മുണ്ടക്കയം വേങ്ങക്കുന്നിൽ ട്രാവലർ നിയന്ത്രണം വിട്ട് അപകടം; രണ്ടുപേർക്ക് പരിക്ക്
Reporter | Kerala Journal 
മുണ്ടക്കയം: വേങ്ങക്കുന്നിൽ കേറ്ററിംഗ് സാധനങ്ങളുമായി എത്തിയ ട്രാവലർ നിയന്ത്രണം വിട്ട് മുന്നിലുണ്ടായിരുന്ന ഓട്ടോറിക്ഷയിൽ ഇടിച്ച് അപകടം. ഇടിയുടെ ആഘാതത്തിൽ ഓട്ടോറിക്ഷ പൂർണമായും തകർന്നു.
ഓട്ടോറിക്ഷയിൽ ഇടിച്ച ശേഷം നിയന്ത്രണം വിട്ട ട്രാവലർ ഇലക്ട്രിക്കൽ പോസ്റ്റിൽ ഇടിക്കുകയും തുടർന്ന് സമീപത്തെ കുഴിയിലേക്ക് മറിഞ്ഞു.
അപകടത്തിൽ ഓട്ടോറിക്ഷയിൽ ഉണ്ടായിരുന്ന രണ്ടുപേർക്ക് പരിക്കേറ്റു. ഇവരെ ഉടൻ തന്നെ സ്വകാര്യ ആശുപത്രിയിൽ പ്രവേശിപ്പിച്ചു.
