മന്ത്രിസഭയുടെ അനുമതിയോടെ സംസ്ഥാനത്ത് പ്രവർത്തനം ആരംഭിച്ച അഞ്ച് സർക്കാർ നഴ്സിംഗ് കോളേജുകൾക്കും തിരുവനന്തപുരം നഴ്സിംഗ് കോളേജ്-അനക്സിനുമായി പുതിയ അധ്യാപക തസ്തികകൾ സ്ഥാപിക്കുന്നു.

ആകെ പതിമൂന്ന് തസ്തികകളാണ് സൃഷ്ടിക്കുക. ഇതിൽ ഏഴ് അസിസ്റ്റന്റ് പ്രൊഫസർ തസ്തികകളും, ആറു അസോസിയേറ്റ് പ്രൊഫസർ തസ്തികകളും ഉൾപ്പെടും.

പത്തനംതിട്ട, ഇടുക്കി, പാലക്കാട്, വയനാട്, കാസർഗോഡ് ജില്ലകളിലെ ഓരോ കോളേജിനും അസിസ്റ്റന്റ് പ്രൊഫസറും, അസോസിയേറ്റ് പ്രൊഫസറും വീതം അനുവദിക്കും.തിരുവനന്തപുരം അനക്സിൽ രണ്ട് അസിസ്റ്റന്റ് പ്രൊഫസർ, ഒരു അസോസിയേറ്റ് പ്രൊഫസർ തസ്തികകളും കൂടി ഉണ്ടായിരിക്കും.

നിയമന പ്രക്രിയ വേഗത്തിൽ പൂർത്തിയാക്കുമെന്ന് ആരോഗ്യമന്ത്രി വീണാ ജോർജ് വ്യക്തമാക്കി.കൂടാതെ, കഴിഞ്ഞ വർഷം മാത്രം സർക്കാർ മേഖലയിൽ 1020 B.Sc. നഴ്സിംഗ് സീറ്റുകൾ വർധിപ്പിച്ചിട്ടുണ്ടെന്നും, ഇതോടെ ചരിത്രപരമായ മുന്നേറ്റം കൈവരിക്കാൻ കഴിഞ്ഞുവെന്നും മന്ത്രി വ്യക്തമാക്കി.