുണ്ട്.

തെരുവുനായ നിയന്ത്രണ പ്രവർത്തനങ്ങൾ ഏകോപിപ്പിക്കുന്നതിനായി ഓരോ തദ്ദേശ സ്ഥാപനത്തിലും നോഡൽ ഓഫീസറെ നിയമിക്കാനും തീരുമാനിച്ചിട്ടുണ്ട്. നടപടികൾ നടപ്പാക്കുന്ന ഉദ്യോഗസ്ഥർക്ക് ആവശ്യമായ നിയമപരിരക്ഷ ഉറപ്പാക്കുമെന്നും സർക്കാർ വ്യക്തമാക്കിയിട്ടുണ്ട്.

മനുഷ്യരുടെ സുരക്ഷയും മൃഗക്ഷേമവും ഒരുപോലെ പരിഗണിച്ചുകൊണ്ട്, നിയമപരമായ നടപടിക്രമങ്ങൾ പാലിച്ചായിരിക്കും തെരുവുനായ നിയന്ത്രണ നടപടികൾ നടപ്പാക്കുക.

ഈരാറ്റുപേട്ട മുനിസിപ്പൽ കാര്യാലയത്തിൽ നടന്ന ചടങ്ങിൽ നഗരസഭാ ചെയർപേഴ്സൺ അഡ്വ. വി.പി. നാസർ ഉപകരണങ്ങൾ കൈമാറി. ടീം റെസ്ക്യൂ ഫോഴ്സ് കേരള പ്രസിഡന്റ് നൗഷാദ് വെള്ളൂപ്പറമ്പിൽ, ജനറൽ സെക്രട്ടറി ആരിഫ് വാഴയിൽ, ട്രഷറർ മുഹമ്മദ് യാസർ, എക്സിക്യൂട്ടീവ് അംഗങ്ങൾ എന്നിവർ ചേർന്ന് ഉപകരണങ്ങൾ ഏറ്റുവാങ്ങി. നഗരസഭാ ജനപ്രതിനിധികളും ചടങ്ങിൽ പങ്കെടുത്തു.

തെരുവുനായ ശല്യം മൂലം ജനങ്ങൾ നേരിടുന്ന ആശങ്കയ്ക്ക് പരിഹാരം കാണുന്നതിനായി, പിടികൂടുന്ന നായകളെ സുരക്ഷിതമായി പുനരധിവസിപ്പിക്കുന്നതിനും വന്ധ്യംകരണ നടപടികൾ നടപ്പാക്കുന്നതിനും ടീം റെസ്ക്യൂ ഫോഴ്സിന്റെ സഹകരണത്തോടെ തുടർനടപടികൾ സ്വീകരിക്കുമെന്ന് നഗരസഭ അറിയിച്ചു.

ഏന്തയാറ്റിൽ നിന്ന് മുണ്ടക്കയത്തേക്ക് വരികയായിരുന്ന സ്വകാര്യ ബസാണ് അപകടത്തിൽപ്പെട്ടത്. അപകടത്തിൽ നാലുപേർക്ക് പരിക്കേറ്റു. ഇവരെ മുണ്ടക്കയം മെഡിക്കൽ ട്രസ്റ്റ് ആശുപത്രിയിൽ പ്രവേശിപ്പിച്ചു.ബസ് മരത്തിൽ ഇടിച്ച് നിന്നതിനാൽ വലിയ കുഴിയിലേക്ക് മറിയാതിരുന്നത് വൻ ദുരന്തം ഒഴിവാക്കി.

ഇടുക്കി കവല, സെൻട്രൽ ജംഗ്ഷൻ, പുളിയൻമല റോഡ് ഉൾപ്പെടെയുള്ള പ്രധാന റോഡുകളിലാണ് വാഹനങ്ങളുടെ നീണ്ട നിരയാണ് അനുഭവപ്പെടുന്നത്. ഓണത്തിരക്ക് കൂടുന്നതിനനുസരിച്ച് നഗരത്തിലേക്ക് എത്തുന്ന വാഹനങ്ങളുടെ എണ്ണവും വർധിച്ചതോടെയാണ് ഗതാഗതക്കുരുക്ക് രൂക്ഷമായത്

പ്രധാന ജംഗ്ഷനുകളിൽ വാഹനങ്ങൾ ഇഴഞ്ഞുനീങ്ങുന്ന സ്ഥിതിയാണ്.നാളെ  ഉത്രാട ദിനത്തിൽ തിരക്ക് ഇനിയും വർധിക്കുമെന്നതിനാൽ ഗതാഗത നിയന്ത്രണത്തിന് കൂടുതൽ ക്രമീകരണങ്ങൾ ആവശ്യമാണ്.

പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂർ, കണ്ണൂർ, കാസർകോട് ജില്ലകളിലാണ് ഇന്ന് യെല്ലോ അലേർട്ട്. നാളെ കോട്ടയം, എറണാകുളം, ഇടുക്കി ജില്ലകളിലും മഴ മുന്നറിയിപ്പുണ്ട്.

വടക്ക്-പടിഞ്ഞാറൻ ബംഗാൾ ഉൾക്കടലിൽ രൂപപ്പെട്ട പുതിയ ന്യൂനമർദത്തിന്റെ സ്വാധീനമാണ് സംസ്ഥാനത്ത് മഴ ശക്തമാകാൻ പ്രധാന കാരണം. മലയോര മേഖലകളിൽ മഴ കൂടുതൽ ശക്തമായേക്കുമെന്നും മുന്നറിയിപ്പുണ്ട്.

മത്സ്യബന്ധനത്തിന് വിലക്ക്

കേരള, കർണാടക, ലക്ഷദ്വീപ് തീരങ്ങളിൽ മത്സ്യബന്ധനത്തിന് വിലക്കേർപ്പെടുത്തിയിട്ടുണ്ട്. മണിക്കൂറിൽ 40 മുതൽ 50 കിലോമീറ്റർ വരെയും ചില ഘട്ടങ്ങളിൽ പരമാവധി 60 കിലോമീറ്റർ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.

കള്ളക്കടൽ പ്രതിഭാസത്തിന്റെ ഭാഗമായി കേരള തീരത്ത് ഇന്ന് രാത്രി 11.30 വരെ 0.9 മുതൽ 1.3 മീറ്റർ വരെ ഉയർന്ന തിരമാലകൾക്ക് സാധ്യതയുണ്ടെന്ന് ദേശീയ സമുദ്ര വിവര വിശകലന കേന്ദ്രം (INCOIS) അറിയിച്ചു.

തീരദേശ മേഖലയിൽ ജാഗ്രത

കടലാക്രമണ സാധ്യത നിലനിൽക്കുന്നതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം. അപകടസാധ്യതയുള്ള മേഖലകളിൽ നിന്ന് അധികൃതരുടെ നിർദേശപ്രകാരം സുരക്ഷിത സ്ഥാനങ്ങളിലേക്ക് മാറണം.

ചെറിയ വള്ളങ്ങളും ബോട്ടുകളും കടലിൽ ഇറക്കുന്നത് ഒഴിവാക്കണം. തിരമാല ശക്തമാകുന്ന സമയത്ത് മത്സ്യബന്ധന യാനങ്ങൾ കടലിലേക്ക് ഇറക്കുന്നതും കരയ്ക്കടുപ്പിക്കുന്നതും അപകടകരമായതിനാൽ ഇക്കാര്യത്തിൽ പ്രത്യേക ജാഗ്രത വേണം.

INCOIS മുന്നറിയിപ്പ് പിൻവലിക്കുന്നതുവരെ ബീച്ചുകൾ കേന്ദ്രീകരിച്ചുള്ള വിനോദസഞ്ചാരമുൾപ്പെടെയുള്ള പ്രവർത്തനങ്ങൾ പൂർണമായും ഒഴിവാക്കണമെന്നും നിർദേശമുണ്ട്. മത്സ്യബന്ധന യാനങ്ങൾ ഹാർബറിൽ സുരക്ഷിതമായി കെട്ടിയിടുകയും വള്ളങ്ങൾ തമ്മിൽ സുരക്ഷിത അകലം പാലിക്കുകയും വേണം.

ബീച്ചിലേക്കുള്ള യാത്രകളും കടലിലിറങ്ങിയുള്ള വിനോദങ്ങളും ഒഴിവാക്കണമെന്നും തീരശോഷണ സാധ്യതയുള്ളതിനാൽ തീരദേശ മേഖലകളിൽ പ്രത്യേക ജാഗ്രത പാലിക്കണമെന്നും അധികൃതർ അറിയിച്ചു.

എഴുകുംവയൽ നിത്യസഹായമാതാ പള്ളിയങ്കണമാണ് പ്രധാന വേദി. എഴുകുംവയൽ ജംഗ്ഷനിൽനിന്ന് ആരംഭിക്കുന്ന കൂട്ടയോട്ടത്തോടെയാണ് ആഘോഷ പരിപാടികൾക്ക് തുടക്കമാകുക.

കുട്ടികൾക്കും മുതിർന്നവർക്കുമായി വിവിധ ഓണക്കളികളും വ്യക്തിഗത, ഗ്രൂപ്പ്, കുടുംബ മത്സരങ്ങളും ഒരുക്കിയിട്ടുണ്ട്. ദമ്പതികൾക്കും അമ്മയും കുഞ്ഞും പങ്കെടുക്കുന്ന പ്രത്യേക മത്സരങ്ങളും ആഘോഷത്തിന്റെ ഭാഗമായി നടക്കും. കരുത്തും തന്ത്രവും മാറ്റുരയ്ക്കുന്ന മാമാങ്ക വടംവലി മത്സരവും പ്രധാന ആകർഷണമാണ്.

ആഘോഷത്തിൽ പങ്കെടുക്കുന്നവർക്കായി ഓണസദ്യയും പായസവും ഒരുക്കിയിട്ടുണ്ട്. നാടിന്റെ ഒരുമയും സൗഹാർദ്ദവും വിളിച്ചോതുന്ന ആഘോഷത്തിൽ വിവിധ മത-സാംസ്കാരിക നേതാക്കൾ, ഗ്രാമപഞ്ചായത്ത് പ്രതിനിധികൾ, വൈദികർ, വ്യാപാരികൾ, വിവിധ ക്ലബ് ഭാരവാഹികൾ, സംഘടനാ പ്രതിനിധികൾ എന്നിവർ നേതൃത്വം നൽകും.

ഡിജിറ്റൽ രീതിയിൽ തയ്യാറാക്കിയ ലോഗോ ഡിസൈനുകൾ മാത്രമേ മത്സരത്തിന് പരിഗണിക്കുകയുള്ളൂ. മൾട്ടികളറിൽ തയ്യാറാക്കിയ ഡിസൈനുകൾ ഇ-മെയിൽ മുഖേന സമർപ്പിക്കണം. ലോഗോയുടെ ഒറിജിനൽ/എഡിറ്റബിൾ ഫയൽ ആവശ്യപ്പെട്ടാൽ ഹാജരാക്കാൻ കഴിയുന്ന വിധത്തിൽ സൂക്ഷിക്കേണ്ടതാണ്.

എൻട്രികൾ സെപ്റ്റംബർ 5ന് വൈകിട്ട് 5ന് മുമ്പായി ലഭിക്കണം. എൻട്രികൾ അയക്കേണ്ട ഇ-മെയിൽ: ksywb@kerala.gov.in

കൂടുതൽ വിവരങ്ങൾക്ക്: ജില്ലാ യുവജനകേന്ദ്രം, പുളിമൂട്ടിൽ ഷോപ്പിംഗ് ആർക്കേഡ്, തൊടുപുഴ. ഫോൺ: 9895183934.

കൈത്തോട്ടിലൂടെ ഒഴുകിയെത്തുന്ന മലിനജലം പെരിയാർ നദിയിലാണ് പതിക്കുന്നത്. പ്രദേശത്തെ നിരവധി കുടുംബങ്ങളുടെ കുടിവെള്ള സ്രോതസു കൂടിയായ പെരിയാർ നദിയിലേക്ക് മാലിന്യം ഒഴുക്കുന്നത് ഗുരുതരമായ ആരോഗ്യ-പരിസ്ഥിതി പ്രശ്നങ്ങൾക്ക് ഇടയാക്കുമെന്ന ആശങ്കയിലാണ് നാട്ടുകാർ.

രക്തം കലർന്ന വെള്ളവും രൂക്ഷമായ ദുർഗന്ധവും പ്രദേശവാസികൾക്ക് വലിയ ബുദ്ധിമുട്ടാണ് സൃഷ്ടിക്കുന്നത്. ഇറച്ചിമാലിന്യങ്ങൾ യാതൊരു ശാസ്ത്രീയ സംസ്കരണവും കൂടാതെ ജലസ്രോതസിലേക്ക് ഒഴുക്കിവിടുന്നതായും നാട്ടുകാർ ആരോപിച്ചു.

പെരിയാർ നദിയുടെ ജലസ്രോതസ്സ് മലിനമാകുന്നത് തടയുന്നതിനായി ആരോഗ്യവകുപ്പ്, തദ്ദേശ സ്വയംഭരണ സ്ഥാപനങ്ങൾ, മലിനീകരണ നിയന്ത്രണ അധികൃതർ എന്നിവർ അടിയന്തരമായി പരിശോധന നടത്തണമെന്നും മാലിന്യം ഒഴുക്കുന്നവർക്കെതിരെ നിയമനടപടി സ്വീകരിക്കണമെന്നും നാട്ടുകാർ ആവശ്യപ്പെട്ടു.

കഴിഞ്ഞ ദിവസം കിലോയ്ക്ക് 61 രൂപ ആയിരുന്ന പഞ്ചസാരയ്ക്ക് ഇന്ന് 65 കടന്നിരിക്കുന്നു.അടുത്ത ദിവസങ്ങളിൽ വില വീണ്ടും ഉയരാനുള്ള സൂചനകളാണ് ലഭിക്കുന്നത്. അതേസമയം, വിപണിയിലെ ഓരോ സ്ഥാപനത്തിലെയും ബ്രാൻഡ്, ഗുണനിലവാരം, വാങ്ങൽവില എന്നിവ അനുസരിച്ച് റീട്ടെയിൽ വിലയിൽ വീണ്ടും വ്യത്യാസമുണ്ടാകാം.

രാജ്യത്ത് പഞ്ചസാരവില കഴിഞ്ഞ രണ്ട് മാസത്തിനിടെ ഏകദേശം 40 ശതമാനം വരെ ഉയർന്നതായാണ് റിപ്പോർട്ടുകൾ. പ്രതീക്ഷിച്ചതിലും കുറഞ്ഞ ആഭ്യന്തര ഉൽപ്പാദനം, കരിമ്പുകൃഷിയെ ബാധിച്ച കാലാവസ്ഥാ പ്രശ്നങ്ങൾ, രോഗബാധ, ഉത്സവ സീസണിലെ വർധിച്ച ആവശ്യകത, ആഗോള വിപണിയിലെ ലഭ്യതക്കുറവ് തുടങ്ങിയവയാണ് വില ഉയരാനുള്ള പ്രധാന കാരണങ്ങളായി കേന്ദ്ര സർക്കാർ ചൂണ്ടിക്കാട്ടുന്നത്.

ഓണം, ഗണേശോത്സവം, ദസറ, ദീപാവലി തുടങ്ങിയ ആഘോഷങ്ങൾ മുന്നിലെത്തിയതോടെ മധുരപലഹാരങ്ങൾക്കും ബേക്കറി ഉൽപ്പന്നങ്ങൾക്കും പഞ്ചസാരയുടെ ആവശ്യകത ഉയരുകയാണ്. ഓഗസ്റ്റ് മുതൽ നവംബർ വരെയുള്ള കാലയളവിൽ രാജ്യത്ത് പഞ്ചസാര ഉപഭോഗം സാധാരണയായി വർധിക്കുന്നതായും വിപണി വിദഗ്ധർ ചൂണ്ടിക്കാട്ടുന്നു.

വിലക്കയറ്റം പിടിച്ചുനിർത്താൻ കേന്ദ്ര സർക്കാർ 10 ലക്ഷം മെട്രിക് ടൺ അസംസ്കൃത പഞ്ചസാര തീരുവയില്ലാതെ ഇറക്കുമതി ചെയ്യാൻ അനുമതി നൽകിയിട്ടുണ്ട്. ഒക്ടോബർ 31 വരെയാണ് ഇറക്കുമതിക്ക് അനുമതി. വിപണിയിലെ ലഭ്യത വർധിപ്പിച്ച് വില നിയന്ത്രിക്കുകയാണ് ലക്ഷ്യം.

ഇതിനുപുറമെ, പഞ്ചസാരയുടെ സംഭരണം നിയന്ത്രിക്കുന്നതിനുള്ള നടപടികളും കേന്ദ്രം സ്വീകരിച്ചിട്ടുണ്ട്. സെപ്റ്റംബർ 1 മുതൽ നവംബർ 30 വരെ പ്രതിമാസം 10 മെട്രിക് ടണ്ണിലധികം പഞ്ചസാര ഉപയോഗിക്കുന്ന ബൾക്ക് ഉപഭോക്താക്കൾക്ക് 15 ദിവസത്തെ സ്റ്റോക്ക് മാത്രമേ കൈവശം വയ്ക്കാനാകൂ. വ്യാപാരികൾക്ക് 30 ദിവസത്തെ സ്റ്റോക്ക് പരിധിയും ഏർപ്പെടുത്തിയിട്ടുണ്ട്.

പഞ്ചസാരവിലയിലെ വർധന ഓണക്കാല കുടുംബബജറ്റിനും മധുരപലഹാര നിർമാതാക്കൾക്കും ബേക്കറി മേഖലയ്ക്കും അധികഭാരമാകുകയാണ്. പഞ്ചസാരയുടെ വില ഇനിയും ഉയർന്നാൽ മധുരപലഹാരങ്ങളുടെയും മറ്റ് പഞ്ചസാര അധിഷ്ഠിത ഉൽപ്പന്നങ്ങളുടെയും വിലയിലും വർധനയുണ്ടാകുമെന്ന ആശങ്കയുണ്ട്.

ഓണവിപണിയിൽ പഞ്ചസാരയുടെ വിലക്കയറ്റം ഉപഭോക്താക്കൾക്ക് പുതിയ തലവേദനയാകുകയാണ്.

തിരുവാതിര, വിവിധ മത്സര ഇനങ്ങൾ, കലാപരിപാടികൾ എന്നിവ ഓണാഘോഷത്തിന് മാറ്റുകൂട്ടി. വിഭവസമൃദ്ധമായ ഓണസദ്യയും ഒരുക്കിയിരുന്നു. മത്സര വിജയികൾക്കുള്ള സമ്മാനവിതരണവും നടന്നു.വനിതാ സമാജം സെക്രട്ടറി ജീജ ഓമനക്കുട്ടൻ കൃതജ്ഞത രേഖപ്പെടുത്തി. കരയോഗം ഭാരവാഹികളും വനിതാ സമാജം, ഗോകുലം ബാലസമാജം പ്രവർത്തകരും പരിപാടികൾക്ക് നേതൃത്വം നൽകി.

സംസ്കാര ശുശ്രൂഷകൾ ഓഗസ്റ്റ് 25 ചൊവ്വാഴ്ച രാവിലെ 11 മണിക്ക് നെടുങ്കണ്ടം ഫൊറോനാ ദേവാലയ സെമിത്തേരിയിൽ നടക്കും.

ഓൺലൈനായി മുൻകൂട്ടി ബുക്ക് ചെയ്ത് എത്തുന്നവർക്ക് മാത്രമാണ് പ്രവേശനം. ബുധനാഴ്ചകളിലും റെഡ് അലർട്ട് പ്രഖ്യാപിച്ച ദിവസങ്ങളിലും സന്ദർശകരെ അനുവദിക്കില്ല. തിരക്ക് നിയന്ത്രിക്കുന്നതിന്റെ ഭാഗമായി പാർക്കിങ് ക്രമീകരണങ്ങളും ഏർപ്പെടുത്തിയിട്ടുണ്ട്. ചെറുതോണി അണക്കെട്ടിന് സമീപത്തെ പാർക്കിങ് ഏരിയയിൽ വാഹനങ്ങൾ പാർക്ക് ചെയ്യാം.

ബഗ്ഗി കാർ ഉൾപ്പെടെയുള്ള പ്രവേശനത്തിന് കുട്ടികൾക്ക് 100 രൂപയും മുതിർന്നവർക്ക് 150 രൂപയുമാണ് ഫീസ്. അണക്കെട്ടിന് മുകളിലൂടെ നടന്നുമാത്രം സന്ദർശിക്കുന്നവർക്ക് കുട്ടികൾക്ക് 30 രൂപയും മുതിർന്നവർക്ക് 50 രൂപയുമാണ് നിരക്ക്.

പ്രവേശന പാസ് ഓൺലൈനായി ബുക്ക് ചെയ്യാം:

www.keralahydeltourism.com⁠�

സംഭവത്തിൽ കേസ് ഒതുക്കിത്തീർക്കാൻ ചില രാഷ്ട്രീയ, മത നേതാക്കൾ ഇടപെട്ട് വിദ്യാർത്ഥിനിയുടെ കുടുംബത്തിനുമേൽ സമ്മർദം ചെലുത്തിയെന്ന ആരോപണം ഉയർന്നതോടെയാണ് പ്രതിഷേധം ശക്തമായത്. വിദ്യാർത്ഥിനിയുടെ സഹപാഠികളും നാട്ടുകാരും മാങ്കുളം ടൗണിൽ മണിക്കൂറുകളോളം റോഡ് ഉപരോധിച്ചു.

തുടർന്ന് സ്ഥലത്തെത്തിയ പൊലീസ് ഉദ്യോഗസ്ഥർക്ക് വിദ്യാർത്ഥികൾ മാസ് പെറ്റീഷൻ കൈമാറി. പ്രതിക്കെതിരെ കർശന നടപടി സ്വീകരിക്കുമെന്ന് പൊലീസ് ഉറപ്പ് നൽകിയതോടെയാണ് പ്രതിഷേധം അവസാനിപ്പിച്ചത്.

സംഭവത്തിൽ പ്രതിക്കായി പൊലീസ് തെരച്ചിൽ ഊർജിതമാക്കി. പരാതിയിൽ പറയുന്ന സാഹചര്യങ്ങളും സമ്മർദം ചെലുത്തിയെന്ന ആരോപണവും ഉൾപ്പെടെ പൊലീസ് പരിശോധിച്ചുവരികയാണ്.

കട്ടപ്പന സർക്കിൾ ഇൻസ്‌പെക്ടർ പ്രേംകുമാർ മത്സരം ഉദ്ഘാടനം ചെയ്തു. കട്ടപ്പന എസ്.ഐ അജേഷ് വിജയൻ മുഖ്യാതിഥിയായി. ഉദ്ഘാടന സമ്മേളനത്തിൽ ജെസിഐ ടൗൺ കട്ടപ്പന പ്രസിഡന്റ് ജിജോമോൻ ജോർജ് അധ്യക്ഷത വഹിച്ചു. സ്‌കാർഫേസ് പ്രസിഡന്റ് സുമിത് മാത്യു സ്വാഗതവും പ്രോഗ്രാം കൺവീനർ ഷാജിമോൻ എ.കെ. നന്ദിയും പറഞ്ഞു.

ജില്ലയിലെ മികച്ച എട്ട് ടീമുകൾ മാറ്റുരച്ച മത്സരത്തിൽ തുടക്കം മുതൽ ആവേശകരമായ പോരാട്ടമാണ് അരങ്ങേറിയത്. കരുത്തും കായിക മികവും ഒത്തുചേർന്ന മത്സരത്തിനൊടുവിലാണ് മലയാളി ചിരി ക്ലബ് കിരീടം സ്വന്തമാക്കിയത്.

ജേതാക്കൾക്ക് ഇല ഫാം സ്പൈസസ് കട്ടപ്പന നൽകുന്ന 6001 രൂപയും കിഷോർ അശോക് നൽകുന്ന പൂവൻകോഴിയും സമ്മാനമായി ലഭിച്ചു. റണ്ണറപ്പായ യൂത്ത് വിംഗ് കട്ടപ്പനയ്ക്ക് മോഡ് റിച്ച് കോർട്ടിയർ നൽകുന്ന 4001 രൂപയും കിഷോർ അശോക് നൽകുന്ന പൂവൻകോഴിയും സമ്മാനമായി നൽകി.

മൂന്നാം സ്ഥാനക്കാരന് ഡീ ഇവന്റ്സ് നാരകക്കാനം സ്പോൺസർ ചെയ്യുന്ന 2001 രൂപയും അജന്ത ഹെയർസ്റ്റൈൽ നൽകുന്ന വാഴക്കുലയും ലഭിച്ചു.

ഉദ്ഘാടന സമ്മേളനത്തിൽ കട്ടപ്പന JCI ടൗൺ പ്രസിഡണ്ട് ജിജോമോൻ ജോർജ് അധ്യക്ഷത വഹിച്ചു. സ്കാർഫേസ് പ്രസിഡൻ്റ് സുമിത് മാത്യു സ്വാഗതം ആശംസിച്ചു.പ്രോഗ്രാം കൺവീനർ ഷാജിമോൻ എ കെ കൃതജ്ഞത അർപ്പിച്ച് സംസാരിച്ചു

ജില്ലയിലെ മികച്ച 8 ടീമുകൾ മാറ്റുരയ്ക്കുന്ന മത്സര വിജയിക്ക് ഒന്നാം സമ്മാനമായി ഇല ഫാം സ്പൈസസ് കട്ടപ്പന നൽകുന്ന 6001 രൂപയും കിഷോർ അശോക് നൽകുന്ന പൂവൻകോഴിയും ലഭിക്കും. രണ്ടാം സമ്മാനമായി മോഡ് റിച്ച് കോർട്ടിയർ നൽകുന്ന 4001 രൂപയും കിഷോർ അശോക് നൽകുന്ന പൂവൻകോഴിയും സമ്മാനമായി നൽകും. മൂന്നാം സമ്മാനമായി ഡീ ഇവന്റ്സ് നാരകക്കാനം സ്പോൺസർ ചെയ്യുന്ന 2001 രൂപയും അജന്ത ഹെയർസ്റ്റൈൽ നൽകുന്ന വാഴക്കുലയും ലഭിക്കും.

ആഗസ്റ്റ് 22ന് തിരുവല്ല അശോക് ഇന്റർനാഷണൽ ഹോട്ടലിൽ നടന്ന പരിപാടി പി.സി. ഫിലിപ്പിന്റെ അധ്യക്ഷതയിൽ നടന്നു. ബിലീവേഴ്സ് ചർച്ച് മെഡിക്കൽ കോളേജ് കമ്യൂണിറ്റി മെഡിസിൻ വിഭാഗം മാനേജർ അവിര ചാക്കോ ‘കമ്യൂണിറ്റി കണക്ട്’ പദ്ധതിയെക്കുറിച്ച് വിശദീകരിച്ചു. ‘ക്രിസ്തുവിന്റെ സ്നേഹത്തിൽ പ്രതീക്ഷയും സൗഖ്യവും നൽകുക’ എന്ന ബിസിഎംസിയുടെ ദർശനത്തിന്റെ ഭാഗമായി, സ്ഥാപകൻ അഭിവന്ദ്യ അത്ത്യാനേഷ്യസ് യോഹാൻ മെത്രാപ്പോലീത്തയുടെയും ആശുപത്രി ഡയറക്ടർ പ്രൊഫ. ഡോ. ജോർജ് ചാണ്ടി മറ്റീത്രയുടെയും സാമൂഹിക പ്രതിബദ്ധതയുള്ള സേവന കാഴ്ചപ്പാടുകൾ മുൻനിർത്തി നടപ്പാക്കുന്ന വിവിധ പദ്ധതികളെക്കുറിച്ചും അദ്ദേഹം വിശദീകരിച്ചു.

തുടർന്ന് പ്രൊഫ. ഡോ. സംഗീത ജിതിൻ ജീവിതശൈലീ രോഗങ്ങളും അവയുടെ പ്രതിരോധ-നിയന്ത്രണ മാർഗങ്ങളും സംബന്ധിച്ച് ബോധവൽക്കരണ ക്ലാസ് നയിച്ചു. ശരിയായ ഭക്ഷണക്രമം, മരുന്നുകളുടെ കൃത്യമായ ഉപയോഗം, ചിട്ടയായ വ്യായാമം എന്നിവ ജീവിതശൈലീ രോഗങ്ങളുടെ നിയന്ത്രണത്തിൽ നിർണായകമാണെന്ന് ഡോക്ടർ വ്യക്തമാക്കി.

പ്രമേഹം, രക്തസമ്മർദ്ദം, അമിതവണ്ണം, ഹൃദ്രോഗം തുടങ്ങിയ ആരോഗ്യപ്രശ്നങ്ങളുമായി ബന്ധപ്പെട്ട സംശയങ്ങൾക്ക് ക്ലാസിൽ വിശദീകരണം നൽകി. പങ്കെടുത്തവർ ആരോഗ്യ സംബന്ധമായ അനുഭവങ്ങളും പങ്കുവച്ചു.

നൂറോളം പേർ പങ്കെടുത്ത പരിപാടിക്ക് ബിലീവേഴ്സ് ചർച്ച് മെഡിക്കൽ കോളേജ് സീനിയർ മെഡിക്കൽ സോഷ്യൽ വർക്കർ ബിച്ചു പി. ബാബു, അസോസിയേഷൻ ഭാരവാഹികളായ സന്തോഷ് കുമാർ, ടി.സി. ചാക്കോ എന്നിവർ നേതൃത്വം നൽകി.

കട്ടപ്പന മിനി സ്റ്റേഡിയത്തിൽ നടന്ന ചടങ്ങ് കട്ടപ്പന നഗരസഭ ചെയർപേഴ്സൺ ജോയി വെട്ടിക്കുഴി ഉദ്ഘാടനം ചെയ്തു. മലയാളി ചിരി ക്ലബ് പ്രസിഡന്റ് സണ്ണി സ്റ്റോറിൽ അധ്യക്ഷത വഹിച്ചു.

ജനറൽ സെക്രട്ടറി വിപിൻ വിജയൻ, ഫിനാൻസ് കോർഡിനേറ്റർ പ്രിൻസ് മൂലെചാലിൽ, കാർട്ടൂണിസ്റ്റ് സജിദാസ് മോഹൻ, മർച്ചന്റ് യൂത്ത് പ്രസിഡന്റ് ജിനേഷ് കക്കാട്ട്, സെക്രട്ടറി അജിത്ത് സുകുമാരൻ, പ്രസ് ക്ലബ് പ്രസിഡന്റ് റോയ്, സുമിത്ത് മാത്യു, മാധ്യമപ്രവർത്തകൻ ജൈബി ജോസഫ്, റോബിൻ സേറ, അശോക് ഇ.ആർ., അനീഷ് തോണക്കര തുടങ്ങിയവർ സംസാരിച്ചു.

കഴിഞ്ഞ പത്ത് വർഷത്തിലേറെയായി വിവിധ കാരുണ്യ പ്രവർത്തനങ്ങളിലൂടെ സാമൂഹിക പ്രതിബദ്ധതയുടെ മാതൃകയായി പ്രവർത്തിക്കുന്ന സംഘടനയാണ് മലയാളി ചിരി ക്ലബ്. നിർധനരും രോഗബാധിതരുമായ നൂറുകണക്കിന് ആളുകൾക്ക് സാമ്പത്തികമായും മറ്റ് ആവശ്യങ്ങളിലൂടെയും സഹായം നൽകിവരുന്ന ക്ലബ്, ആഘോഷവേളകളിലും സമൂഹത്തിലെ അശരണരിലേക്ക് കരുതലെത്തിക്കുന്ന പ്രവർത്തനങ്ങൾ തുടർന്നുവരികയാണ്.

ഓണത്തിന്റെ സന്തോഷം സമൂഹത്തിലെ അശരണരിലേക്കും എത്തിക്കുക എന്ന ലക്ഷ്യത്തോടെയാണ് ഇത്തവണ കിടപ്പുരോഗികൾക്ക് ഓണക്കിറ്റുകൾ വിതരണം ചെയ്തത്.

സ്കൂളിന്റെ 75-ാം വാർഷികത്തിന്റെ പ്രതീകമായാണ് 75 കുടുംബങ്ങളിലേക്ക് ഓണസമ്മാനമെത്തിച്ചത്. ഒരു കുടുംബത്തിന് ഓണം സന്തോഷത്തോടെ ആഘോഷിക്കാൻ ആവശ്യമായ സാധനങ്ങൾ ഉൾപ്പെടുത്തിയാണ് ഓരോ കിറ്റും തയ്യാറാക്കിയത്. അരി, പഞ്ചസാര, വെളിച്ചെണ്ണ, പായസക്കൂട്ട്, പരിപ്പ്, സാമ്പാർ പൊടി, മല്ലിപ്പൊടി, മഞ്ഞൾപ്പൊടി, മുളകുപൊടി, പപ്പടം, നേന്ത്രക്കായ ഉപ്പേരി, ശർക്കരവരട്ടി തുടങ്ങിയ 12-ഓളം അവശ്യസാധനങ്ങളാണ് കിറ്റിലുണ്ടായിരുന്നത്.

ഓണം ആഘോഷിക്കുന്നതിനൊപ്പം പങ്കുവെക്കലിന്റെയും കരുതലിന്റെയും സന്ദേശം കുട്ടികളിൽ വളർത്തിയെടുക്കുക എന്ന ലക്ഷ്യത്തോടെയാണ് പദ്ധതിക്ക് രൂപം നൽകിയത്. ആഘോഷങ്ങളുടെ ഭാഗമാകാൻ കഴിയാത്ത കുടുംബങ്ങളിലേക്കും ഓണത്തിന്റെ സന്തോഷമെത്തിക്കുകയെന്ന ആശയമാണ് പ്രവർത്തനത്തിന് പിന്നിൽ.

വിദ്യാർത്ഥികളും രക്ഷിതാക്കളും ഒരുമിച്ച് കൈകോർത്തതോടെ സ്കൂളിന്റെ പ്ലാറ്റിനം ജൂബിലി ആഘോഷങ്ങൾക്ക് സാമൂഹിക പ്രതിബദ്ധതയുടെ വേറിട്ട മുഖവും ലഭിച്ചു.

പ്രവർത്തനങ്ങൾക്ക് ഹെഡ്മാസ്റ്റർ ഷിന്റോ ജോർജ്, അധ്യാപകരായ ആൽബിൻ ജോസഫ്, അഞ്ജു ജോസഫ്, രമ്യ മുരളി, സിസ്റ്റർ അനിറ്റ എന്നിവർ നേതൃത്വം നൽകി. പി.ടി.എ. ഭാരവാഹികളും സ്കൂൾ മാനേജ്മെന്റ് പ്രതിനിധികളും ചടങ്ങിൽ പങ്കെടുത്തു.

പൊതു ചില്ലറ വിപണി വിലയേക്കാൾ 30 ശതമാനം വരെ വിലക്കുറവിൽ പച്ചക്കറികൾ ഇവിടെ ലഭ്യമാകും.

ഓണച്ചന്തയുടെ ഉദ്ഘാടനം ഓഗസ്റ്റ് 22 ശനിയാഴ്ച രാവിലെ 11.30ന് ഇരട്ടയാർ ഗ്രാമപഞ്ചായത്ത് പ്രസിഡന്റ് രജനി കെ. എ. നിർവഹിക്കും. ജനപ്രതിനിധികൾ, കാർഷിക വികസന സമിതി അംഗങ്ങൾ, ക്ലസ്റ്റർ-വിപണി അംഗങ്ങൾ, കർഷക മിത്രങ്ങൾ എന്നിവർ ചടങ്ങിൽ പങ്കെടുക്കും.

ഓണാഘോഷത്തിന്റെ ഭാഗമായി കർഷകരുടെ ഉൽപ്പന്നങ്ങൾക്ക് മികച്ച വിപണി ഒരുക്കുന്നതിനൊപ്പം ഉപഭോക്താക്കൾക്ക് ഗുണമേന്മയുള്ള പച്ചക്കറികൾ കുറഞ്ഞ വിലയിൽ ലഭ്യമാക്കുകയാണ് ഓണച്ചന്തയുടെ ലക്ഷ്യം.

ചെണ്ടമേളം, നാസിക് ഡോൾ, കഥകളി, തെയ്യം, പുരുഷന്മാരുടെ വിവിധ കലാരൂപങ്ങൾ തുടങ്ങിയവ ഘോഷയാത്രയ്ക്ക് മാറ്റുകൂട്ടും. കുട്ടികളും യുവാക്കളും ഉൾപ്പെടെ വിവിധ വിഭാഗങ്ങളുടെ കലാപരിപാടികളും ഘോഷയാത്രയുടെ ഭാഗമായി അരങ്ങേറും.

തുടർന്ന് സാംസ്കാരിക സമ്മേളനം നടക്കും. വൈകിട്ട് അഞ്ചിന് വിവിധ മത്സരങ്ങളും സംഘടിപ്പിച്ചിട്ടുണ്ട്. പരിപാടിയിൽ സാമൂഹിക, സാംസ്കാരിക, രാഷ്ട്രീയ രംഗങ്ങളിലെ പ്രമുഖർ പങ്കെടുക്കുമെന്ന് സംഘാടകർ അറിയിച്ചു.

വനിതാ, പുരുഷ ടീമുകൾക്കായാണ് മത്സരം സംഘടിപ്പിക്കുന്നത്. പരിപാടിയുടെ ഉദ്ഘാടനം കട്ടപ്പന ഡി.വൈ.എസ്.പി റെജി എം. കുന്നിപ്പറമ്പിൽ നിർവഹിക്കും.

മത്സരത്തിലെ വിജയികൾക്ക് ആകർഷകമായ സമ്മാനങ്ങളാണ് ഒരുക്കിയിരിക്കുന്നത്. ഒന്നാം സമ്മാനം ₹6,000യും പൂവൻകോഴിയും, രണ്ടാം സമ്മാനം ₹4,000യും പൂവൻകോഴിയും, മൂന്നാം സമ്മാനം ₹2,000യും ഏത്തക്കുലയും ലഭിക്കും.

കൂടുതൽ വിവരങ്ങൾക്ക്: 9961145854, 9745153154.

വിവിധ നിറങ്ങളിലുള്ള പൂക്കൾ ശേഖരിച്ച് വിദ്യാർഥികൾ ഒരുക്കിയ മനോഹരമായ പൂക്കളങ്ങൾ ആഘോഷത്തിന് മാറ്റുകൂട്ടി. ക്ലാസ് അടിസ്ഥാനത്തിലും വീടുകളിൽനിന്ന് പൂക്കൾ ശേഖരിച്ചുമാണ് പല സ്ഥാപനങ്ങളിലും പൂക്കളമൊരുക്കിയത്. മികച്ച പൂക്കളങ്ങൾക്ക് സമ്മാനങ്ങളും ഏർപ്പെടുത്തിയിരുന്നു.

പരമ്പരാഗത കേരളീയ വേഷത്തിൽ വിദ്യാർഥികളും അധ്യാപകരും എത്തിയതോടെ ക്യാമ്പസുകൾ ഓണച്ചന്തം പോലെയായി. പെൺകുട്ടികൾ കേരളീയ സാരിയിലും ആൺകുട്ടികൾ മുണ്ടും ഷർട്ടും ധരിച്ചുമാണ് ആഘോഷത്തിൽ പങ്കെടുത്തത്. മാവേലിയുടെ വേഷത്തിലെത്തിയ കുട്ടികളും വിദ്യാർഥികളും ആഘോഷത്തിന് കൗതുകമായി.

ഓണക്കളികളിൽ ആവേശം

വടംവലി, കസേരകളി, നാരങ്ങയും സ്പൂണും മത്സരം, ബലൂൺ പൊട്ടിക്കൽ, ഉറിയടി തുടങ്ങിയ വിവിധ മത്സരങ്ങൾ സ്കൂൾ-കോളേജുകളിൽ സംഘടിപ്പിച്ചു. വിദ്യാർഥികൾക്ക് പുറമെ അധ്യാപകർക്കും രക്ഷിതാക്കൾക്കുമായി പ്രത്യേക മത്സരങ്ങളും നടത്തി. വിജയികളെ കണ്ടെത്തുന്നതിനുള്ള മത്സരങ്ങളിൽ കുട്ടികളും യുവാക്കളും ആവേശത്തോടെ പങ്കെടുത്തു.

കലാപരിപാടികളും ആഘോഷത്തിന്റെ പ്രധാന ആകർഷണമായി. തിരുവാതിര, ഒപ്പന, നാടൻപാട്ട്, സംഘനൃത്തം, സിനിമാറ്റിക് ഡാൻസ് തുടങ്ങിയ പരിപാടികൾ അരങ്ങേറി. ഓണപ്പാട്ടുകൾക്കൊപ്പം വിദ്യാർഥികളുടെ നൃത്തച്ചുവടുകളും ക്യാമ്പസുകളിൽ ആവേശം നിറച്ചു.

ഓണസദ്യയും കൂട്ടായ്മയും

ആഘോഷത്തിന്റെ ഭാഗമായി വിവിധ സ്കൂൾ-കോളേജുകളിൽ ഓണസദ്യയും പായസവിതരണവും ഒരുക്കി. അധ്യാപകരും വിദ്യാർഥികളും രക്ഷിതാക്കളും ഒരുമിച്ചിരുന്ന് ഓണസദ്യ കഴിച്ചത് കൂട്ടായ്മയുടെ വേറിട്ട അനുഭവമായി.

പഠനത്തിരക്കിനിടയിൽ സൗഹൃദവും കൂട്ടായ്മയും വളർത്തുന്നതിനുള്ള അവസരമായാണ് അധ്യാപകരും കോളേജ് അധികൃതരും ഓണാഘോഷത്തെ വിലയിരുത്തിയത്. ജാതി-മത ഭേദമന്യേ എല്ലാവരും ഒരുമിച്ച് ആഘോഷിക്കുന്ന ഓണത്തിന്റെ ഐക്യത്തിന്റെയും സാഹോദര്യത്തിന്റെയും സന്ദേശം പുതുതലമുറയിലേക്ക് പകരാനും ആഘോഷങ്ങൾ ലക്ഷ്യമിട്ടു.

സ്കൂൾ-കോളേജുകളിൽ നടന്ന ഓണാഘോഷങ്ങളുടെ ചിത്രങ്ങളും വിഡിയോ ദൃശ്യങ്ങളും സമൂഹമാധ്യമങ്ങളിൽ നിറഞ്ഞതോടെ ആഘോഷങ്ങൾക്ക് കൂടുതൽ ശ്രദ്ധ ലഭിച്ചു. ഐക്യത്തിന്റെയും സാഹോദര്യത്തിന്റെയും സന്ദേശം പങ്കുവെച്ച് വിദ്യാർഥികൾ ഓണത്തിന്റെ മനോഹരമായ ഓർമകളുമായാണ് ക്യാമ്പസുകളിൽനിന്ന് മടങ്ങിയത്.

ഡീൻ കുര്യാക്കോസ് എം.പിയുടെയും റോയ് കെ. പൗലോസ് എം.എൽ.എയുടെയും അഭ്യർഥനയെ തുടർന്ന് ഓണത്തോടനുബന്ധിച്ച് ഇടുക്കി ഡാം പത്ത് ദിവസത്തേക്ക് പൊതുജനങ്ങൾക്കായി തുറക്കാൻ പ്രത്യേക ഉത്തരവ് നൽകിയിട്ടുണ്ട്. എന്നാൽ ഡാം എല്ലാ ദിവസവും സന്ദർശകർക്കായി തുറന്നുകൊടുക്കണമെന്നതാണ് നാടിന്റെ ആവശ്യം. ഇക്കാര്യം കെ.എസ്.ഇ.ബി ചെയർമാനുമായും ബോർഡ് അംഗങ്ങളുമായും ചർച്ച ചെയ്ത് ഇടുക്കിക്കാരൻ എന്ന നിലയിൽ ശക്തമായ നിലപാട് സ്വീകരിക്കുമെന്നും മന്ത്രി പറഞ്ഞു.

ഇടുക്കി ടൂറിസത്തിന് പ്രത്യേക പരിഗണന

ഇടുക്കിയുടെ ടൂറിസം സാധ്യതകളെക്കുറിച്ച് ടൂറിസം വകുപ്പ് മന്ത്രിയെ ധരിപ്പിക്കുമെന്നും മന്ത്രി പറഞ്ഞു. ഇടുക്കി വൈദ്യുതി പദ്ധതി പ്രദേശത്ത് ടൂറിസം കേന്ദ്രസഹായ ഫണ്ട് ഉപയോഗിച്ച് വലിയ വികസന പദ്ധതി നടപ്പാക്കുന്നതിനുള്ള തുടർനടപടികൾ വേഗത്തിലാക്കും. ഡാം സന്ദർശനത്തിനിടെ ടൂറിസം മന്ത്രിയുമായി ഇക്കാര്യം ചർച്ച ചെയ്തതായും സണ്ണി ജോസഫ് വ്യക്തമാക്കി.

ഇടുക്കി ഡാം ഒരു അത്ഭുതം മാത്രമല്ല, വലിയ എൻജിനീയറിങ് മികവിന്റെ ഉദാഹരണം കൂടിയാണ്. അരനൂറ്റാണ്ട് മുൻപ് ഇത്തരമൊരു എൻജിനീയറിങ് വൈദഗ്ധ്യവും ആർക്കിടെക്ചറൽ മികവും ദീർഘവീക്ഷണവും ഉപയോഗിച്ച് പദ്ധതി യാഥാർഥ്യമാക്കിയ നേതൃത്വത്തെയും എൻജിനീയറിങ് വിഭാഗത്തെയും അഭിനന്ദിക്കുകയും നന്ദി രേഖപ്പെടുത്തുകയും ചെയ്യുന്നതായി മന്ത്രി പറഞ്ഞു.

ഇടുക്കി ജില്ലയുടെ പ്രകൃതിഭംഗി കേരളവും ലോകവും അംഗീകരിച്ചതാണ്. കേരളത്തെ ‘ദൈവത്തിന്റെ സ്വന്തം നാട്’ എന്ന നിലയിൽ ലോകത്തിന് മുന്നിൽ അവതരിപ്പിക്കുന്നതിൽ ഇടുക്കിയുടെ പ്രകൃതിസമ്പത്തിന് വലിയ പങ്കുണ്ട്. സസ്യലതാദികളും ജലസമ്പത്തും പുഴകളും തോടുകളും പച്ചപ്പും സംരക്ഷിക്കേണ്ടതുണ്ടെന്നും മന്ത്രി പറഞ്ഞു.

ഒരു ഘട്ടത്തിൽ ഇടുക്കി ഡാമിലെ ജലനിരപ്പ് 22 ശതമാനമായി താഴ്ന്നിരുന്നു. കഴിഞ്ഞ വർഷം ഇതേ കാലയളവിൽ 67 ശതമാനമായിരുന്നു. മഴ ലഭിച്ചതോടെ നിലവിൽ ജലനിരപ്പ് 57 ശതമാനമായി ഉയർന്നത് ആശ്വാസകരമാണെന്നും മന്ത്രി പറഞ്ഞു.

പദ്ധതിപ്രദേശത്തെ സന്ദർശനത്തിന് നിയന്ത്രണം പാടില്ല

കേരളത്തിന്റെ പവർഹൗസായ ഇടുക്കി രാജ്യത്തെ പ്രധാന ടൂറിസം കേന്ദ്രങ്ങളിലൊന്നാണെന്നും ഇടുക്കിയുടെ ടൂറിസം സാധ്യതകൾ പരമാവധി പ്രയോജനപ്പെടുത്തണമെന്നും മന്ത്രി പറഞ്ഞു. പ്രകൃതിഭംഗി സംരക്ഷിക്കുന്നതിനൊപ്പം വിനോദസഞ്ചാര സാധ്യതകളും ഫലപ്രദമായി ഉപയോഗപ്പെടുത്തണം. ഇടുക്കി പദ്ധതി പ്രദേശത്ത് ജനങ്ങൾക്ക് സന്ദർശനാനുമതി നിഷേധിക്കുന്ന സാഹചര്യം ഉണ്ടാകരുതെന്നും മന്ത്രി വ്യക്തമാക്കി.

ഇടുക്കിയിലെ ഭൂമി സംബന്ധമായ പ്രശ്നങ്ങൾ പരിഹരിക്കുന്നതിനും യഥാർഥ കർഷകരുടെ ഭൂമിയുമായി ബന്ധപ്പെട്ട അവകാശങ്ങൾ അംഗീകരിച്ച് ആവശ്യമായ അനുമതികൾ നൽകുന്നതിനും സർക്കാർ നടപടി സ്വീകരിക്കും. റോഡുകൾ, പാലങ്ങൾ തുടങ്ങിയ അടിസ്ഥാന സൗകര്യ വികസനത്തിനും വിദ്യാഭ്യാസ മേഖലയിലെ ആവശ്യങ്ങൾക്കും മെഡിക്കൽ കോളേജിന്റെ വികസനത്തിനും മറ്റ് അടിസ്ഥാന സൗകര്യങ്ങൾ മെച്ചപ്പെടുത്തുന്നതിനും മുൻഗണന നൽകുമെന്നും മന്ത്രി പറഞ്ഞു.

പരിസ്ഥിതി സംരക്ഷണം ഉറപ്പാക്കുന്നതിനൊപ്പം പരിസ്ഥിതി നിയമങ്ങൾ മനുഷ്യർക്കും കർഷകർക്കും ഭൂവുടമകൾക്കും പ്രദേശവാസികൾക്കും പ്രതികൂലമായി ബാധിക്കുന്ന സാഹചര്യം ഉണ്ടാകരുതെന്ന നിലപാടിലാണ് സർക്കാർ. സമത്വത്തിന്റെയും സാഹോദര്യത്തിന്റെയും സമൃദ്ധിയുടെയും കാലഘട്ടത്തിലേക്ക് കേരളത്തെ നയിക്കുന്നതിൽ ഇടുക്കിക്ക് വലിയ പങ്കുണ്ടെന്നും മന്ത്രി കൂട്ടിച്ചേർത്തു.

ഇടുക്കിയിൽ വൻ ടൂറിസം പദ്ധതി: ഡീൻ കുര്യാക്കോസ്

സ്വദേശി ദർശൻ പദ്ധതിയുമായി ബന്ധപ്പെടുത്തി കേന്ദ്ര ടൂറിസം വകുപ്പ് നടപ്പാക്കുന്ന വൻ പദ്ധതി ഇടുക്കിയിൽ യാഥാർഥ്യമാകുമെന്ന് ഡീൻ കുര്യാക്കോസ് എം.പി പറഞ്ഞു.

കേന്ദ്ര ടൂറിസം വകുപ്പിന്റെ പ്രത്യേക ഫണ്ട് ഉപയോഗിച്ച് ഇടുക്കി ഡാമിന്റെ ഇടതുവശത്ത് ഇക്കോ ലോഡ്ജും ലാൻഡ്‌സ്‌കേപ്പിങ്ങും ഉൾപ്പെടെയുള്ള പദ്ധതികൾ പൂർത്തീകരിച്ചിട്ടുണ്ട്. ഇതിന്റെ തുടർച്ചയായി പുതിയ പദ്ധതിയുടെ നിർദേശവും സമർപ്പിക്കും.

ഡാം റിസർവോയറിന്റെ മുൻവശത്ത് മലമ്പുഴ ഉദ്യാനത്തിന് സമാനമായ രീതിയിൽ, അതിനേക്കാൾ മനോഹരമായ ടൂറിസം പദ്ധതി നടപ്പാക്കാനാണ് ലക്ഷ്യമിടുന്നതെന്ന് എം.പി പറഞ്ഞു. ഇതിനായി കെ.എസ്.ഇ.ബിയുടെയും വനംവകുപ്പിന്റെയും സഹകരണം ആവശ്യമാണ്.

കെ.എസ്.ഇ.ബിയുടെ എൻ.ഒ.സി ലഭിക്കുന്നതിന് നിരവധി നടപടിക്രമങ്ങൾ പൂർത്തിയാക്കേണ്ടതുണ്ട്. ഡാം സുരക്ഷാ നിയമം നിലവിൽ വന്നതോടെ നിയന്ത്രണങ്ങൾ ശക്തമാണ്. ഡാമിന്റെ 500 മീറ്റർ പരിധിയിൽ നിർമാണ പ്രവർത്തനങ്ങൾക്ക് നിയന്ത്രണമുണ്ട്. കെ.എസ്.ഇ.ബിയുടെയും വനംവകുപ്പിന്റെയും അനുമതിയോടെ പദ്ധതി കേന്ദ്രസർക്കാരിന് മുന്നിൽ എത്രയും വേഗം സമർപ്പിക്കാൻ കഴിയുമെന്ന പ്രതീക്ഷയുണ്ടെന്നും ഡീൻ കുര്യാക്കോസ് പറഞ്ഞു.

ഉദ്ഘാടന സമ്മേളനത്തിന് മുന്നോടിയായി ചെറുതോണിയിൽ വർണാഭമായ ഓണം വിളംബര ഘോഷയാത്രയും നടന്നു.

റോയ് കെ. പൗലോസ് എം.എൽ.എ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് പ്രൊഫ. ഷീല സ്റ്റീഫൻ, ജില്ലാ കളക്ടർ ഡോ. ദിനേശൻ ചെറുവാട്ട്, അഡീഷണൽ ജില്ലാ മജിസ്‌ട്രേറ്റ് മിനി കെ. ജോൺ, ഇടുക്കി ബ്ലോക്ക് പഞ്ചായത്ത് പ്രസിഡന്റ് സാന്ദ്രമോൾ ജിന്നി, വാഴത്തോപ്പ് ഗ്രാമപഞ്ചായത്ത് പ്രസിഡന്റ് ആൻസി തോമസ്, വിവിധ തദ്ദേശസ്ഥാപന അധ്യക്ഷർ, ജനപ്രതിനിധികൾ, ഉദ്യോഗസ്ഥർ, വിവിധ സംഘടനാ-രാഷ്ട്രീയ പാർട്ടി പ്രതിനിധികൾ തുടങ്ങിയവർ പങ്കെടുത്തു.

മൊബൈൽ ലാബിൽ പ്രാഥമിക പരിശോധന നടത്തിയ ശേഷമേ ഭക്ഷ്യവസ്തുക്കൾ കേരളത്തിലേക്ക് കൊണ്ടുവരാൻ അനുവദിക്കുകയുള്ളൂവെന്ന് ഭക്ഷ്യസുരക്ഷാ വകുപ്പ് അറിയിച്ചു. ഓണക്കാലത്ത് മലയാളികൾ വ്യാപകമായി ഉപയോഗിക്കുന്ന വിവിധ ഭക്ഷ്യവസ്തുക്കളുടെ സാമ്പിളുകൾ ശേഖരിച്ച് ഗുണനിലവാര പരിശോധന നടത്തും.

ജൂലൈ അവസാനവാരം ആരംഭിച്ച ഭക്ഷ്യസുരക്ഷാ വകുപ്പിന്റെ വിവിധ പ്രവർത്തനങ്ങളുടെ തുടർച്ചയായാണ് പ്രത്യേക സ്ക്വാഡ് പ്രവർത്തനം ആരംഭിച്ചത്. ഹോട്ടലുകൾ, ചിപ്സ് നിർമാണ യൂണിറ്റുകൾ തുടങ്ങിയ സ്ഥാപനങ്ങളിലും പരിശോധന ശക്തമാക്കിയിട്ടുണ്ട്.

257 പരിശോധനകൾ; 1.56 ലക്ഷം രൂപ പിഴ

ഇതുവരെ ജില്ലയിൽ 257 പരിശോധനകൾ നടത്തി. നിയമലംഘനം കണ്ടെത്തിയതിനെ തുടർന്ന് 25 സ്ഥാപനങ്ങൾക്ക് റെക്ടിഫിക്കേഷൻ നോട്ടീസും 18 സ്ഥാപനങ്ങൾക്ക് കോംപൗണ്ടിംഗ് നോട്ടീസും ഒൻപത് സ്ഥാപനങ്ങൾക്ക് ഇംപ്രൂവ്‌മെന്റ് നോട്ടീസും നൽകി.

പരിശോധനയുടെ ഭാഗമായി 42 സ്റ്റാറ്റിയൂട്ടറി സാമ്പിളുകളും 79 സർവെയലൻസ് സാമ്പിളുകളും ശേഖരിച്ച് പരിശോധിച്ചു.

ദേവികുളം സർക്കിളിന്റെ പരിധിയിലെ സ്ഥാപനങ്ങളിൽ നടത്തിയ പരിശോധനയിൽ കണ്ടെത്തിയ ന്യൂനതകളുടെ അടിസ്ഥാനത്തിൽ ദേവികുളം ഭക്ഷ്യസുരക്ഷാ ഓഫീസിൽ നടന്ന ഫയൽ തീർപ്പാക്കൽ അദാലത്തിൽ 16 കച്ചവടക്കാരിൽനിന്നായി 34,000 രൂപ പിഴ ഈടാക്കി. പ്രത്യേക പരിശോധന ആരംഭിച്ചതിന് ശേഷം ഇടുക്കി ഡെസിഗ്നേറ്റഡ് ഓഫീസർ 1,56,000 രൂപ പിഴ ചുമത്തിയിട്ടുണ്ട്.

തൊടുപുഴയിൽ പ്രവർത്തിക്കുന്ന പെരുത്തോസ് കിച്ചൺ എന്ന സ്ഥാപനത്തിന് ലൈസൻസില്ലാതെയും വൃത്തിഹീനമായ സാഹചര്യത്തിലും പ്രവർത്തിച്ചതിന് 5,000 രൂപ പിഴ ചുമത്തി. ദേവികുളം സർക്കിളിലെ ആനച്ചാലിൽ പ്രവർത്തിക്കുന്ന പുത്തൻപുരയ്ക്കൽ ഹൈപ്പർമാർക്കറ്റിന് ഭക്ഷ്യസുരക്ഷാ ലൈസൻസില്ലാതെ പ്രവർത്തിച്ചതിന് ദേവികുളം ആർ.ഡി.ഒ 5,000 രൂപ പിഴ ചുമത്തി.

വാഴയിലയിലും ശ്രദ്ധ വേണം

ഓണസദ്യയിലെ പ്രധാന ഘടകമായ വാഴയിലയുടെ ശുചിത്വത്തിലും ശ്രദ്ധ വേണമെന്ന് ഭക്ഷ്യസുരക്ഷാ വകുപ്പ് മുന്നറിയിപ്പ് നൽകി. ഭക്ഷ്യവസ്തുവിന്റെ ഗണത്തിൽ വാഴയില ഉൾപ്പെടുന്നില്ലെങ്കിലും ഭക്ഷണം വിളമ്പുന്നതുമായി നേരിട്ട് ബന്ധപ്പെട്ടതിനാൽ ശുചിത്വം ഉറപ്പാക്കേണ്ടത് പ്രധാനമാണ്.

ഭക്ഷണത്തിനായി ഉപയോഗിക്കുന്ന വാഴയില നന്നായി കഴുകിയശേഷം വൃത്തിയുള്ള തുണിയോ ടിഷ്യു പേപ്പറോ ഉപയോഗിച്ച് തുടച്ചശേഷം മാത്രമേ സദ്യ വിളമ്പാൻ ഉപയോഗിക്കാവൂ എന്നും വകുപ്പ് നിർദേശിച്ചു.

ഭക്ഷ്യസംബന്ധമായ പരാതികൾ 1800 425 1125 എന്ന ടോൾ ഫ്രീ നമ്പറിൽ അറിയിക്കാം.

മൂലമറ്റം പവർ സ്റ്റേഷനും ഇടുക്കി ഡാമും സന്ദർശിച്ച ശേഷമാണ് മന്ത്രി അവലോകന യോഗത്തിൽ പങ്കെടുത്തത്. കേരളത്തിന്റെ പവർ ഹൗസായ ഇടുക്കി ഡാമിന്റെയും പവർ ഹൗസിന്റെയും പ്രവർത്തനം അഭിമാനകരമാണെന്ന് മന്ത്രി പറഞ്ഞു. ഇടുക്കിയുടെ പ്രത്യേക ഭൂപ്രകൃതി, ഗതാഗതപ്രശ്നങ്ങൾ തുടങ്ങിയവ കണക്കിലെടുത്ത് ജില്ലയ്ക്ക് പ്രത്യേക പരിഗണന നൽകും. ജനങ്ങളുടെ ആവശ്യങ്ങൾ മനസ്സിലാക്കി പരാതികൾക്ക് വേഗത്തിൽ പരിഹാരം കാണുമെന്നും അദ്ദേഹം വ്യക്തമാക്കി.

ജില്ലയിൽ വൈദ്യുതി പ്രസരണ-വിതരണ മേഖലയിൽ പുരോഗമിക്കുന്ന വിവിധ പദ്ധതികളും യോഗത്തിൽ വിലയിരുത്തി.

ഭൂമി കൈമാറ്റ തർക്കം പരിഹരിക്കാൻ യോഗം

1976ൽ ഇടുക്കി വികസന അതോറിറ്റിക്കായി ഏറ്റെടുത്ത ഭൂമി കൈമാറുന്നതുമായി ബന്ധപ്പെട്ട് ഇടുക്കി ജില്ലാ പഞ്ചായത്തുമായുള്ള തർക്കം പരിഹരിക്കുന്നതിന് വനം, വൈദ്യുതി വകുപ്പ് മന്ത്രിമാരുടെ നേതൃത്വത്തിൽ ഇടുക്കിയിലെ ജനപ്രതിനിധികളുടെയും ഉദ്യോഗസ്ഥരുടെയും യോഗം ചേരുമെന്ന് മന്ത്രി അറിയിച്ചു.

പുതിയ സെക്ഷൻ ഓഫീസുകളും സബ്‌സ്റ്റേഷനുകളും ആരംഭിക്കണമെന്ന ആവശ്യവും പരിഗണിക്കും.

ഇഎസ്‌എ വിഷയത്തിൽ കേന്ദ്രത്തിൽ സമ്മർദം ശക്തമാക്കും

പരിസ്ഥിതി ലോല മേഖലയിൽ (ഇഎസ്‌എ) നിന്ന് ജനവാസമേഖലകൾ, കൃഷിയിടങ്ങൾ, തോട്ടങ്ങൾ എന്നിവ ഒഴിവാക്കണമെന്ന സംസ്ഥാന സർക്കാരിന്റെ നിലപാട് കേന്ദ്രസർക്കാരിന് മുന്നിൽ കൂടുതൽ ശക്തമായി ഉന്നയിക്കുമെന്നും മന്ത്രി പറഞ്ഞു.

ഓരോ സംസ്ഥാനത്തിന്റെയും വിഷയങ്ങൾ പ്രത്യേകം പരിഗണിച്ച് തീരുമാനമെടുക്കുമെന്ന് കേന്ദ്ര വനം-പരിസ്ഥിതി മന്ത്രാലയം വ്യക്തമാക്കിയിട്ടുണ്ട്. ഈ സാഹചര്യം പ്രയോജനപ്പെടുത്തി ഇഎസ്‌എ വിഷയത്തിൽ സമയബന്ധിതമായി പരിഹാരം കാണാനുള്ള നടപടികൾ സ്വീകരിക്കുമെന്നും അദ്ദേഹം വ്യക്തമാക്കി.

ജനപ്രതിനിധികളുടെ ആവശ്യങ്ങൾ

ഇടമലക്കുടിയിലെ വൈദ്യുതിയെത്താത്ത വീടുകളിൽ ഉൾപ്പെടെ അടിസ്ഥാന സൗകര്യങ്ങൾ ഉറപ്പാക്കാൻ ഇടമലക്കുടിക്കായി സമഗ്ര വികസന പാക്കേജ് നടപ്പാക്കണമെന്ന് ഡീൻ കുര്യാക്കോസ് എം.പി ആവശ്യപ്പെട്ടു. മൂന്നാർ-മാട്ടുപ്പെട്ടി ഡാമിന് മുകളിലൂടെയുള്ള ഗതാഗതക്കുരുക്ക് ഒഴിവാക്കാൻ നടപടി സ്വീകരിക്കണമെന്നും കെ.എസ്.ഇ.ബി ക്വാർട്ടേഴ്‌സുകൾ സംരക്ഷിക്കണമെന്നും അദ്ദേഹം ആവശ്യപ്പെട്ടു.

വീടുകളിൽ സ്ഥാപിച്ച സോളാർ പാനലുകളിൽനിന്ന് വൈദ്യുതി ഗ്രിഡിലേക്ക് നൽകുമ്പോഴുണ്ടാകുന്ന സാങ്കേതിക പ്രശ്നങ്ങൾ പരിഹരിക്കണമെന്ന് ഗവ. ചീഫ് വിപ്പ് അപു ജോൺ ജോസഫ് ആവശ്യപ്പെട്ടു. വൈദ്യുതി പോസ്റ്റുകളുടെ സുരക്ഷ ഉറപ്പാക്കണമെന്നും മെറ്റീരിയൽ മാനേജ്‌മെന്റ് കൂടുതൽ കാര്യക്ഷമമാക്കണമെന്നും അദ്ദേഹം പറഞ്ഞു.

ഓണത്തോടനുബന്ധിച്ച് 10 ദിവസത്തേക്ക് ഇടുക്കി ഡാം തുറന്നുകൊടുക്കുന്ന നടപടി ഓണത്തിനു ശേഷവും തുടരണമെന്ന് റോയ് കെ. പൗലോസ് എം.എൽ.എ ആവശ്യപ്പെട്ടു. നിർമല സിറ്റി സബ്‌സ്റ്റേഷൻ നിർമാണവുമായി ബന്ധപ്പെട്ട് പട്ടയമുള്ളവർക്കും പട്ടയമില്ലാത്തവർക്കും തുല്യ നഷ്ടപരിഹാരം നൽകണമെന്നും അദ്ദേഹം ആവശ്യപ്പെട്ടു.

16 കോടി രൂപ ചെലവിൽ നടപ്പാക്കിയ ആമപ്പാറ സോളാർ പ്ലാന്റ് പദ്ധതി നിലവിൽ കാടുപിടിച്ചുകിടക്കുകയാണെന്ന് സേനാപതി വേണു എം.എൽ.എ ചൂണ്ടിക്കാട്ടി. ആനയിറങ്കൽ ഡാമിൽ ബോട്ടിങ് പുനരാരംഭിക്കണമെന്നും കല്ലാർ ഡാമിലെ ചെളിയും എക്കലും നീക്കം ചെയ്യാൻ ഡ്രെഡ്ജിങ് നടത്തണമെന്നും അദ്ദേഹം ആവശ്യപ്പെട്ടു.

വാഗമണിൽ പുതിയ സെക്ഷൻ ഓഫീസ് ആരംഭിക്കണമെന്ന് സിറിയക് തോമസ് എം.എൽ.എ ആവശ്യപ്പെട്ടു.

കട്ടപ്പന നഗരസഭാ ചെയർമാൻ ജോയ് വെട്ടിക്കുഴി, തൊടുപുഴ നഗരസഭാ ചെയർപേഴ്‌സൺ സാബിറ ജലീൽ, ജില്ലാ കലക്ടർ ഡോ. ദിനേശൻ ചെറുവാട്ട്, ജനറേഷൻ ഇലക്ട്രിക്കൽ ആൻഡ് സിവിൽ വിഭാഗം ഡയറക്ടർ രാജൻ എം.പി എന്നിവരും യോഗത്തിൽ പങ്കെടുത്തു.

കട്ടപ്പനയിൽ കേരള കർഷകസംഘം ജില്ലാ സമ്മേളനത്തോടനുബന്ധിച്ച് നടന്ന പൊതുസമ്മേളനം ഉദ്ഘാടനം ചെയ്യുകയായിരുന്നു പിണറായി വിജയൻ.

ഗാഡ്ഗിൽ റിപ്പോർട്ട് അതേപടി നടപ്പാക്കണമെന്ന് ആവശ്യപ്പെട്ടത് ഇപ്പോഴത്തെ മുഖ്യമന്ത്രിയുടെ മുൻകാല നിലപാടായിരുന്നുവെന്നും ഈ വിഷയത്തിൽ ജനങ്ങൾക്കിടയിൽ ആശങ്കയുണ്ടെന്നും പിണറായി പറഞ്ഞു. ഇത്തരം നിലപാടുകൾ ആവർത്തിക്കരുതെന്നും അദ്ദേഹം ആവശ്യപ്പെട്ടു.

ഇഎസ്‌എ പരിധി കുറച്ചത് എൽഡിഎഫ് സർക്കാർ

2010ൽ യുപിഎ സർക്കാരാണ് പശ്ചിമഘട്ടത്തെക്കുറിച്ച് പഠിക്കാൻ മാധവ് ഗാഡ്ഗിൽ അധ്യക്ഷനായ സമിതിയെ നിയോഗിച്ചത്. മലയോര ജനതയെ സ്വന്തം ഭൂമിയിൽനിന്ന് പുറത്താക്കാൻ ഇടയാക്കുന്ന തരത്തിലുള്ള റിപ്പോർട്ടാണ് കമ്മിഷൻ സമർപ്പിച്ചതെന്ന് പിണറായി വിജയൻ ആരോപിച്ചു.

തുടർന്ന് കസ്തൂരിരംഗൻ കമ്മിഷൻ നിലവിൽ വന്നു. കമ്മിഷൻ റിപ്പോർട്ടിന്റെ അടിസ്ഥാനത്തിൽ കേന്ദ്രസർക്കാർ പുറത്തിറക്കിയ കരട് വിജ്ഞാപനപ്രകാരം കേരളത്തിലെ 131 വില്ലേജുകളിലായി 13,108 ചതുരശ്ര കിലോമീറ്റർ പ്രദേശം ഇഎസ്‌എയായി നിർദേശിക്കപ്പെട്ടു. ഇതിൽ ഇടുക്കിയിലെ 47 വില്ലേജുകളിലായി 3,288 ചതുരശ്ര കിലോമീറ്ററും ഉൾപ്പെട്ടിരുന്നു.

വ്യാപക പ്രതിഷേധത്തെ തുടർന്ന് യുഡിഎഫ് സർക്കാർ ഉമ്മൻ ബി. ഉമ്മൻ സമിതിയെ നിയോഗിച്ചു. സമിതിയുടെ റിപ്പോർട്ട് പ്രകാരം കേരളത്തിലെ 131 വില്ലേജുകളിലായി 9,993.7 ചതുരശ്ര കിലോമീറ്ററും ഇടുക്കിയിലെ 47 വില്ലേജുകളിലായി 2,651.17 ചതുരശ്ര കിലോമീറ്ററും ഇഎസ്‌എയായി കണ്ടെത്തി. റിപ്പോർട്ട് 2014 മാർച്ച് 10ന് കേന്ദ്രസർക്കാരിന് സമർപ്പിച്ചു.

2016ൽ എൽഡിഎഫ് സർക്കാർ അധികാരത്തിലെത്തിയതിനു പിന്നാലെ റിപ്പോർട്ടിലെ അപാകതകൾ പരിഹരിച്ച് ജനങ്ങളുടെ ആശങ്കകൾക്ക് പരിഹാരം കാണുന്നതിനുള്ള നടപടികളാണ് സ്വീകരിച്ചതെന്ന് പിണറായി പറഞ്ഞു. ശാസ്ത്രീയവും സമഗ്രവുമായ പഠനത്തിന്റെ അടിസ്ഥാനത്തിൽ 2018 ഓഗസ്റ്റ് 10ന് കേരളം കേന്ദ്രസർക്കാരിന് നിർദേശം സമർപ്പിച്ചു.

ഇതനുസരിച്ച് ഇഎസ്‌എ പരിധി 8,656.4 ചതുരശ്ര കിലോമീറ്ററായി കുറയ്ക്കുകയും ഇഎസ്‌എ വനമേഖലയിൽ മാത്രം നിജപ്പെടുത്തണമെന്ന നിലപാട് കേരളം വ്യക്തമാക്കുകയും ചെയ്തു. കൃഷി, ജനവാസ, തോട്ടം മേഖലകൾ ഉൾപ്പെടെ 4,548 ചതുരശ്ര കിലോമീറ്റർ പ്രദേശം ഇഎസ്‌എ പരിധിയിൽനിന്ന് ഒഴിവാക്കണമെന്നായിരുന്നു സംസ്ഥാനത്തിന്റെ ആവശ്യം.

എന്നാൽ സംസ്ഥാനത്തിന്റെ നിലപാട് അംഗീകരിക്കാൻ കേന്ദ്രസർക്കാർ തയ്യാറായില്ലെന്ന് പിണറായി വിജയൻ പറഞ്ഞു. കേരളം നേരത്തെ സ്വീകരിച്ച നിലപാട് അംഗീകരിപ്പിക്കാൻ നിലവിലെ സർക്കാരും ഫലപ്രദമായി ഇടപെടണം. എംപിമാർ ആലസ്യം വെടിഞ്ഞ് വിഷയത്തിൽ ശക്തമായ ഇടപെടൽ നടത്തണമെന്നും അദ്ദേഹം ആവശ്യപ്പെട്ടു.

സ്വാമിനാഥൻ കമ്മിഷൻ ശുപാർശ നടപ്പാക്കണം

സ്വാമിനാഥൻ കമ്മിഷൻ റിപ്പോർട്ട് കോൺഗ്രസ് അധികാരത്തിലിരിക്കുമ്പോൾ തന്നെ ലഭിച്ചതാണെങ്കിലും അത് നടപ്പാക്കാൻ തയ്യാറായില്ലെന്ന് പിണറായി വിജയൻ ആരോപിച്ചു. നരേന്ദ്ര മോദി സർക്കാരും റിപ്പോർട്ട് നടപ്പാക്കാൻ തയ്യാറാകുന്നില്ലെന്നും അദ്ദേഹം പറഞ്ഞു.

യുഡിഎഫ് സർക്കാർ സ്വീകരിക്കുന്ന നിലപാടുകൾ നാടിന്റെ പൊതുതാൽപര്യത്തിന് യോജിക്കുന്നതല്ലെന്നും പിണറായി വിജയൻ കൂട്ടിച്ചേർത്തു.

കേരള കർഷകസംഘം ജില്ലാ പ്രസിഡന്റ് എൻ.വി. ബേബി അധ്യക്ഷത വഹിച്ചു. എസ്‌എഫ്‌ഐ അഖിലേന്ത്യാ ജോയിന്റ് സെക്രട്ടറി ഐഷി ഘോഷ്, എം.എം. മണി, സി.വി. വർഗീസ്, കെ.പി. മേരി, കെ.എസ്. മോഹനൻ, റോമിയോ സെബാസ്റ്റ്യൻ, ജോയ്സ് ജോർജ്, വി.ആർ. സജി, മാത്യു ജോർജ് എന്നിവർ പ്രസംഗിച്ചു.

പൊതുസമ്മേളനത്തിന് മുന്നോടിയായി കട്ടപ്പന ടൗൺ ഹാൾ പരിസരത്തുനിന്ന് ആരംഭിച്ച പ്രകടനത്തിൽ നിരവധി പേർ അണിനിരന്നു.

ഇതുസംബന്ധിച്ച് രൂപത അധികൃതർ വൈദ്യുതി മന്ത്രി സണ്ണി ജോസഫിന് നിവേദനം നൽകി.

2026 ജൂലൈ 28ന് പുറത്തിറക്കിയ പശ്ചിമഘട്ട ഇഎസ്‌എ സംബന്ധിച്ച ഏഴാമത്തെ കരട് വിജ്ഞാപനത്തിലും മുൻ വിജ്ഞാപനങ്ങളിൽ നിന്ന് കാര്യമായ മാറ്റങ്ങളില്ലാത്തത് ആശങ്കാജനകമാണെന്ന് രൂപത ചൂണ്ടിക്കാട്ടി. സംസ്ഥാന സർക്കാർ സമർപ്പിച്ച ശിപാർശകൾ പരിഗണിച്ചിട്ടില്ലെന്നാണ് ഇതിലൂടെ വ്യക്തമാകുന്നതെന്നും നിവേദനത്തിൽ ആരോപിച്ചു.

പുതിയ കരട് വിജ്ഞാപനവുമായി ബന്ധപ്പെട്ട പരാതികളും എതിർപ്പുകളും സമർപ്പിക്കുന്നതിന് സെപ്റ്റംബർ 25 വരെ മാത്രമാണ് സമയം അനുവദിച്ചിരിക്കുന്നത്. ഈ സാഹചര്യത്തിൽ ജനങ്ങളുടെ ആശങ്കകളും എതിർപ്പുകളും കേന്ദ്ര വനം-പരിസ്ഥിതി മന്ത്രാലയത്തെ രേഖാമൂലം അറിയിക്കുന്നതിനുള്ള അടിയന്തര നടപടി സ്വീകരിക്കണമെന്നും രൂപത ആവശ്യപ്പെട്ടു.

ജനവാസ മേഖലകളെ പൂർണമായി ഒഴിവാക്കണം

വീടുകളും ജനവാസ മേഖലകളും ഇഎസ്‌എ പരിധിയിൽനിന്ന് പൂർണമായി ഒഴിവാക്കണമെന്നാണ് പ്രധാന ആവശ്യം. കൃഷിഭൂമികളും തോട്ടങ്ങളും ഇഎസ്‌എ പരിധിയിൽ ഉൾപ്പെട്ടാൽ ഭാവിയിലെ നിർമാണ പ്രവർത്തനങ്ങൾ, ഭൂവിനിയോഗം, കൃഷിയുമായി ബന്ധപ്പെട്ട പ്രവർത്തനങ്ങൾ എന്നിവയ്ക്ക് കർശന നിയന്ത്രണങ്ങൾ ഏർപ്പെടുത്തുമോയെന്ന ആശങ്ക കർഷകർക്കിടയിൽ ശക്തമാണെന്നും രൂപത വ്യക്തമാക്കി.

റോഡ് നിർമാണം, വീട് നിർമാണം, പൊതുസ്ഥാപനങ്ങളുടെ വികസനം, ചെറുകിട സംരംഭങ്ങൾ തുടങ്ങിയ സാധാരണ ജനജീവിതവുമായി ബന്ധപ്പെട്ട അടിസ്ഥാന വികസന പ്രവർത്തനങ്ങൾക്ക് ഇഎസ്‌എ പ്രഖ്യാപനം അനാവശ്യമായ തടസ്സങ്ങൾ സൃഷ്ടിക്കാനിടയുണ്ടെന്നും നിവേദനത്തിൽ ചൂണ്ടിക്കാട്ടി.

മലയോര മേഖലയിലെ ജനങ്ങളുടെ ജീവിതവും ഉപജീവന മാർഗങ്ങളും സംരക്ഷിക്കുന്നതിനൊപ്പം പരിസ്ഥിതി സംരക്ഷണവും ഉറപ്പാക്കുന്ന തരത്തിൽ വിഷയത്തിൽ പ്രായോഗികമായ പരിഹാരം കണ്ടെത്താൻ അടിയന്തര ഇടപെടൽ വേണമെന്നാണ് ഇടുക്കി രൂപതയുടെ ആവശ്യം.

ആറന്മുള സ്വദേശികളായ സുരേഷ് (24), ആറന്മുള കിഴക്കാട്ട് സ്വദേശി അച്ചു ശശി (20), ആറന്മുള കഴി ഉതുകയിൽ സ്വദേശി ജിഷ്ണു സുരേന്ദ്രൻ (21) എന്നിവരാണ് അറസ്റ്റിലായത്.

ആലപ്പുഴ ജില്ലാ പോലീസ് മേധാവിക്ക് ലഭിച്ച രഹസ്യവിവരത്തെ തുടർന്ന് ചേർത്തല ഡിവൈഎസ്‌പി മഞ്ജുനാഥിന്റെ നിർദേശപ്രകാരമാണ് കുത്തിയതോട് പോലീസ് പരിശോധന നടത്തിയത്. പരിശോധനയ്ക്കിടെ സംശയാസ്പദമായ സാഹചര്യത്തിൽ കണ്ടെത്തിയ യുവാക്കളെ പരിശോധിച്ചപ്പോഴാണ് നാലു കിലോ കഞ്ചാവ് പിടികൂടിയത്.

പിടിയിലായവർക്കെതിരെ ലഹരിമരുന്ന് നിയമപ്രകാരം കേസ് രജിസ്റ്റർ ചെയ്ത് തുടർനടപടികൾ സ്വീകരിച്ചുവരികയാണ്.

തോട്ടത്തിൽ ക്ഷേത്രത്തിന്റെ പരിസരത്ത് ഹൃദ്യ കർഷക കൂട്ടായ്മയിലെ അംഗങ്ങളായ ശ്രീജ ഓമനൻ, ഉഷ അനി, അംബിക മോഹനൻ, വത്സല, ജിഷ നിഷാദ് എന്നിവർ ചേർന്നാണ് ബന്ദിപ്പൂ കൃഷി നടത്തിയത്.

വിളവെടുപ്പ് ഉദ്ഘാടനം വൈക്കം ബ്ലോക്ക് പഞ്ചായത്ത് പ്രസിഡന്റ് കെ. കെ. ശശികുമാർ നിർവഹിച്ചു. ഗ്രാമപഞ്ചായത്ത് പ്രസിഡന്റ് ലിജി സലഞ്ജ് രാജ് അധ്യക്ഷത വഹിച്ചു.

ബ്ലോക്ക് പഞ്ചായത്തംഗം ഹൈമി ബോബി, ഗ്രാമപഞ്ചായത്ത് വൈസ് പ്രസിഡന്റ് സുശീലകുമാരി, കൃഷി ഓഫീസർ രേഷ്മ ഗോപി, വാർഡ് മെമ്പർ ടിന്റു വിജയൻ, കുടുംബശ്രീ സി.ഡി.എസ് അംഗം ശ്രീജ എന്നിവർ സംസാരിച്ചു.

ഗ്രാമീണ വനിതകളുടെ കൂട്ടായ്മയിലൂടെ കൃഷിയെ പ്രോത്സാഹിപ്പിക്കുകയും കാർഷിക മേഖലയിൽ പുതിയ വരുമാന സാധ്യതകൾ സൃഷ്ടിക്കുകയും ചെയ്യുന്നതിന്റെ മാതൃകയായി ഹൃദ്യ കർഷക കൂട്ടായ്മയുടെ ബന്ദിപ്പൂ കൃഷി മാറുകയാണ്.

ആലുവയിൽ നടന്ന ദേശീയ പ്രതിനിധി സമ്മേളനത്തിൽ നാഷണൽ കൗൺസിൽ ഓഫ് വൈഎംസിഎ പ്രസിഡന്റ് ജസ്റ്റിസ് കുര്യൻ ജോസഫ് പുരസ്‌കാരം സമ്മാനിച്ചു. കട്ടപ്പന വൈഎംസിഎയ്ക്കുവേണ്ടി സംസ്ഥാന പബ്ലിക് റിലേഷൻസ് ബോർഡ് ചെയർമാൻ ജോർജ് ജേക്കബ്, പദ്ധതി കോർഡിനേറ്റർ കെ. ജെ. ജോസഫ്, നാഷണൽ കമ്മിറ്റി അംഗം യു. സി. തോമസ്, കട്ടപ്പന വൈഎംസിഎ പ്രസിഡന്റ് സൽജു ജോസഫ്, കൺവീനർ രജിറ്റ് ജോർജ് എന്നിവർ പുരസ്‌കാരം ഏറ്റുവാങ്ങി.

കട്ടപ്പന വൈഎംസിഎയുടെയും നാഷണൽ കൗൺസിൽ ഓഫ് വൈഎംസിഎയുടെയും സാമ്പത്തിക സഹായത്തോടെയാണ് ഡയാലിസിസ് സഹായതാ പദ്ധതി നടപ്പാക്കുന്നത്. സെന്റ് ജോൺസ് ആശുപത്രിയുമായി സഹകരിച്ചാണ് പദ്ധതി പ്രവർത്തിക്കുന്നത്. സെന്റ് ജോൺസ് ഡയറക്ടർ ബ്രദർ ബൈജു വാലുപറമ്പിലാണ് പദ്ധതി ഉദ്ഘാടനം ചെയ്തത്.

ഗ്രാമീണ മേഖലയിൽ ഡയാലിസിസ് ചികിത്സ ആവശ്യമായവർക്ക് സാമ്പത്തിക സഹായം ലഭ്യമാക്കുന്നതിലും പദ്ധതി കാര്യക്ഷമമായി നടപ്പാക്കുന്നതിലും കട്ടപ്പന വൈഎംസിഎ നടത്തിയ പ്രവർത്തനങ്ങൾ വിലയിരുത്തിയാണ് ദേശീയ പുരസ്‌കാരത്തിന് അർഹമായത്.

ബസ് ജീവനക്കാരായ ഡ്രൈവർ നിതിനും കണ്ടക്ടർ അസ്ലമും തങ്ങൾക്ക് ലഭിച്ച പണവും ചെക്കും മുണ്ടക്കയം പോലീസ് സ്റ്റേഷനിലെത്തി സ്റ്റേഷൻ ഹൗസ് ഓഫീസർ അനന്തുവിന് കൈമാറുകയായിരുന്നു.

തുകയുടെ യഥാർഥ ഉടമസ്ഥനെ കണ്ടെത്തുന്നതിനായി പോലീസ് അന്വേഷണം ആരംഭിച്ചു. ജീവനക്കാരുടെ സത്യസന്ധമായ പ്രവൃത്തിയെ SHO അനന്തു അഭിനന്ദിച്ചു.

പൊതുവിതരണ വകുപ്പ്, ലീഗൽ മെട്രോളജി, പോലീസ്, റവന്യൂ, ഭക്ഷ്യസുരക്ഷാ എന്നീ വകുപ്പുകളിലെ ഉദ്യോഗസ്ഥരെ ഉൾപ്പെടുത്തി രൂപീകരിച്ച പ്രത്യേക സ്ക്വാഡാണ് പരിശോധന നടത്തുന്നത്. ഇതിന്റെ ഭാഗമായി 16 കടകളിൽ പരിശോധന നടത്തിയപ്പോൾ മൂന്ന് സ്ഥാപനങ്ങളിൽ ക്രമക്കേടുകൾ കണ്ടെത്തി.

ഓണക്കാലത്ത് നിത്യോപയോഗ സാധനങ്ങളുടെ വില കൃത്രിമമായി ഉയർത്തുന്നത്, കരിഞ്ചന്ത, പൂഴ്ത്തിവയ്പ്പ് തുടങ്ങിയ നടപടികൾക്കെതിരെ കർശന നടപടി സ്വീകരിക്കുമെന്ന് അധികൃതർ അറിയിച്ചു. മായം ചേർത്ത ഭക്ഷ്യസാധനങ്ങൾ വിൽക്കുന്നതായി ശ്രദ്ധയിൽപ്പെട്ടാൽ നിയമാനുസൃതമായ കർശന നടപടിയുണ്ടാകുമെന്നും ജില്ലാ കളക്ടർ വ്യക്തമാക്കി.

വരും ദിവസങ്ങളിലും ജില്ലയുടെ വിവിധ ഭാഗങ്ങളിലെ കടകളിൽ പരിശോധന തുടരുമെന്ന് ജില്ലാ കളക്ടർ അറിയിച്ചു.

ലോണ്ടറിയിൽ നിന്നുള്ള മലിനജലം ആദ്യം സമീപത്തെ കുളത്തിലേക്ക് ഒഴുക്കിയശേഷം റോഡ് പൊളിച്ച് സ്ഥാപിച്ച ആറിഞ്ച് വീതിയുള്ള മൂന്ന് പൈപ്പുകൾ വഴി സ്വകാര്യ വ്യക്തികളുടെ പറമ്പുകളിലൂടെ തോട്ടിലേക്ക് തള്ളിവിടുകയായിരുന്നു. എൻഫോഴ്‌സ്‌മെന്റ് ഉദ്യോഗസ്ഥർ നടത്തിയ വിശദമായ പരിശോധനയിലാണ് അനധികൃത പൈപ്പ് ലൈനുകളും പരിസ്ഥിതി മലിനീകരണവും നേരിട്ട് കണ്ടെത്തിയത്.

തോട്ടിലേക്ക് മലിനജലം ഒഴുക്കിവിടുന്നതിനായി സ്ഥാപിച്ച പൈപ്പുകൾ പൊളിച്ചുമാറ്റുമെന്ന് ഗ്രാമപഞ്ചായത്ത് അധികൃതർ അറിയിച്ചു. സ്ഥാപനത്തിന്റെ പ്രവർത്തനം അടിയന്തരമായി നിർത്തിവെക്കാൻ നോട്ടീസ് നൽകിയതായും സ്ഥാപനത്തിനെതിരെ പിഴ ചുമത്തിയതായും അധികൃതർ വ്യക്തമാക്കി.

ജനങ്ങളുടെ കുടിവെള്ള സ്രോതസ്സുകൾ മലിനമാക്കുകയും ആരോഗ്യഭീഷണി ഉയർത്തുകയും ചെയ്യുന്ന നടപടികൾക്കെതിരെ യാതൊരു വിട്ടുവീഴ്ചയുമില്ലാതെ കർശന നടപടി സ്വീകരിക്കുമെന്ന് ഗ്രാമപഞ്ചായത്ത് അധികൃതർ അറിയിച്ചു.

വിധിയുടെ പകർപ്പ് ലഭിച്ച് പത്ത് ദിവസത്തിനകം ഭൂനികുതി സ്വീകരിക്കണമെന്നാണ് റവന്യു ഉദ്യോഗസ്ഥർക്ക് ഹൈക്കോടതി നിർദേശം. മൂന്നാർ ഇക്കാനഗർ സ്വദേശികളായ മൂന്ന് സഹോദരങ്ങൾ സമർപ്പിച്ച ഹർജിയിലാണ് ഉത്തരവ്.

ഹർജിക്കാരുടെ അമ്മയുടെ പിതാവിന് 1975-ൽ ലഭിച്ച പട്ടയഭൂമിയാണിത്. എന്നാൽ പട്ടയം അനുവദിക്കുന്നതിനുള്ള മാനദണ്ഡങ്ങൾ ലംഘിച്ചാണ് പട്ടയം നേടിയതെന്ന് കണ്ടെത്തിയതിനെ തുടർന്ന്, ഈ ഭൂമി ഉൾപ്പെടെ ആകെ 13 ഏക്കർ 79 സെന്റ് സ്ഥലത്തിന്റെ പട്ടയം 2025 മാർച്ചിൽ റവന്യു വകുപ്പ് റദ്ദാക്കുകയും ഭൂമി ഏറ്റെടുക്കുകയും ചെയ്തിരുന്നു.

പട്ടയം റദ്ദാക്കിയ നടപടിക്കെതിരെ ഭൂവുടമകൾ ഇടുക്കി ജില്ലാ കലക്ടർക്ക് അപ്പീൽ നൽകിയിട്ടുണ്ട്. അപ്പീൽ നിലവിൽ കലക്ടറുടെ പരിഗണനയിലാണ്. ഇതിനിടെ നിലവിലെ കാർഷിക വായ്പകൾ പുതുക്കുന്നതിനായി ഭൂനികുതി അടയ്ക്കേണ്ടതുണ്ടെന്നും എന്നാൽ ബൈസൺവാലി വില്ലേജ് ഓഫീസർ കരം സ്വീകരിക്കാൻ തയ്യാറാകുന്നില്ലെന്നും ചൂണ്ടിക്കാട്ടിയാണ് ഹർജിക്കാർ ഹൈക്കോടതിയെ സമീപിച്ചത്.

സംസ്ഥാന സർക്കാർ, ഇടുക്കി ജില്ലാ കലക്ടർ, ദേവികുളം സബ് കലക്ടർ, ഉടുമ്പൻചോല തഹസിൽദാർ, ബൈസൺവാലി വില്ലേജ് ഓഫീസർ എന്നിവരെയാണ് എതിർകക്ഷികളാക്കിയത്.

ഹർജി പരിഗണിച്ച ഹൈക്കോടതി, ജില്ലാ കലക്ടറുടെ അപ്പീലിൽ അന്തിമ തീരുമാനം ഉണ്ടാകുന്നതുവരെ താൽക്കാലികമായി കരം സ്വീകരിക്കാനാണ് ഉത്തരവിട്ടത്.

അതേസമയം, റദ്ദാക്കിയ പട്ടയം കോടതി പുനഃസ്ഥാപിച്ചിട്ടില്ലെന്നത് റവന്യു വകുപ്പിന് ആശ്വാസമാണ്. എന്നാൽ ചൊക്രമുടിയിൽനിന്ന് നേരത്തെ ഒഴിപ്പിക്കപ്പെട്ട കൂടുതൽ പേർ സമാന ആവശ്യങ്ങളുമായി കോടതിയെ സമീപിക്കാൻ ഈ ഉത്തരവ് വഴിയൊരുക്കുമോ എന്ന ആശങ്കയും ഉയർന്നിട്ടുണ്ട്.

ഉത്തരവിന്റെ സർട്ടിഫൈഡ് പകർപ്പ് ലഭിച്ചിട്ടില്ലെന്നും ഹർജിക്കാർ ഹാജരാക്കിയ പകർപ്പിന്റെ അടിസ്ഥാനത്തിൽ സബ് കലക്ടർ ഉൾപ്പെടെയുള്ള ഉന്നത ഉദ്യോഗസ്ഥർക്ക് റിപ്പോർട്ട് നൽകിയിട്ടുണ്ടെന്നും ബൈസൺവാലി വില്ലേജ് ഓഫീസർ അറിയിച്ചു.

1989ൽ ഇരട്ടയാർ നോർത്ത് ഭാഗത്ത് അയൽവാസിയെ കല്ലുകൊണ്ട് ആക്രമിച്ച് പരിക്കേൽപ്പിച്ച സംഭവത്തെ തുടർന്ന് കേസെടുത്തതോടെയാണ് തോമസ് നാടുവിട്ടത്. പിന്നീട് ഇയാൾ വർഷങ്ങളായി പോലീസിന്റെ പിടിയിലാകാതെ ഒളിവിൽ കഴിയുകയായിരുന്നു.

കർണാടകയിലെ കൂർഗ് ജില്ലയിലെ സിദ്ധാപുരം ഭാഗത്തുനിന്ന് ഓഗസ്റ്റ് 18ന് ജില്ലാ പോലീസ് മേധാവിയുടെ എൽ.പി. സ്ക്വാഡും കട്ടപ്പന പോലീസ് സ്റ്റേഷനിലെ സീനിയർ സിവിൽ പോലീസ് ഓഫീസർ സജുരാജും ചേർന്നാണ് പ്രതിയെ പിടികൂടിയത്.

തുടർന്ന് ഓഗസ്റ്റ് 19ന് തോമസിനെ കട്ടപ്പന പോലീസ് സ്റ്റേഷനിലെത്തിച്ചു. കട്ടപ്പന കോടതിയിൽ ഹാജരാക്കിയ പ്രതിയെ കോടതി റിമാൻഡ് ചെയ്തു

കാരിക്കോട് വില്ലേജ് ഇടവെട്ടി ബാങ്ക് ജംഗ്ഷൻ തേക്കിൻകാട്ടിൽ ഷിയാസ് ഷാജി (35), ചീങ്കല്ലേൽ അർഷിദ് ജബ്ബാർ (35), വെങ്ങല്ലൂർ കുമാരമംഗലം കാണിപ്പറമ്പിൽ നിഹാൽ ഷെഫീഖ് (22), തൊടുപുഴ ഈസ്റ്റ് കാരിക്കോട് വില്ലേജ് ഓലിക്കൽ ആഷിക്ക് ഒ.എസ്. (23) എന്നിവരാണ് അറസ്റ്റിലായത്.

ഓഗസ്റ്റ് 19ന് ലഭിച്ച രഹസ്യവിവരത്തിന്റെ അടിസ്ഥാനത്തിൽ തൊടുപുഴ പോലീസ് ഇൻസ്പെക്ടർ സിജോ വർഗീസിന്റെ നേതൃത്വത്തിലുള്ള സംഘം നടത്തിയ പരിശോധനയിലാണ് ഇവർ പിടിയിലായത്. ഓട്ടോറിക്ഷയിലും കാറിലുമായി 18.21 ഗ്രാം എംഡിഎംഎയും 10.20 ഗ്രാം ഹൈബ്രിഡ് കഞ്ചാവും കണ്ടെത്തി. ലഹരിവസ്തുക്കൾ തൂക്കുന്നതിനായി ഉപയോഗിച്ചിരുന്ന ഇലക്ട്രോണിക് ത്രാസും പോലീസ് പിടിച്ചെടുത്തു.

സബ് ഇൻസ്പെക്ടർ ത്രീദിപ് കുമാർ, അസിസ്റ്റന്റ് സബ് ഇൻസ്പെക്ടർ വിജയാനന്ദ് സോമൻ, സീനിയർ സിവിൽ പോലീസ് ഓഫീസർ അഖിൽ, സിവിൽ പോലീസ് ഓഫീസർ ദീപു എന്നിവരും പോലീസ് സംഘത്തിലുണ്ടായിരുന്നു

കാനഡയിലെ കാൽഗറി സർവകലാശാല ഹിസ്റ്ററി വിഭാഗം അസിസ്റ്റന്റ് പ്രൊഫസർ ഡോ. ശരത്ത് കെ. പിള്ള സെമിനാർ ഉദ്ഘാടനം ചെയ്തു.

മാനേജർ മോൺ. ഡോ. പയസ് മലേകണ്ടത്തിൽ അധ്യക്ഷത വഹിച്ചു. ബെംഗളൂരു ധർമാരാം വിദ്യാക്ഷേത്രം പ്രൊഫസർ ഡോ. ഫാ. ജെയിംസ് മാത്യു പാമ്പാറ മുഖ്യപ്രഭാഷണം നടത്തി. കാലടി സംസ്കൃത സർവകലാശാല റിട്ട. പ്രൊഫസർ ഡോ. എൻ. അജയകുമാർ ക്ലാസെടുത്തു.

കോളജ് പ്രിൻസിപ്പൽ പ്രൊഫ. ജെന്നി കെ. അലക്സ്, ഡോ. സിസ്റ്റർ ബിൻസി സി.ജെ, ഡോ. ആനി തോമസ് എന്നിവർ സംസാരിച്ചു. കേരളീയ നവോത്ഥാനത്തിന്റെ വിവിധ തലങ്ങളെ ഭാഷ, സാഹിത്യം, ചരിത്രം, സംസ്കാരം എന്നീ മേഖലകളിലൂടെ വിശകലനം ചെയ്യുന്നതിനും പുനർവായന നടത്തുന്നതിനുമുള്ള വിവിധ സെഷനുകൾ സെമിനാറിന്റെ ഭാഗമായി നടക്കും.

തമിഴ്നാട്ടിലും മറ്റു സംസ്ഥാനങ്ങളിലും പൂക്കളുടെ ലഭ്യത കുറഞ്ഞതാണ് വിലവർധനയ്ക്ക് പ്രധാന കാരണം. വിവിധ പൂക്കൾക്ക് കിലോയ്ക്ക് 100 രൂപ മുതൽ 1600 രൂപ വരെയാണ് നിലവിലെ വില. സ്കൂൾ, കോളജ്, സർക്കാർ-അർധസർക്കാർ, സ്വകാര്യ സ്ഥാപനങ്ങൾ എന്നിവിടങ്ങളിൽ ഓണാഘോഷം സജീവമായതോടെ പൂക്കൾക്ക് ആവശ്യകതയും വർധിച്ചിട്ടുണ്ട്.

പൂക്കളുടെ രാജാവായ മുല്ലപ്പൂവിനാണ് ഇത്തവണ ഏറ്റവും ഉയർന്ന വില. കിലോയ്ക്ക് 1500 മുതൽ 1600 രൂപ വരെയാണ് വില. വില കുതിച്ചതോടെ മുല്ലപ്പൂവ് ഇപ്പോൾ കിലോ കണക്കിന് പകരം മുഴം കണക്കിലാണ് വിൽക്കുന്നത്. ഒരു മുഴത്തിന് 40 മുതൽ 60 രൂപ വരെയാണ് വില.

അരളിക്കും ജമന്തിക്കും കിലോയ്ക്ക് 450 രൂപ മുതലാണ് വില. ചെമ്പങ്കി 250 രൂപ, റോസ് 380 രൂപ, ചെത്തി, ബന്തി, കോളി, വാടാമുല്ല എന്നിവയ്ക്ക് 200 രൂപ വീതവും വിലയുണ്ട്. തുളസിക്ക് കിലോയ്ക്ക് 100 രൂപ വരെയാണ് നിലവിലെ നിരക്ക്.

കാലാവസ്ഥാ വ്യതിയാനം മൂലം തമിഴ്നാട്ടിൽ പൂക്കളുടെ ലഭ്യത കുറഞ്ഞതും ഗതാഗതച്ചെലവിലെ വർധനയും ഓണക്കാലത്തെ അധിക ആവശ്യകതയുമാണ് വില ഉയരാൻ പ്രധാന കാരണമെന്ന് വ്യാപാരികൾ പറയുന്നു. തിരുവോണം അടുക്കുന്നതോടെ മൊത്തവില ഇനിയും ഉയരാൻ സാധ്യതയുണ്ടെന്നും വ്യാപാരികൾ വ്യക്തമാക്കി.

വില എത്ര ഉയർന്നാലും പൂക്കളം ഒഴിവാക്കാൻ മലയാളി തയ്യാറല്ല. ഓണസദ്യ പോലെ തന്നെ മലയാളിയുടെ ഓണാഘോഷത്തിൽ ഒഴിച്ചുകൂടാനാകാത്തതാണ് പൂക്കളം. പൊന്നുംവില കൊടുത്താണെങ്കിലും പൂക്കൾ വാങ്ങി മുറ്റത്ത് പൂക്കളം തീർക്കാൻ മലയാളി തയ്യാറാകുമെന്നതിനാൽ തിരുവോണത്തിന് മുന്നോടിയായി വ്യാപാരസ്ഥാപനങ്ങൾ വൻതോതിൽ പൂക്കൾ ശേഖരിച്ചു തുടങ്ങി.

നാഗമ്പടം മേൽപ്പാലത്തിലെ കുഴികളും ചൂട്ടുവേലിയിലെ അപകടക്കുഴികളും അടച്ചതോടെ ഗതാഗതം മണിക്കൂറുകളോളം തടസ്സപ്പെട്ടു. മുന്നറിയിപ്പ് ഉണ്ടായിരുന്നെങ്കിലും തിരക്കേറിയ സമയത്തും തിരക്കേറിയ പ്രദേശങ്ങളിലും അറ്റകുറ്റപ്പണി നടത്താൻ എത്തിയത് ഗതാഗതക്കുരുക്ക് രൂക്ഷമാക്കി.

നഗരം സജീവമായതിനു പിന്നാലെ രാവിലെ 11ഓടെയാണ് നാഗമ്പടം മേൽപ്പാലത്തിലെ കുഴികൾ അടയ്ക്കുന്നതിനുള്ള പ്രവൃത്തികൾ ആരംഭിച്ചത്. ഇതോടെ നഗരത്തിലും എം.സി. റോഡിലും വാഹനങ്ങളുടെ നീണ്ട നിര രൂപപ്പെട്ടു. തിരക്ക് ആരംഭിക്കുന്നതിന് മുമ്പ് റീടാറിങ് പൂർത്തിയാക്കിയിരുന്നെങ്കിൽ ഗതാഗതക്കുരുക്ക് ഒഴിവാക്കാമായിരുന്നുവെന്ന് യാത്രക്കാർ പറഞ്ഞു.

തുടർന്ന് പട്ടിത്താനം വരെയുള്ള ഭാഗങ്ങളിൽ റീടാറിങ് നടത്തിയപ്പോഴും ഗതാഗതക്കുരുക്ക് തുടർന്നു. നാഗമ്പടത്തെയും ചൂട്ടുവേലിയിലെയും കുഴികൾ നേരത്തെ പലതവണ താൽക്കാലികമായി അടച്ചിരുന്നെങ്കിലും ഏതാനും ദിവസങ്ങൾക്കുള്ളിൽ വീണ്ടും തകരുകയായിരുന്നു. ഓണനാളുകളിൽ ഈ കുഴികൾ വലിയ ഗതാഗതക്കുരുക്കിന് കാരണമാകുന്നത് ഒഴിവാക്കാനാണ് ഇപ്പോൾ അറ്റകുറ്റപ്പണി നടത്തിയത്.

എം.സി. റോഡിലെ അറ്റകുറ്റപ്പണികൾ പൂർത്തിയായെങ്കിലും നഗരത്തിലെ മറ്റു റോഡുകളിൽ നിരവധി കുഴികൾ ഇപ്പോഴും അവശേഷിക്കുന്നുണ്ട്. നാഗമ്പടം പാലത്തിന്റെ തെക്കുവശം, സ്റ്റാർ ജങ്ഷൻ, ഐഡ ജങ്ഷൻ എന്നിവിടങ്ങളിലും കെ.കെ. റോഡിലെ കഞ്ഞിക്കുഴിയിലും കുഴികൾ തുടരുകയാണ്.

ചെറിയ കുഴികളാണെങ്കിലും വാഹനങ്ങൾ വേഗം കുറയ്ക്കുന്നത് തിരക്കേറിയ സ്ഥലങ്ങളിൽ ഗതാഗതക്കുരുക്കിന് കാരണമാകുന്നുണ്ട്. ഇതിനു പുറമെ അനധികൃത പാർക്കിങ്ങും നഗരത്തിലെ ഗതാഗതക്കുരുക്ക് രൂക്ഷമാക്കുന്നുണ്ട്. ഓണത്തിരക്ക് വർധിക്കുന്ന സാഹചര്യത്തിൽ റോഡുകളിലെ ശേഷിക്കുന്ന കുഴികളും സമയബന്ധിതമായി അടയ്ക്കണമെന്നാണ് യാത്രക്കാരുടെ ആവശ്യം.

പള്ളം കരയോഗം സംഘടിപ്പിച്ച സ്വീകരണ പരിപാടിയിൽ സംസാരിക്കുകയായിരുന്നു അദ്ദേഹം. സ്വന്തം സമുദായത്തിന്റെ ഉന്നമനത്തിനുവേണ്ടിയാണ് ജി. സുകുമാരൻ നായർ പ്രവർത്തിക്കുന്നതെന്നും വ്യക്തിപരമായ നേട്ടത്തിനോ ലാഭത്തിനോ വേണ്ടി അദ്ദേഹം നിലപാടെടുത്തിട്ടില്ലെന്നും തിരുവഞ്ചൂർ രാധാകൃഷ്ണൻ പറഞ്ഞു.

ജി. സുകുമാരൻ നായരുടെ നേതൃത്വകാലത്താണ് എൻ.എസ്.എസിന്റെ ആസ്തികൾ പതിന്മടങ്ങായി വർധിച്ചതെന്നും അദ്ദേഹം കൂട്ടിച്ചേർത്തു.

ആഘോഷത്തിന്റെ ഭാഗമായി ഓണഭക്ഷണവും ഒരുക്കിയിട്ടുണ്ട്. കൂട്ടയോട്ടത്തോടെയാണ് പരിപാടികൾക്ക് തുടക്കമാകുക. തുടർന്ന് വിവിധ മത്സരങ്ങളും കലാ-കായിക പരിപാടികളും നടക്കും. നാട്ടുകാരുടെ പങ്കാളിത്തത്തോടെ വിപുലമായ രീതിയിലാണ് ഓണാഘോഷം സംഘടിപ്പിക്കുന്നത്.

ബാങ്ക് പ്രസിഡന്റ് സാബു മാത്യു മണിമലക്കുന്നേൽ അധ്യക്ഷത വഹിച്ചു. നവീകരിച്ച ഷോറൂമിൽ കൂടുതൽ സൗകര്യങ്ങളോടെയും വിപുലമായ ഉൽപ്പന്നശേഖരത്തോടെയും ഉപഭോക്താക്കൾക്ക് മികച്ച സേവനം ലഭ്യമാക്കുകയാണ് ലക്ഷ്യമെന്ന് അധികൃതർ അറിയിച്ചു.

കടകൾക്ക് സമീപം നിന്നിരുന്ന അയ്യപ്പഭക്തരായ തീർഥാടകർ നിമിഷങ്ങളുടെ വ്യത്യാസത്തിലാണ് അപകടത്തിൽനിന്ന് രക്ഷപ്പെട്ടത്.

തമിഴ്നാട് ഭാഗത്തുനിന്ന് ഇലക്ട്രിക്കൽ ഉപകരണങ്ങളുമായി എത്തിയ ലോറി തമിഴ്നാട് പൊലീസിന്റെയും തുടർന്ന് കേരള എക്സൈസ് വകുപ്പിന്റെയും പരിശോധനയ്ക്കായി നിർത്തിയിട്ടിരിക്കുകയായിരുന്നു. പരിശോധന പൂർത്തിയാക്കി വാഹനത്തിന് സമീപത്തേക്ക് ആളുകൾ തിരിച്ചെത്തുന്നതിനിടെ പെട്ടെന്ന് ലോറിയുടെ ബ്രേക്ക് റിലീസ് ആയതാണ് അപകടത്തിന് കാരണമായതെന്നാണ് പ്രാഥമിക വിവരം.

തുടർന്ന് മുന്നോട്ടുരുണ്ട ലോറി റോഡിന്റെ എതിർവശത്തുള്ള ചിപ്സ് കട ഉൾപ്പെടെയുള്ള മൂന്ന് കടകളിലേക്ക് ശക്തമായി ഇടിച്ചുകയറി. ആ സമയത്ത് അയ്യപ്പക്ഷേത്ര ദർശനം കഴിഞ്ഞ് മടങ്ങിയെത്തിയ നാലഞ്ച് തീർഥാടകർ റോഡരികിൽ നിൽക്കുകയായിരുന്നു. ലോറി പാഞ്ഞെത്തിയത് കണ്ട് നിമിഷങ്ങളുടെ വ്യത്യാസത്തിൽ ഇവർ മാറിനിന്നതിനാൽ വൻ ദുരന്തം ഒഴിവായി.

അപകടത്തിൽ കടകൾക്ക് ഭാഗികമായി നാശനഷ്ടമുണ്ടായി. സംഭവത്തിൽ കുമളി പൊലീസ് കേസെടുത്ത് തുടർനടപടികൾ സ്വീകരിച്ചുവരികയാണ്.

ജില്ലാ കളക്ടറുടെ ചേംബറിൽ നടന്ന ചടങ്ങിൽ ജില്ലാ ശുചിത്വമിഷൻ കോ-ഓർഡിനേറ്റർ ഭാഗ്യരാജ് കെ.ആർ., ഡി.ടി.പി.സി. സെക്രട്ടറി ജിതീഷ് ജോസ് എന്നിവർ പങ്കെടുത്തു.

സമൃദ്ധിയുടെയും സ്നേഹത്തിന്റെയും ഒത്തൊരുമയുടെയും സന്ദേശവുമായി എത്തുന്ന ഓണക്കാലത്തെ പരിസ്ഥിതി സൗഹൃദമായി വരവേൽക്കണമെന്ന് അധികൃതർ അഭ്യർഥിച്ചു. വീടുകളും പരിസരങ്ങളും മാത്രമല്ല, നാടും നഗരവും തെരുവുകളും പൊതുസ്ഥലങ്ങളും ജലാശയങ്ങളും വൃത്തിയായി സൂക്ഷിച്ച് ഈ ഓണം ‘ഹരിത ഓണം’ ആക്കുകയാണ് ലക്ഷ്യം.

ആഘോഷങ്ങളിലും അലങ്കാരങ്ങളിലും പരിസ്ഥിതി സൗഹൃദ വസ്തുക്കൾ ഉപയോഗിക്കണം. നിരോധിത പ്ലാസ്റ്റിക്, ഡിസ്പോസിബിൾ ഗ്ലാസ്, പ്ലാസ്റ്റിക് പാത്രങ്ങൾ, പ്ലാസ്റ്റിക് കവറുകൾ, പ്ലാസ്റ്റിക് കൊടി-തോരണങ്ങൾ, ഒറ്റത്തവണ ഉപയോഗിക്കുന്ന പേപ്പർ പ്ലേറ്റുകൾ, പേപ്പർ വാഴയില തുടങ്ങിയവ ഒഴിവാക്കണം.

പകരം വാഴയില, സ്റ്റീൽ പാത്രങ്ങൾ, തുണിസഞ്ചികൾ, പൂക്കൾ, കുരുത്തോല തുടങ്ങിയ പരിസ്ഥിതി സൗഹൃദ വസ്തുക്കളുടെ ഉപയോഗം പ്രോത്സാഹിപ്പിക്കണം. സദ്യ, ഓണക്കളികൾ, മത്സരങ്ങൾ തുടങ്ങിയ പരിപാടികൾ മാലിന്യമുക്തമായി സംഘടിപ്പിക്കണമെന്നും നിർദേശമുണ്ട്.

മാലിന്യങ്ങൾ ഉറവിടത്തിൽ തന്നെ തരംതിരിക്കുകയും ഭക്ഷണാവശിഷ്ടങ്ങൾ കമ്പോസ്റ്റാക്കുകയും അജൈവ മാലിന്യങ്ങൾ ശാസ്ത്രീയ സംസ്കരണത്തിനായി കൈമാറുകയും വേണം. ശുചിത്വ മിഷന്റെ മാർഗനിർദേശങ്ങൾ പാലിക്കണമെന്നും അധികൃതർ നിർദേശിച്ചു.

പൊതുജനങ്ങൾ, സന്നദ്ധ സംഘടനകൾ, ക്ലബുകൾ, സാംസ്കാരിക-സാമുദായിക സംഘടനകൾ, വിവിധ സ്ഥാപനങ്ങൾ എന്നിവർ ഓണാഘോഷങ്ങളിൽ ഹരിതചട്ടം കർശനമായി പാലിച്ച് ‘ഹരിത ഓണം’ ക്യാമ്പയിന്റെ ഭാഗമാകണമെന്ന് എം.എൽ.എയും ജില്ലാ കളക്ടറും അഭ്യർഥിച്ചു.

എൽഡിഎഫിന്റെയും യുഡിഎഫ് വിമതരുടെയും പിന്തുണയുള്ള മായ രാഹുലും യുഡിഎഫ് ഔദ്യോഗിക സ്ഥാനാർഥി റിയ ചീരാംകുഴിയും തമ്മിലാണ് മത്സരം. നഗരസഭയിലെ നിലവിലെ രാഷ്ട്രീയ സമവാക്യങ്ങളിൽ നിർണായകമാകുന്ന തെരഞ്ഞെടുപ്പാണ് ഇന്ന് നടക്കുന്നത്.

എൽഡിഎഫ് കൊണ്ടുവന്ന അവിശ്വാസ പ്രമേയത്തിലൂടെയാണ് മുൻ ചെയർപേഴ്സൺ ദിയ ബിനു പുളിക്കകണ്ടം പുറത്തായത്. രാജ്യത്തെ ഏറ്റവും പ്രായം കുറഞ്ഞ നഗരസഭാ ചെയർപേഴ്സൺ എന്ന നിലയിൽ ശ്രദ്ധ നേടിയ ദിയ ബിനു പുളിക്കകണ്ടത്തിന് ആറുമാസം മാത്രമാണ് ഭരണത്തിൽ തുടരാനായത്.

അവിശ്വാസ പ്രമേയത്തെ തുടർന്ന് ചെയർപേഴ്സൺ സ്ഥാനം നഷ്ടമായതോടെയാണ് പുതിയ ചെയർപേഴ്സണെ തെരഞ്ഞെടുക്കുന്നതിനുള്ള സാഹചര്യമുണ്ടായത്. ഇന്നത്തെ വോട്ടെടുപ്പോടെ പാലാ നഗരസഭയുടെ പുതിയ ഭരണനേതൃത്വം ആരുടെ കൈകളിലാകുമെന്ന് വ്യക്തമാകും.

അരി വിതരണത്തിന്റെ സംസ്ഥാനതല ഉദ്ഘാടനം നാളെ തിരുവനന്തപുരം പട്ടം സെന്റ് മേരീസ് ഗവൺമെന്റ് ഗേൾസ് ഹൈസ്കൂളിൽ നടക്കും.

സംസ്ഥാനത്തെ സ്കൂളുകൾക്ക് ഓണാവധി ഓഗസ്റ്റ് 22 മുതൽ ആരംഭിക്കും. ഓഗസ്റ്റ് 21ന് സ്കൂളുകളിൽ ഓണാഘോഷ പരിപാടികൾ സംഘടിപ്പിക്കും. അന്നേദിവസം വിദ്യാർഥികൾക്ക് യൂണിഫോം നിർബന്ധമില്ലെന്നും മന്ത്രി വ്യക്തമാക്കി. ഓണാവധിക്ക് ശേഷം ഓഗസ്റ്റ് 31ന് സ്കൂളുകൾ വീണ്ടും തുറക്കും.

വീടുകളിൽ തയ്യാറാക്കുന്ന ഭക്ഷ്യവിഭവങ്ങൾക്ക് ആവശ്യക്കാർ ഏറെയാണ്. ഇത് മുതലെടുത്ത് വീടുകളിലും റോഡരികിൽ നിർത്തിയിട്ടിരിക്കുന്ന കാറുകളിലും മറ്റുമായി ഭക്ഷ്യവിഭവങ്ങൾ വിൽക്കുന്നുണ്ട്. എന്നാൽ ഇത്തരം ഭക്ഷണം വിൽക്കുമ്പോൾ ആവശ്യമായ ഭക്ഷ്യസുരക്ഷാ മാനദണ്ഡങ്ങളും ലൈസൻസ്, രജിസ്ട്രേഷൻ വ്യവസ്ഥകളും പാലിക്കണം.

ഓണാഘോഷങ്ങൾ, വിവിധ സംഘടനകളുടെ പരിപാടികൾ, സ്ഥാപനങ്ങളിലെ ഓണസദ്യകൾ തുടങ്ങിയവയ്ക്കായി പാകംചെയ്ത ഭക്ഷണം വാങ്ങുമ്പോൾ ഭക്ഷ്യസുരക്ഷാ വകുപ്പിൽ രജിസ്റ്റർ ചെയ്ത സ്ഥാപനങ്ങളിൽനിന്ന് മാത്രമേ വാങ്ങാവൂ. വ്യക്തികളുടെ വിശ്വാസ്യത മാത്രം കണക്കിലെടുത്ത് ലൈസൻസോ രജിസ്ട്രേഷനോ ഇല്ലാത്തവരിൽനിന്ന് ഭക്ഷണം വാങ്ങുന്നത് ഒഴിവാക്കണമെന്നും നിർദേശമുണ്ട്.

പാക്കറ്റ് ഭക്ഷണങ്ങളുടെ പുറത്ത് ഭക്ഷണം പായ്ക്ക് ചെയ്ത തീയതിയും സമയവും രേഖപ്പെടുത്തിയിരിക്കണം. പാൽ ഉൾപ്പെടെയുള്ള ചേരുവകൾ ഉപയോഗിച്ച് തയ്യാറാക്കുന്ന പായസം വേഗത്തിൽ കേടാകാൻ സാധ്യതയുള്ളതിനാൽ, തയ്യാറാക്കിയ സമയം മുതൽ എത്ര സമയത്തിനുള്ളിൽ ഉപയോഗിക്കണമെന്ന നിർദേശവും പാക്കറ്റിൽ രേഖപ്പെടുത്തണം.

ഭക്ഷണം വിതരണം ചെയ്യുന്നതിനായി ഉപയോഗിക്കുന്ന കണ്ടെയ്നറുകൾ ഗുണനിലവാരമുള്ളതും ഭക്ഷണം സൂക്ഷിക്കാൻ സുരക്ഷിതവുമായിരിക്കണമെന്നും ഭക്ഷ്യസുരക്ഷാ വകുപ്പ് വ്യക്തമാക്കി.

പാലിക്കണം ഇവ

• ഗുണനിലവാരമില്ലാത്ത പ്ലാസ്റ്റിക് കണ്ടെയ്നറുകളിൽ ഭക്ഷണം പായ്ക്ക് ചെയ്യരുത്.
• പാത്രങ്ങളും പൊതികളും ഭക്ഷണം സൂക്ഷിക്കാൻ സുരക്ഷിതമായ വസ്തുക്കൾ ഉപയോഗിച്ച് നിർമിച്ചതായിരിക്കണം.
• പാക്കറ്റിൽ വില, അളവ്, ഉപയോഗിച്ച ചേരുവകൾ എന്നിവ വ്യക്തമാക്കണം.
• പായസം പോലുള്ള വേഗത്തിൽ കേടാകുന്ന ഭക്ഷണങ്ങളുടെ ഉപയോഗ സമയപരിധി രേഖപ്പെടുത്തണം.
• ഓണസദ്യയ്ക്കും മറ്റ് പരിപാടികൾക്കുമുള്ള ഭക്ഷണം ലൈസൻസോ രജിസ്ട്രേഷനോ ഉള്ള സ്ഥാപനങ്ങളിൽനിന്ന് മാത്രം വാങ്ങണം.

ഇന്ത്യൻ ശിക്ഷാനിയമം 302-ാം വകുപ്പ് പ്രകാരം ജീവപര്യന്തം കഠിനതടവും 201-ാം വകുപ്പ് പ്രകാരം തെളിവ് നശിപ്പിച്ചതിന് മൂന്ന് വർഷം കഠിനതടവുമാണ് കോടതി വിധിച്ചത്. പിഴയായി ഈടാക്കുന്ന ഒരു ലക്ഷം രൂപ കൊല്ലപ്പെട്ട അമ്പിളിയുടെ മാതാവിന് നൽകാനും കോടതി ഉത്തരവിട്ടു.

ദൃക്സാക്ഷികളില്ലാതിരുന്ന കേസിൽ സാഹചര്യ തെളിവുകളും ശാസ്ത്രീയ തെളിവുകളും കൃത്യമായി കോടതിയിൽ ഹാജരാക്കാൻ പ്രോസിക്യൂഷന് കഴിഞ്ഞു.

2012 ജനുവരി രണ്ടിനാണ് അവിവാഹിതയായ അമ്പിളി കൊല്ലപ്പെട്ടത്. കട്ടപ്പന കടമാകുഴി ഭാഗത്തെ ഏലത്തോട്ടത്തിലെ തൊഴിലാളിയായിരുന്നു അമ്പിളി. തോട്ടത്തിലെ സൂപ്പർവൈസറായിരുന്ന തങ്കച്ചനുമായി അമ്പിളി അടുപ്പത്തിലാവുകയും ഗർഭിണിയാകുകയും ചെയ്തു. ഗർഭവിവരം പുറത്തറിഞ്ഞാൽ കുടുംബജീവിതത്തിനും സൽപ്പേരിനും കളങ്കമുണ്ടാകുമെന്ന് ഭയന്നാണ് തങ്കച്ചൻ കൊലപാതകം ആസൂത്രണം ചെയ്തതെന്നാണ് പ്രോസിക്യൂഷൻ കേസ്.

കൊലപാതകത്തിനായി മുൻകൂട്ടി പ്ലാൻ ചെയ്ത പ്രതി കട്ടപ്പനയിൽനിന്ന് പ്ലാസ്റ്റിക് കയറും നീല പടുതയും വാങ്ങി ബിഗ് ഷോപ്പറിലാക്കി പാമ്പാടുംപാറ ആനകുത്തി ഭാഗത്തെത്തിച്ചു. ജോലിക്ക് പോകുകയാണെന്ന് പറഞ്ഞ് വീട്ടിൽനിന്നിറങ്ങിയ അമ്പിളിയെ ഫോണിൽ വിളിച്ച് വിജനമായ തോട്ടത്തിലേക്ക് വരുത്തി പ്ലാസ്റ്റിക് കയറുകൊണ്ട് കഴുത്തുഞെരിച്ച് കൊലപ്പെടുത്തുകയായിരുന്നു.

തെളിവ് നശിപ്പിക്കാനായി മൃതദേഹം നീല പടുതയിൽ പൊതിഞ്ഞ് കല്ലുകെട്ടി തോട്ടത്തിലെ കുളത്തിൽ താഴ്ത്തി.

ജനുവരി 14ന് മൃതദേഹം കണ്ടെത്തിയതിനെ തുടർന്ന് പൊലീസ് നടത്തിയ അന്വേഷണത്തിലാണ് നിർണായക തെളിവുകൾ ലഭിച്ചത്. ഡി.എൻ.എ പരിശോധനയിലൂടെ കൊല്ലപ്പെട്ടത് അമ്പിളിയാണെന്നും കൂടെയുണ്ടായിരുന്ന നവജാതശിശുവിന്റെ പിതാവ് തങ്കച്ചനാണെന്നും സ്ഥിരീകരിച്ചു.

അന്നത്തെ കട്ടപ്പന സി.ഐയും നിലവിൽ കട്ടപ്പന ഡിവൈ.എസ്.പിയുമായ റെജി എം. കുന്നിപ്പറമ്പന്റെ നേതൃത്വത്തിലുള്ള അന്വേഷണ സംഘമാണ് കുറ്റപത്രം കോടതിയിൽ സമർപ്പിച്ചത്. പ്രോസിക്യൂഷനുവേണ്ടി ജില്ലാ പബ്ലിക് പ്രോസിക്യൂട്ടർ അഡ്വ. സനീഷ് എസ്. എസ്. ഹാജരായി.

ചൊവ്വാഴ്ച രാവിലെയാണ് കൊലപാതകം നടന്നതെന്നാണ് പൊലീസിന്റെ പ്രാഥമിക നിഗമനം. വീടിന്റെ പിൻഭാഗത്താണ് റെയ്ച്ചലിനെ മരിച്ച നിലയിൽ കണ്ടെത്തിയത്. തലയ്ക്കടിയേറ്റാണ് മരണമെന്നാണ് പ്രാഥമിക വിവരം. കൊലപാതകത്തിന് ഉപയോഗിച്ചതെന്ന് കരുതുന്ന തടിക്കഷണം സമീപത്തുനിന്ന് കണ്ടെത്തി. വീട്ടിൽ റെയ്ച്ചൽ തയ്യാറാക്കിയ ഭക്ഷണവും പാത്രങ്ങളും ചിതറിക്കിടന്നിരുന്നു.

കൊലപാതകത്തിന് ശേഷം രക്ഷപ്പെടാൻ ശ്രമിച്ച ലിജോയെ പൊലീസ് പിടികൂടുകയായിരുന്നു. ഇരുവരും തമ്മിലുണ്ടായ വാക്കേറ്റത്തെ തുടർന്നുണ്ടായ പ്രകോപനമാണ് കൊലപാതകത്തിലേക്ക് നയിച്ചതെന്നാണ് സൂചന. ലിജോ ലഹരിക്ക് അടിമയായിരുന്നുവെന്ന് പൊലീസ് പറഞ്ഞു. നേരത്തെയും അമ്മയെ ഇയാൾ ശാരീരികമായി ഉപദ്രവിച്ചിരുന്നതായി ബന്ധുക്കൾ പറഞ്ഞു.

എറണാകുളത്ത് ഹോംനഴ്സായി ജോലി ചെയ്തിരുന്ന റെയ്ച്ചൽ ഇടയ്ക്കിടെ മൈലാടുംപാറയിലെ വീട്ടിലെത്തി മകനാവശ്യമായ ഭക്ഷണസാധനങ്ങളും മറ്റും വാങ്ങിനൽകിയിരുന്നു. മകനോടുള്ള വാത്സല്യം മൂലമാണ് ബുദ്ധിമുട്ടുകൾക്കിടയിലും റെയ്ച്ചൽ വീട്ടിലെത്തിയിരുന്നതെന്ന് ബന്ധുക്കൾ പറഞ്ഞു.

റെയ്ച്ചലും ഭർത്താവും വർഷങ്ങളായി പിരിഞ്ഞാണ് കഴിയുന്നത്. ലിജോ കുറച്ചുനാൾ മുമ്പുവരെ പിതാവിനൊപ്പമായിരുന്നു താമസിച്ചിരുന്നത്. പിന്നീട് അമ്മയോടൊപ്പം മൈലാടുംപാറയിൽ താമസിച്ചുവരികയായിരുന്നു. ലഹരി വാങ്ങുന്നതിനായി അമ്മയോട് പണം ആവശ്യപ്പെട്ടിരുന്നതായും ബന്ധുക്കൾ പറഞ്ഞു. വീട്ടിലേക്ക് വാങ്ങിയിരുന്ന ഉപകരണങ്ങൾ പോലും ലഹരിവസ്തുക്കൾ വാങ്ങുന്നതിനായി ഇയാൾ വിറ്റിരുന്നതായും ബന്ധുക്കൾ ആരോപിച്ചു.

ലഹരിയുടെ നിഴലിൽ വീണ്ടും ഇടുക്കിയിൽ അരുംകൊല

എഴുകുംവയലിൽ മാതാപിതാക്കളായ ആന്റണി (55), വത്സമ്മ (50) എന്നിവരെ മകൻ അജീഷ് വെട്ടിക്കൊലപ്പെടുത്തിയ സംഭവത്തിന് പിന്നാലെയാണ് മൈലാടുംപാറയിലും സമാനമായ സംഭവം ഉണ്ടായത്. രണ്ട് സംഭവങ്ങളിലും പ്രതികളുടെ ലഹരി ഉപയോഗം കൊലപാതകത്തിന് പിന്നിലെ പ്രധാന കാരണങ്ങളിലൊന്നാണെന്ന സൂചനയാണ് പൊലീസിൽനിന്ന് ലഭിക്കുന്നത്.

മൈലാടുംപാറയിലെ സംഭവത്തിൽ റെയ്ച്ചലിന്റെ കൈവശമുണ്ടായിരുന്ന പണം ലഹരി വാങ്ങുന്നതിനായി ലിജോ എടുത്തതുമായി ബന്ധപ്പെട്ട തർക്കമാണ് കൊലപാതകത്തിൽ കലാശിച്ചതെന്നാണ് പ്രാഥമിക വിവരം. സംഭവത്തിൽ പൊലീസ് വിശദമായ അന്വേഷണം ആരംഭിച്ചു.

ലഹരിയുടെ വിപത്തുകൾക്കെതിരെ സമൂഹത്തിൽ ശക്തമായ അവബോധം സൃഷ്ടിക്കുക എന്ന ലക്ഷ്യത്തോടെ ഇരട്ടയാർ ഗ്രാമപഞ്ചായത്തിന്റെ നേതൃത്വത്തിൽ സംഘടിപ്പിക്കുന്ന ലഹരിവിരുദ്ധ ക്യാമ്പയിന്റെ ഭാഗമായാണ് വ്യത്യസ്തമായ ഈ പ്രതിമ ഒരുക്കിയിരിക്കുന്നത്. സാധാരണ ബോധവത്കരണ സന്ദേശങ്ങളിൽ നിന്ന് വേറിട്ടുനിൽക്കുന്ന ദൃശ്യാവിഷ്കാരം എന്ന നിലയിൽ ഇതിനകം തന്നെ പ്രതിമ പൊതുജനശ്രദ്ധ നേടിക്കഴിഞ്ഞു.

കൈയിൽ സിറിഞ്ച്, ശരീരഭാഷയിൽ തളർച്ച, ലഹരിയുടെ പിടിയിലമർന്ന ജീവിതത്തിന്റെ പ്രതീകമായി തോന്നിക്കുന്ന രൂപം—കാഴ്ചക്കാരനോട് ഒന്നും പറയാതെ തന്നെ നിരവധി കാര്യങ്ങൾ പറയുന്നതാണ് ഈ പ്രതിമ. ലഹരി ആദ്യം കൗതുകമായെത്തിയേക്കാം; പിന്നീട് അത് ജീവിതത്തെ തന്നെ കീഴടക്കുന്ന അടിമത്തമായി മാറാം എന്ന ശക്തമായ സന്ദേശമാണ് പ്രതിമ മുന്നോട്ടുവയ്ക്കുന്നത്.

ബസ് സ്റ്റാൻഡിലൂടെ കടന്നുപോകുന്ന കുട്ടികളും യുവാക്കളും മുതിർന്നവരുമെല്ലാം ഒരു നിമിഷം പ്രതിമയിലേക്ക് നോക്കുമ്പോൾ, ലഹരിയുടെ അപകടങ്ങളെക്കുറിച്ച് ചിന്തിക്കാൻ പ്രേരിപ്പിക്കുന്ന തരത്തിലാണ് ഇതിന്റെ രൂപകൽപ്പന. ലഹരി ഉപയോഗം ഒരാളുടെ മാത്രം ജീവിതത്തെ ബാധിക്കുന്നതല്ലെന്നും കുടുംബത്തെയും സമൂഹത്തെയും ഒരുപോലെ തകർക്കാൻ കഴിയുമെന്നും ഓർമപ്പെടുത്തുന്ന ദൃശ്യസന്ദേശം കൂടിയാണിത്.

‘ലഹരിയിലേക്ക് ഒരു ചുവട്, ജീവിതത്തിൽ നിന്ന് ഒരു വലിയ അകലം’ എന്ന ആശയം നിശ്ശബ്ദമായി വിളിച്ചുപറയുന്ന ഈ പ്രതിമ, ഇരട്ടയാറിന്റെ ലഹരിവിരുദ്ധ പോരാട്ടത്തിന്റെ ശ്രദ്ധേയമായ അടയാളമായി മാറുകയാണ്.

ലഹരിയുടെ വിപത്തുകൾക്കെതിരെ പൊതുസമൂഹത്തിൽ അവബോധം വളർത്തുകയും ആരോഗ്യകരമായ ജീവിതശൈലി പ്രോത്സാഹിപ്പിക്കുകയും ചെയ്യുക എന്ന ലക്ഷ്യത്തോടെയാണ് ക്യാമ്പയിൻ സംഘടിപ്പിക്കുന്നത്. ക്യാമ്പയിന്റെ ഉദ്ഘാടനം ആരോഗ്യ മന്ത്രി കെ. മുരളീധരൻ നിർവഹിക്കും.

പ്രചാരണ ബോർഡുകൾക്കും മുദ്രാവാക്യങ്ങൾക്കും അപ്പുറം കാണുന്നവന്റെ മനസ്സിൽ ചോദ്യം ഉയർത്തുന്ന ഒരു പ്രതിമ എന്നതാണ് ഇരട്ടയാറിലെ ഈ വേറിട്ട ഇടപെടലിന്റെ പ്രത്യേകത. ബസ് സ്റ്റാൻഡിലെത്തുന്ന ഓരോരുത്തരോടും അത് ചോദിക്കുന്നതുപോലെ തോന്നും—“ലഹരിക്ക് ജീവിതം വിട്ടുകൊടുക്കണോ?”

ലൈബ്രറി പ്രസിഡന്റ് ഷെബിൻ തേനംമാക്കലിന്റെ അധ്യക്ഷതയിൽ നടന്ന ചടങ്ങിൽ നെടുങ്കണ്ടം ഗ്രാമപഞ്ചായത്ത് അംഗവും ലൈബ്രറി മാനേജിങ് കമ്മിറ്റി അംഗവുമായ ജോണി പുതിയപറമ്പിൽ സ്വാഗതം ആശംസിച്ചു.

ലൈബ്രറിയുടെ ആദരം ഏറ്റുവാങ്ങിയ ഉടുമ്പൻചോല എം.എൽ.എ അഡ്വ. സേനാപതി വേണു ചടങ്ങിൽ മുഖ്യപ്രഭാഷണം നടത്തി. മികച്ച കർഷക ദമ്പതികളായി തെരഞ്ഞെടുക്കപ്പെട്ട ജോസ് പുല്ലംകുന്നേലിനെയും ഭാര്യയെയും എം.എൽ.എ ആദരിച്ചു.

കർഷകർ നാടിന്റെ നട്ടെല്ലാണ്. അവരെ ആദരിക്കുകയല്ല, പൂജിക്കുകയാണ് വേണ്ടത് എന്ന് അഡ്വ. സേനാപതി വേണു പറഞ്ഞു.

നെടുങ്കണ്ടം ഗ്രാമപഞ്ചായത്ത് പ്രസിഡന്റ് ഷിഹാബ് ഇട്ടിക്കൽ, ഇടുക്കി ജില്ലാ പഞ്ചായത്ത് അംഗം തിലോത്തമ സോമൻ, ബ്ലോക്ക് പഞ്ചായത്ത് അംഗം മുകേഷ് മോഹനൻ, ഗ്രാമപഞ്ചായത്ത് അംഗം ജിജോ മരങ്ങാട്ട് എന്നിവർക്ക് ചടങ്ങിൽ സ്വീകരണം നൽകി.

മികച്ച കർഷകനായി റോയ് കൈപ്പൻപ്ലാക്കൽ, ക്ഷീരകർഷകയായി ഷിനി ബിജു ഇരുമ്പുകുത്തിയിൽ, ക്ഷീരകർഷകനായി ഷിൻസ് അരിമണ്ണിൽ എന്നിവരെയും ലൈബ്രറി ആദരിച്ചു.

റൂറൽ ലൈബ്രറി മാനേജിങ് കമ്മിറ്റി അംഗങ്ങളായ ബിന്ദു പെരുമനങ്ങാട്ട്, സോണിയ കാരുകുന്നേൽ, സാബു മാലിയിൽ, ടോമി നെടുംപതാലിൽ, കെ.പി. രാജൻ കുന്നേൽ, റെജി തെള്ളിയിൽ, ജിനു പുളിക്കൽ, ടോംസ് പഴനിലം എന്നിവർ പരിപാടികൾക്ക് നേതൃത്വം നൽകി.

എഴുകുംവയൽ നിത്യസഹായ മാതാ പള്ളി വികാരി ഫാ. ജോസഫ് ചുനയൻമാക്കൽ, ഷാജി തോട്ടുമാക്കൽ, സാബു മണിമലകുന്നേൽ, കുഞ്ഞമ്മച്ചൻ പാറത്തറ എന്നിവർ ആശംസകൾ നേർന്ന് സംസാരിച്ചു. നൂറുകണക്കിന് കർഷകർ പരിപാടിയിൽ പങ്കെടുത്തു.

ഇന്ന് (ഓഗസ്റ്റ് 18) വൈകിട്ട് നാലിന് ഇരട്ടയാർ ബസ് സ്റ്റാൻഡിൽ നടക്കുന്ന ചടങ്ങ് ആരോഗ്യവകുപ്പ് മന്ത്രി കെ. മുരളീധരൻ ഉദ്ഘാടനം ചെയ്യും.

ലഹരിയുടെ വിപത്തുകൾക്കെതിരെ പൊതുസമൂഹത്തിൽ അവബോധം സൃഷ്ടിക്കുകയും ആരോഗ്യകരമായ ജീവിതശൈലി പ്രോത്സാഹിപ്പിക്കുകയും ചെയ്യുക എന്ന ലക്ഷ്യത്തോടെയാണ് ക്യാമ്പയിൻ സംഘടിപ്പിക്കുന്നത്

ജില്ലാ സെക്രട്ടറി സണ്ണി തറയിൽ, മുണ്ടക്കയം സോമൻ, കെ.കെ. സിജു, സ്റ്റീഫൻ ജേക്കബ്, ടിംസ് തോമസ്, പി.കെ. റസാഖ്, ജോൺ പി.എ. എന്നിവർ സംസാരിച്ചു.

മികച്ച കർഷകനായി തെരഞ്ഞെടുക്കപ്പെട്ട എലിക്കുളം സ്വദേശി ടി.കെ. വിനോദിനെ പൊന്നാടയും മെമെന്റോയും നൽകി ആദരിച്ചു.

2025 ജൂൺ 17-നാണ് ബസ് സ്റ്റാൻഡിൽനിന്ന് ഒഴിപ്പിച്ച വ്യാപാരികൾക്ക് താത്കാലിക കടമുറികൾ നിർമിക്കാൻ ഹൈക്കോടതി അനുമതി നൽകിയത്. എന്നാൽ ഡിസംബറിൽ കാലാവധി അവസാനിക്കുന്നതുവരെ അന്നത്തെ ഭരണസമിതി കോടതി ഉത്തരവ് കൗൺസിലിന്റെ പരിഗണനയ്ക്ക് കൊണ്ടുവന്നില്ല.

തുടർന്ന് കൗൺസിലിന്റെ കാലാവധി കഴിഞ്ഞതോടെ സെക്രട്ടറിയുടെ നിർദേശപ്രകാരം നഗരസഭയുടെ കെട്ടിടനിർമാണ വിഭാഗം സ്ഥലപരിശോധന നടത്തി 36 കടമുറികൾ നിർമിക്കാൻ അനുമതി നൽകി. നിർമാണം പകുതിയായപ്പോൾ നഗരസഭ സ്റ്റോപ്പ് മെമ്മോ നൽകി. പിന്നീട് കെട്ടിടനിർമാണ വിഭാഗം അംഗീകരിച്ച പ്ലാൻ പ്രകാരം നിർമിച്ച കെട്ടിടത്തിന്റെ പകുതി ഭാഗം ചെയർമാന്റെ ഇടപെടലിനെ തുടർന്ന് പൊളിച്ചുമാറ്റുകയും പിന്നീട് ചെയർമാന്റെ നിർദേശപ്രകാരം തന്നെ വീണ്ടും നിർമിക്കുകയും ചെയ്തതായി വ്യാപാരികൾ പറയുന്നു.

ജനുവരിയിൽ ഒരുവർഷത്തേക്കാണ് കടമുറികൾ അനുവദിച്ചത്. എന്നാൽ എട്ട് മാസം പിന്നിട്ടിട്ടും കടകൾ തുറക്കാൻ സാധിച്ചിട്ടില്ല. ഓരോ വ്യാപാരിക്കും അനുവദിച്ച കടമുറി, നമ്പർ, വാടക എന്നിവ സംബന്ധിച്ച് നഗരസഭ തീരുമാനമെടുത്തശേഷം മാത്രമേ കടകൾ തുറക്കാവൂ എന്നാണ് ചെയർമാന്റെയും നഗരസഭാ ഭരണസമിതിയുടെയും നിർദേശം.

നിർമാണത്തിനായി വൻതുക മുടക്കിയിട്ടും കടകൾ തുറക്കാൻ കഴിയാത്ത സാഹചര്യത്തിൽ അടിയന്തരമായി അനുമതി നൽകി വ്യാപാര സ്ഥാപനങ്ങൾ പ്രവർത്തിപ്പിക്കാൻ നടപടി സ്വീകരിക്കണമെന്നാണ് വ്യാപാരികളുടെ ആവശ്യം.

പഞ്ചായത്ത് പ്രസിഡന്റ് റോയ് ജോർജ് വെട്ടിക്കത്തടത്തിൽ അധ്യക്ഷനായി. ജില്ലാ പഞ്ചായത്തംഗം ആൻമരിയ ജോർജ്, ബ്ലോക്ക് പഞ്ചായത്ത് പ്രസിഡന്റ് തങ്കമ്മ വർഗീസ്, ജനപ്രതിനിധികളായ ദീപ ഇന്ദുചൂഡൻ, ടോമി മാത്യു പ്രാലടിയിൽ, ലൈസമ്മ തോമസ്, ധന്യ വേണുഗോപാൽ, മിനി ബാബു, മിനു സാവിയോ, നോബി മുണ്ടയ്ക്കൻ, ടി.സി. വിനോദ്, കൃഷി ഓഫീസർ രേഷ്മ എസ്. നായർ, കൃഷി അസിസ്റ്റന്റ് ഓഫീസർ ബിജു പോത്തുപുറത്ത് എന്നിവർ പ്രസംഗിച്ചു.

ഞായറാഴ്ച രാത്രി ഏഴര മുതൽ കണ്ണനെ കാണാതായിരുന്നു. തുടർന്ന് ഇന്നലെ രാവിലെ എസ്റ്റേറ്റിലെ കുളത്തിന് സമീപം ഇയാളുടെ വസ്ത്രങ്ങളും ചെരുപ്പുകളും കണ്ടെത്തിയതോടെയാണ് കുളത്തിൽ വീണിട്ടുണ്ടാകാമെന്ന സംശയം ഉയർന്നത്.

നാട്ടുകാർ ഉടുമ്പൻചോല പൊലീസിനെയും നെടുങ്കണ്ടം ഫയർഫോഴ്സിനെയും വിവരം അറിയിച്ചു. തുടർന്ന് നെടുങ്കണ്ടം ഫയർഫോഴ്സും കട്ടപ്പനയിലെ സ്കൂബാ ടീം അംഗങ്ങളും ചേർന്ന് നടത്തിയ തെരച്ചിലിലാണ് കുളത്തിൽനിന്ന് മൃതദേഹം കണ്ടെത്തിയത്.

അസ്വാഭാവിക മരണത്തിന് കേസെടുത്ത് ഉടുമ്പൻചോല പൊലീസ് അന്വേഷണം ആരംഭിച്ചു. മൃതദേഹം പോസ്റ്റ്മോർട്ടത്തിനായി ഇടുക്കി മെഡിക്കൽ കോളജിലേക്ക് മാറ്റി.

നഷ്ടപരിഹാര പാക്കേജിൽനിന്ന് പുറത്തുപോയതിനെ തുടർന്ന് ഒരുമാസത്തോളമായി ദുരന്തബാധിതർ സമരത്തിലായിരുന്നു. ഓണത്തിന് മുമ്പ് നഷ്ടപരിഹാരം പ്രഖ്യാപിക്കുമെന്ന ഉറപ്പിനെ തുടർന്ന് കഴിഞ്ഞ ദിവസമാണ് സമരം അവസാനിപ്പിച്ചത്.

കഴിഞ്ഞ വർഷം ഒക്ടോബർ 25നാണ് അടിമാലിയിൽ മണ്ണിടിച്ചിലുണ്ടായി ഒൻപത് വീടുകൾ പൂർണമായി തകർന്നത്. ദേശീയപാത നിർമാണത്തിനിടെ കൂമ്പൻപാറയിലുണ്ടായ മണ്ണിടിച്ചിലാണ് ദുരന്തത്തിന് കാരണമായത്.

വീട് നഷ്ടപ്പെട്ടവർക്ക് ഇൻഷുറൻസ് തുക നൽകാൻ നിർമാണ കമ്പനിക്ക് സർക്കാർ നിർദേശം നൽകിയിരുന്നു. എന്നാൽ തുക ലഭിക്കാതെ വന്നതോടെയാണ് ദുരന്തബാധിതർ പ്രത്യക്ഷ സമരം ആരംഭിച്ചത്.

പൂർണമായി തകർന്ന എട്ട് വീടുകൾക്ക് 10 ലക്ഷം രൂപ വീതം നേരത്തെ കൈമാറിയിരുന്നു. എന്നാൽ ബാക്കി 18 കുടുംബങ്ങൾക്ക് നഷ്ടപരിഹാരം ലഭിക്കാതിരുന്നതാണ് പ്രതിഷേധത്തിന് കാരണമായത്.

ഗുരുദേവ ഭാഗവത പാരായണം, ശാന്തിയാത്രകൾ, ആത്മീയ പ്രഭാഷണങ്ങൾ, ചതയം–സമാധി ദിനാചരണം തുടങ്ങിയ വിവിധ പരിപാടികൾ മാസാചരണത്തിന്റെ ഭാഗമായി നടക്കും.

ബലേഷ് വി.പി. വാകവയലിന്റെ വീട്ടിൽ നടന്ന ഗുരുദേവ ഭാഗവത പാരായണത്തിന്റെയും ശ്രീനാരായണ മാസാചരണത്തിന്റെയും ഉദ്ഘാടനം മലനാട് യൂണിയൻ പ്രസിഡന്റ് ബിജു മാധവൻ നിർവഹിച്ചു. ശാഖാ പ്രസിഡന്റ് പ്രവീൺ വട്ടമല അധ്യക്ഷനായി.

യൂണിയൻ വൈസ് പ്രസിഡന്റ് വിധു എ. സോമൻ മുഖ്യപ്രഭാഷണം നടത്തി. ശാഖാ സെക്രട്ടറി എം.ആർ. ജയൻ, വൈസ് പ്രസിഡന്റ് മോഹനൻ പാറയ്ക്കൽ, യൂണിയൻ കമ്മിറ്റി അംഗം ഇ.എ. ഭാസ്കരൻ, വനിതാ സംഘം പ്രസിഡന്റ് രാധാമണി കൃഷ്ണൻകുട്ടി, കുമാരി സംഘം പ്രസിഡന്റ് അമോലിക സിനു എന്നിവർ സംസാരിച്ചു.

ഓഗസ്റ്റ് 18ന് വൈകിട്ട് നാലിന് ‘കസ്തൂരിരംഗൻ റിപ്പോർട്ട്: പുതുക്കിയ കരട് വിജ്ഞാപനവും മലയോരത്തിന്റെ ആശങ്കകളും’ എന്ന വിഷയത്തിൽ സെമിനാർ നടക്കും. അഖിലേന്ത്യ കിസാൻ സഭ ദേശീയ സമിതിയംഗം എം.എം. മണി ഉദ്ഘാടനം ചെയ്യും. കർഷക സംഘം സംസ്ഥാന വർക്കിങ് കമ്മിറ്റിയംഗം സി.വി. വർഗീസ് മോഡറേറ്ററാകും. മുൻ എം.പി. ജോയ്സ് ജോർജ് വിഷയം അവതരിപ്പിക്കും.

വൈകിട്ട് 6.30ന് എൻ. വാസുദേവൻ രചിച്ച ‘ആറാട്ടുപുഴ വേലായുധപ്പണിക്കർ’ എന്ന പുസ്തകം എം.എം. മണി പ്രകാശനം ചെയ്യും. കെ.എ. മണി രചിച്ച ‘ഏലവും മുല്ലപ്പെരിയാറും മലനാടിന്റെ ചരിത്രഭൂമിക’ എന്ന പുസ്തകം അഡ്വ. ജോയ്സ് ജോർജ് പ്രകാശനം ചെയ്യും.

ഓഗസ്റ്റ് 19ന് ഉച്ചയ്ക്ക് രണ്ടിന് സമ്മേളന നഗരിയിൽ അഗ്രി ഫെസ്റ്റ് എം.എം. മണി ഉദ്ഘാടനം ചെയ്യും. മുൻ മന്ത്രി റോഷി അഗസ്റ്റിൻ ആദ്യവിൽപ്പന നടത്തും. 2.30ന് നടക്കുന്ന സെമിനാർ മുൻ മന്ത്രി ഡോ. ടി.എം. തോമസ് ഐസക് ഉദ്ഘാടനം ചെയ്യും. മുൻ പ്ലാനിങ് ബോർഡംഗം ഡോ. ജിജു പി. അലക്സ് വിഷയം അവതരിപ്പിക്കും.

ഓഗസ്റ്റ് 20ന് രാവിലെ 10ന് പ്രതിനിധി സമ്മേളനം അഖിലേന്ത്യ കിസാൻസഭ കേന്ദ്ര എക്സിക്യൂട്ടീവ് കമ്മിറ്റിയംഗം കെ.എൻ. ബാലഗോപാൽ എം.എൽ.എ ഉദ്ഘാടനം ചെയ്യും. കർഷക സംഘം സംസ്ഥാന ജോയിന്റ് സെക്രട്ടറി വി.എസ്. പത്മകുമാർ സംഘടനാ റിപ്പോർട്ട് അവതരിപ്പിക്കും.

ഓഗസ്റ്റ് 21ന് വൈകിട്ട് മൂന്നിന് കട്ടപ്പന നഗരത്തിൽ 10,000 കർഷകർ അണിനിരക്കുന്ന പ്രകടനം നടക്കും. തുടർന്ന് നഗരസഭ ഓപ്പൺ സ്റ്റേഡിയത്തിൽ നടക്കുന്ന പൊതുസമ്മേളനം പ്രതിപക്ഷ നേതാവ് പിണറായി വിജയൻ ഉദ്ഘാടനം ചെയ്യും.

കെ.എൻ. ബാലഗോപാൽ, കർഷക സംഘം സംസ്ഥാന സെക്രട്ടറി വത്സൻ പനോളി, സംസ്ഥാന പ്രസിഡന്റ് എം. വിജയകുമാർ, ഗോപി കോട്ടമുറിക്കൽ, എം.എം. മണി, സി.വി. വർഗീസ്, എസ്.കെ. പ്രീജ, എൻ.വി. ബേബി, കെ.എം. രാധാകൃഷ്ണൻ, അഡ്വ. കെ.ജെ. ജോസഫ്, റോമിയോ സെബാസ്റ്റ്യൻ എന്നിവർ സംസാരിക്കും. തുടർന്ന് കലാപരിപാടികളും അരങ്ങേറും.

വിപണിയിൽ വിൽക്കുന്ന ജൈവവളങ്ങളുടെയും ജീവാണുവളങ്ങളുടെയും ഗുണനിലവാരം പരിശോധിക്കാൻ ജില്ലാ അടിസ്ഥാനത്തിലെങ്കിലും ബയോ കൺട്രോൾ ലാബുകൾ സ്ഥാപിക്കണമെന്നും ഫാ. തോമസ് മറ്റമുണ്ടയിൽ ആവശ്യപ്പെട്ടു. ഇത് കാർഷിക മേഖലയ്ക്ക് ഗുണകരമാകുന്നതിനൊപ്പം അഭ്യസ്തവിദ്യരായ യുവാക്കൾക്ക് തൊഴിലവസരങ്ങൾ സൃഷ്ടിക്കുമെന്നും അദ്ദേഹം പറഞ്ഞു. ഈ ആവശ്യവും സർക്കാർ നടപ്പാക്കുമെന്ന് മന്ത്രി ഉറപ്പുനൽകി.

ഇൻഫാം കർഷകദിനാചരണവും കിസാൻ ജെംസ് എക്സലൻസ് അവാർഡ് വിതരണവും പൊടിമറ്റം സെന്റ് മേരീസ് ഓഡിറ്റോറിയത്തിൽ ഉദ്ഘാടനം ചെയ്യുകയായിരുന്നു മന്ത്രി.

ഭക്ഷ്യസുരക്ഷ ലക്ഷ്യമിട്ട് ഇൻഫാം ആവിഷ്കരിച്ച ‘പച്ചപ്പൊലിമ’ പഞ്ചവത്സര പദ്ധതിയുമായി സഹകരിച്ച് കൃഷിവകുപ്പ് പദ്ധതികൾ ആരംഭിക്കുമെന്നും മന്ത്രി പറഞ്ഞു. സുഭിക്ഷ ഭാരതത്തിനായി സുരക്ഷിത ഭക്ഷണം ഒരുക്കാൻ ഇൻഫാം നടപ്പാക്കുന്ന പദ്ധതികൾ അഭിനന്ദനാർഹമാണെന്നും അദ്ദേഹം കൂട്ടിച്ചേർത്തു.

കാർഷിക മേഖലയിലേക്ക് പുതുതലമുറയെ ആകർഷിക്കുന്നതിനായി സ്കൂൾതലത്തിൽ കാർഷിക ക്ലബ്ബുകൾ ആരംഭിച്ചുവരികയാണ്. കൃഷിയിൽ ഏർപ്പെടുന്ന വിദ്യാർഥികൾക്ക് ഗ്രേസ് മാർക്ക് നൽകുന്ന പദ്ധതിയും കൃഷിവകുപ്പ് നടപ്പാക്കും. ഇത്തരമൊരു പദ്ധതി നടപ്പാക്കുന്ന ആദ്യ സംസ്ഥാനമായി കേരളം മാറുമെന്നും മന്ത്രി പറഞ്ഞു.

വന്യമൃഗശല്യം തടയുന്നതിനായി 192 കോടി രൂപ വനംവകുപ്പിന് കൈമാറി പദ്ധതികൾ ആവിഷ്കരിച്ച് മുന്നോട്ടുപോകുന്നതായും മന്ത്രി വ്യക്തമാക്കി.

അന്നദാതാക്കളായ കർഷകരെ ആദരിക്കേണ്ടത് സമൂഹത്തിന്റെ കടമയാണെന്ന് ചടങ്ങിൽ അധ്യക്ഷത വഹിച്ച കാഞ്ഞിരപ്പള്ളി കാർഷികജില്ലാ സഹ രക്ഷാധികാരി ഫാ. ഡോ. ജോസഫ് വെള്ളമറ്റം പറഞ്ഞു. പഠനത്തിൽ കൃഷി ഒരു വിഷയമായി പരിഗണിച്ച് വിദ്യാർഥികൾക്ക് ഗ്രേസ് മാർക്ക് നൽകാനുള്ള സർക്കാർ തീരുമാനം ശ്ലാഘനീയമാണെന്ന് ഇൻഫാം കാഞ്ഞിരപ്പള്ളി കാർഷികജില്ലാ സഹ രക്ഷാധികാരി ഫാ. ബോബി അലക്സ് മണ്ണംപ്ലാക്കൽ പറഞ്ഞു.

ഇൻഫാം കാഞ്ഞിരപ്പള്ളി കാർഷികജില്ലാ പ്രസിഡന്റ് തോമസ് തുപ്പലഞ്ഞിയിൽ, അവാർഡ് ജേതാക്കളുടെ രക്ഷിതാക്കളുടെ പ്രതിനിധി ഡെയ്സി സാബു വേങ്ങവേലിൽ, മഹിളാ സമാജ് വൈസ് പ്രസിഡന്റ് ആൻസമ്മ സാജു കൊച്ചുവീട്ടിൽ എന്നിവർ പ്രസംഗിച്ചു.

സംഘടനാംഗങ്ങളായ കർഷകരുടെ മക്കളിൽ പത്താം ക്ലാസിലും പ്ലസ്ടുവിലും എല്ലാ വിഷയങ്ങൾക്കും ഫുൾ എ പ്ലസ് നേടിയ വിദ്യാർഥികളെയാണ് ഇൻഫാം കിസാൻ ജെംസ് എക്സലൻസ് അവാർഡ് നൽകി ആദരിച്ചത്. കാഞ്ഞിരപ്പള്ളി, ഇടുക്കി, പാലാ, കോതമംഗലം, ആലപ്പുഴ, പുനലൂർ കാർഷികജില്ലകളിൽ നിന്നുള്ള 238 വിദ്യാർഥികൾക്ക് സ്വർണനാണയം, ഫലകം, മറ്റ് സമ്മാനങ്ങൾ എന്നിവ നൽകി. കുട്ടികളോടൊപ്പം അവരുടെ മാതാപിതാക്കളെയും ആദരിച്ചത് ശ്രദ്ധേയമായി.

വിവിധ കാർഷികജില്ലകളുടെ പ്രവർത്തന മികവിന് ഏർപ്പെടുത്തിയ ഇൻഫാം കിസാൻ എക്സിക്യൂട്ടീവ് എക്സലൻസ് അവാർഡുകളും വിതരണം ചെയ്തു. ഇൻഫാം അംഗങ്ങളായ കർഷകരിൽ നിന്ന് സമാഹരിച്ച കാർഷികവിളകൾ മൂല്യവർധിത ഉൽപ്പന്നങ്ങളാക്കി വിപണനം ചെയ്ത് ലഭിച്ച ലാഭത്തിന്റെ ഒരു വിഹിതം കർഷകർക്ക് നൽകുന്ന ഇൻഫാം കിസാൻ ഫെയർ ട്രേഡ് പ്രീമിയത്തിന്റെ വിതരണവും ചടങ്ങിൽ നടന്നു.

വിവിധ കലാ–കായിക മത്സരങ്ങളും ബോധവൽക്കരണ പരിപാടികളും ഉൾപ്പെടുത്തിയാണ് ഓണാഘോഷം സംഘടിപ്പിച്ചത്.

ചടങ്ങിൽ ഓണസന്ദേശം നൽകിയ ഡെപ്യൂട്ടി കളക്ടർ, മാറിവരുന്ന ജീവിതശൈലിയുടെ പശ്ചാത്തലത്തിൽ പ്രായഭേദമന്യേ എല്ലാവരും ആരോഗ്യകരമായ ജീവിതശീലങ്ങൾ പിന്തുടരേണ്ടതിന്റെ പ്രാധാന്യം ചൂണ്ടിക്കാട്ടി. ശാരീരിക ക്ഷമതയ്ക്കൊപ്പം മാനസികാരോഗ്യത്തിനും വ്യായാമത്തിനും ആരോഗ്യകരമായ ജീവിതക്രമത്തിനും പ്രാധാന്യം നൽകണമെന്നും അദ്ദേഹം പറഞ്ഞു.

സ്ത്രീകൾക്കും കുട്ടികൾക്കും ഉൾപ്പെടെ എല്ലാവർക്കും സ്വയരക്ഷാ മാർഗങ്ങളെക്കുറിച്ച് അവബോധം നൽകുക എന്ന ലക്ഷ്യത്തോടെ കളരിപ്പയറ്റ് സംഘത്തിന്റെ നേതൃത്വത്തിൽ നടന്ന അഭ്യാസപ്രകടനം പരിപാടിയുടെ പ്രധാന ആകർഷണമായി.

മികവുറ്റ കളരിപ്പയറ്റ് പ്രകടനം കാണികളുടെ ശ്രദ്ധ പിടിച്ചുപറ്റി.

അഭ്യാസപ്രകടനങ്ങൾക്ക് നേതൃത്വം നൽകിയ അഭിരാം, അരുൺ, അജിത്ത് എന്നിവരെ ഇടുക്കി ഡിവൈ.എസ്.പി മോഹൻദാസ് പൊന്നാട അണിയിച്ച് ആദരിച്ചു.

നിരവധി തവണ ദേശീയ ആം റെസ്‌ലിങ് ചാമ്പ്യനായ ജിൻസി ജോസിനെയും പരിശീലകൻ ജോസിനെയും ചടങ്ങിൽ ആദരിച്ചു. ലോക ആം റെസ്‌ലിങ് മത്സരത്തിനായി തയ്യാറെടുക്കുന്ന ബാലനന്ദയ്ക്ക് ചടങ്ങിൽ ആശംസകളും നേർന്നു.

ആരോഗ്യം, കായികക്ഷമത, സ്വയരക്ഷ എന്നിവയ്ക്ക് പ്രാധാന്യം നൽകി സംഘടിപ്പിച്ച ഓണാഘോഷം വിവിധ കലാ–കായിക മത്സരങ്ങളുടെയും ജനപങ്കാളിത്തത്തിന്റെയും മികവിൽ ശ്രദ്ധേയമായി.

https://www.facebook.com/share/v/1EcDBHdgxZ/

വിവിധ സർക്കാർ വകുപ്പുകൾ, സംഘടനകൾ, സാംസ്കാരിക കൂട്ടായ്മകൾ എന്നിവ പരിപാടികളിൽ പങ്കാളികളാകും. ജില്ലയിലെ കലാകാരന്മാർക്ക് കൂടുതൽ അവസരം നൽകുന്നതിനുള്ള പരിപാടികൾ ഉൾപ്പെടുത്താൻ നിയമസഭാ സ്പീക്കർ തിരുവഞ്ചൂർ രാധാകൃഷ്ണന്റെ അധ്യക്ഷതയിൽ കളക്ടറേറ്റിൽ ചേർന്ന യോഗം തീരുമാനിച്ചു.

അടുത്തിടെയുണ്ടായ പ്രകൃതിക്ഷോഭത്തിലും വെള്ളപ്പൊക്കത്തിലും ദുരിതമനുഭവിച്ച ജില്ലയിലെ വലിയൊരു വിഭാഗം ജനങ്ങൾ ഇപ്പോഴും പൂർണമായി കരകയറിയിട്ടില്ലാത്ത സാഹചര്യം പരിഗണിച്ച് ഓണാഘോഷം മിതമായ രീതിയിൽ സംഘടിപ്പിക്കണമെന്ന് സ്പീക്കർ നിർദേശിച്ചു.

ഓഗസ്റ്റ് 24ന് വൈകുന്നേരം സാംസ്കാരിക ഘോഷയാത്രയോടെയാണ് ആഘോഷങ്ങൾക്ക് തുടക്കമാകുക. ഓണാഘോഷത്തിന്റെ ഭാഗമായി വിവിധ മത്സരങ്ങളും സംഘടിപ്പിക്കും.

നാട്ടകം സുരേഷ് എംഎൽഎ, ജില്ലാ കളക്ടർ ചേതൻകുമാർ മീണ, ജില്ലാ പോലീസ് മേധാവി കെ.എം. സാബു മാത്യു, എ.ഡി.എം സോളി ആന്റണി, ജലവിഭവ-ഭവനനിർമാണ വകുപ്പ് മന്ത്രി മോൻസ് ജോസഫിന്റെ പ്രതിനിധി അഡ്വ. ജെയ്സൺ ജോസഫ്, കോട്ടയം ആർ.ഡി.ഒ നിജു ജേക്കബ്, തഹസിൽദാർ സിറിൽ സഞ്ജു ജോർജ്, ടൂറിസം ഡെപ്യൂട്ടി ഡയറക്ടർ റൂബി ജേക്കബ്, ടി.ടി.പി.സി സെക്രട്ടറി ആതിര സണ്ണി തുടങ്ങിയവർ യോഗത്തിൽ പങ്കെടുത്തു.

സ്വന്തം CIBIL ഉൾപ്പെടെയുള്ള ക്രെഡിറ്റ് റിപ്പോർട്ടുകൾ പരിശോധിച്ചപ്പോഴാണ് തങ്ങൾ അറിയാത്ത വായ്പാ വിവരങ്ങൾ കണ്ടെത്തിയതെന്നാണ് പരാതിക്കാർ പറയുന്നത്. വായ്പ എടുത്തിട്ടില്ലെന്ന് വ്യക്തമാക്കുന്ന ഉപഭോക്താക്കളുടെ പേരിൽ വായ്പാ അക്കൗണ്ടുകൾ ക്രെഡിറ്റ് റിപ്പോർട്ടിൽ പ്രത്യക്ഷപ്പെട്ടതായാണ് പരാതി.

കട്ടപ്പനയിലെ ശ്രീറാം ഫിനാൻസ് ശാഖയുമായി ബന്ധപ്പെട്ടും സമാന സ്വഭാവത്തിലുള്ള നിരവധി പരാതികൾ ഉയർന്നിട്ടുണ്ട്. സ്വന്തം പേരിൽ വായ്പാ അക്കൗണ്ട് രേഖപ്പെടുത്തിയതായി ക്രെഡിറ്റ് റിപ്പോർട്ടിൽ കണ്ടെത്തിയതിനെ തുടർന്ന് ചില ഇടപാടുകാർ സ്ഥാപനത്തെ സമീപിച്ച് വിശദീകരണം തേടിയതായാണ് വിവരം. എന്നാൽ പരാതികളുടെ കൃത്യമായ എണ്ണം, ഓരോ കേസിലെയും വായ്പാ തുക, അക്കൗണ്ടുകളുടെ സ്വഭാവം തുടങ്ങിയ വിവരങ്ങൾ ഔദ്യോഗികമായി പുറത്തുവന്നിട്ടില്ല.കട്ടപ്പനയ്ക്ക് പിന്നാലെ അടിമാലിയിലും സമാന പ്രശ്നവുമായി ഇടപാടുകാർ ശ്രീറാം ഫിനാൻസ് ഓഫീസിലെത്തിയതായാണ് വിവരം. തങ്ങളുടെ പേരിൽ ക്രെഡിറ്റ് റിപ്പോർട്ടിൽ കാണുന്ന വായ്പാ വിവരങ്ങളെക്കുറിച്ച് വ്യക്തത തേടിയാണ് ഇടപാടുകാർ ഓഫീസിലെത്തിയത്. ഇത്തരം പരാതികളിൽ സ്ഥാപനത്തിന്റെ ഭാഗത്തുനിന്ന് സാങ്കേതിക പ്രശ്നം മൂലമാകാം ക്രെഡിറ്റ് റിപ്പോർട്ടിൽ തെറ്റായ വിവരങ്ങൾ പ്രത്യക്ഷപ്പെട്ടതെന്ന വിശദീകരണം ലഭിച്ചതായി ചില പരാതിക്കാർ പറയുന്നു. എന്നാൽ വായ്പയെടുക്കാത്ത ഉപഭോക്താക്കളുടെ പേരിൽ വായ്പാ വിവരങ്ങൾ ക്രെഡിറ്റ് റിപ്പോർട്ടുകളിൽ എത്തിയത് എങ്ങനെയെന്നതിൽ വ്യക്തത ആവശ്യമാണ്.

വയനാട്ടിലും ശ്രീറാം ഫിനാൻസുമായി ബന്ധപ്പെട്ട് സമാന പരാതി ഉയർന്നിരുന്നു. ഒരു ഉപഭോക്താവിന്റെ പേരിൽ 6.75 ലക്ഷം രൂപയുടെ ഗോൾഡ് ലോൺ രേഖപ്പെടുത്തിയതായി പരാതി ഉയർന്നതോടെയാണ് വിഷയം ശ്രദ്ധ നേടിയത്. താൻ ഇത്തരമൊരു വായ്പ എടുത്തിട്ടില്ലെന്നും ക്രെഡിറ്റ് റിപ്പോർട്ട് പരിശോധിച്ചപ്പോഴാണ് വായ്പാ വിവരങ്ങൾ ശ്രദ്ധയിൽപ്പെട്ടതെന്നുമായിരുന്നു പരാതി.രാജ്യത്തിന്റെ വിവിധ ഭാഗങ്ങളിലും ശ്രീറാം ഫിനാൻസിന്റെ പേരിൽ തങ്ങൾ എടുക്കാത്ത വായ്പകൾ ക്രെഡിറ്റ് റിപ്പോർട്ടിൽ പ്രത്യക്ഷപ്പെട്ടതായി ഉപഭോക്തൃ പരാതികൾ ഓൺലൈനിൽ ഉയർന്നിട്ടുണ്ട്. ഓരോ കേസിനും പിന്നിലെ കാരണം ഒന്നാണെന്ന് നിലവിൽ സ്ഥിരീകരിച്ചിട്ടില്ലെങ്കിലും സമാന സ്വഭാവത്തിലുള്ള പരാതികൾ ഉയരുന്ന സാഹചര്യത്തിൽ വിഷയം കൂടുതൽ പരിശോധനയ്ക്ക് വിധേയമാകുകയാണ്.

ഒരു വ്യക്തിയുടെ പേരിൽ തെറ്റായ വായ്പാ വിവരങ്ങൾ രേഖപ്പെടുന്നത് സാധാരണ ഡാറ്റാ എൻട്രി പിഴവായി മാത്രം കാണാനാകില്ല. വായ്പാ അക്കൗണ്ടിനൊപ്പം കുടിശ്ശികയോ തിരിച്ചടവ് വീഴ്ചയോ റിപ്പോർട്ട് ചെയ്യപ്പെട്ടാൽ ഉപഭോക്താവിന്റെ ക്രെഡിറ്റ് ചരിത്രത്തെ അത് ബാധിച്ചേക്കാം. ഭാവിയിൽ ബാങ്ക് വായ്പ, വാഹനവായ്പ, ഭവനവായ്പ, ക്രെഡിറ്റ് കാർഡ് തുടങ്ങിയ സാമ്പത്തിക സേവനങ്ങൾ ലഭിക്കുന്നതിനെയും തെറ്റായ വിവരങ്ങൾ ബാധിക്കാൻ സാധ്യതയുണ്ട്.

ഇത്തരം സാഹചര്യത്തിൽ പ്രശ്നത്തിന്റെ വ്യാപ്തി സംബന്ധിച്ച വ്യക്തമായ കണക്കുകൾ പുറത്തുവരേണ്ടതുണ്ട്. കട്ടപ്പനയിലും അടിമാലിയിലും എത്ര ഉപഭോക്താക്കളെയാണ് പ്രശ്നം ബാധിച്ചത്, എത്ര വായ്പാ അക്കൗണ്ടുകളാണ് തെറ്റായി ക്രെഡിറ്റ് റിപ്പോർട്ടുകളിൽ പ്രത്യക്ഷപ്പെട്ടത്, എത്ര പേരുടെ ക്രെഡിറ്റ് സ്കോറിനെ ഇത് ബാധിച്ചു, എത്ര അക്കൗണ്ടുകൾ ഇതിനകം തിരുത്തി തുടങ്ങിയ വിവരങ്ങൾ വ്യക്തമാകേണ്ടതുണ്ട്.

ശ്രീറാം ഫിനാൻസിന്റെ ഔദ്യോഗിക grievance redressal സംവിധാനത്തിൽ ക്രെഡിറ്റ് ഇൻഫർമേഷൻ റിപ്പോർട്ടുമായി ബന്ധപ്പെട്ട പരാതികൾക്കുള്ള നടപടിക്രമം വ്യക്തമാക്കിയിട്ടുണ്ട്. ഇത്തരം പരാതികൾക്ക് 30 ദിവസത്തിനകം മറുപടി നൽകുമെന്നും പരിഹാരം ലഭിക്കാത്ത സാഹചര്യത്തിൽ RBI CMS വഴി പരാതി നൽകാമെന്നും കമ്പനി വ്യക്തമാക്കുന്നു.

അതേസമയം, പരാതികളിൽ വസ്തുതയുണ്ടെങ്കിൽ ഉപഭോക്താക്കളുടെ ക്രെഡിറ്റ് രേഖകൾ അടിയന്തരമായി തിരുത്തുകയും തെറ്റായ വിവരങ്ങൾ ക്രെഡിറ്റ് ബ്യൂറോകളിലേക്ക് എത്താനിടയായ സാഹചര്യം പരിശോധിക്കുകയും ചെയ്യേണ്ടതുണ്ട്.സ്വന്തം പേരിൽ അറിയാത്ത വായ്പാ അക്കൗണ്ടുകളുണ്ടോ എന്ന് ഉപഭോക്താക്കൾ ക്രെഡിറ്റ് റിപ്പോർട്ട് പരിശോധിക്കുന്നതും ആവശ്യമാണ്. അത്തരം വിവരങ്ങൾ കണ്ടെത്തിയാൽ ക്രെഡിറ്റ് റിപ്പോർട്ടിന്റെ പകർപ്പ് സൂക്ഷിച്ച് ബന്ധപ്പെട്ട ധനകാര്യ സ്ഥാപനത്തിനും ക്രെഡിറ്റ് ബ്യൂറോയ്ക്കും പരാതി നൽകണം.കട്ടപ്പനയിലും അടിമാലിയിലും പരാതിയുമായി ഇടപാടുകാർ രംഗത്തെത്തിയ സാഹചര്യത്തിൽ, ക്രെഡിറ്റ് റിപ്പോർട്ടുകളിൽ തങ്ങൾ എടുത്തിട്ടില്ലാത്ത വായ്പകൾ എങ്ങനെ രേഖപ്പെട്ടു എന്നതിൽ വ്യക്തമായ വിശദീകരണമാണ് ഇനി പുറത്തുവരേണ്ടത്. സാങ്കേതിക പിഴവാണെങ്കിൽ പോലും അതിന്റെ വ്യാപ്തിയും ബാധിക്കപ്പെട്ട ഉപഭോക്താക്കളുടെ എണ്ണവും പരിഹരിച്ച നടപടികളും വ്യക്തമാക്കേണ്ടത് അനിവാര്യമാണ്.

— കൂടുതൽ വിവരങ്ങൾ ലഭിക്കുന്ന മുറയ്ക്ക് വാർത്ത അപ്ഡേറ്റ് ചെയ്യും —

നാടിനെ നടുക്കിയ പ്രളയദുരന്തത്തിന്റെ ഘട്ടത്തിൽ സ്വന്തം ജീവൻ പോലും തൃണവൽഗണിച്ച് രക്ഷാപ്രവർത്തനങ്ങളിലും ജീവകാരുണ്യ പ്രവർത്തനങ്ങളിലും സജീവമായി പങ്കാളികളായതിനാണ് സംഘടനയെ ആദരിച്ചത്.

ഈരാറ്റുപേട്ട ബ്ലോക്ക് പഞ്ചായത്ത് പ്രസിഡന്റ് ജോയ് സ്‌കറിയ, ബ്ലോക്ക് പഞ്ചായത്ത് മെമ്പർ പ്രേംജി ആർ, തലപ്പലം ഗ്രാമപഞ്ചായത്ത് പ്രസിഡന്റ് ജോമി ബെന്നി എന്നിവരിൽ നിന്ന് ടീം റെസ്ക്യൂ ഫോഴ്സ് കേരളയെ പ്രതിനിധീകരിച്ച് രക്ഷാധികാരി ഡിജു സെബാസ്റ്റ്യൻ, പ്രസിഡന്റ് നൗഷാദ് വെള്ളൂപ്പറമ്പിൽ, ജനറൽ സെക്രട്ടറി ആരിഫ് വാഴയിൽ എന്നിവർ ചേർന്ന് ആദരം ഏറ്റുവാങ്ങി.

തിങ്കളാഴ്ച ഉച്ചയോടെയായിരുന്നു അപകടം. ഭാര്യ ലതികയ്ക്കൊപ്പം കട്ടപ്പനയിലേക്ക് പോകുന്നതിനിടെയാണ് അപകടമുണ്ടായത്. അപകടത്തിൽ ലതികയുടെ കൈയ്ക്കും കാലിനും പരിക്കേറ്റു.

മരിച്ച ബിനീഷിന്റെ മൃതദേഹം ഇടുക്കി മെഡിക്കൽ കോളേജ് ആശുപത്രിയിലേക്ക് മാറ്റി.

ക്യാമ്പസിൽ നടന്ന ചടങ്ങിൽ കോളേജ് പ്രിൻസിപ്പൽ റവ. ഡോ. റെജി വറുഗീസ് ദേശീയപതാക ഉയർത്തി. വൈസ് പ്രിൻസിപ്പൽ പ്രൊഫ. എബ്രഹാം കെ. എം. സ്വാതന്ത്ര്യദിന സന്ദേശം നൽകി.

ആഘോഷങ്ങളുടെ ഭാഗമായി രാജ്യത്തിന്റെയും ജനങ്ങളുടെയും സുരക്ഷയ്ക്കായി അർപ്പണബോധത്തോടെ പ്രവർത്തിക്കുന്ന പോലീസ് ഉദ്യോഗസ്ഥരെ എൻ.എസ്.എസ് യൂണിറ്റിന്റെ നേതൃത്വത്തിൽ ആദരിച്ചു. കൃതജ്ഞതയുടെയും ആദരവിന്റെയും ഭാഗമായി വോളണ്ടിയർമാർ കുമളി പോലീസ് സ്റ്റേഷനിലെ ഉദ്യോഗസ്ഥർക്ക് ഉപഹാരങ്ങൾ കൈമാറി.

എൻ.എസ്.എസ് പ്രോഗ്രാം ഓഫീസർ സി. ഷിൻസി, വിവിധ വകുപ്പുകളിലെ അധ്യാപകർ, എൻ.എസ്.എസ് വോളണ്ടിയർമാരായ ശ്രീജേഷ്, ബോറൽ എന്നിവർ പരിപാടികൾക്ക് നേതൃത്വം നൽകി. കോളേജിലെ അധ്യാപകരും വിദ്യാർത്ഥികളും ചടങ്ങിൽ പങ്കെടുത്തു.

ആയിലിക്കുന്നേൽ ബിൽഡിങ്ങിൽ ആരംഭിച്ച സ്ഥാപനത്തിന്റെ ഉദ്ഘാടനം ഇടുക്കി എം.എൽ.എ റോയ് കെ. പൗലോസ് നിർവഹിച്ചു.

ഇന്ന്  രാവിലെ നടന്ന ചടങ്ങിൽ സെന്റ് ജോർജ് ചർച്ച് വാഴത്തോപ്പ് വികാരി റവ. ഫാ. ടോമി ലൂക്ക ആനിക്കുഴിക്കാട്ടിൽ വെഞ്ചരിപ്പ് കർമ്മം നിർവഹിച്ചു.

ചടങ്ങിൽ ബ്ലോക്ക് പഞ്ചായത്ത് പ്രസിഡന്റ് സാന്ദ്രമോൾ ജിന്നി, ഇടുക്കി ജില്ലാ പഞ്ചായത്ത് പൊതുമരാമത്ത്–ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ഫ്രാൻസീസ് അറയ്ക്കപ്പറമ്പിൽ, വാഴത്തോപ്പ് ഗ്രാമപഞ്ചായത്ത് പ്രസിഡന്റ് ആൻസി തോമസ്, ബ്ലോക്ക് പഞ്ചായത്ത് വൈസ് പ്രസിഡന്റ് എ.പി. ഉസ്മാൻ, ഇടുക്കി ബ്ലോക്ക് പഞ്ചായത്ത് അംഗം വിജി കണ്ണൻ, കെ.വി.വി.വി.ഇ.എസ് പ്രസിഡന്റ് ജോസ് കുഴിക്കണ്ടം, കെ.വി.വി.എസ് പ്രസിഡന്റ് സാജൻ കുന്നേൽ, വാഴത്തോപ്പ് ഗ്രാമപഞ്ചായത്ത് അംഗങ്ങളായ റ്റി.ഇ. നൗഷാദ്, സിബി തകരപ്പറമ്പിൽ, റോമിയോ സെബാസ്റ്റ്യൻ, കെജെ മാണി തുടങ്ങിയവർ ചടങ്ങിൽ സന്നിഹിതരായിരുന്നു .

ആധുനിക സൗന്ദര്യപരിചരണ സേവനങ്ങൾ മികച്ച നിലവാരത്തിൽ ലഭ്യമാക്കുന്നതിനൊപ്പം ഉപഭോക്താക്കൾക്ക് പുതുമയാർന്ന അനുഭവം സമ്മാനിക്കുകയാണ് സ്ഥാപനത്തിന്റെ ലക്ഷ്യം. ചെറുതോണിയിലും സമീപപ്രദേശങ്ങളിലുമുള്ള ഉപഭോക്താക്കൾക്ക് ഗുണമേന്മയുള്ള സൗന്ദര്യപരിചരണ സേവനങ്ങൾ ലഭ്യമാക്കാൻ പുതിയ സംരംഭത്തിന് കഴിയുമെന്ന പ്രതീക്ഷയിലാണ് മാനേജ്മെന്റും ജീവനക്കാരും.

യൂ ഷൈൻ ബ്യൂട്ടി ഹബ്, ആയിലിക്കുന്നേൽ ബിൽഡിങ്, ചെറുതോണി.ബന്ധപ്പെടാൻ: 75589 11615

ഇരട്ടയാർ പഞ്ചായത്തിലെ മികച്ച സമ്മിശ്ര സംരംഭകനുള്ള അംഗീകാരം നേടിയ സോമു സാബുവിന്റെ പുരയിടം ഇന്ന് വൈവിധ്യമാർന്ന കാർഷിക പ്രവർത്തനങ്ങളുടെ മാതൃകയാണ്.

പച്ചക്കറി കൃഷിക്കൊപ്പം മൃഗപരിപാലനം, പശുവളർത്തൽ, പാലുൽപന്നങ്ങളുടെ വിതരണം, ഏലം കൃഷി, കാപ്പി കൃഷി തുടങ്ങി നിരവധി മേഖലകളാണ് സോമു സാബു തന്റെ കൃഷിയിടത്തിൽ ഏകോപിപ്പിച്ചിരിക്കുന്നത്. ഇതിനൊപ്പം പുരയിടത്തിൽ ലഭിക്കുന്ന ചക്കയെ പാഴാക്കാതെ വിവിധ മൂല്യവർധിത ഉൽപ്പന്നങ്ങളാക്കി മാറ്റുന്നതും സംരംഭത്തിന്റെ പ്രത്യേകതയാണ്.

ഒരു വിളയെ മാത്രം ആശ്രയിക്കുന്ന പരമ്പരാഗത കൃഷിരീതിയിൽ നിന്ന് മാറി, കൃഷിയെയും മൃഗപരിപാലനത്തെയും മൂല്യവർധിത ഉൽപ്പന്നങ്ങളെയും വിപണനത്തെയും പരസ്പരം ബന്ധിപ്പിച്ചാണ് സോമു സാബുവിന്റെ കാർഷിക മാതൃക മുന്നോട്ട് പോകുന്നത്. ഇതുവഴി വീട്ടിലെ ആവശ്യങ്ങൾ നിറവേറ്റുന്നതിനൊപ്പം അധിക വരുമാനം കണ്ടെത്താനും സാധിക്കുന്നു.

കൃഷിയിടത്തിലെ ഓരോ വിഭവവും പരമാവധി പ്രയോജനപ്പെടുത്തുക എന്നതാണ് ഈ യുവകർഷകന്റെ സമീപനം. മണ്ണിൽ വിളയുന്ന ഉൽപ്പന്നം മുതൽ മൃഗപരിപാലനത്തിലൂടെ ലഭിക്കുന്ന ഉൽപ്പന്നങ്ങൾ വരെ വിവിധ തലങ്ങളിൽ വരുമാനമാക്കി മാറ്റുകയാണ് സോമു സാബു.“കൃഷി നഷ്ടത്തിന്റെ മേഖലയല്ല; ശാസ്ത്രീയമായും സംരംഭകത്വപരമായും സമീപിച്ചാൽ മികച്ച വരുമാനം നേടാൻ കഴിയുന്ന മേഖലയാണ്” എന്ന സന്ദേശമാണ് സോമു സാബുവിന്റെ ജീവിതവും കൃഷിയിടവും നൽകുന്നത്.

കർഷകരെ ആദരിക്കുകയും കാർഷികമേഖലയെ പുതുതലമുറയ്ക്ക് കൂടുതൽ ആകർഷകമാക്കുകയും ചെയ്യേണ്ട ചിങ്ങം ഒന്നിൽ, സ്വന്തം പുരയിടത്തെ തന്നെ ഒരു സമ്മിശ്ര കാർഷിക സംരംഭമാക്കി മാറ്റിയ സോമു സാബുവിന്റെ വിജയഗാഥ ഏറെ പ്രസക്തമാണ്.കൃഷിയെ സ്നേഹിക്കുന്നവർക്ക് പ്രചോദനവും പുതുതലമുറയ്ക്ക് മാതൃകയുമാകുകയാണ് ഇടിഞ്ഞമലയിലെ ഈ യുവകർഷക.

ചിങ്ങം ഒന്നിൽ സോമു സാബുവിന് അഭിനന്ദനങ്ങൾ…കൃഷിയിലൂടെ സ്വയംപര്യാപ്തതയിലേക്ക് ഒരു കുടുംബം,സമ്മിശ്ര കൃഷിയിലൂടെ വിജയത്തിലേക്ക് ഒരു യുവകർഷക.

ഡി.വൈ.എഫ്.ഐ സംസ്ഥാന ജോയിന്റ് സെക്രട്ടറി രമേഷ് കൃഷ്ണൻ ക്യാമ്പയിൻ ഉദ്ഘാടനം ചെയ്തു. ബ്ലോക്ക് പ്രസിഡന്റ് എം. ശിവകുമാർ അധ്യക്ഷത വഹിച്ചു.

ബ്ലോക്ക് സെക്രട്ടറി നിയാസ് അബു, ജില്ലാ കമ്മിറ്റിയംഗം ആതിര ശ്രീകുമാർ, നേതാക്കളായ സെബിൻ തോമസ്, ലിജോ ജോസ്, ഇ. ബെഞ്ചമിൻ എന്നിവർ സംസാരിച്ചു. വിദ്യാഭ്യാസ മേഖലയിലെ പ്രശ്നങ്ങൾക്കും യുവാക്കൾ നേരിടുന്ന തൊഴിൽ പ്രതിസന്ധികൾക്കും പരിഹാരം കാണാൻ ശക്തമായ യുവജന ഇടപെടൽ ആവശ്യമാണെന്ന് നേതാക്കൾ പറഞ്ഞു.

കട്ടപ്പന മേരികുളം സ്വദേശിയായ 45കാരനാണ് കേസിൽ പ്രതിയായത്. പിതാവിന്റെ നിരപരാധിത്വം തെളിയിക്കാൻ ഭാര്യയാണ് നിയമപോരാട്ടത്തിൽ മുന്നിട്ടിറങ്ങിയത്. കേസിനെ തുടർന്ന് 18 മാസം ജയിലിൽ കഴിയേണ്ടിവന്ന പിതാവ് കടുത്ത മാനസിക വ്യഥയും അനുഭവിച്ചു.

മകളുടെ പ്രണയബന്ധവും കാമുകനുമായുള്ള നിരന്തരമായ ഫോൺവിളികളും പിതാവ് ചോദ്യം ചെയ്തതാണ് സംഭവങ്ങൾക്ക് തുടക്കമിട്ടത്. ഇതിൽ പ്രകോപിതയായ പെൺകുട്ടി പിതാവിൽനിന്ന് പീഡനത്തിനിരയായെന്നാരോപിച്ച് പരാതി നൽകുകയായിരുന്നു. കാമുകന്റെ അങ്കണവാടി ജീവനക്കാരിയായ മാതാവ് മുഖേനയാണ് ചൈൽഡ് ലൈനിൽ പരാതി നൽകിയത്.

ചൈൽഡ് ലൈൻ വിവരം ഉപ്പുതറ പൊലീസിന് കൈമാറിയതിനെ തുടർന്ന് പൊലീസ് പിതാവിനെ അറസ്റ്റ് ചെയ്ത് റിമാൻഡ് ചെയ്തു. കോടതിയിലും പെൺകുട്ടി പിതാവിനെതിരെ മൊഴി നൽകി. ജാമ്യാപേക്ഷ നൽകിയെങ്കിലും നിരസിക്കപ്പെട്ടതോടെ റിമാൻഡിൽ തുടരുകയായിരുന്നു.

ഇതിനിടെ പിതാവ് ജയിലിൽ കഴിയുമ്പോൾ പെൺകുട്ടിയെ കാണുന്നതിനായി കാമുകൻ രാത്രിയിൽ വീട്ടിലെത്തിയത് നാട്ടുകാർ പിടികൂടി പൊലീസിൽ ഏൽപ്പിക്കുകയും ചെയ്തു. പിന്നീട് പെൺകുട്ടിക്ക് 18 വയസ് പൂർത്തിയായതോടെ കാമുകനൊപ്പം പോകുകയും ചെയ്തു.

കാമുകനുമായുള്ള ബന്ധത്തെ പിതാവ് എതിർത്തതും വഴക്കുപറഞ്ഞതുമാണ് പരാതിക്ക് കാരണമെന്ന വാദം അംഗീകരിച്ചാണ് കട്ടപ്പന ഫാസ്റ്റ് ട്രാക്ക് സ്പെഷ്യൽ കോടതി ജഡ്ജി ജി.ആർ. ബിൽകുൽ പിതാവിനെ കേസിൽനിന്ന് വെറുതേ വിട്ടത്.

ചിങ്ങം ഒന്ന് മലയാളിയുടെ കലണ്ടറിലെ ഒരു തീയതി മാത്രമല്ല; മണ്ണിനോടുള്ള ആദരവിന്റെയും അധ്വാനത്തോടുള്ള നന്ദിയുടെയും പുതിയ തുടക്കത്തിന്റെയും പ്രതീകമാണ്. അതുകൊണ്ടുതന്നെയാണ് ചിങ്ങം ഒന്ന് കേരളത്തിൽ കർഷകദിനമായി ആചരിക്കുന്നത്. ഓരോ കൃഷിഭൂമിയിലും വിയർപ്പൊഴുക്കി നാടിന്റെ അന്നം ഉറപ്പാക്കുന്ന കർഷകരെ ആദരിക്കാനും അവരുടെ സംഭാവനകൾ സമൂഹത്തിന്റെ മുന്നിൽ ഉയർത്തിക്കാട്ടാനുമുള്ള അവസരമാണ് കർഷകദിനം. സംസ്ഥാനത്ത് ചിങ്ങം ഒന്നിനോടനുബന്ധിച്ച് മികച്ച കർഷകരെ ആദരിക്കുന്ന പരിപാടികൾ ഉൾപ്പെടെ വിവിധ കാർഷിക പ്രവർത്തനങ്ങൾ സംഘടിപ്പിക്കാറുണ്ട്.

കർഷകനാണ് നാടിന്റെ കരുത്ത്

ഒരു വിത്ത് മണ്ണിൽ വീഴുന്നതുമുതൽ അത് വിളയായി മാറി നമ്മുടെ തീൻമേശയിലെത്തുന്നതുവരെ കർഷകന്റെ അധ്വാനത്തിന്റെ നീണ്ട കഥയുണ്ട്. മഴയെ കാത്തും വെയിലിനെ അതിജീവിച്ചും വിപണിയിലെ അനിശ്ചിതത്വങ്ങളോട് പോരാടിയും കൃഷിയെ ജീവനായി കാണുന്ന മനുഷ്യരാണ് നമ്മുടെ ഭക്ഷ്യസുരക്ഷയുടെ കാവൽക്കാർ.

കാലാവസ്ഥാ വ്യതിയാനം, ഉൽപ്പാദനച്ചെലവിലെ വർധന, തൊഴിലാളി ക്ഷാമം, വന്യമൃഗശല്യം, വിപണിയിലെ വിലവ്യതിയാനം തുടങ്ങി നിരവധി വെല്ലുവിളികൾക്കിടയിലും കൃഷിയെ ചേർത്തുപിടിക്കുന്ന കർഷകരുടെ ആത്മവിശ്വാസമാണ് കേരളത്തിന്റെ കാർഷിക മേഖലയുടെ ഏറ്റവും വലിയ ശക്തി.

ഇന്ന് കൃഷി പരമ്പരാഗത രീതികളിൽ മാത്രം ഒതുങ്ങുന്നില്ല. ശാസ്ത്രീയ കൃഷിരീതികളും സാങ്കേതികവിദ്യയും മൂല്യവർധിത ഉൽപ്പന്നങ്ങളും കുടുംബകൃഷിയും വിദ്യാലയ കാർഷിക പ്രവർത്തനങ്ങളും പുതുതലമുറയെ വീണ്ടും മണ്ണിനോട് അടുപ്പിക്കുകയാണ്. 2026-ൽ കൃഷിവകുപ്പ് വിദ്യാലയ കാർഷിക ക്ലബ്ബുകൾ, കുടുംബകൃഷി, കുട്ടി കർഷകരെ പ്രോത്സാഹിപ്പിക്കൽ തുടങ്ങിയ പ്രവർത്തനങ്ങൾക്കും ഊന്നൽ നൽകുന്നുണ്ട്.

ചിങ്ങം വരുമ്പോൾ ഓണവും വരുന്നു

ചിങ്ങപ്പുലരി എത്തുന്നതോടെ കേരളത്തിന്റെ മനസ്സിൽ ഓണത്തിന്റെ കാൽച്ചുവടുകളും കേൾക്കാം. പൂക്കളത്തിന്റെ നിറങ്ങളും ഓണക്കോടിയുടെ പുതുമയും നാടൻ വിഭവങ്ങളുടെ മണവും ഒത്തുചേരുന്ന മലയാളിയുടെ ദേശീയോത്സവത്തിന്റെ വരവറിയിക്കുന്ന മാസം കൂടിയാണ് ചിങ്ങം.

കൃഷിയുമായി ഓണത്തിനുള്ള ബന്ധവും അത്രമേൽ ആഴത്തിലുള്ളതാണ്. വിളവെടുപ്പിന്റെ സന്തോഷവും സമൃദ്ധിയുടെ പ്രതീക്ഷയും പങ്കുവെക്കുന്ന ആഘോഷമാണ് ഓണം. അതിനാൽ തന്നെ ചിങ്ങം ഒന്നിന്റെ സന്ദേശം “സമൃദ്ധി എല്ലാവരിലേക്കും എത്തട്ടെ” എന്ന വലിയ ആശയത്തിലേക്ക് വളരുന്നു.

കർഷകന്റെ ഉൽപ്പന്നങ്ങൾക്ക് ന്യായമായ വിലയും ഉപഭോക്താവിന് ഗുണമേന്മയുള്ള ഭക്ഷണവും ഉറപ്പാക്കാനുള്ള ശ്രമങ്ങൾക്കും ഓണക്കാലത്ത് പ്രത്യേക പ്രാധാന്യമുണ്ട്. കർഷകച്ചന്തകൾ ഉൾപ്പെടെയുള്ള ഇടപെടലുകൾ ഇതിന്റെ ഭാഗമാണ്.

പുതുവർഷം നൽകുന്ന ഓർമ്മപ്പെടുത്തൽ

ചിങ്ങം നമ്മെ ഓർമ്മിപ്പിക്കുന്നത് ഒരു പ്രധാന സത്യമാണ് — മണ്ണിനെ സംരക്ഷിച്ചാൽ മാത്രമേ മനുഷ്യന്റെ ഭാവിയെ സംരക്ഷിക്കാനാകൂ.

നഗരവൽക്കരണത്തിന്റെ വേഗത്തിലും മാറുന്ന ജീവിതശൈലിയിലും കൃഷിയിടങ്ങൾ കുറയുമ്പോഴും, ഒരു ചെറിയ അടുക്കളത്തോട്ടത്തിൽ പോലും പച്ചക്കറി വളർത്തുന്നത് വലിയൊരു സന്ദേശമാണ്. ഒരു വിത്ത് നടുന്നത് പ്രകൃതിയുമായി നടത്തുന്ന ഒരു കരാറുപോലെയാണ്; അത് വരും തലമുറയ്ക്കായി നാം സൂക്ഷിക്കുന്ന പ്രതീക്ഷ കൂടിയാണ്.

ഈ ചിങ്ങപ്പുലരിയിൽ കർഷകനെ ആദരിക്കാം. മണ്ണിനെ സ്നേഹിക്കാം. നാട്ടിൻപുറത്തിന്റെ കാർഷിക പാരമ്പര്യത്തെ സംരക്ഷിക്കാം. സ്വന്തം വീട്ടുവളപ്പിൽ ഒരു തൈയെങ്കിലും നട്ടുവളർത്താം.

മണ്ണിൽ വിത്തിടുന്ന കൈകളിലാണ് നാടിന്റെ നാളെയുടെ സമൃദ്ധി.

ആ കൈകളെ ആദരിച്ചുകൊണ്ട് നമുക്ക് ചിങ്ങത്തെ വരവേൽക്കാം.

ചിങ്ങം ഒന്ന് — പുതുവർഷത്തിന്റെ തുടക്കമെന്നതിലുപരി, മണ്ണിനും മനുഷ്യനും പ്രകൃതിക്കും നൽകുന്ന ഒരു പുതുപ്രതിജ്ഞയാകട്ടെ.

എല്ലാ മലയാളികൾക്കും ഹൃദയം നിറഞ്ഞ ചിങ്ങപ്പുലരി ആശംസകൾ.

കർഷകദിനാശംസകൾ! 🌾🌿

മൃതസംസ്കാര ശുശ്രൂഷയുടെ സമയവും മറ്റ് വിവരങ്ങളും പിന്നീട് അറിയിക്കുന്നതാണ്.

പണം നൽകാത്തതിനെച്ചൊല്ലിയുള്ള വൈരാഗ്യമാണ് കൊലപാതകത്തിന് കാരണമെന്നാണ് പൊലീസിന്റെ പ്രാഥമിക നിഗമനം. പ്രതി ലഹരിക്ക് അടിമയായിരുന്നുവെന്നും പൊലീസ് പറയുന്നു. നേരത്തെയും ബന്ധുക്കൾ ഇടപെട്ട് അജീഷിനെ ലഹരിവിമുക്ത ചികിത്സയ്ക്കായി കേന്ദ്രത്തിൽ പ്രവേശിപ്പിച്ചിരുന്നു.

കൊലപാതകത്തിന് പിന്നാലെ പ്രതി പൊലീസിന് നൽകിയ മൊഴിയും ഞെട്ടിക്കുന്നതാണ്. “ദൈവം വിളിച്ചതുകൊണ്ട് അച്ഛനെയും അമ്മയെയും സ്വർഗത്തിലേക്ക് അയച്ചു” എന്ന വിചിത്ര മൊഴിയാണ് അജീഷ് നൽകിയതെന്നാണ് പൊലീസ് പറയുന്നത്.

കഴിഞ്ഞ ദിവസം രാത്രി 9.30ഓടെയാണ് നാടിനെ നടുക്കിയ ക്രൂരമായ ഇരട്ടക്കൊലപാതകം നടന്നത്. കിടപ്പുമുറിയിൽ വച്ച് വത്സമ്മയുടെ കഴുത്തിൽ കുത്തിയാണ് കൊലപ്പെടുത്തിയത്. ആന്റണിയുടെ വയറ്റിലും നെഞ്ചിലും മാരകമായി കുത്തേറ്റിരുന്നു. വത്സമ്മയ്ക്കും നെഞ്ചിൽ കുത്തേറ്റിട്ടുണ്ട്.

ഇരുവരുടെയും മരണം ഉറപ്പാക്കിയശേഷം മൃതദേഹങ്ങളുടെ ദൃശ്യങ്ങൾ മൊബൈൽ ഫോണിൽ പകർത്തി വിദേശത്തുള്ള ബന്ധുവായ വൈദികന് അയച്ചതായും പൊലീസ് കണ്ടെത്തിയിട്ടുണ്ട്.

പ്രതിയെ കസ്റ്റഡിയിൽ വാങ്ങിയശേഷം കൊലപാതകത്തിലേക്ക് നയിച്ച സാഹചര്യങ്ങൾ, ഉപയോഗിച്ച ആയുധം, ലഹരി ഉപയോഗം, കൊലപാതകത്തിന് മുമ്പും ശേഷവും നടന്ന കാര്യങ്ങൾ എന്നിവയിൽ കൂടുതൽ അന്വേഷണം നടത്തും.

ഇൻഫാം കാർഷികജില്ല സഹരക്ഷാധികാരിയും രൂപതാ മുഖ്യ വികാരി ജനറാളുമായ ഫാ. ജോസഫ് വെള്ളമറ്റം അധ്യക്ഷത വഹിക്കും. ഇൻഫാം ദേശീയ ചെയർമാൻ ഫാ. തോമസ് മറ്റമുണ്ടയിൽ ആമുഖപ്രഭാഷണം നടത്തും. ഇൻഫാം കാഞ്ഞിരപ്പള്ളി കാർഷികജില്ല സഹരക്ഷാധികാരിയും രൂപതാ വികാരി ജനറാളുമായ ഫാ. ബോബി അലക്സ് മണ്ണംപ്ലാക്കൽ അനുമോദന പ്രസംഗം നടത്തും.

ഇൻഫാം കാഞ്ഞിരപ്പള്ളി കാർഷികജില്ല പ്രസിഡന്റ് തോമസ് തുപ്പലഞ്ഞിയിൽ, അവാർഡ് ജേതാക്കളുടെ രക്ഷിതാക്കളുടെ പ്രതിനിധി ഡെയ്സി സാബു വേങ്ങവേലിൽ, മഹിളാസമാജം വൈസ് പ്രസിഡന്റ് ആൻസമ്മ സാജു കൊച്ചുവീട്ടിൽ എന്നിവർ പ്രസംഗിക്കും.

സംഘടനാംഗങ്ങളായ കർഷകരുടെ മക്കളിൽ പത്താം ക്ലാസിലും പ്ലസ് ടുവിലും എല്ലാ വിഷയങ്ങൾക്കും ഫുൾ എ പ്ലസ് നേടിയ വിദ്യാർഥികളെയും അവരുടെ മാതാപിതാക്കളെയുമാണ് ഇൻഫാം കിസാൻ ജെംസ് എക്സലൻസ് അവാർഡ് നൽകി ആദരിക്കുന്നത്. കാഞ്ഞിരപ്പള്ളി, ഇടുക്കി, പാലാ, കോതമംഗലം, ആലപ്പുഴ, പുനലൂർ കാർഷികജില്ലകളിൽ നിന്നുള്ള 225 വിദ്യാർഥികൾക്ക് സ്വർണനാണയം, ഫലകം, മറ്റ് സമ്മാനങ്ങൾ എന്നിവ സമ്മാനിക്കും.

വിവിധ കാർഷികജില്ലകളുടെ പ്രവർത്തന മികവിന് ഇൻഫാം ഏർപ്പെടുത്തിയ അവാർഡുകളും ചടങ്ങിൽ കൃഷിമന്ത്രി ടി. സിദ്ദിഖ് വിതരണം ചെയ്യും.

വിവിധ കാർഷികജില്ലകളിലെ ഭാരവാഹികളും ഡയറക്ടർമാരും ഉൾപ്പെടെ നാലായിരത്തിലധികം പേർ പരിപാടിയിൽ പങ്കെടുക്കും.

ചോറ്റുപാറയിലെ ‘ലസി റിട്രീറ്റ്’ റിസോർട്ടിൽ താമസിക്കാനെത്തിയ അഞ്ചംഗ സംഘത്തിലെ അംഗമായിരുന്നു പ്രത്യാശ്. ശനിയാഴ്ചയാണ് സഹപാഠികളും സുഹൃത്തുക്കളുമായ അഞ്ചംഗ സംഘം റിസോർട്ടിൽ മുറിയെടുത്തത്.

ഞായറാഴ്ച രാവിലെ 9.45ഓടെ സമീപത്തെ തോട്ടിൽ കുളിക്കാനിറങ്ങിയ പ്രത്യാശ് വെള്ളത്തിൽ താഴുകയായിരുന്നു. വിവരമറിഞ്ഞ് വാഗമൺ പോലീസും ഫയർഫോഴ്സും പ്രദേശവാസികളും ചേർന്ന് നടത്തിയ തിരച്ചിലിലാണ് യുവാവിനെ പുറത്തെടുത്തത്. എന്നാൽ ജീവൻ രക്ഷിക്കാനായില്ല.

മൃതശരീരം പോസ്റ്റ്മോർട്ടം നടപടികൾക്കായി കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി. സംഭവത്തിൽ വാഗമൺ പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.

നിയന്ത്രണം വിട്ട കാർ റോഡിൽനിന്ന് താഴ്ചയിലേക്ക് മറിഞ്ഞ് വീടിന്റെ ആസ്ബറ്റോസ് മേൽക്കൂരയിലേക്ക് തലകീഴായി പതിക്കുകയായിരുന്നു. കാറിന്റെ ശക്തമായ ഇടിയുടെ ആഘാതത്തിൽ വീടിന്റെ മേൽക്കൂര പൂർണമായും തകർന്നു.

മേൽക്കൂരയിലെ ആസ്ബറ്റോസ് ഷീറ്റുകൾ തകർന്നുവീണാണ് വീട്ടമ്മയുടെ തലയ്ക്ക് പരിക്കേറ്റത്. അപകടത്തിൽ കാറിലുണ്ടായിരുന്ന യാത്രക്കാർക്കും പരിക്കേറ്റു.

അപകടവിവരമറിഞ്ഞ് നാട്ടുകാർ ഉൾപ്പെടെയുള്ളവർ സ്ഥലത്തെത്തി രക്ഷാപ്രവർത്തനം നടത്തി. പരിക്കേറ്റവരെ ഉടൻ സമീപത്തെ ആശുപത്രിയിൽ പ്രവേശിപ്പിച്ചു.

പോലീസ് സ്റ്റേഷനുകളിൽ സബ് ഇൻസ്‌പെക്ടർമാരെ വീണ്ടും സ്റ്റേഷൻ ഹൗസ് ഓഫീസർമാരായി നിയമിക്കുന്നതിന്റെ ഭാഗമായാണ് കൃഷ്ണപ്രിയയ്ക്ക് മൂന്നാർ സ്റ്റേഷന്റെ പൂർണ ചുമതല ലഭിച്ചത്. സംസ്ഥാനത്തെ പ്രധാന വിനോദസഞ്ചാര കേന്ദ്രങ്ങളിലൊന്നായ മൂന്നാറിൽ വനിതാ എസ്.എച്ച്.ഒ ചുമതലയേൽക്കുന്നത് ഇതാദ്യമായാണ്.

ചുരുങ്ങിയ സർവീസ് കാലയളവിൽ നിർണായക ചുമതല

2024 ബാച്ച് സബ് ഇൻസ്‌പെക്ടറായ കൃഷ്ണപ്രിയ പരിശീലനത്തിന് ശേഷം കണ്ണൂർ ജില്ലയിൽ സേവനമനുഷ്ഠിച്ചിരുന്നു. ഏകദേശം ഒരു മാസം മുൻപാണ് മൂന്നാർ സ്റ്റേഷനിൽ എത്തിയത്. സ്റ്റേഷനിലെ പ്രിൻസിപ്പൽ എസ്.ഐ സ്ഥലം മാറിയതിനെ തുടർന്ന് കൃഷ്ണപ്രിയയുടെ സേവന മികവും പ്രവർത്തന പരിചയവും പരിഗണിച്ചാണ് എസ്.എച്ച്.ഒയുടെ ചുമതല ഏൽപ്പിച്ചത്.

കട്ടപ്പന നരിയംപാറ പഴയങ്ങാടി സ്വദേശികളായ എം.പി. ഉണ്ണി–സുമ ദമ്പതികളുടെ മൂത്ത മകളാണ് കൃഷ്ണപ്രിയ. ചെറുപ്പം മുതൽ തന്നെ സിവിൽ സർവീസിലും പോലീസ് സേനയിലും താൽപര്യമുണ്ടായിരുന്ന ഇവർ കഠിനാധ്വാനത്തിലൂടെയാണ് പോലീസ് സേനയിൽ സബ് ഇൻസ്‌പെക്ടർ പദവിയിലെത്തിയത്. കേന്ദ്ര പൊതുമരാമത്ത് വകുപ്പ് ഉദ്യോഗസ്ഥനായ അനന്ദുദാസാണ് ഭർത്താവ്.

വെല്ലുവിളികൾ നിറഞ്ഞ മൂന്നാർ

ജില്ലയിൽ ഏറ്റവും കൂടുതൽ പരാതികളും വിവിധ തരത്തിലുള്ള കേസുകളും റിപ്പോർട്ട് ചെയ്യപ്പെടുന്ന പോലീസ് സ്റ്റേഷനുകളിലൊന്നാണ് മൂന്നാർ. തോട്ടം തൊഴിലാളികളുടെ പ്രശ്‌നങ്ങൾ, ഭൂമി-അതിർത്തി തർക്കങ്ങൾ, ഗതാഗതക്കുരുക്ക്, വിനോദസഞ്ചാരികളുടെ സുരക്ഷ, ലഹരി ഉപയോഗവും കടത്തും തുടങ്ങിയ നിരവധി വിഷയങ്ങളാണ് മൂന്നാർ പോലീസിന് മുന്നിലുള്ളത്.

പ്രതിദിനം ആയിരക്കണക്കിന് വിനോദസഞ്ചാരികൾ എത്തുന്ന മൂന്നാറിൽ ക്രമസമാധാനം ഉറപ്പാക്കുന്നതിനൊപ്പം സഞ്ചാരികളുടെ സുരക്ഷയും ഗതാഗത നിയന്ത്രണവും പ്രധാന ഉത്തരവാദിത്തങ്ങളാണ്. വിദേശികളടക്കമുള്ള വിനോദസഞ്ചാരികളുടെ സാന്നിധ്യം കൂടിയ മേഖല എന്ന നിലയിലും മൂന്നാർ പോലീസ് സ്റ്റേഷന്റെ ചുമതലയ്ക്ക് പ്രത്യേക പ്രാധാന്യമുണ്ട്.

സുരക്ഷയ്ക്കും ലഹരിവിരുദ്ധ നടപടികൾക്കും മുൻഗണന

മൂന്നാറിലെത്തുന്ന സഞ്ചാരികൾക്ക് സുരക്ഷിതമായ അന്തരീക്ഷം ഉറപ്പാക്കുന്നതിനും ഗതാഗതക്കുരുക്ക് നിയന്ത്രിക്കുന്നതിനും തോട്ടം മേഖലയിൽ സമാധാനം നിലനിർത്തുന്നതിനുമാണ് പ്രഥമ പരിഗണനയെന്ന് കൃഷ്ണപ്രിയ വ്യക്തമാക്കി. ലഹരി വസ്തുക്കളുടെ ഉപയോഗത്തിനും വിതരണത്തിനുമെതിരെ ശക്തമായ നടപടികൾ സ്വീകരിക്കുമെന്നും അവർ അറിയിച്ചു.

പോലീസ് സ്റ്റേഷനിലെത്തുന്ന സാധാരണക്കാരുടെ പരാതികൾക്ക് സമയബന്ധിതമായി പരിഹാരം കാണുന്നതിനും പ്രത്യേകിച്ച് സ്ത്രീകൾക്ക് സൗഹൃദപരമായ പോലീസ് സേവനം ഉറപ്പാക്കുന്നതിനും ശ്രദ്ധ നൽകും. ഹൈറേഞ്ചിന്റെ ഭൂപ്രകൃതിയും സവിശേഷ സാഹചര്യങ്ങളും മനസ്സിലാക്കി ജനങ്ങളുമായി ചേർന്ന് പ്രവർത്തിക്കുന്ന പോലീസ് സംവിധാനമാണ് ലക്ഷ്യമെന്നും കൃഷ്ണപ്രിയ പറയുന്നു.

യുവതികൾക്ക് പ്രചോദനമായി ‘പെൺപുലി’

വെല്ലുവിളികൾ ഏറെയുള്ള ഹൈറേഞ്ചിലെ പ്രധാന പോലീസ് സ്റ്റേഷന്റെ തലപ്പത്ത് ഒരു യുവ വനിതാ ഓഫീസർ എത്തിയത് സ്ത്രീകൾക്ക് പുതിയ ആത്മവിശ്വാസം നൽകുന്ന നീക്കമായാണ് വിലയിരുത്തപ്പെടുന്നത്.

നിശ്ചയദാർഢ്യത്തോടെയും കാര്യക്ഷമതയോടെയും ചുമതല ഏറ്റെടുത്ത കൃഷ്ണപ്രിയ ഉണ്ണിക്ക് മുന്നിൽ മൂന്നാറിന്റെ ക്രമസമാധാന രംഗത്ത് വലിയ ഉത്തരവാദിത്തങ്ങളാണ് ഇനി. മൂന്നാറിന്റെ ചരിത്രത്തിൽ പുതിയൊരു അധ്യായത്തിന് തുടക്കം കുറിച്ച ഈ ‘പെൺപുലി’യുടെ പ്രവർത്തനങ്ങൾക്കായി ഉറ്റുനോക്കുകയാണ് നാട്ടുകാരും വിനോദസഞ്ചാര മേഖലയിലുള്ളവരും.

കോട്ടയം കറുകച്ചാൽ സ്വദേശിയായ റെജി എം. കുന്നിപ്പറമ്പൻ 2003-ൽ സബ് ഇൻസ്‌പെക്ടറായി കേരള പോലീസിൽ ഔദ്യോഗിക സേവനം ആരംഭിച്ചു. തുടർന്ന് കേരള പോലീസിന്റെ വിവിധ വിഭാഗങ്ങളിൽ ശ്രദ്ധേയമായ സേവനം അനുഷ്ഠിച്ചു. സെൻട്രൽ ബ്യൂറോ ഓഫ് ഇൻവെസ്റ്റിഗേഷനിൽ (സി.ബി.ഐ) പോലീസ് ഇൻസ്‌പെക്ടറായി ഡെപ്യൂട്ടേഷനിലും അദ്ദേഹം പ്രവർത്തിച്ചിട്ടുണ്ട്.

ദീർഘകാലത്തെ സ്തുത്യർഹ സേവനത്തിന് ഗുഡ് സർവീസ് എൻട്രികളും പ്രശംസാപത്രങ്ങളും ഉൾപ്പെടെ 130-ഓളം റിവാർഡുകൾ റെജി എം. കുന്നിപ്പറമ്പന് ലഭിച്ചിട്ടുണ്ട്.

സേവന മികവിനുള്ള രാഷ്ട്രപതിയുടെ പോലീസ് മെഡൽ ലഭിച്ചതോടെ കട്ടപ്പന പോലീസിനും ഇടുക്കി ജില്ലയ്ക്കും അഭിമാനമായി മാറിയിരിക്കുകയാണ് റെജി എം. കുന്നിപ്പറമ്പന്റെ നേട്ടം.

മെഡലിന് അർഹരായവർ:

സബ് ഇൻസ്പെക്ടർ: ഷാജികുമാർ വി.കെ. — മൂന്നാർ

അസിസ്റ്റന്റ് സബ് ഇൻസ്പെക്ടർമാർ: സനൽകുമാർ എച്ച്. — ദേവികുളം, വിജയാനന്ദ് സോമൻ — കരിമണൽ, മഞ്ജു സി.വി. — കട്ടപ്പന, നിസാർ പി.പി. — കൺട്രോൾ റൂം, ഇടുക്കി

സീനിയർ സിവിൽ പൊലീസ് ഓഫീസർമാർ: ജോസഫ് വി.എം. — കട്ടപ്പന, അനൂപ് എം.എസ്. — കട്ടപ്പന, ഷാജഹാൻ എ. — കുളമാവ്, ശിവകുമാർ വി. — തൊടുപുഴ സി.ആർ.വി., വിനീത് വി. — സ്പെഷ്യൽ ബ്രാഞ്ച്, സുനീഷ് കുമാർ വി.വി. — കട്ടപ്പന

സിവിൽ പൊലീസ് ഓഫീസർ: ധന്യ മോഹനൻ — ഇടുക്കി ഡി.എച്ച്.ക്യു.

പൊലീസ് ആസ്ഥാനത്തെ ഐജി ഹർഷിത അത്തല്ലൂരിയാണ് ഇതുസംബന്ധിച്ച ഉത്തരവ് പുറപ്പെടുവിച്ചത്. നിലവിൽ സംസ്ഥാനത്തെ പൊലീസ് സേനയ്ക്ക് പൊതുവായ യൂണിഫോം കോഡാണ് നിലവിലുള്ളത്. ഗർഭകാലത്ത് സാധാരണ പാന്റ്സും ഷർട്ടും ധരിക്കുന്നതുമൂലം ഉണ്ടാകുന്ന ശാരീരിക ബുദ്ധിമുട്ടുകൾ സംബന്ധിച്ച് വനിതാ പൊലീസുകാരിൽനിന്ന് നിരവധി പരാതികൾ ഉയർന്നിരുന്നു.

ഇതിന്റെ പശ്ചാത്തലത്തിലാണ് ഗർഭിണികളായ വനിതാ പൊലീസുകാർക്ക് കൂടുതൽ സൗകര്യപ്രദമായ വേഷം അനുവദിച്ച് യൂണിഫോം പരിഷ്കരിച്ചത്. പുതിയ ഉത്തരവ് പ്രകാരം ഗർഭകാലത്ത് ജോലിക്കെത്തുന്ന വനിതാ പൊലീസുകാർക്ക് കാക്കി സൽവാർ കമ്മീസ്, ഷാൾ, സാൻഡൽ എന്നിവ ധരിക്കാം. നടപടി ഗർഭിണികളായ പൊലീസ് ഉദ്യോഗസ്ഥർക്ക് ഡ്യൂട്ടി നിർവഹിക്കുന്നതിനുള്ള സൗകര്യം വർധിപ്പിക്കുമെന്നാണ് വിലയിരുത്തൽ.

പെൺകുട്ടി ലൈംഗികാതിക്രമത്തിന് ഇരയായതായി പോസ്റ്റ്മോർട്ടം പരിശോധനയിൽ കണ്ടെത്തിയതിനെ തുടർന്നാണ് പോലീസ് നടപടി. കഴിഞ്ഞ ഞായറാഴ്ചയാണ് പെൺകുട്ടിയെ വീട്ടിനുള്ളിൽ ആത്മഹത്യ ചെയ്ത നിലയിൽ കണ്ടെത്തിയത്. തുടർന്ന് ഇടുക്കി മെഡിക്കൽ കോളജിൽ നടത്തിയ പോസ്റ്റ്മോർട്ടം പരിശോധനയിലാണ് ലൈംഗികാതിക്രമം നടന്നതായി വ്യക്തമായത്.

തുടർന്ന് സംശയനിഴലിലായിരുന്ന അഭിരാജനെ പോലീസ് കസ്റ്റഡിയിലെടുത്ത് ചോദ്യം ചെയ്തു. പെൺകുട്ടിയുടെ പിതാവിന്റെ മുൻ ഡ്രൈവറായിരുന്ന അഭിരാജനുമായി കുട്ടിക്ക് പരിചയമുണ്ടായിരുന്നതായി പോലീസ് പറഞ്ഞു. ഈ പരിചയം പിന്നീട് അടുപ്പമായി മാറുകയും വിവിധ സ്ഥലങ്ങളിൽ എത്തിച്ച് പെൺകുട്ടിയെ ലൈംഗികാതിക്രമത്തിന് ഇരയാക്കിയതായും പോലീസ് അറിയിച്ചു.

അഭിരാജനുമായുള്ള ബന്ധത്തെ പിതാവ് ചോദ്യം ചെയ്തതിനെ തുടർന്ന് പെൺകുട്ടി നേരത്തെ കുമളി പോലീസിൽ പരാതി നൽകിയിരുന്നു. തുടർന്ന് ഇരുവിഭാഗങ്ങളെയും വിളിച്ചുവരുത്തി സംസാരിച്ച ശേഷം പെൺകുട്ടിയെ അമ്മയോടൊപ്പം അയച്ചിരുന്നു.

കഴിഞ്ഞ വെള്ളിയാഴ്ച സ്കൂളിൽവച്ച് ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് പെൺകുട്ടി വീണ്ടും പിതാവിന്റെ അടുത്തേക്ക് മടങ്ങിയെത്തുകയായിരുന്നു. ഇതിന് പിന്നാലെയാണ് ആത്മഹത്യ ചെയ്തത്.

ആത്മഹത്യയ്ക്ക് പിന്നിൽ മറ്റാരുടെയെങ്കിലും പ്രേരണയോ സമ്മർദമോ ഉണ്ടായിട്ടുണ്ടോയെന്നും പോലീസ് അന്വേഷിക്കുന്നുണ്ട്. അറസ്റ്റിലായ അഭിരാജനെ കോടതിയിൽ ഹാജരാക്കി റിമാൻഡ് ചെയ്തു. സംഭവത്തിൽ ചൈൽഡ് ലൈനും അന്വേഷണം ആരംഭിച്ചിട്ടുണ്ട്.

നേരത്തെ പള്ളിക്കത്തോട് സി.ഐയും നിലവിൽ മലപ്പുറം ജില്ലാ ക്രൈം റെക്കോർഡ്സ് ബ്യൂറോ ഡി.വൈ.എസ്.പിയുമായ കെ.പി. ടോംസൺ ഷെബിനെ കഞ്ചാവുമായി പിടികൂടിയിരുന്നു. അന്ന് പോലീസുദ്യോഗസ്ഥനോട് കഞ്ചാവിന്റെ ഔഷധഗുണങ്ങളെക്കുറിച്ച് ഷെബിൻ വിശദീകരിക്കുന്ന വീഡിയോ സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു.

ആ കേസിൽ ജാമ്യത്തിലിറങ്ങിയ ശേഷം ഷെബിൻ വീണ്ടും കഞ്ചാവ് വിൽപ്പന നടത്തുന്നതായി ജില്ലാ പോലീസ് മേധാവി കെ.എം. സാബു മാത്യുവിന് രഹസ്യവിവരം ലഭിച്ചു. തുടർന്ന് നാർക്കോട്ടിക് സെൽ ഡി.വൈ.എസ്.പി. യു. ശ്രീജിത്തിന്റെ നേതൃത്വത്തിലുള്ള ലഹരിവിരുദ്ധ സംഘം ഇയാളെ നിരീക്ഷിച്ചുവരികയായിരുന്നു.

വിൽപ്പനയ്ക്കായി കഞ്ചാവുമായി എത്തിയപ്പോഴാണ് പോലീസ് സംഘം ഷെബിനെ പിടികൂടിയത്. ഇയാൾക്ക് കഞ്ചാവ് ലഭിച്ച ഉറവിടം കണ്ടെത്തുന്നതിനായി അന്വേഷണം ആരംഭിച്ചതായി പോലീസ് അറിയിച്ചു.

ഡ്രൈ ഡേ നിയമങ്ങളും മദ്യവിൽപ്പനയ്ക്കുള്ള സമയപരിധിയും കർശനമായി പാലിക്കണമെന്ന നിർദേശം നിലനിൽക്കെയാണ് സ്വാതന്ത്ര്യദിനത്തിൽ പുലർച്ചെ മുതൽ ബാറിൽ മദ്യവിൽപ്പന നടന്നതായി എക്സൈസിന് വിവരം ലഭിച്ചത്. രഹസ്യവിവരത്തിന്റെ അടിസ്ഥാനത്തിൽ നടത്തിയ മിന്നൽ പരിശോധനയിലാണ് നിയമലംഘനം കണ്ടെത്തിയത്.

തുടർന്നാണ് ബാറിന്റെ പ്രവർത്തനം നിർത്തിവെക്കുകയും ലൈസൻസ് താൽക്കാലികമായി റദ്ദാക്കുകയും ചെയ്തത്. കോട്ടയം ജില്ലയിലെ വിവിധ ബാറുകളിൽ പുലർച്ചെ മുതൽ മദ്യവിൽപ്പന നടക്കുന്നതായി വിവരം ലഭിച്ചിട്ടുണ്ടെന്നും നിയമലംഘനങ്ങൾക്കെതിരെ കർശന നടപടി സ്വീകരിക്കുമെന്നും എക്സൈസ് മന്ത്രി എം. ലിജു കഴിഞ്ഞ ദിവസം വ്യക്തമാക്കിയിരുന്നു.

സമയക്രമം പാലിക്കാതെ പ്രവർത്തിക്കുന്ന ബാറുകൾക്കെതിരെ വരും ദിവസങ്ങളിലും പരിശോധനയും നടപടിയും ശക്തമാക്കാനാണ് എക്സൈസ് വകുപ്പിന്റെ തീരുമാനം.

പുതിയ തലമുറയിൽനിന്ന് ഉയർന്നുവരുന്ന ആശാവഹമായ പ്രതികരണങ്ങൾ ശുഭോദർക്കമായി കാണാമെന്നും ജസ്റ്റിസ് സിറിയക് ജോസഫ് പറഞ്ഞു.

യാക്കോബായ സുറിയാനി സഭ സുന്നഹദോസ് സെക്രട്ടറി ഡോ. തോമസ് മാർ തീമോത്തിയോസ് മെത്രാപ്പോലീത്ത സെമിനാർ ഉദ്ഘാടനം ചെയ്തു. ബിഷപ് മാണി ഫൗണ്ടേഷൻ ചെയർമാൻ എം.എം. ഫിലിപ്പ് അധ്യക്ഷത വഹിച്ചു.

ഫൗണ്ടേഷൻ സെക്രട്ടറി ജോർജ് വർഗീസ്, കോളജ് പ്രിൻസിപ്പൽ ഡോ. ജോർജ് ജോസഫ്, വൈസ് പ്രിൻസിപ്പൽ ജെയ്സി കരിങ്ങാട്ടിൽ, ബർസാർ കോശി ഏബ്രഹാം, റവ. രാജു ജേക്കബ്, റവ. ജേക്കബ് ജോൺസൺ, വൈസ് പ്രസിഡന്റ് ഡോ. അശോക് അലക്സ് ഫിലിപ്പ്, എം.വി. റോയി, കുര്യൻ ദാനിയേൽ എന്നിവർ പ്രസംഗിച്ചു.

യുവജനങ്ങളുടെ പ്രശ്നങ്ങൾ ചർച്ച ചെയ്യുന്നതിനും സാമൂഹിക വിഷയങ്ങളിൽ യുവതലമുറയുടെ ഇടപെടൽ ശക്തിപ്പെടുത്തുന്നതിനും ലക്ഷ്യമിട്ടായിരുന്നു പരിപാടി. ഭരണഘടന സംരക്ഷണം, ജനാധിപത്യ മൂല്യങ്ങൾ, യുവജനങ്ങളുടെ സാമൂഹിക ഉത്തരവാദിത്വം തുടങ്ങിയ വിഷയങ്ങൾ പരിപാടിയിൽ ചർച്ചയായി.

നേതാക്കളായ വി.ആർ.ശശി, അനീഷ് മുതുകുന്നേൽ,ആനന്ദ് വിളയിൽ,എൻ അരുൺ ,സി .എസ്. അജേഷ്, കെ.ജെ. ജോയിസ്, സനീഷ് മോഹനൻ, ആശ ആന്റണി ,ഷാൻ വി ഡി ,CS മനു , വിപിൻ മൂലമറ്റം തുടങ്ങിയവർ സംസാരിച്ചു..CPI മുതിർന്ന നേതാക്കളും AIYF പ്രവർത്തകരും യുവജനങ്ങളും സന്നിഹിതരായിരുന്നു.

തുടർന്ന് ഉച്ചയ്ക്ക് 3 മണിക്ക് ഭവനത്തിൽ സംസ്കാര ശുശ്രൂഷകൾ ആരംഭിക്കും. ശുശ്രൂഷകൾക്ക് ശേഷം മൃതദേഹങ്ങൾ എഴുകുംവയൽ നിത്യസഹായദേവാലയ സെമിത്തേരിയിൽ സംസ്കരിക്കും.

ക്ലബ്ബ് പ്രസിഡന്റ് സോണിയ ഷാജി അധ്യക്ഷത വഹിച്ച പരിപാടി നഗരസഭാ കൗൺസിലർ ഷാജി കൂത്തോടി ഉദ്ഘാടനം ചെയ്തു. അംഗൻവാടിയിലേക്ക് ആവശ്യമായ ഉപകരണങ്ങളും കുട്ടികൾക്കുള്ള കളിപ്പാട്ടങ്ങളും ചടങ്ങിൽ വിതരണം ചെയ്തു.

ക്ലബ്ബ് സെക്രട്ടറി അന്ന ജെറിൻ, ട്രഷറർ റോസ് ജോസകുട്ടി, ഡോ. നന്ദന വണ്ടാനത്ത്, അനറ്റ് കൊല്ലംകുടി, സിനി ജയ്മോൻ, ശ്രീജ ബേസിൽ, രമ്യ അരുൺ, സെയ ജിന്റോ, അനിത അനൂപ്, ലേഖ അജേഷ്, അംഗൻവാടി അധ്യാപിക ലതിക എന്നിവർ പരിപാടികൾക്ക് നേതൃത്വം നൽകി.

വിദ്യാർത്ഥികൾ ആഗ്രഹിക്കുന്ന തൊഴിൽമേഖലയിലെ ഭാവി വ്യക്തിത്വത്തെ ദൃശ്യവൽക്കരിച്ച് അതിനായി വ്യക്തമായ പ്രവർത്തനപദ്ധതി തയ്യാറാക്കുകയാണ് കരിയർ സെൽഫിയുടെയും വിഷ്വലൈസേഷൻ കാർഡിന്റെയും ലക്ഷ്യം. ഇതിനായി ഒരുക്കിയ കരിയർ സെൽഫി പോയിന്റിൽ വിദ്യാർത്ഥികൾ തങ്ങൾ ലക്ഷ്യമിടുന്ന തൊഴിൽമേഖലയുമായി ബന്ധപ്പെട്ട വേഷവിധാനങ്ങളും ഉപകരണങ്ങളും ഉപയോഗിച്ച് ചിത്രങ്ങൾ പകർത്തുന്നു. ‘ഫ്യൂച്ചർ ലോയർ’, ‘ഫ്യൂച്ചർ ഡോക്ടർ’, ‘ഫ്യൂച്ചർ ഓട്ടോമൊബൈൽ മെക്കാനിക്ക്’, ‘ഫ്യൂച്ചർ പോസ്റ്റ് ഗ്രാജുവേറ്റ്’ തുടങ്ങിയ ആശയങ്ങളിലൂടെയാണ് വിദ്യാർത്ഥികൾ തങ്ങളുടെ കരിയർ ലക്ഷ്യങ്ങൾ ദൃശ്യവൽക്കരിക്കുന്നത്.

ഓരോ വിദ്യാർത്ഥിക്കും നൽകുന്ന കരിയർ വിഷ്വലൈസേഷൻ കാർഡ് വ്യക്തിഗത കരിയർ മാർഗരേഖയായാണ് തയ്യാറാക്കിയിരിക്കുന്നത്. ഭാവി കരിയർ ലക്ഷ്യം, ലക്ഷ്യം കൈവരിക്കേണ്ട പ്രായം, ആറുഘട്ട കരിയർപാത, പഠനമികവ്, മത്സരപരീക്ഷകൾ, ഉന്നതപഠന സാധ്യതകൾ, നൈപുണ്യ വികസനം, ആവശ്യമായ യോഗ്യതകൾ, വ്യക്തിഗത പ്രവർത്തനപദ്ധതി, പഠനശീലങ്ങൾ, ആത്മപ്രതിജ്ഞ, സ്വയംവിലയിരുത്തൽ തുടങ്ങിയവ കാർഡിൽ ഉൾപ്പെടുത്തിയിട്ടുണ്ട്. സെൽഫിയും വിഷ്വലൈസേഷൻ കാർഡും പഠനമുറിയിലോ വ്യക്തിഗത ഡയറിയിലോ സൂക്ഷിച്ച് നിരന്തരം കാണുന്നതിലൂടെ കരിയർ സ്വപ്നങ്ങളെ പ്രവർത്തനാധിഷ്ഠിത ലക്ഷ്യങ്ങളാക്കി മാറ്റുകയാണ് പദ്ധതിയുടെ ഉദ്ദേശ്യം.

വിദ്യാർത്ഥികളുടെ വ്യക്തിത്വ വികസനം ലക്ഷ്യമിട്ട് ‘ഐ ലൈവ്’ എന്ന പേരിൽ ലൈഫ് സ്കിൽ വികസന പരിപാടിയും നടപ്പാക്കുന്നു. ആശയവിനിമയശേഷി, ആത്മവിശ്വാസം, തീരുമാനമെടുക്കാനുള്ള കഴിവ്, പ്രശ്നപരിഹാരശേഷി, നേതൃത്വപാടവം, സമയനിയന്ത്രണം തുടങ്ങിയ ജീവിതനൈപുണ്യങ്ങൾ വികസിപ്പിക്കുന്നതിനാണ് പദ്ധതിയിൽ പ്രാധാന്യം നൽകുന്നത്.

ഡിജിറ്റൽ ഉപകരണങ്ങളുടെ ഉപയോഗം ക്രിയാത്മകമാക്കുന്നതിനായി ‘ഡിജിറ്റൽ ചലഞ്ച്’ പദ്ധതിക്കും തുടക്കമായി. മൊബൈൽ ഫോണിലും മറ്റ് ഡിജിറ്റൽ ഉപകരണങ്ങളിലും ചെലവഴിക്കുന്ന സമയം നിയന്ത്രിച്ച് പഠനം, വായന, നൈപുണ്യ വികസനം, സ്വയംവികസന പ്രവർത്തനങ്ങൾ എന്നിവയ്ക്കായി സമയം വിനിയോഗിക്കാൻ വിദ്യാർത്ഥികളെ പ്രോത്സാഹിപ്പിക്കുന്നതാണ് പദ്ധതി.

കരിയർ ഗൈഡൻസ് ക്ലബ്ബിന്റെ നേതൃത്വത്തിൽ വിദ്യാർത്ഥികളുടെ അഭിരുചിയും കഴിവും തിരിച്ചറിയുന്നതിനായി ആപ്റ്റിറ്റ്യൂഡ് ടെസ്റ്റുകളും കരിയർ കൗൺസലിംഗും സംഘടിപ്പിക്കുന്നുണ്ട്. വ്യക്തിഗത താൽപര്യങ്ങൾക്കും കഴിവുകൾക്കും അനുയോജ്യമായ പഠന-തൊഴിൽ മേഖല തിരഞ്ഞെടുക്കുന്നതിനും കരിയർ ലക്ഷ്യങ്ങൾ രൂപപ്പെടുത്തുന്നതിനും ഇതിലൂടെ മാർഗനിർദേശം നൽകും.

പദ്ധതികളുടെ ഉദ്ഘാടനം സംഘടിപ്പിച്ച ചടങ്ങിൽ സ്കൂൾ മാനേജർ മോൺസിഞ്ഞോർ അബ്രഹാം പുറയാറ്റ് അധ്യക്ഷത വഹിച്ചു. ഇടുക്കി രൂപത കോർപ്പറേറ്റ് എജ്യുക്കേഷൻ ഏജൻസി സെക്രട്ടറി റവ. ഡോ. ജോർജ് തകടിയേൽ ഉദ്ഘാടനം നിർവഹിച്ചു. സ്കൂൾ പ്രിൻസിപ്പൽ ജിജി ജോർജ്, ജില്ലാ എംപ്ലോയ്മെന്റ് ഓഫീസർ റെക്സ് തോമസ് ഇ., ഹെഡ്മിസ്ട്രസ് വിൻസി സെബാസ്റ്റ്യൻ, പി.ടി.എ. പ്രസിഡന്റ് ബെന്നി ജോസഫ്, എം.പി.ടി.എ. പ്രസിഡന്റ് വിജിത ലിജോ എന്നിവർ സംസാരിച്ചു.

കരിയർ ഗൈഡ് ദീപക് ജോസഫ്, ബോട്ടണി അധ്യാപകൻ ജോയൽ ജോസ്, സ്റ്റാഫ് സെക്രട്ടറി ജോബി മാത്യു എന്നിവർ പദ്ധതികൾക്ക് നേതൃത്വം നൽകി.

34 വർഷത്തെ പോലീസ് സേവനപരിചയമുള്ള അദ്ദേഹം വിവിധ ചുമതലകളിൽ പ്രവർത്തിച്ച ശേഷമാണ് വണ്ടൻമേട് പോലീസ് സ്റ്റേഷന്റെ ചുമതലയേറ്റെടുക്കുന്നത്.

സ്കൂളിലെ ജൂനിയർ റെഡ് ക്രോസ് (JRC) യൂണിറ്റിന്റെ നേതൃത്വത്തിൽ സ്വാതന്ത്ര്യദിന പരേഡും സംഘടിപ്പിച്ചു. ദേശഭക്തിഗാനങ്ങൾ, പ്രതിജ്ഞ, വിവിധ കലാപരിപാടികൾ എന്നിവ ആഘോഷത്തിന് മാറ്റുകൂട്ടി.

അധ്യാപകർ, വിദ്യാർത്ഥികൾ, രക്ഷിതാക്കൾ എന്നിവർ ചടങ്ങിൽ പങ്കെടുത്തു. വിദ്യാർത്ഥികളിൽ ദേശീയബോധവും ദേശസ്നേഹവും വളർത്തുന്നതിനുള്ള പ്രചോദനമായി മാറിയ സ്വാതന്ത്ര്യദിനാഘോഷം ശ്രദ്ധേയമായി.

മതേതര മൂല്യങ്ങളെ സംരക്ഷിച്ച് മുന്നോട്ടുപോകുമ്പോഴാണ് ജനാധിപത്യത്തിന് കൂടുതൽ ശോഭയേകാൻ കഴിയുന്നതെന്ന് മന്ത്രി പറഞ്ഞു. സ്വാതന്ത്ര്യം, ജനാധിപത്യം, മതേതരത്വം എന്നിവ കണ്ണിലെ കൃഷ്ണമണിപോലെ സംരക്ഷിക്കുകയെന്ന ഉത്തരവാദിത്വമാണ് ഇന്നത്തെ സാമൂഹിക-രാഷ്ട്രീയ പശ്ചാത്തലത്തിൽ ഓരോ പൗരനുമുള്ളത്.

ഭാരതത്തിനൊപ്പം സ്വാതന്ത്ര്യം നേടിയ പല രാജ്യങ്ങളും പിന്നീട് പട്ടാള അട്ടിമറികളിലേക്കും അരാജകത്വത്തിലേക്കും നീങ്ങിയപ്പോൾ ജനാധിപത്യ മൂല്യങ്ങളെ ശക്തമായി നിലനിർത്തിയത് രാജ്യത്തിന്റെ ഭരണഘടനയാണെന്നും മന്ത്രി പറഞ്ഞു.

രാജ്യത്തിന്റെ 80-ാം സ്വാതന്ത്ര്യദിനം ആഘോഷിക്കുന്ന വേളയിൽ സ്വാതന്ത്ര്യവും ജനാധിപത്യവും നേടിത്തരുന്നതിനായി ജീവത്യാഗം ചെയ്ത ആയിരക്കണക്കിന് സാധാരണക്കാരെയും സ്വാതന്ത്ര്യസമരത്തിന് നേതൃത്വം നൽകിയ പോരാളികളെയും സ്മരിക്കണം. മഹാത്മാഗാന്ധി ഉൾപ്പെടെ രാജ്യത്തിനായി ജീവിതം സമർപ്പിച്ചവരുടെ ത്യാഗപൂർണമായ ജീവിതവും അവർ പടുത്തുയർത്തിയ മൂല്യങ്ങളും ഓർമിക്കണമെന്നും മന്ത്രി പറഞ്ഞു.

സംസ്ഥാന സർക്കാർ പുതുയുഗപ്പിറവി ലക്ഷ്യമിട്ട് നൂതന ആശയങ്ങളും പദ്ധതികളുമാണ് ഏകോപിപ്പിക്കുന്നതെന്നും മന്ത്രി പറഞ്ഞു. പ്രിയദർശിനി സൗജന്യ യാത്ര പോലുള്ള ഫ്ലാഗ്ഷിപ്പ് പദ്ധതികൾക്കൊപ്പം ഇന്ത്യയിൽ ആദ്യമായി വയോജന വകുപ്പ് രൂപീകരിക്കാനും സർക്കാർ തീരുമാനിച്ചിട്ടുണ്ട്. മുതിർന്ന പൗരന്മാരുടെ എണ്ണം വർധിക്കുന്ന സാഹചര്യത്തിൽ അവരെ സംരക്ഷിക്കാനുള്ള ഉത്തരവാദിത്വം സർക്കാർ ഏറ്റെടുക്കുകയാണെന്നും മന്ത്രി വ്യക്തമാക്കി.

80-ാം സ്വാതന്ത്ര്യദിനത്തിൽ മന്ത്രി എല്ലാവർക്കും ആശംസകൾ നേർന്നു.

റോയി കെ. പൗലോസ് എം.എൽ.എ, ജില്ലാ പഞ്ചായത്ത് പ്രസിഡന്റ് പ്രൊഫ. ഷീല സ്റ്റീഫൻ, ജില്ലാ കളക്ടർ ഡോ. ദിനേശൻ ചെറുവാട്ട്, ജില്ലാ പൊലീസ് മേധാവി ഡോ. എ. നാസിം, ഇടുക്കി ബ്ലോക്ക് പ്രസിഡന്റ് സാന്ദ്രമോൾ ജിന്നി, വാഴത്തോപ്പ് ഗ്രാമപഞ്ചായത്ത് പ്രസിഡന്റ് ആൻസി തോമസ്, ഇടുക്കി ജില്ലാ പഞ്ചായത്ത് വൈസ് പ്രസിഡന്റ് ടി.എസ്. സിദ്ദിഖ്, അഡീഷണൽ ജില്ലാ മജിസ്‌ട്രേറ്റ് മിനി കെ. ജോൺ, വിവിധ ഗ്രാമപഞ്ചായത്ത് അധ്യക്ഷന്മാർ, ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുത്തു.

മോഷണത്തിന് ഉപയോഗിച്ചതെന്ന് സംശയിക്കുന്ന കാറും പൊലീസ് കസ്റ്റഡിയിലെടുത്തിട്ടുണ്ട്. കാഞ്ഞാർ പാലത്തിന് സമീപം ഉന്നേച്ചുപറമ്പിൽ ജബ്ബാറിന്റെ ഉടമസ്ഥതയിലുള്ള വാഹനങ്ങൾ പൊളിച്ച് വിൽക്കുന്ന സ്ഥാപനത്തിലാണ് മോഷണം നടന്നത്.

സ്ഥാപനത്തിൽ സൂക്ഷിച്ചിരുന്ന രണ്ട് വാഹനങ്ങളുടെ എൻജിനുകളാണ് പ്രതികൾ കടത്തിക്കൊണ്ടുപോയത്. ഏകദേശം 25,000 രൂപയാണ് എൻജിനുകൾക്ക് വില വരുന്നതെന്ന് സ്ഥാപന ഉടമ പറഞ്ഞു.

പരിസരത്തെ സിസിടിവി ക്യാമറകളിൽനിന്ന് ലഭിച്ച ദൃശ്യങ്ങളാണ് പ്രതികളെ കണ്ടെത്താൻ പൊലീസിനെ സഹായിച്ചത്. ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് സിയാദും നെൽസണും പിടിയിലായത്.

കഴിഞ്ഞ 13ന് വൈകിട്ട് 6.13ഓടെയായിരുന്നു സംഭവം. കോട്ടയം ഭാഗത്തേക്ക് വരികയായിരുന്ന ബസ് മാങ്ങാനം ഭാഗത്ത് എത്തിയപ്പോഴാണ് കുട്ടിക്ക് ഫിറ്റ്സ് ഉണ്ടായത്. കുട്ടിയുടെ അസ്വസ്ഥത ശ്രദ്ധയിൽപ്പെട്ടതോടെ വീട്ടുകാർ ബഹളം വച്ചതിനെ തുടർന്ന് ബസ് ജീവനക്കാർ ഉടൻ ഇടപെടുകയായിരുന്നു.

തുടർന്ന് സർവീസ് നിർത്തിവെച്ച് കുട്ടിയെ കോട്ടയം ജില്ലാ ജനറൽ ആശുപത്രിയിലെത്തിക്കാൻ ബസ് അതിവേഗം ഓടിച്ചു. ഗതാഗതക്കുരുക്കിനിടയിലും കുട്ടിക്ക് അടിയന്തര ചികിത്സ ലഭ്യമാക്കുന്നതിനായി ജീവനക്കാർ പരമാവധി വേഗത്തിൽ ആശുപത്രിയിലെത്തി.

അപകട സാഹചര്യം മനസിലാക്കിയ കഞ്ഞിക്കുഴിയിൽ ഡ്യൂട്ടിയിലുണ്ടായിരുന്ന പൊലീസ് ഉദ്യോഗസ്ഥർ ബസ് കടന്നുപോകുന്നതിനായി ആവശ്യമായ സൗകര്യമൊരുക്കി. വയർലെസ് സംവിധാനത്തിലൂടെ വിവരങ്ങൾ കൈമാറി ജില്ലാ ആശുപത്രിയിലും അടിയന്തര ക്രമീകരണങ്ങൾ ഒരുക്കി.സമയബന്ധിതമായ ഇടപെടലിനെ തുടർന്ന് കുട്ടിക്ക് ആവശ്യമായ ചികിത്സ ലഭിക്കുകയും അപകടനില തരണം ചെയ്യുകയും ചെയ്തു. 

‘സോപാന സംഗീത പരിക്രമം’ എന്ന പേരിൽ സംഘടിപ്പിക്കുന്ന സോപാന സംഗീതാർച്ചന യാത്ര ഓഗസ്റ്റ് 8ന് മൂകാംബികയിൽ നിന്നാണ് ആരംഭിച്ചത്. കേരളത്തിലെ എട്ട് ജില്ലകളിലായി 24 ക്ഷേത്രങ്ങളിലാണ് സംഗീതയാത്ര സംഘടിപ്പിച്ചത്. ഓഗസ്റ്റ് 14ന് അമ്പലപ്പുഴ ശ്രീകൃഷ്ണസ്വാമി ക്ഷേത്രത്തിൽ യാത്ര സമാപിക്കും.

കേരളത്തിന്റെ തനത് അനുഷ്ഠാന കലാരൂപമായ സോപാന സംഗീതത്തിന്റെ പ്രചാരണവും ഉന്നമനവുമാണ് പരിപാടിയുടെ ലക്ഷ്യം.ചടങ്ങിൽ തേരോഴി രാമക്കുറുപ്പ്, അമ്പലപ്പുഴ വിജയകുമാർ, സന്തോഷ് കൈലാസ്, കീഴൂർ മധുസൂദനക്കുറുപ്പ് എന്നിവരെ ആദരിച്ചു.

നവീകരിച്ച കെട്ടിടത്തിൽ പ്രവർത്തനം ആരംഭിച്ചിട്ട് ഒരു വർഷം തികയുന്നതിന് മുമ്പാണ് അംഗൻവാടിയിലേക്ക് ആവശ്യമായ ഫ്ലോർ മാറ്റുകൾ സമ്മാനമായി നൽകിയത്. കുട്ടികളുടെ ആരോഗ്യവും സുരക്ഷയും മുൻനിർത്തിയാണ് ഫ്ലോർ മാറ്റുകൾ നൽകാൻ തീരുമാനിച്ചതെന്ന് അഡ്വ. ജോളി കുര്യൻ പറഞ്ഞു.

ഒരു നാടിന്റെ സമഗ്ര പുരോഗതിയിൽ അംഗൻവാടികൾക്ക് നിർണായക പങ്കാണുള്ളത്. കുട്ടികളുടെ ആരോഗ്യകരമായ വളർച്ചയ്ക്കും മികച്ച പഠനാന്തരീക്ഷം ഒരുക്കുന്നതിനും അടിസ്ഥാന സൗകര്യങ്ങൾ മെച്ചപ്പെടുത്തേണ്ടത് അനിവാര്യമാണ്. ഈ ലക്ഷ്യം മുൻനിർത്തിയാണ് അംഗൻവാടിക്ക് സഹായം നൽകിയത്.

ഭോപ്പാൾ ഓക്സ്ഫോർഡ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് സ്ഥാപന ഉടമ കൂടിയാണ് അദ്ദേഹം

പൈനാവ്: ഇന്ത്യയുടെ 80-ാം സ്വാതന്ത്ര്യദിനാഘോഷങ്ങളുടെ ഭാഗമായി ഇടുക്കി ജില്ലാതല ആഘോഷം പൈനാവ് ഐ.ഡി.എ ഗ്രൗണ്ടിൽ പ്രൗഢഗംഭീരമായി നടന്നു. മന്ത്രി അനൂപ് ജേക്കബ് ദേശീയപതാക ഉയർത്തി ആഘോഷപരിപാടികൾക്ക് തുടക്കം കുറിച്ചു.

തുടർന്ന് വിവിധ സേനാവിഭാഗങ്ങളും പോലീസ്, എൻ.സി.സി, മറ്റ് വിഭാഗങ്ങളും അണിനിരന്ന സ്വാതന്ത്ര്യദിന പരേഡ് നടന്നു. അച്ചടക്കവും ആവേശവും നിറഞ്ഞ പരേഡ് ആഘോഷത്തിന്റെ പ്രധാന ആകർഷണമായി.

പരേഡിന്റെ പരിശീലനവും അന്തിമഘട്ട ഒരുക്കങ്ങളും ജില്ലാ പോലീസ് മേധാവി ഡോ. എ. നസീം ഐ.പി.എസ്.യുടെ നേതൃത്വത്തിൽ വിലയിരുത്തിയിരുന്നു. ജില്ലാതല സ്വാതന്ത്ര്യദിനാഘോഷം വിജയകരമാക്കുന്നതിനായി വിവിധ വകുപ്പുകളുടെ ഏകോപനത്തോടെ വിപുലമായ ഒരുക്കങ്ങളാണ് പൂർത്തിയാക്കിയിരുന്നത്.

ജനപ്രതിനിധികൾ, ജില്ലാ ഭരണകൂടത്തിലെ ഉദ്യോഗസ്ഥർ, പോലീസ് ഉദ്യോഗസ്ഥർ, വിവിധ സർക്കാർ വകുപ്പുകളിലെ ജീവനക്കാർ, വിദ്യാർഥികൾ, പൊതുജനങ്ങൾ എന്നിവർ ചടങ്ങിൽ പങ്കെടുത്തു.

മുള്ളൻപന്നി സ്കൂട്ടറിന് മുന്നിലേക്ക് എത്തിയതിനെ തുടർന്ന് നിയന്ത്രണം നഷ്ടപ്പെട്ട് ദിനേശൻ റോഡിൽ വീഴുകയായിരുന്നു. വീഴ്ചയിൽ കാലിന് ഒടിവുണ്ടായതിനു പുറമെ ദേഹമാകെ മുള്ളുകൾ തറച്ച നിലയിലായിരുന്നു. പരിക്കേറ്റ ദിനേശനെ മാർ സ്ലീവാ ആശുപത്രിയിൽ പ്രവേശിപ്പിച്ച് ചികിത്സയിൽ തുടരുകയാണ്.

ദിനേശന്റെ നിലവിളി കേട്ട് ഓടിയെത്തിയ നാട്ടുകാരാണ് അദ്ദേഹത്തെ ആശുപത്രിയിൽ എത്തിച്ചത്.

പാലാ നഗരപ്രദേശത്തോട് ചേർന്ന് വന്യജീവി ആക്രമണമുണ്ടായത് പ്രദേശവാസികളിൽ ആശങ്ക ഉയർത്തിയിട്ടുണ്ട്. മുള്ളൻപന്നി ഇപ്പോഴും പ്രദേശത്ത് തുടരാനുള്ള സാധ്യത കണക്കിലെടുത്ത് വനം വകുപ്പ് അടിയന്തരമായി ഇടപെട്ട് മുള്ളൻപന്നിയെ കണ്ടെത്തി സുരക്ഷിതമായി വനത്തിലേക്ക് മാറ്റണമെന്നാണ് നാട്ടുകാരുടെ ആവശ്യം.

അസിസ്റ്റന്റ് പോലീസ് കമ്മിഷണർ, ഇൻസ്പെക്ടർ, സബ് ഇൻസ്പെക്ടർ, അസിസ്റ്റന്റ് സബ് ഇൻസ്പെക്ടർ, സീനിയർ സിവിൽ പോലീസ് ഓഫീസർ, സിവിൽ പോലീസ് ഓഫീസർ, വനിതാ പോലീസ് ഉദ്യോഗസ്ഥർ തുടങ്ങിയ വിഭാഗങ്ങളിൽപ്പെട്ടവരാണ് പട്ടികയിലുള്ളത്.

സംസ്ഥാന പോലീസ് മേധാവിയുടെയും സംസ്ഥാനതല സ്ക്രീനിങ് കമ്മിറ്റിയുടെയും ശുപാർശകൾ പരിഗണിച്ചാണ് ഉദ്യോഗസ്ഥരെ തെരഞ്ഞെടുത്തത്.

സാധാരണയായി സ്വാതന്ത്ര്യദിനത്തിന്റെ തലേദിവസം പ്രഖ്യാപിക്കാറുള്ള മെഡൽ പട്ടിക ഇത്തവണ വൈകിയാണ് പുറത്തുവന്നത്. ആഭ്യന്തര വകുപ്പിലെ പരിശോധനാ നടപടികളിലുണ്ടായ വീഴ്ചകളാണ് കാലതാമസത്തിന് കാരണമെന്നാണ് റിപ്പോർട്ടുകൾ. മാധ്യമങ്ങളിൽ വാർത്ത വന്നതിനെ തുടർന്ന് ആഭ്യന്തര മന്ത്രി ഇടപെട്ടതോടെയാണ് നടപടികൾ വേഗത്തിലാക്കി പട്ടിക അന്തിമമാക്കിയത്.

ഓണക്കാലത്ത് അർഹരായ കുടുംബങ്ങളിലേക്ക് ഭക്ഷ്യസാധനങ്ങൾ ഉൾപ്പെടുന്ന ഓണക്കിറ്റുകൾ എത്തിക്കുകയാണ് പദ്ധതിയുടെ ലക്ഷ്യം. ഒരു ഓണക്കിറ്റ് തയ്യാറാക്കി നൽകുന്നതിനായി 1000 രൂപയാണ് സംഭാവനയായി അഭ്യർത്ഥിക്കുന്നത്. സന്നദ്ധരായ വ്യക്തികൾക്കും സംഘടനകൾക്കും പദ്ധതിയിൽ പങ്കാളികളാകാം.

ഓണക്കിറ്റ് പദ്ധതിയിലേക്ക് സംഭാവന നൽകുന്നതിനായി പ്രചാരണ പോസ്റ്ററിൽ നൽകിയിരിക്കുന്ന QR കോഡ് ഉപയോഗിക്കാവുന്നതാണ്.

കൂടുതൽ വിവരങ്ങൾക്ക്: 9747552558, 9447076041, 9947031333, 9447989916 എന്നീ നമ്പറുകളിൽ ബന്ധപ്പെടാം.

നിർധനരും കിടപ്പുരോഗികളുമായ കുടുംബങ്ങൾക്ക് ഓണത്തിന്റെ സന്തോഷം പങ്കുവെക്കുകയെന്ന ലക്ഷ്യത്തോടെയാണ് പദ്ധതിക്ക് തുടക്കം കുറിച്ചിരിക്കുന്നതെന്ന് സംഘാടകർ അറിയിച്ചു.

സ്വാതന്ത്ര്യത്തിലേക്കുള്ള ദീർഘപോരാട്ടം

1600-കളിൽ വ്യാപാരത്തിനായി ഇന്ത്യയിലെത്തിയ ഈസ്റ്റ് ഇന്ത്യ കമ്പനി പിന്നീട് രാഷ്ട്രീയാധികാരം വ്യാപിപ്പിച്ച് രാജ്യത്തിന്റെ വലിയൊരു ഭാഗം നിയന്ത്രണത്തിലാക്കി. തദ്ദേശീയ ഭരണാധികാരികൾക്കിടയിലെ ഭിന്നതകൾ മുതലെടുത്തായിരുന്നു ബ്രിട്ടീഷ് അധിനിവേശത്തിന്റെ വ്യാപനം.

1857-ലെ ഒന്നാം സ്വാതന്ത്ര്യസമരം ബ്രിട്ടീഷ് ഭരണത്തിനെതിരായ വലിയ ജനകീയ പ്രതിരോധത്തിന് തുടക്കമിട്ടു. തുടർന്ന് ഇന്ത്യയുടെ ഭരണം ഈസ്റ്റ് ഇന്ത്യ കമ്പനിയിൽ നിന്ന് ബ്രിട്ടീഷ് കിരീടത്തിന്റെ നേരിട്ടുള്ള നിയന്ത്രണത്തിലായി.

ബാലഗംഗാധര തിലകൻ, ലാലാ ലജ്പത് റായ്, ബിപിൻ ചന്ദ്രപാൽ തുടങ്ങിയ തീവ്രദേശീയവാദികളും ഭഗത് സിംഗ്, ചന്ദ്രശേഖർ ആസാദ്, സുഭാഷ് ചന്ദ്രബോസ് തുടങ്ങിയ വിപ്ലവകാരികളും സ്വാതന്ത്ര്യസമരത്തിന് പുതിയ ഊർജം നൽകി.

ഗാന്ധിയൻ യുഗവും ജനകീയ മുന്നേറ്റവും

മഹാത്മാഗാന്ധിയുടെ നേതൃത്വത്തിൽ സ്വാതന്ത്ര്യസമരം രാജ്യവ്യാപകമായ ജനകീയ പ്രസ്ഥാനമായി മാറി. നിസ്സഹകരണ പ്രസ്ഥാനം (1920), ഉപ്പുസത്യാഗ്രഹം (1930), ക്വിറ്റ് ഇന്ത്യ പ്രസ്ഥാനം (1942) തുടങ്ങിയ പ്രക്ഷോഭങ്ങൾ ബ്രിട്ടീഷ് ഭരണത്തിനെതിരായ ജനവികാരം ശക്തമാക്കി.

അഹിംസയും സത്യാഗ്രഹവും ആയുധമാക്കിയ ഗാന്ധിജിയുടെ നേതൃത്വത്തിൽ സാധാരണ ജനങ്ങൾ ഉൾപ്പെടെ സമൂഹത്തിന്റെ വിവിധ വിഭാഗങ്ങൾ സ്വാതന്ത്ര്യസമരത്തിന്റെ ഭാഗമായി. ആയിരക്കണക്കിന് പേർ ജയിലിലായി; നിരവധി പേർ ജീവൻ ബലിയർപ്പിച്ചു.

1947 ഓഗസ്റ്റ് 15: സ്വാതന്ത്ര്യത്തിന്റെ പുലരി

1947 ഓഗസ്റ്റ് 14 അർധരാത്രി പിന്നിട്ടപ്പോൾ ഇന്ത്യ സ്വതന്ത്ര രാഷ്ട്രമായി. ഭരണഘടനാ സഭയിൽ ജവഹർലാൽ നെഹ്റു നടത്തിയ ചരിത്രപ്രസിദ്ധമായ ‘Tryst with Destiny’ പ്രസംഗം സ്വാതന്ത്ര്യത്തിന്റെ പുതിയ അധ്യായത്തിന് തുടക്കമിട്ടു.

“ലോകം ഉറങ്ങിക്കിടക്കുന്ന ഈ അർധരാത്രിയിൽ ഇന്ത്യ ജീവിതത്തിലേക്കും സ്വാതന്ത്ര്യത്തിലേക്കും ഉണരുകയാണ്.”

സ്വാതന്ത്ര്യത്തിന്റെ ആദ്യ ദിനത്തിൽ ജവഹർലാൽ നെഹ്റു ഡൽഹിയിലെ പ്രിൻസസ് പാർക്കിൽ ദേശീയപതാക ഉയർത്തി. 1947 ഓഗസ്റ്റ് 16-നാണ് അദ്ദേഹം ചെങ്കോട്ടയിൽ പതാക ഉയർത്തിയത്. പിന്നീട് ഓഗസ്റ്റ് 15-ന് ചെങ്കോട്ടയിൽ പ്രധാനമന്ത്രി ദേശീയപതാക ഉയർത്തുന്ന പതിവ് രാജ്യത്തിന്റെ സ്വാതന്ത്ര്യദിനാഘോഷത്തിന്റെ ഭാഗമായി മാറി.

79 വർഷത്തെ സ്വതന്ത്ര ഇന്ത്യ

സ്വാതന്ത്ര്യാനന്തരം ഇന്ത്യ നിരവധി വെല്ലുവിളികളെ അതിജീവിച്ചു. ഭക്ഷ്യക്ഷാമം നേരിട്ടിരുന്ന രാജ്യം ഹരിതവിപ്ലവത്തിലൂടെ കാർഷിക ഉൽപ്പാദനത്തിൽ വലിയ മുന്നേറ്റം കൈവരിച്ചു. വ്യവസായവൽക്കരണം, വിദ്യാഭ്യാസ വ്യാപനം, ആരോഗ്യരംഗത്തെ വളർച്ച, അടിസ്ഥാന സൗകര്യ വികസനം എന്നിവ രാജ്യത്തിന്റെ സാമ്പത്തിക-സാമൂഹിക അടിത്തറ ശക്തിപ്പെടുത്തി.

ഇന്ത്യൻ ബഹിരാകാശ ഗവേഷണ സംഘടനയായ ISROയുടെ നേതൃത്വത്തിൽ ഇന്ത്യ ബഹിരാകാശ രംഗത്തും ലോകശ്രദ്ധ നേടി. ചന്ദ്രയാൻ ദൗത്യങ്ങൾ ഉൾപ്പെടെയുള്ള നേട്ടങ്ങൾ രാജ്യത്തിന്റെ ശാസ്ത്രസാങ്കേതിക ശേഷിയുടെ തെളിവായി.

ലോകത്തിലെ പ്രധാന സാമ്പത്തിക ശക്തികളിലൊന്നായി വളർന്ന ഇന്ത്യ ഇന്ന് ആഗോളതലത്തിൽ കൂടുതൽ സ്വാധീനം ചെലുത്തുന്ന രാജ്യമായി മാറിയിരിക്കുകയാണ്.

‘വന്ദേമാതരം’ 150-ാം വാർഷികം

2026-ലെ സ്വാതന്ത്ര്യദിനാഘോഷങ്ങൾക്ക് പ്രത്യേക ചരിത്രപ്രാധാന്യവുമുണ്ട്. ദേശീയബോധത്തിന്റെയും സ്വാതന്ത്ര്യസമരത്തിന്റെയും പ്രതീകമായി മാറിയ ‘വന്ദേമാതരം’ രചനയുടെ 150-ാം വാർഷികാഘോഷങ്ങളാണ് ഈ വർഷത്തെ പ്രധാന പ്രത്യേകതകളിലൊന്ന്.

ബങ്കിംചന്ദ്ര ചട്ടോപാധ്യായയുടെ ആനന്ദമഠം എന്ന കൃതിയുടെ ഭാഗമായാണ് ‘വന്ദേമാതരം’ ആദ്യമായി പ്രസിദ്ധീകരിക്കപ്പെട്ടത്. സ്വാതന്ത്ര്യസമരകാലത്ത് ദേശീയപ്രസ്ഥാനത്തിന്റെ ആവേശം ഉയർത്തിയ ഗാനമായി ഇത് മാറി.

ഓർമ്മിക്കേണ്ട കണക്കുകൾ

1947 ഓഗസ്റ്റ് 15 — ഇന്ത്യയുടെ ആദ്യ സ്വാതന്ത്ര്യദിനം

2026 ഓഗസ്റ്റ് 15 — ഇന്ത്യയുടെ 80-ാമത് സ്വാതന്ത്ര്യദിനം

1947 മുതൽ 2026 വരെ പൂർത്തിയായത് — 79 വർഷങ്ങൾ

80-ാം സ്വാതന്ത്ര്യദിനത്തിൽ രാജ്യം പിന്നിട്ട വഴികൾ അഭിമാനത്തോടെ ഓർക്കുമ്പോൾ, സ്വാതന്ത്ര്യസമര സേനാനികൾ സ്വപ്നം കണ്ട നീതിയിലും സമത്വത്തിലും ജനാധിപത്യത്തിലും അധിഷ്ഠിതമായ ഇന്ത്യയെ കൂടുതൽ ശക്തിപ്പെടുത്തുക എന്ന ഉത്തരവാദിത്വവും ഓരോ പൗരന്റെയും മുന്നിലുണ്ട്.

സ്വാതന്ത്ര്യം ഒരു ചരിത്രനേട്ടം മാത്രമല്ല; ഓരോ തലമുറയും കാത്തുസൂക്ഷിക്കേണ്ട ഉത്തരവാദിത്വം കൂടിയാണ്.

സംഭവത്തെ തുടർന്ന് സ്ഥലത്തെത്തിയ പോലീസ് അജേഷിനെ കസ്റ്റഡിയിലെടുത്തു. കൊലപാതകത്തിലേക്ക് നയിച്ച കാരണം ഉൾപ്പെടെയുള്ള കൂടുതൽ വിവരങ്ങൾ വ്യക്തമായിട്ടില്ല.സംഭവത്തെക്കുറിച്ച് പോലീസ് അന്വേഷണം ആരംഭിച്ചു. സംഭവസ്ഥലത്ത് പോലീസ് പരിശോധന നടത്തി വരികയാണ്. കൂടുതൽ വിവരങ്ങൾ അന്വേഷണത്തിനുശേഷം മാത്രമേ വ്യക്തമാകൂ.

സൈനിക ധീരതയ്ക്കുള്ള അംഗീകാരമായി ഒമ്പത് പേർക്ക് കീർത്തിചക്രയും, ഏഴ് പേർക്ക് മരണാനന്തര ബഹുമതിയും നൽകുമെന്ന് രാഷ്ട്രപതി അറിയിച്ചു. 19 പേർക്കാണ് ശൗര്യചക്ര ലഭിക്കുക.

രാജ്യത്തിനുവേണ്ടി ധീരതയോടെ നടത്തിയ സേവനത്തിനുള്ള അംഗീകാരമായാണ് മേജർ തരുണ് വാസുദേവന് ശൗര്യചക്ര ലഭിച്ചത്. സൈനിക സേവനത്തിനിടെ പ്രകടിപ്പിച്ച അസാധാരണ ധൈര്യത്തിനുള്ള ദേശീയ അംഗീകാരമാണിത്.

പൊതുവിപണിയിലെ വില നിയന്ത്രിച്ചുനിർത്തുകയും ജനങ്ങൾക്ക് മിതമായ നിരക്കിൽ നിത്യോപയോഗ സാധനങ്ങൾ ഉറപ്പാക്കുകയുമാണ് ഫെയറുകളുടെ ലക്ഷ്യമെന്ന് മന്ത്രി പറഞ്ഞു. ഗുണമേന്മയുള്ള ഉൽപ്പന്നങ്ങൾ കുറഞ്ഞ നിരക്കിൽ ലഭ്യമാക്കി പൊതുവിപണിയിലെ വിലവ്യതിയാനങ്ങളിൽനിന്ന് ജനങ്ങൾക്ക് ആശ്വാസം നൽകുകയാണ് സർക്കാർ ലക്ഷ്യമിടുന്നത്.

ഈ ഓണക്കാലത്ത് റേഷൻ കടകൾ, മാവേലി സ്റ്റോറുകൾ, സപ്ലൈകോ എന്നിവ വഴി 1,65,000 മെട്രിക് ടൺ അരി ലഭ്യമാക്കും. കേന്ദ്രത്തിന്റെ ടൈഡ് ഓവർ വിഹിതത്തിൽ കുറവുണ്ടായതാണ് 10.90 രൂപ നിരക്കിൽ പ്രത്യേക അരി നൽകുന്നതിന് പരിമിതി നേരിട്ടതിന്റെ പ്രധാന കാരണമെന്ന് മന്ത്രി വിശദീകരിച്ചു.

33,294 മെട്രിക് ടൺ ആയിരുന്ന ടൈഡ് ഓവർ വിഹിതം 26,835 മെട്രിക് ടണ്ണായി കുറഞ്ഞു. ഇതിൽ 6,459 മെട്രിക് ടൺ ഗോതമ്പായി പരിവർത്തനം ചെയ്തതോടെയാണ് അരിയുടെ ലഭ്യതയിൽ കുറവുണ്ടായത്. ഇതിന്റെ പശ്ചാത്തലത്തിലാണ് ഓണക്കാലത്ത് ഒഎംഎസ്എസ് നിരക്കിലുള്ള അരി റേഷൻ കടകളിലൂടെയും മാവേലി സ്റ്റോറുകളിലൂടെയും 26, 27 രൂപ നിരക്കിൽ വിതരണം ചെയ്യാൻ തീരുമാനിച്ചതെന്നും മന്ത്രി പറഞ്ഞു.

വരും ദിവസങ്ങളിൽ വിപണി സസൂക്ഷ്മം നിരീക്ഷിക്കും. ബോധപൂർവം വില ഉയർത്താനുള്ള ശ്രമങ്ങൾ ശ്രദ്ധയിൽപ്പെട്ടാൽ ശക്തമായ നടപടി സ്വീകരിക്കും. വിപണിയിൽ വീണ്ടും വിലവ്യതിയാനം ഉണ്ടാകുന്ന സാഹചര്യമുണ്ടായാൽ കൂടുതൽ അരി വിപണിയിൽ എത്തിക്കുന്നതിനുള്ള നടപടികൾ സർക്കാർ സ്വീകരിക്കുമെന്നും മന്ത്രി വ്യക്തമാക്കി.

എറണാകുളം, തിരുവനന്തപുരം, കോഴിക്കോട് ജില്ലകളിൽ മൂന്ന് മെഗാ ട്രേഡ് ഫെയറുകൾ സിവിൽ സപ്ലൈസ് വകുപ്പ് സംഘടിപ്പിക്കുന്നുണ്ട്. ഇതോടൊപ്പം ജില്ലാ ഫെയറുകളും എല്ലാ നിയോജകമണ്ഡലങ്ങളിലും പ്രാദേശിക ഫെയറുകളും സംഘടിപ്പിക്കുന്നതിനുള്ള നടപടികൾ നേരത്തെ ആരംഭിച്ചതായും മന്ത്രി പറഞ്ഞു.

തൊടുപുഴ നഗരസഭാ ചെയർപേഴ്‌സൺ സാബിറ ജലീൽ അധ്യക്ഷത വഹിച്ചു. കൗൺസിലർ ആതിര ജോഷി ആദ്യ വിൽപ്പന നടത്തി. നഗരസഭാ വൈസ് ചെയർപേഴ്‌സൺ കെ. ദീപക്, തൊടുപുഴ ബ്ലോക്ക് പഞ്ചായത്ത് പ്രസിഡന്റ് മുഹമ്മദ് അൻഷാദ്, തൊടുപുഴ താലൂക്ക് സപ്ലൈ ഓഫീസർ കെ.കെ. സ്മിത, ജില്ലാ സപ്ലൈ ഓഫീസർ ബീന ഭദ്രൻ, സപ്ലൈകോ മേഖലാ മാനേജർ എം. ജയപ്രകാശ് എന്നിവർ പങ്കെടുത്തു.

വെള്ളിയാഴ്ച ഉച്ചകഴിഞ്ഞ് മൂന്നോടെയാണ് സംഭവം. ഉച്ചയോടെ പൊലീസ് സ്റ്റേഷനിലെത്തിച്ച വിഷ്ണുവിനെ വൈദ്യപരിശോധനയ്ക്ക് വിധേയനാക്കി കോടതിയിൽ ഹാജരാക്കാനുള്ള നടപടികൾ പുരോഗമിക്കുന്നതിനിടെയായിരുന്നു ആത്മഹത്യാശ്രമം.

സ്റ്റേഷനിലെ മേശപ്പുറത്തുണ്ടായിരുന്ന ചെറിയ കത്രിക പൊലീസുകാരുടെ ശ്രദ്ധയിൽപ്പെടാതെ കൈക്കലാക്കിയ പ്രതി കഴുത്തിൽ കുത്തി മുറിവേൽപ്പിക്കുകയായിരുന്നു. സംഭവം ശ്രദ്ധയിൽപ്പെട്ട് തടയാൻ ശ്രമിച്ച പൊലീസുകാർക്ക് നേരെയും പ്രതി അക്രമാസക്തമായി പെരുമാറിയതായി പൊലീസ് അറിയിച്ചു.

പരിക്കുകൾ ഗുരുതരമല്ല. പാലായിലെ പ്രാഥമിക ചികിത്സയ്ക്ക് ശേഷം വിദഗ്ധ ചികിത്സയ്ക്കായി വിഷ്ണുവിനെ കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി.

ആശുപത്രി മോഷണക്കേസ്

ഓഗസ്റ്റ് നാലിന് വൈകിട്ടാണ് പാലാ ജനറൽ ആശുപത്രിയിൽ മോഷണം നടന്നത്. സുഹൃത്തിന് കൂട്ടിരിപ്പുകാരനായി ആശുപത്രിയിലെത്തിയ വിഷ്ണു, മുകളിലത്തെ നിലയിലെ ക്യാഷ് കൗണ്ടറിൽ ആളില്ലാത്ത സമയം നോക്കി ഗ്രിൽ തകർത്ത് അകത്തുകയറി പണം മോഷ്ടിച്ചതായാണ് പൊലീസ് പറയുന്നത്. സംഭവത്തിന്റെ സി.സി.ടി.വി ദൃശ്യങ്ങളും പുറത്തുവന്നിരുന്നു.

വിഷ്ണുവിനെതിരെ മുൻപ് രാമപുരത്ത് വൃദ്ധയെ പീഡിപ്പിച്ച കേസും കഞ്ചാവ് വിൽപ്പനയുമായി ബന്ധപ്പെട്ട എൻ.ഡി.പി.എസ് കേസും നിലവിലുണ്ടെന്നും പൊലീസ് വ്യക്തമാക്കി.

കോട്ടയം വെസ്റ്റ് പൊലീസ് സ്റ്റേഷനിൽ അനൂപ് ജോസും, കോട്ടയം ഈസ്റ്റിൽ രാജേന്ദ്രൻ നായരും ചുമതലയേൽക്കും. കുമരകത്ത് പ്രസാദ് എബ്രഹാം വർഗീസിനെയും, ഗാന്ധിനഗറിൽ ജർലിൻ വി. സ്കറിയയെയും നിയമിച്ചു.

ചങ്ങനാശ്ശേരിയിൽ അനിൽ ജോർജ്, വാകത്താനത്ത് ഡോളി വി.എം., തൃക്കൊടിത്താനത്ത് എം.ജെ. അരുൺ, എരുമേലിയിൽ എം.ആർ. സുരേഷ് എന്നിവർ ചുമതലയേൽക്കും.

കാഞ്ഞിരപ്പള്ളിയിൽ മഹേഷ് കെ.എൻ., പൊൻകുന്നത്ത് പി.എസ്. രാജേഷ്, പാമ്പാടിയിൽ ഷിജി കെ. എന്നിവരാണ് പുതിയ ചുമതലക്കാർ.

പാലാ പൊലീസ് സ്റ്റേഷനിൽ അഭിലാഷ് എം.ഡി., രാമപുരത്ത് റീചാർഡ്സ് വർഗീസ്, ഈരാറ്റുപേട്ടയിൽ രാജേഷ് ടി.ജി., വൈക്കത്ത് ഷമീർഖാൻ പി.എ. എന്നിവർ നിയമിതരായി.

തലയോലപ്പറമ്പിൽ ടി. രജൻ കുമാറും, കടുത്തുരുത്തിയിൽ കെ.എസ്. ജയനും പുതിയ ഇൻസ്പെക്ടർ–എസ്.എച്ച്.ഒമാരായി ചുമതലയേൽക്കും.

വിജിലൻസ് എസ്.പി. ആർ. ബിനുവിന്റെ നിർദേശപ്രകാരം ഡിവൈ.എസ്.പി. പി.വി. മനോജ് കുമാറിന്റെ നേതൃത്വത്തിലുള്ള സംഘമാണ് നടപടി സ്വീകരിച്ചത്. കൈക്കൂലി വാങ്ങുന്നതിനിടെയാണ് ഉദ്യോഗസ്ഥനെ വിജിലൻസ് സംഘം അറസ്റ്റ് ചെയ്തത്.

അറസ്റ്റിലായ ബിനീഷ് കുമാറിനെ കോട്ടയം വിജിലൻസ് കോടതിയിൽ ഹാജരാക്കി.

പതിവ് പ്രഭാത വ്യായാമത്തിനായി നടക്കാനിറങ്ങിയതിനിടെ നെഞ്ചുവേദന അനുഭവപ്പെട്ടതിനെ തുടർന്ന് ആദ്യം കോട്ടയം മെഡിക്കൽ കോളേജ് ആശുപത്രിയിലും പിന്നീട് എറണാകുളം ലിസ്യു ആശുപത്രിയിലും പ്രവേശിപ്പിക്കുകയായിരുന്നു. തുടർന്ന് നടത്തിയ ആൻജിയോഗ്രാമിൽ പ്രധാന രക്തക്കുഴലുകളിൽ ബ്ലോക്ക് കണ്ടെത്തിയതോടെയാണ് അടിയന്തര ബൈപാസ് ശസ്ത്രക്രിയയ്ക്ക് വിധേയനാക്കിയത്.

ബ്ലോക്ക് കണ്ടെത്തിയതിനെ തുടർന്ന് കോട്ടയം മെഡിക്കൽ കോളേജിൽ തന്നെ ശസ്ത്രക്രിയ നടത്തണമെന്നായിരുന്നു ഡോ. ജയകുമാറിന്റെ താൽപര്യം. എന്നാൽ, ഗുരുസ്ഥാനീയനായ ഡോ. ജയകുമാറിനെ ശസ്ത്രക്രിയയ്ക്ക് വിധേയനാക്കുന്നതിലുള്ള മാനസിക ബുദ്ധിമുട്ട് സഹപ്രവർത്തകരായ ഡോക്ടർമാർ അറിയിച്ചതോടെയാണ് എറണാകുളം ലിസ്യു ആശുപത്രിയിലെ പ്രശസ്ത കാർഡിയോതോറാസിക് സർജനുമായ പത്മശ്രീ ഡോ. ജോസ് ചാക്കോ പെരിയപുരം ശസ്ത്രക്രിയ ഏറ്റെടുത്തത്. അദ്ദേഹത്തിന്റെ നേതൃത്വത്തിൽ ശസ്ത്രക്രിയ വിജയകരമായി പൂർത്തിയാക്കി.

പതിനായിരക്കണക്കിന് ഹൃദ്രോഗികളുടെ ജീവൻ രക്ഷിക്കുന്നതിലും കോട്ടയം മെഡിക്കൽ കോളേജിനെ ഹൃദയ ശസ്ത്രക്രിയാ രംഗത്തെ മികവിന്റെ കേന്ദ്രമാക്കി മാറ്റുന്നതിലും ഡോ. ടി. കെ. ജയകുമാർ നിർണായക പങ്കുവഹിച്ചിട്ടുണ്ട്. അദ്ദേഹത്തിന്റെ ആരോഗ്യനില മെച്ചപ്പെട്ടുവരുന്നതായി ബന്ധപ്പെട്ടവർ അറിയിച്ചു.

ഉടുമ്പൻചോല എംഎൽഎ അഡ്വ. സേനാപതി വേണു പരിപാടി ഉദ്ഘാടനം ചെയ്യും. നെടുങ്കണ്ടം ഗ്രാമപഞ്ചായത്ത് പ്രസിഡന്റ് ഷിഹാബ് ഈട്ടിക്കൽ അധ്യക്ഷത വഹിക്കും. ഇടുക്കി ജില്ലാ പഞ്ചായത്ത് അംഗം തിലോത്തമ സോമൻ, നെടുങ്കണ്ടം ബ്ലോക്ക് പഞ്ചായത്ത് അംഗം മുകേഷ് മോഹനൻ,എഴുകുംവയൽ നിത്യസഹായ മാതാ ചർച്ച് വികാരി ഫാ. ജോസഫ് ചുനയംമാക്കൽ തുടങ്ങി വിവിധ രാഷ്ട്രീയ, സാമൂഹിക, സാംസ്കാരിക രംഗങ്ങളിലെ പ്രമുഖർ പങ്കെടുക്കും. മികച്ച കർഷകരെയും വിദ്യാർഥികളെയും ചടങ്ങിൽ ആദരിക്കും.

സംസ്ഥാനത്തെ 484 ക്രമസമാധാന പൊലീസ് സ്റ്റേഷനുകളിൽ 419 സ്റ്റേഷനുകളുടെയും സ്റ്റേഷൻ ഹൗസ് ഓഫീസർ (SHO) ചുമതല ഇനി സബ് ഇൻസ്പെക്ടർമാർക്കായിരിക്കും. പ്രധാനപ്പെട്ട 64 സ്റ്റേഷനുകളിൽ മാത്രമാണ് ഇൻസ്പെക്ടർമാർ SHOമാരായി തുടരുക.

പൊലീസ് അന്വേഷണ രംഗത്ത് ശാസ്ത്രീയ രീതികൾ കൂടുതൽ ശക്തമാക്കുന്നതിനൊപ്പം കസ്റ്റഡി മർദനം, അനധികൃത തടങ്കൽ തുടങ്ങിയവ ഒഴിവാക്കുന്നതിനും പ്രത്യേക ശ്രദ്ധ നൽകും. പൊതുജനങ്ങളോട് മാന്യമായും സൗഹാർദപരമായും പെരുമാറുന്നതിനായി പൊലീസ് ഉദ്യോഗസ്ഥർക്ക് പ്രത്യേക പരിശീലനവും നൽകും.

സ്റ്റേഷനുകളിൽ ലഭിക്കുന്ന പരാതികളും രജിസ്റ്റർ ചെയ്യുന്ന എഫ്.ഐ.ആറുകളും ഡിജിറ്റൽ സംവിധാനത്തിലൂടെ ഡി.ജി.പിയുടെ നേതൃത്വത്തിൽ നിരീക്ഷിക്കും. ജനങ്ങളിൽനിന്ന് പ്രതിമാസ അഭിപ്രായങ്ങളും പരാതികളും സ്വീകരിക്കുന്നതിനായി റേഞ്ച് ഡി.ഐ.ജിമാരുടെ നേതൃത്വത്തിൽ പ്രത്യേക ഫീഡ്‌ബാക്ക് സംവിധാനവും ഒരുക്കും.

20 വർഷം പിന്നിട്ട ജനമൈത്രി സുരക്ഷാ പദ്ധതി കൂടുതൽ ആധുനികവൽക്കരിച്ച് ശക്തിപ്പെടുത്തും. ലോൺ ആപ്പ് തട്ടിപ്പുകൾ ഉൾപ്പെടെയുള്ള പുതിയ കാലത്തെ സൈബർ കുറ്റകൃത്യങ്ങൾ ഫലപ്രദമായി നേരിടുന്നതിനും പൊലീസ് സേനയെ കൂടുതൽ സജ്ജമാക്കും.

പൊതുജനങ്ങൾക്ക് വേഗത്തിലും കാര്യക്ഷമമായും മെച്ചപ്പെട്ട പൊലീസ് സേവനം ഉറപ്പാക്കുകയാണ് പദ്ധതിയുടെ പ്രധാന ലക്ഷ്യം. തലസ്ഥാനത്ത് നടക്കുന്ന ചടങ്ങിൽ പദ്ധതി ഉദ്ഘാടനം ചെയ്യും.

കംഫർട്ട് സ്റ്റേഷനിൽ നിന്നുൾപ്പെടെയുള്ള മലിനജലം കെട്ടിക്കിടക്കുന്നതിനാൽ പ്രദേശത്ത് രൂക്ഷമായ ദുർഗന്ധവുമുണ്ട്. നേരത്തെയും കംഫർട്ട് സ്റ്റേഷനിൽനിന്ന് മലിനജലം ഒഴുകിയതിനെ തുടർന്ന് സ്ഥാപനം ഏറെനാൾ അടച്ചിട്ടിരുന്നു.

നാഗമ്പടം സ്റ്റാൻഡിലേക്ക് ഏറ്റവും കൂടുതൽ യാത്രക്കാർ എത്തുകയും മടങ്ങുകയും ചെയ്യുന്നത് എം.സി. റോഡിൽനിന്ന് റെയിൽവേ മേൽപ്പാലം വഴിയാണ്. ബസ് ലഭിക്കുമോയെന്ന ആശങ്കയിൽ തിരക്കിട്ട് ഓടുന്ന യാത്രക്കാർ പലപ്പോഴും മലിനജലത്തിലൂടെ ചാടിക്കടക്കേണ്ട സ്ഥിതിയിലാണ്. മേൽപ്പാലത്തിൽനിന്ന് ഇറങ്ങി കംഫർട്ട് സ്റ്റേഷനു മുന്നിലൂടെയാണ് സ്റ്റാൻഡിലേക്ക് പോകേണ്ടത്.

കംഫർട്ട് സ്റ്റേഷനു മുന്നിൽ നിർമാണ ആവശ്യത്തിനായി ഇഷ്ടിക കൂട്ടിയിട്ടിരിക്കുന്നതും യാത്രക്കാർക്ക് തടസ്സമാകുന്നുണ്ട്. ഇതിനോടു ചേർന്നാണ് മലിനജലം കെട്ടിക്കിടക്കുന്നത്. പള്ളിയിലെ തിരക്ക് കൂടുതലുള്ള ചൊവ്വാഴ്ചകളിൽ യാത്രക്കാരുടെ ദുരിതം ഇരട്ടിയാകുന്നതായും പരാതിയുണ്ട്.

സ്റ്റാൻഡിന്റെ മറ്റ് ഭാഗങ്ങളിലും മാലിന്യം കുമിഞ്ഞുകൂടിയ നിലയിലാണ്. കഴിഞ്ഞയാഴ്ചയുണ്ടായ വെള്ളപ്പൊക്കത്തിൽ സ്റ്റാൻഡ് മുങ്ങിയതോടെ ചില ഭാഗങ്ങളിലെ മാലിന്യം ഒഴുകിപ്പോയെങ്കിലും മറ്റു ഭാഗങ്ങളിൽ മാലിന്യം അടിഞ്ഞുകൂടി. സ്റ്റാൻഡ് കെട്ടിടത്തോടു ചേർന്നുള്ള ഓടകളിലും മലിനജലം കെട്ടിക്കിടക്കുകയാണ്.

സ്ലാബുകൾ മാറിക്കിടക്കുന്ന ഭാഗങ്ങളിൽ യാത്രക്കാർ വീഴുന്നതും പതിവാണ്. സ്റ്റാൻഡിന്റെ കിഴക്കുഭാഗത്ത് റെയിൽവേ മതിലിനോടു ചേർന്ന് മാലിന്യച്ചതുപ്പും രൂപപ്പെട്ടിട്ടുണ്ട്. സ്റ്റാൻഡിനുള്ളിലും മാലിന്യം കുമിഞ്ഞുകൂടുന്നതായി പരാതിയുണ്ട്.

വ്യാപാരികൾ സ്വന്തം നിലയിൽ മാലിന്യം നീക്കം ചെയ്യുന്നതൊഴിച്ചാൽ സ്റ്റാൻഡിലെ ശുചീകരണത്തിൽ അധികൃതർ കാര്യമായ ശ്രദ്ധ ചെലുത്തുന്നില്ലെന്നാണ് യാത്രക്കാരുടെ ആരോപണം. മലിനജലവും മാലിന്യവും അടിയന്തരമായി നീക്കം ചെയ്ത് യാത്രക്കാർക്ക് സുരക്ഷിതമായ സാഹചര്യം ഒരുക്കണമെന്നാണ് ആവശ്യം.

ഹൃദയം, കണ്ണുകൾ, വൃക്ക, കരൾ, ശ്വാസകോശം എന്നിവയുൾപ്പെടെ 14 അവയവങ്ങളും ടിഷ്യൂകളും ദാനം ചെയ്യാനാണ് നിഷ സമ്മതപത്രം നൽകിയത്. അവയവദാനത്തിന്റെ സന്ദേശം പങ്കുവെച്ച് നിഷ തന്നെയാണ് സമൂഹമാധ്യമങ്ങളിലൂടെ ഇക്കാര്യം അറിയിച്ചത്.

“എന്റെ മരണം വെറുമൊരു വിടവാങ്ങൽ മാത്രമായിരിക്കണമെന്ന് ഞാൻ ആഗ്രഹിക്കുന്നില്ല. അതൊരു തുടർച്ചയായിരിക്കണം. വീണ്ടും മിടിക്കുന്ന ഹൃദയം, മറ്റൊരു സൂര്യോദയം കാണാൻ കഴിയുന്ന കണ്ണുകൾ, വർഷങ്ങളുടെ കഷ്ടപ്പാടുകളിൽ നിന്ന് ഒരാൾക്ക് മോചനം നൽകുന്ന ഒരു വൃക്ക, മറ്റൊരു മനുഷ്യന് അവർ സ്നേഹിക്കുന്നവരോടൊപ്പം കൂടുതൽ സമയം നൽകാൻ കഴിയുന്ന കരൾ, ശ്വാസകോശം, ടിഷ്യൂകൾ, മറ്റ് സമ്മാനങ്ങൾ,” എന്നായിരുന്നു നിഷയുടെ കുറിപ്പ്.

“എന്റെ മരണം മറ്റൊരാളുടെ തുടക്കമാകാമെങ്കിൽ, അങ്ങനെ തന്നെയാകട്ടെ” എന്ന സന്ദേശത്തോടെയാണ് നിഷ അവയവദാനത്തിന്റെ പ്രാധാന്യം പങ്കുവെച്ചത്.

ബുധനാഴ്ച ഉച്ചയ്ക്ക് മൂന്നോടെയായിരുന്നു സംഭവം. വീടിനുള്ളിൽവച്ച് ടോജൻ അമ്മയുടെ താലിമാല പൊട്ടിച്ചെടുത്ത ശേഷം ഓടി രക്ഷപ്പെടുകയായിരുന്നു. തുടർന്ന് സുഹൃത്തായ അൽത്താഫിന്റെ സഹായത്തോടെ മാല ഈരാറ്റുപേട്ടയിലെ ധനകാര്യ സ്ഥാപനത്തിൽ പണയംവച്ചു.

മാല പണയംവച്ച് ലഭിച്ച പണം ഉപയോഗിച്ച് ടോജൻ പുതിയ മൊബൈൽ ഫോൺ വാങ്ങുകയും കടങ്ങൾ വീട്ടുകയും ചെയ്തു. ശേഷിച്ച തുക മദ്യപിച്ച് ചെലവഴിച്ചതായും പൊലീസ് പറയുന്നു.

ടോജൻ മുമ്പും വീട്ടിൽനിന്ന് ഭീഷണിപ്പെടുത്തി സ്വർണാഭരണങ്ങൾ തട്ടിയെടുത്തിട്ടുണ്ടെന്ന് കുടുംബം ആരോപിച്ചു. സംഭവത്തിൽ പൊലീസ് വിശദമായ അന്വേഷണം തുടരുകയാണ്.

2012 ജനുവരി മൂന്നിനാണ് കേസിനാസ്പദമായ സംഭവം. കടമാക്കുഴിയിലെ ഏലത്തോട്ടത്തിലെ സൂപ്പർവൈസറായിരുന്ന മാത്യു ദേവസ്യ, തോട്ടത്തിലെ തൊഴിലാളിയായ അമ്പിളിയുമായി അടുപ്പത്തിലാവുകയും യുവതി ഗർഭിണിയാകുകയുമായിരുന്നു. ഭാര്യയും മക്കളുമുള്ള പ്രതി, അമ്പിളി പ്രസവിച്ചാൽ ഉണ്ടാകാനിടയുള്ള കുടുംബപ്രശ്നങ്ങളും അപമാനവും ഭയന്നാണ് കൊലപാതകം ആസൂത്രണം ചെയ്തതെന്നാണ് പ്രോസിക്യൂഷൻ കേസ്.

കൃത്യദിവസം കട്ടപ്പനയിൽ നിന്ന് പ്ലാസ്റ്റിക് കയറും പടുതയും വാങ്ങിയ പ്രതി ഓട്ടോറിക്ഷയിൽ ആനകുത്തിയിലെത്തി. തുടർന്ന് അമ്പിളിയെ വിജനമായ പാമ്പാടുംപാറ എസ്റ്റേറ്റിലെ കാപ്പിത്തോട്ടത്തിലേക്ക് വിളിച്ചുവരുത്തുകയായിരുന്നു. എട്ടുമാസം ഗർഭിണിയായിരുന്ന അമ്പിളിയെ കയറുപയോഗിച്ച് ശ്വാസംമുട്ടിച്ച് കൊലപ്പെടുത്തിയ ശേഷം മൃതദേഹം നീലപടുതയിൽ പൊതിഞ്ഞ് കല്ലുകെട്ടി തോട്ടത്തിലെ കുളത്തിൽ താഴ്ത്തിയെന്നാണ് കേസ്.

പിടിയിലാകുമെന്ന ഭയത്തെ തുടർന്ന് പ്രതി വിഷം കഴിച്ച് ആത്മഹത്യയ്ക്ക് ശ്രമിക്കുകയും ചെയ്തിരുന്നു.

ജനുവരി 14ന് കാപ്പിത്തോട്ടത്തിലെ കുളത്തിൽ നിന്ന് ദുർഗന്ധം വമിച്ചതിനെ തുടർന്ന് വണ്ടൻമേട് പൊലീസ് നടത്തിയ പരിശോധനയിലാണ് പടുതയിൽ പൊതിഞ്ഞ നിലയിൽ അമ്പിളിയുടെയും പൊക്കിൾക്കൊടി വേർപെടാത്ത നവജാതശിശുവിന്റെയും മൃതദേഹങ്ങൾ കണ്ടെത്തിയത്.

നേരിട്ടുള്ള ദൃക്സാക്ഷികളില്ലാതിരുന്ന കേസിൽ സാഹചര്യതെളിവുകളും ശാസ്ത്രീയ തെളിവുകളുമാണ് പ്രോസിക്യൂഷന് നിർണായകമായത്. ഡി.എൻ.എ പരിശോധനയിലൂടെ കൊല്ലപ്പെട്ടത് അമ്പിളിയാണെന്നും നവജാതശിശുവിന്റെ പിതാവ് പ്രതിയായ മാത്യു ദേവസ്യയാണെന്നും ശാസ്ത്രീയമായി തെളിയിക്കപ്പെട്ടു.

അന്നത്തെ കട്ടപ്പന സർക്കിൾ ഇൻസ്പെക്ടർ റെജി എം. കുന്നിപ്പറമ്പന്റെ നേതൃത്വത്തിലാണ് കേസിൽ കുറ്റപത്രം സമർപ്പിച്ചത്. പ്രോസിക്യൂഷൻ ഭാഗത്ത് നിന്ന് 32 സാക്ഷികളെ വിസ്തരിക്കുകയും 52 രേഖകളും 23 തൊണ്ടിമുതലുകളും കോടതിയിൽ ഹാജരാക്കുകയും ചെയ്തു. ജില്ലാ പബ്ലിക് പ്രോസിക്യൂട്ടർ അഡ്വ. എസ്.എസ്. സനീഷ് പ്രോസിക്യൂഷനുവേണ്ടി ഹാജരായി.പ്രതിക്കുള്ള ശിക്ഷ സംബന്ധിച്ച വിധി ഓഗസ്റ്റ് 18ന് കോടതി പ്രഖ്യാപിക്കും.

വിദ്യാർഥികൾക്ക് തൊഴിൽ മേഖലകളെക്കുറിച്ചുള്ള അവബോധം നൽകുക, വ്യവസായ മേഖലയിലെ സാധ്യതകൾ പരിചയപ്പെടുത്തുക, ആവശ്യമായ നൈപുണ്യങ്ങൾ വികസിപ്പിക്കുന്നതിന് മാർഗനിർദേശം നൽകുക, പ്ലേസ്‌മെന്റ് അവസരങ്ങളെക്കുറിച്ച് പരിചയപ്പെടുത്തുക തുടങ്ങിയവയായിരുന്നു പരിപാടിയുടെ പ്രധാന ലക്ഷ്യങ്ങൾ.

കരിയർ ബോധവത്കരണം, വ്യവസായ മേഖലയിലെ പുതിയ സാധ്യതകൾ, സ്കിൽ ഡെവലപ്‌മെന്റ്, പ്ലേസ്‌മെന്റ് സാധ്യതകൾ തുടങ്ങിയ വിഷയങ്ങളും പരിപാടിയിൽ ഉൾപ്പെടുത്തി.കോളേജ് കരിയർ ആൻഡ് പ്ലേസ്മെൻ്റ് സെൽ കോർഡിനേറ്റർ ജിനിമോൾ മാത്യു പരിപാടികൾക്ക് നേതൃത്വം നൽകി.

ജയന്തി ദിനത്തെ വരവേൽക്കുന്നതിന്റെ ഭാഗമായി യൂണിയനിലെ 40 ശാഖകളിലെ പ്രവർത്തകരുടെ സമ്മേളനം സംഘടിപ്പിച്ചു. വിവിധ ശാഖകളിൽ നിന്നായി 200ഓളം പ്രവർത്തകർ സമ്മേളനത്തിൽ പങ്കെടുത്തു.

യൂണിയൻ പ്രസിഡന്റ് ബിജു മാധവൻ ആഘോഷ പരിപാടികൾ ഉദ്ഘാടനം ചെയ്തു. യൂണിയൻ സെക്രട്ടറി വിനോദ് ഉത്തമൻ അധ്യക്ഷത വഹിച്ചു.

സുനിൽകുമാർ പടിയിറമ്മാവിൽ, ഷാജി പള്ളോലിൽ, മനോജ് അപ്പന്താനം, പി.ആർ. രതീഷ്, കെ.കെ. രാജേഷ്, സുധീഷ് വിജയൻ, ഷിജോ കൊഴിഞ്ഞുതാഴെ എന്നിവർ പങ്കെടുത്തു.

അമരാവതി ജലശുദ്ധീകരണ പ്ലാന്റിൽ നിന്ന് അമ്മാവാസിമേട് ജലവിതരണ ടാങ്കിലേക്ക് കുടിവെള്ളമെത്തിക്കുന്ന പദ്ധതിയുടെ ഭാഗമായി എത്തിച്ച പൈപ്പുകളാണ് കുമളി ഒന്നാംമൈലിൽ അപകടകരമായ രീതിയിൽ നിക്ഷേപിച്ചിരിക്കുന്നത്. പൈപ്പുകൾ ഇവിടെ ഇറക്കിയിട്ട് രണ്ടാഴ്ച പിന്നിട്ടിട്ടും നീക്കം ചെയ്യാനോ സുരക്ഷിതമായി ക്രമീകരിക്കാനോ നടപടിയുണ്ടായിട്ടില്ലെന്നാണ് പരാതി.

നൂറുകണക്കിന് വിദ്യാർഥികൾ ഉൾപ്പെടെ ദിവസവും നിരവധി പേർ സഞ്ചരിക്കുന്ന പ്രധാന റോഡരികിലാണ് യാതൊരു സുരക്ഷാ ക്രമീകരണങ്ങളുമില്ലാതെ പൈപ്പുകൾ കൂട്ടിയിട്ടിരിക്കുന്നത്. റോഡിന്റെ വശങ്ങൾ പൂർണമായും പൈപ്പുകൾ കൈയടക്കിയതോടെ കാൽനടയാത്രക്കാർക്ക് റോഡിലൂടെയാണ് സഞ്ചരിക്കേണ്ടിവരുന്നത്.

തിരക്കേറിയ റോഡിൽ പൈപ്പുകൾ അപകടകരമായ രീതിയിൽ കൂട്ടിയിട്ടിരിക്കുന്നത് വാഹനാപകടത്തിനും കാൽനടയാത്രക്കാർക്ക് അപകടങ്ങൾക്കും ഇടയാക്കുമെന്ന ആശങ്കയും ശക്തമാണ്. കരാറുകാരന്റെ അനാസ്ഥക്കെതിരെ നടപടി സ്വീകരിച്ച് പൈപ്പുകൾ അടിയന്തരമായി സുരക്ഷിത സ്ഥാനത്തേക്ക് മാറ്റണമെന്നാണ് നാട്ടുകാരുടെയും രക്ഷിതാക്കളുടെയും ആവശ്യം.

കോളേജ് പ്രിൻസിപ്പൽ പ്രൊഫ. (ഡോ.) ജെന്നി കെ. അലക്സ് അധ്യക്ഷത വഹിച്ചു. വൈസ് പ്രിൻസിപ്പൽ മേജർ പ്രജീഷ് സി. മാത്യു, ബർസാർ റവ. ഫാ. ബെൻസൺ എൻ. ആന്റണി, സെൽഫ് ഫിനാൻസിങ് അഡ്മിനിസ്ട്രേറ്റർ റവ. ഫാ. അലൻ അലക്സ്, വകുപ്പ് മേധാവി ശോഭ തോമസ് എന്നിവർ സംസാരിച്ചു.

സ്വാശ്രയ വിഭാഗം വിദ്യാർഥികളുടെ നേതൃത്വത്തിൽ വിവിധ സംരംഭങ്ങളുടെ പ്രദർശനവും സംഘടിപ്പിച്ചു. കോമേഴ്സ് വിഭാഗം വിദ്യാർഥികൾക്കായി കോമേഴ്സ് ക്വിസ് മത്സരവും നടന്നു.

'ക്യാപിറ്റൽ മാർക്കറ്റ്: എ പ്രാക്ടിക്കൽ വ്യൂ' എന്ന വിഷയത്തിൽ ജിമ്മി സെബാസ്റ്റ്യന്റെ നേതൃത്വത്തിൽ വിദ്യാർഥികൾക്കായി വർക്ക്‌ഷോപ്പും സംഘടിപ്പിച്ചു.

കേരള അക്വാട്ടിക് അസോസിയേഷൻ ഭാരവാഹികളായിരുന്ന പരേതരായ കെ. ബാബു, ടി.വി. പങ്കജാക്ഷൻ, അന്തർദേശീയ നീന്തൽ താരമായിരുന്ന വി.ഡി. ശ്രീവിശാഖ് എന്നിവരുടെ സ്മരണാർഥം ഏർപ്പെടുത്തിയ എവർ റോളിംഗ് ട്രോഫികൾക്കായാണ് മത്സരം സംഘടിപ്പിക്കുന്നത്.

കര, നാവിക, വ്യോമ സേനകളിൽ നിന്ന് വിരമിച്ച വിമുക്തഭടന്മാർ, സംസ്ഥാന-കേന്ദ്ര സർക്കാർ സർവീസിൽ നിന്ന് വിരമിച്ച ദേശീയ-അന്തർദേശീയ നീന്തൽ താരങ്ങൾ, സിവിൽ സർവീസ് നീന്തൽ താരങ്ങൾ എന്നിവരോടൊപ്പം സംസ്ഥാനത്തിന്റെ വിവിധ ഭാഗങ്ങളിൽ നിന്നുള്ള നീന്തൽ താരങ്ങളും മത്സരത്തിൽ പങ്കെടുക്കും.

നൂറോളം താരങ്ങൾ പങ്കെടുക്കുന്ന മത്സരം രാവിലെ ഒമ്പതിന് ആരംഭിച്ച് വൈകിട്ട് നാലിന് സമാപിക്കും.

കർണാടകയിൽ നിന്നുള്ള നാരങ്ങയുടെ വരവ് കുറഞ്ഞതും തമിഴ്നാട്ടിൽ വില ഉയർന്നതുമാണ് ഇടുക്കിയിലെ വിപണിയെ പ്രധാനമായും ബാധിച്ചത്. കടുത്ത വേനലിനെ തുടർന്ന് ഉൽപ്പാദനം കുറഞ്ഞതും വില ഉയരാൻ കാരണമായതായി വ്യാപാരികൾ പറയുന്നു.

തമിഴ്നാട്ടിലെ പുളിയങ്കുടിയിൽ നിന്നെത്തുന്ന നാരങ്ങയ്ക്കാണ് വിപണിയിൽ കൂടുതൽ ആവശ്യക്കാർ. വലുപ്പം കൂടുതലുള്ളതും പെട്ടെന്ന് കേടാകാത്തതുമാണ് പുളിയങ്കുടി നാരങ്ങയുടെ പ്രത്യേകത. തമിഴ്നാട്ടിൽ ഏറ്റവും കൂടുതൽ ചെറുനാരങ്ങ ഉൽപ്പാദിപ്പിക്കുന്ന പ്രദേശങ്ങളിലൊന്നാണ് പുളിയങ്കുടി. ജ്യൂസ് വിപണിയിലും ഇതിന് വലിയ ആവശ്യമാണ്.

സാധാരണയായി ജൂൺ മുതൽ ഓഗസ്റ്റ് വരെയുള്ള കാലയളവിൽ നാരങ്ങയുടെ വിലയിൽ കാര്യമായ വർധനവ് ഉണ്ടാകാറില്ല. എന്നാൽ ഇത്തവണ വില ഉയർന്നതോടെ ചെറിയ പെട്ടിക്കടകൾ മുതൽ ബേക്കറികൾ വരെയുള്ള വ്യാപാര സ്ഥാപനങ്ങളിൽ നാരങ്ങാവെള്ളത്തിനും വില വർധിപ്പിക്കേണ്ട സാഹചര്യമുണ്ടായി.

നാരങ്ങയുടെ വിലവർധന കുടുംബശ്രീ ഉൾപ്പെടെയുള്ള ചെറുകിട അച്ചാർ നിർമാണ യൂണിറ്റുകളെയും പ്രതിസന്ധിയിലാക്കി. ഓണക്കാലത്ത് വിൽപ്പന വർധിക്കുമെന്ന പ്രതീക്ഷയിലായിരുന്ന യൂണിറ്റുകൾക്ക് ഉയർന്ന അസംസ്കൃത വസ്തു വില തിരിച്ചടിയായി. വില വർധിപ്പിച്ചാൽ വിൽപ്പന കുറയുമെന്ന ആശങ്കയിലാണ് കുടുംബശ്രീ പ്രവർത്തകർ

വാർഡ് മെമ്പർ ജോണി പുതിയാപറമ്പിലിന്റെ നേതൃത്വത്തിൽ സംഘടിപ്പിച്ച യാത്രയയപ്പ് സമ്മേളനത്തിൽ അഗ്രികൾച്ചറൽ ബാങ്ക് പ്രസിഡന്റ് സാബു മാലിയിൽ, റൂറൽ ലൈബ്രറി പ്രസിഡന്റ് ഷെബിൻ തേനമാക്കൽ, മർച്ചന്റ്സ് അസോസിയേഷൻ പ്രസിഡന്റ് കുഞ്ഞമ്മച്ചൻ പാറത്തറ, എ.ഡി.എസ് സെക്രട്ടറി ഷീബ ഐക്കര, വാർഡ് കൺവീനർ ബിജു പെരുമനങ്ങാട്ട്, സി.ഡി.എസ് മെമ്പർ സിമി സാബു, സായംപ്രഭ വൈസ് പ്രസിഡന്റ് മോളി പുറത്തെമഠം, ആശാ പ്രവർത്തകരായ ഷീബ പറയാങ്കൽ, ബിന്ദു രാജൻ എന്നിവർ ആശംസകൾ നേർന്നു.

എഴുകുംവയലിന്റെ സ്നേഹോപഹാരം വാർഡ് മെമ്പർ ജോണി പുതിയാപറമ്പിൽ ജിജി ജോർജിന് കൈമാറി. സായംപ്രഭ കെയർഗീവർ ലേഖ നന്ദി രേഖപ്പെടുത്തി.

കളക്ടറേറ്റിലെ കോൺഫറൻസ് ഹാളിൽ ചേർന്ന നാർക്കോ കോർഡിനേഷൻ കമ്മിറ്റി ജില്ലാ തല ലഹരി വിമുക്ത സമിതി യോഗത്തിൽ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.

വിദ്യാർത്ഥികളുടെ ഭാവിയെ പ്രതികൂലമായി ബാധിക്കാത്ത തരത്തിൽ ഇത്തരം കേസുകൾ കൈകാര്യം ചെയ്യാൻ സർക്കാർ സംവിധാനങ്ങൾക്ക് സാധിക്കുമെന്ന് കളക്ടർ പറഞ്ഞു. വിദ്യാർത്ഥികൾ ലഹരി ഉപയോഗിക്കുന്നതായി കണ്ടെത്തിയാൽ വിവരം മറച്ചുവയ്ക്കാതെ ബന്ധപ്പെട്ട അധികൃതരെ അറിയിക്കണം.

എല്ലാ സ്കൂളുകളിലും പരാതിപ്പെട്ടി സ്ഥാപിച്ചിട്ടുണ്ടെന്ന് ഉറപ്പാക്കണമെന്നും കളക്ടർ നിർദേശിച്ചു. പരാതിപ്പെട്ടികളിൽ ലഭിക്കുന്ന പരാതികൾ സമയബന്ധിതമായി പരിശോധിച്ച് ആവശ്യമായ തുടർനടപടികൾ സ്വീകരിക്കണമെന്നും അദ്ദേഹം നിർദ്ദേശം നൽകി.

പ്രളയബാധിതരെയും ചേർത്തുനിർത്തിയാകും ഇത്തവണത്തെ ഓണാഘോഷങ്ങൾ സംഘടിപ്പിക്കുകയെന്നും അദ്ദേഹം പറഞ്ഞു. എല്ലാവർക്കും ആശ്വാസവും സന്തോഷവും പകരുന്ന രീതിയിലുള്ള ഓണാഘോഷമാണ് ലക്ഷ്യമെന്നും സ്പീക്കർ വ്യക്തമാക്കി.

നാട്ടകം സുരേഷ് എംഎൽഎ അധ്യക്ഷത വഹിച്ച ചടങ്ങിൽ കോട്ടയം നഗരസഭ വികസനകാര്യ സമിതി അധ്യക്ഷൻ എസ്. ഗോപകുമാർ, സപ്ലൈകോ മേഖലാ മാനേജർ എം. ജയപ്രകാശ്, ജില്ലാ സപ്ലൈ ഓഫീസർ വി. സുരേഷ്, ബാബു കപ്പക്കാല, ടോമി വേദഗിരി, ടി.സി. അരുൺ തുടങ്ങിയവർ സംസാരിച്ചു.

തോമസ് ആന്റണി, റ്റിനു തകടിയേൽ, കെ.യു. കുര്യാക്കോസ്, സോണി കുരുവിള, ബിജി മുകളേൽ, മാതാ സന്തോഷ്, എ.റ്റി. ബിനോയി, സി. സാജൻ, വി.വി. ഐസക്, എ.കെ. ഷാജി, സന്തോഷ് വട്ടക്കുന്നേൽ, തങ്കച്ചൻ കുമ്പുങ്കൽ, എ.റ്റി. ബെന്നി, വി.എം. സാബു, സജി കൊട്ടാരമറ്റം, സുനിൽ കൊച്ചുപറമ്പിൽ, ബേബി കുരുവിള, വിനോദ് ജോൺ, കെ.വി. അനൂപ്, തോമസ് ചാക്കോ, രാജേഷ് വട്ടക്കുന്നേൽ, ബെന്നി വെള്ളിയേപ്പള്ളി തുടങ്ങിയവർ സംസാരിച്ചു.

ഓഗസ്റ്റ് 21ന് ഉച്ചയ്ക്ക് രണ്ടിന് വിവിധ കലാരൂപങ്ങളും ബാൻഡ് സംഘങ്ങളും അണിനിരക്കുന്ന ഓണം ഘോഷയാത്രയോടെയാണ് ആഘോഷങ്ങൾക്ക് തുടക്കമാകുക. പ്രാദേശിക കലാരൂപങ്ങൾക്ക് പ്രാധാന്യം നൽകിയാണ് പരിപാടികൾ സംഘടിപ്പിക്കുന്നത്. ഓരോ നിയോജക മണ്ഡലങ്ങളിലും ഓണാഘോഷ പരിപാടികൾ നടക്കും. മൂന്നാർ, ചെറുതോണി, കുമളി, രാജാക്കാട്, തൊടുപുഴ എന്നിവിടങ്ങളിലായാണ് പ്രധാന പരിപാടികൾ.

ഓണാഘോഷത്തിന്റെ ഭാഗമായി ഓഗസ്റ്റ് 21 മുതൽ 31 വരെ ഇടുക്കി ഡാം സന്ദർശിക്കാൻ പൊതുജനങ്ങൾക്ക് അവസരമൊരുക്കും. ഡാമിൽ പ്രത്യേക പ്രകാശ അലങ്കാരവും ഒരുക്കും. കുടുംബശ്രീയുടെ നേതൃത്വത്തിൽ ഭക്ഷ്യമേളയും സംഘടിപ്പിക്കും. ആഘോഷ പരിപാടികൾ പൂർണമായും ഹരിത പ്രോട്ടോക്കോൾ പാലിച്ചായിരിക്കും.

ഓണാഘോഷ പരിപാടികളുടെ സംഘാടനത്തിനായി സർക്കാർ 15.50 ലക്ഷം രൂപ അനുവദിച്ചിട്ടുണ്ട്.

റോയി കെ. പൗലോസ് എംഎൽഎയുടെ നേതൃത്വത്തിൽ ജില്ലാ കളക്ടർ ഡോ. ദിനേശൻ ചെറുവാട്ടിന്റെ അധ്യക്ഷതയിൽ ചേർന്ന ആലോചനാ യോഗത്തിലാണ് പരിപാടികളുടെ സംഘാടനവുമായി ബന്ധപ്പെട്ട തീരുമാനങ്ങൾ കൈക്കൊണ്ടത്. ജില്ലാ പഞ്ചായത്ത് പ്രസിഡന്റ് പ്രൊഫ. ഷീല സ്റ്റീഫൻ, വാഴത്തോപ്പ് ഗ്രാമപഞ്ചായത്ത് പ്രസിഡന്റ് ആൻസി തോമസ്, ഇടുക്കി ബ്ലോക്ക് പഞ്ചായത്ത് വൈസ് പ്രസിഡന്റ് എ.പി. ഉസ്മാൻ, അഡീഷണൽ ജില്ലാ മജിസ്ട്രേറ്റ് മിനി കെ. ജോൺ, ഡിടിപിസി സെക്രട്ടറി ജിതേഷ് ജോസ്, ജനപ്രതിനിധികൾ, വിവിധ രാഷ്ട്രീയകക്ഷി പ്രതിനിധികൾ, വ്യാപാരി-വ്യവസായി സംഘടനാ പ്രതിനിധികൾ, ഉദ്യോഗസ്ഥർ തുടങ്ങിയവർ യോഗത്തിൽ പങ്കെടുത്തു.

രാജേഷ് കോട്ടപ്പടി സംവിധാനം ചെയ്യുന്ന ആൽബത്തിൽ അനീഷ് മങ്ങാരം നായകനായും അഞ്ജന എസ്. നായർ നായികയായും എത്തുന്നു. ഓണത്തിന്റെ ഗൃഹാതുരമായ ഓർമ്മകളും കുടുംബബന്ധങ്ങളുടെ ഊഷ്മളതയും ആഘോഷനിമിഷങ്ങളും സംഗീതത്തിന്റെയും ദൃശ്യങ്ങളുടെയും സഹായത്തോടെ അവതരിപ്പിക്കുന്നതാണ് ആൽബം.

സലിം കോട്ടപ്പടിയാണ് സംഗീതം ഒരുക്കുന്നത്. ഷൈൻ കുമാർ പെരുമ്പാവൂരും അഞ്ചു അജേഷും ചേർന്നാണ് ഗാനങ്ങൾ ആലപിച്ചിരിക്കുന്നത്. ഷെട്ടി മണി ക്യാമറ കൈകാര്യം ചെയ്യുന്നു. സുധീർ മൂവാറ്റുപുഴ പ്രൊഡക്ഷൻ കൺട്രോളറാണ്. ജയരാജ് കോതമംഗലമാണ് ഓർക്കസ്ട്ര ഒരുക്കുന്നത്.

ഓണത്തിന്റെ നാടൻ സൗന്ദര്യവും മലയാളിയുടെ ഗൃഹാതുരമായ ഓർമ്മകളും മനോഹരമായ സംഗീതത്തിലൂടെ പ്രേക്ഷകരിലേക്ക് എത്തിക്കുകയാണ് ‘ഓർമ്മകളിൽ ഒരു ഓണം’ ലക്ഷ്യമിടുന്നത്. ഓണക്കാലത്ത് പ്രേക്ഷകരുടെ ഹൃദയത്തിൽ ഇടം നേടാനുള്ള ഒരുക്കത്തിലാണ് ആൽബത്തിന്റെ അണിയറ പ്രവർത്തകർ.

കോട്ടയം ഭാഗത്തേക്കുള്ള ബസുകൾ നിർത്തുന്ന ഭാഗത്താണ് അപകടം ഉണ്ടായത്. പാലാ–പൊൻകുന്നം റൂട്ടിൽ സർവീസ് നടത്തുന്ന സ്വകാര്യബസ് ആണ് ഹൈമവതിയമ്മയെ ഇടിച്ചത്.

അപകടത്തെ തുടർന്ന് സമീപത്തുണ്ടായിരുന്ന ഓട്ടോ ഡ്രൈവർമാരും ബസ് ജീവനക്കാരും നാട്ടുകാരും ചേർന്ന് വയോധികയെ ഉടൻ പാലാ ജനറൽ ആശുപത്രിയിൽ എത്തിച്ചു.

സിപിഐ സംസ്ഥാന എക്സിക്യൂട്ടീവ് അംഗം സി കെ ശശിധരൻ മാർച്ച്‌ ഉദ്ഘാടനം ചെയ്യും, സിപിഐ സംസ്ഥാന സമിതി അംഗങ്ങളായ ഒ പി എ സലാം, അഡ്വ. വി ബി ബിനു, സിപിഐ ജില്ലാ അസിസ്റ്റന്റ് സെക്രട്ടറിമാരായ ജോൺ വി ജോസഫ്, അഡ്വ.ബിനു ബോസ് തുടങ്ങിയവർ സംസാരിക്കും.

ന്യൂഡൽഹി: കേന്ദ്ര സർക്കാരിന്റെ നയങ്ങൾക്കെതിരെ സിപിഐ സംഘടിപ്പിക്കുന്ന പാർലമെന്റ് മാർച്ചിന് മുന്നോടിയായി ബുക്കു ചെയ്ത ട്രെയിൻ സർവീസുകൾ റദ്ദാക്കി. സെപ്റ്റംബർ 1-നാണ് ഡൽഹിയിൽ കേന്ദ്രസർക്കാർ നയങ്ങൾക്കെതിരെ വൻ പ്രതിഷേധ പരിപാടി സി പി ഐ ആഹ്വാനം ചെയ്തിരുന്നത്. പ്രതിഷേധം ഭയന്നാണ്   കേന്ദ്രസർക്കാരിന്റെ ഈ നടപടിയെന്ന്  സിപിഐ വൃത്തങ്ങൾ ആരോപിക്കുന്നു.

രാജ്യത്തിന്റെ വിവിധ ഭാഗങ്ങളിൽ നിന്ന് ഏകദേശം ഒരു ലക്ഷത്തോളം പ്രവർത്തകരെ ഡൽഹിയിലെത്തിക്കുന്നതിനായി പാർട്ടി ബുക്ക് ചെയ്തിരുന്ന ട്രെയിനുകളാണ് റെയിൽവേ അപ്രതീക്ഷിതമായി റദ്ദാക്കിയത്. പ്രത്യേകിച്ച് ഓഗസ്റ്റ് 29-ന് കേരളത്തിൽ നിന്ന് ഉൾപ്പെടെ പുറപ്പെടേണ്ടിയിരുന്ന ട്രെയിനുകൾ ഉൾപ്പെടെ നിരവധി സർവീസുകൾ റദ്ദാക്കിയതായി പാർട്ടി വൃത്തങ്ങൾ പറയുന്നു. കേരളം ഉൾപ്പെടെയുള്ള സംസ്ഥാനങ്ങളിൽ നിന്ന് പ്രവർത്തകരെ ഡൽഹിയിലെത്തിക്കാൻ നടത്തിയിരുന്ന യാത്രാ ക്രമീകരണങ്ങളാണ് ഇതോടെ പ്രതിസന്ധിയിലായത്. സെപ്റ്റംബർ 1-ന് നടക്കുന്ന പാർലമെന്റ് മാർച്ചിന് വൻ ജനപങ്കാളിത്തം ഉറപ്പാക്കാനായിരുന്നു സിപിഐയുടെ പദ്ധതി. റദ്ദാക്കലിന്റെ കാരണം സംബന്ധിച്ച് റെയിൽവേയുടെ ഔദ്യോഗിക വിശദീകരണം ഇതുവരെ പുറത്തുവന്നിട്ടില്ല.

ഇന്ന് വൈകിട്ട് ചേരുന്ന സിപിഐ ദ എക്സിക്യൂട്ടീവ് യോഗത്തിന് ശേഷം വിഷയത്തിൽ കൂടുതൽ വിശദമായ പ്രതികരണം ഉണ്ടാകുമെന്ന് പാർട്ടി വൃത്തങ്ങൾ അറിയിച്ചു.

ബുധനാഴ്ച വൈകിട്ട് 3.30ഓടെ ചിന്നക്കട ഹെഡ് പോസ്റ്റ് ഓഫീസിനും ബസ് ബേയ്ക്കും ഇടയിലായിരുന്നു അപകടം. കൊട്ടാരക്കരയിൽ നിന്ന് കരുനാഗപ്പള്ളിയിലേക്ക് പോകുകയായിരുന്ന കെഎസ്ആർടിസി പ്രിയദർശിനി ഓർഡിനറി ബസ് ചിന്നക്കട ബസ് ബേയിലേക്ക് പ്രവേശിക്കുന്നതിനിടെ സെയ്ദലി സഞ്ചരിച്ചിരുന്ന ബൈക്കിൽ ഇടിക്കുകയായിരുന്നു.

ഇടിയുടെ ആഘാതത്തിൽ ബസിനടിയിൽപ്പെട്ട സെയ്ദലിയെ പത്ത് മീറ്ററിലധികം ദൂരം ബസ് വലിച്ചിഴച്ചതായാണ് റിപ്പോർട്ട്. ഗുരുതരമായി പരിക്കേറ്റ യുവാവിനെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

ചിന്നക്കടയിലെ മൊബൈൽ ഷോപ്പിലെ ജീവനക്കാരനായിരുന്നു സെയ്ദലി. അപകടവുമായി ബന്ധപ്പെട്ട് കരുനാഗപ്പള്ളി ഡിപ്പോയിലെ ബസ് ഡ്രൈവർക്കെതിരെ പോലീസ് മനഃപൂർവമല്ലാത്ത നരഹത്യയ്ക്ക് കേസെടുത്തു.

അപകടത്തിൽപ്പെട്ട ബസിന്റെ പിന്നിലെ ടയറുകൾ തേഞ്ഞ നിലയിലായിരുന്നുവെന്ന ആരോപണവും ഉയർന്നിട്ടുണ്ട്. മോട്ടോർ വാഹന വകുപ്പ് അധികൃതർ ബസ് വിശദമായി പരിശോധിക്കും.

​ദിവസം ചെല്ലുന്തോറും വിള്ളലിന്റെ വീതി

വർധിച്ചുവരുന്നത് വൻ അപകടസാധ്യതയിലേക്കാണ് വിരൽ ചൂണ്ടുന്നത്. റോഡിന്റെ നിർമ്മാണത്തിൽ സംഭവിച്ച പിഴവുകളേക്കാൾ, മൺപാലത്തിനായി ഉപയോഗിച്ച മണ്ണ് സ്വാഭാവികമായി താഴേക്ക് ഇടിഞ്ഞതാകാം വിള്ളലിന് കാരണമെന്നാണ് പ്രാഥമിക വിലയിരുത്തൽ. അല്ലെങ്കിൽ കനത്ത മഴയെത്തുടർന്ന് റോഡിന് അടിയിലുണ്ടായ ഭൗമചലനങ്ങളോ മണ്ണിന്റെ ഘടനയിലുണ്ടായ മാറ്റങ്ങളോ ആകാം ഈ തകർച്ചയ്ക്ക് പിന്നിലെന്നും കരുതപ്പെടുന്നു.

​എന്നാൽ റോഡിന്റെ അടിത്തറയിൽ പ്രകടനപരമായ വ്യതിയാനങ്ങൾ സംഭവിച്ചിട്ടും അടിയന്തര ശാസ്ത്രീയ പരിശോധന നടത്താൻ അധികൃതർ തയ്യാറായിട്ടില്ല. ആദ്യം ചെറിയ വിള്ളൽ കണ്ടപ്പോൾ അതിലേക്ക് ടാർ ഉരുക്കിയൊഴിച്ച് മറയ്ക്കുക മാത്രമാണ് ചെയ്തത്. അടിത്തറ ഇളകിയ ഭാഗത്ത് ഉപരിതലത്തിൽ മാത്രം അറ്റകുറ്റപ്പണി നടത്തുന്നത് കണ്ണിൽ പൊടിയിടലാണെന്നും അത് വലിയ അപകടത്തിന് വഴിവെക്കുമെന്നും നാട്ടുകാർ ആരോപിക്കുന്നു.

​നിലവിൽ വിള്ളലിന്റെ വ്യാപ്തി ഓരോ ദിവസവും കൂടിച്ചെല്ലുകയാണ്. ദിനംപ്രതി നൂറുകണക്കിന് ഭാരവാഹനങ്ങളാണ് ഇതുവഴി കടന്നുപോകുന്നത്. വശങ്ങളോട് ചേർന്ന് ഭാരവാഹനങ്ങൾ പോകുമ്പോൾ പാലത്തിന്റെ വശങ്ങൾ ഇടിഞ്ഞുതാഴാനോ റോഡ് പൂർണ്ണമായി പിളർന്നുമാറാനോ സാധ്യതയേറെയാണ്. പ്രത്യേകിച്ച് രാത്രികാലങ്ങളിലും കനത്ത മഞ്ഞുള്ള സമയങ്ങളിലും ഈ വഴിയിലൂടെയുള്ള യാത്ര അതീവ അപകടകരമായി മാറിക്കഴിഞ്ഞു.

​അടിയന്തരമായി പൊതുമരാമത്ത്-കെ.ആർ.എഫ്.ബി (KRFB) അധികൃതരും വിദഗ്ധ സംഘവും സ്ഥലത്തെത്തി ശാസ്ത്രീയ പരിശോധന നടത്തണമെന്നാണ് ആവശ്യം ശക്തമാകുന്നത്. റോഡിന്റെ അടിത്തറ ബലപ്പെടുത്തി വിള്ളലുകൾ പൂർണ്ണമായി പരിഹരിച്ചില്ലെങ്കിൽ വലിയൊരു ദുരന്തത്തിനാവും മലയോര പാത സാക്ഷ്യം വഹിക്കേണ്ടി വരിക.

മുൻമന്ത്രിയും ചെത്തുതൊഴിലാളി ഫെഡറേഷൻ പ്രസിഡന്റും എഐടിയുസി സംസ്ഥാന വൈസ് പ്രസിഡന്റുമായിരുന്ന കെ.പി. പ്രഭാകരന്റെ 17-ാം ചരമവാർഷികത്തോടനുബന്ധിച്ച് വൈക്കത്ത് നടന്ന അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

വിദ്യാർഥിയായിരിക്കെ പൊതുരംഗത്തേക്ക് കടന്നുവന്ന കെ.പി. പ്രഭാകരൻ പിന്നീട് കേരളത്തിലെ കമ്മ്യൂണിസ്റ്റ് പാർട്ടിയുടെയും തൊഴിലാളി പ്രസ്ഥാനത്തിന്റെയും മുൻനിര നേതാവായി മാറി. ജനപ്രതിനിധി എന്ന നിലയിലും മന്ത്രിയെന്ന നിലയിലും മാതൃകാപരമായ പ്രവർത്തനമാണ് അദ്ദേഹം കാഴ്ചവെച്ചതെന്നും സന്തോഷ്‌കുമാർ പറഞ്ഞു.

ഇതിഹാസതുല്യമായ സമരചരിത്രമാണ് കെ.പി. പ്രഭാകരന്റെ തൊഴിലാളി പ്രവർത്തനത്തിനുള്ളതെന്ന് സമ്മേളനത്തിൽ അധ്യക്ഷത വഹിച്ച ചെത്തുതൊഴിലാളി യൂണിയൻ പ്രസിഡന്റ് വി.ബി. ബിനു പറഞ്ഞു. ചെത്തുതൊഴിലാളികളുടെ ജീവിതത്തിലുണ്ടായ ഓരോ മുന്നേറ്റത്തിലും കെ.പി. പ്രഭാകരന്റെ കയ്യൊപ്പ് പതിഞ്ഞിട്ടുണ്ടെന്ന് ചെത്തുതൊഴിലാളി ഫെഡറേഷൻ ജനറൽ സെക്രട്ടറി ടി.എൻ. രമേശൻ പറഞ്ഞു.

ഇണ്ടംതുരുത്തി മനയിലെ സി.കെ. വിശ്വനാഥൻ സ്മാരക ഹാളിൽ നടന്ന സമ്മേളനത്തിൽ സി.കെ. ആശ, എം.ഡി. ബാബുരാജ്, പി.ജി. ത്രിഗുണസെൻ, ഡി. രഞ്ജിത് കുമാർ, എ.സി. ജോസഫ്, പി.ആർ. ശശി, കെ.എ. രവീന്ദ്രൻ എന്നിവർ സംസാരിച്ചു.

അടുത്ത 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ ശക്തമായ മഴ ലഭിക്കുമെന്നാണ് പ്രവചനം. കഴിഞ്ഞ ആഴ്ചയ്ക്ക് ശേഷം താൽക്കാലികമായി ശമിച്ച മഴ മുന്നറിയിപ്പുകളാണ് ന്യൂനമർദ രൂപീകരണത്തോടെ വീണ്ടും സജീവമായത്.

മഴ മുന്നറിയിപ്പിനൊപ്പം കള്ളക്കടൽ പ്രതിഭാസത്തെ തുടർന്ന് വിവിധ തീരങ്ങളിൽ ഉയർന്ന തിരമാലകൾക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.

തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂർ ജില്ലകളിലെ തീരപ്രദേശങ്ങളിൽ 1.0 മുതൽ 1.6 മീറ്റർ വരെ ഉയരത്തിലുള്ള തിരമാലകൾക്ക് സാധ്യതയുണ്ട്. തീരശോഷണത്തിനും സാധ്യതയുള്ളതിനാൽ തീരദേശവാസികളും മത്സ്യത്തൊഴിലാളികളും ജാഗ്രത പാലിക്കണമെന്ന് അധികൃതർ നിർദേശിച്ചു.

പ്രളയജലം കയറി ചെളിയും മാലിന്യങ്ങളും അടിഞ്ഞുകൂടിയ അങ്കണവാടിയുടെ ഉൾവശവും പരിസരവും വിദ്യാർഥികൾ കഴുകി വൃത്തിയാക്കി. കുരുന്നുകൾക്ക് സുരക്ഷിതമായി വീണ്ടും അങ്കണവാടിയിലെത്താൻ കഴിയുന്ന വിധത്തിലാണ് ശുചീകരണ പ്രവർത്തനങ്ങൾ പൂർത്തിയാക്കിയത്.

വെള്ളപ്പൊക്കത്തെ തുടർന്ന് സുരക്ഷിത സ്ഥലങ്ങളിലേക്ക് മാറ്റിപ്പാർപ്പിച്ച സമീപവാസികളുടെ വീട്ടുപകരണങ്ങളും മറ്റ് സാമഗ്രികളും വീടുകളിലേക്ക് തിരികെ എത്തിക്കുന്നതിനും ഇറക്കിവയ്ക്കുന്നതിനും വിദ്യാർഥികൾ പൂർണ പിന്തുണ നൽകി.

കെ.ജി. കോളജ് പ്രിൻസിപ്പൽ പ്രഫ. അബു ജോസഫ് സി., എൻ.സി.സി. ഓഫീസർ ലഫ്. റെനിഷ് ജോസഫ്, എൻ.എസ്.എസ്. പ്രോഗ്രാം ഓഫീസർമാരായ നമിത ജോർജ്, ആൻ നൈസി ജേക്കബ് എന്നിവരുടെ നേതൃത്വത്തിലാണ് വിദ്യാർഥികൾ ശുചീകരണ പ്രവർത്തനങ്ങളിൽ പങ്കാളികളായത്.

പ്രമുഖ കമ്പനികളിലായി 200ലേറെ ഒഴിവുകളാണ് തൊഴിൽമേളയിൽ റിപ്പോർട്ട് ചെയ്തിട്ടുള്ളത്. പങ്കെടുക്കാൻ താൽപര്യമുള്ള ഉദ്യോഗാർഥികൾ മുൻകൂട്ടി പേര് രജിസ്റ്റർ ചെയ്യണം. ഓൺലൈൻ രജിസ്ട്രേഷനായി bit.ly/mccktmaugust14 എന്ന ലിങ്ക് ഉപയോഗിക്കാം.

ഓൺലൈനായി രജിസ്റ്റർ ചെയ്യാൻ കഴിയാത്ത ഉദ്യോഗാർഥികൾക്ക് തൊഴിൽമേള നടക്കുന്ന ദിവസം സ്പോട്ട് രജിസ്ട്രേഷൻ സൗകര്യവും ഉണ്ടായിരിക്കും.

ഉദ്യോഗാർഥികൾ ഓഗസ്റ്റ് 14ന് രാവിലെ 10ന് സർവകലാശാലാ ക്യാമ്പസിലുള്ള മോഡൽ കരിയർ സെന്ററിൽ അഭിമുഖത്തിനായി നേരിട്ട് ഹാജരാകണം.

ചെറുതും വലുതുമായ നിരവധി വെള്ളപ്പൊക്കങ്ങളാണ് ചപ്പാത്ത് പാലം ഇതുവരെ അതിജീവിച്ചത്. 2021ൽ കൂട്ടിക്കൽ മേഖലയിലുണ്ടായ മഹാപ്രളയത്തിൽ നിരവധി പാലങ്ങൾ തകർന്നപ്പോഴും ചപ്പാത്ത് പാലം പിടിച്ചുനിന്നു. എന്നാൽ പ്രളയത്തിൽ പാലത്തിന്റെ കൈവരികൾ പൂർണമായും തകരുകയും പാലത്തിന് ബലക്ഷയം സംഭവിക്കുകയും ചെയ്തിരുന്നു.

കഴിഞ്ഞ ദിവസങ്ങളിലുണ്ടായ ശക്തമായ മഴയിൽ പുല്ലുകയാർ കരകവിഞ്ഞൊഴുകിയതോടെ വലിയ തടിക്കഷണങ്ങളും മാലിന്യങ്ങളും പാലത്തിന്റെ തൂണുകളിൽ വന്നടിഞ്ഞിരുന്നു. മണ്ണുമാന്തി യന്ത്രവും ക്രെയിനും ഉപയോഗിച്ച് ഇവ നീക്കം ചെയ്തെങ്കിലും തുടർന്നുണ്ടായ മഴയിൽ വീണ്ടും തടിക്കഷണങ്ങളും മാലിന്യങ്ങളും പാലത്തിനടിയിൽ അടിഞ്ഞുകൂടി.

ഉയരം കുറഞ്ഞ പാലത്തിൽ പത്തോളം തൂണുകളാണുള്ളത്. ശക്തമായ ഒഴുക്കിനൊപ്പം എത്തുന്ന തടികളും മാലിന്യങ്ങളും തൂണുകളിൽ തങ്ങിനിൽക്കുന്നത് ഒഴുക്കിന് തടസ്സമാകുകയും പ്രദേശത്ത് വെള്ളപ്പൊക്ക സാധ്യത വർധിപ്പിക്കുകയും ചെയ്യുന്നുണ്ട്. മഴക്കാലത്ത് പാലത്തിന്റെ സുരക്ഷ സംബന്ധിച്ച ആശങ്കയും ഇതോടെ ശക്തമാണ്.

അരനൂറ്റാണ്ടിലേറെ പഴക്കമുള്ള പാലത്തിന്റെ നിലവിലെ അവസ്ഥയും പ്രദേശത്തെ നിരന്തരമായ വെള്ളപ്പൊക്ക ഭീഷണിയും കണക്കിലെടുത്ത് ചപ്പാത്തിൽ ആധുനിക സൗകര്യങ്ങളോടെയുള്ള പുതിയ പാലം അടിയന്തരമായി നിർമിക്കണമെന്നാണ് നാട്ടുകാരുടെ ആവശ്യം.

കുഴികളിൽ ചെളിവെള്ളം കെട്ടിക്കിടക്കുന്നതിനാൽ കാൽനടയാത്ര പോലും ദുഷ്കരമാണ്. ചില ഭാഗങ്ങളിൽ കോൺക്രീറ്റ് പൂർണമായി തകർന്നതോടെ ഇരുമ്പുകമ്പികൾ പുറത്തേക്ക് തള്ളിനിൽക്കുന്ന നിലയിലാണ്. ഉയർന്നുനിൽക്കുന്ന കമ്പികൾ ബസുകളുടെ ടയറുകൾക്ക് ഭീഷണിയാകുന്നതായും ബസ് ജീവനക്കാർ പറയുന്നു.

മലിനജലം കെട്ടിക്കിടക്കുന്നതിനാൽ യാത്രക്കാർക്ക് കുഴികൾ ഒഴിവാക്കി കടന്നുപോകാനും കഴിയാത്ത സ്ഥിതിയാണ്. ദിവസവും നൂറുകണക്കിന് ബസുകൾ കടന്നുപോകുന്ന പ്രധാന ബസ് സ്റ്റാൻഡിൽ വിദ്യാർഥികൾ ഉൾപ്പെടെ നിരവധി പേരാണ് എത്തുന്നത്.

സ്റ്റാൻഡിനുള്ളിലെ കുഴികൾ ഗർത്തങ്ങളായി മാറിയിട്ടും അവ അടയ്ക്കാൻ നഗരസഭ അധികൃതർ നടപടി സ്വീകരിച്ചിട്ടില്ലെന്നാണ് യാത്രക്കാരുടെ പരാതി. അപകടസാധ്യത വർധിക്കുന്ന സാഹചര്യത്തിൽ തകർന്ന കോൺക്രീറ്റ് ഭാഗങ്ങൾ അടിയന്തരമായി പുനർനിർമിക്കുകയും കുഴികൾ അടയ്ക്കുകയും ചെയ്യണമെന്നാണ് യാത്രക്കാരുടെ ആവശ്യം.

ലോ റേഞ്ചിലെയും ഹൈറേഞ്ചിലെയും വിവിധ ക്ഷേത്രങ്ങളിൽ ബലിതർപ്പണത്തിനായി വിപുലമായ സൗകര്യങ്ങൾ ഒരുക്കിയിരുന്നു. പല ക്ഷേത്രങ്ങളിലും കർക്കടകവാവിനോടനുബന്ധിച്ച് പ്രത്യേക പൂജകളും തിലഹവനവും പിതൃനമസ്‌കാരവും ഉൾപ്പെടെയുള്ള വഴിപാടുകളും നടന്നു.

വിവിധ ക്ഷേത്രങ്ങളിൽ വിപുലമായ ചടങ്ങുകൾ

എസ്.എൻ.ഡി.പി യോഗം തൊടുപുഴ യൂണിയന് കീഴിലുള്ള ചെറായിക്കൽ സുബ്രഹ്മണ്യസ്വാമി ഗുരുദേവക്ഷേത്രത്തിൽ രാവിലെ അഞ്ചിന് മേൽശാന്തി വൈക്കം ബെന്നിശാന്തിയുടെ മുഖ്യകാർമികത്വത്തിൽ ബലിതർപ്പണ ചടങ്ങുകൾ ആരംഭിച്ചു. വിശേഷാൽ പൂജകൾ, പിതൃനമസ്‌കാരം, തിലഹവനം എന്നിവയും നടന്നു.

കാഞ്ഞിരമറ്റം ശ്രീമഹാദേവക്ഷേത്രത്തിൽ പുലർച്ചെ 4.30 മുതൽ ബലിതർപ്പണം ആരംഭിച്ചു. ക്ഷേത്രക്കടവിൽ പ്രത്യേക സൗകര്യങ്ങളും പിതൃശാന്തിക്കും പിതൃദോഷപരിഹാരത്തിനുമുള്ള വഴിപാടുകൾക്കായി അധിക കൗണ്ടറുകളും ഒരുക്കിയിരുന്നു. ഭക്തർക്കായി പ്രഭാതഭക്ഷണവും ഉച്ചയ്ക്ക് പ്രസാദമൂട്ടും ഏർപ്പെടുത്തി.

അയ്യപ്പൻകോവിൽ പുരാതന ശ്രീധർമശാസ്താ ക്ഷേത്രത്തിൽ പുലർച്ചെ 5.30 മുതൽ ബലിതർപ്പണം നടന്നു. തുടർന്ന് ഔഷധക്കഞ്ഞി വിതരണവും തിലഹവനം, സായൂജ്യപൂജ തുടങ്ങിയ ചടങ്ങുകളും ഉണ്ടായിരുന്നു.

അടിമാലി ശാന്തിഗിരി ശ്രീമഹേശ്വരക്ഷേത്രത്തിൽ രാവിലെ ആറിന് ബലിതർപ്പണവും വിശേഷാൽ പൂജകളും ആരംഭിച്ചു. മേൽശാന്തി പ്രശാന്ത് ഗോപാൽ മുഖ്യകാർമികത്വം വഹിച്ചു. 6.30ന് ഗണപതിഹോമവും 7.30 മുതൽ തിലഹവനവും നടന്നു. ക്ഷേത്രം വക ഓഡിറ്റോറിയത്തിലും വിപുലമായ സൗകര്യങ്ങൾ ഒരുക്കിയിരുന്നു.

കാഞ്ഞാർ മഹാദേവ സുബ്രഹ്മണ്യസ്വാമി ക്ഷേത്രത്തിൽ പുലർച്ചെ അഞ്ചിന് ബലിതർപ്പണം ആരംഭിച്ചു. എസ്.എൻ.ഡി.പി യോഗം അരിക്കുഴ ശാഖയിൽ മേൽശാന്തി രതീഷ് ശാന്തിയുടെ മുഖ്യകാർമികത്വത്തിലും തൊപ്പിപ്പാള ശാഖയിലെ ശ്രീനാരായണ ഗുരുദേവക്ഷേത്രത്തിൽ ഷാജൻ തന്ത്രിയുടെ കാർമികത്വത്തിലും ചടങ്ങുകൾ നടന്നു.

മൂലമറ്റം ശാഖയിൽ കെ.കെ. കുമാരൻ ശാന്തിയുടെ മുഖ്യകാർമികത്വത്തിൽ രാവിലെ അഞ്ചിന് ബലിതർപ്പണം നടന്നു. അടിമാലി മാങ്കടവ് ദേവീക്ഷേത്രത്തിലും രാവിലെ ആറിന് ബലിതർപ്പണത്തിനും വിശേഷാൽ പൂജകൾക്കുമായി സൗകര്യങ്ങൾ ഒരുക്കിയിരുന്നു.

ഇടുക്കി ശ്രീധർമശാസ്താദേവി ഗുരുദേവക്ഷേത്രത്തിൽ എ.എസ്. മഹേന്ദ്രൻ ശാന്തിയുടെ മുഖ്യകാർമികത്വത്തിൽ രാവിലെ 5.30ന് ബലിതർപ്പണം നടന്നു. ബിനു പൂവള്ളിമഠം ശാന്തിയുടെ നേതൃത്വത്തിൽ പിതൃനമസ്‌കാരം, തിലഹവനം തുടങ്ങിയ വഴിപാടുകളും നടത്തി.

കോടിക്കുളം അഞ്ചക്കുളം ശ്രീമഹാദേവീക്ഷേത്രത്തിൽ രാവിലെ 5.30 മുതൽ ക്ഷേത്രാചാര്യൻ ചേർത്തല സുമിത്ത് തന്ത്രിയുടെ മുഖ്യകാർമികത്വത്തിൽ ചടങ്ങുകൾ നടന്നു. കരിമണ്ണൂർ ശാഖ ഗുരുമന്ദിരത്തിൽ രാവിലെ ആറിന് ബലിതർപ്പണം ആരംഭിച്ചു. നമസ്‌കാരം, കുടുംബാർച്ചന, ഗുരുപൂജ തുടങ്ങിയ ചടങ്ങുകൾക്ക് ശേഷം കഞ്ഞി വിതരണവും നടത്തി.

തൊമ്മൻകുത്ത് നാല്പതേക്കർ ശാന്തിക്കാട് ദേവീക്ഷേത്രത്തിൽ തിരുവനന്തപുരം ശ്രീമംഗലം രാജീവ് പോറ്റിയുടെ മുഖ്യകാർമികത്വത്തിൽ രാവിലെ ആറിന് ബലിതർപ്പണം നടന്നു. ഭക്തർക്കായി ഔഷധക്കഞ്ഞിയും ഒരുക്കിയിരുന്നു. കോളപ്ര ചക്കളത്തുകാവ് ഉമാമഹേശ്വരക്ഷേത്രത്തിൽ രാവിലെ അഞ്ചിന് കർക്കടകവാവ് ബലിതർപ്പണം നടന്നു.

കാരിക്കോട് അണ്ണാമലനാഥർ മഹാദേവക്ഷേത്രത്തിൽ രാവിലെ 6.30നും പടി കോടിക്കുളം തൃക്കോവിൽ ശ്രീസുബ്രഹ്മണ്യസ്വാമി ക്ഷേത്രത്തിൽ രാവിലെ മുതലും ബലിതർപ്പണ ചടങ്ങുകൾ നടന്നു. പിതൃനമസ്‌കാരം, അടച്ചുനമസ്‌കാരം, തിലഹവനം, നമസ്‌കാരം ഊട്ട്, പിൻവിളക്ക് തുടങ്ങിയ വിവിധ പിതൃപൂജകൾക്കും പ്രത്യേക സൗകര്യങ്ങൾ ഒരുക്കിയിരുന്നു.

കഴിഞ്ഞ വർഷം തേനി–എരുമേലി റെയിൽപാതയുടെ സർവേ നടപടികൾ ആരംഭിച്ചിരുന്നു. ഏകദേശം 95 കിലോമീറ്റർ ദൈർഘ്യമുള്ള ബ്രോഡ്‌ഗേജ് പാതയ്ക്കായി ടെൻഡർ നടപടികളും ആരംഭിച്ചിട്ടുണ്ട്. എന്നാൽ കേന്ദ്ര പരിസ്ഥിതി മന്ത്രാലയത്തിന്റെയും ധനകാര്യ മന്ത്രാലയത്തിന്റെയും അനുമതി ലഭിക്കേണ്ടതുണ്ട്. പശ്ചിമഘട്ട മലനിരകളിലൂടെ കടന്നുപോകുന്നതിനാൽ പരിസ്ഥിതി അനുമതിയാണ് പ്രധാന കടമ്പ.

ശബരിമല തീർത്ഥാടകർക്ക് വലിയ നേട്ടം

പാത യാഥാർഥ്യമായാൽ ശബരിമല തീർത്ഥാടകർക്ക് വലിയ ആശ്വാസമാകും. നിലവിൽ തമിഴ്നാട്, ആന്ധ്രപ്രദേശ്, തെലങ്കാന, കർണാടക തുടങ്ങിയ സംസ്ഥാനങ്ങളിൽ നിന്നുള്ള ലക്ഷക്കണക്കിന് തീർത്ഥാടകർ പ്രധാനമായും റോഡ് മാർഗമാണ് ശബരിമലയിലെത്തുന്നത്. റെയിൽ കണക്ടിവിറ്റി ലഭിക്കുന്നതോടെ കുറഞ്ഞ ചെലവിൽ കൂടുതൽ സൗകര്യപ്രദമായ യാത്ര സാധ്യമാകും.

മധുര മീനാക്ഷി ക്ഷേത്രം, പളനി ക്ഷേത്രം, വേളാങ്കണ്ണി പള്ളി, നാഗൂർ പള്ളി തുടങ്ങിയ പ്രധാന തീർത്ഥാടന കേന്ദ്രങ്ങളിലേക്കുള്ള യാത്രയ്ക്കും പാത പ്രയോജനപ്പെടും.

വ്യാപാര-വിനോദസഞ്ചാര മേഖലകൾക്ക് കുതിപ്പ്

തേനി–എരുമേലി റെയിൽപാത യാഥാർഥ്യമായാൽ ഇടുക്കിയുടെ വ്യാപാര, വിനോദസഞ്ചാര മേഖലകൾക്കും വലിയ നേട്ടമുണ്ടാകും. തേക്കടി, വാഗമൺ, പരുന്തുംപാറ, പാഞ്ചാലിമേട്, രാമക്കൽമേട്, മൂന്നാർ തുടങ്ങിയ വിനോദസഞ്ചാര കേന്ദ്രങ്ങളിലേക്കുള്ള യാത്ര കൂടുതൽ എളുപ്പമാകും.

ഇടുക്കിയിലെ മലഞ്ചരക്ക് ഉൽപ്പന്നങ്ങൾ തമിഴ്നാട്ടിലെ വിപണികളിലെത്തിക്കുന്നതിനും തമിഴ്നാട്ടിൽ നിന്നുള്ള പച്ചക്കറികൾ കുറഞ്ഞ ചെലവിൽ കേരളത്തിലേക്ക് എത്തിക്കുന്നതിനും റെയിൽപാത സഹായകമാകും. തിരുപ്പൂർ, ഈറോഡ് മേഖലകളിൽനിന്ന് പീരുമേട്, മൂന്നാർ തുടങ്ങിയ പ്രദേശങ്ങളിലേക്ക് ജോലിക്കായി എത്തുന്ന തൊഴിലാളികൾക്കും കുറഞ്ഞ ചെലവിൽ യാത്ര ചെയ്യാൻ സാധിക്കും.

മുമ്പ് ഡിണ്ടിഗൽ–കുമളി റെയിൽപാതയ്ക്കും ഡിണ്ടിഗൽ–ലോവർക്യാമ്പ് പാതയ്ക്കുമായി സർവേ നടപടികൾ നടന്നിരുന്നു. 2012ൽ ഡിണ്ടിഗൽ–ലോവർക്യാമ്പ് റെയിൽപാതയുടെ സർവേയും പുരോഗതിയും നടന്നെങ്കിലും പിന്നീട് തേനി–ബോഡിനായ്ക്കന്നൂർ റെയിൽപാതയാണ് യാഥാർഥ്യമായത്. പുതിയ നീക്കം യാഥാർഥ്യമായാൽ ശബരിമല തീർത്ഥാടനത്തിനൊപ്പം ഇടുക്കിയുടെ സമഗ്ര വികസനത്തിനും വഴിതുറക്കുമെന്നാണ് പ്രതീക്ഷ.

നാട്ടുകാർ വിവരം അറിയിച്ചതിനെ തുടർന്ന് ഇടുക്കി എക്സൈസ് സംഘം സ്ഥലത്തെത്തി ചെടികൾ പിഴുതുമാറ്റി. പ്രദേശത്ത് സാമൂഹികവിരുദ്ധരുടെ ശല്യം വർധിച്ചുവരുന്നതായി നാട്ടുകാർ പരാതിപ്പെട്ടു. മേഖലയിൽ പരിശോധനയും നിരീക്ഷണവും ശക്തമാക്കുമെന്ന് എക്സൈസ് ഉദ്യോഗസ്ഥർ അറിയിച്ചു.

സർക്കിൾ ഇൻസ്‌പെക്ടർ പി.കെ. സുരേഷ്, അസിസ്റ്റന്റ് എക്സൈസ് ഇൻസ്‌പെക്ടർ ഷിജു ദാമോദരൻ, പ്രിവന്റീവ് ഓഫീസർമാരായ ഡെനിസൺ ജോസ്, എ.ഡി. ജയ്സൺ എന്നിവരടങ്ങിയ സംഘം അന്വേഷണം ആരംഭിച്ചു.

ഡയാലിസിസ് മുറിക്ക് സമീപം പ്രത്യേകം സജ്ജീകരിക്കുന്ന ‘സമ്മാന മേശ’യിൽ സന്മനസ്സുള്ള വ്യക്തികൾക്കും സംഘടനകൾക്കും ആവശ്യമായ സാധനങ്ങൾ സംഭാവനയായി എത്തിക്കാം. ഭക്ഷ്യകിറ്റുകൾ, പലചരക്ക് സാധനങ്ങൾ, ഉപയോഗയോഗ്യമായ വസ്ത്രങ്ങൾ, പുതിയ വസ്ത്രങ്ങൾ തുടങ്ങിയവ പദ്ധതിയുടെ ഭാഗമായി സ്വീകരിക്കും.

KROSS ഡയാലിസിസ് സെന്ററിൽ ചികിത്സ തേടുന്ന രോഗികൾക്കും അവരുടെ കുടുംബങ്ങൾക്കും ആവശ്യാനുസരണം ‘സമ്മാന മേശ’യിൽനിന്ന് സാധനങ്ങൾ സൗജന്യമായി തിരഞ്ഞെടുക്കാം. സഹായം ആവശ്യപ്പെടുന്ന സാഹചര്യം ഒഴിവാക്കി, സ്വീകരിക്കുന്നവരുടെ ആത്മാഭിമാനവും സ്വാഭിമാനവും സംരക്ഷിക്കുന്ന തരത്തിലാണ് പദ്ധതി വിഭാവനം ചെയ്തിരിക്കുന്നത്.

‘ആവശ്യമുള്ളവർക്ക് ആവശ്യമായത് എടുക്കാം; കഴിയുന്നവർക്ക് കഴിയുന്ന സാധനങ്ങൾ എത്തിക്കാം’ എന്ന ആശയമാണ് പദ്ധതിയുടെ അടിസ്ഥാനം. വീടുകളിൽ അധികമായി ഉള്ളതും എന്നാൽ ഉപയോഗയോഗ്യവുമായ വസ്ത്രങ്ങൾ, ഭക്ഷ്യസാധനങ്ങൾ, പലചരക്ക് വസ്തുക്കൾ തുടങ്ങിയവ പൊതുജനങ്ങൾക്ക് ‘സമ്മാന മേശ’യിലേക്ക് സംഭാവന ചെയ്യാം എന്നതാണ് പദ്ധതിയുടെ ആശയം.

ഡയാലിസിസ് രോഗികളുടെ കുടുംബങ്ങൾക്ക് ദൈനംദിന ജീവിതച്ചെലവുകളിൽ ചെറിയൊരു ആശ്വാസമെങ്കിലും നൽകുന്നതിനൊപ്പം സമൂഹത്തിലെ സഹജീവിസ്നേഹവും പങ്കുവെക്കൽ മനോഭാവവും ശക്തിപ്പെടുത്തുക എന്ന ലക്ഷ്യത്തോടെയാണ് പദ്ധതി നടത്തുന്നത്.

അടിയന്തര ചികിത്സ ആവശ്യമുള്ള രോഗിയെ വാഹനത്തിൽ കൊണ്ടുപോകാൻ കഴിയാത്ത സാഹചര്യമായിരുന്നു. തുടർന്ന് പ്രദേശവാസികൾ ചേർന്ന് കമ്പുവടിയിൽ തുണികെട്ടി അതിൽ രോഗിയെ ഇരുത്തി ഏകദേശം നാല് കിലോമീറ്ററോളം കാട്ടുവഴിയിലൂടെ കാൽനടയായി സഞ്ചരിക്കുകയായിരുന്നു.

കാടും ദുർഘടമായ പാതകളും താണ്ടിയാണ് രോഗിയുമായി സംഘം ആനക്കുളം ഭാഗത്തെ പ്രധാന റോഡിലെത്തിയത്. അവിടെനിന്ന് ഓട്ടോറിക്ഷയിലാണ് രോഗിയെ അടിമാലി താലൂക്ക് ആശുപത്രിയിലേക്ക് മാറ്റിയത്.

നാല് കിലോമീറ്റർ റോഡിനായി വർഷങ്ങളായുള്ള കാത്തിരിപ്പ്

ഇടമലക്കുടിയിലെ വിവിധ കുടികളിൽ താമസിക്കുന്നവർ നേരിടുന്ന യാത്രാദുരിതം വീണ്ടും ചർച്ചയാകുകയാണ് സംഭവത്തോടെ. പ്രദേശത്തേക്ക് ഏകദേശം നാല് കിലോമീറ്റർ റോഡ് നിർമിക്കണമെന്ന ആവശ്യം വർഷങ്ങളായി അധികൃതരുടെ മുന്നിൽ ഉന്നയിച്ചുവരുന്നതായി നാട്ടുകാർ പറയുന്നു.

എന്നാൽ ഇതുവരെ ആവശ്യമായ നടപടികൾ ഉണ്ടായിട്ടില്ലെന്നാണ് പ്രദേശവാസികളുടെ ആരോപണം. അടിയന്തര സാഹചര്യങ്ങളിൽ രോഗികളെ ആശുപത്രിയിലെത്തിക്കേണ്ടിവരുമ്പോൾ പോലും വാഹനസൗകര്യം ലഭിക്കാത്തത് വലിയ പ്രതിസന്ധിയാണ്.

രോഗിയെ ചുമന്ന് കാട്ടിലൂടെ കിലോമീറ്ററുകൾ സഞ്ചരിക്കേണ്ടിവരുന്ന സാഹചര്യം ആരോഗ്യപരമായ അടിയന്തരാവസ്ഥകൾ മാത്രമല്ല, പ്രദേശത്തെ അടിസ്ഥാന സൗകര്യങ്ങളുടെ അഭാവവും ആദിവാസി ജനത നേരിടുന്ന അവഗണനയും തുറന്നുകാട്ടുന്നതാണെന്ന് നാട്ടുകാർ ചൂണ്ടിക്കാട്ടുന്നു.

മഴക്കാലത്ത് സ്ഥിതി കൂടുതൽ ദുഷ്കരമാകുന്നതിനാൽ റോഡ് ഉൾപ്പെടെയുള്ള അടിസ്ഥാന സൗകര്യങ്ങൾ അടിയന്തരമായി ഒരുക്കണമെന്നാണ് പ്രദേശവാസികളുടെ ആവശ്യം.

ഭരണഘടനയുടെ ഒന്നാം പട്ടികയിൽ (First Schedule) രേഖപ്പെടുത്തിയിരിക്കുന്ന സംസ്ഥാനത്തിന്റെ പേര് ‘Kerala’ എന്നതിനു പകരം ‘Keralam’ എന്നാക്കുകയാണ് ബില്ലിന്റെ ലക്ഷ്യം. മലയാളത്തിൽ കാലങ്ങളായി ഉപയോഗിച്ചുവരുന്ന ‘കേരളം’ എന്ന പേരിന് ഔദ്യോഗിക ഭരണഘടനാ രേഖകളിലും അംഗീകാരം നൽകുക എന്നതാണ് പേരുമാറ്റത്തിന്റെ പ്രധാന ഉദ്ദേശ്യം.

നിയമസഭയുടെ ഏകകണ്ഠമായ ആവശ്യം

സംസ്ഥാനത്തിന്റെ പേര് ‘കേരളം’ എന്നാക്കണമെന്ന ആവശ്യം കേരള നിയമസഭ നേരത്തേ തന്നെ മുന്നോട്ടുവച്ചിരുന്നു. 2024 ജൂൺ 24ന് നിയമസഭ ഏകകണ്ഠമായി പ്രമേയം പാസാക്കി കേന്ദ്രസർക്കാരിനോട് ഭരണഘടനയുടെ ഒന്നാം പട്ടികയിൽ ആവശ്യമായ ഭേദഗതി വരുത്തണമെന്ന് ആവശ്യപ്പെട്ടു. ഇതിന് മുമ്പും സമാനമായ പ്രമേയം നിയമസഭ പാസാക്കിയിരുന്നു.

തുടർന്ന് 2026 ഫെബ്രുവരി 24ന് കേന്ദ്ര മന്ത്രിസഭ ‘Kerala’ എന്ന പേര് ‘Keralam’ എന്നാക്കി മാറ്റാനുള്ള നിർദേശത്തിന് അംഗീകാരം നൽകി. ഭരണഘടനയുടെ ആർട്ടിക്കിൾ 3 പ്രകാരമുള്ള നടപടികൾ പൂർത്തിയാക്കിയ ശേഷമാണ് ബിൽ പാർലമെന്റിൽ അവതരിപ്പിച്ചത്.

ഇനി രാഷ്ട്രപതിയുടെ അംഗീകാരം

ലോക്‌സഭയും രാജ്യസഭയും ബിൽ പാസാക്കിയതോടെ ഇനി രാഷ്ട്രപതിയുടെ അംഗീകാരമാണ് അടുത്ത ഘട്ടം. രാഷ്ട്രപതിയുടെ അനുമതി ലഭിക്കുകയും നിയമം പ്രാബല്യത്തിൽ വരികയും ചെയ്ത ശേഷമാണ് പേരുമാറ്റം ഔദ്യോഗികമായി പ്രാബല്യത്തിൽ വരുന്നത്.

ഇതോടെ കേന്ദ്ര-സംസ്ഥാന സർക്കാരുകളുടെ ഔദ്യോഗിക രേഖകൾ, ഭരണഘടനാ രേഖകൾ, വിവിധ നിയമപരമായ രേഖകൾ, സ്ഥാപനങ്ങളുടെ രേഖകൾ തുടങ്ങിയവയിൽ ‘Kerala’ എന്നതിന് പകരം ‘Keralam’ ഉപയോഗിക്കുന്നതിനുള്ള നടപടികൾ ആരംഭിക്കേണ്ടിവരും.

പേരുമാറ്റത്തിന് പിന്നിലെ കാരണം

മലയാളത്തിൽ സംസ്ഥാനത്തിന്റെ പേര് ‘കേരളം’ എന്നാണ് ഉപയോഗിക്കുന്നത്. എന്നാൽ ഭരണഘടനയുടെ ഇംഗ്ലീഷ് പതിപ്പിലും ഔദ്യോഗിക ഭരണഘടനാ രേഖകളിലും ‘Kerala’ എന്നാണ് നിലവിലുള്ളത്. ഈ വ്യത്യാസം ഒഴിവാക്കി സംസ്ഥാനത്തിന്റെ തദ്ദേശീയമായ മലയാളപ്പേരായ ‘Keralam’ ഔദ്യോഗികമായി അംഗീകരിക്കണമെന്ന ആവശ്യമാണ് പേരുമാറ്റത്തിന് പിന്നിൽ.

സംസ്ഥാനങ്ങളുടെ പേരുമാറ്റം രാജ്യത്ത് മുമ്പും ഉണ്ടായിട്ടുണ്ട്. ഉത്തരാഞ്ചൽ–ഉത്തരാഖണ്ഡ്, ഒറീസ–ഒഡീഷ, ബോംബെ–മുംബൈ, മദ്രാസ്–ചെന്നൈ തുടങ്ങിയ പേരുമാറ്റങ്ങൾക്ക് സമാനമായ രീതിയിലാണ് കേരളത്തിന്റെ പേരുമാറ്റ നടപടിയും മുന്നോട്ടുപോകുന്നത്.

വലിയ ഭരണപരമായ മാറ്റത്തിന് തുടക്കം

പേര് ഔദ്യോഗികമായി മാറുന്നതോടെ സർക്കാർ രേഖകളിലും വിവിധ വകുപ്പുകളുടെ രേഖകളിലും സ്ഥാപനങ്ങളുടെ പേരുകളിലും മാറ്റം വരുത്തേണ്ടിവരും. വാഹന രജിസ്ട്രേഷൻ, സർക്കാർ സർട്ടിഫിക്കറ്റുകൾ, ഔദ്യോഗിക മുദ്രകൾ, വെബ്‌സൈറ്റുകൾ, നിയമരേഖകൾ, വിവിധ കേന്ദ്ര-സംസ്ഥാന ഡാറ്റാബേസുകൾ എന്നിവയിലും ഘട്ടംഘട്ടമായി മാറ്റം വരുത്തേണ്ടിവരും.

അതുകൊണ്ടുതന്നെ, ചരിത്രപരവും ഭാഷാപരവുമായ പ്രാധാന്യത്തിനൊപ്പം വലിയ ഭരണപരമായ നടപടിക്രമങ്ങൾക്കും ചെലവിനും പേരുമാറ്റം വഴിവെക്കും.

പാർലമെന്റിന്റെ ഇരുസഭകളും ബിൽ അംഗീകരിച്ചതോടെ കേരളത്തിന്റെ ഔദ്യോഗിക പേര് ‘Keralam’ എന്നാക്കാനുള്ള നിയമനടപടിയിലെ നിർണായക ഘട്ടമാണ് പൂർത്തിയായത്. ഇനി രാഷ്ട്രപതിയുടെ അംഗീകാരത്തിനും തുടർന്ന് നിയമം പ്രാബല്യത്തിൽ വരുന്നതിനുമാണ് കാത്തിരിക്കുന്നത്.

സിപിഐഎം സംസ്ഥാന സെക്രട്ടറിയേറ്റ് അംഗം വി. എൻ. വാസവൻ ആദരവ് നൽകി. AIYF കോട്ടയം ജില്ലാ സെക്രട്ടറി ഷമ്മാസ് ലത്തീഫ്, ബാബു രാഗമാലിക, എം. എം. മാഹീൻ, വിനീഷ് പി. എസ്. എന്നിവർ ചേർന്ന് ആദരം ഏറ്റുവാങ്ങി.

ചടങ്ങിൽ ഡിവൈഎഫ്ഐ കേന്ദ്ര സെക്രട്ടറിയേറ്റ് അംഗം ജയിക് സി. തോമസ്, പൂഞ്ഞാർ നിയോജകമണ്ഡലം മുൻ എംഎൽഎ സെബാസ്റ്റ്യൻ കുളത്തുങ്കൽ എന്നിവർ സംസാരിച്ചു.

സന്നദ്ധ സേവനരംഗത്ത് മാതൃകാപരമായ പ്രവർത്തനം കാഴ്ചവെക്കുന്ന ടീം റെസ്ക്യൂ ഫോഴ്സ് കേരളയുടെ രക്ഷാധികാരി ഡിജു സെബാസ്റ്റ്യൻ, ജോയിന്റ് സെക്രട്ടറി നിയാസ് എന്നിവരടങ്ങിയ എക്സിക്യൂട്ടീവ് അംഗങ്ങൾ മുൻ മന്ത്രി വി. എൻ. വാസവനിൽ നിന്ന് സ്നേഹാദരവ് ഏറ്റുവാങ്ങി.

പ്രകൃതിദുരന്തങ്ങളിലും അടിയന്തര സാഹചര്യങ്ങളിലും ഭയമില്ലാതെ മുന്നിട്ടിറങ്ങി നിരവധി ജീവനുകളും ജീവിതങ്ങളും സംരക്ഷിച്ച റെസ്ക്യൂ ഫോഴ്സ് പ്രവർത്തകരുടെ നിസ്വാർത്ഥ സേവനത്തെ ചടങ്ങിൽ വിശിഷ്ടാതിഥികൾ അഭിനന്ദിച്ചു.

മാട്ടുകട്ട വില്ലേജ് പടിക്കൽ പന്തപാട്ട് വീട്ടിൽ മറിയാമ്മ കോശിയും മകൾ കൊച്ചുമോളുമാണ് പ്രതിഷേധിച്ചത്. മറിയാമ്മ താമസിക്കുന്ന ഷെഡിനോട് ചേർന്നുള്ള അയൽവാസിയുടെ പറമ്പിലെ അഞ്ചോളം റബ്ബർ മരങ്ങളും മുള്ളുമുരിക്കുകളും ഏത് സമയത്തും കടപുഴകി വീഴാവുന്ന നിലയിലാണ്. മരങ്ങളുടെ അടിവേരുകൾ ഇളകിയ നിലയിലും പിന്നിലെ മൺതിട്ട ഇടിഞ്ഞ നിലയിലുമാണെന്ന് മറിയാമ്മ പറയുന്നു.

അപകടകരമായ മരങ്ങൾ മുറിച്ചുനീക്കുകയോ ചില്ലകൾ മുറിച്ച് അപകടസാധ്യത ഒഴിവാക്കുകയോ ചെയ്യണമെന്നാവശ്യപ്പെട്ട് അയ്യപ്പൻകോവിൽ പഞ്ചായത്തിൽ പരാതി നൽകിയിരുന്നെങ്കിലും നടപടി ഉണ്ടായില്ല. തുടർന്ന് ജില്ലാ കളക്ടർക്കും പരാതി നൽകി. പരാതി പരിഗണിച്ച കളക്ടർ ഏഴ് ദിവസത്തിനകം നടപടി സ്വീകരിക്കണമെന്ന് നിർദേശിച്ച് പഞ്ചായത്ത് സെക്രട്ടറിക്ക് കത്ത് നൽകിയെങ്കിലും തുടർനടപടിയുണ്ടായില്ലെന്നാണ് പരാതി.

ഇതോടെയാണ് മറിയാമ്മയും മകളും പഞ്ചായത്ത് ഓഫീസിനുള്ളിൽ ധർണ നടത്തിയത്. പ്രസിഡന്റ്, സെക്രട്ടറി തുടങ്ങിയവർ പ്രശ്നപരിഹാരത്തിന് ശ്രമിച്ചെങ്കിലും ആദ്യം ഇവർ സമരം അവസാനിപ്പിക്കാൻ തയ്യാറായില്ല.

തുടർന്ന് വ്യാഴാഴ്ച ഇരുകക്ഷികളെയും പഞ്ചായത്തിലേക്ക് വിളിച്ചുവരുത്തി. അപകടകരമായ മരങ്ങൾ മുറിച്ചുമാറ്റുന്നതിനുള്ള നടപടി സ്വീകരിക്കുമെന്നും ഭവനരഹിത-ഭൂരഹിത പദ്ധതിയിൽ ഉൾപ്പെടുത്തി വീടും സ്ഥലവും ലഭ്യമാക്കുന്നതിനുള്ള നടപടികൾ സ്വീകരിക്കുമെന്നും പഞ്ചായത്ത് സെക്രട്ടറി ഉറപ്പ് നൽകി. ഇതോടെയാണ് മറിയാമ്മയും മകളും സമരം അവസാനിപ്പിച്ചത്.

എക്സൈസ് ഇൻസ്പെക്ടർ പ്രമോദ് ടി.എയുടെ നേതൃത്വത്തിലായിരുന്നു പരിശോധന. അസിസ്റ്റന്റ് എക്സൈസ് ഇൻസ്പെക്ടർ ഗ്രേഡ് സൈജു ഡി., പ്രിവന്റീവ് ഓഫീസർ ഗ്രേഡ് ശ്യാംകുമാർ എസ്., അഭിലാഷ് കെ.എം., വനിതാ സിവിൽ എക്സൈസ് ഓഫീസർമാരായ സുമിതാമോൾ പി.എസ്., സബിത കെ.കെ., സിയാദ് എസ്. എന്നിവർ റെയ്ഡിൽ പങ്കെടുത്തു.

പാലക്കാട് ചളവറ കൈയിലിയാട്ടെ മാമ്പറ്റപ്പടി വീട്ടിൽ മൃതദേഹം എത്തിക്കും. തുടർന്ന് ഇവിടെ പൊതുദർശനത്തിന് വെക്കും.

• ബിജു വി.എസ്. — DCRB ഡിവൈ.എസ്.പി.,
• പ്രമോദ് സി.ആർ. — സ്പെഷ്യൽ ബ്രാഞ്ച് ഡിവൈ.എസ്.പി.,
• ശ്രീജിത്ത് യു. — നാർക്കോട്ടിക് സെൽ ഡിവൈ.എസ്.പി.,
• അനീഷ് കെ.ജി. — കോട്ടയം ഡിവൈ.എസ്.പി.,
• രാജേഷ് കെ.എൻ. — വൈക്കം ഡിവൈ.എസ്.പി.,
• റിജോ പി. ജോസഫ് — കാഞ്ഞിരപ്പള്ളി ഡിവൈ.എസ്.പി.

എന്നിവരാണ് പുതിയതായി ചുമതലയേറ്റത്.

രാജ്യത്തെ നിയമങ്ങൾ കൃത്യമായി മനസിലാക്കാതെയാണ് മുൻ സർക്കാർ ഇത്തരം നടപടികളിലേക്ക് കടന്നതെന്ന് മന്ത്രി ആരോപിച്ചു. വിഷയത്തിൽ കേന്ദ്ര വനംമന്ത്രിയുമായി കൂടിയാലോചന നടത്തിയിട്ടുണ്ട്. നിയമവകുപ്പുമായി ആലോചിച്ച് തുടർനടപടികൾ സ്വീകരിക്കുമെന്നും അദ്ദേഹം പറഞ്ഞു.

ഇ.എസ്.എയുമായി ബന്ധപ്പെട്ട കരട് വിജ്ഞാപനത്തിൽ സംസ്ഥാനത്തിന്റെ ആശങ്കകൾ പരിഹരിക്കുന്നതിന് അടിയന്തര നടപടികൾ സ്വീകരിക്കും. കരട് വിജ്ഞാപനത്തിൽ ജനവാസ മേഖലകൾ ഉൾപ്പെട്ടിട്ടുണ്ടെങ്കിൽ അവ ഒഴിവാക്കുന്നതിനുള്ള പരിശോധനകൾ നടത്താൻ നിർദേശം നൽകിയിട്ടുണ്ടെന്നും മന്ത്രി വ്യക്തമാക്കി.

അതേസമയം, പെരിയാർ കടുവാസങ്കേതത്തിൽ വനംവകുപ്പിന്റെ അനുമതിയില്ലാതെ പെരിയകുളം എം.എൽ.എയുടെ നേതൃത്വത്തിൽ തമിഴ്നാട് സംഘം ഡ്രോൺ ഉപയോഗിച്ച് ദൃശ്യങ്ങൾ പകർത്തിയ സംഭവത്തെ മന്ത്രി നിസാരവത്കരിച്ചു.

മുല്ലപ്പെരിയാറിനെക്കുറിച്ചുള്ള വിശദമായ വിവരങ്ങൾ ഗൂഗിളിലൂടെ പോലും ലഭിക്കുന്ന കാലത്ത് തമിഴ്നാടിന്റെ പാട്ടഭൂമിയിൽ നിന്ന് ഡ്രോൺ പറത്തി ദൃശ്യങ്ങൾ പകർത്തിയത് വലിയ കാര്യമായി കാണേണ്ടതില്ലെന്നും ഷിബു ബേബി ജോൺ പറഞ്ഞു.

2025 നവംബർ 16ന് രാത്രി വണ്ടമറ്റം ബൈപ്പാസിലൂടെ യാത്ര ചെയ്യുന്നതിനിടെയാണ് റോഡരികിൽ ചോരയിൽ കുളിച്ച് ബോധരഹിതനായി കിടന്ന തൊടുപുഴ സ്വദേശി റെജികുമാറിനെ ഇരുവരും കണ്ടത്. ഉടൻ തന്നെ അദ്ദേഹത്തെ താങ്ങിയെടുത്ത് മുതലക്കോടത്തെ സ്വകാര്യ ആശുപത്രിയിലെത്തിച്ചു. ഗുരുതരാവസ്ഥയിലായിരുന്ന റെജികുമാറിനെ പിന്നീട് കോലഞ്ചേരിയിലെ ആശുപത്രിയിലേക്ക് മാറ്റി. മാസങ്ങൾ നീണ്ട ചികിത്സയ്ക്കൊടുവിലാണ് അദ്ദേഹം ജീവിതത്തിലേക്ക് തിരിച്ചെത്തിയത്.

റോഡപകടങ്ങളിൽപ്പെടുന്നവരുടെ ജീവൻ രക്ഷിക്കുന്ന സാധാരണക്കാരെ ആദരിക്കുന്നതിനായി കേന്ദ്ര ഗതാഗത മന്ത്രാലയം ഏർപ്പെടുത്തിയ ‘രാഹ്-വീർ’ പദ്ധതിയുടെ ഭാഗമായി ബേബിക്കും ആൽഫ്രഡിനും 25,000 രൂപയുടെ പുരസ്‌കാരം ലഭിച്ചു.

കാളിയാർ പൊലീസ് സ്റ്റേഷനിൽ നടന്ന ചടങ്ങിൽ ഇരുവരെയും പൊന്നാടയണിയിച്ച് ആദരിച്ചു. എന്നാൽ ലഭിച്ച 25,000 രൂപയുടെ മുഴുവൻ പുരസ്‌കാരത്തുകയും റെജികുമാറിന്റെ ചികിത്സയ്ക്കായി നൽകുമെന്ന് ബേബി പ്രഖ്യാപിക്കുകയായിരുന്നു.

അപകടത്തെ തുടർന്ന് ജോലി ചെയ്യാനാകാതെ സാമ്പത്തിക പ്രയാസം നേരിടുന്ന റെജികുമാറിന്റെ അവസ്ഥ മനസിലാക്കിയായിരുന്നു ബേബിയുടെ തീരുമാനം. “ജീവനേക്കാൾ വലുതല്ല മറ്റൊന്നും. ഈ തുക അദ്ദേഹത്തിന്റെ തിരിച്ചുവരവിന് ഉപകരിക്കട്ടെ” എന്ന ബേബിയുടെ വാക്കുകൾ ചടങ്ങിൽ പങ്കെടുത്തവരെയും നാട്ടുകാരെയും കണ്ണുനനയിച്ചു.

ഒരു ജീവൻ രക്ഷിച്ചതിനൊപ്പം, അപകടത്തിൽപ്പെട്ട കുടുംബത്തിന് താങ്ങാവുകയും ചെയ്ത ബേബിയുടെയും ആൽഫ്രഡിന്റെയും പ്രവർത്തനം സ്വാർത്ഥത നിറഞ്ഞ കാലത്ത് നന്മയുടെയും മനുഷ്യത്വത്തിന്റെയും വലിയ സന്ദേശമായി.

കാളിയാർ സബ് ഇൻസ്‌പെക്ടർ വി.വി. വിഷ്ണു ഉൾപ്പെടെയുള്ള ജനപ്രതിനിധികളും പൊലീസ് ഉദ്യോഗസ്ഥരും ഇരുവരുടെയും മാതൃകാപരമായ ഇടപെടലിനെ അഭിനന്ദിച്ചു.

ചടങ്ങിൽ എസ്.ഐ. ബിജു വർഗീസ്, പൊലീസ് ഉദ്യോഗസ്ഥരായ പി.പി. നിഷാദ്, ജയേഷ് ഭാസ്‌കരൻ, ബിനു ജെ. മാറാട്ട്, വണ്ണപ്പുറം ഗ്രാമപഞ്ചായത്ത് വൈസ് പ്രസിഡന്റ് സുബൈദ സുബൈർ, ഇളംദേശം ബ്ലോക്ക് പഞ്ചായത്ത് മെമ്പർ ജെയ്നമ്മ ജോസഫ്, വ്യാപാരി വ്യവസായി സമിതി പ്രസിഡന്റ് സജി പോൾ, യൂണിറ്റ് പ്രസിഡന്റ് സജി കണ്ണംപുഴ, സെക്രട്ടറി നൗഷാദ് മലനാട് എന്നിവർ പങ്കെടുത്തു.

രണ്ട് ചൈൽഡ് ഹോമുകളിലും ഒരു വൃദ്ധസദനത്തിലും പരിശോധന നടത്തി. നാല് സ്ഥാപനങ്ങൾക്ക് കോമ്പൗണ്ടിംഗിനുള്ള നോട്ടീസ് നൽകി. എട്ട് സ്റ്റാറ്റ്യൂട്ടറി സാമ്പിളുകളും അഞ്ച് സർവേയലൻസ് സാമ്പിളുകളും ശേഖരിച്ച് വിശദമായ ലാബ് പരിശോധനയ്ക്കായി അയച്ചു.

എട്ട് സ്ഥാപനങ്ങൾക്ക് തിരുത്തൽ നോട്ടീസും മൂന്ന് സ്ഥാപനങ്ങൾക്ക് ഇംപ്രൂവ്‌മെന്റ് നോട്ടീസും നൽകി. ഒരു കേസിൽ അഡ്‌ജുഡിക്കേഷൻ നടപടിക്ക് ശുപാർശയും ചെയ്തു.

ഏത്തക്ക ചിപ്സ്, ശർക്കരവരട്ടി തുടങ്ങിയവയിൽ കണ്ടെത്തുന്ന പ്രധാന നിയമലംഘനം നിരോധിത കൃത്രിമ നിറങ്ങൾ ചേർക്കുന്നതാണ്. ഇത്തരം ഭക്ഷ്യവസ്തുക്കൾ സുരക്ഷിതമല്ലാത്ത ഭക്ഷണം എന്ന വിഭാഗത്തിലാണ് ഉൾപ്പെടുന്നത്. നിയമലംഘനങ്ങൾക്ക് മൂന്ന് ലക്ഷം രൂപ വരെ പിഴയും മൂന്ന് മാസം വരെ തടവും ലഭിക്കാമെന്ന് ഭക്ഷ്യസുരക്ഷാ വകുപ്പ് അറിയിച്ചു.

ഗുണനിലവാരം കുറഞ്ഞതും കൃത്രിമ നിറങ്ങൾ ചേർത്തതുമായ ഭക്ഷ്യവസ്തുക്കളുടെ വിപണനം വ്യാപാരികൾ പൂർണമായും ഒഴിവാക്കണം. ചിപ്സ് വാങ്ങുമ്പോൾ അമിതമായ മഞ്ഞനിറം കാണുന്നുണ്ടോ എന്ന് ഉപഭോക്താക്കൾ പ്രത്യേകം ശ്രദ്ധിക്കണമെന്നും വകുപ്പ് നിർദേശിച്ചു. സാധാരണയിലധികം മഞ്ഞനിറമുള്ള ചിപ്സിൽ കൃത്രിമ നിറം ചേർത്തിട്ടുണ്ടാകാനുള്ള സാധ്യതയുള്ളതിനാൽ ഇത്തരം ഉൽപ്പന്നങ്ങൾ വാങ്ങുന്നത് ഒഴിവാക്കണം.

ചിപ്സ് വാങ്ങുമ്പോൾ കൃത്രിമ നിറം ചേർത്തിട്ടുണ്ടോ എന്ന് വ്യാപാരികളോട് ചോദിച്ചറിയുന്നത് ഉപഭോക്താക്കൾ ശീലമാക്കണമെന്നും ഭക്ഷ്യസുരക്ഷാ വകുപ്പ് നിർദേശിച്ചു. കൃത്രിമ നിറം ചേർത്ത ഉൽപ്പന്നങ്ങൾ വാങ്ങില്ലെന്ന് ഉപഭോക്താക്കൾ നിലപാട് സ്വീകരിച്ചാൽ ഇത്തരം പ്രവണതകൾക്ക് മാറ്റം വരുത്താൻ സാധിക്കും.

സമഗ്ര ശിക്ഷാ കേരള പദ്ധതിയുടെ ജില്ലാതല പ്രവർത്തനങ്ങളുടെ നടത്തിപ്പിനും ഏകോപനത്തിനുമുള്ള സുപ്രധാന ഭരണനിർവഹണ ചുമതലയാണ് ജില്ലാ പ്രോജക്ട് കോ-ഓർഡിനേറ്ററുടേത്.

കമ്പ്യൂട്ടർ അധ്യാപക സമൂഹത്തിന് അഭിമാനകരമായ നേട്ടമാണ് സോമൻ ടി.വിയുടെ പുതിയ ചുമതല. ഗണിതശാസ്ത്രത്തിൽ ബിരുദാനന്തര ബിരുദമുള്ള അദ്ദേഹം വിദ്യാഭ്യാസ മേഖലയിലെ പ്രവർത്തനങ്ങൾക്ക് നേതൃത്വം നൽകിവരികയാണ്.

ഫാദർ മൈക്കിൾ വട്ടപലത്തിന്റെയും കോളേജ് പ്രിൻസിപ്പൽ ഡോ. സിസ്റ്റർ മിനിമോൾ മാത്യുവിന്റെയും നേതൃത്വത്തിലായിരുന്നു പരിപാടി. വിദ്യാർത്ഥികൾ തിരുവാതിര, മാർഗംകളി, മോഹിനിയാട്ടം തുടങ്ങിയ കേരളീയ പാരമ്പര്യ കലാരൂപങ്ങൾ ഇറ്റാലിയൻ സംഘത്തിന് മുന്നിൽ അവതരിപ്പിച്ചു.

കലാവിരുന്നിന്റെ സമാപനത്തിൽ ഇറ്റാലിയൻ സംഘം കോളേജ് അധികൃതർക്കും വിദ്യാർത്ഥികൾക്കുമായി ഒരു ഇറ്റാലിയൻ ഗാനം ആലപിച്ചു. കേരളീയ കലാപാരമ്പര്യത്തിന്റെ മനോഹാരിത ആസ്വദിച്ച സംഘം ഗാനത്തിലൂടെ തങ്ങളുടെ സന്തോഷവും നന്ദിയും പ്രകടിപ്പിച്ചു.

ഓഗസ്റ്റ് 13 വ്യാഴാഴ്ച മുതൽ 15 ശനിയാഴ്ച വരെയാണ് റോഡിലൂടെയുള്ള ഗതാഗതം പൂർണമായി നിരോധിച്ചിരിക്കുന്നതെന്ന് പൊതുമരാമത്ത് വകുപ്പ് അറിയിച്ചു.

ഈ ദിവസങ്ങളിൽ വാഹനങ്ങൾ താഴെപ്പറയുന്ന ബദൽ മാർഗങ്ങൾ ഉപയോഗിക്കണം:

🔹 താന്നിമൂടിൽ നിന്ന് കോമ്പയാറിലേക്ക്:

താന്നിമൂട് → മുണ്ടിയെരുമ → കോമ്പയാർ

🔹 കോമ്പയാറിൽ നിന്ന് നെടുങ്കണ്ടത്തേക്ക്:

കോമ്പയാർ → മുണ്ടിയെരുമ → താന്നിമൂട്

റോഡ് നിർമാണ പ്രവർത്തനങ്ങളുമായി സഹകരിച്ച് വാഹനയാത്രക്കാർ ബദൽ മാർഗങ്ങൾ ഉപയോഗിക്കണമെന്ന് പൊതുമരാമത്ത് വകുപ്പ് അഭ്യർഥിച്ചു.

ഡിജിറ്റൽ സാങ്കേതികവിദ്യ വിദ്യാഭ്യാസ മേഖലയിൽ വലിയ തോതിൽ പ്രയോജനപ്പെടുത്തുന്ന സാഹചര്യത്തിൽ ഡിജിറ്റൽ ഡിവൈഡ് കുറയ്ക്കുന്നതിനുള്ള കർമപദ്ധതികൾക്ക് തുടക്കം കുറിച്ചിട്ടുണ്ടെന്ന് മന്ത്രി പറഞ്ഞു. പല സ്കൂളുകളിലും കുട്ടികൾക്ക് ആവശ്യമായ ഡിജിറ്റൽ സൗകര്യങ്ങളും മികച്ച ഇന്റർനെറ്റ്, വൈഫൈ കണക്റ്റിവിറ്റിയും ലഭ്യമല്ല. നഗര-ഗ്രാമ മേഖലകളിലെ ഈ അന്തരം കുറയ്ക്കുന്നതിന്റെ ഭാഗമായി എല്ലാ സ്കൂളുകളിലും ഡിജിറ്റൽ സ്ക്വയറുകൾ സ്ഥാപിക്കുന്ന പദ്ധതിക്ക് തുടക്കമിട്ടതായും മന്ത്രി വ്യക്തമാക്കി.

ആർട്ടിഫിഷ്യൽ ഇന്റലിജൻസും റോബോട്ടിക് സയൻസും അതിവേഗം വളരുന്ന സാഹചര്യത്തിൽ ഇവയെ ഹൈസ്കൂൾ തലത്തിൽ തന്നെ കുട്ടികൾക്ക് പരിചയപ്പെടുത്തുന്നതിനും അടിസ്ഥാന അറിവ് നൽകുന്നതിനുമായി ‘എറൈസ്’ പദ്ധതി നടപ്പാക്കുന്നുണ്ട്.

കുട്ടികൾക്ക് നീന്തൽ പരിശീലനം നൽകുന്നതിനായി ആരംഭിച്ച ‘അക്വാഫിറ്റ്’ പദ്ധതിയും മന്ത്രി വിശദീകരിച്ചു. ഒരു നീന്തൽക്കുളം കേന്ദ്രീകരിച്ച് അഞ്ച് കിലോമീറ്റർ ചുറ്റളവിലുള്ള സ്കൂളുകളിൽനിന്നുള്ള കുട്ടികളെ പഞ്ചായത്തിന്റെ സഹകരണത്തോടെ എത്തിച്ച് പരിശീലകരുടെ നേതൃത്വത്തിൽ നീന്തൽ പഠിപ്പിക്കുന്നതാണ് പദ്ധതി. ഇത്തരത്തിലുള്ള വിദ്യാഭ്യാസ നിക്ഷേപങ്ങളുടെ പ്രയോജനം നിരവധി തലമുറകൾക്ക് ലഭിക്കുമെന്നും മന്ത്രി പറഞ്ഞു.

സംസ്ഥാന ഹയർ സെക്കൻഡറി പരീക്ഷയിൽ ഏറ്റവും ഉയർന്ന വിജയശതമാനം നേടിയ ഇടുക്കി ജില്ലയുടെ നേട്ടം അഭിമാനകരമാണെന്നും ഇതിന് പിന്നിൽ പ്രവർത്തിച്ച അധ്യാപകരെയും വിദ്യാർഥികളെയും മന്ത്രി അഭിനന്ദിച്ചു

വനം വകുപ്പ് ആവിഷ്‌കരിച്ച ‘ഊരുണർവ്’ പദ്ധതിയുടെ ഭാഗമായി മന്നാൻ, പളിയ ഊരുകളിലെ നിവാസികളുമായി നടത്തിയ ആശയവിനിമയത്തിലാണ് മന്ത്രി ഇക്കാര്യം വ്യക്തമാക്കിയത്. ആദിവാസി സമൂഹം നേരിടുന്ന പ്രശ്‌നങ്ങൾ ഓരോ ഊരിലും നേരിട്ടെത്തി മനസ്സിലാക്കി പരിഹാരം കാണുകയാണ് പദ്ധതിയുടെ ലക്ഷ്യം.

കുമളി ഇക്കോ ടൂറിസം വികസനത്തിനായി 50 കോടിയുടെ പദ്ധതി കേന്ദ്ര സർക്കാരിന് സമർപ്പിക്കുമെന്നും, ഇതിൽ മുടങ്ങിക്കിടക്കുന്ന ടൈഗർ മ്യൂസിയം പുനരുദ്ധരിക്കുന്നതിന് 20 കോടി രൂപ ഉൾപ്പെടുത്തുമെന്നും മന്ത്രി അറിയിച്ചു. ടൂറിസം പദ്ധതികളുമായി ആദിവാസി സമൂഹത്തെ കൂടുതൽ ബന്ധപ്പെടുത്തി അവർക്ക് സ്ഥിരമായ വരുമാനമാർഗങ്ങൾ ഉറപ്പാക്കുമെന്നും അദ്ദേഹം പറഞ്ഞു.

ആദിവാസി സമൂഹത്തിന്റെ പരമ്പരാഗത അറിവുകൾ നഷ്ടപ്പെടുന്ന സാഹചര്യമാണുള്ളത്. ഇവ രേഖപ്പെടുത്തി സംരക്ഷിക്കണം. വനസംരക്ഷണവും വനം വകുപ്പിന്റെ ഇക്കോ ടൂറിസം പദ്ധതികളുമായി ബന്ധപ്പെട്ട് ആദിവാസി യുവാക്കൾക്ക് കൂടുതൽ തൊഴിലവസരങ്ങൾ ഉറപ്പാക്കുമെന്നും മന്ത്രി വ്യക്തമാക്കി.

മുഖ്യമന്ത്രി അധ്യക്ഷനായ സംസ്ഥാന വൈൽഡ്‌ലൈഫ് ബോർഡിൽ ആദ്യമായി ആദിവാസി സമൂഹത്തിൽനിന്നുള്ള പ്രതിനിധികളെ ഉൾപ്പെടുത്തിയതായും മന്ത്രി അറിയിച്ചു. മന്നാൻ സമൂഹത്തിലെ രാമൻ രാജ മന്നാനും നിലമ്പൂർ ചോലനായ്ക്ക സമൂഹത്തിലെ വിനോദും ബോർഡിൽ അംഗങ്ങളായിട്ടുണ്ട്.

കുടിവെള്ളം, റോഡ്, വഴിവിളക്ക്; പരിഹാരം കാണും

ഊരുകളിൽ നിലനിൽക്കുന്ന കുടിവെള്ള പ്രശ്‌നത്തിന് പരിഹാരം കാണുമെന്നും ഊരുകളിലേക്കുള്ള റോഡുകൾ അറ്റകുറ്റപ്പണി നടത്തുമെന്നും മന്ത്രി പറഞ്ഞു. ആവശ്യമായ സ്ഥലങ്ങളിൽ വഴിവിളക്കുകൾ സ്ഥാപിക്കുന്ന കാര്യവും പരിഗണിക്കും. മുളയുടെ ലഭ്യതക്കുറവ് മൂലം ചങ്ങാടങ്ങൾ നിർമിക്കാൻ കഴിയാത്ത സാഹചര്യത്തിൽ മത്സ്യബന്ധന ഇ.ഡി.സി.കൾക്ക് ഫൈബർ ബോട്ടുകൾ നൽകുന്ന കാര്യം പരിഗണിക്കുമെന്നും അദ്ദേഹം പറഞ്ഞു.

തേക്കടിയിൽ വിവിധ ഇ.ഡി.സി.കളിലൂടെ നിലവിൽ 200ഓളം പേർക്ക് താൽക്കാലിക തൊഴിലും 43 പേർക്ക് വാച്ചർ തസ്തികയിൽ സ്ഥിരം ജോലിയും ലഭിച്ചിട്ടുണ്ടെന്നും മന്ത്രി പറഞ്ഞു. ആദിവാസി സമൂഹത്തിന്റെ ആവശ്യങ്ങൾ ഔദാര്യമല്ല, അവകാശമാണെന്നും അദ്ദേഹം വ്യക്തമാക്കി.

മനുഷ്യ-വന്യജീവി സംഘർഷം മേഖലയിൽ കുറഞ്ഞുവരുന്നതായും ഇ.ഡി.സി.കൾ രൂപീകരിച്ചതോടെ ഇടനിലക്കാരുടെ ചൂഷണം പൂർണമായും ഇല്ലാതായതായും മന്നാൻ സമൂഹത്തെ പ്രതിനിധീകരിച്ച് ഷാജി പനയൻ, ബിജു ടി. എന്നിവർ പറഞ്ഞു. വാച്ചർ നിയമനത്തിൽ വനിതകളെയും പരിഗണിക്കണമെന്ന് സുനിത ആവശ്യപ്പെട്ടു. കോവിൽമല ടൂറിസം പദ്ധതി നടപ്പാക്കണമെന്നും കോഴിമല രാജാവ് രാമൻ രാജ മന്നാൻ ആവശ്യപ്പെട്ടു.

പീരുമേട് എം.എൽ.എ അഡ്വ. സിറിയക് തോമസ്, അഡീഷണൽ പ്രിൻസിപ്പൽ ചീഫ് കൺസർവേറ്റർ ഓഫ് ഫോറസ്റ്റ് ഡോ. പ്രമോദ് ജി. കൃഷ്ണൻ, ഗ്രാമപഞ്ചായത്ത് പ്രസിഡന്റ് എം.എം. വർഗീസ്, ചീഫ് ഫോറസ്റ്റ് കൺസർവേറ്റർ പി.പി. പ്രമോദ്, ഡി.എഫ്.ഒ ലക്ഷ്മി, വിവിധ ഇ.ഡി.സി. പ്രതിനിധികൾ തുടങ്ങിയവർ പങ്കെടുത്തു.

പരിസ്ഥിതി പ്രവർത്തകനും വനസംരക്ഷകനുമായ അരുവിയെ ചടങ്ങിൽ മന്ത്രി ആദരിച്ചു. 15 സ്വാശ്രയ സംഘങ്ങൾ നടത്തുന്ന വൻ ധൻ വികാസ് കേന്ദ്രയുടെ വർക്ക്‌ഷോപ്പും മന്ത്രി സന്ദർശിച്ചു. മന്നാക്കുടിയിൽ പരമ്പരാഗത പാട്ടും പളനിക്കുടിയിൽ പളനി നൃത്തവും അവതരിപ്പിച്ചാണ് മന്ത്രിയെ സ്വീകരിച്ചത്. തുടർന്ന് തേക്കടി ബാംബൂ ഗ്രോവിൽ വിവിധ ഇ.ഡി.സി. അംഗങ്ങളുമായി മന്ത്രി ആശയവിനിമയം നടത്തി.

നിലവിൽ 164 കുടുംബങ്ങളിലായി 450 പേർ പളിയ ഊരുകളിലും 357 കുടുംബങ്ങളിലായി 1,266 പേർ മന്നാൻ ഊരുകളിലും താമസിക്കുന്നുണ്ട്. വനവിഭവ ശേഖരണം, മത്സ്യബന്ധനം, കുരുമുളക് കൃഷി തുടങ്ങിയ പരമ്പരാഗത ഉപജീവനമാർഗങ്ങളോടൊപ്പം ഇ.ഡി.സി. പ്രവർത്തനങ്ങളിലൂടെയും ടൂറിസം മേഖലയിലൂടെയും ഇവരുടെ സാമൂഹിക-സാമ്പത്തിക ഉന്നമനം ലക്ഷ്യമിടുന്നതാണ് സർക്കാരിന്റെ സമീപനം.

സാധാരണയായി 12 വർഷത്തിലൊരിക്കൽ മാത്രം പൂക്കുന്ന നീലക്കുറിഞ്ഞി (Strobilanthes kunthiana) മൂന്നാറിലെ വിവിധ മേഖലകളിൽ  പൂത്തുനിൽക്കുകയാണ്. നല്ലതണ്ണി റോഡ്, ഇക്കാനഗർ, ചൊക്കരമുടി തുടങ്ങിയ പ്രദേശങ്ങളിലാണ് പ്രധാനമായും ഇപ്പോൾ പൂക്കൾ കാണപ്പെടുന്നത്.

മഴ ശക്തമായതോടെ മലയോര മേഖലകളിലേക്കുള്ള യാത്രയിൽ ജാഗ്രത വേണമെന്ന് അധികൃതർ മുന്നറിയിപ്പ് നൽകുന്നു. ഉരുൾപൊട്ടൽ, മണ്ണിടിച്ചിൽ സാധ്യതയുള്ള പ്രദേശങ്ങളിലേക്കുള്ള രാത്രിയാത്രകൾ ഒഴിവാക്കണമെന്നും നിർദേശമുണ്ട്.

അതേസമയം, നീലക്കുറിഞ്ഞി കാണാനെത്തുന്നവർ പ്രകൃതിസംരക്ഷണത്തിന് പ്രാധാന്യം നൽകണമെന്നും പൂക്കൾ നുള്ളുകയോ ചെടികൾ നശിപ്പിക്കുകയോ ചെയ്യരുതെന്നും അധികൃതർ അഭ്യർഥിക്കുന്നു. പ്ലാസ്റ്റിക് ഉൾപ്പെടെയുള്ള മാലിന്യങ്ങൾ വലിച്ചെറിയാതെയും പ്രകൃതിസൗന്ദര്യം സംരക്ഷിച്ചും കുറിഞ്ഞി വസന്തം ആസ്വദിക്കണമെന്നാണ് നിർദേശം.

കഴിഞ്ഞ ദിവസവും ഇതേ കെട്ടിടത്തിന്റെ സീലിംഗിന്റെ ഒരു ഭാഗം തകർന്നുവീണിരുന്നു. തുടർന്ന് ജീവനക്കാർ ജോലിക്കായി ഓഫീസിലെത്തിയപ്പോഴാണ് സീലിംഗിന്റെ കൂടുതൽ ഭാഗം ഇടിഞ്ഞുവീണ നിലയിൽ കണ്ടെത്തിയത്.

അപകടസമയത്ത് കെട്ടിടത്തിനുള്ളിൽ ആളുകളില്ലാതിരുന്നതിനാൽ വൻ ദുരന്തം ഒഴിവായി. കെട്ടിടം അപകടാവസ്ഥയിലാണെന്നും ഓഫീസ് അടിയന്തരമായി സുരക്ഷിതമായ മറ്റൊരു കെട്ടിടത്തിലേക്ക് മാറ്റി സ്ഥാപിക്കണമെന്നും ജീവനക്കാരുടെ സുരക്ഷ ഉറപ്പാക്കാൻ അധികൃതർ അടിയന്തര നടപടി സ്വീകരിക്കണമെന്നും ആവശ്യം ശക്തമാണ്.

കഴിഞ്ഞ ദിവസവും ഇതേ കെട്ടിടത്തിന്റെ സീലിംഗിന്റെ ഒരു ഭാഗം തകർന്നുവീണിരുന്നു. തുടർന്ന് ജീവനക്കാർ ജോലിക്കായി ഓഫീസിലെത്തിയപ്പോഴാണ് സീലിംഗിന്റെ കൂടുതൽ ഭാഗം ഇടിഞ്ഞുവീണ നിലയിൽ കണ്ടെത്തിയത്.

അപകടസമയത്ത് കെട്ടിടത്തിനുള്ളിൽ ആളുകളില്ലാതിരുന്നതിനാൽ വൻ ദുരന്തം ഒഴിവായി. കെട്ടിടം അപകടാവസ്ഥയിലാണെന്നും ഓഫീസ് അടിയന്തരമായി സുരക്ഷിതമായ മറ്റൊരു കെട്ടിടത്തിലേക്ക് മാറ്റി സ്ഥാപിക്കണമെന്നും ജീവനക്കാരുടെ സുരക്ഷ ഉറപ്പാക്കാൻ അധികൃതർ അടിയന്തര നടപടി സ്വീകരിക്കണമെന്നും ആവശ്യം ശക്തമാണ്.

വിവാഹം ബുക്ക് ചെയ്യാനുള്ള അവസരം ഓഗസ്റ്റ് 23 വരെ ലഭ്യമായതിനാൽ എണ്ണം 400 കടന്നേക്കുമെന്നാണ് ദേവസ്വം വൃത്തങ്ങൾ സൂചിപ്പിക്കുന്നത്. 2024 സെപ്റ്റംബർ 8-ന് നടന്ന 334 വിവാഹങ്ങളാണ് ഇതുവരെ ഗുരുവായൂരിലെ ഒരു ദിവസത്തെ റെക്കോർഡ്.

വിവാഹ ബുക്കിങ്ങുകളുടെ എണ്ണം ഉയർന്ന സാഹചര്യത്തിൽ നിലവിലുള്ള നാല് വിവാഹ മണ്ഡപങ്ങൾക്ക് പുറമെ അഞ്ച് മണ്ഡപങ്ങൾ കൂടി സജ്ജമാക്കാനുള്ള ഒരുക്കത്തിലാണ് ഗുരുവായൂർ ദേവസ്വം. തിരക്ക് നിയന്ത്രിക്കുന്നതിനും വിവാഹ ചടങ്ങുകൾ സുഗമമായി നടത്തുന്നതിനുമുള്ള ക്രമീകരണങ്ങളും ദേവസ്വം ഏർപ്പെടുത്തും.

1935 ജനുവരി 18ന് തൃശൂർ കിരാലൂരിലാണ് എം.പി. പരമേശ്വരൻ ജനിച്ചത്. തിരുവനന്തപുരം എൻജിനീയറിങ് കോളേജിൽ നിന്ന് ഇലക്ട്രിക്കൽ എൻജിനീയറിങ്ങിൽ ബിരുദം നേടിയ അദ്ദേഹം മോസ്കോ പവർ ഇൻസ്റ്റിറ്റ്യൂട്ടിൽ നിന്ന് ന്യൂക്ലിയർ എൻജിനീയറിങ്ങിൽ പിഎച്ച്ഡി നേടി. 1957 മുതൽ 1975 വരെ ഭാഭ ആറ്റോമിക് റിസർച്ച് സെന്ററിൽ ശാസ്ത്രജ്ഞനായി പ്രവർത്തിച്ചു. 

തുടർന്ന് കേരള ശാസ്ത്രസാഹിത്യ പരിഷത്തിന്റെ പ്രവർത്തനങ്ങളിൽ സജീവമായി. കേരളത്തിൽ ശാസ്ത്രബോധവും യുക്തിചിന്തയും വളർത്തുന്നതിൽ ശ്രദ്ധേയമായ പങ്കുവഹിച്ച അദ്ദേഹം, ശാസ്ത്രപ്രവർത്തനങ്ങൾ ദേശീയതലത്തിൽ ഏകോപിപ്പിക്കുന്നതിനായി All India People's Science Network രൂപീകരിക്കുന്നതിലും നിർണായക പങ്കുവഹിച്ചു. 

മലയാളത്തിലും ഇംഗ്ലീഷിലുമായി നിരവധി ശാസ്ത്ര-വൈജ്ഞാനിക ഗ്രന്ഥങ്ങൾ രചിച്ച അദ്ദേഹം ആണവശാസ്ത്രം, ജ്യോതിശാസ്ത്രം, ഗണിതശാസ്ത്രം, സാമൂഹ്യശാസ്ത്രം, പരിസ്ഥിതി തുടങ്ങിയ വിവിധ വിഷയങ്ങളിൽ എഴുതി. ദേശീയ സാക്ഷരതാ പ്രസ്ഥാനത്തിന്റെ വളർച്ചയിലും അദ്ദേഹം പ്രധാന പങ്കുവഹിച്ചു.

മാർക്സിസ്റ്റ് സൈദ്ധാന്തികൻ എന്ന നിലയിലും എം.പി. പരമേശ്വരൻ ശ്രദ്ധേയനായിരുന്നു. അദ്ദേഹം മുന്നോട്ടുവച്ച ‘നാലാം ലോക സിദ്ധാന്തം’ കേരളത്തിലെ ഇടതുപക്ഷ രാഷ്ട്രീയത്തിലും സിപിഎമ്മിലും വലിയ സൈദ്ധാന്തിക ചർച്ചകൾക്ക് വഴിവെച്ചു. പാർട്ടി നേതൃത്വവുമായി ഉണ്ടായ സൈദ്ധാന്തിക അഭിപ്രായവ്യത്യാസങ്ങളെ തുടർന്ന് 2004ൽ സിപിഎമ്മിൽ നിന്ന് പുറത്താക്കപ്പെട്ടു.

വൈജ്ഞാനിക സാഹിത്യത്തിനും ശാസ്ത്രപ്രചാരണത്തിനുമുള്ള സംഭാവനകൾക്ക് നിരവധി പുരസ്കാരങ്ങൾ ലഭിച്ചു. 2022ലെ പ്രഥമ കേരളശ്രീ പുരസ്കാരം ലഭിച്ച അദ്ദേഹം, അനാരോഗ്യത്തെ തുടർന്ന് ചടങ്ങിൽ പങ്കെടുക്കാനാകാതിരുന്നതിനാൽ പുരസ്കാരം പിന്നീട് അദ്ദേഹത്തിന്റെ വസതിയിലെത്തിയാണ് സമ്മാനിച്ചത്.

എ.കെ.ജിയുടെ ജീവിതത്തെ ആസ്പദമാക്കി ഷാജി എൻ. കരുൺ സംവിധാനം ചെയ്ത ഡോക്യുമെന്ററിയിൽ ഇ.എം.എസ്. നമ്പൂതിരിപ്പാടിന്റെ വേഷത്തിലും എം.പി. പരമേശ്വരൻ അഭിനയിച്ചിരുന്നു. ശാസ്ത്രവും സാമൂഹിക ചിന്തയും ജനകീയമാക്കുന്നതിൽ ജീവിതം സമർപ്പിച്ച ബഹുമുഖ പ്രതിഭയുടെ വിയോഗം കേരളത്തിന്റെ വൈജ്ഞാനിക-സാംസ്കാരിക രംഗത്തിന് വലിയ നഷ്ടമാണ്.

മലപ്പുറം കുറ്റിപ്പുറം സ്വദേശികളായ കാവുംകൽ അമറുദ്ധീൻ, മുഹമ്മദ് നിസാർ, നിസാർ വി. സുലൈമാൻ എന്നിവരാണ് അറസ്റ്റിലായത്. സംഘത്തിലുണ്ടായിരുന്ന ഒരാൾ എക്സൈസ് സംഘത്തെ കണ്ട് ഓടി രക്ഷപ്പെട്ടതായി അധികൃതർ അറിയിച്ചു.

സംശയാസ്പദമായ സാഹചര്യത്തിൽ കണ്ട കാറിൽ എക്സൈസ് സംഘം നടത്തിയ പരിശോധനയിലാണ് എം.ഡി.എം.എ കണ്ടെത്തിയത്. എക്സൈസ് റേഞ്ച് ഇൻസ്പെക്ടർ കെ. അഖിലിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.

വിദ്യാർഥിയുടേതെന്ന് കരുതുന്ന കുറിപ്പ് വീട്ടിൽനിന്ന് കണ്ടെത്തിയിട്ടുണ്ട്. കാശിയിലേക്ക് പോകുകയാണെന്നും ഇനിയുള്ള കാലം അവിടെ കഴിഞ്ഞ് ദൈവത്തോട് അലിയുമെന്നുമാണ് കുറിപ്പിലുള്ളത്.

സംഭവത്തിൽ ചൊക്ലി പൊലീസ് അന്വേഷണം ആരംഭിച്ചു. വിദ്യാർഥിയെ കണ്ടെത്തുന്നതിനായി പൊലീസ് അന്വേഷണം ഊർജിതമാക്കിയിട്ടുണ്ട്

പള്ളിക്കത്തോട്: കാക്കത്തോട്, അരുവിക്കുഴി ഭാഗങ്ങളിൽ രാവിലെ 9 മുതൽ വൈകിട്ട് 5 വരെ വൈദ്യുതി മുടങ്ങും.

കൂരോപ്പട: ഡി.പി. ഇറക്ഷൻ വർക്കിന്റെ ഭാഗമായി ചെന്നാമറ്റം നമ്പർ 1, ചെന്നാമറ്റം നമ്പർ 2, പുളിമൂട് ട്രാൻസ്ഫോർമറുകളുടെ പരിധിയിൽ രാവിലെ 9 മുതൽ വൈകിട്ട് 5 വരെ വൈദ്യുതി വിതരണം തടസ്സപ്പെടും.

തെങ്ങണ: അഴകാത്തുപടി, ഓവേലിൽപടി, വഴിപ്പടി, കുറുമ്പനാടം, പുന്നാംചിറ, പുന്നക്കുന്ന് ട്രാൻസ്ഫോർമറുകളുടെ പരിധിയിൽ രാവിലെ 9 മുതൽ വൈകിട്ട് 5 വരെ വൈദ്യുതി മുടങ്ങും.

കുറിച്ചി: റിസേർച്ച്, സ്വാമിക്കവല, യുവരശ്മി, ചാലച്ചിറ, മലകുന്നം ട്രാൻസ്ഫോർമർ പരിധിയിൽ രാവിലെ 8.30 മുതൽ വൈകിട്ട് 5.30 വരെ വൈദ്യുതി വിതരണം തടസ്സപ്പെടും.

രാമപുരം: കുടക്കച്ചിറ സ്കൂൾ, കുടക്കച്ചിറ പള്ളി, കൊണ്ടാട് സ്കൂൾ ട്രാൻസ്ഫോർമറുകളുടെ പരിധിയിൽ രാവിലെ 9 മുതൽ വൈകിട്ട് 5 വരെ വൈദ്യുതി മുടങ്ങും.

തീക്കോയി: സ്പേയ്സർ ഇടുന്ന ജോലിയുടെ ഭാഗമായി കുളത്തുങ്കൽ ട്രാൻസ്ഫോർമർ പരിധിയിൽ രാവിലെ 8 മുതൽ വൈകിട്ട് 5 വരെ വൈദ്യുതി മുടങ്ങും.

മണർകാട്: ശങ്കരശ്ശേരി ട്രാൻസ്ഫോമർ പരിധിയിൽ രാവിലെ 9 മുതൽ വൈകിട്ട് 5.30 വരെയും കാലായിപ്പടി, വട്ടവേലി ട്രാൻസ്ഫോമറുകളുടെ പരിധിയിൽ ഭാഗികമായും വൈദ്യുതി മുടങ്ങും.

ഭരണങ്ങാനം: ചിറ്റന്നാനപ്പാറ, വളഞ്ഞങ്ങാനം ട്രാൻസ്ഫോമറുകളുടെ പരിധിയിൽ രാവിലെ 8 മുതൽ വൈകിട്ട് 5 വരെ ഭാഗികമായി വൈദ്യുതി വിതരണം തടസ്സപ്പെടും.

പാലാ: അറ്റകുറ്റപ്പണിയുടെ ഭാഗമായി പ്രസാദ് റോഡ്, പരിപ്പിൽക്കടവ്, പാലംപുരയിടം ട്രാൻസ്ഫോർമറുകളുടെ പരിധിയിൽ രാവിലെ 9 മുതൽ വൈകിട്ട് 5 വരെ വൈദ്യുതി മുടങ്ങും.

പാമ്പാടി: സിംഹാസനപ്പള്ളി, ഐരുമല, കുന്നേൽവളവ്, മാക്കൽപ്പടി, പി.ടി.എം, ഓന്തുരുട്ടി, ഐ.ഐ.എം.സി, ആർ.ഐ.ടി, പൊന്നപ്പൻസിറ്റി, കാട്ടാംകുന്ന്, കണ്ണംകുളം പാറമട, കന്നുകുഴി എന്നീ ഭാഗങ്ങളിൽ രാവിലെ 9 മുതൽ വൈകിട്ട് 6 വരെ ഭാഗികമായി വൈദ്യുതി മുടങ്ങും.

ഈരാറ്റുപേട്ട: ഇളപ്പുങ്കൽ ട്രാൻസ്ഫോർമറിൽ മെയിന്റനൻസ് ജോലിയുടെ ഭാഗമായി രാവിലെ 8 മുതൽ ഉച്ചയ്ക്ക് 2 വരെയും വെയിൽ കാണുംപാറ ട്രാൻസ്ഫോർമറിൽ മെയിന്റനൻസ് ജോലിയുടെ ഭാഗമായി ഉച്ചയ്ക്ക് 12 മുതൽ വൈകിട്ട് 5 വരെയും വൈദ്യുതി മുടങ്ങും.

പള്ളം: പാക്കിൽ ടെമ്പിൾ, ഓഫീസ്, മേലേടം ടവർ, ബുക്കാന നമ്പർ 2 ട്രാൻസ്ഫോർമറുകളുടെ പരിധിയിൽ രാവിലെ 9 മുതൽ വൈകിട്ട് 6 വരെ വൈദ്യുതി വിതരണം തടസ്സപ്പെടും.

ചങ്ങനാശ്ശേരി: ഉദയഗിരി, ഉദയഗിരി ആശുപത്രി, പെരുന്ന ഈസ്റ്റ്, മലേക്കുന്ന്, സുരേഷ് നഴ്സിങ് ഹോം, അലങ്കാർ, ടൗൺ ഗേറ്റ്, പട്ടത്തിമുക്ക്, ഹൗസിങ് ബോർഡ്, എൻ.എസ്.എസ് കോളേജ് ട്രാൻസ്ഫോമറുകളുടെ പരിധിയിൽ രാവിലെ 9 മുതൽ വൈകിട്ട് 5.30 വരെ വൈദ്യുതി മുടങ്ങും.

ജോലികളുടെ സാഹചര്യമനുസരിച്ച് വൈദ്യുതി പുനഃസ്ഥാപിക്കുന്ന സമയത്തിൽ നേരിയ വ്യത്യാസം ഉണ്ടാകാമെന്ന് അധികൃതർ അറിയിച്ചു.

ഓഗസ്റ്റ് 16ന് തൊടുപുഴ ഡിപോൾ പബ്ലിക് സ്കൂൾ ഇൻഡോർ സ്റ്റേഡിയത്തിലാണ് ചാമ്പ്യൻഷിപ്പ് നടക്കുന്നത്. 2009 ജനുവരി 1ന് ശേഷം ജനിച്ചവർക്ക് മത്സരത്തിൽ പങ്കെടുക്കാം.

പങ്കെടുക്കുന്ന ടീമുകൾ ഓഗസ്റ്റ് 15ന് മുമ്പായി പേര് രജിസ്റ്റർ ചെയ്യണം. രജിസ്ട്രേഷൻ ഫീസ് ഒരു കളിക്കാരന് 100 രൂപ.കൂടുതൽ വിവരങ്ങൾക്ക്: 9074946055, 9447673338.

അപേക്ഷകർ എസ്.എസ്.എൽ.സി, പ്ലസ് ടു, ആധാർ കാർഡ്, ജാതി സർട്ടിഫിക്കറ്റ്, ടി.സി എന്നിവയുടെ അസ്സലും പകർപ്പുകളും സഹിതം ഐ.ടി.ഐയിൽ നേരിട്ട് ഹാജരായി അപേക്ഷ നൽകണം. അപേക്ഷാ ഫീസ് 100 രൂപ.

അപേക്ഷാ ഫോമുകൾ ഐ.ടി.ഐ ഓഫീസിൽ നിന്ന് ലഭിക്കും. അപേക്ഷ സമർപ്പിക്കേണ്ട അവസാന തീയതി ആഗസ്റ്റ് 14.ഫോൺ: 04868-272216

തീർത്ഥാടനത്തിന്റെ ഒരുക്കങ്ങൾക്കായി വിവിധ കമ്മിറ്റികൾ രൂപീകരിച്ചു. രാജാക്കാട് ക്രിസ്തുരാജാ പള്ളിയിൽ ചേർന്ന യോഗം ഇടുക്കി രൂപതാ മെത്രാൻ മാർ ജോൺ നെല്ലിക്കുന്നേൽ ഉദ്ഘാടനം ചെയ്തു. രൂപതാ വികാരി ജനറാൾ മോൺ. അബ്രഹാം പുറയാറ്റ് ചെയർമാനും മോൺ. ജോസ് നരിതൂക്കിൽ ജനറൽ കൺവീനറുമായുള്ള സംഘാടക സമിതിയിൽ ഫാ. മാത്യു കരോട്ടുകൊച്ചറക്കൽ, ഫാ. ആന്റണി പനച്ചിക്കൽ എന്നിവർ കൺവീനർമാരാണ്. നൂറോളം പേരടങ്ങുന്ന വിവിധ കമ്മിറ്റികളാണ് പ്രവർത്തനങ്ങൾക്ക് നേതൃത്വം നൽകുന്നത്.

പരിശുദ്ധ കന്യകാമറിയത്തിന്റെ പിറവിത്തിരുനാളിനൊരുക്കമായ എട്ടുനോമ്പിനോടനുബന്ധിച്ചാണ് തീർത്ഥാടനം നടത്തുന്നത്. സെപ്റ്റംബർ 5 ശനിയാഴ്ച രാവിലെ 9.30ന് രാജാക്കാട് ക്രിസ്തുരാജാ പള്ളിയിൽ നിന്ന് തീർത്ഥാടനം ആരംഭിക്കും. ഇടുക്കി രൂപതയിലെ മുഴുവൻ വൈദികരും സമർപ്പിതരും വിവിധ ഇടവകകളിൽ നിന്നുള്ള ആയിരക്കണക്കിന് വിശ്വാസികളും തീർത്ഥാടനത്തിൽ പങ്കെടുക്കും.

തീർത്ഥാടനം ഉച്ചയോടെ രാജകുമാരി തീർത്ഥാടന ദേവാലയത്തിൽ എത്തിച്ചേരും. തുടർന്ന് തൃശ്ശൂർ അതിരൂപത മെത്രാപ്പോലീത്ത ആർച്ച് ബിഷപ്പ് മാർ ആൻഡ്രൂസ് താഴത്ത് വിശുദ്ധ കുർബാന അർപ്പിച്ച് സന്ദേശം നൽകും.

തീർത്ഥാടകരെ സ്വീകരിക്കുന്നതിനായി രാജകുമാരിയിൽ വിപുലമായ ക്രമീകരണങ്ങളാണ് ഒരുക്കുന്നത്. തീർത്ഥാടകരായി എത്തുന്ന മുഴുവൻ വിശ്വാസികൾക്കും നേർച്ചക്കഞ്ഞി വിതരണം ചെയ്യും.

രൂപതയുടെ ആത്മീയ ഉണർവിനും പൊതുസമൂഹത്തിൽ നന്മയുടെ വളർച്ചയ്ക്കും മരിയൻ തീർത്ഥാടനം വഴിയൊരുക്കുമെന്ന് മാർ ജോൺ നെല്ലിക്കുന്നേൽ പറഞ്ഞു. ഫാ. ജോബി മാതാളിക്കുന്നേൽ, ഫാ. ജിൻസ് കാരയ്ക്കാട്ട് എന്നിവർ പ്രസംഗിച്ചു.

വെള്ളിയാമറ്റം പഞ്ചായത്ത് പ്രദേശത്ത് പ്രവർത്തിക്കുന്ന ഹൈലയർ എന്ന സ്വകാര്യ പ്ലൈവുഡ് സ്ഥാപനത്തിൽ നിന്ന് മലങ്കര ജലാശയത്തിലേക്ക് രാസമാലിന്യം കലർന്നതായി വെള്ളിയാഴ്ച കണ്ടെത്തിയതോടെയാണ് ആശങ്ക ഉയർന്നത്. തുടർന്ന് ജലാശയത്തിലെ വെള്ളം ഉപയോഗിക്കുന്നതിന് അധികൃതർ താൽക്കാലിക വിലക്ക് ഏർപ്പെടുത്തിയിരുന്നു.

വാട്ടർ അതോറിറ്റിയും മലിനീകരണ നിയന്ത്രണ ബോർഡും ഉൾപ്പെടെയുള്ള അധികൃതർ വിവിധ ഘട്ടങ്ങളിലായി ജലസാമ്പിളുകൾ ശേഖരിച്ച് പരിശോധന നടത്തി. വാട്ടർ അതോറിറ്റി സൂപ്രണ്ടിങ് എൻജിനിയർ എൻ.ആർ. ഹരി, എക്സിക്യൂട്ടീവ് എൻജിനിയർ ടി.എൻ. സജി, അസിസ്റ്റന്റ് എക്സിക്യൂട്ടീവ് എൻജിനിയർ അനിത, അസിസ്റ്റന്റ് എൻജിനിയർ ഹരീഷ് എന്നിവരുടെ നേതൃത്വത്തിലുള്ള സംഘം മുട്ടം മാത്തപ്പാറ പമ്പ് ഹൗസിലെത്തി പരിശോധനകൾ നടത്തി.

മലങ്കര ജലാശയത്തിന് പുറമെ കൊല്ലംകുന്ന് ശുദ്ധീകരണ കിണർ, കുടയത്തൂർ, കാഞ്ഞാർ തുടങ്ങിയ വിവിധ ജലസ്രോതസുകളിൽ നിന്നും സാമ്പിളുകൾ ശേഖരിച്ച് പരിശോധന നടത്തിയിരുന്നു. മലിനീകരണ നിയന്ത്രണ ബോർഡടക്കമുള്ള ഏജൻസികളും സാമ്പിളുകൾ പരിശോധിച്ചു.

അതേസമയം, സുരക്ഷാ മാനദണ്ഡങ്ങൾ പാലിക്കാതെയാണ് ഹൈലയർ പ്ലൈവുഡ് കമ്പനി പ്രവർത്തിക്കുന്നതെന്ന് കണ്ടെത്തിയതിനെ തുടർന്ന് സ്ഥാപനം അടച്ചുപൂട്ടാൻ ജില്ലാ കളക്ടർ നേരത്തെ ഉത്തരവിട്ടിരുന്നു.

കോളജിൽ സേവനമനുഷ്ഠിച്ചവരിൽ കഴിഞ്ഞ ഒരു വർഷത്തിനിടെ അന്തരിച്ചവരെ ചടങ്ങിൽ അനുസ്മരിച്ചു. ബിസിഎം പഠനത്തിന്റെ സുവർണ, രജത ജൂബിലികൾ ആഘോഷിക്കുന്ന 1976, 2001 ബാച്ചുകളിലെ പൂർവവിദ്യാർഥികളെ ചടങ്ങിൽ ആദരിച്ചു.

കലാപരിപാടികൾ, അനുഭവങ്ങൾ പങ്കുവെക്കൽ, വിദ്യാർഥി-അധ്യാപക സംഗമം എന്നിവയും സംഘടിപ്പിച്ചു.

മാനേജർ ഫാ. ഏബ്രഹാം പറമ്പേട്ട്, ബിസിഎം ബീംസ് എക്സിക്യൂട്ടീവ് കമ്മിറ്റി അംഗങ്ങളായ ജിഷ ഷാജി, അനുത ഭാസ്കർ, റോസമ്മ ഫിലിപ്പ്, പ്രിൻസിപ്പൽ പ്രഫ. ഡോ. കെ.വി. തോമസ്, ബർസാർ ഫാ. ഫിൽമോൻ കളത്ര, വൈസ് പ്രിൻസിപ്പൽ ഡോ. അന്നു തോമസ് എന്നിവർ പ്രസംഗിച്ചു.

പശ്ചിമബംഗാൾ സ്വദേശി ബകീർ മണ്ടോൾ, കോട്ടയം വോളൂർ സ്വദേശി മിഥിൽരാജ്, പ്രായപൂർത്തിയാകാത്ത രണ്ട് മലയാളി സ്വദേശികൾ എന്നിവരാണ് പിടിയിലായത്. ശനിയാഴ്ച അർധരാത്രിയോടെയാണ് ഏറ്റുമാനൂർ പേരൂരിനടുത്ത് പൂവത്തുംമൂട്ടിലെ അന്യസംസ്ഥാന തൊഴിലാളികളുടെ ക്യാമ്പിൽ കവർച്ച നടന്നത്.

മുഖംമൂടി ധരിച്ച് ആയുധങ്ങളുമായെത്തിയ 15 അംഗ സംഘമാണ് ക്യാമ്പിൽ അതിക്രമിച്ച് കയറിയത്. ക്യാമ്പിലുണ്ടായിരുന്ന 33 തൊഴിലാളികളെ ആയുധം കാട്ടി ഭീഷണിപ്പെടുത്തി ബന്ദികളാക്കിയ സംഘം പണവും മൊബൈൽ ഫോണുകളും കവർന്ന് രക്ഷപ്പെടുകയായിരുന്നു.

ക്യാമ്പിലെയും സമീപപ്രദേശങ്ങളിലെയും സിസിടിവി ദൃശ്യങ്ങൾ പരിശോധിച്ചതിൽ നിന്നാണ് പ്രതികളെക്കുറിച്ച് പൊലീസിന് നിർണായക വിവരം ലഭിച്ചത്. ലഹരി ഇടപാടുകളിലൂടെ പരിചയപ്പെട്ടവരാണ് കവർച്ചാ സംഘത്തിലുള്ളവരെന്നാണ് പൊലീസിന്റെ പ്രാഥമിക നിഗമനം.

പിടിയിലായ നാല് പ്രതികളെ വിശദമായി ചോദ്യം ചെയ്തുവരികയാണ്. കേസിലെ ശേഷിക്കുന്ന പ്രതികളെ കണ്ടെത്താനുള്ള അന്വേഷണം പൊലീസ് ഊർജിതമാക്കി.

ശക്തമായ മഴയെത്തുടർന്ന് ടൗണിൽ പത്തടിയോളം ഉയരത്തിൽ വെള്ളം കയറുന്ന സാഹചര്യമാണ് ഉണ്ടാകുന്നതെന്ന് പരാതിയിൽ പറയുന്നു. ഇതുമൂലം വ്യാപാര സ്ഥാപനങ്ങൾ, വീടുകൾ, പഞ്ചായത്ത് ഓഫീസ്, മാവേലി സ്റ്റോർ, ആയുർവേദ ആശുപത്രി തുടങ്ങിയ സ്ഥാപനങ്ങൾക്ക് ഓരോ പ്രളയത്തിലും ലക്ഷക്കണക്കിന് രൂപയുടെ നാശനഷ്ടമാണ് സംഭവിക്കുന്നത്.

മൈനർ ഇറിഗേഷൻ വകുപ്പ് നിർമ്മിച്ച ചെക്ക് ഡാം പുഴയിലെ സ്വാഭാവിക നീരൊഴുക്കിന് തടസ്സമാകുന്നതാണ് വെള്ളപ്പൊക്കത്തിന് പ്രധാന കാരണമെന്നാണ് നാട്ടുകാരുടെയും വ്യാപാരികളുടെയും ആരോപണം. ശക്തമായ മഴയിൽ മലനിരകളിൽനിന്ന് ഒഴുകിയെത്തുന്ന കല്ലും മണലും ചെക്ക് ഡാമിന് സമീപം അടിഞ്ഞുകൂടുന്നതോടെ പുഴയുടെ ഒഴുക്ക് തടസ്സപ്പെടുകയും വെള്ളം ടൗണിലേക്ക് കയറുകയും ചെയ്യുന്നുവെന്നാണ് പരാതി.

നിലവിൽ പുഴയിൽ അടിഞ്ഞുകൂടിയിരിക്കുന്ന മണലും മണ്ണും അടിയന്തരമായി നീക്കം ചെയ്യണമെന്നും, ജനജീവിതത്തിന് ദുരിതം സൃഷ്ടിക്കുന്ന ചെക്ക് ഡാം ദുരന്തനിവാരണ നിയമപ്രകാരം പൂർണമായി പൊളിച്ചുനീക്കുന്നതിനുള്ള നടപടി സ്വീകരിക്കണമെന്നും ആവശ്യപ്പെട്ടാണ് കേരള സംസ്ഥാന ജലവിഭവ വകുപ്പ് മന്ത്രിക്ക് നിവേദനം സമർപ്പിച്ചത്.

ടോമി ജോൺ കുരിശുംപറമ്പിൽ, ബിജു ജോസഫ്, സിബി ജോൺ, പഞ്ചായത്ത് മെമ്പർ ഷെയ്സ് ജോസഫ് എന്നിവർ ചേർന്നാണ് നിവേദനം നൽകിയത്. ചെക്ക് ഡാമിന്റെ ശാസ്ത്രീയമായ പുനഃപരിശോധന നടത്തി മൂന്നിലവ് ടൗണിലെ വെള്ളപ്പൊക്കത്തിന് ശാശ്വത പരിഹാരം കാണണമെന്നാണ് നാട്ടുകാരുടെയും വ്യാപാരികളുടെയും ആവശ്യം.

കുമരകം ചീപ്പുങ്കലിൽ നിന്ന് ശിക്കാര വള്ളത്തിൽ ജനപ്രതിനിധികൾക്കും വിവിധ വകുപ്പുകളുടെ ജില്ലാ മേധാവികൾക്കുമൊപ്പമായിരുന്നു സന്ദർശനം. പുഴകളിൽ നിന്നുള്ള നീരൊഴുക്ക് തടസ്സപ്പെടുന്ന തരത്തിൽ വേമ്പനാട്ടുകായലിൽ അടിഞ്ഞുകൂടിയ എക്കൽ ഉൾപ്പെടെയുള്ള പ്രദേശങ്ങൾ സംഘം പരിശോധിച്ചു.

കുമരകം, ആർപ്പൂക്കര, അയ്മനം മേഖലകളിലെ വെള്ളപ്പൊക്കത്തിന് ശാശ്വത പരിഹാരം കാണുന്നതിന് ജലനിരപ്പിന് മുകളിലേക്കു വരെ അടിഞ്ഞുകൂടിയ മൺതിട്ടകൾ നീക്കം ചെയ്യേണ്ടതുണ്ടെന്ന് ജനപ്രതിനിധികൾ ചൂണ്ടിക്കാട്ടി. ഇക്കാര്യം സർക്കാരിന്റെ ശ്രദ്ധയിൽപ്പെടുത്തുമെന്നും എക്കൽ നീക്കം ചെയ്യുന്നതിന് തദ്ദേശ സ്ഥാപനങ്ങളുടെ സഹകരണം ഉറപ്പാക്കുമെന്നും എം.എൽ.എ പറഞ്ഞു.

തുടർന്ന് അയ്മനം പഞ്ചായത്തിലെ വെള്ളത്തിനടിയിലായ നെൽപ്പാടശേഖരങ്ങൾ സംഘം നേരിട്ട് സന്ദർശിച്ചു. ചീപ്പുങ്കൽ–കല്ലുങ്കത്ര തോടിന്റെയും മണിയാപറമ്പ് തോടിന്റെയും ഇരുകരകളിലുമുള്ള ജനങ്ങളുടെ ദുരിതാവസ്ഥ പഞ്ചായത്ത് പ്രസിഡന്റുമാരായ ബിന്ദു ഹരികുമാറും ആനന്ദ് പഞ്ഞിക്കാരനും എം.എൽ.എയുടെയും കളക്ടറുടെയും ശ്രദ്ധയിൽപ്പെടുത്തി.

അയ്മനം പഞ്ചായത്തിലെ ഒന്നും രണ്ടും വാർഡുകളിലെ നാലുതോട്, പുത്തൻകരി, മങ്ങാട്ടുകുഴി, നൂറുപറ, കൊടുവത്ര, മേനോൻകരി, വി.കെ.വി. തുടങ്ങിയ പാടശേഖരങ്ങളിലാണ് വ്യാപകമായി കൃഷിനാശമുണ്ടായത്. പുത്തൻകരിയിൽ മടവീണ് മോട്ടോറും മോട്ടോർപുരയും ഉൾപ്പെടെ ഒഴുകിപ്പോയി.

അയ്മനത്ത് 622 ഹെക്ടർ സ്ഥലത്തെ ഒരു മാസം മുമ്പ് വിതച്ച നെൽകൃഷിയാണ് വെള്ളപ്പൊക്കത്തിൽ നശിച്ചത്. മേനോൻകരി പാടം വിതയ്ക്കുന്നതിനായി ഒരുക്കിയിരുന്നെങ്കിലും ഇവിടെ കിളിർപ്പിച്ച വിത്തും ഉപയോഗശൂന്യമായി.

ആർപ്പൂക്കര പഞ്ചായത്തിലെ കാട്ടുകരി കല്ലിപ്പടവ്, പ്രായിവട്ടം കറുകപ്പാടം, ചൂരത്തറ നടുവിലേക്കര, കേളകരി, വാവക്കാട്, ആര്യാട്ടൂഴം, മംഗലശ്ശേരി തൊള്ളായിരം, ചാലാകരി തുടങ്ങിയ പാടശേഖരങ്ങളിലും കൃഷിനാശമുണ്ടായി. ചൂരത്തറയിൽ ഒരു മാസം മുമ്പ് വിതച്ചതും കേളകരിയിൽ രണ്ടാഴ്ച മുമ്പ് വിതച്ചതുമായ നെൽകൃഷിയാണ് നശിച്ചത്.

മേഖലയിലെ കൃഷിനാശം സംബന്ധിച്ച് പ്രിൻസിപ്പൽ കൃഷി ഓഫീസർ ബിനു തോമസ് വിശദീകരിച്ചു. കൃഷിനാശത്തിൽ നിന്ന് മേഖലയെ സംരക്ഷിക്കാൻ ശാശ്വത പരിഹാരം ആവശ്യപ്പെട്ട് വി.കെ.വി. പാടശേഖര സമിതി പ്രസിഡന്റ് അനിൽകുമാർ, സെക്രട്ടറി എ.എം. ബിനു എന്നിവരുടെ നേതൃത്വത്തിൽ കർഷകർ എം.എൽ.എയ്ക്ക് നിവേദനം നൽകി.

കാട്ടുകരി ചുഴലിക്കുഴിയിൽ അടിഞ്ഞുകൂടിയ എക്കൽ നീക്കം ചെയ്യണമെന്ന ആവശ്യവും ഉയർന്നു. വെള്ളപ്പൊക്ക ദുരിതത്തിന് ശാശ്വത പരിഹാരം കാണുന്നതിനാവശ്യമായ ഇടപെടലുകൾ നടത്തുമെന്നും നഷ്ടപരിഹാര നടപടികൾ സമയബന്ധിതമായി പൂർത്തിയാക്കുമെന്നും എം.എൽ.എ അറിയിച്ചു.

മുൻവർഷങ്ങളിൽ ശരാശരി 5,000ത്തോളം ഭക്തരാണ് വാവുബലി ദിനത്തിൽ ക്ഷേത്രത്തിലെത്തുന്നത്. നിലവിൽ ജലനിരപ്പ് കുറവാണെങ്കിലും ജില്ലയിൽ റെഡ് അലർട്ട് നിലനിൽക്കുന്ന സാഹചര്യത്തിൽ പുഴയിലെ നീരൊഴുക്ക് പെട്ടെന്ന് ശക്തമാകാനുള്ള സാധ്യത കണക്കിലെടുത്താണ് സുരക്ഷാ ക്രമീകരണങ്ങൾ ശക്തമാക്കുന്നത്.

ഫയർഫോഴ്‌സും പൊലീസും സംയുക്ത പരിശോധന നടത്തി സുരക്ഷിതമായ ബലിതർപ്പണ മേഖലകൾ മുൻകൂട്ടി അടയാളപ്പെടുത്തും. ക്രമസമാധാന പാലനത്തിനും ഗതാഗത നിയന്ത്രണത്തിനുമായി 50 പൊലീസുകാരെ പ്രദേശത്ത് നിയോഗിക്കും. പീരുമേട്, കട്ടപ്പന ഡിവൈ.എസ്.പിമാരുടെ നേതൃത്വത്തിൽ വിപുലമായ ഗതാഗത ക്രമീകരണങ്ങളും ഏർപ്പെടുത്തും.

ചെറിയ പാലത്തിൽ വെള്ളം കയറിയാൽ ക്ഷേത്രത്തിലേക്കുള്ള ഏക മാർഗം തൂക്കുപാലമായതിനാൽ ഭക്തരെ കൂട്ടത്തോടെ പ്രവേശിപ്പിക്കാതെ നിയന്ത്രിത അളവിൽ മാത്രമേ കടത്തിവിടൂ. പുഴയിലെ ഒഴുക്ക് പെട്ടെന്ന് ശക്തമായാൽ സുരക്ഷിതമായ മറ്റൊരു സ്ഥലത്ത് ബലിതർപ്പണ സൗകര്യം ഒരുക്കും.

പുഴയും പരിസരവും മലിനമാകാതിരിക്കാൻ കാഞ്ചിയാർ ഗ്രാമപഞ്ചായത്തിന്റെ നേതൃത്വത്തിൽ പ്രത്യേക മാലിന്യസംസ്‌കരണ സംവിധാനവും ഏർപ്പെടുത്തും.

ഔദ്യോഗികമായി നൽകുന്ന സുരക്ഷാ നിർദേശങ്ങൾ ക്ഷേത്ര ഭാരവാഹികളും ഭക്തജനങ്ങളും കർശനമായി പാലിക്കണമെന്ന് എ.ഡി.എം മിനി കെ. ജോൺ നിർദേശിച്ചു. വിവിധ വകുപ്പ് ഉദ്യോഗസ്ഥരും ജനപ്രതിനിധികളും യോഗത്തിൽ പങ്കെടുത്തു.

ആഗ്രഹിച്ച വിദ്യാഭ്യാസം നേടാന്‍ കഴിയാതെ പോയവര്‍ക്ക് സാക്ഷരതാ മിഷന്റെ നാലാം ക്ലാസ് മുതല്‍ ഹയര്‍ സെക്കന്‍ഡറി വരെയുള്ള തുല്യതാ കോഴ്‌സുകള്‍ പ്രയോജനപ്പെടുത്താം. തുടര്‍ന്ന് വിവിധ സര്‍വകലാശാലകളിലെ റഗുലര്‍, വിദൂര ഡിഗ്രി കോഴ്‌സുകളില്‍ പഠനം തുടരാനും അവസരമുണ്ടെന്ന് മന്ത്രി പറഞ്ഞു.

തൊടുപുഴ ഉത്രം റെസിഡന്‍സിയില്‍ നടന്ന ചടങ്ങില്‍ 38കാരനായ വി.എം. മണികണ്ഠനെ സാക്ഷരതാ മിഷന്റെ ഹയര്‍ സെക്കന്‍ഡറി തുല്യതാ കോഴ്‌സിലേക്ക് രജിസ്റ്റര്‍ ചെയ്ത് ഇടുക്കി ജില്ലയിലെ തുല്യതാ കോഴ്‌സ് രജിസ്‌ട്രേഷന്‍ ക്യാമ്പയിന്‍ മന്ത്രി ഉദ്ഘാടനം ചെയ്തു. ജില്ലാ സാക്ഷരതാ മിഷന്‍ തയ്യാറാക്കിയ പ്രചാരണ പോസ്റ്ററും മന്ത്രി പ്രകാശനം ചെയ്തു.

ചടങ്ങില്‍ അഡ്വ. ഡീന്‍ കുര്യാക്കോസ് എം.പി. അധ്യക്ഷത വഹിച്ചു. അഡ്വ. സിറിയക് തോമസ് എം.എല്‍.എ., ജില്ലാ പഞ്ചായത്ത് പ്രസിഡന്റ് പ്രൊഫ. ഷീല സ്റ്റീഫന്‍, തൊടുപുഴ നഗരസഭാ ചെയര്‍പേഴ്‌സണ്‍ സാബിറ ജലീല്‍ തുടങ്ങിയവര്‍ പങ്കെടുത്തു. ജില്ലാ സാക്ഷരതാ മിഷന്‍ കോ-ഓഡിനേറ്റര്‍ പി.എം. അബ്ദുള്‍കരീം ഉള്‍പ്പെടെയുള്ള ജനപ്രതിനിധികളും ഉദ്യോഗസ്ഥരും ചടങ്ങില്‍ സന്നിഹിതരായിരുന്നു.

പട്ടികവർഗ വിഭാഗത്തിൽനിന്നും മെഡിക്കൽ വിദ്യാഭ്യാസം പൂർത്തിയാക്കി സർക്കാർ ആരോഗ്യ സേവന രംഗത്തേക്ക് പ്രവേശിക്കുന്ന അപൂർവ നേട്ടമാണ് ഡോ. ശരണ്യ കൈവരിച്ചിരിക്കുന്നത്. ജില്ലയിലെ ഗോത്രവിഭാഗങ്ങൾക്കിടയിൽ ആരോഗ്യരംഗത്ത് പ്രവർത്തിക്കാനും മാതൃകയാകാനും നിയമനം വഴിയൊരുക്കും. ജില്ലാ കലക്ടർ ഉൾപ്പെടെ ശരണ്യയുടെ ഈ നേട്ടത്തിന് അഭിനന്ദനങ്ങളുമായി എത്തിയിട്ടുണ്ട്

മഴയുടെ ശക്തി കുറഞ്ഞതിനെ തുടർന്നാണ് വിനോദസഞ്ചാര പ്രവർത്തനങ്ങൾക്ക് ഏർപ്പെടുത്തിയിരുന്ന നിയന്ത്രണങ്ങൾ ഒഴിവാക്കിയത്. മഴയും കാലാവസ്ഥയും സംബന്ധിച്ച മുന്നറിയിപ്പുകൾ നിലനിൽക്കുന്ന സാഹചര്യത്തിൽ സഞ്ചാരികൾ ജാഗ്രത പാലിക്കണമെന്നും അധികൃതർ നിർദേശിച്ചു.

പാലം തകർന്നതോടെ മൂന്ന് കുടുംബങ്ങൾ പുറംലോകവുമായി ബന്ധപ്പെടാൻ കഴിയാത്ത അവസ്ഥയിലായിരുന്നു. ദുരിതത്തിലായ കുടുംബങ്ങളുടെ വിവരം അറിഞ്ഞതിനെ തുടർന്ന് ടീം റെസ്ക്യൂ ഫോഴ്സ് കേരളയുടെ ഇരുപതോളം വരുന്ന സന്നദ്ധപ്രവർത്തകർ സ്ഥലത്തെത്തി.

കുത്തൊഴുക്കിൽപ്പെട്ട് മാറ്റപ്പെട്ട പാലം കണ്ടെത്തി സുരക്ഷിതമായി കരയിലെത്തിച്ച ശേഷം മണിക്കൂറുകൾ നീണ്ട കഠിനാധ്വാനത്തിലൂടെയാണ് പാലം പഴയ സ്ഥാനത്ത് തിരികെ സ്ഥാപിച്ചത്. പ്രതികൂല കാലാവസ്ഥയും ദുഷ്കരമായ സാഹചര്യങ്ങളും അവഗണിച്ചായിരുന്നു സന്നദ്ധപ്രവർത്തകരുടെ രക്ഷാദൗത്യം.

ടീം റെസ്ക്യൂ ഫോഴ്സ് കേരള പ്രസിഡന്റ് നൗഷാദ് വെള്ളപ്പറമ്പിൽ, ജനറൽ സെക്രട്ടറി ആരിഫ് വാഴയിൽ, ട്രഷറർ മുഹമ്മദ് യാസർ എന്നിവരുടെ നേരിട്ടുള്ള നേതൃത്വത്തിലായിരുന്നു രക്ഷാപ്രവർത്തനവും പുനഃസ്ഥാപന പ്രവർത്തനങ്ങളും.

ദുരന്തമുഖങ്ങളിൽ അടിയന്തരമായി ഇടപെട്ട് ജനങ്ങൾക്ക് സഹായമെത്തിക്കുന്ന സംഘടനയുടെ പ്രവർത്തനം മൂന്ന് കുടുംബങ്ങൾക്കും പ്രദേശവാസികൾക്കും വലിയ ആശ്വാസമായി. പ്രളയത്തിൽ നഷ്ടപ്പെട്ട യാത്രാമാർഗം പുനഃസ്ഥാപിച്ചതോടെ ദിവസങ്ങളായി ഒറ്റപ്പെട്ടുകിടന്ന കുടുംബങ്ങൾക്ക് വീണ്ടും പുറംലോകവുമായി ബന്ധപ്പെടാനുള്ള വഴി തുറന്നു.

പനി ബാധിച്ച് ആശുപത്രിയിലെത്തിയ കുട്ടിക്ക് ആവശ്യമായ ചികിത്സ ലഭിക്കാതെ വന്നതോടെ കോട്ടയം മെഡിക്കൽ കോളേജിലേക്ക് മാറ്റിയതായും ആരോപണമുണ്ട്. അടിയന്തര ചികിത്സ ആവശ്യമായ സാഹചര്യത്തിലും ആശുപത്രിയിലെ ഡോക്ടർമാരുടെ കുറവ് രോഗികൾക്കും കൂട്ടിരിപ്പുകാർക്കും വലിയ ബുദ്ധിമുട്ടാണ് സൃഷ്ടിച്ചത്.

മന്ത്രിയുടെ സന്ദർശനത്തിനിടെയാണ് ആശുപത്രിയിലെ ചികിത്സാ സംവിധാനങ്ങളുടെ അപര്യാപ്തത സംബന്ധിച്ച പരാതികൾ ഉയർന്നത്. എന്നാൽ സംഭവത്തിൽ മന്ത്രി കെ. മുരളീധരൻ പ്രതികരിച്ചില്ലെന്നാണ് ആരോപണം.

ജില്ലാ ആശുപത്രിയിലെ ഡോക്ടർമാരുടെ കുറവ് പരിഹരിച്ച് ആവശ്യമായ ചികിത്സാ സൗകര്യങ്ങൾ ഉറപ്പാക്കണമെന്നാണ് രോഗികളുടെയും കൂട്ടിരിപ്പുകാരുടെയും ആവശ്യം.

ഇതിനകം ഇ-കെവൈസി പൂർത്തിയാക്കാത്ത ഉപഭോക്താക്കൾക്ക് എണ്ണക്കമ്പനികൾ മൊബൈൽ സന്ദേശങ്ങളിലൂടെയും മറ്റ് മാർഗങ്ങളിലൂടെയും മുന്നറിയിപ്പ് നൽകുന്നുണ്ട്. ഇ-കെവൈസി പൂർത്തിയാക്കാത്തവർക്ക് ഇ-കെവൈസി പൂർത്തിയാകുന്നതുവരെ അറിയിച്ചിട്ടുള്ള ഗാർഹിക നിരക്കിൽ സിലിണ്ടർ ലഭിക്കില്ലെന്നാണ് ഉപഭോക്താക്കൾക്ക് ലഭിക്കുന്ന അറിയിപ്പുകളിൽ വ്യക്തമാക്കുന്നത്. ചില വിതരണക്കാരുടെ ഭാഗത്തുനിന്ന് ബുക്കിങ്ങിലും വിതരണത്തിലും നിയന്ത്രണങ്ങൾ ഏർപ്പെടുത്തിയ സംഭവങ്ങളും റിപ്പോർട്ട് ചെയ്തിട്ടുണ്ട്.

എന്തിനാണ് ഇ-കെവൈസി?

ഗ്യാസ് കണക്ഷനുകളുടെ വിവരങ്ങൾ കൃത്യമായി പരിശോധിക്കുക, അർഹരായ ഉപഭോക്താക്കൾക്ക് ആനുകൂല്യങ്ങൾ ഉറപ്പാക്കുക, ആധാർ അടിസ്ഥാനത്തിലുള്ള തിരിച്ചറിയൽ സ്ഥിരീകരിക്കുക എന്നിവയാണ് നടപടിയുടെ പ്രധാന ലക്ഷ്യങ്ങൾ.

പ്രത്യേകിച്ച് സബ്‌സിഡി നേരിട്ട് ബാങ്ക് അക്കൗണ്ടിലേക്ക് ലഭിക്കുന്ന നേരിട്ടുള്ള ആനുകൂല്യ കൈമാറ്റം (ഡിബിടി) സംവിധാനത്തിൽ അർഹതയുള്ള ഉപഭോക്താക്കളെ കൃത്യമായി തിരിച്ചറിയുന്നതിന് ആധാർ ബന്ധിപ്പിച്ച പരിശോധന പ്രധാനമാണ്. ഔദ്യോഗിക വിവരമനുസരിച്ച് പ്രധാനമന്ത്രി ഉജ്ജ്വല യോജനയിലെ ഗുണഭോക്താക്കൾക്ക് ആധാർ അടിസ്ഥാനമാക്കിയുള്ള ബയോമെട്രിക് പരിശോധന നിർബന്ധമാണ്.

വീട്ടിലിരുന്ന് മൊബൈൽ വഴി ചെയ്യാം

എൽപിജി ഉപഭോക്താക്കൾക്ക് വീട്ടിലിരുന്നുതന്നെ മുഖം തിരിച്ചറിയൽ അടിസ്ഥാനമാക്കിയുള്ള ഇ-കെവൈസി പൂർത്തിയാക്കാനുള്ള സൗകര്യം ഔദ്യോഗികമായി ലഭ്യമാണ്. ഇതിനായി ബന്ധപ്പെട്ട എണ്ണക്കമ്പനിയുടെ മൊബൈൽ ആപ്പിനൊപ്പം ആധാർ ഫേസ്‌ആർഡി (Aadhaar FaceRD) ആപ്പും ഉപയോഗിക്കാം. പ്രധാനമന്ത്രി ഉജ്ജ്വല യോജനയുടെ ഔദ്യോഗിക വെബ്സൈറ്റിലും ഈ സൗകര്യം വ്യക്തമാക്കിയിട്ടുണ്ട്.

ഇൻഡെയ്ൻ ഉപഭോക്താക്കൾക്ക് ഇന്ത്യൻഓയിൽ വൺ ആപ്പ്, ഭാരത് ഗ്യാസ് ഉപഭോക്താക്കൾക്ക് ഹലോ ബിപിസിഎൽ, എച്ച്.പി. ഗ്യാസ് ഉപഭോക്താക്കൾക്ക് എച്ച്.പി. പേ തുടങ്ങിയ ഔദ്യോഗിക ആപ്പുകൾ വഴിയാണ് നടപടികൾ പൂർത്തിയാക്കേണ്ടത്.

എങ്ങനെ ഇ-കെവൈസി പൂർത്തിയാക്കാം?

ആദ്യം ഫോണിൽ ആധാർ ഫേസ്‌ആർഡി ആപ്പ് ഇൻസ്റ്റാൾ ചെയ്യണം. തുടർന്ന് നിങ്ങളുടെ ഗ്യാസ് കമ്പനിയുടെ ഔദ്യോഗിക ആപ്പ് തുറന്ന് രജിസ്റ്റർ ചെയ്ത മൊബൈൽ നമ്പർ ഉപയോഗിച്ച് പ്രവേശിക്കുക.

തുടർന്ന് ലഭ്യമാകുന്ന ഇ-കെവൈസി / ആധാർ ബന്ധിപ്പിക്കൽ സൗകര്യം തിരഞ്ഞെടുക്കണം. ആവശ്യപ്പെടുന്ന ആധാർ വിവരങ്ങൾ നൽകി തിരിച്ചറിയൽ സ്ഥിരീകരിച്ച ശേഷം ക്യാമറ അനുമതി നൽകണം. കണക്ഷൻ ഉടമയുടെ മുഖം ക്യാമറയ്ക്ക് മുന്നിൽ കൊണ്ടുവന്ന് മുഖം തിരിച്ചറിയൽ പരിശോധന പൂർത്തിയാക്കണം. പരിശോധന വിജയകരമായാൽ വിവരങ്ങൾ പരിശോധിച്ച് സമർപ്പിക്കാം.

ഔദ്യോഗിക വിവരമനുസരിച്ച് വീട്ടിൽനിന്ന് ചെയ്യാൻ കഴിയാത്തവർക്ക് ഗ്യാസ് വിതരണക്കാരൻ മുഖേനയും ഡെലിവറി ജീവനക്കാരുടെ സഹായത്തോടെയും ആധാർ അടിസ്ഥാനമാക്കിയുള്ള പരിശോധന പൂർത്തിയാക്കാനുള്ള സൗകര്യമുണ്ട്.

ഇ-കെവൈസി ചെയ്യാതെ പോയാൽ?

ഓഗസ്റ്റ് 16നകം നടപടികൾ പൂർത്തിയാക്കാത്ത ഉപഭോക്താക്കൾക്ക് ഗാർഹിക നിരക്കിലുള്ള എൽപിജി സിലിണ്ടർ ലഭിക്കുന്നതിനുള്ള അർഹത താൽക്കാലികമായി നഷ്ടപ്പെടാൻ സാധ്യതയുണ്ട്. ഇ-കെവൈസി പൂർത്തിയാകുന്നതുവരെ ഉയർന്ന നിരക്ക് നൽകേണ്ട സാഹചര്യമുണ്ടാകാമെന്നാണ് വിതരണ മേഖലയിൽ നിന്നുള്ള വിവരം. സബ്‌സിഡി ലഭിക്കുന്ന ഉപഭോക്താക്കൾക്ക് സബ്‌സിഡി ആനുകൂല്യത്തിലും തടസ്സം നേരിടാം.

എന്നാൽ ഇ-കെവൈസി ചെയ്യാത്ത എല്ലാവരുടെയും കണക്ഷൻ സ്ഥിരമായി റദ്ദാക്കുമെന്നല്ല ഇതിന്റെ അർഥം. ഇ-കെവൈസി പൂർത്തിയാക്കിയ ശേഷം നിയന്ത്രണങ്ങൾ നീക്കപ്പെടാനുള്ള സാധ്യതയുണ്ട്. അതിനാൽ പരിഭ്രാന്തരാകാതെ സമയപരിധിക്ക് മുമ്പ് നടപടികൾ പൂർത്തിയാക്കുകയാണ് ഉചിതം.

നേരത്തെ e-KYC ചെയ്തിട്ടുണ്ടെങ്കിൽ വീണ്ടും ചെയ്യണോ?

നേരത്തെ ആധാർ അടിസ്ഥാനത്തിലുള്ള പരിശോധന പൂർത്തിയാക്കിയിട്ടുണ്ടോ എന്ന് സംശയമുള്ളവർ ആദ്യം തങ്ങളുടെ ഗ്യാസ് കമ്പനിയുടെ ഔദ്യോഗിക ആപ്പിലോ ഉപഭോക്തൃ സേവന സംവിധാനത്തിലോ നിലവിലെ സ്ഥിതി പരിശോധിക്കുക. ഇ-കെവൈസി പൂർത്തിയായതായി രേഖപ്പെടുത്തിയിട്ടുണ്ടെങ്കിൽ വീണ്ടും നടപടികൾ ആവർത്തിക്കേണ്ടതില്ല.

ഉജ്ജ്വല ഉപഭോക്താക്കൾ പ്രത്യേകം ശ്രദ്ധിക്കണം

പ്രധാനമന്ത്രി ഉജ്ജ്വല യോജനയിലെ ഗുണഭോക്താക്കൾക്ക് ആധാർ അടിസ്ഥാനമാക്കിയുള്ള ബയോമെട്രിക് പരിശോധന നിർബന്ധമാണെന്ന് പദ്ധതിയുടെ ഔദ്യോഗിക വെബ്സൈറ്റ് വ്യക്തമാക്കുന്നു. ഉജ്ജ്വല പദ്ധതിയുടെ സബ്‌സിഡി ഉൾപ്പെടെയുള്ള ആനുകൂല്യങ്ങൾ ലഭിക്കുന്നവർ തങ്ങളുടെ ഇ-കെവൈസി നില പ്രത്യേകം പരിശോധിക്കുന്നത് പ്രധാനമാണ്.

സഹായം ആവശ്യമെങ്കിൽ

ഇ-കെവൈസി സംബന്ധിച്ച് സംശയങ്ങളുള്ളവർ തങ്ങളുടെ ഗ്യാസ് വിതരണ ഏജൻസിയുമായി ബന്ധപ്പെടാം. ഔദ്യോഗിക പ്രധാനമന്ത്രി ഉജ്ജ്വല യോജന വെബ്സൈറ്റിൽ എൽപിജി അടിയന്തര സഹായ നമ്പർ 1906, ടോൾഫ്രീ ഉപഭോക്തൃ സഹായ നമ്പർ 1800-2333-5555, ഉജ്ജ്വല ഹെൽപ്‌ലൈൻ 1800-266-6696 എന്നിവ നൽകിയിട്ടുണ്ട്.

അവസാന തീയതി കാത്തിരിക്കേണ്ട. ഗ്യാസ് കണക്ഷന്റെ ഇ-കെവൈസി നില ഇന്ന് തന്നെ പരിശോധിക്കുക. പൂർത്തിയാക്കിയിട്ടില്ലെങ്കിൽ ഓഗസ്റ്റ് 16ന് മുമ്പ് നടപടി പൂർത്തിയാക്കുക.

നിശ്ചിത യോഗ്യതയുള്ള, ബാർ അസോസിയേഷനിൽ രജിസ്റ്റർ ചെയ്ത് കുറഞ്ഞത് ഏഴ് വർഷത്തെ പ്രവൃത്തിപരിചയമുള്ളതും 60 വയസ് കവിയാത്തതുമായ അഭിഭാഷകർക്ക് അപേക്ഷിക്കാം.

അപേക്ഷയോടൊപ്പം ജനന തീയതി, എൻറോൾമെന്റ് നമ്പറും തീയതിയും, പ്രവൃത്തിപരിചയം, ഫോൺ നമ്പർ, ഇ-മെയിൽ ഐ.ഡി, പൊലീസ് സ്റ്റേഷൻ പരിധി തുടങ്ങിയ വിവരങ്ങൾ ഉൾപ്പെടുത്തിയ വിശദമായ ബയോഡാറ്റ സമർപ്പിക്കണം. ജനന തീയതിയും പ്രവൃത്തിപരിചയവും തെളിയിക്കുന്ന രേഖകൾ, ബിരുദ സർട്ടിഫിക്കറ്റ്, എൻറോൾമെന്റ് സർട്ടിഫിക്കറ്റ്, സർട്ടിഫിക്കറ്റ് ഓഫ് പ്രാക്ടീസ് എന്നിവയുടെ സ്വയം സാക്ഷ്യപ്പെടുത്തിയ പകർപ്പുകളും അപേക്ഷയോടൊപ്പം നൽകണം.

ആഗസ്റ്റ് 20 വൈകിട്ട് നാലിന് മുമ്പ് അപേക്ഷ ജില്ലാ കളക്ടറുടെ കാര്യാലയത്തിൽ നേരിട്ടോ തപാൽ മുഖേനയോ സമർപ്പിക്കണം.

കൂടുതൽ വിവരങ്ങൾക്ക്:04862 232242, 04862 232303

ഒരാഴ്ച മുൻപായിരുന്നു അപകടം. കുട്ടിയെ കുളിപ്പിക്കുന്നതിനായി ബക്കറ്റിൽ ചൂടുവെള്ളം തയ്യാറാക്കി വെച്ചിരുന്നു. അമ്മ മാറിയ സമയത്ത് കുട്ടി ബക്കറ്റിൽ പിടിച്ചതോടെ ബക്കറ്റ് അബദ്ധത്തിൽ മറിഞ്ഞ് ചൂടുവെള്ളം ദേഹത്തേക്ക് വീഴുകയായിരുന്നു.

ഗുരുതരമായി പൊള്ളലേറ്റ കുട്ടിയെ ഉടൻ ആശുപത്രിയിൽ പ്രവേശിപ്പിച്ച് ചികിത്സ നൽകി വരികയായിരുന്നു. ഇതിനിടെ പൊള്ളലേറ്റ ഭാഗത്തുണ്ടായ അണുബാധയെ തുടർന്ന് ആരോഗ്യനില വഷളാകുകയും മരണം സംഭവിക്കുകയുമായിരുന്നു.

മുല്ലപ്പെരിയാർ കനാലിന്റെയും പെരിയാർ കടുവ സങ്കേതത്തിനുള്ളിലെ വനമേഖലകളുടെയും ആകാശദൃശ്യങ്ങളാണ് ഡ്രോൺ ഉപയോഗിച്ച് ചിത്രീകരിച്ചത്. ദൃശ്യങ്ങൾ പിന്നീട് തമിഴ്നാട്ടിലെ പെരിയകുളം മണ്ഡലം എംഎൽഎയുടെ ഇൻസ്റ്റഗ്രാം അക്കൗണ്ടിലൂടെ പുറത്തുവന്നതോടെയാണ് സംഭവം ശ്രദ്ധയിൽപ്പെട്ടത്. ഇതോടെ സുരക്ഷാ മാനദണ്ഡങ്ങൾ ലംഘിച്ചെന്ന ആരോപണവുമായി വ്യാപക വിമർശനം ഉയർന്നു.

വന്യജീവി സംരക്ഷണത്തിനും പരിസ്ഥിതി സുരക്ഷയ്ക്കും പ്രത്യേക പ്രാധാന്യമുള്ള സംരക്ഷിത മേഖലയാണ് പെരിയാർ കടുവ സങ്കേതം. സങ്കേതത്തിനുള്ളിലെ പ്രവേശനവും വിവിധ പ്രവർത്തനങ്ങളും വനംവകുപ്പിന്റെ നിയന്ത്രണത്തിലാണ്. ഇത്തരമൊരു നിയന്ത്രിത മേഖലയിൽ അനുമതിയില്ലാതെ ഡ്രോൺ പറത്തിയത് ഗുരുതരമായ സുരക്ഷാ വീഴ്ചയായാണ് വിലയിരുത്തപ്പെടുന്നത്.

പ്രത്യേകിച്ച് മുല്ലപ്പെരിയാർ അണക്കെട്ടുമായി ബന്ധപ്പെട്ട പ്രവർത്തനങ്ങൾ നടക്കുന്ന സമയത്താണ് ഡ്രോൺ ഉപയോഗിച്ചതെന്നത് സംഭവത്തിന്റെ ഗൗരവം വർധിപ്പിക്കുന്നു. അണക്കെട്ട്, കനാൽ, വനമേഖല തുടങ്ങിയ പ്രദേശങ്ങളുടെ ആകാശദൃശ്യങ്ങൾ അനുമതിയില്ലാതെ പകർത്തിയത് സംബന്ധിച്ചും ചോദ്യങ്ങൾ ഉയർന്നിട്ടുണ്ട്.

ദൃശ്യങ്ങൾ പുറത്തുവന്നതിനു പിന്നാലെ സംഭവത്തിൽ കേരള വനംവകുപ്പ് വിശദീകരണം തേടുകയും നിയമനടപടികൾ സ്വീകരിക്കുന്നതിനുള്ള സാധ്യത പരിശോധിക്കുകയും ചെയ്യുന്നതായാണ് റിപ്പോർട്ടുകൾ. അനുമതിയില്ലാതെ ഡ്രോൺ പറത്തിയത് ആരുടെ അറിവോടെയാണെന്നും, ദൃശ്യങ്ങൾ പകർത്താൻ ഔദ്യോഗിക അനുമതി ലഭിച്ചിരുന്നോ എന്നതും അന്വേഷണവിധേയമാകുമെന്നാണ് സൂചന.

പെരിയാർ കടുവ സങ്കേതത്തിനുള്ളിൽ ഡ്രോൺ ഉപയോഗിക്കുന്നതിന് നിലവിലുള്ള നിയന്ത്രണങ്ങൾ മറികടന്നാണ് സംഭവം നടന്നതെങ്കിൽ ബന്ധപ്പെട്ടവർക്കെതിരെ വനനിയമങ്ങളും മറ്റ് ബാധകമായ നിയമങ്ങളും പ്രകാരം നടപടി ഉണ്ടാകാനുള്ള സാധ്യതയുണ്ട്.

മുല്ലപ്പെരിയാർ വിഷയത്തിൽ കേരള-തമിഴ്നാട് തർക്കങ്ങൾ നിലനിൽക്കുന്ന സാഹചര്യത്തിൽ, നിയന്ത്രിത വനമേഖലയിലെ അനുമതിയില്ലാത്ത ഡ്രോൺ ചിത്രീകരണം പുതിയ വിവാദത്തിന് വഴിവെച്ചിരിക്കുകയാണ്. സംഭവത്തിൽ കേരള വനംവകുപ്പിന്റെ തുടർനടപടികൾ നിർണായകമാകും.

കാഞ്ഞിരപ്പള്ളി സെന്റ് മേരീസ് ഗേൾസ് ഹൈസ്കൂളിൽ നടന്ന രൂപതാ കോർപ്പറേറ്റിന്റെ മെറിറ്റ് ദിനാഘോഷത്തിൽ ബിഷപ് മാർ ജോസ് പുളിക്കൽ അവാർഡ് സമ്മാനിച്ചു.

അക്കാദമിക മികവ്, പഠന-പാഠ്യേതര പ്രവർത്തനങ്ങൾ, വിദ്യാർഥികളുടെ സമഗ്ര വികസനം തുടങ്ങിയ മേഖലകളിലെ മികച്ച പ്രവർത്തനങ്ങൾ പരിഗണിച്ചാണ് സെന്റ് മാത്യൂസ് സ്കൂളിനെ മികച്ച സ്കൂളായി തെരഞ്ഞെടുത്തത്.

മെറിറ്റ് ദിനാഘോഷം ബിഷപ് മാർ ജോസ് പുളിക്കൽ ഉദ്ഘാടനം ചെയ്തു. രൂപത വികാരി ജനറാൾ ഫാ. ബോബി അലക്സ് മണ്ണംപ്ലാക്കൽ അധ്യക്ഷത വഹിച്ചു. രൂപതാ കോർപ്പറേറ്റിന് കീഴിലെ മികച്ച സ്കൂളുകൾക്കുള്ള ട്രോഫികളും ചടങ്ങിൽ വിതരണം ചെയ്തു.

പുതുപ്പള്ളി: ദേവപ്രഭ, മാങ്ങാനം ടെംപിൾ, നടേപ്പാലം, പാലാഴി ഗ്രീൻവില്ല, എം.ഒ.സി കോളനി — രാവിലെ 9 മുതൽ വൈകിട്ട് 5 വരെ

പള്ളിക്കത്തോട്: ഇടിയാകുന്നു, കാഞ്ഞിരമാറ്റം ടവർ, കാഞ്ഞിരമാറ്റം ടൗൺ, കിടക്കുഴി, മൂഴിപ്ലാവ്, സത്യനാഥ് ടെംപിൾ, തോക്കാട് — 9 മുതൽ 5 വരെ

കുറിച്ചി: പുലിക്കുഴി, പനക്കളം, 40-ാം കവല — 8.30 മുതൽ 5.30 വരെ

വാകത്താനം: കടുവാക്കുഴി, പുത്തൻപുരയിൽ — 10 മുതൽ 5 വരെ ഭാഗികമായി

പള്ളം: എഫ്.എ.സി.ടി ട്രാൻസ്ഫോർമർ പരിധി — 9.30 മുതൽ 5 വരെ

തെങ്ങണ: നടക്കപ്പാടം, കുര്യച്ചൻപടി, ചൂരനോലി, ഇറ്റലിമഠം, മാമ്മൂട്, ഒബാൻ പ്ലാസ, എസ്.ബി.ടി, മാമ്മൂട് മിനി ഇൻഡസ്ട്രിയൽ, ലൂർദ്, ശാന്താൾഗിരി — 9 മുതൽ 5 വരെ

പൈക: മീനച്ചിൽക്കാവ്, എം.എൽ.എ റോഡ്, മീനച്ചിൽ ചർച്ച്, മലേക്കാവ്, പന്തത്തല — 8.30 മുതൽ 5.30 വരെ

മീനടം: പുത്തൻപുരപ്പടി, കാവാലിച്ചിറ — 9.30 മുതൽ വൈകിട്ട് 6 വരെ ഭാഗികമായി

പാമ്പാടി: പോരാളൂർ, ആനകുത്തി, ദേവപുരം, കോത്തല ടവർ, കോയിത്താനം, ഇളംകാവ്, കോത്തല സ്കൂൾ, നെന്മല ടവർ, കുമ്പന്താനം, പുതുവയൽ, മണ്ണാത്തിപ്പാറ, വലിയപള്ളി, ടി.എം.ടി, ഡ്രീംലാൻഡ്, വിമലാംബിക, കന്നുകുഴി — 9 മുതൽ വൈകിട്ട് 6 വരെ ഭാഗികമായി

ചങ്ങനാശ്ശേരി: ഫലാഹിയ ബൈപാസ്, ഉറവ റോഡ്, ഉറവ കമ്പനി, മൈത്രി സദനം, മന്നം നഗർ, അക്ഷര നഗർ, തിരുമല, സൗപർണിക, പറാട്ട് അമ്പലം, ശ്രീശങ്കര ഹോസ്പിറ്റൽ — 9 മുതൽ 5.30 വരെ. എസ്.ബി.എച്ച്.എസ് ഗ്രൗണ്ട്, ഹള്ളാപ്പാറ, ദേവമാതാ, അനന്താശ്രമം, ചുടുകാട് — 9 മുതൽ 5 വരെ ഭാഗികമായി

രാമപുരം: കുടക്കച്ചിറ സ്കൂൾ, കുടക്കച്ചിറ പാറമട, കുടക്കച്ചിറ പള്ളി, മുല്ലമറ്റം, നെല്ലിയാനിക്കുന്ന്, കുന്നപ്പള്ളി, മാമ്പറമ്പിൽ ഫാക്ടറി, പിഴക്, പിഴക് ടവർ, ആറാട്ടുപ്പുഴ — 9 മുതൽ 5 വരെ

തീക്കോയി: കല്ലം ട്രാൻസ്ഫോർമർ പരിധി — രാവിലെ 8 മുതൽ വൈകിട്ട് 5 വരെ.

ഉടൻ തന്നെ ജീവനക്കാർ യാത്രക്കാരിയെ സീറ്റിൽ കിടത്തി പ്രാഥമിക ശുശ്രൂഷ നൽകി. കോട്ടയം, ആലപ്പുഴ സ്റ്റേഷൻ മാസ്റ്റർമാരുടെ നിർദേശപ്രകാരം അടിയന്തര വൈദ്യസഹായം ലഭ്യമാക്കുന്നതിനായി ബോട്ടിന്റെ റൂട്ട് മാറ്റി കൈനകരിയിലെ എസ്.എൻ.ഡി.പി ജെട്ടിയിൽ അടുപ്പിച്ചു.

തുടർന്ന് സമീപത്തെ ക്ലിനിക്കിൽ വിവരം അറിയിക്കുകയും ഡോക്ടറും ജീവനക്കാരും ബോട്ടിലെത്തി യാത്രക്കാരിക്ക് അടിയന്തര വൈദ്യസഹായം നൽകുകയും ചെയ്തു.

യാത്രക്കാരിയുടെ ജീവൻ രക്ഷിക്കുന്നതിൽ നിർണായക ഇടപെടൽ നടത്തിയ ബോട്ട് സ്രാങ്ക് കെ.എസ്. അനൂപ്, ബോട്ട്മാസ്റ്റർ പ്രനീഷ് ദാസ്, ബോട്ട് ഡ്രൈവർ കറുപ്പൻ, ലാസ്കർമാരായ ബിജു, അഭിനവ് എന്നിവരെ ആലപ്പുഴ ട്രാഫിക് സൂപ്രണ്ട് എം. സുജിത്, കോട്ടയം സ്റ്റേഷൻ മാസ്റ്റർ വി.എ. സലിം, ആലപ്പുഴ സ്റ്റേഷൻ മാസ്റ്റർ ജോസ് സെബാസ്റ്റ്യൻ എന്നിവർ അഭിനന്ദിച്ചു.

വാഗമണ്ണിൽ നിന്ന് ആരംഭിച്ച് 78 കിലോമീറ്റർ ദൂരം പിന്നിട്ട് വേമ്പനാട്ട് കായലിൽ പതിക്കുന്ന മീനച്ചിലാറിന് 38 പോഷകനദികളും 47 ഉപപോഷകനദികളുമുണ്ട്. ഇവിടങ്ങളിൽ എക്കൽ നീക്കം ചെയ്യാത്തതും മരങ്ങൾ വീണുകിടക്കുന്നതും പായൽ വളർന്നതും വെള്ളത്തിന്റെ ഒഴുക്കിന് വലിയ തടസമുണ്ടാക്കുന്നതായി എംപി പറഞ്ഞു.

വൈക്കം മേഖലയിലെ തോടുകളുടെയും സ്ഥിതി സമാനമാണ്. മരങ്ങൾ വെട്ടിമാറ്റിയും പായൽ നീക്കം ചെയ്തും ഒഴുക്കിലെ തടസം ഒരു പരിധിവരെ പരിഹരിക്കാൻ കഴിയും. വേമ്പനാട്ട് കായലിലേക്ക് വെള്ളം ഒഴുകിയെത്തുന്ന ചെറുതും വലുതുമായ എല്ലാ നദികളിലെയും തടസങ്ങൾ അടിയന്തരമായി നീക്കി വെള്ളം എത്രയും വേഗം ഒഴുക്കിവിടണം. ഇതിലൂടെ ജനജീവിതം സാധാരണ നിലയിലാക്കാൻ നടപടി സ്വീകരിക്കണമെന്നും ഫ്രാൻസിസ് ജോർജ് ആവശ്യപ്പെട്ടു.

ഡി.സി.സി വൈസ് പ്രസിഡന്റ് ജി. ഗോപകുമാർ, എ.കെ. ജോസഫ്, ബിനു ചെങ്ങളം, സുമേഷ് കാഞ്ഞിരം, ഒളശ ആന്റണി, അജാസ് തച്ചാട്ട്, ജോർജ് കുട്ടി പണിക്കരോടം, ഗ്രാമ പഞ്ചായത്ത് അംഗങ്ങളായ റൂബി ചാക്കോ, തൽഹത്ത് അയ്യംകോയിക്കൽ, ലിസ്സി സണ്ണി, ഫൗസിയ കെ.എം., ചിന്നമ്മ പാപ്പച്ചൻ, ഷിബി വാഴയിൽ, അനൂപ് അറക്കൽ തുടങ്ങിയവർ എംപിയോടൊപ്പം സന്നിഹിതരായിരുന്നു.

അരി, പഞ്ചസാര, ശർക്കര, മല്ലി, മുളക്, പയർ, ഉള്ളി തുടങ്ങിയ പലവ്യഞ്ജനങ്ങൾക്ക് കിലോയ്ക്ക് അഞ്ച് മുതൽ പത്ത് രൂപ വരെ വർധനയുണ്ടായതായി വ്യാപാരികൾ പറയുന്നു. രണ്ടാഴ്ചയ്ക്കിടെ ചില ഉത്പന്നങ്ങൾക്ക് 30 ശതമാനം വരെ വില ഉയർന്നിട്ടുണ്ട്.

മട്ട വടി അരിക്ക് നേരത്തെ കിലോയ്ക്ക് 50 രൂപയായിരുന്നത് 58 രൂപയായി. മല്ലി 170ൽ നിന്ന് 200 രൂപയും ശർക്കര 65ൽ നിന്ന് 70 രൂപയും ജയ അരി 44ൽ നിന്ന് 47 രൂപയും ബസുമതി അരി 125ൽ നിന്ന് 130 രൂപയും പച്ചരി 42ൽ നിന്ന് 45 രൂപയുമായി. ഉണക്കപ്പയർ 95ൽ നിന്ന് 105 രൂപയും കാശ്മീരി മുളക് 420ൽ നിന്ന് 440 രൂപയും വെളുത്തുള്ളി 160ൽ നിന്ന് 240 രൂപയും വെളിച്ചെണ്ണ 290ൽ നിന്ന് 320 രൂപയുമായി ഉയർന്നു.

പച്ചക്കറിക്കും പൊള്ളുന്ന വില

പച്ചക്കറി വിപണിയിലും വിലക്കയറ്റം രൂക്ഷമാണ്. കാരറ്റ്, കാപ്സിക്കം, ചെറുനാരങ്ങ എന്നിവയ്ക്ക് കിലോയ്ക്ക് 100 രൂപയാണ് വില. ചേമ്പ്, തടപയർ എന്നിവയ്ക്ക് 90 രൂപയും ബീൻസ്, വള്ളിപ്പയർ, പച്ചമുളക് എന്നിവയ്ക്ക് 70 രൂപയും പാവയ്ക്ക, ബീറ്റ്‌റൂട്ട്, മാങ്ങ എന്നിവയ്ക്ക് 60 രൂപയുമാണ് നിലവിലെ വില.

തക്കാളി 45 രൂപ, സവാള 38, വെണ്ടയ്ക്ക 50, വെള്ളരി 30, മത്തങ്ങ 30, കുമ്പളം 30, വഴുതന 50, മുരിങ്ങക്കായ 50, ചേന 60, പടവലം 50, കിഴങ്ങ് 30 രൂപ എന്നിങ്ങനെയാണ് മറ്റ് പ്രധാന പച്ചക്കറികളുടെ വില.

പഴവിലയും ഉയരുന്നു

ലഭ്യത കുറഞ്ഞതോടെ വാഴപ്പഴങ്ങൾക്കും വില കുത്തനെ ഉയർന്നു. പാളയംകോടന് കിലോയ്ക്ക് 55 രൂപയാണ് നിലവിലെ വില. ഞാലിപ്പൂവൻ 90, ചുണ്ടില്ലാക്കണ്ണൻ 80, പൂവൻ 55, റോബസ്റ്റ 50, നേന്ത്രൻ 72, കാളി 45 രൂപ എന്നിങ്ങനെയാണ് മറ്റ് ഇനങ്ങളുടെ വില.

സംസ്ഥാനത്ത് തുടരുന്ന കനത്ത മഴ കാർഷികമേഖലയിൽ വലിയ നാശനഷ്ടമുണ്ടാക്കിയതും ഓണവിപണിയെ ബാധിച്ചിട്ടുണ്ട്. അതേസമയം, വില അൽപം കൂടുതലായാലും നാടൻ കാർഷിക ഉത്പന്നങ്ങൾക്ക് ആവശ്യക്കാർ ഏറെയാണെന്ന് വ്യാപാരികൾ പറയുന്നു.

വിലക്കയറ്റം നിയന്ത്രിക്കാൻ സർക്കാർ 20 കോടി രൂപ അനുവദിക്കുകയും കുടുംബശ്രീ, ഹോർട്ടികോർപ്പ് എന്നിവയുടെ നേതൃത്വത്തിൽ സംസ്ഥാനത്തുടനീളം 2,000 ഓണച്ചന്തകൾ ആരംഭിക്കാനും തീരുമാനിച്ചിട്ടുണ്ട്. റേഷൻ കടകൾ വഴിയുള്ള പ്രത്യേക അരി വിതരണവും ഓണക്കിറ്റ് വിതരണവും ഉൾപ്പെടെയുള്ള നടപടികളും പ്രഖ്യാപിച്ചിട്ടുണ്ട്.

എങ്കിലും കനത്ത മഴയ്ക്കൊപ്പം കൃഷിനാശം കൂടി രൂക്ഷമായാൽ വരും ദിവസങ്ങളിൽ ഓണവിപണിയിൽ വില ഇനിയും ഉയരാനുള്ള സാധ്യതയാണ് വ്യാപാരികൾ ചൂണ്ടിക്കാട്ടുന്നത്. സാധാരണക്കാരുടെ ഓണാഘോഷ ബജറ്റിന് ഇത് വലിയ തിരിച്ചടിയാകുമെന്നാണ് വിലയിരുത്തൽ.

യൂണിയൻ, ശാഖാ ഭാരവാഹികളുടെ സംയുക്ത കോൺഫറൻസിൽ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം. യൂണിയൻ സെക്രട്ടറി കെ.എസ്. ലതീഷ് കുമാർ സ്വാഗതം പറഞ്ഞു.

മൈക്രോഫിനാൻസ് ഉൾപ്പെടെയുള്ള ആരോപണങ്ങൾ തള്ളിക്കളഞ്ഞ് യോഗം ജനറൽ സെക്രട്ടറിക്ക് യൂണിയൻ-ശാഖാ നേതൃത്വം ശക്തമായ പിന്തുണ പ്രഖ്യാപിച്ചു. യൂത്ത് മൂവ്‌മെന്റ്, വനിതാ സംഘം, സൈബർ സേന, കുമാരി-കുമാരസംഘം, ബാലജനയോഗം തുടങ്ങിയ പോഷക സംഘടനകളുടെ പ്രവർത്തനം കൂടുതൽ വ്യാപിപ്പിക്കാനും യുവതീയുവാക്കളെ യോഗത്തിന്റെ മുഖ്യധാരാ പ്രവർത്തനത്തിലേക്ക് എത്തിക്കാനും യോഗം തീരുമാനിച്ചു.

ആഗസ്റ്റ് 22ന് ഓണക്കളികളും വിഭവസമൃദ്ധമായ ഓണസദ്യയും സംഘടിപ്പിക്കാനും കോൺഫറൻസ് തീരുമാനിച്ചു. യൂണിയൻ വൈസ് പ്രസിഡന്റ് ജി. അജയൻ നന്ദി പറഞ്ഞു.

സൈബർ സേന കേന്ദ്ര സമിതി വൈസ് ചെയർമാനും യൂണിയൻ കൗൺസിലറുമായ ഐബി പ്രഭാകരൻ, യൂണിയൻ കൗൺസിലർ കെ.കെ. രാജേഷ്, കുടുംബയോഗം കോ-ഓർഡിനേറ്റർ വി.എൻ. സലി, യൂത്ത് മൂവ്‌മെന്റ് സംസ്ഥാന വൈസ് പ്രസിഡന്റും യൂണിയൻ സൈബർസേന ചെയർമാനുമായ ജോബി വാഴാട്ട്, വനിതാ സംഘം പ്രസിഡന്റ് രജനി തങ്കച്ചൻ, സെക്രട്ടറി വിനിത സുഭാഷ്, യൂത്ത് മൂവ്‌മെന്റ് യൂണിയൻ വൈസ് പ്രസിഡന്റ് സൽപ്രിയൻ, സെക്രട്ടറി സനൽ, സൈബർ സേന നേതാക്കളായ സജിനി, സുമ സുരേഷ് തുടങ്ങിയവരും പോഷക സംഘടനാ നേതാക്കളും ശാഖാ ഭാരവാഹികളും യൂണിയൻ കമ്മിറ്റി അംഗങ്ങളും കോൺഫറൻസിൽ പങ്കെടുത്തു.

പി.ഡി.എസ് ഓർഗാനിക് സ്‌പൈസസ് വഴി പശ്ചിമഘട്ട മേഖലയിലെ ഏകദേശം 2,000 ചെറുകിട, നാമമാത്ര കർഷകരെ ഉൾപ്പെടുത്തി കൃഷി മുതൽ സംസ്‌കരണം, സർട്ടിഫിക്കേഷൻ, വിപണനം വരെയുള്ള സമഗ്രമായ ‘ഫാം ടു ഫോർക്ക്’ മാതൃക നടപ്പാക്കിവരുന്നു.

ജൈവ സുഗന്ധവ്യഞ്ജനങ്ങൾ അന്താരാഷ്ട്ര വിപണികളിൽ എത്തിക്കുന്നതിനൊപ്പം കർഷകരിൽനിന്ന് ഉത്പന്നങ്ങൾ പ്രീമിയം വിലയ്ക്ക് സംഭരിച്ച് മികച്ച വരുമാനം ഉറപ്പാക്കാനും പി.ഡി.എസിന് കഴിയുന്നു. ‘ട്രൂബയോ’ ബ്രാൻഡിലൂടെ ജൈവ സുഗന്ധവ്യഞ്ജനങ്ങൾ ആഭ്യന്തര വിപണിയിലും മിതമായ വിലയിൽ ലഭ്യമാക്കുന്നുണ്ട്.

കർഷകർ, സ്ത്രീകൾ, ആദിവാസി സമൂഹങ്ങൾ എന്നിവരുടെ പ്രാദേശിക കാർഷിക കണ്ടുപിടുത്തങ്ങൾ കണ്ടെത്തി വികസിപ്പിക്കുകയും പ്രചരിപ്പിക്കുകയും ചെയ്യുന്നതും പി.ഡി.എസിന്റെ പ്രധാന നേട്ടങ്ങളിലൊന്നാണ്.

മരിയഗിരി, പീരുമേട് കേന്ദ്രത്തിലെ മഷ്‌റൂം യൂണിറ്റിലൂടെ ഗുണമേന്മയുള്ള മഷ്‌റൂം ഉത്പാദിപ്പിക്കുകയും കർഷകർ, വനിതാ കൂട്ടായ്മകൾ, സംരംഭകർ എന്നിവർക്ക് സാങ്കേതിക പിന്തുണ നൽകുകയും ചെയ്യുന്നു. കൂടാതെ ഗുണമേന്മയുള്ള ടിഷ്യു കൾച്ചർ സസ്യങ്ങൾ വൻതോതിൽ ഉത്പാദിപ്പിച്ച് കർഷകർക്ക് വിതരണം ചെയ്യുന്നതിലൂടെയും പി.ഡി.എസ് ശ്രദ്ധേയമായ പ്രവർത്തനങ്ങളാണ് നടത്തുന്നത്.

സുസ്ഥിര കാർഷിക മേഖലയിലെ മാതൃകാപരമായ പ്രവർത്തനങ്ങളിലൂടെ പീരുമേട് ഡെവലപ്‌മെന്റ് സൊസൈറ്റി പ്രവർത്തനമേഖലയിൽ കൂടുതൽ മുന്നേറുകയാണ്.

ഓരോ മഴക്കാലത്തും വെള്ളപ്പൊക്കമുണ്ടാകുമ്പോൾ ഉയരുന്ന പ്രധാന ആവശ്യങ്ങളിലൊന്നാണ് തൊടുപുഴ ആറിന്റെയും മലങ്കര ജലാശയത്തിന്റെയും അടിത്തട്ടിൽ അടിഞ്ഞുകൂടിയ മണലും ചെളിയും നീക്കം ചെയ്യണമെന്നത്. 2018ലെ പ്രളയത്തിനുശേഷം വിവിധ ഭാഗങ്ങളിൽ വലിയ തോതിൽ മണ്ണും മണലും അടിഞ്ഞുകൂടിയിട്ടുണ്ടെന്നും ഇത് ജലസംഭരണശേഷിയെയും നീരൊഴുക്കിനെയും ബാധിച്ചിട്ടുണ്ടാകാമെന്നുമാണ് ഒരു വിഭാഗത്തിന്റെ വാദം.

മണലും ചെളിയും ശാസ്ത്രീയമായി നീക്കം ചെയ്താൽ നീരൊഴുക്ക് സുഗമമാക്കാനും ചില പ്രദേശങ്ങളിലെ വെള്ളപ്പൊക്കസാധ്യത കുറയ്ക്കാനും കഴിയുമെന്നാണ് ഇവരുടെ അഭിപ്രായം. നീക്കം ചെയ്യുന്ന മണൽ നിയമാനുസൃതമായി ഉപയോഗപ്പെടുത്താനായാൽ നിർമാണ മേഖലയ്ക്ക് ആവശ്യമായ അസംസ്കൃത വസ്തു ലഭിക്കുന്നതിനൊപ്പം സർക്കാരിന് വരുമാനവും ലഭിക്കുമെന്നും ചൂണ്ടിക്കാട്ടുന്നു.

എന്നാൽ മണൽ നീക്കം ചെയ്യുന്നത് മാത്രം പ്രളയത്തിന് പരിഹാരമാകില്ലെന്നാണ് പരിസ്ഥിതി പ്രവർത്തകരുടെ നിലപാട്. വർധിച്ചുവരുന്ന കോൺക്രീറ്റ് നിർമാണം, നിലംനികത്തൽ, നദീതടങ്ങളിലെ കൈയേറ്റം, സ്വാഭാവിക നീരൊഴുക്ക് തടസപ്പെടൽ, മലനിരകളിലെ അനധികൃത ഖനനം തുടങ്ങിയവയും വെള്ളപ്പൊക്കത്തിന്റെ തീവ്രത വർധിപ്പിക്കുന്ന ഘടകങ്ങളാണെന്ന് അവർ പറയുന്നു.

അതുകൊണ്ട് രാഷ്ട്രീയമോ താൽക്കാലികമായ അഭിപ്രായങ്ങളോ അടിസ്ഥാനമാക്കി തീരുമാനമെടുക്കാതെ ശാസ്ത്രീയ പഠനത്തിന്റെ അടിസ്ഥാനത്തിൽ നടപടി സ്വീകരിക്കണമെന്നാണ് ആവശ്യം. തൊടുപുഴ ആറിന്റെയും മലങ്കര ജലാശയത്തിന്റെയും വിവിധ ഭാഗങ്ങളിലെ ജലത്തിന്റെ ആഴം, അടിഞ്ഞുകൂടിയ മണലിന്റെയും ചെളിയുടെയും അളവ്, ജലസംഭരണശേഷി, നീരൊഴുക്ക്, മഴയുടെ തീവ്രത, വെള്ളപ്പൊക്കത്തിന്റെ വ്യാപ്തി എന്നിവ സംബന്ധിച്ച് സമഗ്രമായ പഠനം നടത്തണമെന്നാണ് ആവശ്യം.

പഠനത്തിന്റെ അടിസ്ഥാനത്തിൽ ആവശ്യമായ പ്രദേശങ്ങളിൽ പരിസ്ഥിതി മാനദണ്ഡങ്ങൾ പാലിച്ച് മണലും ചെളിയും നീക്കം ചെയ്യുന്നതിന്റെ പ്രായോഗികത പരിശോധിക്കണം. നദീതട സംരക്ഷണം, കൈയേറ്റങ്ങൾ തടയൽ, നീരൊഴുക്ക് പാതകൾ സംരക്ഷിക്കൽ, മലനിരകളിലെ അനധികൃത ഖനനം നിയന്ത്രിക്കൽ, മഴവെള്ളസംഭരണം, ഫലപ്രദമായ വെള്ളപ്പൊക്ക മുന്നറിയിപ്പ് സംവിധാനം എന്നിവ ഉൾപ്പെടുത്തി സമഗ്രമായ പ്രളയപ്രതിരോധ പദ്ധതി നടപ്പാക്കണമെന്നും ആവശ്യമുയരുന്നു.

ഓരോ പ്രളയത്തിലും മനുഷ്യജീവനും കൃഷിക്കും വീടുകൾക്കും വ്യാപാര സ്ഥാപനങ്ങൾക്കും വലിയ നഷ്ടമുണ്ടാകുന്ന സാഹചര്യത്തിൽ തൊടുപുഴ–മലങ്കര ജലസംവിധാനത്തെക്കുറിച്ച് അടിയന്തരമായി ശാസ്ത്രീയ പഠനം നടത്തി ആവശ്യമായ നടപടികൾ സ്വീകരിക്കണമെന്നാണ് നാട്ടുകാരുടെ ആവശ്യം.

രണ്ട് വലിയ കുഴികളെടുത്താണ് മാലിന്യം നിക്ഷേപിച്ചിരിക്കുന്നത്. ആശുപത്രി മാലിന്യം ഉൾപ്പെടെയുള്ളവയും ഇവിടെ തള്ളിയിട്ടുണ്ടെന്നാണ് പരാതി. മാലിന്യക്കുഴികളിൽനിന്നുള്ള മലിനജലം ഏകദേശം 200 മീറ്റർ അകലെയുള്ള തോട്ടിലേക്കും തുടർന്ന് അര കിലോമീറ്ററിൽ താഴെ ദൂരെയുള്ള അഴുതാ നദിയിലേക്കും എത്തുന്നതായി നാട്ടുകാർ പറയുന്നു. അഴുതാ നദിയിലൂടെ മലിനജലം പമ്പയിലും തുടർന്ന് കുട്ടനാട് മേഖലയിലും എത്താനുള്ള സാധ്യതയും ആശങ്ക ഉയർത്തുന്നുണ്ട്.

രാത്രി 12ന് ശേഷമാണ് മാലിന്യം എത്തിച്ച് തള്ളുന്നതെന്നും നാട്ടുകാർ ആരോപിച്ചു. പഞ്ചായത്തും ആരോഗ്യവകുപ്പും മാലിന്യം നീക്കം ചെയ്യാൻ നിർദേശിച്ച് നാല് ദിവസത്തിനകം നടപടി സ്വീകരിക്കാൻ ആവശ്യപ്പെട്ടിരുന്നെങ്കിലും ഇത് പാലിക്കാതെ മാലിന്യത്തിന് മുകളിൽ മണ്ണിട്ട് മൂടാനുള്ള ശ്രമമാണ് നടക്കുന്നതെന്നും ആരോപണമുണ്ട്.

മാലിന്യക്കൂമ്പാരം അടിയന്തരമായി നീക്കം ചെയ്ത് നിയമനടപടി സ്വീകരിക്കണമെന്നാണ് പ്രദേശവാസികളുടെ ആവശ്യം. നടപടി ഉണ്ടായില്ലെങ്കിൽ ശക്തമായ പ്രക്ഷോഭം ആരംഭിക്കുമെന്നും നാട്ടുകാർ മുന്നറിയിപ്പ് നൽകി.

മാങ്ങാത്തൊട്ടിയിൽ നടന്ന സമാപന സമ്മേളനം സിപിഐ ജില്ലാ സെക്രട്ടറി കെ. സലിംകുമാർ ഉദ്ഘാടനം ചെയ്തു. പി.ബി. മോഹനൻ അധ്യക്ഷത വഹിച്ചു. സംഘാടക സമിതി കൺവീനർ സി.ജെ. ചാക്കോ, സി.യു. ജോയി, പ്രിൻസ് മാത്യു, പി.എസ്. സനൽ, വിനോദ് എന്നിവർ സംസാരിച്ചു.

സേനാപതി ജാഥ: പി.എസ്. ഗിരീഷ് ക്യാപ്റ്റനും എം.ജെ. ഷാജി, വിനീത് ചാക്കോ എന്നിവർ വൈസ് ക്യാപ്റ്റന്മാരും ആന്റോ തോമസ് ഡയറക്ടറുമാണ്. ജാഥയുടെ ഉദ്ഘാടനം സി.യു. ജോയി നിർവഹിച്ചു.

മുക്കുടിൽ ജാഥ: പി.സി. മനോജ് ക്യാപ്റ്റനും ജെസി സാമുവൽ, പി.ടി. ജോണി എന്നിവർ വൈസ് ക്യാപ്റ്റന്മാരും എം.ആർ. വിജയകുമാർ ഡയറക്ടറുമാണ്. ജാഥയുടെ ഉദ്ഘാടനം പ്രിൻസ് മാത്യു നിർവഹിച്ചു.

ഇതേത്തുടർന്ന് ചീയപ്പാറയിലും സമീപപ്രദേശങ്ങളിലും വാഹനങ്ങൾ നിർത്തുന്നതും സഞ്ചാരികൾ വാഹനങ്ങളിൽ നിന്ന് ഇറങ്ങുന്നതും താൽക്കാലികമായി നിരോധിച്ചു.

അപകടസാധ്യത കണക്കിലെടുത്തും ഗതാഗത തടസ്സം ഒഴിവാക്കുന്നതിനുമായി റോഡരികിൽ വാഹനങ്ങൾ നിർത്തുന്നതും വഴിയിലിറങ്ങി നിൽക്കുന്നതും പൂർണമായും ഒഴിവാക്കണമെന്ന് പോലീസ് നിർദേശിച്ചു.

നിരോധനം ലംഘിക്കുന്ന വാഹനങ്ങൾക്കും വ്യക്തികൾക്കുമെതിരെ നിയമനടപടി സ്വീകരിക്കുമെന്ന് അധികൃതർ അറിയിച്ചു.

ഫയർഫോഴ്‌സ്, പോലീസ്, രക്ഷാപ്രവർത്തകർ എന്നിവർ നടത്തിയ തിരച്ചിലിലാണ് മൃതദേഹം കണ്ടെത്തിയത്. ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം ആശുപത്രി മോർച്ചറിയിലേക്ക് മാറ്റി. മുണ്ടക്കയം പോലീസ് മേൽനടപടികൾ സ്വീകരിച്ചു.

പ്രളയക്കെടുതിയിൽ ദുരിതമനുഭവിക്കുന്ന കുടുംബങ്ങൾക്ക് ആവശ്യമായ സഹായം എത്തിക്കുന്നതിന്റെ ഭാഗമായാണ് ഭക്ഷ്യക്കിറ്റ് വിതരണം സംഘടിപ്പിച്ചത്.

സിപിഐ പുതുപ്പള്ളി മണ്ഡലം സെക്രട്ടറി സിബി താളിക്കല്ല്, AITUC സെക്രട്ടറി കെ.ടി. അനിൽകുമാർ, മഹിളാ സംഘം സെക്രട്ടറി അജിതാ മനോഹരൻ, സെക്യൂരിറ്റി എംപ്ലോയീസ് യൂണിയൻ സംസ്ഥാന സെക്രട്ടറി അജീഷ് മട്ടയ്ക്കൽ എന്നിവർ നേതൃത്വം നൽകി.

കാലങ്ങളായി പ്രവർത്തനരഹിതമായി കിടക്കുന്ന ആർട്സ് ആൻഡ് സ്പോർട്സ് ക്ലബുകൾ ഉടൻ പുനരാരംഭിക്കുന്നതിനും ലൈബ്രറി കെട്ടിടത്തിന്റെ നവീകരണത്തിനും ആവശ്യമായ നടപടികൾ ആരംഭിക്കണമെന്ന് പൊതുയോഗം വിലയിരുത്തി. ലൈബ്രറിയുടെ പ്രവർത്തനങ്ങൾ വിപുലീകരിച്ച് കൂടുതൽ ജനപങ്കാളിത്തം ഉറപ്പാക്കുന്നതിനുള്ള പദ്ധതികളും യോഗത്തിൽ ചർച്ച ചെയ്തു.

ലൈബ്രറി പ്രസിഡന്റ് ടോമി ആനിക്കാമുണ്ടയിൽ അധ്യക്ഷത വഹിച്ചു. കട്ടപ്പന നഗരസഭ ഏഴാം വാർഡ് കൗൺസിലർ ലിസി തോമസ് മുഖ്യപ്രഭാഷണം നടത്തി. ഇരട്ടയാർ ഗ്രാമപഞ്ചായത്ത് അംഗങ്ങളായ കിരൺ ജോർജ് ഉതിരക്കുളം, ജിഷ ഷാജി എന്നിവർ ആശംസകൾ നേർന്നു.

കഴിഞ്ഞ കാലയളവിലെ പ്രവർത്തനങ്ങളുടെ കണക്കുകൾ പൊതുയോഗത്തിൽ അവതരിപ്പിക്കുകയും അംഗീകരിക്കുകയും ചെയ്തു. തുടർന്ന് ഓണാഘോഷ കമ്മിറ്റി തെരഞ്ഞെടുപ്പും നടന്നു.

പൊതുയോഗത്തിന് മുന്നോടിയായി രാവിലെ ലൈബ്രറി അംഗങ്ങളുടെ നേതൃത്വത്തിൽ പൊതുപണിയും നടത്തി.

ഭൂരിഭാഗം അംഗങ്ങളും പൊതുപണിയിലും പൊതുയോഗത്തിലും പങ്കെടുത്തു.ലൈബ്രറി സെക്രട്ടറി ജോണി ഇല്ലിമൂട്ടിൽ സ്വാഗതവും വൈസ് പ്രസിഡന്റ് ബിനോയ് പുറംചിറയിൽ നന്ദിയും പറഞ്ഞു.

കമ്മ്യൂണിസ്റ്റ് മൂല്യങ്ങൾ ഉയർത്തിപ്പിടിച്ച നേതാക്കളായിരുന്നു ഇരുവരുമെന്ന് മുൻ മന്ത്രി മുല്ലക്കര രത്നാകരൻ അനുസ്മരിച്ചു. പഴയകാല നേതാക്കളുടെ ആദർശശുദ്ധിയും മൂല്യങ്ങളും പുതിയ തലമുറ മാതൃകയാക്കണമെന്നും അദ്ദേഹം പറഞ്ഞു.

ട്രേഡ് യൂണിയൻ രംഗത്ത് ശക്തമായ പ്രവർത്തനം കാഴ്ചവച്ചവരായിരുന്നു ഇരുവരുമെന്ന് സിപിഐ സംസ്ഥാന എക്സിക്യൂട്ടീവ് അംഗം സി.കെ. ശശിധരൻ പറഞ്ഞു. AISF പ്രവർത്തനകാലം മുതൽ തന്നെ ഇരുവരും യുവാക്കൾക്ക് മികച്ച മാതൃകയായിരുന്നുവെന്ന് സിപിഐ ജില്ലാ സെക്രട്ടറി അഡ്വ. വി.കെ. സന്തോഷ്കുമാർ അനുസ്മരിച്ചു.

പാർട്ടിക്ക് അധികാരം ലഭിച്ചപ്പോൾ സർക്കാർ ജോലി ലഭിക്കാനുള്ള സാഹചര്യമുണ്ടായിരുന്നിട്ടും അത് വേണ്ടെന്നുവച്ച് പാർട്ടി പ്രവർത്തനത്തിന് ജീവിതം സമർപ്പിച്ച ആദർശവാദിയായിരുന്നു എ.ഒ. ഡേവിഡെന്ന് സിപിഐ പാലാ മണ്ഡലം സെക്രട്ടറി പി.കെ. ഷാജകുമാർ പറഞ്ഞു.

മരണശേഷം മൃതദേഹം പാലായിലെ പൊതുശ്മശാനത്തിൽ തന്നെ ദഹിപ്പിക്കണമെന്ന നിലപാടിൽ ഉറച്ചുനിന്ന ആദർശവാദിയായിരുന്നു അഡ്വ. വി.ടി. തോമസെന്ന് സിപിഐ ജില്ലാ എക്സിക്യൂട്ടീവ് അംഗം ബാബു കെ. ജോർജ് അനുസ്മരിച്ചു.

സിപിഐ ജില്ലാ എക്സിക്യൂട്ടീവ് അംഗങ്ങളായ എം.ജി. ശേഖരൻ, തോമസ് വി.ടി., പി.എസ്. സുനിൽ, സണ്ണി ഡേവിഡ്, പി.ആർ. തങ്കച്ചൻ, AIYF ജില്ലാ സെക്രട്ടറി ഷമ്മാസ് ലത്തീഫ്, പയസ് രാമപുരം എന്നിവർ പ്രസംഗിച്ചു.

ബാങ്ക് അക്കൗണ്ടുകളിലേക്ക് നേരിട്ട് പെൻഷൻ നൽകുന്ന DBT സംവിധാനം നടപ്പാക്കുന്നതിന് തത്വത്തിൽ അനുമതി നൽകിയിട്ടുണ്ടെങ്കിലും, ഇതുമായി ബന്ധപ്പെട്ട മുഴുവൻ നടപടിക്രമങ്ങളും പൂർത്തിയാക്കിയ ശേഷമേ പുതിയ സംവിധാനത്തിലേക്ക് മാറുകയുള്ളൂ.

നിലവിൽ ജൂലൈ മാസത്തെ ക്ഷേമപെൻഷൻ വിതരണത്തിനായി 1,095 കോടി രൂപ അനുവദിച്ചിട്ടുണ്ട്. ബാങ്ക് അക്കൗണ്ടുകൾ വഴിയും സഹകരണ ബാങ്കുകൾ മുഖേനയും തുക ഗുണഭോക്താക്കളിലെത്തിക്കുന്നതിനുള്ള നടപടികൾ പുരോഗമിക്കുകയാണ്.

വീടുകളിൽ നേരിട്ട് പെൻഷൻ എത്തിക്കുന്ന രീതി അവസാനിപ്പിക്കുമെന്ന വാർത്തകൾ വലിയ വിവാദങ്ങൾക്ക് വഴിവെച്ച സാഹചര്യത്തിലാണ് സർക്കാർ വിശദീകരണം. ഓണക്കാലത്തെ പെൻഷൻ വിതരണത്തിൽ നിലവിലെ രീതിയിൽ മാറ്റമുണ്ടാകില്ല.

മഴക്കാലത്തുപോലും പ്രദേശത്തെ നിരവധി കുടുംബങ്ങൾ കുടിവെള്ളത്തിനായി ബുദ്ധിമുട്ടുന്ന സാഹചര്യമാണുള്ളത്. വേനൽക്കാലത്ത് സ്ഥിതി കൂടുതൽ രൂക്ഷമാകുകയും കുടിവെള്ളത്തിനായി ജനങ്ങൾ ദൂരസ്ഥലങ്ങളെ ആശ്രയിക്കേണ്ടിവരികയും ചെയ്യുന്ന അവസ്ഥയാണ് നിലവിലുള്ളതെന്ന് കിരൺ ജോർജ് മന്ത്രിയുടെ ശ്രദ്ധയിൽപ്പെടുത്തി.

പ്രദേശത്തെ കുടിവെള്ള ക്ഷാമത്തിന് അടിയന്തര പരിഹാരം കാണുന്നതിനൊപ്പം ദീർഘകാലാടിസ്ഥാനത്തിൽ പ്രശ്നം പരിഹരിക്കുന്നതിനുള്ള പദ്ധതികൾ നടപ്പാക്കേണ്ടതിന്റെ ആവശ്യകതയും മന്ത്രിയുമായി നടത്തിയ കൂടിക്കാഴ്ചയിൽ ചർച്ച ചെയ്തു. നിലവിലെ ജലസ്രോതസ്സുകളുടെ പരിമിതിയും വേനൽക്കാലത്ത് ജലലഭ്യത കുറയുന്നതും ജനജീവിതത്തെ സാരമായി ബാധിക്കുന്നുണ്ടെന്നും അദ്ദേഹം ചൂണ്ടിക്കാട്ടി.

പ്രശ്നം ഗൗരവമായി പരിഗണിച്ച മന്ത്രി ബന്ധപ്പെട്ട ഉദ്യോഗസ്ഥരുമായി ആവശ്യമായ നടപടികൾ സ്വീകരിച്ച് അടിയന്തര ഇടപെടൽ നടത്തുമെന്ന് ഉറപ്പുനൽകി.ചക്കകാനം, പൂവേഴ്സ്മൗണ്ട് മേഖലകളിലെ കുടിവെള്ള പ്രശ്നത്തിന് ശാശ്വത പരിഹാരം ഉണ്ടാകുമെന്ന പ്രതീക്ഷയിലാണ് പ്രദേശവാസികൾ.

രാവിലെ 9ന് രജിസ്ട്രേഷനോടെ ആരംഭിക്കുന്ന സംഗമത്തിൽ സൗഹൃദ വോളിബോൾ, അനുസ്മരണാചരണം, കേക്ക് കട്ടിംഗ്, വിവിധ ബാച്ചുകളുടെ ക്ലാസ് റീയൂണിയൻ, ഫ്ലാഷ് മോബ്, മാർഗംകളി, ഗുരുവന്ദനം, ഡാൻസ് പ്രോഗ്രാം തുടങ്ങിയ പരിപാടികളുണ്ടാകും.

ഉച്ചതിരിഞ്ഞ് നടക്കുന്ന ഔപചാരിക സമ്മേളനം രാജ്യസഭാംഗം ജോസ് കെ. മാണി എം.പി. ഉദ്ഘാടനം ചെയ്യും. ചടങ്ങിൽ പ്രൊഫ. മാത്യു പ്രാൽ രചിച്ച ‘എളൂർക്കുന്നിലെ എസ്തഫാൻ’ എന്ന പുസ്തകം പ്രകാശനം ചെയ്യും.

വൈകിട്ട് 3ന് നടക്കുന്ന സമാപന സമ്മേളനം ജലവിഭവ വകുപ്പ് മന്ത്രി മോൻസ് ജോസഫ് ഉദ്ഘാടനം ചെയ്യും. കോട്ടയം അതിരൂപത സഹായമെത്രാൻ ഗീവർഗീസ് മാർ അപ്രേം അനുഗ്രഹപ്രഭാഷണം നടത്തും. ‘മെമ്മറീസ് 1995–2000 ഫൗണ്ടേഷൻ’ ഉദ്ഘാടനം ഫ്രാൻസിസ് ജോർജ് എം.പി. നിർവഹിക്കും.

വൈകിട്ട് 4ന് പ്രമുഖ ഗായകൻ ജിൻസ് ഗോപിനാഥും സംഘവും അവതരിപ്പിക്കുന്ന ഗാനമേളയോടെ പരിപാടികൾക്ക് സമാപനമാകും.

ജൂൺ 15ന് ചേർന്ന ട്രാഫിക് റെഗുലേറ്ററി കമ്മിറ്റി, ജൂൺ 27ന് ചേർന്ന നഗരസഭ കൗൺസിൽ യോഗം, ജൂലൈ ഒന്നിന് നഗരസഭ ഭാരവാഹികൾ, വിവിധ വകുപ്പ് ഉദ്യോഗസ്ഥർ, വ്യാപാര സംഘടനാ പ്രതിനിധികൾ, വിവിധ യൂണിയൻ നേതാക്കൾ എന്നിവർ പങ്കെടുത്ത ട്രാഫിക് കമ്മിറ്റി യോഗം എന്നിവയിൽ നടന്ന ചർച്ചകളുടെ അടിസ്ഥാനത്തിൽ ഏകകണ്ഠമായി രൂപപ്പെട്ട തീരുമാനങ്ങളാണ് നടപ്പാക്കുന്നതെന്ന് ചെയർമാൻ വ്യക്തമാക്കി.

ടൗണിലെ ഗതാഗതക്കുരുക്കിന് പ്രധാന കാരണമായി സെൻട്രൽ ജങ്ഷൻ, ഇടുക്കിക്കവല തുടങ്ങിയ സ്ഥലങ്ങളിലെ ബസ് സ്റ്റോപ്പുകളെയാണ് ട്രാഫിക് കമ്മിറ്റി വിലയിരുത്തിയത്.

ഇതിന്റെ അടിസ്ഥാനത്തിൽ ബസ് സ്റ്റോപ്പ് ബോർഡുകൾ സ്ഥാപിച്ചിട്ടുള്ള സ്ഥലങ്ങളിലേക്ക് സ്റ്റോപ്പുകൾ മാറ്റുക, വെള്ളയാംകുടിയിലും കക്കാട്ടുകടയിലും ദിശാ ബോർഡുകൾ സ്ഥാപിക്കുക, ബസ് റൂട്ടിൽ മാറ്റം വരുത്തുക, ടി.ബി. ജങ്ഷൻ–ട്രഷറി ജങ്ഷൻ റോഡ് വൺവേ ആക്കുക, ബൈപ്പാസ് എൻട്രൻസിലെ റൈറ്റ് ടേൺ ഒഴിവാക്കുക തുടങ്ങിയ തീരുമാനങ്ങളാണ് ഒന്നാം ഘട്ടമായി ഓഗസ്റ്റ് ഒന്നുമുതൽ നടപ്പാക്കാൻ ട്രാഫിക് കമ്മിറ്റി തീരുമാനിച്ചത്.

വെയിറ്റിങ് ഷെഡ് സംബന്ധിച്ച പ്രചാരണം തെറ്റിദ്ധരിപ്പിക്കുന്നത്

ടൗണിൽ നിലവിൽ വെയിറ്റിങ് ഷെഡുകളില്ലാത്തതിനാൽ അവ മാറ്റുന്നതിനോ പുതിയവ സ്ഥാപിക്കുന്നതിനോ നഗരസഭ തീരുമാനിച്ചിട്ടില്ലെന്നും ചെയർമാൻ പറഞ്ഞു. ട്രാഫിക് പരിഷ്കരണ തീരുമാനങ്ങൾ നടപ്പാക്കാനുള്ള ഉത്തരവാദിത്വം നഗരസഭയ്ക്കും ട്രാഫിക് പോലീസിനുമാണ്.

ബസ് സ്റ്റോപ്പ് ബോർഡുകളെ വെയിറ്റിങ് ഷെഡുകളായി ചിത്രീകരിച്ച് വ്യാജപ്രചാരണം നടത്തുന്നത് ജനങ്ങളെ തെറ്റിദ്ധരിപ്പിക്കുന്ന നടപടിയാണ്. പുതിയ സ്ഥലങ്ങളിലേക്ക് ബസ് സ്റ്റോപ്പുകൾ മാറ്റിയതിനെ അശാസ്ത്രീയമെന്ന് വിമർശിക്കുന്നവർ അതിന്റെ ശാസ്ത്രീയ മാനദണ്ഡം കൂടി വ്യക്തമാക്കണമെന്നും അദ്ദേഹം ആവശ്യപ്പെട്ടു.

ബസ് സ്റ്റോപ്പുകളോട് ചേർന്ന് ആവശ്യമായ സൗകര്യം ലഭിക്കുന്ന സ്ഥലങ്ങളിൽ വെയിറ്റിങ് ഷെഡുകൾ നിർമിക്കാൻ നഗരസഭ തയ്യാറാണെന്നും ചെയർമാൻ ജോയി വെട്ടിക്കുഴി, ഡെപ്യൂട്ടി ചെയർപേഴ്സൺ ലീലാമ്മ ബേബി, സ്റ്റാൻഡിങ് കമ്മിറ്റി ചെയർപേഴ്സൺമാരായ സിബി പാറപ്പായി, തോമസ് മൈക്കിൾ, ബീന സിബി എന്നിവർ അറിയിച്ചു.

ഓണാഘോഷ പരിപാടികളുടെ നോട്ടീസ് പ്രകാശനം യൂത്ത് മൂവ്മെന്റ് യൂണിയൻ സെക്രട്ടറി ബിബിൻ കുന്നിനിയിൽ നിർവഹിച്ചു. ശ്രീനാരായണ ഗുരുദേവ ജയന്തി വർണശബളമായ ഘോഷയാത്രയും ജയന്തി സമ്മേളനവുമായി ആഘോഷിക്കാൻ പൊതുയോഗം തീരുമാനിച്ചു.

ശാഖാ സെക്രട്ടറി മനു ഓലിക്കൽ സ്വാഗതവും വൈസ് പ്രസിഡന്റ് സതീശൻ പലയ്ക്കത്തൊട്ടി നന്ദിയും പറഞ്ഞു.

തുടർന്ന് നടന്ന തിരഞ്ഞെടുപ്പിൽ യൂത്ത് മൂവ്മെന്റ് ഭാരവാഹികളായി അദ്വൈത് കരിങ്ങേലിപറമ്പിൽ (പ്രസിഡന്റ്), നന്ദൻ ചാഴിക്കര (സെക്രട്ടറി), ഐശ്വര്യ സന്തോഷ് (യൂണിയൻ കമ്മിറ്റി അംഗം) എന്നിവരെ തെരഞ്ഞെടുത്തു. ദിൽജിത്ത് വാഴക്കൽ, അനന്ദൻ ചാഴിക്കര, അർജുൻ ചാത്തനാൽ, വിമൽകുമാർ, അമയ സന്തോഷ്, മഹാലക്ഷ്മി ചന്ദനക്കാവിൽ, അഭിജിത്ത് മാതാളിപാറയിൽ, അനന്ദു ആലിങ്കൽ എന്നിവർ കമ്മിറ്റി അംഗങ്ങളായി.

വനിതാസംഘം ഭാരവാഹികൾ:

സാലി നടപ്പാട്ട് (പ്രസിഡന്റ്), വത്സ ശിവദാസ് (വൈസ് പ്രസിഡന്റ്), അമ്പിളി (സെക്രട്ടറി), വത്സ ബിജു (യൂണിയൻ കമ്മിറ്റി അംഗം) എന്നിവരെയും രാധാമണി മണിമലയിൽ, രാജി ബിനു, സന്ധ്യ മുരുകൻമതി, ഷീജ ഗോപി, ആശ പ്രജിഷ്, അജിത സലിംകുമാർ, മിനി സജി, രാധ ഗോപി എന്നിവരെ കമ്മിറ്റി അംഗങ്ങളായും തെരഞ്ഞെടുത്തു.

തൊടുപുഴ ട്രാൻസ്മിഷൻ സർക്കിളിന് കീഴിൽ നടപ്പാക്കുന്ന പദ്ധതിക്ക് 50 കോടി രൂപയുടെ ഭരണാനുമതിയാണ് ലഭിച്ചത്. നിലവിലുള്ള 66 കെവി സബ്‌സ്റ്റേഷൻ സംവിധാനത്തിന് ഭാവിയിലെ വർധിച്ചുവരുന്ന വൈദ്യുതി ആവശ്യകത നിറവേറ്റാൻ കഴിയാത്ത സാഹചര്യത്തിലാണ് ഉയർന്ന ശേഷിയുള്ള പുതിയ ലോഡ് സെന്റർ സ്ഥാപിക്കുന്നത്.

അടുത്ത 15–20 വർഷത്തേക്ക് പ്രതിവർഷം ശരാശരി ആറ് ശതമാനം വൈദ്യുതി ലോഡ് വർധനയാണ് പ്രതീക്ഷിക്കുന്നത്. ഇതിന്റെ പശ്ചാത്തലത്തിലാണ് പുതിയ സബ്‌സ്റ്റേഷൻ അനിവാര്യമായത്.

രണ്ട് ഘട്ടങ്ങളിലായാണ് പദ്ധതി നടപ്പാക്കുക. ഇതിനായി ഏകദേശം മൂന്നര ഏക്കർ ഭൂമി ഏറ്റെടുക്കേണ്ടതുണ്ട്. 36 മാസത്തിനുള്ളിൽ നിർമാണം പൂർത്തിയാക്കാനാണ് ലക്ഷ്യമിടുന്നത്.

ലോഡ് ഫ്ലോ സ്റ്റഡി റിപ്പോർട്ട്, ഫിനാൻഷ്യൽ അഡ്വൈസറുടെ റിപ്പോർട്ട്, ഡി.പി.ആർ കമ്മിറ്റി അംഗീകാരം തുടങ്ങിയ നടപടികൾ പൂർത്തിയാക്കിയ ശേഷമാണ് ഡയറക്ടർമാരുടെ യോഗത്തിൽ ഭരണാനുമതി ലഭിച്ചത്.

കണിയാമ്പറ്റ, അമ്പലമുകൾ സബ്‌സ്റ്റേഷനുകളിൽ നിലവിലുള്ള രണ്ട് 50 എംവിഎ ട്രാൻസ്‌ഫോർമറുകളും തൊടുപുഴ ട്രാൻസ്മിഷൻ സർക്കിളിൽ ലഭ്യമായ മൂന്ന് 5 എംവിഎ ട്രാൻസ്‌ഫോർമറുകളും പദ്ധതിയിൽ പുനരുപയോഗിക്കും.

പുതിയ സബ്‌സ്റ്റേഷൻ പ്രവർത്തനക്ഷമമാകുന്നതോടെ കുറഞ്ഞ വോൾട്ടേജ് മൂലം വീടുകളിലെയും സ്ഥാപനങ്ങളിലെയും വൈദ്യുതോപകരണങ്ങൾ കേടാകുന്ന സാഹചര്യം കുറയ്ക്കാനും വൈദ്യുതി വിതരണത്തിലെ തടസങ്ങൾ പരിഹരിക്കാനും സാധിക്കുമെന്ന് അപു ജോൺ ജോസഫ് പറഞ്ഞു.

തൊടുപുഴയുടെ വർധിച്ചുവരുന്ന വൈദ്യുതി ആവശ്യകത നിറവേറ്റുന്നതിനും മേഖലയിലെ വികസന പ്രവർത്തനങ്ങൾക്ക് കൂടുതൽ ശക്തമായ വൈദ്യുതി അടിസ്ഥാന സൗകര്യം ഒരുക്കുന്നതിനും പദ്ധതി നിർണായകമാകുമെന്നും അദ്ദേഹം വ്യക്തമാക്കി.

പ്രശ്നം ശ്രദ്ധയിൽപ്പെട്ടതിനെ തുടർന്ന് റോയി കെ. പൗലോസ് എംഎൽഎ കഴിഞ്ഞ ദിവസം സ്ഥലം സന്ദർശിച്ച് ബസ് സർവീസ് പുനരാരംഭിക്കുന്നതിന് ആവശ്യമായ നടപടികൾ സ്വീകരിക്കുമെന്ന് നാട്ടുകാർക്ക് ഉറപ്പ് നൽകിയിരുന്നു.

അതേസമയം, റോഡിൽ രണ്ടിടങ്ങളിലായി തകർന്ന വലിയ സംരക്ഷണഭിത്തികൾ അടിയന്തരമായി പുനർനിർമിച്ചാൽ മാത്രമേ ഗതാഗതം പഴയ നിലയിൽ പൂർണമായി പുനഃസ്ഥാപിക്കാൻ കഴിയൂവെന്ന് എംഎൽഎയ്ക്കൊപ്പം സ്ഥലം സന്ദർശിച്ച ബ്ലോക്ക് പഞ്ചായത്ത് പ്രസിഡന്റ് രാജീവ് ഭാസ്കർ, വണ്ണപ്പുറം പഞ്ചായത്ത് പ്രസിഡന്റ് ജോസഫ് അറയ്ക്കത്തോട്ടം തുടങ്ങിയ ജനപ്രതിനിധികൾ അറിയിച്ചു.

നിർമാണപ്രവർത്തനങ്ങൾ യുദ്ധകാലാടിസ്ഥാനത്തിൽ പൂർത്തിയാക്കി ബസ് ഗതാഗതം പൂർണമായി പുനരാരംഭിക്കുന്നതിനുള്ള നടപടികൾ സ്വീകരിക്കാൻ കിഫ്ബി അധികൃതർക്കും ബന്ധപ്പെട്ട എൻജിനീയർമാർക്കും കരാറുകാർക്കും എംഎൽഎ നിർദേശം നൽകിയിരുന്നു.

ബ്ലോക്ക് പഞ്ചായത്ത് അംഗങ്ങൾ, പഞ്ചായത്ത് അംഗങ്ങൾ, കോൺഗ്രസ് മണ്ഡലം പ്രസിഡന്റ് തുടങ്ങിയവരും സ്ഥലം സന്ദർശിച്ചിരുന്നു.

കണ്ണൂർ റേഞ്ച് ഡിഐജി കെ. കാർത്തിക്കിന്റെ മേൽനോട്ടത്തിൽ നടത്തിയ നിർണായക നീക്കത്തിലാണ് അറസ്റ്റ്. ആലുവ റൂറൽ എസ്.പി.യുടെ നേതൃത്വത്തിലുള്ള പ്രത്യേക അന്വേഷണ സംഘവും കണ്ണൂർ ടൗൺ പോലീസും സംയുക്തമായാണ് ഓപ്പറേഷൻ നടത്തിയത്. അറസ്റ്റിന്റെ ഔദ്യോഗിക ഫോട്ടോ ഉൾപ്പെടെയുള്ള വിവരങ്ങളും കേരള പോലീസ് പുറത്തുവിട്ടു.

അറസ്റ്റിനിടെ നീലയും കറുപ്പും കലർന്ന ടീഷർട്ടും അതിന് മുകളിൽ നീല ഷർട്ടുമായിരുന്നു ആയങ്കിയുടെ വേഷം. പോലീസ് ഫ്‌ളാറ്റ് വളഞ്ഞതോടെ രക്ഷപ്പെടാൻ ശ്രമിക്കാതെയാണ് ഇയാൾ കീഴടങ്ങിയത്.

കാർ കണ്ടെത്തിയത് നിർണായകമായി 

ആയങ്കിയെ കണ്ടെത്തുന്നതിനുള്ള അന്വേഷണത്തിൽ കണ്ണൂരിൽ നിന്ന് ഇയാളുടെ കാർ കണ്ടെത്തിയത് നിർണായക വഴിത്തിരിവായി. വാഹനവുമായി ബന്ധപ്പെട്ട് നടത്തിയ ശാസ്ത്രീയ പരിശോധനകളും പരിസരത്തെ സിസിടിവി ദൃശ്യങ്ങളുടെ വിശദമായ പരിശോധനയുമാണ് ഒളിവുതാവളത്തിലേക്ക് പോലീസിനെ എത്തിച്ചത്.

ആയങ്കിയെ ഒളിവിൽ കഴിയാൻ സഹായിച്ചെന്ന സംശയത്തിൽ കസ്റ്റഡിയിലായിരുന്ന സഹോദരനെ ചോദ്യം ചെയ്തതിൽ നിന്നു ലഭിച്ച വിവരങ്ങളും അന്വേഷണത്തിന് സഹായകമായതായി സൂചനയുണ്ട്.

രഹസ്യവിവരത്തിന്റെ അടിസ്ഥാനത്തിൽ ഫ്‌ളാറ്റ് നിരീക്ഷണത്തിലാക്കിയ പോലീസ്, വിവരങ്ങൾ ചോർന്ന് പ്രതി വീണ്ടും താവളം മാറ്റാനുള്ള സാധ്യത ഒഴിവാക്കാൻ നീക്കങ്ങൾ അതീവ രഹസ്യമായി ആസൂത്രണം ചെയ്തു. പുലർച്ചെ ഫ്‌ളാറ്റ് വളഞ്ഞ് രക്ഷപ്പെടാനുള്ള വഴികളെല്ലാം അടച്ച ശേഷമാണ് പോലീസ് അകത്ത് പ്രവേശിച്ചത്.

തൃശൂരിൽ നിന്ന് കണ്ണൂരിലേക്ക്

തൃശൂരിൽ നിന്ന് കണ്ണൂരിലേക്ക് എത്തിയ ആയങ്കി സാമൂഹിക മാധ്യമങ്ങളിലൂടെ പോലീസിനെതിരെ അധിക്ഷേപങ്ങളും ഭീഷണികളും തുടരുകയായിരുന്നുവെന്നാണ് അന്വേഷണ സംഘത്തിന്റെ കണ്ടെത്തൽ. ഇയാളെ പിടികൂടുന്നതിനായി സംസ്ഥാനത്തെ വിവിധ പോലീസ് സംവിധാനങ്ങൾക്കിടയിൽ ഏകോപിതമായ അന്വേഷണം ശക്തമാക്കിയിരുന്നു.

അറസ്റ്റിലായ ആയങ്കിയെ തുടർനടപടികൾക്കായി ആലുവ റൂറൽ പോലീസിന് കൈമാറുമെന്നാണ് വിവരം. ഔദ്യോഗിക കൃത്യനിർവഹണത്തിനിടെ പോലീസ് ഉദ്യോഗസ്ഥരെ ഭീഷണിപ്പെടുത്തിയതും സൈബർ ഇടങ്ങളിലൂടെ അവഹേളിച്ചതുമായി ബന്ധപ്പെട്ട കേസുകളാണ് പ്രധാനമായും അന്വേഷിക്കുന്നത്.

ആയങ്കിക്ക് ഒളിവിൽ കഴിയാൻ സാമ്പത്തികമായോ മറ്റ് തരത്തിലോ സഹായം നൽകിയവരെ കണ്ടെത്തുന്നതിനുള്ള അന്വേഷണവും പോലീസ് ശക്തമാക്കിയിട്ടുണ്ട്.മാസങ്ങളായി പോലീസിന് വെല്ലുവിളിയായി മാറിയ ഒളിവുജീവിതത്തിന് ഒടുവിൽ കണ്ണൂരിൽ വിരാമമിട്ടിരിക്കുകയാണ്.

ജർമനിയിലെ ഫ്രൈബുർഗ് രൂപതയിൽ വൈദിക പഠനത്തിന്റെ അവസാനഘട്ടത്തിലായിരുന്നു മാത്യൂസ്. വൈദിക പരിശീലനത്തിന്റെ ഭാഗമായി ഓസ്ട്രിയയിലെ ലിൻസിലെ ദൈവാലയത്തിൽ പിആർഒയായി ശുശ്രൂഷ ചെയ്തുവരുന്നതിനിടെയാണ് അപകടമുണ്ടായത്.

അപകടത്തെ തുടർന്ന് മരിച്ച മാത്യൂസിന്റെ മൃതദേഹം ആവശ്യമായ നടപടികൾ പൂർത്തിയാക്കിയ ശേഷം നാട്ടിലെത്തിച്ച് സംസ്കരിക്കും.

ദീർഘനാളായി അസുഖബാധിതനായി ചികിത്സയിലായിരുന്നു. ഭാര്യ സെലിയയും മക്കളായ റോഡ്രിഗോ, മാറ്റിയാസ്, മരിയ സോൾ എന്നിവരും അവസാന നിമിഷങ്ങളിൽ അദ്ദേഹത്തോടൊപ്പമുണ്ടായിരുന്നു.

റൊസാരിയോയിലെ സ്റ്റീൽ ഫാക്ടറിയിൽ സെക്ഷൻ മാനേജറായി ജോലി ചെയ്തിരുന്ന ഹോർഹെ, മകൻ ലയണൽ മെസ്സിയുടെ ഫുട്ബോൾ കരിയറിന് നിർണായകമായ പിന്തുണ നൽകിയ വ്യക്തിയായിരുന്നു. മെസ്സിയുടെ ബാഴ്സലോണ കരിയറിന്റെ ആദ്യകാലം മുതൽ അദ്ദേഹത്തിന്റെ പ്രധാന ഉപദേശകനും ദീർഘകാല ഏജന്റുമായി പ്രവർത്തിച്ചു.

മെസ്സിയുടെ പിതാവിന്റെ വിയോഗത്തിൽ അർജന്റീന ഫുട്ബോൾ അസോസിയേഷനും (AFA) ബാഴ്സലോണ എഫ്‌സിയും അനുശോചനം രേഖപ്പെടുത്തി. മെസ്സിയുടെ കരിയറിലെ നിർണായക ഘട്ടങ്ങളിൽ ഹോർഹെ നൽകിയ പിന്തുണയും സംഭാവനകളും ഇരുവരും അനുസ്മരിച്ചു.

പരീക്ഷാ ടൈംടേബിളിൽ ചില മാറ്റങ്ങൾ വരുത്തിയിട്ടുണ്ട്. ഹൈസ്കൂൾ വിഭാഗത്തിൽ 8, 9 ക്ലാസുകളിലെ പരീക്ഷകൾ ഒരേ ദിവസം വരുന്നത് ഒഴിവാക്കുന്നതിനായി സമയക്രമം പുനഃക്രമീകരിച്ചു.

ഓഗസ്റ്റ് 13ന് ആരംഭിക്കുന്ന പരീക്ഷകൾ ഓഗസ്റ്റ് 20ഓടെ പൂർത്തിയാകും. തുടർന്ന് ഓഗസ്റ്റ് 21ന് സ്കൂളുകളിൽ ഓണാഘോഷ പരിപാടികൾ നടത്തും. ആഘോഷങ്ങൾക്ക് ശേഷം അന്നുതന്നെ സ്കൂളുകൾ ഓണാവധിക്കായി അടയ്ക്കും.

അധ്യാപകരുടെ സെൻസസ് ഡ്യൂട്ടിയും മഴക്കെടുതിയും മൂലം പല സ്കൂളുകളിലും പാഠഭാഗങ്ങൾ പൂർണമായി പൂർത്തിയാക്കാൻ കഴിയാത്ത സാഹചര്യത്തിൽ പരീക്ഷ മാറ്റിവയ്ക്കണമെന്ന ആവശ്യം ഉയർന്നിരുന്നു. എന്നാൽ പരീക്ഷ മാറ്റിവച്ചാൽ രണ്ടാം പാദത്തിലെ അധ്യയനത്തെ സാരമായി ബാധിക്കുമെന്ന വിലയിരുത്തലിന്റെ അടിസ്ഥാനത്തിലാണ് പരീക്ഷ നിശ്ചിത തീയതിയിൽ തന്നെ നടത്താൻ തീരുമാനിച്ചത്.

കണ്ണൂർ ചെറുപുഴയിൽ പ്രളയ രക്ഷാപ്രവർത്തനത്തിനിടെ സ്വന്തം ലൈഫ് ജാക്കറ്റ് മറ്റൊരാൾക്ക് നൽകി ഒഴുക്കിൽപ്പെട്ട് മരിച്ച തിരുവനന്തപുരം സ്വദേശിയായ രാജേഷിന്റെ മൃതദേഹം ഫ്രീസർ സൗകര്യമില്ലാത്ത ആംബുലൻസിലാണ് തിരുവനന്തപുരത്തേക്ക് കൊണ്ടുപോയത്.

മൂന്ന് ദിവസത്തിന് ശേഷം പുഴയിൽ നിന്ന് കണ്ടെത്തിയ മൃതദേഹം എംബാം ചെയ്യാതെയാണ് മണിക്കൂറുകൾ നീളുന്ന യാത്രയ്ക്ക് ഫ്രീസറില്ലാത്ത ആംബുലൻസിൽ അയച്ചത്. യാത്രയ്ക്കിടെ തൃശൂർ ചാവക്കാട് എത്തിയപ്പോൾ മൃതദേഹത്തിൽ നിന്ന് ദുർഗന്ധം വമിച്ചതിനെ തുടർന്ന് ബന്ധുക്കൾ മറ്റൊരു സ്വകാര്യ ഫ്രീസർ ആംബുലൻസിലേക്ക് മൃതദേഹം മാറ്റുകയായിരുന്നു.

ഫ്രീസർ സൗകര്യമുള്ള ആംബുലൻസിന് സ്വകാര്യ ആംബുലൻസ് ഉടമകൾ 25,000 മുതൽ 33,000 രൂപ വരെ ആവശ്യപ്പെട്ടിരുന്നുവെന്നും ചെലവ് കുറയ്ക്കുന്നതിനായി ഫ്രീസറില്ലാത്ത ആംബുലൻസ് അനുവദിച്ചുവെന്നുമുള്ള ആരോപണങ്ങളും ഉയർന്നിരുന്നു. മൃതദേഹം വിട്ടുനൽകുന്നതിന് തഹസിൽദാർ പണം ആവശ്യപ്പെട്ടെന്ന പരാതിയും ഉയർന്നിരുന്നു.

ഇൻസിഡന്റ് കമാൻഡർ കൂടിയായിരുന്ന തഹസിൽദാർ ജില്ലാ ഭരണകൂടവുമായി കൃത്യമായി ആലോചിക്കാതെയും അടിയന്തര സാഹചര്യത്തിന്റെ ഗൗരവം മനസ്സിലാക്കാതെയും പ്രവർത്തിച്ചതായി അന്വേഷണത്തിൽ കണ്ടെത്തിയതിനെ തുടർന്നാണ് സസ്പെൻഷൻ നടപടി.

പ്രിയദർശിനി എന്ന 44 വയസ്സുള്ള പിടിയാനയാണ് പാപ്പാനെ ആക്രമിച്ചത്. ആനയുടെ മുറിവേറ്റ് പഴുത്ത തുമ്പിക്കൈയിൽ മരുന്ന് പുരട്ടുന്നതിനിടെ ആന തുമ്പിക്കൈകൊണ്ട് മോഹനൻ നായരെ വാരിയെടുത്ത് നിലത്തടിച്ച ശേഷം തേറ്റയ്ക്ക് കുത്തുകയായിരുന്നു.

ഗുരുതരമായി പരുക്കേറ്റ മോഹനൻ നായരെ ഉടൻ തന്നെ സമീപത്തെ താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

മൃതശരീരം ഇൻക്വസ്റ്റ് നടപടികൾ പൂർത്തിയാക്കി മോർച്ചറിയിലേക്ക് മാറ്റി. സംഭവത്തിൽ കോന്നി പോലീസ് മേൽനടപടികൾ സ്വീകരിച്ചു.

ഇടിയുടെ ആഘാതത്തിൽ ട്രാൻസ്ഫോർമറിന്റെ സംരക്ഷണ വേലി തകരുകയും സമീപത്തെ ഒരു വൈദ്യുതി പോസ്റ്റ് ഒടിയുകയും ചെയ്തു. വാൻ അൽപം കൂടി മുന്നോട്ട് നീങ്ങിയിരുന്നെങ്കിൽ വലിയ ദുരന്തത്തിന് ഇടയാകുമായിരുന്നുവെന്ന് നാട്ടുകാർ പറഞ്ഞു.

റോഡ് നിർമ്മാണത്തിലെ അശാസ്ത്രീയതയും റോഡിലെ അമിതമായ മിനുസവും മൂലം ഈ ഭാഗത്ത് അപകടങ്ങൾ പതിവാണെന്നും നാട്ടുകാർ ആരോപിച്ചു. അപകടസാധ്യത കണക്കിലെടുത്ത് റോഡിന്റെ നിർമ്മാണത്തിലെ അപാകതകൾ പരിഹരിക്കണമെന്ന ആവശ്യവും ഉയരുന്നുണ്ട്.

നേര്യമംഗലം വനമേഖലയിലും ശക്തമായ മഴ തുടരുകയാണെന്ന് റിപ്പോർട്ടുകളും വരുന്നുണ്ട് . മഴ ശക്തമായതോടെ മലയോര റോഡുകളിൽ മണ്ണിടിച്ചിലിനുള്ള സാധ്യതയും കൂടുതലാണ്.

മലയോര മേഖലകളിൽ താമസിക്കുന്നവർ ജാഗ്രത പാലിക്കണമെന്നും മണ്ണിടിച്ചിൽ സാധ്യതയുള്ള പ്രദേശങ്ങളിലേക്ക് അനാവശ്യ യാത്രകൾ ഒഴിവാക്കണമെന്നും നിർദേശമുണ്ട്.

വന്ദേമാതരത്തിന്റെ 150-ാം വാർഷികാഘോഷങ്ങളുടെ ഭാഗമായി കേന്ദ്ര സർക്കാർ സ്വീകരിച്ച തീരുമാനത്തിന്റെ തുടർച്ചയായാണ് സംസ്ഥാനത്തും പുതിയ നിർദേശങ്ങൾ നടപ്പാക്കുന്നത്.

ചടങ്ങിൽ സംസ്ഥാന ഗീതം ഉൾപ്പെടുത്തിയിട്ടുണ്ടെങ്കിൽ അതിന് ശേഷമായിരിക്കണം വന്ദേമാതരം ആലപിക്കേണ്ടത്. സംസ്ഥാന ഗീതം ഇല്ലെങ്കിൽ ആദ്യം വന്ദേമാതരവും തുടർന്ന് ദേശീയഗാനമായ ജനഗണമനയും ആലപിക്കണം.

നിലവിൽ ചടങ്ങുകളിൽ വന്ദേമാതരത്തിന്റെ ഏതാനും ഭാഗങ്ങൾ മാത്രം ആലപിക്കുന്ന രീതിക്ക് പകരം യഥാർഥ കവിതയിലെ ആറ് ചരണങ്ങളും പൂർണമായി ആലപിക്കണമെന്നാണ് നിർദേശം. പൂർണ വന്ദേമാതരം ആലപിക്കുന്നതിന് ഔദ്യോഗികമായി നിശ്ചയിച്ചിരിക്കുന്ന സമയം 3 മിനിറ്റ് 10 സെക്കൻഡാണ്.

ദേശീയഗാനം ആലപിക്കുമ്പോൾ വരികളും ചിഹ്നങ്ങളും ഉൾപ്പെടെ കൃത്യമായി പാലിച്ച് തെറ്റുകൂടാതെ ആലപിക്കണമെന്നും നിർദേശത്തിൽ വ്യക്തമാക്കുന്നു.

വന്ദേമാതരത്തിന് ദേശീയഗാനത്തിന് സമാനമായ നിയമപരമായ പരിരക്ഷ നൽകുന്നതുമായി ബന്ധപ്പെട്ട കേന്ദ്രതല തീരുമാനങ്ങൾക്ക് പിന്നാലെയാണ് സംസ്ഥാന സർക്കാരിന്റെ പുതിയ ഉത്തരവ്.

ഫ്രീഡം റോഡ്, പിരാന, കനൽപ്പാത, കർണഭാരം, സ്പാർട്ടക്കസ്, സമയതീരം തുടങ്ങിയ ശ്രദ്ധേയമായ നാടകങ്ങൾ സംവിധാനം ചെയ്തിട്ടുണ്ട്. നാടക രംഗത്തെ സമഗ്ര സംഭാവനകൾ പരിഗണിച്ച് 2015ൽ കേരള സംഗീത നാടക അക്കാദമിയുടെ കലാശ്രീ പുരസ്‌കാരം നൽകി ആദരിച്ചിരുന്നു.

2000 മുതൽ 2004 വരെ കേരള സംസ്ഥാന ചലച്ചിത്ര അക്കാദമിയുടെ ഡെപ്യൂട്ടി ഡയറക്ടറായും അദ്ദേഹം പ്രവർത്തിച്ചു. അധ്യാപകൻ, നാടകകൃത്ത്, സംവിധായകൻ എന്നീ നിലകളിൽ മലയാള നാടകവേദിക്ക് ശ്രദ്ധേയമായ സംഭാവനകളാണ് ഷിബു എസ്. കൊട്ടാരം നൽകിയത്.

മൃതശരീരം നാളെ രാവിലെ തൃശൂർ സ്‌കൂൾ ഓഫ് ഡ്രാമയിൽ പൊതുദർശനത്തിന് വെച്ച ശേഷം പാലാ നീലൂരിലെ വീട്ടിലേക്ക് കൊണ്ടുപോകും. തുടർന്ന് തിങ്കളാഴ്ച രാവിലെ 10ന് നീലൂർ സെന്റ് സേവ്യേഴ്സ് പള്ളിയിൽ സംസ്കാര ശുശ്രൂഷകൾ നടക്കും.

നിലവിൽ സഹകരണ സംഘങ്ങൾ മുഖേന വീടുകളിലെത്തിയാണ് പെൻഷൻ വിതരണം ചെയ്യുന്നത്. ഈ രീതിയിൽ വിതരണം ചെയ്യാതെ ശേഷിക്കുന്ന തുകകൾ സമയബന്ധിതമായി തിരിച്ചടയ്ക്കുന്നതിലെ കാലതാമസം, സേവന പോർട്ടലിലെ രേഖപ്പെടുത്തലുകളിലെ പൊരുത്തക്കേടുകൾ തുടങ്ങിയ പ്രശ്നങ്ങൾ ഒഴിവാക്കുന്നതിനാണ് പുതിയ സംവിധാനം നടപ്പാക്കുന്നത്.

അർഹതയില്ലാത്തവർക്ക് പെൻഷൻ ലഭിക്കുന്നതും ഒരേ വ്യക്തിക്ക് ഒന്നിലധികം തവണ പെൻഷൻ ലഭിക്കുന്നതും തടയുന്നതിനും നടപടി സഹായിക്കുമെന്ന് സർക്കാർ വിലയിരുത്തുന്നു.

കേന്ദ്ര സർക്കാരിന്റെ DBT നിർദേശങ്ങൾ പൂർണമായി പാലിക്കാത്തതിനെ തുടർന്ന് കേന്ദ്ര ധനസഹായം ഉൾപ്പെടെയുള്ള ആനുകൂല്യങ്ങൾ നഷ്ടപ്പെടുന്ന സാഹചര്യം ഒഴിവാക്കുന്നതും പുതിയ സംവിധാനത്തിന്റെ ലക്ഷ്യമാണ്.

അതേസമയം, പൂർണമായും കിടപ്പുരോഗികളായ ഗുണഭോക്താക്കൾക്ക് നിലവിലുള്ള രീതിയിൽ പ്രത്യേക പരിഗണന തുടരും.

ഇതനുസരിച്ച് പട്ടുമല, ചൂളപ്പിരട്ട്, രാജമുടി വക്കീൽക്കാട് എന്നീ മൂന്ന് കേന്ദ്രങ്ങളിൽ വനംവകുപ്പ് ഉദ്യോഗസ്ഥരുടെ നിരീക്ഷണവും പട്രോളിങ്ങും ശക്തമാക്കും.

കഴിഞ്ഞ ദിവസങ്ങളായി പട്ടുമല, പട്ടുമുടി, രാജമുടി, കല്ലാർ മേഖലകൾ കേന്ദ്രീകരിച്ച് മൂന്ന് കാട്ടാനകളാണ് നിലയുറപ്പിച്ചിരിക്കുന്നത്. കൃഷികൾ നശിപ്പിക്കുകയും കയ്യാലകൾ തകർക്കുകയും ചെയ്ത ആനകൾ നാട്ടുകാരിൽ വലിയ ആശങ്കയാണ് സൃഷ്ടിക്കുന്നത്.

രോഗികൾക്ക് കൂടുതൽ മികച്ച ചികിത്സാ സൗകര്യങ്ങൾ ഒരുക്കുന്നതിന്റെ ഭാഗമായാണ് ഡയാലിസിസ് യൂണിറ്റ് കൈമാറിയത്.

ചടങ്ങിൽ ഫെഡറൽ ബാങ്ക് റീജിയണൽ ഹെഡ് ജെബിൻ കെ. ജോസ്, ഫെഡറൽ ബാങ്ക് സോണൽ ഓഫീസിൽനിന്നുള്ള സി. ലെസിൻ, മങ്ങാട്ടുകവല ബ്രാഞ്ച് ഹെഡ് സുബിൻ സണ്ണി, തൊടുപുഴ, വെങ്ങല്ലൂർ, വെസ്റ്റ്, ടൗൺ മേഖലയിലെ ഫെഡറൽ ബാങ്ക് പ്രതിനിധികൾ, ആശുപത്രി അഡ്മിനിസ്ട്രേറ്റർ സി. മേരി ആലപ്പാട്ട് എന്നിവർ പങ്കെടുത്തു.

പുതിയ ഡയാലിസിസ് യൂണിറ്റ് പ്രവർത്തനസജ്ജമാകുന്നതോടെ വൃക്കരോഗികൾക്ക് ചികിത്സ കൂടുതൽ എളുപ്പത്തിൽ ലഭ്യമാക്കാൻ സാധിക്കുമെന്ന് ആശുപത്രി അധികൃതർ അറിയിച്ചു.

അണക്കര ചെല്ലാർകോവിൽ ഞാവള്ളിക്കുന്നേൽ മേരിക്കുട്ടിയുടെ സ്വർണമാലയാണ് മോഷണം പോയത്. വ്യാഴാഴ്ച പകൽ വീടിന് സമീപമെത്തിയ മനു മേരിക്കുട്ടിയോട് കുടിവെള്ളം ആവശ്യപ്പെട്ടു. വെള്ളമെടുക്കാനായി മേരിക്കുട്ടി അടുക്കളയിലേക്ക് പോകുന്നതിനിടെ പിന്നിൽനിന്ന് അഞ്ചരപ്പവൻ തൂക്കമുള്ള മാല പൊട്ടിച്ചെടുത്ത് പ്രതി രക്ഷപ്പെടുകയായിരുന്നു.

സംഭവമറിഞ്ഞ് പൊലീസും നാട്ടുകാരും ചേർന്ന് സമീപപ്രദേശങ്ങളിൽ വ്യാപകമായി തിരച്ചിൽ നടത്തിയെങ്കിലും സംശയകരമായ ആരെയും കണ്ടെത്താനായില്ല. തുടർന്ന് സമീപത്തെ വീട്ടിലെ സിസിടിവി ദൃശ്യങ്ങൾ പരിശോധിച്ചതോടെയാണ് അന്വേഷണത്തിന് വഴിത്തിരിവായത്. സംശയകരമായ രീതിയിൽ ഒരാൾ പറമ്പിലൂടെ നടന്നുപോകുന്ന ദൃശ്യങ്ങൾ പൊലീസിന്റെ ശ്രദ്ധയിൽപ്പെട്ടു.

ദിവസങ്ങൾക്ക് മുമ്പ് മനു മേരിക്കുട്ടിയുടെ വീട്ടിൽ ജോലിക്കായി എത്തിയിരുന്നതായും പൊലീസ് കണ്ടെത്തി. മേരിക്കുട്ടി നൽകിയ വിവരങ്ങളുടെ അടിസ്ഥാനത്തിൽ മോഷണത്തിന് ശേഷം പ്രതി രക്ഷപ്പെട്ട വഴിയും ചെരുപ്പിന്റെ അടയാളവും പരിശോധിച്ചു. ഇതിന്റെ അടിസ്ഥാനത്തിലാണ് മോഷണത്തിന് പിന്നിൽ മനുവാണെന്ന നിഗമനത്തിലേക്ക് പൊലീസ് എത്തിയത്.

തുടർന്ന് വൈകുന്നേരത്തോടെ ചക്കുപള്ളത്തെ വീടിന് സമീപത്തുനിന്ന് മനുവിനെ പൊലീസ് കസ്റ്റഡിയിലെടുക്കുകയായിരുന്നു.

ചക്കുപള്ളം മേഖലയിൽ നേരത്തെ ഏലക്ക മോഷണം, പണം മോഷണം തുടങ്ങിയ കേസുകളിലും മനു പ്രതിയാണെന്ന് പൊലീസ് അറിയിച്ചു.

മോഷണം പോയ സ്വർണമാല ഇതുവരെ കണ്ടെടുക്കാനായിട്ടില്ല. തെളിവെടുപ്പ് പൂർത്തിയാക്കിയ ശേഷം പ്രതിയെ കോടതിയിൽ ഹാജരാക്കും.

ആയിരക്കണക്കിന് ആളുകൾ കുടിവെള്ളത്തിനും മറ്റ് ആവശ്യങ്ങൾക്കുമായി ആശ്രയിക്കുന്ന ജലാശയത്തിലാണ് അപകടകരമായ രീതിയിൽ രാസലായനി പടർന്നത്. നിരവധി കുടിവെള്ള പദ്ധതികൾ പ്രവർത്തിക്കുന്ന ജലാശയമായതിനാൽ ആരോഗ്യപ്രശ്നങ്ങൾക്ക് കാരണമാകാവുന്ന മലിനീകരണം സംബന്ധിച്ച് ആശങ്ക ശക്തമാണ്.

⚠️ പമ്പിങ് നിർത്തി; ഏഴ് പഞ്ചായത്തുകളിൽ ജലവിതരണം തടസ്സപ്പെടും

കോളപ്ര, മുട്ടം വാട്ടർ അതോറിറ്റി പമ്പ് ഹൗസുകൾക്ക് സമീപമുള്ള പുഴയിൽ ഓയിലിന്റെ സാന്നിധ്യം കണ്ടെത്തിയതിനെ തുടർന്ന് പമ്പിങ് നിർത്തിവച്ചു.

ഇതോടെ മുട്ടം, കരിങ്കുന്നം, ആലക്കോട്, കരിമണ്ണൂർ, ഉടുമ്പന്നൂർ, കോടിക്കുളം, വണ്ണപ്പുറം പഞ്ചായത്തുകളിലേക്കുള്ള ജലവിതരണം തടസ്സപ്പെടുമെന്ന് തൊടുപുഴ സെക്ഷൻ–2 അസിസ്റ്റന്റ് എൻജിനീയർ അറിയിച്ചു.

വെള്ളിയാമറ്റത്ത് പ്രവർത്തിക്കുന്ന സ്വകാര്യ കമ്പനികളിൽ നിന്നാണ് രാസലായനി ജലാശയത്തിലേക്ക് ഒഴുകിയെത്തിയതെന്നാണ് പ്രാഥമിക വിവരം. എന്നാൽ മലിനീകരണത്തിന്റെ കൃത്യമായ ഉറവിടം ബന്ധപ്പെട്ട പരിശോധനകൾക്ക് ശേഷമേ സ്ഥിരീകരിക്കാനാകൂ.

🔎 അധികൃതർ പരിശോധന നടത്തി

സംഭവമറിഞ്ഞതോടെ നിരവധി പേർ ജലാശയത്തിലെ സ്ഥിതി നേരിൽ കാണാൻ കോളപ്ര പാലത്തിലെത്തി. നാട്ടുകാരുടെ വിവരത്തെ തുടർന്ന് വിവിധ വകുപ്പുകളിലെ ഉദ്യോഗസ്ഥർ സ്ഥലത്തെത്തി പരിശോധന നടത്തി.

വെള്ളിയാമറ്റം പഞ്ചായത്തിൽ പ്രവർത്തിക്കുന്ന സ്വകാര്യ കമ്പനികൾ സുരക്ഷാ മാനദണ്ഡങ്ങൾ പാലിക്കുന്നില്ലെന്ന പരാതികൾ നേരത്തെയും ഉയർന്നിരുന്നതായി നാട്ടുകാർ പറയുന്നു. കമ്പനിക്ക് സമീപമുള്ള വടക്കനാറിലേക്ക് മാലിന്യം ഒഴുക്കിവിടുന്നതായും നിരവധി പരാതികൾ ഉയർന്നിരുന്നു.

പരാതികളിൽ ശക്തമായ നടപടി സ്വീകരിക്കുന്നതിൽ അധികൃതർ വീഴ്ച വരുത്തുന്നതായും നാട്ടുകാർ ആരോപിക്കുന്നു. എന്നാൽ ഇക്കാര്യത്തിൽ ബന്ധപ്പെട്ട വകുപ്പുകളുടെ വിശദമായ പരിശോധനയും അന്വേഷണവും ആവശ്യമാണ്.

🧪 വെള്ളത്തിന്റെ സാമ്പിൾ ശേഖരിച്ചു

മലിനീകരണത്തിന്റെ സ്വഭാവവും അപകടസാധ്യതയും കണ്ടെത്തുന്നതിനായി പൊല്യൂഷൻ കൺട്രോൾ ബോർഡ് അധികൃതർ ജലത്തിന്റെ സാമ്പിൾ ശേഖരിച്ചു. പരിശോധനാഫലം പുറത്തുവന്ന ശേഷമേ ജലത്തിന്റെ ഗുണനിലവാരത്തെക്കുറിച്ച് വ്യക്തമായ വിവരം ലഭിക്കൂ.

അതേസമയം, സംഭവവുമായി ബന്ധപ്പെട്ട് വെള്ളിയാമറ്റം പഞ്ചായത്തിൽ പ്രവർത്തിക്കുന്ന ഒരു സ്വകാര്യ പ്ലൈവുഡ് കമ്പനിക്ക് പഞ്ചായത്ത് അധികൃതർ സ്റ്റോപ്പ് മെമ്മോ നൽകി.

മലങ്കര ജലാശയത്തിലെ വെള്ളം പമ്പ് ചെയ്താണ് സമീപ പഞ്ചായത്തുകളിൽ കുടിവെള്ള വിതരണം നടത്തുന്നത്. കുളിക്കാനും മറ്റ് ആവശ്യങ്ങൾക്കുമായി ആയിരക്കണക്കിന് ആളുകൾ ആശ്രയിക്കുന്ന ജലാശയവുമാണിത്.

ജലാശയത്തിലേക്ക് മാലിന്യമോ രാസവസ്തുക്കളോ ഒഴുക്കിവിട്ട് ജനങ്ങളുടെ ആരോഗ്യത്തിന് ഭീഷണി സൃഷ്ടിക്കുന്നവർക്കെതിരെ കർശന നടപടി സ്വീകരിക്കണമെന്ന ആവശ്യം ശക്തമാണ്.

ഇന്നലെ വൈകിട്ട് 3.30ഓടെയായിരുന്നു സംഭവം. വൈദ്യുതി ലൈനിൽ വീണ മരക്കൊമ്പ് മാറ്റുന്നതിനായി വൈദ്യുതി ബന്ധം വിച്ഛേദിക്കണമെന്ന് ആവശ്യപ്പെട്ട് കെ.എസ്.ഇ.ബിയിൽ ബന്ധപ്പെട്ടിരുന്നു. ഫ്യൂസ് ഊരിവച്ചശേഷം മരക്കൊമ്പ് മാറ്റാമെന്ന് കെ.എസ്.ഇ.ബി അധികൃതർ അറിയിച്ചതായാണ് വിവരം.

തുടർന്ന് പ്രദേശത്ത് വൈദ്യുതിയില്ലെന്ന് നാട്ടുകാർ കെ.എസ്.ഇ.ബിയെ അറിയിച്ചതിനെ തുടർന്ന് സ്ഥലത്തെത്തിയ ഉദ്യോഗസ്ഥൻ ഊരിവച്ച ഫ്യൂസ് വീണ്ടും ഘടിപ്പിച്ചതോടെയാണ് അപകടമുണ്ടായതെന്നാണ് ആരോപണം.

വൈദ്യുതാഘാതമേറ്റ തങ്കച്ചൻ അരമണിക്കൂറോളം മരത്തിൽ കുടുങ്ങിക്കിടന്നു. തുടർന്ന് കടുത്തുരുത്തിയിൽ നിന്ന് അഗ്നിരക്ഷാസേന സ്ഥലത്തെത്തി സാഹസികമായി ഇയാളെ താഴെയിറക്കി.

അവശനിലയിലായ തങ്കച്ചനെ ഉടൻ തന്നെ ആംബുലൻസിൽ മുട്ടുചിറയിലെ സ്വകാര്യ ആശുപത്രിയിലെത്തിച്ചു. ഗുരുതരമായി പരിക്കേറ്റതിനെ തുടർന്ന് വിദഗ്ധ ചികിത്സയ്ക്കായി കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.

സംഭവത്തിൽ വൈദ്യുതി ബന്ധം വിച്ഛേദിച്ചതുമായി ബന്ധപ്പെട്ട നടപടികളിൽ വീഴ്ചയുണ്ടായോ എന്നതടക്കം പരിശോധിക്കണമെന്ന ആവശ്യവും ഉയർന്നിട്ടുണ്ട്.

എം.ജി റോഡിന് സമീപത്തെ തോട് നിറഞ്ഞുകവിഞ്ഞതോടെ സമീപത്തെ വ്യാപാരസ്ഥാപനങ്ങളിലും വീടുകളിലും വെള്ളം കയറി. കോടിമത പച്ചക്കറി മാർക്കറ്റിന് സമീപവും വെള്ളക്കെട്ട് രൂക്ഷമാണ്. വീടുകളും ആക്രിക്കടകളും ഉൾപ്പെടെ നിരവധി സ്ഥാപനങ്ങൾ വെള്ളത്തിനടിയിലായി.

മലിനജലം നിറഞ്ഞ പ്രദേശങ്ങളിലൂടെ നീന്തിയാണ് പല പ്രദേശവാസികൾക്കും വീടുകളിലേക്കും വ്യാപാരസ്ഥാപനങ്ങളിലേക്കും എത്തിപ്പെടേണ്ടിവരുന്നത്. കൊടൂരാറ്റിൽ നിന്നുള്ള കൈവഴിത്തോടിൽ മാലിന്യങ്ങൾ കെട്ടിക്കിടക്കുന്നതും പകർച്ചവ്യാധി ഭീഷണി ഉയർത്തുന്നുണ്ട്.

കൊടൂരാർ കരകവിഞ്ഞൊഴുകിയതോടെ കോടിമത പച്ചക്കറി മാർക്കറ്റിന്റെ ഒരു ഭാഗവും വെള്ളത്തിലായി. കോടിമത പാലത്തിന് താഴെയുള്ള പ്രദേശങ്ങളും സമീപത്തെ വീടുകളും വ്യാപാരസ്ഥാപനങ്ങളും വെള്ളത്താൽ ചുറ്റപ്പെട്ട നിലയിലാണ്.

⚠️ റോഡിൽ മരത്തടികൾ; ഗതാഗതത്തിനും അപകടഭീഷണി

അതിനിടെ, എം.ജി റോഡിൽ അപകടഭീഷണി ഉയർത്തിയിരുന്ന തണൽമരം മുറിച്ചുമാറ്റിയെങ്കിലും മരത്തടികളും മറ്റ് അവശിഷ്ടങ്ങളും റോഡിൽ നിന്ന് നീക്കം ചെയ്യാത്തത് ഗതാഗതത്തിന് ഭീഷണിയാകുന്നു.

നഗരത്തിലെ താഴ്ന്ന പ്രദേശങ്ങളിൽ വെള്ളക്കെട്ട് തുടരുന്നതിനാൽ വെള്ളം ഒഴുകിപ്പോകുന്നതിനുള്ള അടിയന്തര നടപടി സ്വീകരിക്കണമെന്ന ആവശ്യവും ശക്തമാണ്.

ഒറ്റപ്പെട്ടയിടങ്ങളിൽ ശക്തമായ മഴയ്ക്കും സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. മഴയുടെ അപകടസാധ്യത കണക്കിലെടുത്ത് കേരള തീരത്ത് മത്സ്യബന്ധനത്തിന് കർശന നിയന്ത്രണങ്ങളും ഏർപ്പെടുത്തിയിട്ടുണ്ട്.

കനത്ത മഴ തുടരുന്ന സാഹചര്യത്തിൽ മുൻകരുതൽ നടപടിയുടെ ഭാഗമായി ഓറഞ്ച് അലർട്ട് പ്രഖ്യാപിച്ച എട്ട് ജില്ലകളിലും ഇന്ന് വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചിട്ടുണ്ട്.

⚠️ മലവെള്ളപ്പാച്ചിലിനും മിന്നൽ പ്രളയത്തിനും സാധ്യത

കുറഞ്ഞ സമയത്തിനുള്ളിൽ വലിയ അളവിൽ മഴ ലഭിക്കുന്ന സാഹചര്യം മലവെള്ളപ്പാച്ചിലിനും മിന്നൽ പ്രളയത്തിനും കാരണമാകാം. നഗരപ്രദേശങ്ങളിലും താഴ്ന്ന പ്രദേശങ്ങളിലും വെള്ളക്കെട്ട് രൂപപ്പെടാനും സാധ്യതയുണ്ട്.

തുടർച്ചയായ മഴ മണ്ണിടിച്ചിലിനും ഉരുൾപൊട്ടലിനും കാരണമാകാൻ സാധ്യതയുള്ളതിനാൽ പൊതുജനങ്ങളും സർക്കാർ സംവിധാനങ്ങളും അതീവ ജാഗ്രത പാലിക്കണമെന്ന് അധികൃതർ നിർദേശിച്ചു.

🚨 പൊതുജനങ്ങൾക്ക് ജാഗ്രതാ നിർദേശം

ശക്തമായ മഴ ലഭിക്കുന്ന മലയോര മേഖലകളിൽ മണ്ണിടിച്ചിൽ, ഉരുൾപൊട്ടൽ, മലവെള്ളപ്പാച്ചിൽ എന്നിവയ്ക്ക് സാധ്യതയുള്ള പ്രദേശങ്ങളിൽ താമസിക്കുന്നവർ സുരക്ഷിതമായ സ്ഥലങ്ങളിലേക്ക് മാറിത്താമസിക്കണം.

അപകടസാധ്യതയുള്ളവർ അവസാന നിമിഷം വരെ കാത്തുനിൽക്കാതെ പകൽ സമയത്ത് തന്നെ സുരക്ഷിത സ്ഥാനത്തേക്ക് മാറാൻ തയ്യാറാകണം.

അത്യാവശ്യ സാഹചര്യങ്ങളിൽ അധികൃതരുടെ നിർദേശങ്ങൾ കർശനമായി പാലിക്കുക. അനാവശ്യ യാത്രകൾ ഒഴിവാക്കുക.

വൈക്കം താലൂക്ക് ഓഫീസിൽ എംഎൽഎ കെ. ബിനിമോന്റെ അധ്യക്ഷതയിൽ ജില്ലാ കളക്ടർ, തഹസിൽദാർ, മുനിസിപ്പൽ ചെയർമാൻ എന്നിവരുടെ സാന്നിധ്യത്തിൽ അടിയന്തര യോഗം ചേർന്ന് മഴക്കെടുതി വിലയിരുത്തി. തുടർന്ന് കരിയാർ സ്പിൽവേ സന്ദർശിച്ച ജില്ലാ കളക്ടർ, നീരൊഴുക്ക് സുഗമമാക്കാൻ ആവശ്യമായ നടപടികൾ സ്വീകരിക്കാൻ ജലസേചന വകുപ്പ് ഉദ്യോഗസ്ഥർക്ക് നിർദേശം നൽകി.

വൈക്കം, വല്ലകം, ചെമ്പ്, നക്കംതുരുത്ത്, തോട്ടകം, തലയോലപ്പറമ്പ് എന്നിവിടങ്ങളിലെ ദുരിതാശ്വാസ ക്യാമ്പുകൾ സന്ദർശിച്ച എംഎൽഎയും ജില്ലാ കളക്ടറും ക്യാമ്പുകളുടെ പ്രവർത്തനം വിലയിരുത്തി. ക്യാമ്പുകളിലെ താമസക്കാരുമായി നേരിട്ട് സംസാരിച്ച ജില്ലാ കളക്ടർ അവരുടെ പ്രശ്നങ്ങളും ആവശ്യങ്ങളും കേൾക്കുകയും പരിഹാരത്തിനായി ബന്ധപ്പെട്ട ഉദ്യോഗസ്ഥർക്ക് നിർദേശങ്ങൾ നൽകുകയും ചെയ്തു.

നക്കംതുരുത്ത് ക്യാമ്പിൽ ദുരിതബാധിതർക്കൊപ്പം ജില്ലാ കളക്ടർ ചേതൻ കുമാർ മീണയും എംഎൽഎ കെ. ബിനിമോനും ഉച്ചഭക്ഷണത്തിൽ പങ്കുചേർന്നത് ക്യാമ്പിലുള്ളവർക്ക് ആശ്വാസവും ആത്മവിശ്വാസവും പകർന്നു.

വൈക്കം താലൂക്കിൽ നിലവിൽ 19 ദുരിതാശ്വാസ ക്യാമ്പുകളിലായി 3,351 പേരാണ് കഴിയുന്നത്.

അണക്കെട്ടിലെ കുറഞ്ഞ നീരൊഴുക്ക് കാരണം ഷട്ടർ തുറക്കൽ ഏകദേശം രണ്ട് മാസത്തോളം വൈകിയിരുന്നു. നിലവിൽ ആവശ്യമായ സാഹചര്യങ്ങൾ ഉണ്ടായതിനെ തുടർന്നാണ് ജലം തുറന്നുവിടാൻ തീരുമാനിച്ചത്.

ഷട്ടർ തുറക്കുന്ന ചടങ്ങിൽ തമിഴ്‌നാട് വൈദ്യുതി, മദ്യനിരോധന-എക്സൈസ് വകുപ്പ് മന്ത്രി സി.ടി.ആർ. നിർമൽ കുമാർ പങ്കെടുക്കുമെന്ന് അധികൃതർ അറിയിച്ചു.

കമ്പം താഴ്‌വരയിലെ കർഷകർ ഏറെ പ്രതീക്ഷയോടെ കാത്തിരുന്ന നടപടിയാണ് ഇത്. ഒന്നാംവിള കൃഷിക്ക് ആവശ്യമായ ജലലഭ്യത ഉറപ്പാക്കുന്നതിലൂടെ ആയിരക്കണക്കിന് ഏക്കർ കൃഷിയിടങ്ങൾക്ക് ആശ്വാസമാകുമെന്നാണ് വിലയിരുത്തൽ.

രാഷ്ട്രീയ, സാമൂഹിക, സാംസ്കാരിക രംഗങ്ങളിലെ പ്രമുഖർ ചടങ്ങിൽ പങ്കെടുക്കും. ഉദ്ഘാടനത്തോടനുബന്ധിച്ച് ₹500-ൽ കൂടുതലുള്ള എല്ലാ പർച്ചേസുകൾക്കും സമ്മാനക്കൂപ്പൺ നൽകുന്നതാണ്.

പലചരക്ക് സാധനങ്ങൾ, ഗ്രോസറി ഐറ്റങ്ങൾ, പഴം-പച്ചക്കറികൾ, ലേഡീസ് ഐറ്റങ്ങൾ, ഗിഫ്റ്റ് ഐറ്റങ്ങൾ, സ്റ്റേഷനറി ഉൾപ്പെടെ ദൈനംദിന ആവശ്യങ്ങൾക്കുള്ള വിവിധ ഉൽപ്പന്നങ്ങൾ ഇനി ഒരേ കുടക്കീഴിൽ ESCO MART-ൽ ലഭ്യമാകുമെന്ന് ബാങ്ക് അധികൃതർ അറിയിച്ചു.

ഇന്നത്തെ സാഹചര്യത്തിൽ യുദ്ധത്തിന്റെ ഭീകരത ഓരോരുത്തരുടെയും അടുക്കള വരെ എത്തിനിൽക്കുകയാണെന്നും, അതിനാൽ സമൂഹത്തിൽ സമാധാനത്തിന്റെ സന്ദേശം ശക്തിപ്പെടുത്താൻ വലിയ ജനകീയ യുദ്ധവിരുദ്ധ സംഗമങ്ങൾ അനിവാര്യമാണെന്നും ഉദ്ഘാടന പ്രസംഗത്തിൽ അദ്ദേഹം പറഞ്ഞു.

AIPSO ജില്ലാ പ്രസിഡന്റ് ഡോ. എ. ജോസ് അധ്യക്ഷത വഹിച്ചു. സംസ്ഥാന സെക്രട്ടറി ബൈജു വയലത്ത്, ജില്ലാ സെക്രട്ടറി അഡ്വ. കെ. ആർ. ശ്രീനിവാസൻ, ബി. അശോക്, അഡ്വ. ജിതേഷ് ബാബു, പി. കെ. ആനന്ദകുട്ടൻ, പി. ആർ. ബേബി എന്നിവർ സംസാരിച്ചു.

അയർക്കുന്നം കൊങ്ങാണ്ടൂർ വാലുമ്മേൽക്കുന്നേൽ വീട്ടിൽ ശ്രീദേവി മനോജാണ് (23) മരിച്ചത്. ബൈക്ക് ഓടിച്ചിരുന്ന സഹോദരനെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. 

അയർക്കുന്നത് നിന്നും മണർകാട് കവലയിലേയ്ക്കു വരികയായിരുന്ന ബൈക്ക് കോട്ടയത്ത് നിന്നും പാലായിലേയ്ക്കു പോകുകയായിരുന്ന സ്വകാര്യ ബസിന്റെ അടിയിലേയ്ക്ക് മറിയുകയായിരുന്നു.സംഭവ സ്ഥലത്തു തന്നെ യുവതി മരിച്ചു.മൃതദേഹം ആശുപത്രി മോർച്ചറിയിലേയ്ക്കു മാറ്റി.മണർകാട് പൊലീസ് സ്ഥലത്തെത്തി മേൽനടപടികൾ സ്വീകരിച്ചു.

പുതിയ ഉത്തരവ് പ്രകാരം, പത്താം ക്ലാസിന് ശേഷം രണ്ട് വർഷത്തെ ഐടിഐ (ITI) കോഴ്‌സ് വിജയകരമായി പൂർത്തിയാക്കിയ വിദ്യാർഥികൾക്ക് നാല് വർഷത്തെ റെഗുലർ ബിരുദ കോഴ്‌സുകളുടെ ഒന്നാം വർഷത്തിലേക്ക് നേരിട്ട് പ്രവേശനം ലഭിക്കും.

അതേസമയം, പത്താം ക്ലാസിന് ശേഷം മൂന്ന് വർഷത്തെ പോളിടെക്നിക് ഡിപ്ലോമയോ പ്ലസ് ടുവിന് ശേഷം രണ്ട് വർഷത്തെ ഡിപ്ലോമയോ പൂർത്തിയാക്കിയവർക്ക് ബിരുദ കോഴ്‌സുകളുടെ രണ്ടാം വർഷത്തിലേക്ക് (മൂന്നാം സെമസ്റ്റർ) ലാറ്ററൽ എൻട്രി വഴി പ്രവേശനം നേടാം.

ഇത്തരത്തിൽ പ്രവേശനം നേടുന്ന വിദ്യാർഥികൾ സർവകലാശാലകൾ നിർദേശിക്കുന്ന ഓൺലൈൻ ഭാഷാ പ്രാവീണ്യ കോഴ്‌സ് നിർബന്ധമായും പൂർത്തിയാക്കണം.

2027–28 അധ്യയന വർഷം മുതൽ സംസ്ഥാനത്തെ സർവകലാശാലകളിലും അനുബന്ധ കോളജുകളിലും ഈ പുതിയ പ്രവേശന മാനദണ്ഡം പ്രാബല്യത്തിൽ വരും. വൊക്കേഷണൽ വിദ്യാഭ്യാസം പൂർത്തിയാക്കിയ വിദ്യാർഥികൾക്ക് ഉന്നത വിദ്യാഭ്യാസത്തിലേക്കുള്ള കൂടുതൽ അവസരങ്ങൾ തുറക്കുന്ന തീരുമാനമായാണ് ഇത് വിലയിരുത്തപ്പെടുന്നത്.

സംഭവത്തിന് പിന്നാലെ നാട്ടുകാർ വിവിധ സംശയങ്ങൾ ഉന്നയിക്കുന്നുണ്ട്. കീടനാശിനികളോ മറ്റ് രാസവസ്തുക്കളോ പുഴയിലേക്ക് ഒഴുക്കിവിടുന്നതാകാമെന്ന സംശയമാണ് പ്രദേശവാസികളിൽ ചിലർ പ്രകടിപ്പിക്കുന്നത്. എന്നാൽ, ഇക്കാര്യത്തിൽ ഔദ്യോഗിക സ്ഥിരീകരണമൊന്നും ഉണ്ടായിട്ടില്ല.

സംഭവത്തിൽ ബന്ധപ്പെട്ട സർക്കാർ വകുപ്പുകൾ അടിയന്തരമായി അന്വേഷണം നടത്തി വെള്ളത്തിന്റെ സാമ്പിളുകൾ ശേഖരിച്ച് ശാസ്ത്രീയ പരിശോധന നടത്തണമെന്നും, യഥാർത്ഥ കാരണം കണ്ടെത്തി പൊതുജനങ്ങളെ അറിയിക്കണമെന്നും നാട്ടുകാർ ആവശ്യപ്പെട്ടു. മലിനീകരണമാണ് സംഭവത്തിന് പിന്നിലെന്ന് കണ്ടെത്തുകയാണെങ്കിൽ ഉത്തരവാദികൾക്കെതിരെ കർശന നടപടി സ്വീകരിക്കണമെന്നും പ്രദേശവാസികൾ ആവശ്യപ്പെടുന്നു.

ബൈക്ക് ഓടിച്ചിരുന്ന ശ്രീദേവിയുടെ സഹോദരന് ഗുരുതരമായി പരിക്കേറ്റതിനെ തുടർന്ന് ആശുപത്രിയിൽ പ്രവേശിപ്പിച്ചു.

അയർക്കുന്നത്ത് നിന്ന് മണർകാട് കവലയിലേക്ക് വരികയായിരുന്ന ബൈക്ക്, കോട്ടയത്ത് നിന്ന് പാലായിലേക്ക് പോവുകയായിരുന്ന സ്വകാര്യ ബസിന്റെ അടിയിലേക്ക് മറിയുകയായിരുന്നുവെന്നാണ് പ്രാഥമിക വിവരം.

അപകടത്തിൽ ശ്രീദേവി സംഭവസ്ഥലത്ത് തന്നെ മരിച്ചു. മൃതദേഹം ആശുപത്രി മോർച്ചറിയിലേക്ക് മാറ്റി.മണർകാട് പൊലീസ് സ്ഥലത്തെത്തി മേൽനടപടികൾ സ്വീകരിച്ചുവരികയാണ്.

ഇടുക്കി ജില്ലയിൽ നിലവിലുള്ള എംവിഡി നിയന്ത്രണപ്രകാരം രാവിലെ 8.30 മുതൽ 10.00 വരെയും വൈകിട്ട് 4.00 മുതൽ 5.00 വരെയും സ്കൂൾ മേഖലകളിലും പ്രധാന റോഡുകളിലും ടിപ്പർ ലോറികളുടെ സർവീസ് നിയന്ത്രിച്ചിട്ടുള്ളതാണ്. സംസ്ഥാനതലത്തിൽ പൊതുവെ രാവിലെ 8 മുതൽ 10 വരെയും വൈകിട്ട് 3 മുതൽ 5.30 വരെയും നിയന്ത്രണമുള്ളതിനൊപ്പം, പ്രാദേശിക സാഹചര്യം അനുസരിച്ച് ജില്ലാ ഭരണകൂടങ്ങൾക്ക് സമയത്തിൽ മാറ്റം വരുത്താനും അധികാരമുണ്ട്. ഈ നിയന്ത്രണങ്ങൾ വിദ്യാർത്ഥികളുടെ സുരക്ഷ ഉറപ്പാക്കാനാണ് നിലവിൽ വന്നത്.

എന്നാൽ യാഥാർത്ഥ്യത്തിൽ പല സ്ഥലങ്ങളിലും ഈ നിർദേശങ്ങൾ കാറ്റിൽ പറത്തപ്പെടുകയാണെന്നാണ് നാട്ടുകാരുടെ ആരോപണം. സ്കൂൾ ബസുകളും ഓട്ടോറിക്ഷകളും സൈക്കിളുകളിലും നടന്നു പോകുന്ന കുട്ടികളും റോഡ് മുറിച്ചുകടക്കുന്ന സമയത്ത് അമിതവേഗത്തിൽ എത്തുന്ന ടിപ്പറുകൾ വലിയ അപകടഭീഷണിയാണ് ഉയർത്തുന്നതെന്ന് പ്രദേശവാസികൾ പറയുന്നു.

നിയമപ്രകാരം നിരോധന സമയത്ത് ഭാരവാഹനങ്ങൾ പ്രധാന റോഡുകളിൽ നിന്ന് മാറ്റി സുരക്ഷിതമായി പാർക്ക് ചെയ്യണം. സ്കൂൾ പരിസരങ്ങളിൽ വേഗത കുറയ്ക്കണം. മണൽ, മെറ്റൽ, മണ്ണ് തുടങ്ങിയവ കയറ്റുന്ന വാഹനങ്ങൾ ചരക്ക് പൂർണമായും മൂടിയിരിക്കണം. സ്കൂൾ ഗേറ്റുകൾക്ക് മുന്നിൽ പാർക്കിംഗും അനുവദനീയമല്ല. എന്നാൽ പല സ്ഥലങ്ങളിലും ഈ നിർദേശങ്ങൾ പാലിക്കപ്പെടുന്നില്ലെന്ന പരാതിയും ശക്തമാണ്.

ഇടുക്കിയിൽ ഭാരവാഹനങ്ങളുമായി ബന്ധപ്പെട്ട അപകടങ്ങൾ തുടർച്ചയായി റിപ്പോർട്ട് ചെയ്യപ്പെടുന്ന സാഹചര്യവും ആശങ്ക വർധിപ്പിക്കുന്നുണ്ട്. ഈ വർഷം ഫെബ്രുവരിയിൽ അടിമാലിക്ക് സമീപം അമിതവേഗത്തിലെത്തിയ ടിപ്പർ സ്കൂട്ടറിലിടിച്ച് ഒരാൾ മരിച്ചിരുന്നു. മാർച്ചിൽ നിയന്ത്രണം വിട്ട ലോറി കാറിലിടിച്ച് മറിഞ്ഞ് അഞ്ചുപേർക്ക് പരിക്കേറ്റ സംഭവവും റിപ്പോർട്ട് ചെയ്യപ്പെട്ടു. കൂടാതെ സ്കൂൾ വാഹനങ്ങളുമായി ബന്ധപ്പെട്ട അപകടങ്ങളും ജില്ലയിൽ അടുത്തിടെ ഉണ്ടായിട്ടുണ്ട്.

"കൺമുന്നിൽ മറ്റൊരു അപകടം ഉണ്ടാകുന്നതിന് മുമ്പ് നടപടി വേണം" എന്നാണ് നാട്ടുകാരുടെ ആവശ്യം. സ്കൂൾ വിദ്യാർത്ഥികൾ റോഡിലൂടെ കടന്നുപോകുന്ന സമയങ്ങളിൽ മോട്ടോർ വാഹന വകുപ്പും പൊലീസും സംയുക്തമായി പ്രത്യേക പരിശോധനയും നിരീക്ഷണവും ശക്തമാക്കണം. നിയമലംഘനം നടത്തുന്ന ടിപ്പർ ലോറികൾക്കെതിരെ കർശന നടപടി സ്വീകരിക്കുകയും, സ്കൂൾ മേഖലകളിൽ സ്ഥിരം പരിശോധന ഉറപ്പാക്കുകയും വേണമെന്നാണ് പ്രദേശവാസികളുടെ ആവശ്യം.

ഒരു ദുരന്തം സംഭവിച്ച ശേഷം പരിശോധനകൾ കർശനമാക്കുന്ന പതിവിന് പകരം, അപകടങ്ങൾ ഒഴിവാക്കാൻ മുൻകരുതൽ നടപടികളാണ് സർക്കാർ സ്വീകരിക്കേണ്ടതെന്ന് നാട്ടുകാർ ചൂണ്ടിക്കാട്ടുന്നു. "കൺമുന്നിൽ മറ്റൊരു അപകടം ഉണ്ടാകുന്നതിന് മുമ്പ് ആവശ്യമായ നടപടികൾ സ്വീകരിക്കണം" എന്നതാണ് ഇപ്പോൾ ഇടുക്കിയിലെ പൊതുവായ ആവശ്യം.

മീനച്ചിലാറിന് കുറുകെ ഇളപ്പുങ്കലിനെയും കാരക്കാടിനെയും ബന്ധിപ്പിക്കുന്ന 35 വർഷം പഴക്കമുള്ള നടപ്പാലമാണ് തകർന്നത്. സ്കൂൾ വിദ്യാർഥികൾ ഉൾപ്പെടെ നൂറുകണക്കിന് ആളുകളുടെ ദൈനംദിന യാത്രയ്ക്ക് ആശ്രയമായിരുന്ന പാലം ഹൈവേയിലേക്കുള്ള എളുപ്പവഴി കൂടിയായിരുന്നു.

പ്രളയജലത്തിൽ ഒഴുകിയെത്തിയ മരങ്ങളും വലിയ അവശിഷ്ടങ്ങളും പാലത്തിൽ ഇടിച്ചതിനെ തുടർന്നാണ് പാലം തകർന്നതെന്നാണ് പ്രാഥമിക വിലയിരുത്തൽ. 2021ലെ പ്രളയത്തിൽ പാലത്തിന്റെ മധ്യഭാഗം ഒഴുകിപ്പോയിരുന്നു. നാലുവർഷത്തെ കാത്തിരിപ്പിനൊടുവിൽ പുനർനിർമിച്ച അതേ ഭാഗമാണ് ഇത്തവണയും തകർന്നത്.

നടപ്പാലം തകർന്നതോടെ ഇളപ്പുങ്കലിലെയും കാരക്കാടിലെയും നിവാസികൾക്ക് മറുകരയിലെത്താൻ ഈരാറ്റുപേട്ട ടൗൺ വഴി ഏകദേശം ഏഴ് കിലോമീറ്റർ അധികദൂരം സഞ്ചരിക്കേണ്ട സാഹചര്യമാണുള്ളത്.

നടപ്പാലത്തിന് പകരം വാഹനങ്ങൾക്കും കടന്നുപോകാൻ കഴിയുന്ന സ്ഥിരം പാലം നിർമിക്കണമെന്ന ആവശ്യം വർഷങ്ങളായി ഉയരുന്നുണ്ട്. ഇതിനായി 10 കോടി രൂപയുടെ പദ്ധതിക്ക് അംഗീകാരം ലഭിക്കുകയും മണ്ണ് പരിശോധന ഉൾപ്പെടെയുള്ള പ്രാഥമിക നടപടികൾ പൂർത്തിയാകുകയും ചെയ്തിരുന്നെങ്കിലും പദ്ധതി യാഥാർഥ്യമായില്ല.

ഇനി താൽക്കാലിക നടപ്പാലം പുനർനിർമിക്കുന്നതിന് പകരം ഇരുകരകളെയും ബന്ധിപ്പിക്കുന്ന സ്ഥിരം വാഹനപാലം ഉടൻ നിർമിക്കണമെന്നാണ് പ്രദേശവാസികളുടെ ശക്തമായ ആവശ്യം. പ്രളയനാശത്തിന്റെ പശ്ചാത്തലത്തിൽ ശാശ്വത പരിഹാരത്തിനായുള്ള ആവശ്യവും വീണ്ടും ശക്തമായിരിക്കുകയാണ്.

കടുത്തുരുത്തി മറ്റത്തിൽ ശ്രേയസിന്റെ ബൈക്ക് മോഷണം പോയ കേസിലെ അന്വേഷണത്തിനൊടുവിലാണ് ഇരുവരും പിടിയിലായത്.

കടുത്തുരുത്തി SHO ഡി. രജീഷ് കുമാറിന്റെയും എസ്.ഐ. ശരണ്യയുടെയും നേതൃത്വത്തിൽ നടത്തിയ അന്വേഷണത്തിലാണ് പ്രതികളെ അറസ്റ്റ് ചെയ്തത്.

മോഷ്ടിച്ച ബൈക്കുകൾ പൊളിച്ച് സ്പെയർ പാർട്സുകളാക്കി വിറ്റ് ലഭിച്ച പണം ആഡംബര ജീവിതത്തിനായി ഉപയോഗിച്ചിരുന്നതായി പോലീസ് അറിയിച്ചു. പ്രതികൾ സ്ഥിരമായി ബൈക്കുകൾ വിൽപ്പന നടത്തിയിരുന്ന കട പോലീസ് കണ്ടെത്തിയെങ്കിലും മോഷ്ടിച്ച ബൈക്ക് ഇതുവരെ കണ്ടെത്താനായിട്ടില്ല.

പ്രതികളെ കോടതിയിൽ ഹാജരാക്കി റിമാൻഡ് ചെയ്തു.

ബസ് ലഭിക്കാത്ത സമയങ്ങളിലും അവസാന മൈൽ യാത്രകൾക്കും കുറഞ്ഞ ചെലവിൽ ലക്ഷ്യസ്ഥാനത്ത് എത്താമെന്നതാണ് യാത്രക്കാർ ചൂണ്ടിക്കാട്ടുന്ന പ്രധാന നേട്ടം. പ്രത്യേകിച്ച് വിദ്യാർഥികൾക്കും ദിവസേന യാത്ര ചെയ്യുന്ന ജീവനക്കാർക്കും തിരക്കേറിയ നഗരങ്ങളിൽ സമയം ലാഭിക്കാനും യാത്രാച്ചെലവ് കുറയ്ക്കാനും ഈ സേവനം സഹായിക്കുമെന്നാണ് വിലയിരുത്തൽ.

എന്നാൽ മറുവശത്ത് പരമ്പരാഗത ഓട്ടോറിക്ഷ, ടാക്സി മേഖലകളിൽ നിന്ന് ആശങ്കകളും ഉയരുന്നുണ്ട്. പുതിയ സേവനം അവരുടെ വരുമാനത്തെ ബാധിക്കുമോ എന്ന ചോദ്യവും ശക്തമാണ്. സുരക്ഷാ മാനദണ്ഡങ്ങൾ, ഇൻഷുറൻസ് പരിരക്ഷ, യാത്രക്കാരുടെ സുരക്ഷ, ഡ്രൈവർമാരുടെ രജിസ്ട്രേഷൻ എന്നിവയും പ്രധാന ചർച്ചാവിഷയങ്ങളായി മാറിയിരിക്കുകയാണ്.

വില തുച്ഛം... ഗുണം മിച്ചമോ?

അല്ലെങ്കിൽ പുതിയ സേവനം... പുതിയ വെല്ലുവിളികളോ?

ടൂവീലർ ടാക്സി കേരളത്തിലെ യാത്രാ സംസ്കാരത്തിൽ വലിയ മാറ്റത്തിന് വഴിയൊരുക്കുമോ എന്നത് വരും ദിവസങ്ങളിലെ അനുഭവങ്ങൾ വ്യക്തമാക്കും.

പരിപാടിയുടെ ഭാഗമായി പരിസ്ഥിതി സംരക്ഷണ സന്ദേശങ്ങൾ ഉൾക്കൊള്ളുന്ന ബോധവത്കരണ പോസ്റ്റർ പ്രകാശനം ചെയ്തു. വിദ്യാർഥികളുടെ പങ്കാളിത്തത്തോടെ ദേശീയതല ഓൺലൈൻ ക്വിസ് മത്സരവും സംഘടിപ്പിച്ചു.

തുടർന്ന് വിദ്യാർഥികളുടെയും അധ്യാപകരുടെയും നേതൃത്വത്തിൽ കോളജ് ക്യാമ്പസിൽ വൃക്ഷത്തൈകൾ നട്ടുപിടിപ്പിച്ചു. പരിസ്ഥിതി സംരക്ഷണത്തിന്റെ പ്രാധാന്യം വിദ്യാർഥികളിൽ കൂടുതൽ വളർത്തുന്നതിനുള്ള വിവിധ പ്രവർത്തനങ്ങൾ വരും ദിവസങ്ങളിലും സംഘടിപ്പിക്കുമെന്ന് കോളജ് അധികൃതർ അറിയിച്ചു.

തിരുഹൃദയ കോളജ് ഓഫ് നഴ്സിംഗ് പ്രിൻസിപ്പൽ, പ്രകൃതിസൗഹൃദ പ്രവർത്തനങ്ങൾ കൂടുതൽ വിപുലമായി തുടരുമെന്ന് വ്യക്തമാക്കി..

ജലന്തർ സ്വദേശിയായ ജീപ്പ് ഡ്രൈവർ വേങ്ങക്കുന്നേൽ സജിമോന് ഇന്നലെ വൈകിട്ട് 4.30ഓടെയാണ് കവറിൽ മടക്കിവെച്ച നിലയിൽ വഴിയിൽ നിന്ന് സ്വർണമാല ലഭിച്ചത്. മാല സ്വന്തമായി കൈവശം വയ്ക്കാതെ അദ്ദേഹം ഉടൻ തന്നെ കാഞ്ഞാർ പൊലീസ് സ്റ്റേഷനിൽ ഏൽപ്പിക്കുകയായിരുന്നു.

തുടർന്ന് പ്രാദേശിക വാട്സ്ആപ്പ് ഗ്രൂപ്പുകളിലൂടെ സ്വർണമാല പൊലീസ് സ്റ്റേഷനിൽ എത്തിച്ച വിവരം പ്രചരിപ്പിച്ചു. വിവരം അറിഞ്ഞ് മണപ്പാടി സ്വദേശിനി വാളംപറമ്പിൽ സന്ധ്യ ബിജു പൊലീസ് സ്റ്റേഷനിലെത്തി മാല തിരിച്ചറിഞ്ഞു.

ആവശ്യമായ നടപടികൾ പൂർത്തിയാക്കിയ ശേഷം കാഞ്ഞാർ പൊലീസിന്റെ സാന്നിധ്യത്തിൽ സജിമോൻ സ്വർണമാല ഉടമയ്ക്ക് കൈമാറി. സത്യസന്ധതയുടെ മാതൃകയായ സജിമോന്റെ പ്രവർത്തിയെ നാട്ടുകാർ അഭിനന്ദിച്ചു.

ഇന്നലെ വൈകിട്ട് 5.45ഓടെയാണ് കട്ടപ്പന ഗവ. കോളേജ് റോഡിൽ സംഭവം നടന്നത്. വൈദ്യുതി കമ്പി ബൈക്കിന് മുകളിലേക്ക് വീണതോടെ ബൈക്ക് നിയന്ത്രണം നഷ്ടമായി മറിഞ്ഞു.

സംഭവം ശ്രദ്ധയിൽപ്പെട്ട ഉടൻ കെ.എസ്.ഇ.ബി ഓഫീസിൽ വിവരം അറിയിച്ചതിനെ തുടർന്ന് അധികൃതർ ഈ റൂട്ടിലെ വൈദ്യുതി വിതരണം അടിയന്തരമായി വിച്ഛേദിച്ചു. തുടർന്ന് കെ.എസ്.ഇ.ബി ജീവനക്കാർ സ്ഥലത്തെത്തി ബൈക്കിൽ ചുറ്റിക്കിടന്ന വൈദ്യുതി കമ്പി സുരക്ഷിതമായി നീക്കം ചെയ്തു.വലിയ ദുരന്തമാണ് തലനാരിഴയ്ക്ക് ഒഴിവായത്.

കൊളുന്തെടുക്കാനെത്തുന്ന തൊഴിലാളികൾക്കിടയിലേക്ക് പെട്ടെന്നാണ് കാട്ടാനക്കൂട്ടം എത്തുന്നത്. ഇതോടെ തൊഴിലാളികൾ ഉൾപ്പെടെയുള്ളവർ ജീവനും കൊണ്ടാണ് ഓടി രക്ഷപ്പെടുന്നത്. വിവരമറിഞ്ഞെത്തിയ റാപ്പിഡ് റെസ്പോൺസ് ടീം (RRT) ഉദ്യോഗസ്ഥർ ആനകളെ ഉൾവനത്തിലേക്ക് തിരിച്ചയക്കാൻ ശ്രമിച്ചെങ്കിലും ഫലമുണ്ടായില്ല. വനത്തിലേക്ക് മടങ്ങാതെ ജനവാസ മേഖലയിലാണ് ആനക്കൂട്ടം തുടരുന്നത്.

പ്രകൃതിക്ഷോഭവും കനത്ത മഴയും മൂലം ദുരിതമനുഭവിക്കുന്ന മേഖലയിലെ ജനങ്ങൾക്ക് വന്യമൃഗ ശല്യം കൂടി വലിയ പ്രതിസന്ധിയായി മാറിയിരിക്കുകയാണ്. മഴയിൽ കൃഷിനാശം നേരിടുന്നതിനിടെയാണ് കാട്ടാന ആക്രമണവും കർഷകർക്ക് തിരിച്ചടിയായിരിക്കുന്നത്.

രാജമുടി ജനവാസ മേഖലയിലെത്തിയ മൂന്ന് കാട്ടാനകൾ നാല് ഏക്കറോളം സ്ഥലത്തെ ഏലം കൃഷി പൂർണമായും നശിപ്പിച്ചു. രാജമുടി പുതുവലിൽ താമസിക്കുന്ന നിരവധി കർഷകരുടെ ഏലം, വാഴ കൃഷികൾക്കും വ്യാപക നാശനഷ്ടമുണ്ടായി. കൃഷിയിടങ്ങളിലെ കയ്യാലകൾ ചവിട്ടിപ്പൊളിക്കുകയും ചെയ്തതായി നാട്ടുകാർ അറിയിച്ചു.

കാട്ടാന ശല്യത്തിന് ശാശ്വത പരിഹാരം കാണാൻ അടിയന്തര നടപടി സ്വീകരിക്കണമെന്ന് പ്രദേശവാസികളും കർഷകരും ആവശ്യപ്പെട്ടു.

കഴിഞ്ഞ സർക്കാർ കാലത്ത് ഏറെ പ്രചാരണം നൽകി ഉദ്ഘാടനം ചെയ്ത മലയോര ഹൈവേയുടെ നിർമ്മാണഘട്ടം മുതൽ തന്നെ അശാസ്ത്രീയതകൾ ചൂണ്ടിക്കാട്ടപ്പെട്ടിരുന്നുവെന്നാണ് ആക്ഷേപം. റോഡ് വീതി കൂട്ടുന്നതിനായി പല ഭാഗങ്ങളിലും ചെങ്കുത്തായി മണ്ണെടുത്തെങ്കിലും ആവശ്യമായ സംരക്ഷണ ഭിത്തികൾ നിർമ്മിക്കാത്തതാണ് ഇപ്പോഴുണ്ടായ മണ്ണിടിച്ചിലുകൾക്ക് പ്രധാന കാരണമെന്ന് ആരോപണമുണ്ട്.

ഏലപ്പാറ, ചിന്നാർ, കരിന്തിരി, ലബ്ബക്കട എന്നിവിടങ്ങളിൽ വലിയ തോതിൽ മണ്ണ് റോഡിലേക്ക് പതിച്ചതോടെ ഗതാഗതം തടസ്സപ്പെടുകയും വാഹനയാത്രികർ തലനാരിഴയ്ക്ക് ദുരന്തത്തിൽ നിന്ന് രക്ഷപ്പെടുകയും ചെയ്തു.

മലയോര മേഖലയിലെ കുത്തിറക്കങ്ങളും മലഞ്ചെരിവുകളും പരിഗണിച്ച് ആവശ്യമായ രീതിയിൽ ഓടകൾ നിർമ്മിക്കാത്തതിനാൽ മഴവെള്ളം റോഡിലൂടെ തന്നെ ഒഴുകുകയാണ്. ഇതുമൂലം ചില ഭാഗങ്ങളിൽ ടാറിങ് ഇളകുകയും റോഡിന്റെ ഉപരിതലം കേടുപാടുകൾ സംഭവിക്കുകയും ചെയ്തിട്ടുണ്ട്.

കെ. ചപ്പാത്ത് ഉൾപ്പെടെയുള്ള പ്രദേശങ്ങളിൽ ഓട നിർമ്മാണം പൂർത്തിയാക്കാതെയും ചില ഭാഗങ്ങളിൽ റോഡ് വീതി കൂട്ടൽ പാതിവഴിയിൽ ഉപേക്ഷിച്ചുമാണ് കരാറുകാർ നിർമ്മാണം അവസാനിപ്പിച്ചതെന്ന പരാതിയുണ്ട്. നരിയംപാറയ്ക്ക് സമീപം നിർമ്മിച്ച ഐറിഷ് ഓടകൾ പോലും ഇതിനകം ഇളകിത്തുടങ്ങിയതും നിർമ്മാണ നിലവാരത്തെക്കുറിച്ചുള്ള ആശങ്ക വർധിപ്പിക്കുകയാണ്.

മലയോര ഹൈവേയിലെ പ്രശ്നങ്ങൾ അടിയന്തരമായി പരിഹരിച്ച് സുരക്ഷ ഉറപ്പാക്കണമെന്ന ആവശ്യമാണ് പ്രദേശവാസികളും യാത്രക്കാരും ഉയർത്തുന്നത്.

ശാഖാ ഓഡിറ്റോറിയത്തിൽ നടന്ന യോഗത്തിൽ യൂണിയൻ സെക്രട്ടറി സുരേഷ് കോട്ടയ്ക്കകത്ത് അധ്യക്ഷത വഹിച്ചു. യൂണിയൻ പ്രസിഡന്റ് പി. രാജൻ ഉദ്ഘാടനം ചെയ്തു.

2025-ലെ വരവ്-ചെലവ് കണക്ക്, ബാലൻസ് ഷീറ്റ്, പ്രവർത്തന റിപ്പോർട്ട്, ബജറ്റ് എന്നിവ ശാഖാ സെക്രട്ടറി രവി മുല്ലശ്ശേരി അവതരിപ്പിച്ചു.

തുടർന്ന് നടന്ന ഭരണസമിതി തിരഞ്ഞെടുപ്പിൽ ദാമോദരൻ പുന്നായ്ക്കൽ പ്രസിഡന്റായും ശശി മുകുളേൽ വൈസ് പ്രസിഡന്റായും രവി മുല്ലശ്ശേരി സെക്രട്ടറിയായും തിരഞ്ഞെടുക്കപ്പെട്ടു. സന്തോഷ് പാലയ്ക്കൽ യൂണിയൻ കമ്മിറ്റി അംഗമായും വി.ജി. സോമൻ, സോമരാജൻ, ദിലീപ് കോക്കാട്ട്, മോഹനൻ ഇരുവായിക്കൽ, അരുണ്‍ കെ. രാജ്, സുമേഷ്, ജിനു തങ്കച്ചൻ കിഴക്കേടത്ത്, ഗീത ഉണ്ണി, സുശീല രവി എന്നിവർ കമ്മിറ്റി അംഗങ്ങളായും തിരഞ്ഞെടുക്കപ്പെട്ടു.

ശാഖാ പ്രസിഡന്റ് ദാമോദരൻ പുന്നായ്ക്കൽ സ്വാഗതവും വൈസ് പ്രസിഡന്റ് ശശി മുകുളേൽ നന്ദിയും രേഖപ്പെടുത്തി.

കെട്ടിടത്തിൽ ബാബു അഞ്ചാനി, അനിൽ ചെമ്പൻപുരിയിടം, ശശിധരൻ എന്നിവരുടെ പലചരക്ക് കടകളും ഒരു മിനി കോഫി ഷോപ്പുമാണ് പ്രവർത്തിച്ചിരുന്നത്. ഇന്നലെ രാവിലെ 10.30ഓടെയായിരുന്നു സംഭവം.

മേൽക്കൂര തകർന്നു വീഴുന്ന ശബ്ദം കേട്ട് കടയിലുണ്ടായിരുന്ന ഉടമകളും മറ്റുള്ളവരും ഉടൻ പുറത്തേക്ക് ഓടിയതിനാൽ വലിയ ദുരന്തം ഒഴിവായി. സംഭവത്തിൽ ആർക്കും പരിക്കേറ്റിട്ടില്ല.

കെട്ടിടത്തിന് മുന്നിൽ പാർക്ക് ചെയ്തിരുന്ന ഒരു കാറിനും കേടുപാടുകൾ സംഭവിച്ചു. കനത്ത മഴയെ തുടർന്ന് വെള്ളം കയറിയതിനാൽ വ്യാപാരസ്ഥാപനങ്ങളിലുണ്ടായിരുന്ന സാധനങ്ങൾക്കും നാശനഷ്ടമുണ്ടായി.

സംഭവശേഷം നാട്ടുകാരുടെയും കടയുടമകളുടെയും നേതൃത്വത്തിൽ കടകളിലുണ്ടായിരുന്ന സാധനങ്ങൾ സുരക്ഷിതമായി മറ്റൊരു സ്ഥലത്തേക്ക് മാറ്റി. ശക്തമായ മഴയുടെ പശ്ചാത്തലത്തിൽ പഴക്കമേറിയ കെട്ടിടങ്ങളുടെ സുരക്ഷ ഉറപ്പാക്കണമെന്ന് നാട്ടുകാർ ആവശ്യപ്പെട്ടു.

റെഡ് അലർട്ടിന്റെ പശ്ചാത്തലത്തിൽ ഇന്ന് (ഓഗസ്റ്റ് 7) കോട്ടയം ജില്ലയിലെ വിദ്യാഭ്യാസ സ്ഥാപനങ്ങൾക്ക് ജില്ലാ ഭരണകൂടം അവധി പ്രഖ്യാപിച്ചിട്ടുണ്ട്.

മഴയുടെ തീവ്രത കുറയാത്ത സാഹചര്യത്തിൽ താഴ്ന്ന പ്രദേശങ്ങളിൽ വെള്ളക്കെട്ടിനും പെട്ടെന്നുള്ള ജലനിരപ്പ് ഉയരാനുമുള്ള സാധ്യത കണക്കിലെടുത്ത് ജനങ്ങൾ ജാഗ്രത പാലിക്കണമെന്ന് അധികൃതർ നിർദേശിച്ചു.

വെള്ളം പെട്ടെന്ന് ഉയർന്നാൽ റോഡ് ഗതാഗതം തടസ്സപ്പെടുമോയെന്ന ആശങ്കയും നിലനിൽക്കുന്നു. ജോലിക്കായി വീടുവിട്ട് പോയവർ സുരക്ഷിതമായി മടങ്ങിയെത്തുമോയെന്ന ആശങ്കയിൽ നിരവധി കുടുംബങ്ങൾ കാത്തിരിക്കുകയാണ്. അനാവശ്യ യാത്രകൾ ഒഴിവാക്കാനും ഔദ്യോഗിക മുന്നറിയിപ്പുകൾ കർശനമായി പാലിക്കാനും പൊതുജനങ്ങളോട് അഭ്യർഥിച്ചിട്ടുണ്ട്.

മാർ സ്ലീവാ മെഡിസിറ്റി അസോസിയേറ്റ് ഡയറക്ടർ റവ. ഫാ. മാത്യു തുരുത്തിപള്ളിൽ, കമ്മ്യൂണിറ്റി മെഡിസിൻ വിഭാഗം മേധാവി ഡോ. കെലീറ്റ ജോർജ്, അസിസ്റ്റന്റ് മാനേജർ അനീഷ് ആനിക്കാട് എന്നിവർ പ്രവർത്തനങ്ങൾക്ക് നേതൃത്വം നൽകി.

കഴിഞ്ഞ മൂന്ന് ദിവസങ്ങളായി വിവിധ പ്രളയ ദുരിതാശ്വാസ ക്യാമ്പുകളിൽ മാതൃകാപരമായ സേവനമാണ് മാർ സ്ലീവാ മെഡിസിറ്റിയുടെ മെഡിക്കൽ സംഘം കാഴ്ചവെച്ചുകൊണ്ടിരിക്കുന്നത്.

പുന്നത്തുറ ക്യാമ്പിന്റെ പ്രവർത്തനങ്ങൾക്ക് അയർക്കുന്നം പഞ്ചായത്ത് പ്രസിഡന്റ് ശ്രീമതി ഗീതാ രാധാകൃഷ്ണൻ, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജിജി നാഗമറ്റം, ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി ആലിസ് രാജു എന്നിവർ നേതൃത്വം നൽകി.

ഇതേ തുടർന്ന് ഭൂരിഭാഗം അംഗങ്ങളും ഓണക്കിറ്റ് സ്വീകരിക്കാൻ തയ്യാറായില്ലെന്നാണ് വിവരം. രമേഷ് പിഷാരടിയുടെ നേതൃത്വത്തിലുള്ള കമ്മിറ്റിക്ക് തുടരാനാകില്ലെന്ന് മാത്രമാണ് കോടതി ഉത്തരവെന്നും നിലവിൽ രാജിവെച്ച കമ്മിറ്റി സംഘടനയുടെ പേരിൽ പ്രവർത്തിക്കുന്നത് ശരിയല്ലെന്നുമാണ് വിമർശകരുടെ നിലപാട്.

അതേസമയം, സംഘടനയുടെ പ്രവർത്തനങ്ങൾ വീണ്ടും സജീവമാക്കാനുള്ള ശ്രമങ്ങളുമായി ശ്വേതാ മേനോൻ നേതൃത്വം നൽകുന്ന കമ്മിറ്റി മുന്നോട്ടുപോകുന്നതിനിടെയാണ് ഓണക്കിറ്റ് വിതരണവുമായി ബന്ധപ്പെട്ട വിവാദം കൂടുതൽ ശക്തമായിരിക്കുന്നത്.

പദ്ധതിയുടെ ഭാഗമായി സ്റ്റേഷൻ ഹൗസ് ഓഫീസർ (SHO) സംവിധാനത്തിൽ നിർണായക മാറ്റം വരുത്തും. സംസ്ഥാനത്തെ 484 ലോ ആൻഡ് ഓർഡർ പൊലീസ് സ്റ്റേഷനുകളിൽ 419 സ്റ്റേഷനുകളുടെയും ചുമതല സബ് ഇൻസ്പെക്ടർമാർക്ക് (SI) കൈമാറും. കൂടുതൽ കേസുകളും ക്രമസമാധാന പ്രാധാന്യവുമുള്ള 64 സ്റ്റേഷനുകളിൽ മാത്രം സർക്കിൾ ഇൻസ്പെക്ടർമാർ (CI) എസ്.എച്ച്.ഒമാരായി തുടരും. മുല്ലപ്പെരിയാർ പൊലീസ് സ്റ്റേഷന്റെ ചുമതല ഡിവൈഎസ്പി റാങ്കിലുള്ള ഉദ്യോഗസ്ഥനാകും വഹിക്കുക.

ഇൻസ്പെക്ടർമാർ സ്റ്റേഷൻ ചുമതലയിൽ നിന്ന് മാറുന്നതോടെ മേൽനോട്ടത്തിനായി സംസ്ഥാനത്ത് 200 പുതിയ പൊലീസ് സർക്കിളുകൾ രൂപീകരിക്കും. സ്റ്റേഷനുകളുടെ പ്രവർത്തനം കൂടുതൽ ഫലപ്രദമാക്കുക എന്ന ലക്ഷ്യത്തോടെയാണ് ഈ നടപടി.

ഓഗസ്റ്റ് 15-നകം എല്ലാ പൊലീസ് സ്റ്റേഷനുകളും ഏകീകൃത നിറത്തിൽ പെയിന്റ് ചെയ്ത് നവീകരിക്കും. സ്റ്റേഷൻ പരിസരങ്ങളിലെ കാടുപിടിച്ച സ്ഥലങ്ങളും തുരുമ്പിച്ച തൊണ്ടി വാഹനങ്ങളും നീക്കം ചെയ്ത് ശുചീകരണവും പൂർത്തിയാക്കും.

പൊലീസിനെതിരായ പൊതുജന പരാതികൾ പരിഹരിക്കാൻ പ്രത്യേക സംവിധാനം ഒരുക്കും. നിലവിലുള്ള ജനമൈത്രി സുരക്ഷാ പദ്ധതി കൂടുതൽ കാര്യക്ഷമമായി പരിഷ്‌കരിക്കുകയും റേഞ്ച് ഡി.ഐ.ജിമാരുടെ നേതൃത്വത്തിൽ എല്ലാ മാസവും പൊതുജനങ്ങളുടെ ഫീഡ്‌ബാക്ക് ശേഖരിച്ച് ആവശ്യമായ തിരുത്തലുകൾ നടപ്പാക്കുകയും ചെയ്യും.

സി.ഐ., ഡിവൈഎസ്പി റാങ്കിലുള്ള ഉദ്യോഗസ്ഥർക്ക് പൊതുജനങ്ങളുമായുള്ള ആശയവിനിമയം, കീഴുദ്യോഗസ്ഥരുടെ കാര്യക്ഷമമായ മേൽനോട്ടം, സൈബർ കുറ്റകൃത്യങ്ങൾ നേരിടൽ എന്നിവയിൽ പ്രത്യേക പരിശീലനവും നൽകും.

പദ്ധതിയുടെ ഏകോപന ചുമതല എ.ഡി.ജി.പി (ക്രമസമാധാനം) വഹിക്കും. സംസ്ഥാന പൊലീസ് മേധാവി എല്ലാ മാസവും പദ്ധതിയുടെ പുരോഗതി റിപ്പോർട്ട് സർക്കാരിന് സമർപ്പിക്കുമെന്നും ആഭ്യന്തരമന്ത്രി അറിയിച്ചു.

ജനങ്ങൾക്ക് കൂടുതൽ വേഗത്തിലും കാര്യക്ഷമമായും സൗഹൃദപരമായും പൊലീസ് സേവനങ്ങൾ ലഭ്യമാക്കുക എന്നതാണ് 'മൈ പൊലീസ് സ്റ്റേഷൻ' പദ്ധതിയുടെ പ്രധാന ലക്ഷ്യം.

കൂടാതെ, പുന്നത്തുറയിൽ പ്രവർത്തിക്കുന്ന ജനകീയ ദുരിതാശ്വാസ ക്യാമ്പിലേക്ക് അരി, പലവ്യഞ്ജനങ്ങൾ, പച്ചക്കറികൾ ഉൾപ്പെടെയുള്ള അവശ്യ ഭക്ഷ്യസാധനങ്ങളും മണ്ഡലം കമ്മിറ്റി കൈമാറി.

വിതരണ പ്രവർത്തനങ്ങൾക്ക് CPI പുതുപ്പള്ളി മണ്ഡലം സെക്രട്ടറി സിബി താളിക്കല്ല്, മണ്ഡലം സെക്രട്ടേറിയറ്റ് അംഗം കെ.ടി. അനിൽകുമാർ, കേരള സെക്യൂരിറ്റി എംപ്ലോയീസ് യൂണിയൻ സംസ്ഥാന സെക്രട്ടറി അജീഷ് മട്ടയ്ക്കൽ, ലോക്കൽ അസിസ്റ്റന്റ് സെക്രട്ടറി ധനുണ്ണി ഉണ്ണിപെരുമാൾ എന്നിവർ നേതൃത്വം നൽകി.

ഇതോടെ കേസിൽ അറസ്റ്റിലായവരുടെ എണ്ണം നാലായി. ശിശുവിനെ അനധികൃതമായി കൈമാറിയ സംഭവത്തിൽ പൊലീസ് അന്വേഷണം തുടരുകയാണ്. കേസുമായി ബന്ധപ്പെട്ട കൂടുതൽ വിവരങ്ങൾ പുറത്തുവരാനുണ്ടെന്നാണ് സൂചന.

📍 പത്തനംതിട്ട അങ്കണവാടി മുതൽ പ്രൊഫഷണൽ കോളേജ് വരെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ട്യൂഷൻ സെന്ററുകൾക്കും അവധി. മുൻകൂട്ടി നിശ്ചയിച്ച പൊതുപരീക്ഷകൾക്കും സർവകലാശാല പരീക്ഷകൾക്കും അവധി ബാധകമല്ല.

📍 ആലപ്പുഴ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അങ്കണവാടികൾക്കും ട്യൂഷൻ സെന്ററുകൾക്കും അവധി. പൊതുപരീക്ഷകൾക്ക് മാറ്റമില്ല.

📍 വയനാട് പ്രൊഫഷണൽ കോളേജുകൾ, മതപഠന ക്ലാസുകൾ, ട്യൂഷൻ സെന്ററുകൾ, കോച്ചിംഗ് സെന്ററുകൾ, സ്പെഷ്യൽ ക്ലാസുകൾ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും അവധി. റസിഡൻഷ്യൽ വിദ്യാഭ്യാസ സ്ഥാപനങ്ങൾക്ക് അവധി ബാധകമല്ല.

📍 കോട്ടയം പ്രൊഫഷണൽ കോളേജുകൾ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും അങ്കണവാടികൾക്കും ട്യൂഷൻ സെന്ററുകൾക്കും സ്പെഷ്യൽ ക്ലാസുകൾക്കും അവധി. മുൻകൂട്ടി നിശ്ചയിച്ച പരീക്ഷകൾക്ക് മാറ്റമില്ല.

📍 കാസർഗോഡ് ജില്ലയിലെ വിദ്യാഭ്യാസ സ്ഥാപനങ്ങൾക്ക് ജില്ലാ കളക്ടർ ഓഗസ്റ്റ് 7-ന് അവധി പ്രഖ്യാപിച്ചു. (ജില്ലാ ഭരണകൂടത്തിന്റെ ഉത്തരവ് പ്രകാരം.)

📍 തൃശൂർ ദുരിതാശ്വാസ ക്യാമ്പുകളായി പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്ക് ഓഗസ്റ്റ് 7-ന് അവധി പ്രഖ്യാപിച്ചു. ക്യാമ്പുകൾ പ്രവർത്തിക്കാത്ത വിദ്യാഭ്യാസ സ്ഥാപനങ്ങൾക്ക് പതിവുപോലെ ക്ലാസുകൾ തുടരും.

അപകടത്തിൽ 10 വിദ്യാർഥികൾക്ക് പരിക്കേറ്റതായാണ് പ്രാഥമിക വിവരം. പരിക്കേറ്റ കുട്ടികളെ സമീപത്തെ ആശുപത്രികളിലേക്ക് മാറ്റി ചികിത്സ നൽകുകയാണ്.

അപകടത്തിന്റെ കാരണം വ്യക്തമല്ല. സംഭവത്തെ തുടർന്ന് നാട്ടുകാരും രക്ഷാപ്രവർത്തകരും ചേർന്ന് രക്ഷാപ്രവർത്തനം നടത്തി. സംഭവത്തിൽ കൂടുതൽ വിവരങ്ങൾ ലഭ്യമായിട്ടില്ല.

പ്രളയബാധിത പ്രദേശങ്ങളിൽ സേവനമനുഷ്ഠിക്കുന്ന നിരവധി അധ്യാപകരെ ദുരിതാശ്വാസ പ്രവർത്തനങ്ങൾക്കായി ക്യാമ്പ് ഓഫീസർമാരായി നിയോഗിച്ചിരിക്കുകയാണ്. ഇവരിൽ പലരും സെൻസസ് ചുമതലയും വഹിക്കുന്നവരാണെന്ന് അദ്ദേഹം ചൂണ്ടിക്കാട്ടി.

അതേസമയം, കെ-ടെറ്റ് പരീക്ഷ നടത്താൻ നിശ്ചയിച്ചിട്ടുള്ള നിരവധി പരീക്ഷാ കേന്ദ്രങ്ങൾ ഇപ്പോഴും ദുരിതാശ്വാസ ക്യാമ്പുകളായി പ്രവർത്തിക്കുകയാണ്. ചില സ്ഥലങ്ങളിൽ പരീക്ഷാകേന്ദ്രങ്ങളിലേക്കുള്ള വഴികൾ വെള്ളത്തിൽ മുങ്ങിയതിനാൽ യാത്രയും ദുഷ്കരമായിരിക്കുകയാണ്.

പ്രളയബാധിത മേഖലകളിലെ പരീക്ഷാർഥികൾക്ക് ആവശ്യമായ പഠനസജ്ജീകരണങ്ങൾ നടത്താൻ സാധിക്കാത്ത സാഹചര്യമാണുള്ളത്. പ്രളയദുരിതവും അതിനെ തുടർന്നുണ്ടായ മാനസിക സംഘർഷവും മൂലം നിരവധി ഉദ്യോഗാർഥികൾ കടുത്ത ബുദ്ധിമുട്ടുകൾ നേരിടുകയാണെന്നും അദ്ദേഹം പറഞ്ഞു.

ഈ അസാധാരണ സാഹചര്യം സർക്കാർ ഗൗരവമായി പരിഗണിച്ച് കെ-ടെറ്റ് പരീക്ഷ മാറ്റിവെക്കണമെന്ന് അഡ്വ. ബിജു ഉമ്മൻ പ്രസ്താവനയിൽ ആവശ്യപ്പെട്ടു.

94470 71021 എന്ന നമ്പറിലേക്ക് വാട്സ്ആപ്പ് സന്ദേശം അയച്ച് യാത്രക്കാർക്ക് ടിക്കറ്റ് ബുക്ക് ചെയ്യാനും ആവശ്യമായ സേവനങ്ങൾ എളുപ്പത്തിൽ ലഭ്യമാക്കാനും കഴിയും.

അതേസമയം, യാത്രാസംബന്ധമായ സഹായങ്ങൾ, പരാതികൾ, നിർദേശങ്ങൾ എന്നിവയ്ക്കായി 24 മണിക്കൂറും പ്രവർത്തിക്കുന്ന കെ.എസ്.ആർ.ടി.സി ടോൾ-ഫ്രീ കസ്റ്റമർ കെയർ നമ്പർ 149 സേവനവും ലഭ്യമാണ്.

ഡിജിറ്റൽ സേവനങ്ങൾ കൂടുതൽ ജനസൗഹൃദമാക്കുന്നതിന്റെ ഭാഗമായാണ് കെ.എസ്.ആർ.ടി.സി പുതിയ എഐ അധിഷ്ഠിത വാട്സ്ആപ്പ് ടിക്കറ്റിംഗ് സംവിധാനം അവതരിപ്പിച്ചിരിക്കുന്നത്.

ഇന്ന് ഉച്ചയ്ക്ക് 2.15ഓടെ പട്ടാമ്പി റോഡിൽ നടന്ന അപകടത്തിൽ 20-ലധികം പേർക്ക് പരിക്കേറ്റു. പരിക്കേറ്റവരെ കുന്നംകുളത്തെ മലങ്കര ആശുപത്രിയിലും സമീപത്തെ മറ്റ് ആശുപത്രികളിലും പ്രവേശിപ്പിച്ചു.

കോഴിക്കോട് നിന്ന് തൃശൂരിലേക്ക് വരികയായിരുന്ന ലിമിറ്റഡ് സ്റ്റോപ്പ് സ്വകാര്യ ബസാണ് നിയന്ത്രണം വിട്ടത്. ആദ്യം ഒരു കാറിലിടിച്ച ബസ് തുടർന്ന് ബൈക്ക്, വാൻ, ഓട്ടോറിക്ഷ ഉൾപ്പെടെ അഞ്ച് വാഹനങ്ങളിൽ ഇടിച്ചശേഷമാണ് സമീപത്തെ ഒരു വീടിന്റെ മതിലിൽ ഇടിച്ച് നിന്നത്.

ബസ് അമിതവേഗത്തിലായിരുന്നുവെന്നാണ് അപകടത്തിന്റെ ദൃക്സാക്ഷികൾ പറയുന്നത്.

ഈ ജില്ലകളിൽ 24 മണിക്കൂറിനിടെ 204.4 മില്ലീമീറ്ററിലധികം മഴ ലഭിക്കാനാണ് സാധ്യത. അതിനാൽ മലയോര മേഖലകളിലും വെള്ളപ്പൊക്ക സാധ്യതയുള്ള പ്രദേശങ്ങളിലുമുള്ളവർ അതീവ ജാഗ്രത പാലിക്കണമെന്ന് അധികൃതർ നിർദേശിച്ചു.

ഇന്ന് കൊല്ലം, ആലപ്പുഴ, എറണാകുളം, കണ്ണൂർ, കാസർഗോഡ് ജില്ലകളിൽ ഓറഞ്ച് അലർട്ടും പ്രഖ്യാപിച്ചിട്ടുണ്ട്.

നാളത്തെ (ഓഗസ്റ്റ് 7) മുന്നറിയിപ്പ്: പത്തനംതിട്ട, കോട്ടയം, ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്.

കനത്ത മഴയ്ക്ക് സാധ്യത നിലനിൽക്കുന്നതിനാൽ ദുരന്തസാധ്യതയുള്ള പ്രദേശങ്ങളിലുള്ളവർ ഔദ്യോഗിക മുന്നറിയിപ്പുകൾ കർശനമായി പാലിക്കണമെന്നും അനാവശ്യ യാത്രകൾ ഒഴിവാക്കണമെന്നും കാലാവസ്ഥാ വകുപ്പ് നിർദേശിച്ചു.

​രാജ്യസഭയിൽ സി.പി.ഐ.എം. അംഗം ഡോ. വി. ശിവദാസൻ എം.പി.യുടെ ചോദ്യത്തിന് മറുപടിയായി കേന്ദ്ര ഗതാഗതമന്ത്രി നിതിൻ ഗഡ്കരിയാണ് ഇക്കാര്യം രേഖാമൂലം വ്യക്തമാക്കിയത്.

​1988-ലെ മോട്ടോർ വാഹന നിയമത്തിലെ 52 (1) വകുപ്പുപ്രകാരം രജിസ്ട്രേഷൻ സർട്ടിഫിക്കറ്റിലുള്ള (RC Book) വിവരങ്ങളിൽ വ്യത്യാസം വരുത്തുന്ന രീതിയിൽ വാഹനത്തിൽ രൂപമാറ്റം വരുത്താൻ അനുവാദമില്ല. അനുവദനീയമായ മാറ്റങ്ങൾ കേന്ദ്ര സർക്കാർ നിശ്ചയിച്ച മാനദണ്ഡങ്ങൾക്കും കേന്ദ്ര മോട്ടോർ വാഹന നിയമത്തിനും വിധേയമായിരിക്കണം. ഇത് സംബന്ധിച്ച് സ്വന്ത നിലയിൽ നയരൂപവത്കരണത്തിനോ മാർഗനിർദേശങ്ങൾ മാറ്റുന്നതിനോ സംസ്ഥാനങ്ങൾക്ക് അധികാരമില്ല.

​വാഹനങ്ങളുടെ രൂപമാറ്റം അനുവദിക്കുമെന്ന തരത്തിൽ തെരഞ്ഞെടുപ്പുകാലത്ത് യു.ഡി.എഫ്. നൽകിയ രാഷ്ട്രീയ വാഗ്ദാനത്തിന് നിയമപരമായ യാതൊരു അടിത്തറയുമില്ലെന്ന് വ്യക്തമാക്കുന്നതാണ് കേന്ദ്രത്തിന്റെ ഈ മറുപടിയെന്ന് ഡോ. വി. ശിവദാസൻ എം.പി. പ്രതികരിച്ചു.

വെള്ളം കയറി ഒറ്റപ്പെട്ട താഴ്ന്ന പ്രദേശങ്ങളിലെ വീടുകളിലേക്ക് മുട്ടിന് മുകളോളം വെള്ളത്തിലൂടെ നടന്ന് നേരിട്ടെത്തിയാണ് ആവശ്യസാധനങ്ങൾ വിതരണം ചെയ്യുന്നത്. ഭക്ഷ്യവസ്തുക്കളുടെ കിറ്റുകൾ, പ്രായമായവർക്ക് ആവശ്യമായ മരുന്നുകൾ, കിടപ്പുരോഗികൾക്കുള്ള മരുന്നുകൾ, അഡൾട്ട് ഡയപ്പറുകൾ തുടങ്ങി അത്യാവശ്യ സാധനങ്ങൾ വാർഡിലെ സന്നദ്ധ പ്രവർത്തകരുടെ സഹായത്തോടെ ഓരോ വീട്ടിലും എത്തിച്ചുനൽകുകയാണ്.

Pathmia Hypnosis & Mentalism International Academy സംഘടിപ്പിച്ച റെക്കോർഡ് പരിപാടികളിൽ Hypnotic Glove Anaesthesia, Arm Catalepsy സാങ്കേതികവിദ്യകൾ ഉപയോഗിച്ചുള്ള Flame Touch Demonstration വിജയകരമായി അവതരിപ്പിച്ച ഇവന്റിലും, Telekinesis Mentalism Magic Tricks അവതരിപ്പിക്കുകയും Handcuff Puzzle നിശ്ചിത ക്രമത്തിൽ പൂർത്തിയാക്കുകയും ചെയ്ത മറ്റൊരു റെക്കോർഡ് ഇവന്റിലും അജേഷ് വർഗീസ് പങ്കെടുത്തു.

ഇരു പരിപാടികളും World Wide Book of Records ഔദ്യോഗികമായി അംഗീകരിച്ചതോടെ അജേഷ് വർഗീസിന് ഇരട്ട അന്തർദേശീയ വേൾഡ് റെക്കോർഡ് അംഗീകാരം ലഭിച്ചു.

അംഗീകാരത്തിൽ സന്തോഷം പ്രകടിപ്പിച്ച അജേഷ് വർഗീസ്, ഈ നേട്ടത്തിന് പിന്തുണ നൽകിയ ഗുരുക്കന്മാർക്കും കുടുംബാംഗങ്ങൾക്കും സുഹൃത്തുകൾക്കും വിദ്യാർത്ഥികൾക്കും നന്ദി അറിയിച്ചു. ഹിപ്നോട്ടിസവും മെന്റലിസവും ശാസ്ത്രീയവും ഉത്തരവാദിത്തപരവുമായി കൂടുതൽ ജനങ്ങളിലേക്ക് എത്തിക്കുന്നതിനായി സ്റ്റേജ് ഷോകൾ, പരിശീലന പരിപാടികൾ, ബോധവൽക്കരണ പ്രവർത്തനങ്ങൾ എന്നിവ തുടരുമെന്നും അദ്ദേഹം വ്യക്തമാക്കി.

പിടിയിലായവർ തൊടുപുഴ മുട്ടം സ്വദേശികളായ ചോലമറ്റത്തിൽ പ്രസാദ്, ഒറ്റപ്ലാക്കൽ ആദർശ്, തൈപ്പറമ്പിൽ ബിനീഷ്, തേങ്ങിൽ ഷാഹിദ്, കാരക്കുന്നേൽ സ്റ്റീഫൻ എന്നിവരാണ്.

പൊലീസ് അന്വേഷണത്തിൽ, തൃശൂരിലെ ഒരു സ്പായിൽ ജോലി ചെയ്യുന്ന തൊടുപുഴ സ്വദേശിനിയായ യുവതി പ്രസാദുമായിരുന്ന ബന്ധം അവസാനിപ്പിച്ചതിലുള്ള വൈരാഗ്യമാണ് കൊലപാതകശ്രമത്തിന് പിന്നിലെന്നാണ് കണ്ടെത്തിയത്. യുവതി ഗുരുവായൂരിലെ ഒരു ലോഡ്ജിൽ ഒളിവിൽ കഴിയുകയാണെന്ന വിവരം ലഭിച്ചതിനെ തുടർന്നാണ് പ്രതികൾ അവിടെയെത്തിയത്.

ഗുരുവായൂർ ക്ഷേത്രത്തിന്റെ പടിഞ്ഞാറേ നടയിൽ പെൺവേഷം ധരിച്ച് സംശയാസ്പദമായി നിന്ന പ്രസാദിനെ ആദ്യം പൊലീസ് കസ്റ്റഡിയിലെടുത്തു. തുടർന്ന് നടത്തിയ ചോദ്യം ചെയ്യലിൽ സമീപത്ത് കാറിൽ കാത്തുനിന്നിരുന്ന മറ്റ് നാല് പ്രതികളെയും പിടികൂടുകയായിരുന്നു.

പ്രതികളിൽ നിന്ന് 16 ഗ്രാം കഞ്ചാവും പൊലീസ് പിടിച്ചെടുത്തു. പ്രസാദിനും ആദർശിനുമെതിരെ കൊലപാതകശ്രമം ഉൾപ്പെടെ നിരവധി ക്രിമിനൽ കേസുകൾ നിലവിലുണ്ടെന്നും പൊലീസ് അറിയിച്ചു.

പൊലീസിന്റെ സമയോചിത ഇടപെടലിനെ തുടർന്ന് യുവതിയെ സുരക്ഷിതമായി രക്ഷപ്പെടുത്തി സ്വന്തം നാട്ടിലേക്ക് അയച്ചു. സംഭവത്തിൽ ഗുരുവായൂർ ടെമ്പിൾ പൊലീസ് വിശദമായ അന്വേഷണം തുടരുകയാണ്.

പ്രായോഗിക ബുദ്ധിമുട്ടുകളാണ് പദ്ധതി അവസാനിപ്പിക്കാൻ പ്രധാന കാരണമായി ചൂണ്ടിക്കാട്ടുന്നത്. തിരക്കേറിയ ഔട്ട്‌ലെറ്റുകളിൽ ഒഴിഞ്ഞ കുപ്പികൾ സ്വീകരിച്ച് ക്യൂആർ കോഡ് പരിശോധിച്ച് റീഫണ്ട് നൽകേണ്ടത് ജീവനക്കാർക്ക് അധിക ജോലിഭാരമായി മാറിയിരുന്നു. കൂടാതെ, ശേഖരിക്കുന്ന കുപ്പികൾ സമയബന്ധിതമായി മാറ്റാൻ കഴിയാതിരുന്നതോടെ ഔട്ട്‌ലെറ്റുകളിലെ ഗോഡൗൺ സൗകര്യവും പ്രതിസന്ധിയിലായി.

മദ്യത്തിന്റെ പരമാവധി ചില്ലറവിലയ്ക്ക് (MRP) പുറമെ 20 രൂപ അധികമായി ഈടാക്കുന്നതിനെതിരെ ഉപഭോക്താക്കളിൽ നിന്ന് വ്യാപക പരാതികളും ഉയർന്നിരുന്നു. ശേഖരിച്ച പ്ലാസ്റ്റിക് കുപ്പികൾ റീസൈക്ലിങ്ങിനായി കൊണ്ടുപോകാൻ അനുയോജ്യമായ കമ്പനികളെ ടെൻഡറിലൂടെ കണ്ടെത്താൻ സാധിക്കാതിരുന്നതും കൺസ്യൂമർഫെഡിന്റെ എതിർപ്പും പദ്ധതി തുടരുന്നതിന് തിരിച്ചടിയായി.

പദ്ധതി പ്രകാരം ഇതിനകം വിറ്റഴിച്ച പ്ലാസ്റ്റിക് മദ്യക്കുപ്പികൾ 2026 ഓഗസ്റ്റ് 20 വരെ ബന്ധപ്പെട്ട ബവ്കോ ഔട്ട്‌ലെറ്റുകളിൽ തിരികെ നൽകി 20 രൂപ റീഫണ്ട് നേടാം. എന്നാൽ ഓഗസ്റ്റ് 20-ന് ശേഷം പ്ലാസ്റ്റിക് കുപ്പികൾ ബവ്കോ സ്വീകരിക്കുകയോ റീഫണ്ട് നൽകുകയോ ചെയ്യില്ല.

തിരുവനന്തപുരം, കണ്ണൂർ ജില്ലകളിലെ 20 ബവ്കോ ഔട്ട്‌ലെറ്റുകളിൽ പരീക്ഷണാടിസ്ഥാനത്തിൽ ആരംഭിച്ച പദ്ധതി പിന്നീട് സംസ്ഥാനമൊട്ടാകെ വ്യാപിപ്പിക്കാനായിരുന്നു തീരുമാനം. എന്നാൽ പ്രവർത്തനപരമായ പ്രതിസന്ധികൾ കണക്കിലെടുത്ത് പദ്ധതി പൂർണമായും ഉപേക്ഷിക്കാൻ ബവ്കോ തീരുമാനിച്ചു.

കോഴിക്കോട്, വയനാട്, മലപ്പുറം, പാലക്കാട്, തൃശൂർ ജില്ലകളിൽ യെല്ലോ അലർട്ടും നിലവിലുണ്ട്. തിരുവനന്തപുരം, കൊല്ലം ജില്ലകളിൽ ഇന്ന് പ്രത്യേക മഴ മുന്നറിയിപ്പില്ല.

കനത്ത മഴയെ തുടർന്ന് വിവിധ ജില്ലകളിലെ വിദ്യാഭ്യാസ സ്ഥാപനങ്ങൾക്ക് ജില്ലാ ഭരണകൂടങ്ങൾ അവധി പ്രഖ്യാപിച്ചു. കോട്ടയം ജില്ലയിലെ കോട്ടയം താലൂക്ക്, പത്തനംതിട്ട ജില്ലയിലെ തിരുവല്ല താലൂക്ക്, ആലപ്പുഴ ജില്ലയിലെ കുട്ടനാട്, ചെങ്ങന്നൂർ, കാർത്തികപ്പള്ളി താലൂക്കുകളിലെ എല്ലാ വിദ്യാഭ്യാസ സ്ഥാപനങ്ങൾക്കും, പ്രൊഫഷണൽ കോളേജുകൾ ഉൾപ്പെടെ, ഇന്ന് അവധിയാണ്.

കണ്ണൂർ ജില്ലയിലെ പയ്യന്നൂർ, തളിപ്പറമ്പ്, ഇരിട്ടി താലൂക്കുകളിലെ വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചിട്ടുണ്ട്. എന്നാൽ ഈ അവധി പ്രൊഫഷണൽ കോളേജുകൾക്ക് ബാധകമല്ല. ഇടുക്കി, വയനാട് ജില്ലകളിലും കോട്ടയത്തിലെ മറ്റ് താലൂക്കുകളിലും ദുരിതാശ്വാസ ക്യാമ്പുകളായി പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്കും ഇന്ന് അവധിയായിരിക്കും.

അതേസമയം, മഴയുടെ പശ്ചാത്തലത്തിൽ ഇന്ന് നടത്താനിരുന്ന എല്ലാ പി.എസ്.സി ഓൺലൈൻ ഒ.എം.ആർ പരീക്ഷകളും ബീറ്റ് ഫോറസ്റ്റ് ഓഫീസർ തസ്തികയിലേക്കുള്ള കായികക്ഷമതാ പരീക്ഷയും മാറ്റിവെച്ചു.

ശക്തമായ കാറ്റിനും ഉയർന്ന തിരമാലകൾക്കും സാധ്യത കണക്കിലെടുത്ത് കേരള തീരത്ത് ഓഗസ്റ്റ് 8 വരെ മത്സ്യബന്ധനത്തിനും വിലക്കുണ്ട്. മലയോര മേഖലകളിൽ മണ്ണിടിച്ചിൽ, ഉരുൾപൊട്ടൽ സാധ്യതയും നദികളിൽ ജലനിരപ്പ് ഉയരാനും സാധ്യതയുള്ളതിനാൽ പൊതുജനങ്ങൾ അതീവ ജാഗ്രത പാലിക്കണമെന്ന് സംസ്ഥാന ദുരന്തനിവാരണ അതോറിറ്റി മുന്നറിയിപ്പ് നൽകി.

ബസ് ഓടിക്കുന്നതിനിടെ ഡ്രൈവർക്ക് ഹൃദയാഘാതമുണ്ടായതിനെ തുടർന്നാണ് അപകടമുണ്ടായതെന്നാണ് പ്രാഥമിക വിവരം. താൽക്കാലിക ബസ് ഡ്രൈവറായ മുരളീധരൻ പിള്ളയാണ് മരിച്ചത്.

അപകടത്തിൽ രണ്ട് വിദ്യാർത്ഥികൾക്ക് പരിക്കേറ്റു. ഇരുവരുടെയും പരിക്ക് ഗുരുതരമല്ലെന്ന് അധികൃതർ അറിയിച്ചു. സംഭവത്തിൽ കൂടുതൽ അന്വേഷണം തുടരുകയാണ്.

പീരുമേട് ഡിവിഷനിലാണ് ഏറ്റവും കൂടുതൽ നാശനഷ്ടം റിപ്പോർട്ട് ചെയ്തത്. ശക്തമായ കാറ്റിലും മഴയിലും വൈദ്യുതി പോസ്റ്റുകൾ ഒടിയുകയും ലൈനുകൾ പൊട്ടിവീഴുകയും ട്രാൻസ്‌ഫോർമറുകൾക്ക് തകരാർ സംഭവിക്കുകയും ചെയ്തതോടെയാണ് വലിയ നഷ്ടമുണ്ടായത്.

മഴക്കെടുതിയിൽ ജില്ലയിലാകെ 111 ട്രാൻസ്‌ഫോർമറുകളെ ബാധിച്ചു. 26,993 ഉപഭോക്താക്കളുടെ വൈദ്യുതി വിതരണം തടസ്സപ്പെട്ടു. 40 ഹൈടെൻഷൻ പോസ്റ്റുകളും 167 ലോടെൻഷൻ പോസ്റ്റുകളും തകർന്നു. കൂടാതെ 25 ഹൈടെൻഷൻ പോസ്റ്റുകളും 92 ലോടെൻഷൻ പോസ്റ്റുകളും ചെരിഞ്ഞ നിലയിലാണ്. 43 സ്ഥലങ്ങളിൽ ഹൈടെൻഷൻ ലൈനുകളും 693 സ്ഥലങ്ങളിൽ ലോടെൻഷൻ ലൈനുകളും പൊട്ടിവീണു.

ഒരു ട്രാൻസ്‌ഫോർമർ പൂർണമായും വെള്ളത്തിനടിയിലാകുകയും മറ്റൊന്ന് റോടിഞ്ഞ് നശിക്കുകയും ചെയ്തു. നിലവിൽ 1,423 ഉപഭോക്താക്കൾക്ക് വൈദ്യുതി വിതരണം ഇനിയും പുനഃസ്ഥാപിക്കാനുണ്ട്. വൈദ്യുതി തകരാറുകൾ പരിഹരിക്കാൻ ഊർജിത നടപടികൾ തുടരുകയാണെന്ന് കെ.എസ്.ഇ.ബി അധികൃതർ അറിയിച്ചു.

മരങ്ങൾ വെട്ടിമാറ്റിയാൽ നഷ്ടം കുറയ്ക്കാമെന്ന് ആക്ഷേപം

റോഡരികിൽ വൈദ്യുതി ലൈനുകൾക്കും പോസ്റ്റുകൾക്കും സമീപം അപകടകരമായി നിൽക്കുന്ന മരങ്ങളുടെയും ശിഖരങ്ങളുടെയും കൃത്യമായ പരിപാലനം നടത്തിയാൽ മഴക്കാല നാശനഷ്ടങ്ങൾ ഗണ്യമായി കുറയ്ക്കാനാകുമെന്ന വിലയിരുത്തലുണ്ട്. എന്നാൽ ഇത്തരം പ്രതിരോധ നടപടികൾ ആവശ്യമായ തോതിൽ നടപ്പാക്കുന്നില്ലെന്ന ആക്ഷേപവും ഉയരുന്നു.

പല സ്ഥലങ്ങളിലും അപകടഭീഷണിയിലുള്ള മരങ്ങൾ നീക്കം ചെയ്യാൻ വൈദ്യുതി ലൈനുകൾ താൽക്കാലികമായി മാറ്റേണ്ട സാഹചര്യമുണ്ടെങ്കിലും, അതിനാവശ്യമായ നടപടികൾ പലപ്പോഴും വൈകുന്നതായി പരാതിയുണ്ട്. മഴയ്ക്ക് മുമ്പ് നടത്തുന്ന ശിഖര വെട്ടലും പലപ്പോഴും അപര്യാപ്തമാണെന്നും, ഇതും വൈദ്യുതി ലൈനുകൾക്കും പോസ്റ്റുകൾക്കും നാശനഷ്ടമുണ്ടാകാൻ കാരണമാകുന്നതായും പ്രദേശവാസികൾ ചൂണ്ടിക്കാട്ടുന്നു.

ദിനംപ്രതി ആയിരക്കണക്കിന് വാഹനങ്ങൾ കടന്നുപോകുന്ന ദേശീയപാതയിലെ പാലത്തിന്റെ അറ്റകുറ്റപ്പണികളോ പുനർനിർമാണമോ ഇതുവരെ പൂർത്തിയാക്കാൻ പൊതുമരാമത്ത് വകുപ്പ് തയ്യാറായിട്ടില്ലെന്ന് ബി.ജെ.പി ആരോപിച്ചു. ശക്തമായ മഴയെ തുടർന്ന് തോട്ടിലെ വെള്ളം റോഡിലേക്ക് കയറി ഒഴുകാൻ തുടങ്ങിയതോടെ ഗതാഗതം പലപ്പോഴും തടസ്സപ്പെടുന്ന സാഹചര്യമാണുള്ളത്.

കാലവർഷം ശക്തമായതോടെ പാലത്തിന്റെ സുരക്ഷയെക്കുറിച്ചുള്ള ആശങ്കയും ഉയർന്നിരിക്കുകയാണ്. പാലത്തിന്റെ ശേഷിക്കുന്ന നിർമാണപ്രവർത്തനങ്ങളും ഇതുവരെ പൂർത്തിയായിട്ടില്ലെന്നും, ഇതുവഴി കടന്നുപോകുന്ന കാൽനടയാത്രക്കാരും വാഹനയാത്രക്കാരും ഭീതിയിലാണെന്നും പ്രതിഷേധക്കാർ ചൂണ്ടിക്കാട്ടി.

പാലത്തിന്റെ നിർമാണം എത്രയും വേഗം പൂർത്തിയാക്കണമെന്ന് ആവശ്യപ്പെട്ടാണ് ഭാരതീയ ജനതാപാർട്ടി വണ്ണപ്പുറം പഞ്ചായത്ത് കമ്മിറ്റി പ്രതിഷേധം സംഘടിപ്പിച്ചത്. പഞ്ചായത്ത് കമ്മിറ്റി പ്രസിഡന്റ് വി.ആർ. സതീശന്റെ അധ്യക്ഷതയിൽ നടന്ന സമരം ബി.ജെ.പി ഇടുക്കി നോർത്ത് ജില്ലാ സെക്രട്ടറി പ്രസാദ് വണ്ണപ്പുറം ഉദ്ഘാടനം ചെയ്തു.

കെ.പി. സജീവൻ, സുരേഷ് തട്ടുപുര, ബാബു പള്ളിപ്പറമ്പ്, അനുരാജ് രാജൻ, മിനി മുരളി, ദീപ ദിനേശൻ എന്നിവർ പ്രസംഗിച്ചു.

ദിനംപ്രതി ആയിരക്കണക്കിന് വാഹനങ്ങൾ കടന്നുപോകുന്ന ദേശീയപാതയിലെ പാലത്തിന്റെ അറ്റകുറ്റപ്പണികളോ പുനർനിർമാണമോ ഇതുവരെ പൂർത്തിയാക്കാൻ പൊതുമരാമത്ത് വകുപ്പ് തയ്യാറായിട്ടില്ലെന്ന് ബി.ജെ.പി ആരോപിച്ചു. ശക്തമായ മഴയെ തുടർന്ന് തോട്ടിലെ വെള്ളം റോഡിലേക്ക് കയറി ഒഴുകാൻ തുടങ്ങിയതോടെ ഗതാഗതം പലപ്പോഴും തടസ്സപ്പെടുന്ന സാഹചര്യമാണുള്ളത്.

കാലവർഷം ശക്തമായതോടെ പാലത്തിന്റെ സുരക്ഷയെക്കുറിച്ചുള്ള ആശങ്കയും ഉയർന്നിരിക്കുകയാണ്. പാലത്തിന്റെ ശേഷിക്കുന്ന നിർമാണപ്രവർത്തനങ്ങളും ഇതുവരെ പൂർത്തിയായിട്ടില്ലെന്നും, ഇതുവഴി കടന്നുപോകുന്ന കാൽനടയാത്രക്കാരും വാഹനയാത്രക്കാരും ഭീതിയിലാണെന്നും പ്രതിഷേധക്കാർ ചൂണ്ടിക്കാട്ടി.

പാലത്തിന്റെ നിർമാണം എത്രയും വേഗം പൂർത്തിയാക്കണമെന്ന് ആവശ്യപ്പെട്ടാണ് ഭാരതീയ ജനതാപാർട്ടി വണ്ണപ്പുറം പഞ്ചായത്ത് കമ്മിറ്റി പ്രതിഷേധം സംഘടിപ്പിച്ചത്. പഞ്ചായത്ത് കമ്മിറ്റി പ്രസിഡന്റ് വി.ആർ. സതീശന്റെ അധ്യക്ഷതയിൽ നടന്ന സമരം ബി.ജെ.പി ഇടുക്കി നോർത്ത് ജില്ലാ സെക്രട്ടറി പ്രസാദ് വണ്ണപ്പുറം ഉദ്ഘാടനം ചെയ്തു.

കെ.പി. സജീവൻ, സുരേഷ് തട്ടുപുര, ബാബു പള്ളിപ്പറമ്പ്, അനുരാജ് രാജൻ, മിനി മുരളി, ദീപ ദിനേശൻ എന്നിവർ പ്രസംഗിച്ചു.

അക്കൗണ്ടിംഗ്, ഐ.ടി., ഡിസൈനിംഗ്, എഡിറ്റിംഗ്, ഹോസ്പിറ്റൽ അഡ്മിനിസ്ട്രേഷൻ, ഓഫീസ് അഡ്മിനിസ്ട്രേഷൻ, ഡിജിറ്റൽ മാർക്കറ്റിംഗ്, സെയിൽസ്, ഇലക്ട്രീഷ്യൻ, മെക്കാനിക്കൽ, സിവിൽ തുടങ്ങിയ മേഖലകളിലായി നൂറുകണക്കിന് തൊഴിൽ അവസരങ്ങളാണ് റിപ്പോർട്ട് ചെയ്തിട്ടുള്ളത്.

മികച്ച സ്ഥാപനങ്ങളിൽ അനുയോജ്യമായ ജോലി നേടാൻ ആഗ്രഹിക്കുന്നവർക്ക് ഈ തൊഴിൽമേള മികച്ച അവസരമായിരിക്കുമെന്ന് സംഘാടകർ അറിയിച്ചു. ജിടെക് വിദ്യാർത്ഥികൾക്ക് പുറമെ ഏത് വിദ്യാഭ്യാസ യോഗ്യതയുള്ളവർക്കും, നിലവിൽ ജോലി ചെയ്യുന്നവർക്കും, പ്രായപരിധിയില്ലാതെ എല്ലാ തൊഴിലന്വേഷകർക്കും തൊഴിൽമേളയിൽ പങ്കെടുക്കാം.

പഠനം പൂർത്തിയാക്കി തൊഴിൽരംഗത്തേക്ക് കടക്കുന്ന യുവാക്കൾക്ക് മികച്ച കരിയർ അവസരങ്ങൾ ഒരുക്കുക എന്ന ലക്ഷ്യത്തോടെയാണ് ജിടെക് എല്ലാ വർഷവും തൊഴിൽമേള സംഘടിപ്പിക്കുന്നതെന്ന് അധികൃതർ വ്യക്തമാക്കി.

വാർത്താസമ്മേളനത്തിൽ ജിടെക് ഇടുക്കി ഏരിയ ഡയറക്ടർ നോബി സുദർശൻ, എറണാകുളം ഏരിയ ഡയറക്ടർ അനീഷ് ജോർജ്, സെന്റർ ഡയറക്ടർ ലിംനാ നോബി, ഏരിയ മാനേജർ അനന്തകൃഷ്ണൻ, ഏരിയ കോർഡിനേറ്റർ സനൽ സജി എന്നിവർ പങ്കെടുത്തു.

സംസ്ഥാനത്ത് വൈദ്യുതി വകുപ്പിന് കീഴിലുള്ള എല്ലാ അണക്കെട്ടുകളിലെയും ജലനിരപ്പ് ഉയർന്നിട്ടുണ്ട്. നിലവിൽ ഈ അണക്കെട്ടുകളിലാകെ സംഭരണശേഷിയുടെ 47 ശതമാനം വെള്ളമാണ് ഉള്ളത്.

അതേസമയം, ജലവിഭവ വകുപ്പിന് കീഴിലുള്ള മലങ്കര അണക്കെട്ടിൽ ജലനിരപ്പ് കുറഞ്ഞതിനെ തുടർന്ന് രണ്ട് ഷട്ടറുകൾ അടച്ചു. അണക്കെട്ടിന്റെ പരമാവധി സംഭരണനിരപ്പ് 42 മീറ്ററാണ്. ജലനിരപ്പ് 39.66 മീറ്ററിലെത്തിയതോടെയാണ് തൊടുപുഴ, മൂവാറ്റുപുഴയാറുകളിലേക്കുള്ള ജലഒഴുക്ക് കുറച്ചത്.

എന്നാൽ, മൂലമറ്റം പവർഹൗസിൽ നിന്ന് വൈദ്യുതി ഉൽപാദനത്തിന് ശേഷം പുറത്തുവിടുന്ന വെള്ളത്തിന്റെ അളവ് വൈകുന്നേരത്തോടെ വർധിക്കാനിടയുള്ളതിനാൽ, മലങ്കരയിലെ ജലനിരപ്പ് 39 മീറ്ററിൽ നിലനിർത്തുന്നതിനായി നിലവിൽ രണ്ട് ഷട്ടറുകൾ ഒരു മീറ്റർ വീതവും രണ്ട് ഷട്ടറുകൾ 50 സെന്റീമീറ്റർ വീതവും ഉയർത്തി വെള്ളം ഒഴുക്കുന്നുണ്ട്. ജലനിരപ്പ് കുറയുന്നതിനനുസരിച്ച് ഈ ഷട്ടറുകളും താഴ്ത്തുമെന്ന് അധികൃതർ അറിയിച്ചു.

മുല്ലപ്പെരിയാർ അണക്കെട്ടിൽ ജലനിരപ്പിൽ കാര്യമായ വർധനയില്ല. ഇന്നലെ രാവിലെ 6 മണിക്ക് ജലനിരപ്പ് 120.70 അടിയായിരുന്നു. പദ്ധതിപ്രദേശത്ത് കഴിഞ്ഞ ദിവസം നേരിയ മഴ മാത്രമാണ് ലഭിച്ചത്.

130 വർഷത്തിലേറെ പഴക്കമുള്ള മുല്ലപ്പെരിയാർ അണക്കെട്ടിന് പകരം ആധുനിക സാങ്കേതികവിദ്യ ഉപയോഗിച്ച് പുതിയ സുരക്ഷിത അണക്കെട്ട് നിർമിക്കണമെന്ന ആവശ്യമാണ് കേരളം വർഷങ്ങളായി ഉന്നയിച്ചുവരുന്നത്. തമിഴ്നാടിന്റെ ജലാവകാശം സംരക്ഷിക്കപ്പെടണമെന്നും, അതേസമയം കേരളത്തിലെ ജനങ്ങളുടെ ജീവനും സുരക്ഷയും ഒരു സാഹചര്യത്തിലും വിട്ടുവീഴ്ച ചെയ്യാൻ പാടില്ലെന്നും സംഘടന ചൂണ്ടിക്കാട്ടി.

തമിഴ്നാട് വീണ്ടും 152 അടി ലക്ഷ്യം പ്രഖ്യാപിച്ച സാഹചര്യത്തിൽ, ഇടുക്കി ജില്ലയിലെ എം.എൽ.എമാരും എം.പിയും അടിയന്തരമായി വിഷയത്തിൽ ഇടപെടണമെന്ന് ഇല നേച്ചർ ഫൗണ്ടേഷൻ ആവശ്യപ്പെട്ടു. സംസ്ഥാന സർക്കാർ കേന്ദ്രസർക്കാരുമായും തമിഴ്നാട് സർക്കാരുമായും അടിയന്തര ചർച്ചകൾ ആരംഭിച്ച് ജനങ്ങളുടെ ആശങ്കകൾക്ക് പരിഹാരം കാണണമെന്നും സംഘടന ആവശ്യപ്പെട്ടു.

കേരളവും തമിഴ്നാടും പരസ്പര ഏറ്റുമുട്ടലിന് പകരം ശാസ്ത്രീയവും യുക്തിസഹവുമായ ആശയവിനിമയത്തിലൂടെ പ്രശ്നപരിഹാരത്തിന് ശ്രമിക്കണമെന്നും സംഘടന അഭിപ്രായപ്പെട്ടു. ഇതിന്റെ ഭാഗമായി, കേരളത്തിലെ ജനങ്ങളുടെ ആശങ്കകൾ അറിയിച്ചുകൊണ്ട് തമിഴ്നാട് മുഖ്യമന്ത്രിക്ക് ഇ-മെയിൽ അയയ്ക്കാൻ തീരുമാനിച്ചതായും ഭാരവാഹികൾ അറിയിച്ചു.

ജലനിരപ്പ് ഉയർത്തുന്നതിന്റെ പരിസ്ഥിതി പ്രത്യാഘാതങ്ങളും സമഗ്രമായി വിലയിരുത്തണമെന്ന് സംഘടന ആവശ്യപ്പെട്ടു. ഇന്ത്യയിലെ പ്രധാന സംരക്ഷിത വനമേഖലകളിലൊന്നായ പെരിയാർ ടൈഗർ റിസർവിലെ താഴ്ന്ന പ്രദേശങ്ങളും വന്യജീവികളുടെ ആവാസവ്യവസ്ഥയും ജലനിരപ്പ് വർധന ബാധിക്കാനുള്ള സാധ്യത വിദഗ്ധതലത്തിൽ പഠിക്കണമെന്നും അവർ ചൂണ്ടിക്കാട്ടി. ജനസുരക്ഷയും പരിസ്ഥിതി സംരക്ഷണവും ഒരുപോലെ ഉറപ്പാക്കുന്ന തീരുമാനമാണ് സർക്കാർ സ്വീകരിക്കേണ്ടതെന്നും സംഘടന ആവശ്യപ്പെട്ടു.

മുല്ലപ്പെരിയാർ ഒരു രാഷ്ട്രീയ വിഷയമല്ല; ജനസുരക്ഷയുടെയും പരിസ്ഥിതിയുടെയും ഭാവിയുടെയും വിഷയമാണെന്ന് ഇല നേച്ചർ ഫൗണ്ടേഷൻ വ്യക്തമാക്കി. അതിനാൽ കേരളം ഈ വിഷയത്തിൽ വ്യക്തവും ശക്തവുമായ നിലപാട് സ്വീകരിക്കണമെന്നും, ഇടുക്കിയിലെ ജനപ്രതിനിധികൾ സംസ്ഥാനത്തിന്റെ ആശങ്ക കേന്ദ്ര-തമിഴ്നാട് സർക്കാരുകളുടെ ശ്രദ്ധയിൽപ്പെടുത്താൻ അടിയന്തര ഇടപെടൽ നടത്തണമെന്നും സംഘടന ആവശ്യപ്പെട്ടു.

ചെമ്പിത്താനം തോടിന് സമീപം താമസിക്കുന്ന കൊച്ചുചിറയിൽ രാജു, കൊച്ചുചിറ രവി, കൊച്ചുചിറ കൈമൾ, കൊച്ചുചിറ ഭാർഗവി എന്നിവരുടെ വീടുകളാണ് പ്രളയജലത്താൽ ഒറ്റപ്പെട്ടത്. തുടർന്ന് AIYF ഭഗത് സിംഗ് യൂത്ത് ഫോഴ്സിന്റെയും സിപിഐ നേതാക്കളുടെയും നേതൃത്വത്തിൽ ഇവരെ തോട്ടയ്ക്കാട് ഗവൺമെന്റ് ഹൈസ്കൂളിൽ പ്രവർത്തിക്കുന്ന ദുരിതാശ്വാസ ക്യാമ്പിലേക്ക് സുരക്ഷിതമായി എത്തിച്ചു.

രക്ഷാപ്രവർത്തനത്തിന് സിപിഐ ജില്ലാ അസിസ്റ്റന്റ് സെക്രട്ടറി അഡ്വ. ബിനു ബോസ്, മണ്ഡലം സെക്രട്ടറി സിബി താളിക്കല്ല്, സെക്രട്ടേറിയറ്റ് അംഗം കെ.ടി. അനിൽകുമാർ, ലോക്കൽ സെക്രട്ടറി സജിമോൻ, വി.ആർ. സുരേഷ് കുമാർ, AIYF ഭഗത് സിംഗ് യൂത്ത് ഫോഴ്സ് പ്രവർത്തകരായ ധനുണ്ണി ഉണ്ണിപെരുമാൾ, രഞ്ജിത് എ.എസ്., റിച്ചു എന്നിവർ നേതൃത്വം നൽകി.

കേന്ദ്ര-സംസ്ഥാന ദുരന്തനിവാരണ അതോറിറ്റികളിൽ നിന്ന് ലഭിക്കുന്ന മുന്നറിയിപ്പുകളും ദുരിതബാധിത മേഖലകളിൽ നിന്ന് ഫോൺ മുഖേന ലഭിക്കുന്ന വിവരങ്ങളും അതിവേഗം ബന്ധപ്പെട്ട ഉദ്യോഗസ്ഥർക്ക് കൈമാറി ആവശ്യമായ നടപടികൾ സ്വീകരിക്കുന്നുണ്ട്. അഡീഷണൽ ജില്ലാ മജിസ്ട്രേറ്റ് സോളി ആന്റണിയുടെ നേതൃത്വത്തിൽ തുടർനടപടികൾ സമയബന്ധിതമായി പൂർത്തിയാക്കുന്നതും ഉറപ്പാക്കുന്നു.

പ്രകൃതിക്ഷോഭ സാഹചര്യം കണക്കിലെടുത്ത് കളക്ടറേറ്റിൽ സ്ഥിരമായി പ്രവർത്തിക്കുന്ന ഡി.ഇ.ഒ.സി.യുടെ പ്രവർത്തനം കൂടുതൽ വിപുലീകരിച്ചിട്ടുണ്ട്. കളക്ടറേറ്റിന്റെ താഴത്തെ നിലയിൽ പ്രവർത്തിക്കുന്ന കേന്ദ്രത്തിലേക്ക് ദിവസേന നൂറുകണക്കിന് ഫോൺവിളികളാണ് എത്തുന്നത്. വെള്ളപ്പൊക്കം, നാശനഷ്ടങ്ങൾ, വീടുകളിൽ വെള്ളം കയറൽ, ദുരിതാശ്വാസ ക്യാമ്പുകളിലെ ആവശ്യങ്ങൾ തുടങ്ങിയ പരാതികളും വിവരങ്ങളുമാണ് പ്രധാനമായും ലഭിക്കുന്നത്.

ഹസാർഡ് അനലിസ്റ്റ്, തദ്ദേശസ്വയംഭരണ വകുപ്പ് ദുരന്തനിവാരണ വിഭാഗം പ്ലാൻ കോ-ഓർഡിനേറ്റർ, റവന്യൂ, പൊലീസ്, അഗ്നിരക്ഷാസേന ഉദ്യോഗസ്ഥർ എന്നിവർക്കൊപ്പം നിലവിലെ സാഹചര്യത്തിൽ ജലസേചനം, ആരോഗ്യം, തദ്ദേശസ്വയംഭരണം, മോട്ടോർ വാഹന വകുപ്പ് എന്നിവയിലെ ജീവനക്കാരും മുഴുവൻ സമയവും കേന്ദ്രത്തിൽ സേവനമനുഷ്ഠിക്കുന്നുണ്ട്.

ദുരിതബാധിത പ്രദേശങ്ങളിൽ നിന്ന് വാഹനസഹായം, ചികിത്സ, രക്ഷാപ്രവർത്തനം തുടങ്ങിയ ആവശ്യങ്ങൾ ലഭിക്കുന്നതോടെ ബന്ധപ്പെട്ട വകുപ്പുകളെ ഉടൻ സജ്ജമാക്കി സഹായം എത്തിക്കുന്നതിനുള്ള ഏകോപനം ഡി.ഇ.ഒ.സി. നിർവഹിക്കുന്നു. നദികളിലെ ജലനിരപ്പ് ജലസേചന വകുപ്പ് നിരന്തരം നിരീക്ഷിച്ച് നൽകുന്ന വിവരങ്ങൾ ഓരോ മണിക്കൂറിലും മുന്നറിയിപ്പായി പൊതുജനങ്ങളിലേക്ക് എത്തിക്കുന്നതും ഈ കേന്ദ്രത്തിന്റെ ചുമതലയാണ്.

ജില്ലാ ഓപ്പറേഷൻ സെന്ററിന് പുറമെ താലൂക്ക് ആസ്ഥാനങ്ങളിലും 24 മണിക്കൂറും പ്രവർത്തിക്കുന്ന താലൂക്ക് ഓപ്പറേഷൻ സെന്ററുകൾ സജ്ജമാണ്. ജില്ലാ-താലൂക്ക് തലങ്ങളിലെ ഇൻസിഡന്റ് റെസ്‌പോൺസ് സിസ്റ്റവുമായി (ഐ.ആർ.എസ്.) സംയോജിപ്പിച്ചാണ് ദുരന്തനിവാരണ പ്രവർത്തനങ്ങൾ ഏകോപിപ്പിക്കുന്നത്.

അപേക്ഷയോടൊപ്പം ബന്ധപ്പെട്ട സർട്ടിഫിക്കറ്റുകൾ, പ്രശസ്തിപത്രങ്ങൾ, കുട്ടിയുടെ പേരിൽ പ്രസിദ്ധീകരിച്ച പുസ്തകത്തിന്റെ പകർപ്പ് (ഉണ്ടെങ്കിൽ), കലാപ്രകടനങ്ങൾ ഉൾപ്പെടുത്തിയ സി.ഡി./പെൻഡ്രൈവ്, പത്രവാർത്തകളുടെ പകർപ്പുകൾ എന്നിവ സമർപ്പിക്കണം.

കേന്ദ്ര സർക്കാരിന്റെ നാഷണൽ ചൈൽഡ് അവാർഡ് ഫോർ എക്സെപ്ഷണൽ അച്ചീവ്‌മെന്റ് നേടിയ കുട്ടികളെ ഈ പുരസ്‌കാരത്തിന് പരിഗണിക്കില്ല. ഓരോ ജില്ലയിൽ നിന്നും നാല് കുട്ടികൾക്കാണ് പുരസ്‌കാരം നൽകുക. വിജയികൾക്ക് ₹25,000, സർട്ടിഫിക്കറ്റ്, ട്രോഫി എന്നിവ ലഭിക്കും. 6–11 വയസ്സ്, 12–18 വയസ്സ് എന്നീ രണ്ട് വിഭാഗങ്ങളിലായാണ് പുരസ്‌കാരം നൽകുന്നത്. ഭിന്നശേഷിക്കാരായ കുട്ടികൾക്കായി പ്രത്യേക വിഭാഗവും ഉണ്ടായിരിക്കും.

അപേക്ഷകൾ ജില്ലാ ശിശു സംരക്ഷണ ഓഫീസർ, ജില്ലാ ശിശു സംരക്ഷണ യൂണിറ്റ്, പൈനാവ് പി.ഒ., ഇടുക്കി – 685603 എന്ന വിലാസത്തിൽ സെപ്റ്റംബർ 10-നകം ലഭിക്കത്തക്ക വിധം അയയ്ക്കണം.

കൂടുതൽ വിവരങ്ങൾക്ക്: 04862 235532, 6282406053, 9744167198.

വെബ്സൈറ്റ്: www.wcd.kerala.gov.in⁠�.

ജൂനിയർ ഇൻസ്ട്രക്ടർ (സർവേയർ) തസ്തികയിൽ ഒരു ഒഴിവ് (ഇ/ബി/ടി വിഭാഗം), ജൂനിയർ ഇൻസ്ട്രക്ടർ (ടൂറിസ്റ്റ് ഗൈഡ്) തസ്തികയിൽ രണ്ട് ഒഴിവുകൾ (ഒ.സി., എസ്.ടി.), ജൂനിയർ ഇൻസ്ട്രക്ടർ (ഇലക്ട്രോണിക്സ് മെക്കാനിക്ക്) തസ്തികയിൽ രണ്ട് ഒഴിവുകൾ (ഒ.സി., മുസ്ലിം), ജൂനിയർ ഇൻസ്ട്രക്ടർ തസ്തികയിൽ ഒരു ഒഴിവ് (ഒ.സി.), ജൂനിയർ ഇൻസ്ട്രക്ടർ (വയർമാൻ) തസ്തികയിൽ ഒരു ഒഴിവ് (എസ്.സി.സി.സി. വിഭാഗം) എന്നിവയിലേക്കാണ് നിയമനം.

നിശ്ചിത യോഗ്യതയുള്ള ഉദ്യോഗാർഥികൾ ആഗസ്റ്റ് 11-ന് രാവിലെ 10 മണിക്ക് കട്ടപ്പന ഗവ. ഐ.ടി.ഐ പ്രിൻസിപ്പാളിന് മുമ്പാകെ നടക്കുന്ന അഭിമുഖത്തിൽ പങ്കെടുക്കണം.

ഉദ്യോഗാർഥികൾ എല്ലാ അസൽ സർട്ടിഫിക്കറ്റുകളും, അവയുടെ പകർപ്പുകളും, ആധാർ കാർഡും, സംവരണാനുകൂല്യം ലഭിക്കുന്നതിന് ആവശ്യമായ അസൽ ജാതി/നോൺ-ക്രീമി ലെയർ സർട്ടിഫിക്കറ്റ് (ബാധകമെങ്കിൽ) എന്നിവ ഹാജരാക്കണം.കൂടുതൽ വിവരങ്ങൾക്ക്: 04868 272216.

അടിമാലി, അറക്കുളം, മരിയാപുരം, മാങ്കുളം, കുടയത്തൂർ, കാഞ്ചിയാർ, കൊക്കയാർ, വണ്ടൻമേട്, കൊന്നത്തടി, ഇരട്ടയാർ, കുമളി, ഉടുമ്പൻചോല, ഇടവെട്ടി, അയ്യപ്പൻകോവിൽ, മണക്കാട്, ആലക്കോട്, വെള്ളിയാമറ്റം, കരിമണ്ണൂർ, കുമാരമംഗലം, ബൈസൺവാലി, ഉടുമ്പന്നൂർ, സേനാപതി, നെടുങ്കണ്ടം ഗ്രാമപഞ്ചായത്തുകൾ, തൊടുപുഴ, കട്ടപ്പന, അടിമാലി, ഇടുക്കി, നെടുങ്കണ്ടം, ഇളംദേശം ബ്ലോക്ക് പഞ്ചായത്തുകൾ, കൂടാതെ കട്ടപ്പന നഗരസഭ എന്നിവയുടെ പദ്ധതി ഭേദഗതികൾക്കാണ് അംഗീകാരം ലഭിച്ചത്.

യോഗത്തിൽ മഴയുമായി ബന്ധപ്പെട്ട ദുരന്തങ്ങളെ നേരിടാൻ എല്ലാ തദ്ദേശ സ്വയംഭരണ സ്ഥാപനങ്ങളും പൂർണ സജ്ജരായിരിക്കണമെന്ന് നിർദേശം നൽകി. ദുരിതാശ്വാസ ക്യാമ്പുകളിൽ നിന്ന് സ്വന്തം വീടുകളിലേക്ക് മടങ്ങാൻ കഴിയാത്തവർക്ക് ആവശ്യമായ വാടകവീടുകൾ തദ്ദേശ സ്ഥാപനങ്ങൾ ഒരുക്കണമെന്നും നിർദേശിച്ചു.

തദ്ദേശ സ്ഥാപനങ്ങളുടെ തനത് വരുമാനം വർധിപ്പിക്കാൻ നടപടികൾ ശക്തമാക്കണമെന്നും, ജൈവ വൈവിധ്യത്തിന്റെ സാധ്യതകൾ പ്രയോജനപ്പെടുത്തി പുതിയ പദ്ധതികൾ ആവിഷ്‌കരിക്കണമെന്നും യോഗം നിർദേശിച്ചു.

അതിഥി തൊഴിലാളികൾക്കിടയിൽ മലേറിയ കേസുകൾ വർധിക്കുന്ന സാഹചര്യത്തിൽ തൊഴിലാളികളുടെ ആരോഗ്യപരിശോധന കർശനമാക്കാനും, തൊഴിലാളികളെ എത്തിക്കുന്ന ഏജന്റുമാരുടെ പട്ടിക തയ്യാറാക്കാനും, താമസസ്ഥലങ്ങളിലെ ശുചിത്വം ഉറപ്പാക്കാനും തദ്ദേശ സ്ഥാപനങ്ങൾ നടപടി സ്വീകരിക്കണമെന്നും നിർദേശിച്ചു.

ജില്ലാ ആസൂത്രണ സമിതി ഹാളിൽ നടന്ന യോഗത്തിൽ ജില്ലാ പ്ലാനിംഗ് ഓഫീസർ ഡോ. പി. പ്രവീൺ, ഗ്രാമ-ബ്ലോക്ക് പഞ്ചായത്ത് പ്രസിഡന്റുമാർ, പഞ്ചായത്ത്, ബ്ലോക്ക്, നഗരസഭ സെക്രട്ടറിമാർ, വിവിധ ജില്ലാതല ഉദ്യോഗസ്ഥർ എന്നിവർ പങ്കെടുത്തു.

ഹെഡ് ക്വാർട്ടേഴ്സ്, സതേൺ നേവൽ കമാൻഡിൽ നിന്നുള്ള പ്രതിനിധികൾ പങ്കെടുക്കുന്ന പരിപാടി ആഗസ്റ്റ് 20-ന് രാവിലെ 11 മുതൽ ഉച്ചയ്ക്ക് 1.30 വരെ തൊടുപുഴയിലെ ഇടുക്കി ജില്ലാ സൈനിക ക്ഷേമ ഓഫീസിൽ നടക്കും. ഇടുക്കി ജില്ലയിൽ സ്ഥിരതാമസക്കാരായ നേവിയിൽ നിന്ന് വിരമിച്ച വിമുക്തഭടന്മാർക്കും വിമുക്തഭട വിധവകൾക്കും പരിപാടിയിൽ പങ്കെടുക്കാം.

പുതിയ ക്ഷേമ പദ്ധതികൾ, പെൻഷൻ, പരാതി പരിഹാരം തുടങ്ങിയ വിഷയങ്ങളിൽ നാവികസേനാ പ്രതിനിധികളുമായി നേരിട്ട് ആശയവിനിമയം നടത്താനും സംശയങ്ങൾക്ക് മറുപടി ലഭിക്കാനും അവസരമുണ്ടാകും.കൂടുതൽ വിവരങ്ങൾക്ക്: 04862 222904.

ഓഗസ്റ്റ് 15-ന് രാവിലെ പോലീസ് പരേഡ് ഗ്രൗണ്ടിൽ നടക്കുന്ന സ്വാതന്ത്ര്യദിന പരേഡിൽ വിവിധ യൂണിഫോം സേനകളുടെ പ്ലാറ്റൂണുകൾക്ക് പുറമെ എൻ.സി.സി., സ്‌കൗട്ട് ആൻഡ് ഗൈഡ്സ്, സ്റ്റുഡന്റ് പോലീസ് കേഡറ്റ് (എസ്.പി.സി.) യൂണിറ്റുകൾ, ബാൻഡ് പ്ലാറ്റൂണുകൾ എന്നിവയും അണിനിരക്കും. വിദ്യാഭ്യാസ വകുപ്പിന്റെ നേതൃത്വത്തിൽ സ്‌കൂൾ, കോളജ് വിദ്യാർഥികളുടെ കലാപരിപാടികളും ചടങ്ങിന്റെ ഭാഗമായി അവതരിപ്പിക്കും.

ജില്ലാ കളക്ടറുടെ ചേംബറിൽ നടന്ന യോഗത്തിൽ അഡീഷണൽ ജില്ലാ മജിസ്ട്രേറ്റ് സോളി ആന്റണി, അഡീഷണൽ എസ്.പി. കെ. സജീവ്, ആർ.ഡി.ഒ. നിജു കുര്യൻ, ജില്ലാ സപ്ലൈ ഓഫീസർ വി. സുരേഷ്, പൊതുവിദ്യാഭ്യാസ വകുപ്പ് ഡെപ്യൂട്ടി ഡയറക്ടർ ഹണി ജി. അലക്സാണ്ടർ, സ്‌പെഷൽ ബ്രാഞ്ച് ഡിവൈ.എസ്.പി. ടിപ്‌സൺ തോമസ്, പൊതുമരാമത്ത് വകുപ്പ് കെട്ടിട വിഭാഗം അസിസ്റ്റന്റ് എക്സിക്യൂട്ടീവ് എൻജിനീയർ വി. മഞ്ജുള, കോട്ടയം തഹസീൽദാർ സിറിൽ സഞ്ജു തോമസ് എന്നിവർ പങ്കെടുത്തു.

സംഭവത്തെ തുടർന്ന് വനംവകുപ്പ് ഉദ്യോഗസ്ഥരുമായി ഫോണിൽ ബന്ധപ്പെടുകയും രാജാമുടി കേന്ദ്രീകരിച്ച് നിരീക്ഷണവും പട്രോളിംഗും ശക്തമാക്കാൻ നിർദേശം നൽകിയതായും എം.എൽ.എ അറിയിച്ചു.

പ്രദേശത്ത് സൗരവേലി സ്ഥാപിക്കുന്നത് ഉൾപ്പെടെയുള്ള ശാശ്വത പരിഹാര നടപടികൾ അടിയന്തരമായി നടപ്പാക്കണമെന്ന് ആവശ്യപ്പെട്ട് അടുത്ത ദിവസങ്ങളിൽ വനംവകുപ്പ് മന്ത്രിയെ നേരിൽ കാണുമെന്നും അദ്ദേഹം അറിയിച്ചു.

ജനങ്ങളുടെ ജീവനും സ്വത്തിനും സംരക്ഷണം ഉറപ്പാക്കാൻ വന്യജീവി ആക്രമണം തടയുന്നതിനുള്ള ദീർഘകാല പദ്ധതികൾ സർക്കാർ നടപ്പാക്കേണ്ടത് അനിവാര്യമാണെന്നും എം.എൽ.എ അഭിപ്രായപ്പെട്ടു.

ട്രാഫിക് റെഗുലേറ്ററി കമ്മിറ്റി, നഗരസഭ കൗൺസിൽ, ട്രാഫിക് കമ്മിറ്റി എന്നിവയുടെ സംയുക്ത തീരുമാനങ്ങളുടെ അടിസ്ഥാനത്തിലാണ് നഗരസഭയും ട്രാഫിക് പോലീസും ചേർന്ന് നിലവിലെ ക്രമീകരണങ്ങൾ നടപ്പിലാക്കിയതെന്ന് അദ്ദേഹം പറഞ്ഞു.

ബസ് സ്റ്റോപ്പുകൾ മാറ്റി സ്ഥാപിക്കേണ്ട സ്ഥലങ്ങൾ നേരത്തെ തന്നെ തീരുമാനിച്ചിരുന്നുവെന്നും നിലവിൽ പളനിക്കവലയിൽ മാത്രമാണ് വെയ്റ്റിംഗ് ഷെഡ് ഉള്ളതെന്നും മറ്റ് സ്ഥലങ്ങളിൽ ബസ് സ്റ്റോപ്പുകൾ തിരിച്ചറിയുന്നതിനായി ബോർഡുകൾ സ്ഥാപിച്ചിട്ടുണ്ടെന്നും വിശദീകരണത്തിൽ പറയുന്നു.

വെയ്റ്റിംഗ് ഷെഡും ബസ് സ്റ്റോപ്പും തമ്മിലുള്ള വ്യത്യാസം മനസ്സിലാക്കാതെയാണ് ചില വിമർശനങ്ങളെന്നും ജനങ്ങളും വിവിധ സംഘടനകളും സഹകരിച്ചാൽ നഗരസഭയുടെ സാമ്പത്തിക ബാധ്യതയില്ലാതെ സ്പോൺസർഷിപ്പിലൂടെ കൂടുതൽ വെയ്റ്റിംഗ് ഷെഡുകൾ നിർമ്മിക്കാൻ തയ്യാറാണെന്നും അദ്ദേഹം അറിയിച്ചു.

ട്രാഫിക് പരിഷ്‌കരണം ഘട്ടംഘട്ടമായാണ് നടപ്പാക്കുന്നതെന്നും നിലവിൽ ഒന്നാം ഘട്ടം പൂർത്തിയായിട്ടുണ്ടെന്നും രണ്ട് മാസത്തിനുശേഷം രണ്ടാം ഘട്ടവും തുടർന്ന് മൂന്ന് മാസത്തിനുശേഷം അടുത്ത ഘട്ടവും നടപ്പാക്കുമെന്നും നഗരസഭ അധ്യക്ഷൻ വ്യക്തമാക്കി. എല്ലാ ഘട്ടങ്ങളും പൂർത്തിയാകുന്നതോടെ കട്ടപ്പന ടൗണിലെ ഗതാഗതക്കുരുക്ക് പൂർണമായും പരിഹരിക്കാനാകുമെന്നാണ് നഗരസഭയുടെ പ്രതീക്ഷ.

നിലവിലുള്ള കരാറുകളും സുപ്രീംകോടതി വിധികളും അടിസ്ഥാനമാക്കി അണക്കെട്ടിൽ കൂടുതൽ ജലം സംഭരിക്കാനുള്ള തമിഴ്നാടിന്റെ നിയമപരമായ അവകാശം ഉറപ്പാക്കാൻ ആവശ്യമായ നിയമനടപടികൾ സ്വീകരിക്കുമെന്നാണ് ബജറ്റിൽ വ്യക്തമാക്കുന്നത്.

മുല്ലപ്പെരിയാർ അണക്കെട്ടിന്റെ ജലനിരപ്പ് ഉയർത്തണമെന്ന ആവശ്യം തമിഴ്നാട് ദീർഘകാലമായി ഉന്നയിച്ചുവരുന്നതാണ്. 2014-ലെ സുപ്രീംകോടതി വിധി പ്രകാരം അണക്കെട്ടിലെ ജലനിരപ്പ് 142 അടി വരെ ഉയർത്താൻ തമിഴ്നാടിന് അനുമതിയുണ്ട്. അണക്കെട്ട് സുരക്ഷിതമാണെന്നും ആവശ്യമായ ബലപ്പെടുത്തൽ പ്രവർത്തനങ്ങൾ പൂർത്തിയാക്കിയ ശേഷമാണ് ജലനിരപ്പ് ഉയർത്താനുള്ള നടപടികളെന്നും തമിഴ്നാട് നിലപാട് ആവർത്തിക്കുന്നു.

അതേസമയം, അണക്കെട്ടിന്റെ പഴക്കവും സുരക്ഷയും ചൂണ്ടിക്കാട്ടി ജലനിരപ്പ് ഉയർത്തുന്നതിനെ കേരളം തുടർച്ചയായി എതിർക്കുകയാണ്. നിലവിലെ അണക്കെട്ടിന് പകരം പുതിയ അണക്കെട്ട് നിർമിക്കണമെന്ന ആവശ്യവും കേരളം മുന്നോട്ടുവയ്ക്കുന്നുണ്ട്.

തമിഴ്നാട് സർക്കാരിന്റെ പുതിയ പ്രഖ്യാപനത്തോട് കേരള സർക്കാർ ഇതുവരെ ഔദ്യോഗികമായി പ്രതികരിച്ചിട്ടില്ല.

രോഗിയുടെ കൂട്ടിരിപ്പുകാരനെന്ന വ്യാജേന ആശുപത്രിക്കുള്ളിൽ പ്രവേശിച്ചയാളാകാം മോഷണശ്രമത്തിന് പിന്നിലെന്നാണ് പ്രാഥമിക നിഗമനം. ആശുപത്രി സൂപ്രണ്ടിന്റെ പരാതിയുടെ അടിസ്ഥാനത്തിൽ പാലാ പോലീസ് കേസെടുത്ത് അന്വേഷണം ആരംഭിച്ചു.

സംഭവവുമായി ബന്ധപ്പെട്ട് ആശുപത്രിയിലെയും സമീപ പ്രദേശങ്ങളിലെയും സി.സി.ടി.വി. ദൃശ്യങ്ങൾ പോലീസ് ശേഖരിച്ച് പരിശോധിച്ചുവരികയാണ്. കൂടുതൽ അന്വേഷണം പുരോഗമിക്കുകയാണ്.

ഈ ഭേദഗതി വഴി ഭാവിയിൽ ഏതൊക്കെ ഡിജിറ്റൽ ഇടപാടുകൾക്ക് സേവനനിരക്ക് ബാധകമാക്കണം, ഏതൊക്കെ ഇടപാടുകൾ ഒഴിവാക്കണം എന്നീ കാര്യങ്ങളിൽ തീരുമാനമെടുക്കാനുള്ള അധികാരമാണ് കേന്ദ്രത്തിന് ലഭിക്കുന്നത്. എന്നാൽ നിലവിൽ യുപിഐ ഇടപാടുകൾക്ക് പുതിയ ചാർജുകളൊന്നും പ്രഖ്യാപിച്ചിട്ടില്ല.

അതിനാൽ, സാധാരണ ഉപയോക്താക്കൾക്കും ചെറുകിട വ്യാപാരികൾക്കും യുപിഐ ഇടപാടുകൾ ഇപ്പോഴും പൂർണമായും സൗജന്യമായി തുടരും. ഭാവിയിൽ സേവനനിരക്ക് സംബന്ധിച്ച് സർക്കാർ പ്രത്യേക തീരുമാനം എടുക്കുന്ന സാഹചര്യത്തിൽ മാത്രമേ പുതിയ മാറ്റങ്ങൾ നിലവിൽ വരികയുള്ളു.

അപകടത്തിൽ എംഎൽഎയ്ക്കും വാഹനത്തിലുണ്ടായിരുന്ന ഡ്രൈവർ വിഷ്ണു, ജെറിൻ, അരുൺ എന്നിവർക്കും നിസാര പരിക്കേറ്റു. ഗുരുതര പരിക്കുകളൊന്നുമില്ലെന്നാണ് അധികൃതർ അറിയിച്ചത്.

പരിക്കേറ്റ എംഎൽഎയെ പത്തനംതിട്ടയിലെ സ്വകാര്യ ആശുപത്രിയിൽ പ്രവേശിപ്പിച്ചു. തോളെല്ലിന് നിസാര പരിക്കേറ്റതായും രാത്രി തന്നെ സി.ടി. സ്കാൻ ഉൾപ്പെടെയുള്ള പരിശോധനകൾ പൂർത്തിയാക്കിയതായും ആരോഗ്യനില തൃപ്തികരമാണെന്നും ഡോക്ടർമാർ അറിയിച്ചു.

കനത്ത മഴയെ തുടർന്ന് നിയന്ത്രണം വിട്ടെത്തിയ മറ്റൊരു വാഹനം എംഎൽഎയുടെ കാറിലേക്ക് ഇടിക്കുകയായിരുന്നു. ഇടിയുടെ ആഘാതത്തിൽ രണ്ട് വാഹനങ്ങളുടെയും മുൻഭാഗം പൂർണമായും തകർന്നു. സംഭവത്തിൽ കൂടുതൽ അന്വേഷണം പുരോഗമിക്കുകയാണ്.

സംഭവത്തെ തുടർന്ന് സമീപത്ത് താമസിക്കുന്ന 15ഓളം കുടുംബങ്ങൾ ആശങ്കയിലാണ്. പ്രദേശത്ത് വീണ്ടും മണ്ണിടിച്ചിൽ ഉണ്ടാകാനുള്ള സാധ്യതയുള്ളതിനാൽ സുരക്ഷാ നടപടികൾ ശക്തമാക്കണമെന്നാണ് നാട്ടുകാരുടെ ആവശ്യം.

അതേസമയം, കുന്ന് ഇടിച്ചുനിരത്തിയും വലിയ തോതിൽ മണ്ണ് നീക്കം ചെയ്തുമാണ് കെട്ടിട നിർമാണം നടത്തിയതെന്ന ആരോപണവും ഉയരുന്നുണ്ട്. റെഡ് സോണിൽ ഉൾപ്പെടുന്ന പ്രദേശത്താണ് കെട്ടിടം നിർമിച്ചതെന്നും, അപകടസാധ്യതയുള്ള മേഖലയിൽ നിർമാണത്തിന് അനുമതി നൽകിയതാണ് ഇപ്പോഴത്തെ അവസ്ഥയ്ക്ക് കാരണമെന്നുമാണ് പ്രദേശവാസികളുടെ വിമർശനം.

സംഭവത്തിൽ സമഗ്ര അന്വേഷണം നടത്തി നിർമാണത്തിന് നൽകിയ അനുമതിയും സുരക്ഷാ മാനദണ്ഡങ്ങളും പരിശോധിക്കണമെന്നും, സമീപവാസികളുടെ സുരക്ഷ ഉറപ്പാക്കാൻ അടിയന്തര നടപടികൾ സ്വീകരിക്കണമെന്നും നാട്ടുകാർ ആവശ്യപ്പെട്ടു.

നിലവിൽ കെ.എസ്.ആർ.ടി.സി, സ്വകാര്യ ബസുകൾ, വലിയ സ്കൂൾ ബസുകൾ എന്നിവയ്ക്ക് ഈ വഴിയുള്ള യാത്ര നിരോധിച്ചിരിക്കുകയാണ്. ഇതോടെ വിദ്യാർത്ഥികളുടെ യാത്രയും പഠനവും ഉൾപ്പെടെ ദൈനംദിന ജീവിതം താളം തെറ്റി. ഈ റൂട്ടിലെ സർവീസുകൾ കെ.എസ്.ആർ.ടി.സി പൂർണമായും നിർത്തിവച്ചിരിക്കുകയാണ്. ചില സ്വകാര്യ ബസുകൾ മാത്രം മറ്റൊരു റൂട്ടിലൂടെ സർവീസ് നടത്തുന്നുണ്ടെങ്കിലും അത് പ്രദേശവാസികൾക്ക് കാര്യമായ ആശ്വാസമാകുന്നില്ല. നിലവിൽ ചെറുവാഹനങ്ങൾക്ക് മാത്രമാണ് ഇതുവഴി യാത്രാനുമതിയുള്ളത്.

മണ്ണിടിഞ്ഞ സ്ഥലങ്ങളിൽ ജെ.സി.ബി ഉപയോഗിച്ച് റോഡരികിലെ മണ്ണ് നീക്കിയാൽ ഗതാഗതം പുനഃസ്ഥാപിക്കാനാകുമെന്നാണ് നാട്ടുകാരുടെ അഭിപ്രായം. മുകളിലെ വളവിൽ റോഡിന്റെ ഫൗണ്ടേഷൻ നിർമാണത്തിനായി മണ്ണ് നീക്കിയതാണ് പാതയോരം ഇടിയാൻ കാരണമായതെന്നും അവർ ആരോപിക്കുന്നു.

സമീപത്തെ വനഭൂമിയിലെ മൺതിട്ട നീക്കി റോഡിന് താൽക്കാലികമായി വീതികൂട്ടിയാൽ വലിയ വാഹനഗതാഗതം പുനഃസ്ഥാപിക്കാനാകുമെന്നാണ് നാട്ടുകാരുടെ നിർദേശം. എന്നാൽ സ്ഥലം കാളിയാർ റേഞ്ച് ഫോറസ്റ്റ് ഓഫീസിന്റെ പരിധിയിലായതിനാൽ വനംവകുപ്പിന്റെ അനുമതി ആവശ്യമാണ്. ഇതിനായി ജനപ്രതിനിധികളുടെ നേതൃത്വത്തിൽ അടിയന്തര ഇടപെടൽ വേണമെന്ന ആവശ്യവും ശക്തമാണ്.

നിലവിൽ വണ്ണപ്പുറം–മുള്ളരിങ്ങാട് കവലയിൽ നിന്ന് കോട്ടപ്പാറ–മുള്ളരിങ്ങാട് വഴിയാണ് ഹൈറേഞ്ചിലേക്കുള്ള ബസുകൾക്ക് നിർദേശിച്ചിട്ടുള്ള ബദൽപാത. എന്നാൽ ഈ വഴി ദൂരം കൂടുതലും യാത്ര ദുഷ്കരവുമാണെന്ന് ബസ് ജീവനക്കാരും യാത്രക്കാരും ചൂണ്ടിക്കാട്ടുന്നു.

റോഡിലെ അപകടസാധ്യത അടിയന്തരമായി പരിഹരിച്ച് പൊതുഗതാഗതം പുനഃസ്ഥാപിക്കണമെന്നാണ് പ്രദേശവാസികളുടെ പ്രധാന ആവശ്യം.