പ്രൊഫസർ എം കെ സാനു ഓർമയായി
Reporter | Kerala Journal 
കൊച്ചി: പ്രശസ്ത സാഹിത്യകാരനും അധ്യാപകനുമായ പ്രൊഫസർ എം കെ സാനു അന്തരിച്ചു. മലയാള ഭാഷയ്ക്ക് അതുല്യമായ സംഭാവനകൾ നൽകിയ സാനു മാസ്റ്റർ ആഴമുള്ള വിവേചനബോധത്തിന്റെയും സാമൂഹിക പ്രതിബദ്ധതയുടെയും പ്രതീകമായിരുന്നു.
ആരോഗ്യ പ്രശ്നങ്ങളെ തുടര്ന്ന് കൊച്ചിയിലെ സ്വകാര്യ ആശുപത്രിയില് ചികിത്സയിലിരിക്കെയാണ് അന്ത്യം.കഴിഞ്ഞ ആഴ്ച വീണതിനെ തുടര്ന്നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. വീഴ്ച്ചയില് വലതു തുടയെല്ലിന് പൊട്ടല് സംഭവിച്ചിരുന്നു. ഹൃദയസംബന്ധമായ പ്രശ്നങ്ങള്, ന്യൂമോണിയ, പ്രമേഹം എന്നിവ അലട്ടിയിരുന്നതായും സ്വകാര്യ ആശുപത്രിയുടെ മെഡിക്കല് ബുള്ളറ്റിനില് അറിയിച്ചിരുന്നു.
