വെളിച്ചെണ്ണ വില കുറയ്ക്കും: വ്യാപാരികൾ സമ്മതിച്ചു – ഭക്ഷ്യമന്ത്രി
Reporter | Kerala Journal 
തിരുവനന്തപുരം: വെളിച്ചെണ്ണയുടെ വില കുറയ്ക്കാൻ വ്യാപാരികൾ സമ്മതിച്ചതായി ഭക്ഷ്യമന്ത്രി ജി.ആർ. അനിൽ അറിയിച്ചു. കൊച്ചിയിൽ വ്യാപാരികളുമായി നടത്തിയ യോഗത്തിനുശേഷമാണ് മന്ത്രി ഇതുസംബന്ധിച്ച വിശദീകരണവുമായി രംഗത്തെത്തിയത്.
കേരളത്തിലെ വെളിച്ചെണ്ണ ഉൽപാദനം വർദ്ധിപ്പിക്കാൻ ശ്രമങ്ങൾ നടക്കുന്നതായും, കേരഫെഡ് അടക്കമുള്ള പൊതുമേഖലാ സ്ഥാപനങ്ങളുമായി ഇതുമായി ബന്ധപ്പെട്ട് ചർച്ചകൾ തുടരുമെന്നും അദ്ദേഹം അറിയിച്ചു.
മായം ചേർത്ത എണ്ണ വിപണിയിൽ എത്തുന്നത് തടയാൻ കർശന പരിശോധനകളും നടപടികളും സ്വീകരിക്കുമെന്നും മന്ത്രി ജി.ആർ. അനിൽ വ്യക്തമാക്കി. വ്യാപാരയോഗത്തിൽ വ്യവസായമന്ത്രി പി. രാജീവ് എന്നിവർ പങ്കെടുത്തു.
