എറണാകുളം ∙ ഫാക്ടറികളിലെ അപകടങ്ങൾ ഇല്ലാതാക്കുക എന്ന ലക്ഷ്യത്തോടെ സംസ്ഥാന സർക്കാർ സംഘടിപ്പിക്കുന്ന അന്താരാഷ്ട്ര സെമിനാർ ‘സുരക്ഷിതം 3.0’ ഒക്ടോബർ 10, 11 തീയതികളിൽ എറണാകുളത്തെ കിൻഫ്ര ഇന്റർനാഷണൽ കൺവെൻഷൻ സെന്ററിൽ നടക്കും.

മുഖ്യമന്ത്രി പിണറായി വിജയൻ സെമിനാർ ഉദ്ഘാടനം ചെയ്യും. സുരക്ഷിതമായ തൊഴിൽ സാഹചര്യങ്ങൾ ഒരുക്കുക എന്ന സർക്കാരിന്റെ ലക്ഷ്യത്തിന്റെ ഭാഗമായാണ് ഈ സമ്മേളനം.

 2030-ഓടെ അപകടരഹിതമായ സംസ്ഥാനം എന്ന ലക്ഷ്യം കൈവരിക്കാൻ അന്താരാഷ്ട്ര തലത്തിലുള്ള അറിവുകളും അനുഭവങ്ങളും പങ്കുവെക്കാൻ സെമിനാർ സഹായകരമാകുമെന്ന് അധികൃതർ അറിയിച്ചു.

വിവിധ രാജ്യങ്ങളിൽ നിന്നുള്ള വിദഗ്ധരും, സംസ്ഥാനത്തെ വിവിധ ഫാക്ടറികളിൽ നിന്നുള്ള പ്രതിനിധികളും ഉൾപ്പെടെ ഏകദേശം 600 പേർ പങ്കെടുക്കുമെന്ന് പ്രതീക്ഷിക്കുന്നു. 

സെമിനാറിന്റെ ഭാഗമായി സ്വാഗതസംഘ രൂപീകരണ യോഗം എറണാകുളത്ത് നടത്തി.