എഴുകുംവയലിൽ ഓണാരവം 24 ന്
Reporter | Kerala Journal 
എഴുകുംവയൽ: ഓണാഘോഷത്തിന്റെ ഭാഗമായി ‘എഴുകുംവയൽ ഓണാരവം 2026’ ഓഗസ്റ്റ് 24ന് നിത്യസഹായ മാതാ ദൈവാലയ അങ്കണത്തിൽ നടക്കും. വിവിധ പരിപാടികളോടെ സംഘടിപ്പിക്കുന്ന ആഘോഷത്തിൽ കൂട്ടയോട്ടം, വിവിധ മത്സരങ്ങൾ, വടംവലി തുടങ്ങിയവ അരങ്ങേറും.
ആഘോഷത്തിന്റെ ഭാഗമായി ഓണഭക്ഷണവും ഒരുക്കിയിട്ടുണ്ട്. കൂട്ടയോട്ടത്തോടെയാണ് പരിപാടികൾക്ക് തുടക്കമാകുക. തുടർന്ന് വിവിധ മത്സരങ്ങളും കലാ-കായിക പരിപാടികളും നടക്കും. നാട്ടുകാരുടെ പങ്കാളിത്തത്തോടെ വിപുലമായ രീതിയിലാണ് ഓണാഘോഷം സംഘടിപ്പിക്കുന്നത്.
