ഗൂഗിൾ പ്ലേ സ്റ്റോറിൽ നിന്ന് ആപ്പുകൾ ഡൗൺലോഡ് ചെയ്യുമ്പോഴും ജാഗ്രത പാലിക്കണമെന്ന് മുന്നറിയിപ്പ്. യഥാർഥ വാട്‌സ്ആപ്പിനോട് സാമ്യമുള്ള വ്യാജ പതിപ്പ് പ്ലേ സ്റ്റോറിൽ കണ്ടെത്തിയതായാണ് റിപ്പോർട്ട്. അമ്പത് ലക്ഷത്തിലധികം പേർ ഈ ആപ്പ് ഡൗൺലോഡ് ചെയ്തതായും റിപ്പോർട്ടിൽ പറയുന്നു.

യഥാർഥ ആപ്പിന്റെ സ്ക്രീൻഷോട്ടുകളും വിവരണങ്ങളും ഉപയോഗിച്ചാണ് വ്യാജ ആപ്പ് ഉപയോക്താക്കളെ ആകർഷിച്ചത്. പ്ലേ സ്റ്റോറിലെ സ്പോൺസർഡ് പരസ്യ സൗകര്യവും ദുരുപയോഗം ചെയ്തതായി റിപ്പോർട്ടിൽ പറയുന്നു.

ആപ്പ് ഡൗൺലോഡ് ചെയ്യുമ്പോൾ ശ്രദ്ധിക്കേണ്ട കാര്യങ്ങൾ:

- ഡെവലപ്പറുടെ പേര് പരിശോധിക്കുക. ഔദ്യോഗിക വാട്‌സ്ആപ്പിന്റെ ഡെവലപ്പർ WhatsApp LLC ആണ്.

- ആപ്പിന്റെ റേറ്റിങ്ങും റിവ്യൂകളും പരിശോധിക്കുക.

- ആപ്പിന്റെ പേരും ഐക്കണും മാത്രം കണ്ട് വിശ്വസിക്കരുത്.

- സംശയാസ്പദമായ ലിങ്കുകളിൽ നിന്ന് ആപ്പുകൾ ഇൻസ്റ്റാൾ ചെയ്യരുത്.

പ്ലേ സ്റ്റോറിൽ ലഭ്യമാണെന്ന കാരണത്താൽ മാത്രം ഒരു ആപ്പ് സുരക്ഷിതമാണെന്ന് ഉറപ്പിക്കാനാകില്ലെന്നതാണ് ഈ സംഭവം നൽകുന്ന മുന്നറിയിപ്പ്