നത്തുകല്ല്: ഒരാഴ്ചക്കാലമായി നത്തുകല്ല് കൈരളി പബ്ലിക് ലൈബ്രറിയുടെ നേതൃത്വത്തിൽ സംഘടിപ്പിച്ചുവന്ന ഓണാഘോഷ പരിപാടികൾക്ക് പ്രൗഢമായ സമാപനം. ഇൻഡോട്ട് റിഥംസ് അവതരിപ്പിച്ച സംഗീതനിശയോടെയാണ് വിവിധ പരിപാടികൾക്ക് സമാപനമായത്.

സമാപന സമ്മേളനം ഓക്സ്ഫോർഡ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് മാനേജിംഗ് ഡയറക്ടർ അഡ്വ. ജോളി കുര്യൻ നെയ്വേലിക്കുന്നേൽ ഉദ്ഘാടനം ചെയ്തു. ലൈബ്രറി പ്രസിഡന്റ് ടോമി ആനിക്കാമുണ്ടയിൽ അധ്യക്ഷത വഹിച്ചു. ലൈബ്രറി സെക്രട്ടറി ജോണി ഇല്ലിമൂട്ടിൽ നന്ദി രേഖപ്പെടുത്തി.

ഒരാഴ്ചയിലേറെ നീണ്ട ആഘോഷപരിപാടികളിൽ കലാ-സാംസ്കാരിക പരിപാടികളും വിവിധ വിനോദപരിപാടികളും ഉൾപ്പെടുത്തിയിരുന്നു. നാട്ടുകാരുടെ സജീവ പങ്കാളിത്തത്തോടെയാണ് ഓരോ പരിപാടിയും നടന്നത്. ഓണാഘോഷത്തിന്റെ ഭാഗമായി സംഘടിപ്പിച്ച സമാപന സംഗീതനിശയിലും മികച്ച ജനപങ്കാളിത്തം ഉണ്ടായി.