തൊടുപുഴ നഗരത്തിൽ ജല വിതരണ പൈപ്പ് പൊട്ടി
Reporter | Kerala Journal 
തൊടുപുഴ നഗരമധ്യത്തിലെ റോട്ടറി ജംഗ്ഷനിൽ വാട്ടർ അതോറിറ്റിയുടെ 110 എംഎം ലൈൻ പൈപ്പ് പൊട്ടി.
നഗരമധ്യത്തില് പൈപ്പ് പൊട്ടിയതിനെത്തുടർന്ന് കുടിവെള്ള വിതരണവും മുടങ്ങി.
ഏഴടിയോളം ഉയരത്തിൽ വെള്ളം ചീറ്റിത്തെറിച്ച് യാത്രക്കാരും വാഹനങ്ങളും നനഞ്ഞു.ഈ സമയം ഇതുവഴി കടന്നുപോയ സ്കൂള് വാഹനങ്ങളിലേക്കും വെള്ളം തെറിച്ചു.
ജലവിതരണം പൈപ്പ് പൊട്ടിയതിനെത്തുടർന്ന് നഗരത്തിൽ അരമണിക്കൂറിലേറെ ഗതാഗത തടസ്സവും നേരിട്ടു.
സമീപവാസികളും ഓട്ടോ തൊഴിലാളികളും ഉടൻതന്നെ അധികൃതരെ വിളിച്ചറിയിച്ചെങ്കിലും ഏറെ വൈകിയാണ് വൈകിയാണ് പ്രശ്നം പരിഹരിച്ചത് എന്ന ആക്ഷേപവും ഉയർന്നിട്ടുണ്ട്.
