കട്ടപ്പന: അതിഥി തൊഴിലാളികളുടെ പക്കൽ നിന്ന് പണവും പഴ്സും കവർന്ന കേസിൽ നാല് യുവാക്കളെ കട്ടപ്പന പോലീസ് അറസ്റ്റ് ചെയ്തു.

കൊച്ചുതോവാള വലിയപാറ ഭാഗത്തെ തകിടിയേൽ വീട്ടിൽ സുധീഷ് മോൻ സുരേന്ദ്രൻ (32), തൈയ്യിൽ വീട്ടിൽ പ്രമോദ് ശശി (38), സാഗരാജംഗ്ഷൻ കോളനി ഭാഗത്തെ പുതുപ്പറമ്പിൽ വീട്ടിൽ ഹരി പി.എസ്. (32), പാമ്പാടുംപാറ വില്ലേജിലെ വലിയതോവാള കര മന്നാക്കുടി ഭാഗത്തെ ഇട്ടിക്കുന്നേൽ വീട്ടിൽ സുധീഷ് സുധാകരൻ (35) എന്നിവരാണ് അറസ്റ്റിലായത്.

ആഗസ്റ്റ് 23ന് കട്ടപ്പന ബിവറേജിന് സമീപത്തെ ഇടവഴിയിൽ വച്ചാണ് രണ്ട് ജാർഖണ്ഡ് സ്വദേശികളായ അതിഥി തൊഴിലാളികളിൽ നിന്ന് പ്രതികൾ 11,000 രൂപയും പഴ്സും കവർന്നതെന്നാണ് പോലീസ് പറയുന്നത്.

കേസിൽ അന്വേഷണം നടത്തിയ കട്ടപ്പന പോലീസ് പ്രതികളെ പിടികൂടുകയായിരുന്നു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.