കട്ടപ്പന: രാസവളങ്ങളുടെ വിലവർധന, വള സബ്സിഡി നീക്കിയ നടപടി, വിപണിയിലെ വളങ്ങളുടെ ലഭ്യതക്കുറവ് എന്നിവയിൽ പ്രതിഷേധിച്ച് കർഷക കോൺഗ്രസ് ഇടുക്കി ജില്ലാ കമ്മിറ്റിയുടെ നേതൃത്വത്തിൽ കട്ടപ്പന ഹെഡ് പോസ്റ്റ് ഓഫീസിലേക്ക് പ്രതിഷേധ മാർച്ചും ധർണയും നടത്തി. നൂറുകണക്കിന് കർഷക കോൺഗ്രസ് പ്രവർത്തകർ പങ്കെടുത്തു.

ജില്ലാ പ്രസിഡന്റ് ടോമി പാലയ്ക്കന്റെ അധ്യക്ഷതയിൽ ചേർന്ന ധർണ അഡ്വ. സേനാപതി വേണു ഉദ്ഘാടനം ചെയ്തു. ഇടുക്കി ജില്ലയിലെ ഇ.എസ്.എ. വിഷയമുൾപ്പെടെയുള്ള ഭൂമിപ്രശ്നങ്ങൾക്ക് ആറുമാസത്തിനകം പരിഹാരം കാണുമെന്നും ജില്ലയിലെ ഒരു കർഷകന്റെയും ഭൂമി ഇ.എസ്.എ. പരിധിയിൽ ഉൾപ്പെടാൻ അനുവദിക്കില്ലെന്നും അദ്ദേഹം പറഞ്ഞു.

അഡ്വ. ഇ.എം. ആഗസ്തി, കെ.പി.സി.സി. സെക്രട്ടറി തോമസ് രാജൻ, കർഷക കോൺഗ്രസ് സംസ്ഥാന ജനറൽ സെക്രട്ടറി ജോസ് മുത്തനാട്ട്, സംസ്ഥാന ഭാരവാഹികളായ വർക്കി പൊടിപാറ, ബെന്നി കുന്നേൽ, കെ.ആർ. രാമചന്ദ്രൻ, ഡി.സി.സി. സെക്രട്ടറിമാരായ പി.ആർ. അയ്യപ്പൻ, മനോജ് മുരളി, കെ.ജെ. ബെന്നി എന്നിവർ പ്രസംഗിച്ചു.

കോൺഗ്രസ് ബ്ലോക്ക് പ്രസിഡന്റുമാരായ തോമസ് മൈക്കിൾ, ജോർജ് കുറുമ്പുറം, സിജു ചക്കുംമൂട്ടിൽ, ജോയി ഈഴക്കുന്നേൽ, ജോസ് ആനക്കല്ലിൽ എന്നിവരും സംസാരിച്ചു.

ജോയി വർഗീസ്, മേരിദാസൻ, ജോസഫ് കുര്യൻ, അബ്ദുൾ അസീസ്, ബാബു അത്തിമൂട്ടിൽ, സൂട്ടർ പാലയ്ക്കൻ, തങ്കച്ചൻ കാരക്കാവയലിൽ, റോയി ജോൺ, ബിജോയി ജോൺ, ശ്യാം മനോജ്, റോബിൻ ആൽപാറ, ബേബി പുളിക്കക്കുന്നേൽ, ബെന്നി പാറേക്കാട്ടിൽ, ജയൻ കുരുവിള, രാജീവ് എസ്.വി., ടോമി തെങ്ങുംപള്ളി, എം.പി. ഫിലിപ്പ് എന്നിവർ പ്രതിഷേധ മാർച്ചിന് നേതൃത്വം നൽകി.