തിരുവനന്തപുരം: ഒന്നാം പാദവാർഷിക പരീക്ഷയുടെ ഉത്തരക്കടലാസുകൾ സെപ്റ്റംബർ 9നകം വിദ്യാർത്ഥികൾക്ക് വിതരണം ചെയ്യണമെന്ന് വിദ്യാഭ്യാസമന്ത്രി വി. ശിവൻകുട്ടി നിർദ്ദേശിച്ചു.

തുടർന്ന് സെപ്റ്റംബർ 10 മുതൽ 20 വരെ സ്കൂളുകളിൽ ക്ലാസ് പി.ടി.എകൾ വിളിച്ചു ചേർക്കണമെന്നും മന്ത്രി അറിയിച്ചു.

എഴുത്തുപരീക്ഷയിൽ 30 ശതമാനത്തിൽ താഴെ മാർക്ക് നേടിയ വിദ്യാർത്ഥികൾക്ക് അധ്യാപകർ അധിക പഠനപിന്തുണ നൽകണമെന്ന് മന്ത്രി നിർദേശിച്ചു.

ഇതിന് സബ്ജക്ട് കൗൺസിൽ/സ്കൂൾ റിസോഴ്‌സ് ഗ്രൂപ്പുകൾ പ്രത്യേക പഠനപിന്തുണാ പദ്ധതികൾ ആലോചിച്ച് ആക്ഷൻ പ്ലാൻ തയ്യാറാക്കണമെന്നും, അവലോകന റിപ്പോർട്ട് ഡി.ഡി.ഇ. മാർ പൊതുവിദ്യാഭ്യാസ ഡയറക്ടർക്ക് സമർപ്പിക്കണമെന്നും മന്ത്രി വ്യക്തമാക്കി.