അയ്യപ്പൻകോവില് തൂക്കുപാലം : 25 പേരില് കൂടുതല് കയറുന്നതിന് നിരോധനം
Reporter | Kerala Journal 
കാഞ്ചിയാർ : അയ്യപ്പൻകോവില് പഞ്ചായത്തുകളെ ബന്ധിപ്പിക്കുന്ന അയ്യപ്പൻകോവില് തൂക്കുപാലത്തില് ഒരേ സമയം 25 പേരില് കൂടുതല് കയറുന്നത് നിരോധിച്ച് ജില്ലാ കളക്ടർ ഉത്തരവിട്ടു.
.jpg)
ഓണം പ്രമാണിച്ചുള്ള അവധിക്കാലമായതിനാല് ധാരാളം വിനോദസഞ്ചാരികള് എത്തിച്ചേരുന്നതിന് സാദ്ധ്യതയുള്ളതും നിയന്ത്രണമില്ലാതെ ആളുകള് പാലത്തില് കയറുന്നത് വലിയ അപകടം ഉണ്ടാക്കുമെന്ന സാഹചര്യത്തിലാണ് നിരോധനം.
ഉത്തരവ് കർശനമായി നടപ്പിലാക്കുന്നതിന് ജില്ലാ പൊലീസ് മേധാവി, ഇടുക്കി തഹസില്ദാർ, കാഞ്ചിയാർ, അയ്യപ്പൻകോവില് പഞ്ചായത്ത് സെക്രട്ടറിമാർ എന്നിവരെ ചുമതലപ്പെടുത്തി.
അവധി ദിനങ്ങളിൽ പാലത്തിന്റെ ഇരുവശത്തും പൊലീസ് ഉദ്യോഗസ്ഥരെ ഡ്യൂട്ടിക്ക് നിയോഗിക്കും.
