തമിഴ്നാടിനെ ഇളക്കിമറിച്ച്‌ മധുരയില്‍ നടന്ന തമിഴക വെട്രി കഴകം (ടിവികെ) സമ്മേളനത്തില്‍ നടൻ വിജയ് യുടെ പ്രസംഗം.

എഐഎഡിഎംകെയുടെ വോട്ടുബാങ്ക് ലക്ഷ്യമിട്ട വിജയ്, എംജിആർ സ്ഥാപിച്ച പാർട്ടി എവിടെയാണെന്നും ഇപ്പോള്‍ ആരാണ് നിയന്ത്രിക്കുന്നുവെന്നും ചോദിച്ചു. 2026 ലെ തെരഞ്ഞെടുപ്പില്‍ ആർക്ക് വോട്ട് ചെയ്യണമെന്ന് സാധാരണകാർക്ക് അറിയാമെന്ന് അദ്ദേഹം അവകാശപ്പെട്ടു.

ഡിഎംകെയും ടിവികെയും തമ്മിലാണ് പ്രധാന മത്സരമെന്ന് ആവർത്തിച്ച വിജയ്, എഐഎഡിഎംകെയെ പരോക്ഷമായി വിമർശിക്കുകയും ചെയ്തു.

ബിജെപിയെയും ഡിഎംകെയെയും രൂക്ഷമായി വിമർശിച്ച വിജയ്, 2026ലെ തെരഞ്ഞെടുപ്പില്‍ 234 സീറ്റുകളിലും ടിവികെ മത്സരിക്കുമെന്ന് പ്രഖ്യാപിച്ചു. താനാണ് 234 മണ്ഡലങ്ങളിലെയും സ്ഥാനാ‍ർഥിയെന്നും ആലങ്കാരികമായി പറഞ്ഞു.

ഡിഎംകെ നേതാവ് എം.കെ. സ്റ്റാലിനെ "അങ്കിള്‍" എന്ന് പരിഹസിച്ച വിജയ്, ജനദ്രോഹ നയങ്ങള്‍ പിന്തുടരുന്ന ഡിഎംകെ സർക്കാരിനെ 2026ല്‍ "വീട്ടില്‍ ഇരുത്തും" എന്നും പ്രതിജ്ഞയെടുത്തു. "താമരയിലയില്‍ വെള്ളവും തമിഴ് മക്കളും ഒട്ടില്ല" എന്ന് പറഞ്ഞ് ബിജെപിയെ കടന്നാക്രമിച്ച അദ്ദേഹം, തമിഴ്നാട്ടില്‍ ബിജെപിക്ക് ജനപിന്തുണ ഇല്ലെന്ന് സൂചിപ്പിച്ചു.