വാർഷിക ടോള്‍ പാസ് പദ്ധതി ഓഗസ്റ്റ് 15 മുതല്‍
പാസ് വാങ്ങുന്ന വാഹന ഉടമകള്‍ക്ക്, ഒരു വർഷത്തേക്ക് ടോളില്‍ വലിയ തുക നല്‍കേണ്ടി വരില്ല
Reporter | Kerala Journal 
റോഡ് ഗതാഗത, ഹൈവേ മന്ത്രി നിതിൻ ഗഡ്കരി പ്രഖ്യാപിച്ച വാർഷിക ഫാസ്റ്റ് ടാഗ് പാസ് 3,000 രൂപയ്ക്ക് ലഭിക്കും. കാറുകൾ, ജീപ്പുകൾ, വാനുകൾ തുടങ്ങിയ സ്വകാര്യ വാഹനങ്ങൾക്ക് മാത്രമുള്ള ഈ പാസിൽ 200 ടോൾ യാത്രകൾ ഉൾപ്പെടും.
ഒരോ യാത്രയ്ക്കും വെറും 15 രൂപ മാത്രമേ ചെലവാകൂ. പുതിയ ടാഗ് വാങ്ങേണ്ടതില്ല; നിലവിലുള്ള ഫാസ്റ്റ് ടാഗിൽ തന്നെ ആക്ടിവേറ്റ് ചെയ്യും. നാഷണൽ ഹൈവേ, എക്സ്പ്രസ് വേ എന്നിവിടങ്ങളിലെ എൻ‌എച്ച്‌എഐ നിയന്ത്രിത ടോൾ പ്ലാസകളിൽ മാത്രം ബാധകം.
‘രാജ്മാർഗ്യാത്ര’ മൊബൈൽ ആപ്പിലൂടെയോ എൻ‌എച്ച്‌എഐ പോർട്ടലിലൂടെയോ ആക്ടിവേറ്റ് ചെയ്യാം. നിലവിൽ ഏകദേശം ₹10,000 ചെലവാകുന്ന യാത്രകൾ പുതിയ പാസിലൂടെ ₹7,000 വരെ ലാഭകരമാകും.
