പ്രളയമുഖത്തെ സമാനതകളില്ലാത്ത സേവനം;ടീം റെസ്ക്യൂ ഫോഴ്സ് കേരളയ്ക്ക് പനയ്ക്കപ്പാലം റെസിഡന്റ്സ് വെൽഫെയർ അസോസിയേഷന്റെ സ്നേഹാദരം
Reporter | Kerala Journal 
പനയ്ക്കപ്പാലം: പ്രളയ ദുരന്തത്തിനിടെ നടത്തിയ രക്ഷാപ്രവർത്തനങ്ങൾക്ക് ടീം റെസ്ക്യൂ ഫോഴ്സ് കേരളയ്ക്ക് പനയ്ക്കപ്പാലം റെസിഡന്റ്സ് വെൽഫെയർ അസോസിയേഷന്റെ ആദരം. അസോസിയേഷന്റെ നേതൃത്വത്തിൽ സംഘടിപ്പിച്ച ഓണാഘോഷ പരിപാടിയിലാണ് സംഘത്തെ ആദരിച്ചത്.
പൂഞ്ഞാർ എം.എൽ.എ അഡ്വ. സെബാസ്റ്റ്യൻ എം.ജെ. ഉപഹാരം കൈമാറി. ടീം റെസ്ക്യൂ ഫോഴ്സ് കേരളയ്ക്കുവേണ്ടി പ്രസിഡന്റ് നൗഷാദ് വെള്ളൂപറമ്പിൽ, ജനറൽ സെക്രട്ടറി ആരിഫ് വാഴയിൽ, എക്സിക്യൂട്ടീവ് അംഗം മുജീബ് കരിമരുത്കുന്നേൽ എന്നിവർ ചേർന്ന് ഉപഹാരം ഏറ്റുവാങ്ങി.
പ്രളയബാധിത മേഖലകളിൽ നടത്തിയ രക്ഷാപ്രവർത്തനങ്ങളും ദുരന്തനിവാരണ രംഗത്തെ സന്നദ്ധ ഇടപെടലുകളും പരിഗണിച്ചാണ് ആദരം നൽകിയത്.
