സപ്ലൈകോ ഇടുക്കി ജില്ലാ ഓണച്ചന്തയുടെ ഉദ്ഘാടനം ആഗസ്റ്റ് 26ന്
Reporter | Kerala Journal 
ഇടുക്കി: സപ്ലൈകോയുടെ ജില്ലാഓണച്ചന്ത ആഗസ്റ്റ് മാസം 26-ന് രാവിലെ 10.30ന് തൊടുപുഴ പീപ്പിൾസ് ബസാറിൽ ജലവിഭവ വകുപ്പ് മന്ത്രി റോഷി അഗസ്റ്റിൻ ഉദ്ഘാടനം ചെയ്യും. പി. ജെ. ജോസഫ് എം.എൽ.എ അധ്യക്ഷത വഹിക്കും.
സഞ്ചരിക്കുന്ന ഓണച്ചന്തയുടെ ഫ്ളാഗ് ഓഫ് കർമ്മം ജില്ലാ പഞ്ചായത്ത് പ്രസിഡന്റ് രാരിച്ചൻ നീറണാംകുന്നേൽ നിർവഹിക്കും. ആദ്യ വിൽപ്പന തൊടുപുഴ നഗരസഭാ ചെയർപേഴ്സൺ കെ. ദീപ നടത്തും.
ചടങ്ങിൽ തൊടുപുഴ ബ്ലോക്ക് പഞ്ചായത്ത് പ്രസിഡൻ്റ് സുനി സാബു, നഗരസഭാ വൈസ് ചെയർപേഴ്സൺ ജെസ്സി ആന്റണി, വാർഡ് കൗൺസിലർ പി.ജി. രാജശേഖരൻ, ജില്ലാ സപ്ലൈ ഓഫീസർ ബൈജു കെ. ബാലൻ എന്നിവരും വിവിധ രാഷ്ട്രീയ കക്ഷി നേതാക്കളും സംസാരിക്കും
.
