തൊടുപുഴ: ‘മയങ്ങില്ല കേരളം–100 ദിന പരിപാടി’യുടെ ഭാഗമായി തൊടുപുഴ കോ-ഓപ്പറേറ്റീവ് ലോ കോളേജിന്റെ സഹകരണത്തോടെ ഇടുക്കി ജില്ലയിലെ കോളേജ് വിദ്യാർത്ഥികൾക്കായി പെൻസിൽ പോസ്റ്റർ മത്സരം സംഘടിപ്പിക്കുന്നു. ആത്മഹത്യാ പ്രതിരോധവും ലഹരിവിരുദ്ധ സന്ദേശവും ആണ് വിഷയം.

ചാർട്ട് പേപ്പറിൽ പെൻസിൽ മാത്രം ഉപയോഗിച്ചാണ് പോസ്റ്റർ തയ്യാറാക്കേണ്ടത്. പോസ്റ്ററിന്റെ വ്യക്തമായ ചിത്രവും കോളേജ് ഐഡി കാർഡിന്റെ പകർപ്പും ഹ്രസ്വ വിവരണവും സെപ്റ്റംബർ 11ന് വൈകിട്ട് 5ന് മുമ്പായി വാട്സ്ആപ്പ് വഴി അയയ്ക്കണം. പരിശോധനയ്ക്കായി ഒറിജിനൽ പോസ്റ്റർ സൂക്ഷിക്കണം.

സർഗാത്മകത, വിഷയ പ്രസക്തി, മൗലികത എന്നിവയുടെ അടിസ്ഥാനത്തിലായിരിക്കും വിധിനിർണയം. ഒന്നും രണ്ടും സ്ഥാനക്കാർക്ക് മെറിറ്റ് സർട്ടിഫിക്കറ്റും ക്യാഷ് അവാർഡും ലഭിക്കും.

എൻട്രികൾ അയയ്ക്കേണ്ട നമ്പർ: 9400234145 (Joseph Cyriac).