രാജാക്കാട്: ഇടുക്കി രൂപതയുടെ നേതൃത്വത്തിൽ നടക്കുന്ന മരിയൻ തീർത്ഥാടകർക്ക് രാജാക്കാട് മതസൗഹാർദ്ദ കൂട്ടായ്മയുടെ നേതൃത്വത്തിൽ വിവിധ കേന്ദ്രങ്ങളിൽ സ്വീകരണം നൽകി.

രാജാക്കാട് സേനാപതി വേണു എം.എൽ.എ, പഞ്ചായത്ത് പ്രസിഡന്റ് കിങ്ങിണി രാജേന്ദ്രൻ, വൈ.എം.സി.എ ഭാരവാഹികൾ എന്നിവർ രാജാക്കാട്ടും എൻ.ആർ. സിറ്റിയിൽ എസ്.എൻ.ഡി.പി യോഗം, സെന്റ് മേരീസ് ക്നാനായ പള്ളി, മർച്ചന്റ്സ് അസോസിയേഷൻ ഭാരവാഹികളും തീർത്ഥാടകരെ സ്വീകരിച്ചു.

രാജകുമാരിയിൽ ഗ്രാമപഞ്ചായത്ത് അംഗങ്ങൾ, മർച്ചന്റ്സ് അസോസിയേഷൻ ഭാരവാഹികൾ, രാജകുമാരി ഗലീലക്കുന്ന് യാക്കോബായ പള്ളി ഭാരവാഹികൾ, വ്യാപാരി സമൂഹം എന്നിവരുടെ നേതൃത്വത്തിലും സ്വീകരണം ഒരുക്കി.

രാജാക്കാട് മതസൗഹാർദ്ദ കൂട്ടായ്മ ചെയർമാൻ എം.ബി. ശ്രീകുമാർ, കൺവീനർ ഫാ. മാത്യു കരോട്ടുകൊച്ചറയ്ക്കൽ, കോ-ഓർഡിനേറ്റർ വി.എസ്. ബിജു, ഇമാം മൻസൂർ ബാഖവി, കെ.എം. സുധീർ, പി.ബി. മുരളീധരൻ നായർ, എം.ആർ. അനിൽകുമാർ, ജമാൽ ഇടശ്ശേരിക്കുടി, സജിമോൻ കോട്ടയ്ക്കൽ, വി.സി. ജോൺസൺ, അബ്ദുൽ കലാം, സിബി കൊച്ചുവള്ളാട്ട്, കെ.ജി. മഹേഷ്, വി.വി. ബാബു, ജോഷി കന്യാക്കുഴി, ടൈറ്റസ് ജേക്കബ് എന്നിവർ ചേർന്ന് മരിയൻ തീർത്ഥാടന ക്യാപ്റ്റൻ മാർ ജോൺ നെല്ലിക്കുന്നേലിന് സ്വീകരണം നൽകി.

മതസൗഹാർദ്ദത്തിന്റെയും സഹോദര്യത്തിന്റെയും സന്ദേശം ഉയർത്തിപ്പിടിച്ചായിരുന്നു വിവിധ കേന്ദ്രങ്ങളിലെ സ്വീകരണ പരിപാടികൾ.