ഇടുക്കി: വീടിനുള്ളിൽ മുറി പൂട്ടി ആത്മഹത്യയ്ക്ക് ശ്രമിച്ച മധ്യവയസ്കനെ സ്നേഹപൂർവമായ വാക്കുകളിലൂടെ അനുനയിപ്പിച്ച് രക്ഷപ്പെടുത്തിയ ഇടുക്കി തടിയമ്പാട് പൊലീസ് സ്റ്റേഷനിലെ ഗ്രേഡ് എസ്.ഐ ബിബിനെ ഫോണിൽ വിളിച്ച് ആഭ്യന്തര മന്ത്രി രമേശ് ചെന്നിത്തല അഭിനന്ദിച്ചു.

കുടുംബവഴക്കിനെ തുടർന്ന് മുറിയിൽ കയറി ജീവനൊടുക്കാൻ ശ്രമിച്ച വർഗീസ് എന്നയാളെയാണ് എസ്.ഐ ബിബിന്റെ ഇടപെടലിലൂടെ രക്ഷപ്പെടുത്തിയത്. ഏറെ നേരം അനുനയിപ്പിച്ച ശേഷമാണ് “ഞാൻ നിങ്ങളുടെ മകനാണെന്ന് വിചാരിച്ച് ആ കയറൂരി താഴെയിറങ്ങൂ ചേട്ടാ” എന്ന സ്നേഹത്തോടെയുള്ള വാക്കുകളിലൂടെ ബിബിൻ വർഗീസിനെ ആത്മഹത്യാ ശ്രമത്തിൽ നിന്ന് പിന്തിരിപ്പിച്ചത്.

സംഭവത്തിന്റെ ദൃശ്യങ്ങൾ സാമൂഹ്യമാധ്യമങ്ങളിൽ വ്യാപകമായി പ്രചരിച്ചതോടെ എസ്.ഐ ബിബിന്റെ ഇടപെടൽ ഏറെ ശ്രദ്ധ നേടിയിരുന്നു.

ബിബിന്റെയും സംഘത്തിന്റെയും പ്രവർത്തനം മാതൃകാപരമാണെന്നും കേരള പൊലീസിന്റെ മാനുഷിക മുഖം പൊതുസമൂഹത്തിന് മുന്നിൽ വ്യക്തമാക്കുന്നതാണെന്നും ആഭ്യന്തര മന്ത്രി രമേശ് ചെന്നിത്തല ഫോണിൽ അഭിനന്ദിച്ചു.

സെപ്റ്റംബർ 3ന് ഇടുക്കിയിൽ നടക്കുന്ന ‘ഓപ്പറേഷൻ തൂഫാൻ’ ലഹരിവിരുദ്ധ പ്രചാരണ റാലിയിൽ എസ്.ഐ ബിബിനെ ആഭ്യന്തര മന്ത്രി നേരിട്ട് ആദരിക്കും