വന്യജീവി വാരാഘോഷം: വന്യജീവി സങ്കേതങ്ങളിൽ പൊതുജനങ്ങൾക്ക് സൗജന്യ പ്രവേശനം
Reporter | Kerala Journal 
തിരുവനന്തപുരം ∙ വന്യജീവി വാരാഘോഷത്തിന്റെ ഭാഗമായി ഒക്ടോബർ 2 മുതൽ 8 വരെ സംസ്ഥാനത്തെ എല്ലാ ദേശീയ ഉദ്യാനങ്ങളിലും, ടൈഗർ റിസർവകളിലും, വന്യജീവി സങ്കേതങ്ങളിലും പൊതുജനങ്ങൾക്ക് സൗജന്യ പ്രവേശനം അനുവദിക്കും.
വാരാഘോഷത്തിന്റെ ഭാഗമായി സംഘടിപ്പിക്കുന്ന വിവിധ മത്സരങ്ങളിൽ വിജയിക്കുന്നവർക്കും അവരുടെ അടുത്ത ബന്ധുക്കൾക്കും (പരമാവധി അഞ്ച് പേർ) ഒക്ടോബർ 8 മുതൽ ഒരു വർഷക്കാലം സംസ്ഥാനത്തെ എല്ലാ സംരക്ഷിത മേഖലകളിലും സൗജന്യ പ്രവേശനം ലഭിക്കും.
വന്യജീവി സംരക്ഷണത്തെക്കുറിച്ചുള്ള ബോധവത്കരണവും ജനപങ്കാളിത്തവും വർധിപ്പിക്കുക എന്നതാണ് വന്യജീവി വാരാഘോഷത്തിന്റെ ലക്ഷ്യം.
