ലഹരിക്കെതിരെ യുവതലമുറയെ ബോധവത്കരിക്കുന്നതിനും വിദ്യാർത്ഥികളുടെ കായികക്ഷമത പ്രോത്സാഹിപ്പിക്കുന്നതിനുമായി ഹോളി ക്രോസ് കോളേജ് ഓഫ് മാനേജ്മെന്റ് ആൻഡ് ടെക്നോളജിയിൽ സംഘടിപ്പിച്ച ഇൻട്രാ കോളേജിയറ്റ് ഫുട്ബോൾ മത്സരം ശ്രദ്ധേയമായി.

കോളേജിലെ കൊമേഴ്സ് ഡിപ്പാർട്ട്മെൻ്റ് സ്പോർട്സ് ക്ലബ് ,വിമുക്തി ക്ലബ്, IQAC സെൽ എന്നിവർ സംയുക്തമായാണ് മത്സരം സംഘടിപ്പിച്ചത്. അണക്കര ആറാം മൈലിലെ J&J ഇൻഡോർ ടർഫിൽ നടന്ന മത്സരം കട്ടപ്പന ബ്ലോക്ക് പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജോബൻ പാനോസ് ഉദ്ഘാടനം ചെയ്തു.

വിദ്യാർത്ഥികളിൽ കായികശേഷി വളർത്തുന്നതിനൊപ്പം ലഹരിക്കെതിരായ സന്ദേശം യുവതലമുറയിൽ ശക്തമാക്കുക എന്ന ലക്ഷ്യത്തോടെയാണ് മത്സരം സംഘടിപ്പിച്ചത്.വിജയികൾക്ക് കേരള കാറ്ററിംഗ് സ്പോൺസർ ചെയ്ത 1,501 രൂപയും രണ്ടാം സ്ഥാനക്കാർക്ക് J&J ഇൻഡോർ ടർഫ് നൽകിയ 1,001 രൂപയും സമ്മാനമായി നൽകി.

അധ്യാപകരായ വിനീത കെ.എസ്., ബിബിൻ കെ. രാജു, ജിനിമോൾ മാത്യു, അശ്വതി പി.എസ്., വിന്ദുജ എൻ.വി., മേരി ജോൺ എന്നിവരും വിദ്യാർത്ഥി പ്രതിനിധികളായ മോബിൻ മോഹൻ, അഭിജിത്ത് ജിജി എന്നിവരും പരിപാടികൾക്ക് നേതൃത്വം നൽകി.

മൽസര വിജയികൾക്ക് കോളേജ് പ്രിൻസിപ്പൽ ഷാജി ആർ. കെ,വൈസ് പ്രിൻസിപ്പൽ മെൽവിൻ എൻ വി എന്നിവർ സമ്മാനം നൽകി