കോതമംഗലത്ത് ആൾ താമസമില്ലാത്ത വീടിന്റെ മാലിന്യ ടാങ്കിനുള്ളിൽ സ്ത്രീയുടെ മൃതദേഹം
Reporter | Kerala Journal 
കോതമംഗലത്ത് ആൾ താമസമില്ലാത്ത വീടിന്റെ മാലിന്യ ടാങ്കിനുള്ളിൽ സ്ത്രീയുടെ മൃതദേഹം കണ്ടെത്തി
മൃതദേഹത്തിനു രണ്ട് ദിവസത്തെ പഴക്കമുണ്ടെന്ന് പോലീസ് വ്യക്തമാക്കി. ഏകദേശം 60 വയസുള്ള സ്ത്രീയുടേതാണ് മൃതദേഹമെന്നാണ് പോലീസിൻ്റെ നിഗമനം.
വീട്ടിൽ നിന്നും ദുർഗന്ധം വമിച്ചതിനെ തുടർന്ന് പരിശോധന നടത്തിയതിനെ തുടർന്നാണ് മൃതദേഹം കണ്ടെത്തിയത്. പ്രദേശവാസികളാണ് ദുർഗന്ധം വരുന്നെന്ന് പോലീസിൽ അറിയിച്ചത്.സംഭവത്തിൽ പോലീസ് അന്വേഷണം തുടങ്ങി.
അതേസമയം കോതമംഗലത്ത് കുറുപ്പംപടി എന്ന സ്ഥലത്തുനിന്ന് 60 വയസ്സ് പ്രായമുള്ള സ്ത്രീയെ കാണാതായെന്ന കേസും റിപ്പോർട്ട് ചെയ്തിട്ടുണ്ട്. ഈ കേസിലും പോലീസ് അന്വേഷണം നടത്തിവരുന്നു
