പഞ്ചായത്ത് പ്രസിഡന്റിന്റെ കസേരയില് വാഴ വച്ച സംഭവം: 8 സി.പി.എം പ്രവര്ത്തകര്ക്കെതിരെ കേസ്
Reporter | Kerala Journal 
കല്ലൂർക്കാട് : കുമാരമംഗലം പഞ്ചായത്തുകളുടെ അതിർത്തിയായ കലൂരില് കഴിഞ്ഞ വ്യാഴാഴ്ച തെരുവുനായ ആക്രമണത്തില് അഞ്ച് പേർക്ക് നായയുടെ കടിയേറ്റിരുന്നു. ഇതിന്റെ പേരില് പ്രതിഷേധവുമായെത്തിയ സി.പി.എം, ഡി.വൈ.എഫ്.ഐ പ്രവർത്തകർ കുമാരമംഗലം പഞ്ചായത്ത് ഓഫീസില് അതിക്രമിച്ച് കയറി പഞ്ചായത്ത് പ്രസിഡന്റിന്റെ കസേരയില് വാഴ വയ്ക്കുകയായിരുന്നു.
സംഭവത്തില് പഞ്ചായത്ത് പ്രസിഡന്റ് ഗ്രേസി തോമസ് തൊടുപുഴ പൊലീസില് പരാതി നല്കി. തുടർന്ന് പ്രസിഡന്റിന്റെയും മെമ്ബർമാരുടെയും ജീവനക്കാരുടെയും മൊഴി എടുത്തിരുന്നു. ഇതിന്റെ അടിസ്ഥാനത്തിലാണ് എട്ട് സി.പി.എം പ്രവർത്തകർക്കെതിരെ കേസ് എടുത്തത്.
