കേരള ഫിലിം സൊസൈറ്റി പ്രസ്ഥാനത്തിന്റെ 60-ാം വാർഷികവും പുസ്തക പ്രകാശനവും കട്ടപ്പനയിൽ നടന്നു
Reporter | Kerala Journal 
കട്ടപ്പന: കേരള ഫിലിം സൊസൈറ്റി പ്രസ്ഥാനത്തിന്റെ അറുപതാം വാർഷികാഘോഷവും ഇ. ജെ. ജോസഫിന്റെ "തോറ്റവരുടെ യുദ്ധങ്ങൾ " എന്ന പുസ്തകത്തിന്റെ പ്രകാശനവും കട്ടപ്പനയിൽ നടന്നു.
ദർശന പ്രസിഡന്റ് ഷാജി ചിത്ര അദ്ധ്യക്ഷത വഹിച്ച പരിപാടി, ശ്രീ ജിജി കെ. ഫിലിപ്പ് ഉദ്ഘാടനം നിർവഹിച്ചു.
ഇ ജെ,യുടെ "തോറ്റവരുടെ യുദ്ധങ്ങൾ" പുസ്തക പ്രകാശനം പ്രമുഖ നാടക സംവിധായകനും എഴുത്തുകാരനുമായ ശ്രീ നരിപ്പറ്റ രാജു നിർവഹിച്ചു.പുസ്തകം, പ്രമുഖ നടി ജയാ കുറുപ്പ് ഏറ്റ് വാങ്ങി. എസ്. ജ്യോതിസ് പുസ്തകത്തെ പരിചയപ്പെടുത്തി.
പരിപാടിയുടെ ഭാഗമായി ഫിലിം സൊസൈറ്റിയുടെ ആദ്യകാല അംഗങ്ങളെ ആദരിച്ചു.വിഖ്യാത സംവിധായകൻ ഷാജി എൻ കരുൺ അനുസ്മരണവും പരിപാടിയുടെ ഭാഗമായി നടന്നു..
