കോട്ടയം: എൻ.എസ്.എസ് ജനറൽ സെക്രട്ടറി ജി. സുകുമാരൻ നായർ മതേതരത്വം നിലനിർത്താൻ ശക്തമായ നിലപാട് സ്വീകരിച്ച വ്യക്തിയാണെന്ന് നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ. കേരളത്തിന്റെ സാമൂഹിക ഐക്യം തകർക്കാനുള്ള ശ്രമങ്ങളെ അദ്ദേഹം ശക്തമായി എതിർത്തിട്ടുണ്ടെന്നും തിരുവഞ്ചൂർ പറഞ്ഞു.

പള്ളം കരയോഗം സംഘടിപ്പിച്ച സ്വീകരണ പരിപാടിയിൽ സംസാരിക്കുകയായിരുന്നു അദ്ദേഹം. സ്വന്തം സമുദായത്തിന്റെ ഉന്നമനത്തിനുവേണ്ടിയാണ് ജി. സുകുമാരൻ നായർ പ്രവർത്തിക്കുന്നതെന്നും വ്യക്തിപരമായ നേട്ടത്തിനോ ലാഭത്തിനോ വേണ്ടി അദ്ദേഹം നിലപാടെടുത്തിട്ടില്ലെന്നും തിരുവഞ്ചൂർ രാധാകൃഷ്ണൻ പറഞ്ഞു.

ജി. സുകുമാരൻ നായരുടെ നേതൃത്വകാലത്താണ് എൻ.എസ്.എസിന്റെ ആസ്തികൾ പതിന്മടങ്ങായി വർധിച്ചതെന്നും അദ്ദേഹം കൂട്ടിച്ചേർത്തു.