പീരുമേട്: ഇടുക്കി പീരുമേട്ടിൽ യുവാവ് ഭാര്യയെയും ഭാര്യാമാതാവിനെയും വെട്ടിക്കൊലപ്പെടുത്തി. ഗ്ലെൻ മേരി തോട്ടം ലയത്തിൽ താമസിക്കുന്ന പ്രിൻസാണ് ആക്രമണം നടത്തിയത്. ആക്രമണത്തിൽ ഭാര്യാപിതാവിനും വെട്ടേറ്റു.

ഗ്ലെൻമേരി എസ്റ്റേറ്റ് ലയത്തിൽ താമസിക്കുന്ന വസന്ത(നേശം-62), മകൾ പ്രിയങ്ക(30) എന്നിവരാണ് കൊല്ലപ്പെട്ടത്. വസന്തയുടെ ഭർത്താവ് ഇസ്രയേലിന് പരിക്കേറ്റു. സംഭവത്തിൽ പ്രിയങ്കയുടെ ഭർത്താവ് പ്രിൻസിനെ പൊലീസ് പിടികൂടി. ഇയാൾ മദ്യലഹരിയിലായിരുന്നുവെന്നാണ് വിവരം.

ഇന്ന് വൈകിട്ട് ഏഴരയോടെയായിരുന്നു സംഭവം. കുടുംബവഴക്കാണ് ആക്രമണത്തിന് കാരണമെന്നാണ് പ്രാഥമിക വിവരം. പരിക്കേറ്റ ഭാര്യാപിതാവിനെ ആശുപത്രിയിൽ പ്രവേശിപ്പിച്ചു.സംഭവത്തിൽ പൊലീസ് അന്വേഷണം ആരംഭിച്ചു.