കട്ടപ്പന: ജൂനിയർ ചേംബർ ഇന്റർനാഷണൽ (ജെസിഐ) കട്ടപ്പന ടൗണിന്റെ ഇൻസ്റ്റലേഷൻ, പ്രവർത്തനോദ്ഘാടനം, ഓണാഘോഷം എന്നിവ കട്ടപ്പനയിൽ നടന്നു. ജെസിഐ ഇന്ത്യ നാഷണൽ വൈസ് പ്രസിഡന്റ് ജിതേഷ് അദ്വാനി ഉദ്ഘാടനം ചെയ്തു. കട്ടപ്പന ടൗൺ പ്രസിഡന്റ് ജിജോമോൻ ജോർജ് അധ്യക്ഷത വഹിച്ചു.

സോൺ പ്രസിഡന്റ് ജെയ്സൺ അറക്കൽ, സോൺ വൈസ് പ്രസിഡന്റ് ജോജോ കുമ്പളതാനം, സോൺ ഡയറക്ടർമാരായ ആദർശ് കുര്യൻ, അബിൻ ബോസ്, സെക്രട്ടറി ഡെന്നീസ് സെബാസ്റ്റ്യൻ, ട്രഷറർ അമൽ ജോളി എന്നിവർ ചടങ്ങിൽ പങ്കെടുത്തു.

വിവിധ സാമൂഹിക, സേവന, യുവജനക്ഷേമ പ്രവർത്തനങ്ങൾക്ക് നേതൃത്വം നൽകുന്നതിനൊപ്പം സമൂഹത്തിന്റെ വിവിധ മേഖലകളിൽ സജീവമായി ഇടപെടുന്നതിനുള്ള പ്രവർത്തനങ്ങൾക്ക് പുതിയ ഭാരവാഹികൾ നേതൃത്വം നൽകുമെന്ന് ഭാരവാഹികൾ അറിയിച്ചു.