1923 ഒക്ടോബർ 20 – ആലപ്പുഴ ജില്ലയിലെ പുന്നപ്രയിലെ വേലിക്കകത്ത് വീട്ടിൽ ജനനം.

മാതാപിതാക്കൾ: ശങ്കരൻ, അക്കമ്മ.

അനിഴം നക്ഷത്രം, തുലാമാസം.

4-ാം വയസ്സിൽ അമ്മ മരിച്ചും 11-ാം വയസ്സിൽ അച്ഛൻ മരിച്ചും പോയതോടെ അച്ഛന്റെ സഹോദരിയാണ് അച്യുതാനന്ദനെ വളർത്തിയത്.

1930കൾ – ബാല്യവും തൊഴിലും

പഠനം ഏഴാം ക്ലാസിൽ നിർത്തി.

ജ്യേഷ്ഠൻ ഗംഗാധരൻറെ സഹായിയായി ജൗളിക്കടയിലും പിന്നീട് കയർ ഫാക്ടറിയിലും ജോലി.നാട്ടിൽ നിവർത്തന പ്രക്ഷോഭങ്ങൾ പുരോഗമിക്കുന്ന കാലഘട്ടം.

1938 – രാഷ്ട്രീയ പ്രവേശനം

സ്റ്റേറ്റ് കോൺഗ്രസിൽ അംഗമായി, പ്രക്ഷോഭങ്ങളിൽ പങ്കാളിത്തം.പ്രഭാഷണങ്ങളിൽ നിന്ന് പ്രചോദനം നേടി രാഷ്ട്രീയത്തിലേക്ക് കടന്നു.

1940 – കമ്മ്യൂണിസ്റ്റ് പാർട്ടിയിൽ ചേർക്കൽ

സി.പി.ഐ (കമ്യൂണിസ്റ്റ് പാർട്ടി ഓഫ് ഇന്ത്യ) അംഗമാകുന്നു.നേതാവായ പി. കൃഷ്ണപിള്ളയുടെ നിർദേശപ്രകാരം കുട്ടനാട്ടിലെ കർഷക തൊഴിലാളികളിലേയ്ക്ക് പോസ്റ്റുചെയ്തു.

പുന്നപ്ര-വയലാർ സമരത്തിൽ പങ്കെടുത്തു

1946-1950 – ജയിലുവാസം

പുന്നപ്ര-വയലാർ സമരത്തെ തുടർന്ന് ഒളിവിൽ പോയി അറസ്റ്റ് ചെയ്യപ്പെട്ടു. ലോക്കപ്പിൽ ക്രൂര മർദ്ദനത്തിനിരയായി.

4 വർഷം പൂജപ്പുര സെൻട്രൽ ജയിലിൽ തടവിൽ.

1952 – പാർട്ടി നേതൃത്വത്തിലേക്ക് കടന്നുവരവ്

1952 – ആലപ്പുഴ ഡിവിഷൻ സെക്രട്ടറി.

1954 – പാർട്ടി സംസ്ഥാന കമ്മിറ്റി അംഗം.

1956 – ആലപ്പുഴ ജില്ലാ സെക്രട്ടറി, സംസ്ഥാന സെക്രട്ടേറിയറ്റ് അംഗം.

1959 – ദേശീയ തലത്തിലേക്ക്

1959 – സി.പി.ഐ ദേശീയ കൗൺസിൽ അംഗം.

1964 – സി.പി.ഐ – സി.പി.എം വിഭജനം

പാർട്ടി വിഭജിക്കപ്പെടുന്നു.

വി.എസ്. സി.പി.എം രൂപീകരിക്കുന്ന ഏഴു കേരള നേതാക്കളിൽ ഒരാളായി മാറുന്നു.

സി.പി.എം ആലപ്പുഴ ജില്ലാ കമ്മറ്റിയുടെ ആദ്യ ജില്ലാ സെക്രട്ടറി (1964–1970).

1980–1991 – സംസ്ഥാന സെക്രട്ടറി

1980–1991 – മൂന്ന് തവണ സി.പി.എം സംസ്ഥാന സെക്രട്ടറി.

1986–2009 – പൊളിറ്റ് ബ്യൂറോ അംഗം

23 വർഷം സി.പി.എം പൊളിറ്റ് ബ്യൂറോയിൽ സേവനം.

1965–2016 – നിയമസഭാ തിരഞ്ഞെടുപ്പുകൾ

10 തവണ നിയമസഭാ തിരഞ്ഞെടുപ്പിൽ മത്സരിച്ചു.

അതിൽ 7 തവണ വിജയിച്ചു.

1992–1996, 2001–2006, 2011–2016 – പ്രതിപക്ഷ നേതാവ്.

1998–2001 – ഇടതുമുന്നണിയുടെ കൺവീനർ.

2006 – കേരള മുഖ്യമന്ത്രി

2006 – വൻ ഭൂരിപക്ഷത്തോടെയാണ് എൽ.ഡി.എഫ് വിജയിച്ചത്.

2006 മെയ് 18 – കേരളത്തിൻ്റെ 11-ാമത്തെ മുഖ്യമന്ത്രിയായി വി.എസ്. സത്യപ്രതിജ്ഞ ചെയ്തു.

83-ആം വയസ്സിൽ പദം ഏറ്റെടുത്ത് കേരളത്തിലെ ഏറ്റവും പ്രായമുള്ള മുഖ്യമന്ത്രിയായി ചരിത്രം കുറിച്ചു.

2006–2011 – ഭരണകാലത്തെ പ്രധാന പ്രവർത്തനങ്ങൾ

ഓപ്പറേഷൻ മൂന്നാർ – അനധികൃത കയ്യേറ്റങ്ങൾക്കെതിരെ ശക്തമായ നടപടികൾ.

സ്മാർട്ട് സിറ്റി കരാർ പുനപരിശോധിച്ച് നടപ്പാക്കൽ.വനം കയ്യേറ്റം, മണൽ മാഫിയ, അഴിമതി എന്നിവയ്ക്കെതിരെ ശക്തമായ നിലപാട്.ജനങ്ങളിലേക്ക് മുഖം തിരിച്ച നിഷ്കളങ്ക ഭരണശൈലി.

2011 – രാഷ്ട്രീയജീവിതം തുടരും

2011-ലെ തിരഞ്ഞെടുപ്പിൽ വിജയം നേടിയെങ്കിലും എൽ.ഡി.എഫ് ഭരിക്കാൻ പര്യാപ്ത ഭൂരിപക്ഷം നേടി കിട്ടിയില്ല.

പ്രതിപക്ഷ നേതാവായി ശക്തമായ ഇടപെടലുകൾ.

2016-ൽ അവസാനമായി തിരഞ്ഞെടുപ്പിൽ വിജയിച്ചു.

മന്ത്രിയായത് ഒരു തവണ മാത്രം, അതും മുഖ്യമന്ത്രി ആയി.നിലപാടുകളിൽ ഉറച്ച, അഴിമതിക്കെതിരായ പോരാളി എന്ന നിലയിൽ ജനഹൃദയങ്ങളിൽ സ്ഥാനം പിടിച്ചു.