തൊടുപുഴ:ഇടുക്കി അണക്കെട്ടിൽ ജലനിരപ്പ് ഉയരുന്നു. ബ്ലൂ അലർട്ട്. ഇന്നലെ വൈകിട്ട് ആറു മണിയോടെ അണക്കെട്ടിലെ ജലനിരപ്പ് 2377.16 അടി രേഖപ്പെടുത്തി. ഇത് സംഭരണശേഷിയുടെ 71 ശതമാനമാണ്.

കഴിഞ്ഞ വർഷം ഇതേ ദിവസത്തിൽ ജലനിരപ്പ് 2366.09 അടി മാത്രമായിരുന്നു. അതായത്, ഇപ്പോഴത്തെ ജലനിരപ്പ് കഴിഞ്ഞ വർഷത്തെ അപേക്ഷിച്ച് 11 അടി കൂടുതൽ

 അലർട്ട് ലെവലുകൾക്ക് ഇപ്രകാരം:

ഓറഞ്ച് അലർട്ട്: 2381.53 അടി

റെഡ് അലർട്ട്: 2382.53 അടി

റൂൾ ലെവൽ: 2383.53 അടി

ഇപ്പോൾ ഉള്ളതിൽ നിന്നും 6.37 അടി കൂടി ജലനിരപ്പ് ഉയർന്നാൽ അണക്കെട്ട് തുറക്കേണ്ടി വരും.

വൈദ്യുതി വകുപ്പിന്റെ കണക്കുകൾ പ്രകാരം സംസ്ഥാനത്തെ എല്ലാ അണക്കെട്ടുകളിലെയും സംയുക്ത ജലനിരപ്പ് നിലവിൽ 76 ശതമാനമാണ്. ഒൻപത് അണക്കെട്ടുകളിൽ ജലനിരപ്പ് റെഡ് അലർട്ട് ലെവലിൽ എത്തിച്ചേർന്നിട്ടുണ്ട്. ഇടുക്കിയിലും കുറ്റ്യാടിയിലുമാണ് ബ്ലൂ അലർട്ട് നിലവിൽ പ്രാബല്യത്തിൽ വന്നത്

അതേസമയം, കഴിഞ്ഞ രണ്ട് ദിവസമായി സംസ്ഥാനത്ത് മഴ കുറവായതിനാൽ അണക്കെട്ടുകളിലേക്കുള്ള നീരൊഴുക്ക് ഇളകിയിട്ടുണ്ട്. അതിനാൽ, ഉടനെ അണക്കെട്ട് തുറക്കാനുള്ള സാഹചര്യമില്ലെങ്കിലും ജാഗ്രത തുടരുകയാണ്.