നിയന്ത്രണംവിട്ട ടോറസ് ലോറി ഹോളിഡേ ഹോമിന്റെ ആർച്ച് തകർത്തു
Reporter | Kerala Journal 
കുമളി : നിയന്ത്രണംവിട്ട ടോറസ് ലോറി ഹോളിഡേ ഹോമിന്റെ പ്രവേശനകവാടത്തിലെ ആർച്ച് ഇടിച്ചുതകർത്തു. ഇന്നലെ വൈകുന്നേരത്തോടെയായിരുന്നു അപകടം. അപകടത്തിൽ ആർക്കും പരുക്കേറ്റതായി റിപ്പോർട്ടില്ല.
ഹോളിഡേ ഹോമിലേക്കുള്ള റോഡ് ടാറിങ് ജോലികൾക്കായി നിർമാണസാമഗ്രികളുമായി എത്തിയതായിരുന്നു ലോറി. സാധനങ്ങൾ ഇറക്കിയശേഷം റോഡിലൂടെ തിരികെ ഇറങ്ങുന്നതിനിടെ നിയന്ത്രണം നഷ്ടപ്പെട്ട ലോറി ആർച്ച് ഇടിച്ചുതകർക്കുകയായിരുന്നു.
അപകടത്തിൽ ആർച്ച് പൂർണമായും തകർന്നു. ലോറിയും കേടുപാടുകൾ സംഭവിച്ചു.
