.webp)
വണ്ടിപ്പെരിയാറിന്റെ വീഥികൾ അമ്പാടിയായി; ശ്രീകൃഷ്ണ ജയന്തി മഹാശോഭായാത്ര ശ്രദ്ധേയമായി
Reporter | Kerala Journal 
വണ്ടിപ്പെരിയാർ: ശ്രീകൃഷ്ണ ജയന്തി ആഘോഷങ്ങളുടെ ഭാഗമായി വണ്ടിപ്പെരിയാറിൽ നടന്ന മഹാശോഭായാത്ര ഭക്തിസാന്ദ്രമായി. വിവിധ ബാലഗോകുലങ്ങളുടെ നേതൃത്വത്തിൽ കക്കിക്കവലയിൽനിന്ന് ആരംഭിച്ച മഹാശോഭായാത്ര പീരുമേട് എം.എൽ.എ. അഡ്വ. സിറിയക് തോമസ് ഉദ്ഘാടനം ചെയ്തു.
ശ്രീകൃഷ്ണന്റെയും രാധയുടെയും ഗോപികമാരുടെയും വേഷമണിഞ്ഞ് നൂറുകണക്കിന് കുരുന്നുകൾ ശോഭായാത്രയിൽ അണിനിരന്നു. കുരുന്നുകളുടെ വർണാഭമായ വേഷങ്ങളും വിവിധ കലാരൂപങ്ങളും ശോഭായാത്രയ്ക്ക് മിഴിവേകി.
വണ്ടിപ്പെരിയാറിന്റെ പ്രധാന വീഥികളിലൂടെ സഞ്ചരിച്ച ശോഭായാത്രയിൽ നിരവധി ഭക്തജനങ്ങളും പങ്കെടുത്തു. ആഘോഷത്തിന്റെ ഭാഗമായി വിവിധ പരിപാടികളും സംഘടിപ്പിച്ചു.
