ലേണേഴ്സ് ടെസ്റ്റില് മാറ്റം; ഇനി 30 ചോദ്യം, 18 ഉത്തരമെങ്കിലും ശരിയാവണം
Reporter | Kerala Journal 
കേരളത്തില് ലേണേഴ്സ് ലൈസന്സ് പരീക്ഷാ രീതില് മാറ്റം വരുത്താന് പോകുന്നു. ഒക്ടോബര് ഒന്ന് മുതലായിരിക്കും പുതിയ രീതി.
20 ചോദ്യത്തിനു പകരം ഇനി 30 ചോദ്യങ്ങളാകും ഉണ്ടാകുക. 18 ഉത്തരമെങ്കിലും ശരിയാവണം.ചോദ്യങ്ങളുടെ സിലബസ് എംവിഡി ലീഡ്സ് മൊബൈല് ആപ്പില് സജ്ജമാക്കിയിട്ടുണ്ട്.ഒരു ഉത്തരം എഴുതാന് 30 സെക്കന്ഡ് സമയമാണ് അനുവദിക്കുക.
കൂടാതെ ഡ്രൈവിംഗ് ടെസ്റ്റിന്റെ രീതി മാറ്റുന്നതും പരിഗണനയിലാണ്. ലേണേഴ്സ് കിട്ടി ആറു മാസം മുതല് ഒരു വര്ഷം വരെ പ്രൊബേഷന് സമയമായി കണക്കാക്കപ്പെടും.
ഈ സമയത്ത് അപകടങ്ങള് ഉണ്ടായില്ലെങ്കില് യഥാര്ത്ഥ ലൈസന്സ് നല്കും. ഇക്കാര്യങ്ങള് ഉള്പ്പെടെ ഡ്രൈവിംഗ് ടെസ്റ്റുകളുടെ രീതിയില് മാറ്റം കൊണ്ടു വരുന്നതും പരിഗണനയിലാണ്.
