കോട്ടയം: കോട്ടയം അതിരൂപതയുടെ പുതിയ സഹായ മെത്രനായി ഫാ. തോമസ് ആനിമൂട്ടിലിനെ തെരഞ്ഞെടുത്തു. നിലവിൽ കോട്ടയം അതിരൂപതയുടെ പ്രോട്ടോസിഞ്ചേലൂസായി സേവനം അനുഷ്ഠിച്ചുവരികയായിരുന്നു.

സീറോ മലബാർ സഭയുടെ മേജർ ആർച്ച് ബിഷപ്പ് മാർ റാഫേൽ തട്ടിൽ നിയമനം പ്രഖ്യാപിച്ചു.

1962 ജനുവരി 13ന് കണ്ണൂർ ജില്ലയിലെ പയ്യാവൂരിലാണ് ഫാ. തോമസ് ആനിമൂട്ടിലിന്റെ ജനനം. കോട്ടയം അതിരൂപതയുടെ വിവിധ അജപാലന, ഭരണ മേഖലകളിൽ ശ്രദ്ധേയമായ സേവനം അനുഷ്ഠിച്ചിട്ടുള്ള അദ്ദേഹം നിലവിൽ അതിരൂപതയുടെ പ്രോട്ടോസിഞ്ചേലൂസ് എന്ന നിലയിൽ പ്രവർത്തിച്ചുവരികയായിരുന്നു.

പുതിയ നിയമനത്തോടെ കോട്ടയം അതിരൂപതയുടെ അജപാലന പ്രവർത്തനങ്ങൾക്ക് കൂടുതൽ നേതൃത്വം നൽകാൻ ഫാ. തോമസ് ആനിമൂട്ടിലിന് അവസരം ലഭിക്കും.