മഞ്ചേരി പൊലീസ് അതിക്രമം : ഉദ്യോഗസ്ഥന് സസ്പെൻഷൻ
Reporter | Kerala Journal 
മഞ്ചേരിയിൽ വാഹനപരിശോധനയ്ക്കിടെ യുവാവിനെ മർദ്ദിച്ച പൊലീസുകാരനെ സസ്പെൻഡ് ചെയ്തു. ട്രാഫിക് യൂണിറ്റിലെ ഡ്രൈവർ നൗഷാദിനെയാണ് മലപ്പുറം ജില്ലാ പോലീസ് മേധാവി ആർ. വിശ്വനാഥ് അന്വേഷണ വിധേയമായി സസ്പെൻഡ് ചെയ്തത്.
.jpg)
മർദനം ലഭിച്ചത് പൈത്തിനിപ്പറമ്പ് സ്വദേശി ജാഫറിനാണ്. പിഴയെ കുറിച്ചുണ്ടായ തർക്കത്തെ തുടർന്നാണ് ആക്രമണം നടന്നത്. ചോദ്യം ചെയ്തതിൽ പൊലീസുകാരൻ മുഖത്ത് അടിച്ചെന്നും ഫോൺ പിടിച്ചെടുത്തെന്നും സ്റ്റേഷനിൽ കൊണ്ടുപോയി വീണ്ടും മർദ്ദിച്ചതായും ജാഫർ പറഞ്ഞു.
മർദനദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെ സംഭവം വിവാദമായി. പൊലീസ് അതിക്രമത്തെതിരെ വ്യാപക പ്രതിഷേധം ഉയർന്നിട്ടുണ്ട്. കൂടുതൽ അന്വേഷണത്തിന് നിർദ്ദേശം നൽകിയതായി ഉദ്യോഗസ്ഥർ അറിയിച്ചു.
