കോട്ടയം: മഹാത്മാഗാന്ധി സർവകലാശാലയ്ക്ക് കീഴിലുള്ള അഫിലിയേറ്റഡ് കോളേജുകളിലെ 2026-27 അധ്യയന വർഷത്തെ ബിരുദ, ബിരുദാനന്തര കോഴ്‌സുകളിലേക്കുള്ള സെൻട്രലൈസ്ഡ് അലോട്ട്മെന്റ് പ്രോസസ് (ക്യാപ്) മുഖേന നടത്തുന്ന ബിരുദ കോഴ്‌സുകളിലേക്കുള്ള ഓൺലൈൻ അപേക്ഷ സമർപ്പിക്കാനുള്ള അവസാന തീയതി ഇന്ന് ജൂൺ 10 ആണ്. നേരത്തെ ജൂൺ 6 ന് അവസാന തീയതി എന്ന് പറഞ്ഞു എങ്കിലും ജൂൺ 10 വരെ തീയതി നീട്ടുകയായിരുന്നു

സർവകലാശാലയുടെ കീഴിലുള്ള ആർട്സ്, സയൻസ് ഉൾപ്പെടെയുള്ള വിവിധ അഫിലിയേറ്റഡ് കോളേജുകളിലെ പ്രവേശനം ക്യാപ് സംവിധാനത്തിലൂടെയാണ് നടക്കുന്നത്. ഇതുവരെ അപേക്ഷ സമർപ്പിക്കാത്ത യോഗ്യരായ വിദ്യാർഥികൾ അവസാന തീയതിക്ക് മുമ്പ് അപേക്ഷ നൽകണമെന്ന് സർവകലാശാല അധികൃതർ അറിയിച്ചു.

അപേക്ഷ സമർപ്പിക്കുന്നതിനും പ്രവേശനവുമായി ബന്ധപ്പെട്ട കൂടുതൽ വിവരങ്ങൾ അറിയുന്നതിനുമായി സർവകലാശാലയുടെ ഔദ്യോഗിക പ്രവേശന പോർട്ടൽ സന്ദർശിക്കാവുന്നതാണ്. വിദ്യാർഥികൾ അവസാന ദിവസത്തെ തിരക്ക് ഒഴിവാക്കി നേരത്തേ അപേക്ഷ സമർപ്പിക്കാൻ ശ്രദ്ധിക്കണമെന്നും അധികൃതർ നിർദേശിച്ചു.