ചെക്ക് കേസിൽ കുടുങ്ങി മാണി സി.കാപ്പൻ എംഎൽഎ
മുംബൈയിലെ ബോറിവലി കോടതിയുടെ വിധി പ്രവാസിയുടെ പരാതിയിൽ
Reporter | Kerala Journal 
ചെക്ക് കേസിൽ പാലാ എംഎൽഎയും യുഡിഎഫ് നേതാവുമായ മാണി സി. കാപ്പൻക്ക് മുംബൈ ബോറിവലി കോടതി ഒരു വർഷം തടവ് ശിക്ഷ വിധിച്ചു. കേസിൽ പലിശ സഹിതം പരാതിക്കാരനായ പ്രവാസി വ്യവസായിക്ക് നഷ്ടപരിഹാരം നൽകാനും കോടതി ഉത്തരവിട്ടു.
കണ്ണൂർ വിമാനത്താവളത്തിലെ ഓഹരി പങ്കാളിത്തം വാഗ്ദാനം ചെയ്ത് മുംബൈ സ്വദേശിയായ പ്രവാസി വ്യവസായിയിൽ നിന്ന് പണം വാങ്ങിയതുമായി ബന്ധപ്പെട്ട നാല് ചെക്ക് കേസുകളിലാണ് കോടതി നടപടി.
ഒരു വർഷം മാത്രമാണ് തടവ് ശിക്ഷ ലഭിച്ചതെന്നതിനാൽ നിലവിലെ നിയമപ്രകാരം എംഎൽഎ സ്ഥാനത്തിന് അയോഗ്യത ഉണ്ടാകില്ല. ജനപ്രതിനിധിക്ക് രണ്ട് വർഷമോ അതിലധികമോ തടവ് ശിക്ഷ ലഭിച്ചാൽ മാത്രമാണ് ജനപ്രാതിനിധ്യ നിയമപ്രകാരം അയോഗ്യത വരുന്നത്.
