കട്ടപ്പന: ഇന്നലെ നടന്ന H.M.T.A ഭരണസമിതി തെരഞ്ഞെടുപ്പിൽ പുതിയ ഭാരവാഹികളെ തെരഞ്ഞെടുത്തു. കെ.വൈ. മാത്യു പ്രസിഡന്റായി തെരഞ്ഞെടുക്കപ്പെട്ടു. അജയകുമാർ എ.ജി വൈസ് പ്രസിഡന്റായും, ജോർജ് ജേക്കബ് സെക്രട്ടറിയായും, പി.സി. വർഗീസ് ജോയിന്റ് സെക്രട്ടറിയായും, മനോജ് എബ്രഹാം ട്രഷററായും ചുമതലയേറ്റു.

പുതിയ ഭരണസമിതിയിലേക്ക് പയസ് കുട്ടി ജോൺ, ജിജോ മാത്യു, എം.എൻ. മധു, ജോജി ജോസഫ്, കെ.ടി. ബിജോ മോൻ, മാത്യു കെ.ജെ., റെജി ചാക്കോ, സി.എം. മത്തായി, ടോമിച്ചൻ കെ.എം., ബെന്നി സി.പി. എന്നിവരെയും കമ്മിറ്റി അംഗങ്ങളായി തെരഞ്ഞെടുത്തു.

സംഘടനയുടെ പ്രവർത്തനങ്ങൾക്ക് കൂടുതൽ ഊർജവും ഏകോപനവും നൽകുന്നതിനൊപ്പം അംഗങ്ങളുടെ ക്ഷേമത്തിനും സംഘടനയുടെ വളർച്ചയ്ക്കും മുൻഗണന നൽകി പ്രവർത്തിക്കുമെന്ന് പുതിയ നേതൃത്വം വ്യക്തമാക്കി.കെ.വൈ. മാത്യുവിന്റെ നേതൃത്വത്തിൽ HMTA പുതിയ മുന്നേറ്റങ്ങളിലേക്ക് എന്ന പ്രതീക്ഷയിലാണ് അംഗങ്ങൾ.