മുതിരപ്പുഴയില് വീണ അന്യസംസ്ഥാന തൊഴിലാളിയെ അഗ്നിരക്ഷാസേന രക്ഷപ്പെടുത്തി
Reporter | Kerala Journal 
മൂന്നാർ: മുതിരപ്പുഴയില് വീണ രാജസ്ഥാന് സ്വദേശിയായ യുവാവിനെ അഗ്നിരക്ഷാസേന രക്ഷപ്പെടുത്തി. പഴയ മൂന്നാർ മൂലക്കടക്ക് സമീപത്താണ് സംഭവം. വഴിയോര കടയിലെ ജീവനക്കാർ യുവാവ് പുഴയിൽ ഒഴുകി വരുന്നത് ശ്രദ്ധയിൽപ്പെട്ടതോടെ അഗ്നിരക്ഷാസേനയും പോലീസും വിവരം അറിയുകയും രക്ഷാ പ്രവർത്തനം നടത്തുകയും ആയിരുന്നു
പുഴയുടെ കരയിലെ ചെടിയില് പിടിച്ചുനിന്നിരുന്ന യുവാവിന്റെ അടുത്തേക്ക് അഗ്നിരക്ഷാസേന ഡ്രൈവറായ രാകേഷ് നീന്തിക്കടന്നെങ്കിലും ശക്തമായ നീരൊഴുക്കിനെ തുടർന്ന് ഡി.ടി.പി.സി.യുടെ ബോട്ട് ഉപയോഗിച്ച് യുവാവിനെ കരയ്ക്കെത്തിച്ചു.
രക്ഷപ്പെടുത്തിയ യുവാവിനെ മൂന്നാർ ടാറ്റ ഹൈറേഞ്ച് ആശുപത്രിയിൽ പ്രവേശിപ്പിച്ച് ചികിത്സ നൽകി.
