ഏലപ്പാറ : ഹെലിബുറിയ കുടിവെള്ള പദ്ധതിയുടെ ഭാഗമായി കുടിവെള്ള വിതരണം മുടങ്ങിയിട്ട്  10 ദിവസത്തിൽ ഏറെയായിട്ടും പരിഹാരം കാണാനാവാതെ അധികൃതർ.പലതവണ ഈ പ്രശ്നത്തിന് പരിഹാരം കാണണം എന്ന് ആവശ്യപ്പെട്ടിട്ടും ശാശ്വത പരിഹാരം ലഭിക്കുന്നില്ലെന്ന് പ്രദേശ വാസികൾ ആരോപിക്കുന്നു.

പീരുമേട്, ഏലപ്പാറ പെരുവന്താനം എന്നീ പഞ്ചായത്തുകളിലാണ് കഴിഞ്ഞ 10 ദിവസത്തിലേറെയായി പൂർണ്ണമായും ജല ജലവിതരണം മുടങ്ങിയത്. മോട്ടോർ തകരാറു മൂലമാണ് ജലവിതരണത്തിൽ തടസ്സം വന്നത് എന്നാണ് അധികൃതർ അറിയിക്കുന്നത്.

പെരിയാറിൽ നിന്നും ശേഖരിക്കുന്ന ജലം ശുചീകരിച്ച് വിതരണം ചെയ്യുന്ന പദ്ധതിയുടെ ഉപഭോക്താക്കളായി നൂറിലധികം കുടുംബങ്ങളാണ് ഏലപ്പാറ മേഖലയിൽ മാത്രം ഉള്ളത്.ഏലപ്പാറ മുതൽ പെരുവന്താനം വരെ നീളുന്ന കുടിവെള്ള പദ്ധതിയുടെ പ്രശ്നം ശാശ്വതമായി പരിഹരിക്കണം എന്ന് പരിസരവാസികൾ ആവശ്യപ്പെടുന്നു