കോട്ടയം: ഏറെക്കാലമായി മുടങ്ങിക്കിടക്കുന്ന കോട്ടയം നഗരത്തിലെ ആകാശപ്പാത പദ്ധതിക്ക് വീണ്ടും പുനരുജ്ജീവനം. നിർമാണം പുനരാരംഭിക്കുന്നതുമായി ബന്ധപ്പെട്ട് തിരുവനന്തപുരത്ത് ചേർന്ന ഉന്നതതല യോഗത്തിലാണ് നിർണായക തീരുമാനം. പദ്ധതിയെ പുതിയ രീതിയിൽ മുന്നോട്ടുകൊണ്ടുപോകുന്നതിനുള്ള നടപടികൾ വേഗത്തിലാക്കാൻ യോഗത്തിൽ ധാരണയായി.

സംസ്ഥാന സർക്കാരിന്റെ റോഡ് സുരക്ഷാ പദ്ധതിയുടെ ഭാഗമായി കോട്ടയം ആകാശപ്പാതയെ ഉൾപ്പെടുത്തി പദ്ധതി നടപ്പാക്കാനാണ് തീരുമാനം. കാൽനട യാത്രക്കാരുടെ സുരക്ഷയ്ക്ക് മുൻഗണന നൽകുന്നതിനൊപ്പം നഗരത്തിലെ ഗതാഗതക്കുരുക്ക് കുറയ്ക്കാനും ആകാശപ്പാത സഹായിക്കുമെന്നാണ് പ്രതീക്ഷ.

റോഡ് സേഫ്ടി മിഷന്റെ പ്രധാന പദ്ധതി

സംസ്ഥാന മന്ത്രിസഭ അംഗീകരിച്ച റോഡ് സേഫ്ടി മിഷന്റെ പ്രധാന പദ്ധതികളിലൊന്നായാണ് കോട്ടയം ആകാശപ്പാതയെ പരിഗണിക്കുന്നത്. തിരക്കേറിയ നഗരമേഖലയിൽ കാൽനട യാത്രക്കാർക്ക് സുരക്ഷിതമായി റോഡ് മുറിച്ചുകടക്കുന്നതിനുള്ള സൗകര്യം ഒരുക്കുകയാണ് ലക്ഷ്യം.

പദ്ധതി പൂർത്തിയാകുന്നതോടെ വാഹനങ്ങൾക്കിടയിലൂടെ റോഡ് മുറിച്ചുകടക്കേണ്ട സാഹചര്യം ഒഴിവാക്കാനാകും. നിർമാണവുമായി ബന്ധപ്പെട്ട സാങ്കേതികവും സാമ്പത്തികവുമായ വിഷയങ്ങൾ പരിശോധിച്ച ശേഷമായിരിക്കും തുടർനടപടികൾ.

ബജറ്റിൽ 15 കോടി രൂപ

ആകാശപ്പാത പദ്ധതിക്കായി ഈ വർഷത്തെ സംസ്ഥാന ബജറ്റിൽ 15 കോടി രൂപ നീക്കിവച്ചിട്ടുണ്ടെന്ന് ഗതാഗത വകുപ്പ് മന്ത്രി സി. പി. ജോൺ അറിയിച്ചു. നിർമാണം പുനരാരംഭിക്കുന്നതിനുള്ള സാമ്പത്തിക അടിത്തറയായി തുക വിനിയോഗിക്കും.

പദ്ധതിയുടെ ആകെ ചെലവിനനുസരിച്ച് അധിക തുക ആവശ്യമായി വന്നാൽ പ്ലാനിംഗ് ബോർഡിനോട് ആവശ്യപ്പെടുമെന്നും മന്ത്രി വ്യക്തമാക്കി.