ഇടുക്കി: നിരവധി ക്രിമിനൽ കേസുകളിൽ പ്രതിയായ പച്ചടി ചാറൽമേട് കട്ടക്കാൽ പുന്നക്കാട്ടിൽ മഞ്ഞപ്പെട്ടി ജോസ് എന്നറിയപ്പെടുന്ന ജോസ് (48)നെ കാപ്പ ചുമത്തി ജില്ലയിൽനിന്ന് നാടുകടത്തി.

ജില്ലാ പോലീസ് മേധാവി ഡോ. എ. നസീം സമർപ്പിച്ച റിപ്പോർട്ടിന്റെ അടിസ്ഥാനത്തിൽ എറണാകുളം റേഞ്ച് ഡിഐജിയാണ് കേരള സാമൂഹ്യവിരുദ്ധ പ്രവർത്തനങ്ങൾ തടയൽ നിയമം (കാപ്പ) പ്രകാരം നടപടി സ്വീകരിച്ചത്. ആറുമാസത്തേക്ക് ഇടുക്കി ജില്ലയിൽ പ്രവേശിക്കുന്നത് വിലക്കിയാണ് ഉത്തരവ്.

നെടുങ്കണ്ടം, കട്ടപ്പന പോലീസ് സ്റ്റേഷൻ പരിധികളിലായി ജോസിനെതിരെ നിരവധി കേസുകളുണ്ടെന്ന് പോലീസ് അറിയിച്ചു. ജില്ലയിൽ സാമൂഹ്യവിരുദ്ധ പ്രവർത്തനങ്ങൾ നടത്തുന്നവർക്കെതിരെ കർശന നടപടി തുടരുന്നതിന്റെ ഭാഗമായാണ് കാപ്പ ചുമത്തിയത്.