ഇടുക്കി ∙ എസ്എൻഡിപി യോഗം മലനാട് യൂണിയന്റെ ആഭിമുഖ്യത്തിൽ ശ്രീനാരായണ ഗുരുദേവന്റെ 170-ാം ജയന്തിയും സ്കോളർഷിപ്പ് വിതരണവും നാളെ, സെപ്റ്റംബർ 7-ന് കട്ടപ്പന നഗരസഭ മിനി സ്റ്റേഡിയത്തിൽ നടത്തും.

രാവിലെ 8 മണിക്ക് ശാഖാ യോഗം പ്രസിഡന്റ് സജീന്ദ്രൻ പൂവാങ്കൽ പതാക ഉയർത്തി പരിപാടികൾക്ക് തുടക്കം കുറിക്കും. 11 മണിക്ക് 2000-ത്തിലേറെ കുടുംബങ്ങൾ പങ്കെടുക്കുന്ന ഘോഷയാത്ര ഇടുക്കിക്കവലയിൽ നിന്ന് ആരംഭിച്ച് മിനി സ്റ്റേഡിയത്തിൽ സമാപിക്കും.

മലനാട് യൂണിയൻ പ്രസിഡന്റ് ബിജു മാധവൻ ചടങ്ങ് ഉദ്ഘാടനം ചെയ്യും. വൈസ് പ്രസിഡന്റ് വിധു എ. സോമൻ സ്കോളർഷിപ്പ് വിതരണവും, മുൻ യൂണിയൻ സെക്രട്ടറി കെ. ശശിധരൻ എ. കുഞ്ഞപ്പൻ സ്മാരക സ്കോളർഷിപ്പ് വിതരണവും നിർവഹിക്കും.

മലനാട് യൂണിയൻ സെക്രട്ടറി വിനോദ് ഉത്തമൻ അധ്യക്ഷനാകും. എസ്എൻഡിപി യോഗം ഡയറക്ടർ ബോർഡ് അംഗം ഷാജി പുള്ളോലിൽ മുഖ്യ പ്രഭാഷണം നടത്തും. സജീന്ദ്രൻ പൂവാങ്കൽ, പി.കെ. രാജൻ, വി.ബി. സോജു ശാന്തി, സന്തോഷ് കുമാർ പാതയിൽ, പ്രവീൺ വട്ടമല, മനോജ് പതാലിൽ, സി.കെ. വത്സ, അജോഷ് സി.എസ്., സുരേഷ് ബാബു എന്നിവർ ആശംസകൾ അർപ്പിച്ച് സംസാരിക്കും.

ചടങ്ങിന്റെ ഭാഗമായി സ്കോളർഷിപ്പ് വിതരണത്തോടൊപ്പം ചാരിറ്റി സഹായങ്ങളും നൽകും.