പോലീസ് ഉദ്യോഗസ്ഥർക്ക് പരിശീലനം സംഘടിപ്പിച്ചു
Reporter | Kerala Journal 
ഇടുക്കി: ജില്ലയിലെ പോലീസ് സ്റ്റേഷനുകളിലെ പരിശീലകരായ 33 പോലീസ് ഉദ്യോഗസ്ഥർക്കായി പരിശീലന ക്ലാസ് സംഘടിപ്പിച്ചു. സെപ്റ്റംബർ 9ന് കുയിലിമലയിലെ ജില്ലാ ആസ്ഥാന ക്യാമ്പിലാണ് പരിശീലനം നടന്നത്.
ഓൺലൈൻ സാമ്പത്തിക തട്ടിപ്പുകൾ, സോഷ്യൽ മീഡിയയിലൂടെ നടക്കുന്ന കുറ്റകൃത്യങ്ങൾ, സൈബർ കുറ്റകൃത്യങ്ങൾ തുടങ്ങിയ വിഷയങ്ങളിലാണ് പരിശീലനം നൽകിയത്. ഇടുക്കി ജില്ലാ പോലീസ് മേധാവി ഡോ. എ. നസീം ഐ.പി.എസ്., സൈബർ പോലീസ് ഇൻസ്പെക്ടർ സന്തോഷ് സജീവ് എന്നിവർ ക്ലാസുകൾ നയിച്ചു.
ജില്ലയിലെ 33 പോലീസ് സ്റ്റേഷനുകളിൽ നിന്നുള്ള പരിശീലകരാണ് പരിപാടിയിൽ പങ്കെടുത്തത്. ഡെപ്യൂട്ടി പോലീസ് സൂപ്രണ്ട് സാം ജോസ് (ഡി.സി.ആർ.ബി.) സന്നിഹിതനായിരുന്നു.
