അന്താരാഷ്ട്ര ഹാൻഡ്ബോൾ താരം ശിവപ്രസാദിന് സർക്കാർ നിയമനം
Reporter | Kerala Journal 
അന്താരാഷ്ട്ര ഹാൻഡ്ബോൾ താരവും കേരള ഹാൻഡ്ബോൾ ടീമിന്റെ മുൻ ക്യാപ്റ്റനുമായ ശ്രീ ശിവപ്രസാദിന് കായികരംഗത്തെ സംഭാവനകൾ പരിഗണിച്ച് സംസ്ഥാന സർക്കാർ പൊതുവിദ്യാഭ്യാസ വകുപ്പിൽ ഫിസിക്കൽ എഡ്യൂക്കേഷൻ അധ്യാപകനായി നിയമനം നൽകി.
കായിക താരങ്ങൾക്ക് സർക്കാർ ജോലി നൽകുന്ന സംസ്ഥാന സർക്കാരിന്റെ പ്രത്യേക നയത്തിന്റെ ഭാഗമായിട്ടാണ് നിയമനം.
പാറശാല നിയോജക മണ്ഡലത്തിലെ ധനുവച്ചപുരം എൻ.കെ.എം ഗവൺമെന്റ് ഹയർ സെക്കൻഡറി സ്കൂളിലാണ് ശിവപ്രസാദ് ചുമതലയേൽക്കുന്നത്.
