ലേബർ കോഡുകളിലെ അപര്യാപ്തതകൾ പരിഹരിക്കണം: ബി.എം.എസ് നിവേദനം നൽകി.
Reporter | Kerala Journal 
ഇടുക്കി: കേന്ദ്ര സർക്കാർ നടപ്പാക്കിയ ലേബർ കോഡുകളിലെ അപര്യാപ്തതകൾ പരിഹരിക്കണമെന്ന് ആവശ്യപ്പെട്ട് ബി.എം.എസ് ജില്ലാ ഘടകം ജില്ലാ കളക്ടർ ഡോ. ദിനേശൻ ചെറുവാട്ടിന് നിവേദനം നൽകി.
ലേബർ കോഡിലെ ചില വിഷയങ്ങളിലാണ് സംഘടനയ്ക്ക് അഭിപ്രായ വ്യത്യാസമുണ്ടെന്നും അവ ചൂണ്ടിക്കാട്ടിയാണ് നിവേദനം സമർപ്പിച്ചതെന്നും നേതാക്കൾ അറിയിച്ചു. ജില്ലാ കളക്ടർ മുഖേന വിഷയം പ്രധാനമന്ത്രിയുടെ ശ്രദ്ധയിൽപ്പെടുത്തുന്നതിനായാണ് നിവേദനം നൽകിയത്.
ജില്ലാ പ്രസിഡന്റ് എം.പി. റെജികുമാർ, സെക്രട്ടറി കെ.സി. സിനീഷ് കുമാർ, സംസ്ഥാന സമിതി അംഗങ്ങളായ ബി. വിജയൻ, വി.എൻ. രവീന്ദ്രൻ എന്നിവരുടെ നേതൃത്വത്തിലാണ് നിവേദനം സമർപ്പിച്ചത്.
