മുരിക്കാശ്ശേരി: സംസ്ഥാന സർക്കാർ നടത്തിവരുന്ന ‘ഓപ്പറേഷൻ തൂഫാൻ – ദ നാർക്കോ ഹണ്ട്’ ലഹരിവിരുദ്ധ പരിപാടിയുടെ ഇടുക്കി ജില്ലാതല ഉദ്ഘാടനം ഇന്ന് മുരിക്കാശ്ശേരി പാവനാത്മാ കോളജ് ഇൻഡോർ സ്റ്റേഡിയത്തിൽ നടക്കും. രാവിലെ 10.30ന് ആഭ്യന്തര മന്ത്രി രമേശ് ചെന്നിത്തല ഉദ്ഘാടനം നിർവഹിക്കും.

റോയി കെ. പൗലോസ് എം.എൽ.എയുടെ അധ്യക്ഷതയിൽ ചേരുന്ന ചടങ്ങിൽ ഇടുക്കി രൂപതാ ബിഷപ്പ് മാർ ജോൺ നെല്ലിക്കുന്നേൽ മുഖ്യപ്രഭാഷണം നടത്തും.

സർക്കാർ ചീഫ് വിപ് അപു ജോൺ ജോസഫ്, ഡീൻ കുര്യാക്കോസ് എം.പി, എം.എൽ.എമാരായ അഡ്വ. സിറിയക് തോമസ്, സേനാപതി വേണു, എഫ്. രാജ, ജില്ലാ പഞ്ചായത്ത് പ്രസിഡന്റ് പ്രൊഫ. ഷീലാ സ്റ്റീഫൻ, ജില്ലാ കളക്ടർ ഡോ. ദിനേശൻ ചെറുവാട്ട്, ജില്ലാ പോലീസ് മേധാവി ഡോ. എ. നാസിം തുടങ്ങിയവർ പങ്കെടുക്കും.

വിവിധ മേഖലകളിൽനിന്ന് തെരഞ്ഞെടുത്തവർക്ക് മന്ത്രി ‘തൂഫാൻ വാരിയർ’ ബാഡ്ജ് സമ്മാനിക്കും. ചടങ്ങിന് മുന്നോടിയായി ഓപ്പറേഷൻ തൂഫാൻ പതാക ഉയർത്തലും മന്ത്രി നിർവഹിക്കും.