കണ്ടന്റ് ക്രിയേറ്റര്‍മാര്‍ക്കായി പുത്തന്‍ ഫീച്ചര്‍ അവതരിപ്പിച്ച് ഇന്‍സ്റ്റഗ്രാം
Reporter | Kerala Journal 
കണ്ടന്റ് ക്രിയേറ്റര്‍മാര്‍ക്കായി പുത്തന്‍ ഫീച്ചര്‍ അവതരിപ്പിച്ച് ഇന്‍സ്റ്റഗ്രാം. ഇതുവഴി ഒന്നിലധികം റീല്‍ വീഡിയോകള്‍ പരസ്പരം ഒരു സീരീസ് ആയി ബന്ധിപ്പിക്കാന്‍ സാധിക്കും. പരമ്പരയായി റീല്‍ വീഡിയോകള്‍ ചെയ്യുന്ന രീതി ചില ക്രിയേറ്റര്‍മാര്‍ സ്വീകരിക്കാറുണ്ട്. നിലവില്‍ ഒരോ വീഡിയോകളും ഒന്നിന് പിറകെ ഒന്നായി കാണാനോ ഒരു സീരിസിലെ റീല്‍ വീഡിയോകള്‍ ഏതെന്ന് എളുപ്പം കണ്ടെത്താനോ പ്രയാസമാണ്. പുതിയ ഫീച്ചര്‍ എത്തുന്നതോടെ ഒരു പരമ്പരയില്‍ പെട്ട വീഡിയോകള്‍ പരസ്പരം ബന്ധിപ്പിക്കാന്‍ സാധിക്കും.
നേരത്തെ പങ്കുവെച്ച വീഡിയോകളും പുതിയ ഫീച്ചര്‍ ഉപയോഗിച്ച് പരസ്പരം ബന്ധിപ്പിക്കാനാവും. അതേസമയം സബ്‌സ്‌ക്രൈബര്‍ ഓണ്‍ലി റീലുകള്‍ പരസ്പരം ബന്ധിപ്പിക്കാനാവില്ല.
