കഴിഞ്ഞ വർഷം ഇതേ ദിവസം അണക്കെട്ടില്‍ 2354.03 അടി വെള്ളമാണുണ്ടായിരുന്നത്. മുൻ വർഷത്തെ അപേക്ഷിച്ച്‌ 9.35 അടിവെള്ളം നിലവില്‍ കൂടുതലുണ്ട്.സംഭരണശേഷിയുടെ 58 ശതമാനമാണിത്.

കാലവർഷത്തിനു പിന്നാലെ തുലാവർഷംകൂടി എത്തുന്നതോടെ അണക്കെട്ട് നിറയാനുള്ള സാധ്യത ഇത്തവണ കൂടുതലാണ്. ഈ സാഹചര്യം മുൻനിർത്തി ഇടുക്കി പദ്ധതിയുടെ ഭാഗമായ മൂലമറ്റത്ത് വൈദ്യുതി ഉത്പാദനം പരമാവധി വർധിപ്പിച്ചിരിക്കുകയാണ്. 18 ദശലക്ഷം യൂണിറ്റാണ് ഇവിടുത്തെ പരമാവധി ഉത്പാദനശേഷി.

ഇന്നലെ ആറു ജനറേറ്ററുകളും പ്രവർത്തിപ്പിച്ച 16.98 ദശലക്ഷം യൂണിറ്റ് വൈദ്യുതി ഉത്പാദിപ്പിച്ചു. സംസ്ഥാനത്ത് 76.382 ദശലക്ഷം യൂണിറ്റായിരുന്നു ഇന്നലെ ആഭ്യന്തര ഉപഭോഗം. ഇതില്‍ 46.860 ദശലക്ഷം യൂണിറ്റ് ആഭ്യന്തരമായി ഉത്പാദിപ്പിച്ചപ്പോള്‍ 29.522 ദശലക്ഷം യൂണിറ്റ് വൈദ്യുതി പുറത്തുനിന്നും എത്തിച്ചു.